पुणे- शहरातील साडेसहा टीएमसी पाणीकपात करण्याच्या जलसंपदा विभागाच्या आदेशाचा शिवसेनेकडून तीव्र विरोध करण्यात येत आहे. यापार्श्वभूमीवर शिवसेना गटनेते संजय भोसले यांच्या नेतृत्वाखाली हंडा आणि घंटानाद आंदोलन करण्यात आले. महापालिकेत मोठ्या संख्येने हंडा घेऊन महिला सहभागी झाल्या होत्या.
यावेळी गटनेते संजय भोसले म्हणाले की, राज्य शासनाने पुणे महापालिकेला २०२१ पर्यंत वार्षिक ११.५० टीएमसी पाणी मंजूर केले आहे. आता महापालिका हद्दीमध्ये ११ गावांचा समावेश झाल्याने पाण्याची मागणी आणखी वाढली आहे. सरकार आणि प्रशासनाने पाणी कपात केल्यास शिवसेना तीव्र आंदोलन उभारेल, असा इशारा त्यांनी दिला.

शहराला अतिरिक्त पाणीपुरवठा होत असल्याने जिल्ह्य़ाच्या ग्रामीण भागाला आणि शेतीला पाणी मिळत नसल्याचे सांगून वार्षिक १६ टीएमसी पाणी वापरणाऱ्या पुणे महापालिकेच्या पाणीवाटपात तब्बल साडेसहा टीएमसीने कपात करण्याचे आदेश जलसंपदा विभागाने दिले आहेत. त्यानुसार शहराला वार्षिक ८.९९ टीएमसी पाणी मिळणार असल्याचे स्पष्ट झाले आहे. तसेच आदेशाची अंमलबजावणी न केल्यास दंडाची आकारणी करण्याचा इशाराही जलसंपदा विभागाने पालिकेला दिला आहे.

पुणे- कारा इंटलेक्ट यांच्या व्यवस्थापन आणि संकल्पनेतून व पीवायसी हिंदू जिमखाना यांच्या संलग्नतेने आयोजित  इंडो शॉटले पीपीएल क्रिकेट 2017 स्पर्धेत रोहन दामले(92धावा)याच्या धडाकेबाज फलंदाजीच्या जोरावर टायगर्स संघाने एनएच वुल्स संघाचा 60धावांनी दारुण पराभव करत विजेतेपद संपादन केले.

पीवायसी हिंदू जिमखाना क्रिकेट मैदानावर पार पडलेल्या या स्पर्धेत अंतिम फेरीच्या लढतीत प्रथम फलंदाजी करताना टायगर्स संघाने 6षटकात बिनबाद 110धावांचा डोंगर उभा केला. यात रोहन दामलेने 26 चेंडूत 3चौकार व 11 षटकारांच्या मदतीने नाबाद 92 धावांची तडाखेबंद खेळी केली. रोहन दामलेला अभिषेक ताम्हाणेने नाबाद 13 धावा करून सुरेख साथ दिली. रोहन दामले(92धावा) व अभिषेक ताम्हाणे(13धावा) या सलामीच्या जोडीने  36 चेंडूत 110 धावांची भागीदारी केली. 110धावांचे आव्हान घेऊन मैदानात उतरलेल्या एनएच वुल्स संघाला हे आव्हान पेलवले नाही. त्यांचा डाव 6षटकात 3बाद 50धावावर गारद झाला. यात अभिषेक परमार 16, नाहुश जाधव 15, प्रशांत वैद्य 11यांनी थोडासा प्रतिकार केला. टायगर्सकडून अभिषेक ताम्हाणे(1-2), प्रतीक वांगीकर(1-2), अभिषेक गोडबोले(1-15) यांनी शिस्तबद्ध गोलंदाजी करत संघाच्या विजयात मोलाचा वाटा उचलला. सामनावीर हा ‘किताब रोहन दामले याला देण्यात आला.

महिला गटात अंतिम फेरीच्या सामन्यात प्रीती मराठेच्या उपयुक्त 25धावांच्या जोरावर पिंक संघाने ब्लु संघाचा 17धावांनी पराभव करून विजेतेपद पटकावले.

स्पर्धेतील विजेत्या संघाला स्वर्गीय ज्ञानेश्वर आगाशे करंडक प्रदान करण्यात आला. स्पर्धेचे पारितोषिक वितरण इंडो शॉटलेचे अनिल जलिहाल, इंडो शॉटलेचे संचालक अशोक बेहेरे, पीवायसी हिंदू जिमखाना क्लबचे अध्यक्ष विजय भावे यांच्या हस्ते करण्यात आले. यावेळी क्लबचे मानद सचिव कुमार ताम्हाणे, क्लबच्या क्रिकेट विभागाचे सचिव राजू भालेकर, ब्रिहंसचे मंदार आगाशे, होडेकचे अभिजित खानविलकर, एमसीएचे अध्यक्ष अभय आपटे, कारा इंटलेक्टचे रणजित पांडे आदी मान्यवर उपस्थित होते.

स्पर्धेचा सविस्तर निकाल: अंतिम फेरी:
टायगर्स: 6षटकात बिनबाद 110धावा(रोहन दामले नाबाद 92(26, 3चौकार, 11षटकार), अभिषेक ताम्हाणे 13(12, 1षटकार)वि.वि. एनएच वुल्स: 6षटकात 3बाद 50धावा(अभिषेक परमार 16(7, 2षटकार), नाहुश जाधव 15( 6, 2षटकार), प्रशांत वैद्य 11(14, 1षटकार), अभिषेक ताम्हाणे 1-2, प्रतीक वांगीकर 1-2, अभिषेक गोडबोले 1-15);सामनावीर-रोहन दामले.

महिला गट:
पिंक संघ: 6षटकात 3बाद 55धावा(प्रीती मराठे नाबाद 25(15, 4चौकार), भाग्यश्री देशपांडे नाबाद 15(10, 2चौकार), दीप्ती सरदेसाई 3) वि.वि. ब्लु संघ: 6षटकात 3बाद 28धावा(अंकिता 12(9, 1चौकार), साधना नाबाद 9(6, 1चौकार), दीप्ती सरदेसाई 1-1); सामनावीर-प्रीती मराठे.

इतर पारितोषिके

सर्वोत्कृष्ट फलंदाज: अभिषेक परमार(236धावा)
सर्वोत्कृष्ट गोलंदाज: अभिषेक ताम्हणे(8विकेट्स)
मालिकावीर: रोहन दामले(321 धावा)
मोस्ट डिसिप्लिन टीम: जेपी शार्कस;
मोस्ट स्पोर्टींग टीम: रेड बुल्स;
मोस्ट व्हॅल्युएबल सिनिअर प्लेयर:विक्रांत पाटील;
मोस्ट व्हॅल्युएबल ज्युनिअर प्लेयर: नील हळबे;
सर्वोत्कृष्ट क्षेत्ररक्षक: आशिष राठी;
सर्वोत्कृष्ट यष्टीरक्षक: मनिष साबडे;
मोस्ट इम्पॅक्ट प्लेयर: श्रेयश वर्तक((203धावा, 4विकेट्स)

पुणे,दि.13 नोव्हेंबर 2017- आयडीयाज्‌ अ सास कंपनी यांच्या तर्फे स्वर्गीय अंकुर जोगळेकर यांच्या स्मरणार्थ 14व्या अंकुर जोगळेकर मेमोरियल आंतर आयटी क्रिकेट  2017-18 स्पर्धेत यार्डी संघाने गालाघर संघाचा तर अॅटॉस्‌ संघाने सॉफ्टहार्ड ऑटोमेशन संघाचा पराभव करत उद्घाटनाचा दिवस गाजवला.

पुना क्लब क्रिकेट मौदानावर सुरू असलेल्या या स्पर्धेत साखळी फेरीत सलामीच्या लढतीत विघ्नेश मोहन नाबाद अर्धशतकी खेळीच्या बळावर अॅटॉस्‌ संघाने सॉफ्टहार्ड ऑटोमेशन संघाचा 6 गडी राखून पराभव केला. पहिल्यांदा खेळताना सॉफ्टहार्ड ऑटोमेशन संघाने दोन चेंडू बाकी असताना 19.4 षटकात सर्वबाद 135 धावा केल्या. यात शंतनु बुट्टे पाटीलने 38 धावा करून संघाच्या डावाला आकार दिला. 135 धावांचे लक्ष विघ्नेश मोहनच्या नाबाद 55 तर आनंद सावंतच्या 47 धावांच्या जोरावर अॅटॉस्‌ संघाने केवळ 17.5 षटकात 4 बाद 136 धावांसह पुर्ण करत विजयी सलामी दिली. विघ्नेश मोहन सामनावीर ठरला.

दुस-या लढतीत स्वप्निल घाटगेच्या 76 धावांच्या जोरावर यार्डी संघाने गालाघर संघाचा 83 धावांनी दणदणीत पराभव केला. पहिल्यांदा खेळताना यार्डी संघाने 20 षटकात सर्वबाद 190 धावा केल्या. यात तरूण नोटानी याने 38  धावा करून स्वप्निलला सुरेख साथ दिली. 190 धावांच्या आव्हानाचा पाठलाग करताना अंकित राव, गौतम तुळपुळे व जीवन गोसावी यांच्या अचूक गोलंदाजीपुढे गालाघरसंघाचा डाव 20 षटकात 9 बाद 107 धावांत गोरद झाला. स्वप्निल घाटगे सामनावीर ठरला.

स्पर्धेचे उद्घाटन आयडीयाज्‌ अ सास इंडियाचे संचालक प्रशांत केएस यांच्या हस्ते करण्यात आले. यावेळी आयडीयाज्‌ अ सास इंडियाचे माजी संचालक व उपाध्यक्ष राजीव नाशिककर, अंकुर जोगळेकर मेमोरीअल फाऊंडेशनचे उपअध्यक्ष विजय जोगळेकर, आयडीयाज्‌ अ सास इंडियाच्या फायनान्स् हेड मल्लिका जेम्स् आदी मान्यवर उपस्थित होते.

स्पर्धेचा सविस्तर निकाल- साखळी फेरी

सॉफ्टहार्ड ऑटोमेशन- 19.4 षटकात सर्वबाद 135 धावा(शंतनु बुट्टे पाटील 38, प्रफुल्ल मानकर 26, स्वप्निल चिखले 21, विघ्नेश मोहन 3-24, ईशान नारंग 4-29) पराभूत वि अॅटॉस्‌– 17.5 षटकात 4 बाद 136 धावा(आनंद सावंत 47, विघ्नेश मोहन नाबाद 55, गिरिष ओक 3-14) सामनावीर- विघ्नेश मोहन

अॅटॉस्‌ संघाने 6 गडी राखून सामना जिंकला.

यार्डी- 20 षटकात सर्वबाद 190 धावा(स्वप्निल घाटगे 76, तरूण नोटानी 38, जीवन गोसावी 26, सिध्दार्थ शर्मा 2-43, गौरव बाजपई 2-36) वि.वि गालाघर- 20 षटकात 9 बाद 107 धावा(तन्मय आचार्य21, अंकित राव 3-14, गौतम तुळपुळे 2-18, जीवन गोसावी 2-19) सामनावीर- स्वप्निल घाटगे

यार्डी संघाने 83 धावांनी सामना जिंकला.

pune-लहुजी महासंघ पर्वती विधानसभा मतदारसंघाच्यावतीने, क्रांतीगुरू लहुजी वस्ताद साळवे यांच्यां २२३ व्या जयंतीनिमित्त भव्य रक्तदान शिबीर आयोजन करण्यात आले होते . पर्वतीमधील सहयाद्री मैदानावर कार्यक्रमाला स्वारगेट पोलीस ठाण्याचे सहाय्यक पोलीस आयुक्त डॉ. शिवाजीराव पवार , नगरसेविका  सरस्वती शेंडगे,   स्मिता वस्ते , नगरसेवक  धीरज घाटे, योगेश समेळ , लहुजी महासंघाचे संस्थापक अध्यक्ष प्रकाश  वैराळ,  लहुजी शक्ती सेनेचे संस्थापक अध्यक्ष विष्णू कसबे , लहुजी समता परिषदेचे अध्यक्ष अनिल हातागळे , लहुजी साळवे राष्ट्रीय स्मारक समितीचे स्वागताध्यक्ष सुनीलभाऊ खंडाळे ,  मनोज तोरडमल, गणेश क्षीरसागर, मा. राजाभाऊ शेळके , सचिन जोगदंड , स्वाभिमान संघटनेचे  पुणे शहर अध्यक्ष  सुधीर आण्णा शिंदे , श्री शिवाजी मित्र मंडळाचे अध्यक्ष प्रशांत क्षीरसागर ,अंबरचंदजी मुनोत शिक्षण संस्थेचे सचिव निखिल मुनोत  आदी मान्यवर उपस्थित होते.

          कार्यक्रमाचे संयोजन लहुजी महासंघाचे पर्वती मतदार संघाचे अध्यक्ष मंगेश जाधव, संदीप दसवडकर , बाळासाहेब मोहिते , मालती अवघडे , अश्विन दोडके , अरविंद वाघमारे , राजू चांदणे , अतिश कापसे , सुमित अडागळे , संतोष सरोदे , गणेश लांडगे आदींनी केले .

          या रक्तदान शिबिरासाठी के. इ. एम. रुग्णालयाच्या रक्तपेढीने विशेष सहकार्य केले .रक्तपेढीचे प्रमुख  डॉ. किशोर धुमाळ यांनी विशेष सहकार्य केले . रक्तदान करणाऱ्याना वृक्ष , प्रमाणपत्र व अल्पोपहार देण्यात आला . 

पुणे – डेक्कन एज्युकेशन सोसायटीच्या न्यू इंग्लिश स्कूल टिळक रोडचा ‘अहमं भारत विभाग’ आणि ‘लक्ष्य फाउंडेशन’च्या वतीने विविध क्षेत्रातील नामवंत व्यक्तिंसमवेत परिवर्तनाच्या विचारांच्या व्याख्यानांचे आयोजन करण्यात आले होते. मुलांमध्ये देशाभिमान व सैनिकांप्रती आदराची भावना वाढीस लागावल या उद्देशाने कार्यक‘माचे आयोजन करण्यात आले होते
सैन्यात भरती होण्यासाठी धैर्य, श्रध्दा, बांधिलकी, शिस्त, समर्पण, दृढनिश्‍चय आणि वाहून घेण्याची वृत्ती हे गुण विद्यार्थ्यांनी वृध्दिंगत करावेत असे आवाहन लेफ्टनंट जनरल विनायक पाटणकर यांनी यावेळी केले. मु‘याध्यापक नागेश मोने अध्यक्षस्थानी होते.
दोन दिवसांच्या या कार्यक‘मात कर्नल पराग मोडक यानी श्रीनगर, अरुणाचल प्रदेश येथील सैन्य दलातील अनुभव कथन केले. सकारात्मक दृष्टिकोन आणि इंग्रजीचा न्यूनगंड बाळगू नये असे विचार त्यांनी मांडले.
डॉ. आशीष चव्हाण यांनी दृकश्राव्य सादरीकरणातून ‘सलाम मृत्युंजयांना’ या कार्यक‘मात शहीद जवानांची माहिती दिली. अनुराधा प्रभुदेसाई यांनी सैनिकांसोबतच्या आठवणी सांगितल्या. ‘पोलादी शार्क’ हे दृकश्राव्य सादरीकरण गिरीश मंद्रुपकर यांनी आपल्या नौदल सक्षमतेची माहिती दिली.
पुष्कर औरंगाबादकर यांनी ‘मी कीर्तीवंत, यशवंत’ या कार्यक‘मांतर्गत यशस्वीतेचे मंत्र दिले.दुसर्‍या दिवशी कर्नल गौरव दत्ता यांच्याशी अनुराधा प्रभुदेसाई यांनी संवाद साधला. कायद्याचे बोला या विषयावर ऍड. आशिष चव्हाण यांनी माहिती दिली. ‘शक्तीशाली शांतीदूत’ हा कार्यक्रम पुष्कर औरंगाबादकर यांनी सादर केला. शिरीषा साठे यांनी ‘सावरे मना’ हा कार्यक्रम सादर केला.आनंदा पाटील, शैलेश बर्गे, योगेश पाटील, निमिता महाजन, सुरेश वरगंटीवार, शैजजा कोमपिल्ली, प्रियांका भालचिम यांनी संयोजन केले.

केपीआयटी एमएसएलटीए एटीपी चॅलेंजर स्पर्धा

भारताच्या  सिद्धार्थ रावत, एन. विजय सुंदर प्रशांत यांचे आव्हान संपुष्टात 

पुणे, दि.13 नोव्हेंबर 2017- एमएसएलटीए व पीएमडीटीए यांच्या तर्फे आयोजित चौथ्या 50000डॉलर +हॉस्पिटॅलिटी  केपीआयटी एमएसएलटीए एटीपी चॅलेंजर स्पर्धेत भारताच्या  एन.श्रीराम बालाजी याने इजिप्तच्या करिम मोहोमद मामौन तर साकेत मायनेनीने बोस्नियाच्या टोमीस्लाव्ह ब्रेकीक याचा पराभव करत दुस-या फेरीत प्रवेश केला.

एमएसएलटीए स्कुल ऑफ टेनिस, श्री शिवछ्त्रपती क्रीडा संकुल, म्हाळुंगे बालेवाडी येथे सुरू असलेल्या या स्पर्धेत पहिल्या  फेरीत भारताच्या वाइल्ड कार्डद्वारे मुख्य फेरीत प्रवेश केलेल्या भारताच्या  साकेत मायनेनीने बोस्नियाच्या टोमीस्लाव्ह ब्रेकीक याचा 6-3, 4-6, 6-2 असा तीन सेटमध्ये पराभव करून आगेकूच केली. चुरशीच्या झालेल्या लढतीत पहिल्या सेटमध्ये साकेतने सुरेख सुरुवात करत आपल्या बिनतोड सर्व्हिसेसच्या जोरावर टोमीस्लाव्ह ब्रेकीकचा 6-3 असा पराभव करून आघाडी घेतली. दुसऱ्या सेटमध्ये दोन्ही खेळाडूंनी जिगरबाज खेळाचे प्रदर्शन केले. सुरुवातीला दोघांनी आपापल्या सर्व्हिस राखल्या व त्यामुळे सामन्यात 4-4अशी बरोबरी निर्माण झाली. नवव्या गेममध्ये ब्रेकीकने साकेतची सर्व्हिस ब्रेक केली व हा सेट 6-4असा जिंकून सामन्यातील आपले आव्हान कायम राखले. तिसऱ्या व निर्णायक सेटमध्येसाकेतने जबरदस्त पुनरागमन करत टोमीस्लाव्ह ब्रेकिकची पहिल्या व पाचव्या  गेममध्ये  सर्व्हिस भेदली व हा सेट 6-2असा सहज जिंकला व सामन्यावर शिक्कामोर्तब केले. नवव्या मानांकीत कझाकस्तानच्या अॅलेक्झांडर नेदोव्येसोव याच्याकडून भारताच्या वाइल्ड कार्ड मिळालेल्या विष्णु वर्धन याला 3-6, 6-4, 6-7 असा पराभव पत्करावा लागला.

दुहेरी गटात पहिल्या फेरीत भारताच्या सुमित नागल व जपानच्या नाओकी नाकागावा या जोडीने भारताच्या सिध्दांत बांठिया व जयेश पुंगलीया यांचा 7-5, 6-0 असा पराभव केला, तर ग्रेट ब्रिटनच्या ब्रायडन क्लीन व ऑस्ट्रेलीयाच्या मार्क पोलमन्स यांनी सर्बियाच्या पेदजा क्रिस्टीन व तायपेच्या स्तुंग-ह्यु यांग यांचा 7-6, 6-3 असा पराभव केला.

स्पर्धेचा सविस्तर निकाल- अंतिम पात्रता फेरी

काईची उचीडा(जपान, 1) वि.वि अॅलेक्सी पॉपरीन(ऑस्ट्रेलीया, 8) 6-4, 6-2

अॅनटोनी इस्कोफीर(फ्रांस, 3) वि.वि सिद्धार्थ रावत(भारत, 5) 6-2,6-3

हुगो ग्रेनिअर(फ्रांस, 4) वि.वि तिमुर खाबिबुलीन(कझाकस्तान) 6-2, 6-2

बोर्ना गोजो (क्रोटाया) वि.वि एन. विजय सुंदर प्रशांत(भारत,7) 6-1, 6-2

स्पर्धेचा सविस्तर निकाल: एकेरी गट-पहिली फेरी

अॅलेक्झांडर नेदोव्येसोव(कझाकस्तान,9)वि.वि.विष्णु वर्धन(भारत) 3-6, 6-4, 6-7

एन.श्रीराम बालाजी(भारत) वि.वि करिम मोहोमद मामौन(इजिप्त) 6-4, 6-2

साकेत मायनेनी(भारत) वि.वि.टोमीस्लाव्ह ब्रेकीक(बोस्निया)6-3, 4-6, 6-2

जय क्लर्क(ग्रेट ब्रिटन) वि.वि.मारीओ विलेल्ला मार्टीनेझ(स्पेन) 3-6, 6-4, 6-4

दुहेरी गट- पहिली फेरी

ब्रायडन क्लीन(ग्रेट ब्रिटन)/मार्क पोलमन्स(ऑस्ट्रेलीया,2) वि.वि पेदजा क्रिस्टीन (सर्बिया)/स्तुंग-ह्यु यांग(तायपे) 7-6, 6-3

सुमित नागल(भारत)/नाओकी नाकागावा(जपान) वि.वि.सिध्दांत बांठिया(भारत)/ जयेश पुंगलीया(भारत) 7-5, 6-0

पुणे- आमदार प्रा. मेधा कुलकर्णी यांच्या सहकार्याने व नवनाथ शेटे स्पोर्टस्‌ अकादमी तर्फे आयोजित एआयटीए, एमएसएलटीए व पीएमडीटीए यांच्या मान्यतेखाली होत असलेल्या 25000डॉलर पुणे ओपन आयटीएफ महिला अजिंक्यपद टेनिस स्पर्धेत रोमानीयाच्या दुस-या मानांकीत जॅकलीन अदिना क्रिस्टीन हीने दुहेरी गटातील विजेतेपदा बरोबरच एकेरी गटातही विजेतेपद संपादन करत दुहेरी मुकुट संपादन केला.

एमएसएलटीए स्कुल ऑफ टेनिस, श्री शिवछ्त्रपती क्रीडा संकुल, म्हाळुंगे बालेवाडी येथे पार पडलेल्या या स्पर्धेत एकेरी गटात अंतिम फेरीत एक तास अठ्ठेचाळीस मिनिटे रंगलेल्या लढतीत भारतच्या तिस-या मानांकीत कारमान कौर थंडीला रोमानीयाच्या दुस-या मानांकीत जॅकलीन अदिना क्रिस्टीन कडून 6-3, 1-6, 6-0 असा पराभव पत्करावा लागला. चुरशीच्या झालेल्या या सामन्यात पहिल्या सेटमध्ये जॅकलीन अदिना क्रिस्टीनने कारमानची चौथ्या गेममध्ये सर्व्हिस रोखली व हा सेट 6-3 असा जिंकुन आघाडी घेतली. दुस-या सेटमध्ये करमानने आपल्या जबरदस्त सर्व्हिस व आक्रमक खेळीच्या जोरावर हा सेट जॅकलीन विरूध्द 6-1 असा जिंकुन बरोबरी साधली. तिस-या व निर्णायक सेटमध्ये आपल्या अनुभव व कौशल्याचा वापर करत दुस-या चौथ्या गेममध्ये जॅकलीनने करमानची सर्व्हिस भेदली व हा सेट 6-0 असा जिंकुन विजेतेपद संपादन केले. जॅकलीनने ईस्तमबुल येथे 25000डॉलर आयटीएफ स्पर्धेत उपविजेतेपद पटकावले होते.

दुहेरी गटात जॅकलीन अदिना क्रिस्टीनने स्लोवाकीयाच्या तेरेझा मिहालीकोवाच्या साथीत चायनीज तायपेच्या पी-ची ली व रशियाच्या याना सिझीकोवा यांचा 4-6, 6-3, 10-7 असा पराभव करत दुहेरीचे विजेपद पटकावेल.

 या स्पर्धेतील एकेरी गटातील विजेत्या खेळाडूला 3900डॉलर, करंडक व  60डब्लुटीए गुण, उपविजेत्या खेळाडूला 2590 डॉलर, करंडक व 36 डब्लुटीए गुण देण्यात आले. तसेच उपांत्य फेरीतील खेळाडूंना 22 डब्लुटीए गुण, उपांत्यपुर्व फेरीतील खेळाडूला 11 डब्लुटीए गुण, दुसर्‍या फेरीतील खेळाडूला 6 डब्लुटीए गुण आणि पहिल्या फेरीतील खेळाडूला 1 डब्लुटीए गुण देण्यात आला.

दुहेरी गटातील विजेत्या खेळाडूंना करंडक व 50 डब्लुटीए गुण तर उपविजेत्या खेळाडूंना करंडक व 30 डब्लुटीए गुण देण्यात आले.स्पर्धेचे पारितोषिक वितरण माजी आय.पी.एस अधिकारी विक्रम बोके व कोथरूडच्या आमदार प्राचार्य मेधा कुलकर्णी यांच्या हस्ते करण्यात आले. यावेळी एमएसएलटीएचे मानद सचिव सुंदर अय्यर, स्पर्धा संचालक नवनाथ शेटे, नियोजन सचिव अश्विन गिरमे, पुणे ओपन फाऊंडेशनचे सदस्य शिवाजी चौधरी, समिर भांबरे व आयटीएफ सुपरवायझर शितल अय्यर आदी मान्यवर उपस्थित होते.

स्पर्धेचा सविस्तर निकाल- एकेरी गट- उपांत्य फेरी

जॉकलीन अदिना क्रिस्टीन(रोमानीया,2) वि.वि करमान कौर थंडी(भारत,3) 6-3, 1-6, 6-0