–    2030 पर्यंत राज्य ऊर्जाक्षेत्रात स्वयंपूर्ण

–    2022 पर्यंत सर्व कृषीपंपांना सौर ऊर्जा

–    महाऊर्जाच्या नवीन इमारतीचे भूमिपूजन

पुणे, दि. 24 आॅक्टोबर 2018  सौरवीज प्रकल्पामुळे राज्याचा कायापालट होणार असून 2022 पर्यंत संपूर्ण कृषीपंपांना सौरऊर्जेद्वारे वीजपुरवठा करण्यात येणार आहे. त्यायोगे शेतकऱ्यांना दिवसा, स्वस्त व शाश्वत वीज मिळणार असून क्राॅससबसीडीचा भार कमी होणार असल्याने औद्योगिक व वाणिज्यिक स्वस्त होणार असल्याची माहिती राज्याचे ऊर्जा,नवीन व नवीकरणीय ऊर्जामंत्री चंद्रशेखर बावनकुळे यांनी दिली.

महाराष्ट्र ऊर्जा विकास अभिकरण (महाऊर्जा) मुख्यालयाच्या नवीन इमारतीचे भूमिपूजन कार्यक्रमात ते बोलत होते. कार्यक्रमाच्या अध्यक्षस्थानी पालकमंत्री ना. श्री. गिरीश बापट होते तर प्रमुख पाहुणे म्हणून जलसंपदा राज्यमंत्री विजय शिवतारे, खासदार अनिल शिरोळे, आमदार मेधा कुलकर्णी, महाऊर्जाचे महासंचालक आनंद लिमये,अतिरिक्त महासंचालक पुरुषोत्तम जाधव उपस्थित होते.

ऊर्जामंत्री  बावनकुळे म्हणाले की, राज्य भारनियमनमुक्त झाल्यानंतर आता भविष्याच्या दृष्टीने अपारंपारिक ऊर्जेचा अधिकाधिक वापर करणे आवश्यक आहे. त्यासाठी सौरऊर्जा अतिशय महत्वाची आहे. सौरऊर्जेच्या बाबतीत महाराष्ट्राने देशात आघाडी घेतली आहे. सौरऊर्जेच्या माध्यमातून राज्यात मुख्यमंत्री सौरकृषी वाहिनी योजना सुरु झालेली आहे.येत्या वर्षभरात सुमारे 7 लाख 50 हजार कृषीपंपांना या योजनेद्वारे वीजरपुरवठा सुरु होणार आहे. त्याच प्रमाणे राज्यातील 1500 नळपाणी पुरवठा योजना सौरऊर्जेवर सुरु असून यंदा आणखी 2000 योजना लवकरच सौर ऊर्जेवर आणणार असल्याचे त्यांनी सांगितले. सौर ऊर्जेमुळे शाश्वत आणि स्वस्त वीज उपलब्ध होणार आहे. सौर ऊर्जेचे दर कृषीपंपांसाठी 2 रुपये72 पैसे असे आले आहेत. ते येत्या वर्षभरात एक रुपयाने स्वस्त होतील. त्यामुळे कृषीपंपांचे वीजदर तीन रुपयांनी कमी होणार असल्याने क्राॅस सबसीडीचा औद्योगिक ग्राहकांवरील भारही कमी होणार आहे. त्यामुळे औद्योगिक व वाणिज्यिक ग्राहकांचे वीज दर थेट 3 रुपयांनी कमी होणार आहेत. या शासनाच्या कार्यकाळात कृषीपंपांना साडेसात लाख नवीन वीजजोडण्या देण्यात येत असून त्यातील 5 लाख 18 हजार कृषीपंपांचे प्रलंबित वीजजोडण्यांचे काम पूर्ण करण्यात आले आहे तर उर्वरित वीजजोडण्यासांठी उच्च दाब वितरण प्रणाली(एचव्हीडीएस) योजना सुरु झाल्याचे त्यांनी सांगितले.

विजेप्रमाणेच  चपळ  कार्यक्षममंत्री

ऊर्जा खात्यात उत्कृष्ट टीमवर्क आणि योग्य नेतृत्वामुळे या खात्याची विलक्षण घौडदौड सुरु असल्याचा सुरवातीलाच उल्लेख करून अन्न व नागरी पुरवठामंत्री व जिल्ह्याचे पालकमंत्री  गिरीश बापट यांनी ऊर्जामंत्री श्री. बावनकुळे यांचा विजेप्रमाणे चपळ व कार्यक्षम मंत्री म्हणून गौरव केला. गेल्या 4 वर्षात हे राज्य भारनियमनमुक्त करून विजेच्या संकटावर कधी मात करायची आणि मार्ग काढण्याचे कसब फक्त ऊर्जामंत्री . बावनकुळे यांच्यातच असून पवनऊर्जा, सौरऊर्जेकडे त्यांनी अधिक लक्ष केंद्रीत केले आहे. कार्यक्षम मंत्र्यांमध्ये  बावनकुळे हे अग्रक्रमावर असल्याचे . गिरीश बापट म्हणाले.

भाजप-सेनेच्या काळात खऱ्या अर्थाने राज्य भारनियमनमुक्त करण्याचे काम ऊर्जावान मंत्री ना. श्री. चंद्रशेखर बावनकुळे यांनी केल्याचे जलसंपदा राज्यमंत्री ना. श्री. विजय शिवतारे म्हणाले. महाऊर्जाची ही हरीत इमारत देशातील पहिली इमारत असून ती भविष्यात मैलाची दगड ठरणार आहे. सौरऊर्जेची अधिक निर्मिती करून पारंपरिक ऊर्जा बचत करावीव मोठ्या प्रकल्पांना, उद्योगांना कमी दरात वीज देण्यात यावी यासाठी त्यांचे प्रयत्न कौतुकास्पद असल्याचेही ना. श्री. शिवतारे म्हणाले. सौरऊर्जेमुळे रोजगार वाढेल, वीज बचत होईलव राज्याचे उत्पन्न वाढेल अशी महत्वपूर्ण भूमिका ना. श्री. बावनकुळे यांची असल्याने देश बदल रहा है या वाक्याला साजेसे त्यांचे काम असल्याचे  शिवतारे म्हणाले.

महाऊर्जाचे महासंचालक  आनंद लिमये म्हणाले, की गेल्या 4 वर्षात ऊर्जामंत्र्यांच्या नेतृत्वात महाऊर्जाचे वटवृक्षात रुपांतर झाले आहे. फक्त योजनांपर्यंत महाऊर्जाची व्याप्ती नाहीतर योजना तयार करणे, त्या राबवणे व धोरणांची अंमलबजावणी करणे हेही महाऊर्जाचे काम आहे. महाऊर्जाला खऱ्याअर्थाने आकार देण्याचे काम ऊर्जामंत्र्याच्या काळात आणि त्यांच्याच नेतृत्वात झाल्याचे श्री. लिमये म्हणाले.

कार्यक्रमाचे प्रास्ताविक व नवीन इमारतीबद्दल सविस्तर माहिती अतिरिक्त महासंचालक श्री. पुरुषोत्तम जाधव यांनी सांगितले. या इमारतीची रचना कशी असेल याबद्दल एक चित्रफित याप्रसंगी दाखविण्यात आली. कार्यक्रमाला महाऊर्जाचे प्रादेशिक संचालक श्. महेश आव्हाड, महावितरणचे प्रादेशिक संचालक संजय ताकसांडे इतर वरिष्ठ अधिकारी वनागरिक उपस्थित होते.

पुणे-लौंड्री व्यावसायिकांना वीजदरात सवलत जाहीर केल्याबद्दल पुणे जिल्हा लौंड्री व्यावसायिकांच्यावतीने महाराष्ट्र राज्याचे ऊर्जा मंत्री चंद्रशेखर बावनकुळे यांचा महाराष्ट्र राज्याचे अन्न व नागरी पुरवठा मंत्री व पुणे जिल्ह्याचे पालकमंत्री गिरीश बापट व लौंड्री  संघटनेचे संस्थापक अध्यक्ष माजी उपमहापौर सुरेश नाशिककर यांच्याहस्ते शाल , श्रीफळ , पुणेरी पगडी घालून स्मृतिचिन्ह देउन भव्य सत्कार करण्यात आला . बालगंधर्व रंगमंदिरात झालेल्या या कार्य्रक्रमास महापौर मुक्ता टिळक , महापालिका सभागृह नेते श्रीनाथ भिमाले , स्थायी समिती अध्यक्ष योगेश मुळीक ,  महाराष्ट्र परिट धोबी महासंघाचे अध्यक्ष देवराज सोनटक्के , परिट आरक्षण समितीचे सचिव अनिल शिंदे , पुणे शहर लौंड्री व्यावसायिक संघटनेचे अध्यक्ष प्रकाश अभ्यंकर , कार्याध्यक्ष सारंग मसुरकर , महासचिव अमित जाधव , उपाध्यक्ष प्रितम चौधरी , खजिनदार राहुल राक्षे , सहसचिव अनिल मडीवाल आदी मान्यवर व लौंड्री व्यावसायिक मोठ्या संख्येने उपस्थित होते .

यावेळी महाराष्ट्र राज्याचे ऊर्जा मंत्री चंद्रशेखर बावनकुळे यांनी सांगितले कि , लौंड्री व्यावसायिकांना वीजदरात सवलत देण्याची गेल्या अनेक वर्षांपासूनची मागणी होती . त्यामध्ये लौंड्री व्यावसायिकांना व्यावसायिक वीज दर भरावा लागत असल्यामुळे कमवायचे किती ? खर्च करायचे किती ? या समस्येना सामोरे जावे लागत होते . त्यासाठी शासनाने ४० टक्के वीज दरात कपात करून सुमारे ४०००० लौंड्री व्यावसायिकांच्या हिताचा ऐतिहासिक निर्णय घेतला . तसेच शासनाने पारंपरिक ऊर्जा स्त्रोत महत्व देण्यासाठी प्रयत्न करीत आहे . कोळशापासून तयार होणाऱ्या ऊर्जेपेक्षा पारंपारिक ऊर्जा स्त्रोताला महत्व दिले आहे . त्यासाठी लौंड्री व्यावसायिकांनी आपल्या व्यावसायिकाच्या ठिकाणी सौर पॅनेल लावून वीज निर्मिती करावी, त्यासाठी शासन सर्व सहकार्य केले . असे सौर ऊर्जा प्रकल्प राबविणाऱ्या लौंड्री व्यावसायिकांना २५ टक्के सवलत देण्याचा शासन लवकरच शासकीय अध्यादेश काढणार असल्याचे त्यांनी सांगितले . याचा फायदा देखील सुमारे ४०००० लौंड्री व्यावसायिकांना होणार आहे . समाजाला आरक्षण मिळण्यासाठी शासन स्तरावर प्रयत्न चालू आहेत . असे त्यांनी सांगितले .

यावेळी महाराष्ट्र राज्याचे अन्न व नागरी पुरवठा मंत्री व पुणे जिल्ह्याचे पालकमंत्री गिरीश बापट यांनी सांगितले कि , लोकप्रतिनिधी म्हणू काम करताना समाजाचे प्रश्न सोडविता आले पाहिजे . त्या दृष्टीकोनातून आज हा लौंड्री व्यावसायिकांना वीजदरात सवलत देण्याचा शासनाने ऐतिहासिक निर्णय घेतला. सरकारने जनतेची कामे केली पाहिजेत . लोकप्रतिनिधींनी देखील जनतेचे प्रश्न सोडविले पाहिजेत . आमचे सरकार काम करत असल्यामुळे पुढचे सरकार देखील आमचेच येणार असल्याचे त्यांनी सांगितले .

या कार्यक्रमाचे प्रास्तविक  पुणे शहर लौंड्री व्यावसायिक संघटनेचे अध्यक्ष प्रकाश अभ्यंकर यांनी केले तर सूत्रसंचालन अमित जाधव यांनी केले तर आभार सुनिल पवार यांनी मानले . 

होतकरू व गुणी खेळाडू विवेक जामदार ला क्रिकेट साहित्य भेट… कोथरूड नवरात्र  संपन्न.

पुणे- स्वस्त, दर्जेदार स्वदेशी उत्पादनांसाठी देशातील महिला उद्योजकांना प्रोत्साहन दिले पाहिजे. राज्य महिला आयोगाच्या वतीने महिलांचे आर्थिक सक्षमीकरण, सन्मान आणि सुरक्षितता यावर विशेष भर देत आहे. आर्थिकदृष्ट्या सक्षम महिलेला समाजात सन्मान मिळतो, असे मत राज्य महिला आयोगाच्या अध्यक्षा विजया रहाटकर यांनी व्यक्त केले.
‘नवभारत निर्मिती संकल्प सिध्दी’ आणि ‘अनव सेवा ङ्गाउंडेशन’ यांच्या वतीने सिध्दी गार्डन येथे आयोजित केलेल्या ‘आपली दिवाळी, स्वदेशी दिवाळी‘ या गृहोपयोगी स्वदेशी उत्पादनांची विक‘ी व प्रदर्शनाचे उद्घाटन करताना रहाटकर बोलत होत्या. ङ्गाउंडेशनचे अध्यक्ष योगेश गोगावले, स्थायी समितीचे अध्यक्ष योगेश मुळीक, सभागृहनेते श्रीनाथ भिमाले, शशिकला मेंगडे, विनिता काळे, आशा बिबवे, उषा वाजपेयी यांची प्रमुख उपस्थिती होती.

स्वदेशी वस्तूंचा प्रचार व प्रसार, महिला उद्योजकांना प्रोत्साहन, दिवाळीनिमित्त पुणेकरांना स्वस्त व दर्जेदार गृहोपयोगी उत्पादने उपलब्ध करून देणे या उद्देशाने प्रदर्शनाचे आयोजन केल्याची माहिती गोगावले यांनी प्रास्ताविक भाषणात दिली. शशिकला मेंगडे यांनी स्वागत, पुनीत जोशी यांनी सूत्रसंचालन आणि आशा बिबवे यांनी आभार मानले.

इलेक्ट्रॉनिक्स होम अप्लायन्सेस, आकाश कंदील, एलईडी बल्बच्या माळा, पणत्या, उटणे, अत्तरे, साबण, रांगोळी, छाप, पूजा साहित्य, ड्रेस मटेरियल, साड्या, कुर्ता, लहान मुलांचे कपडे, ङ्गराळाचे पदार्थ, सर्व प्रकारची पिठ व भाजण्या, लोणची, पापड, मसाले, चटण्या, ज्यूटच्या बॅगा, खणाच्या बॅगा, लेदर पर्सेस, चप्पल, कुंड्या, रोप, किल्ले, चित्रे आणि विविध राज्यातील खाद्यपदार्थ प्रदर्शनात मांडण्यात येणार आहे. स्वामिनी साडीच्या वतीने दररोज लकी ड्रॉचे आयोजन करण्यात आले असून, दररोज पाच भाग्यवंत महिलांना स्वामिनी साड्या देण्यात येणार आहेत. २८ ऑक्टोबरपर्यंत सकाळी १० ते ९ या वेळेत प्रदर्शन सर्वांसाठी विनामूल्य खुले राहणार आहे.

पुणे-– महाऊर्जा मुख्यालयाची अत्याधुनिक इमारत ही देशातील एक आदर्श कार्यालयाची इमारत म्हणून निर्माण केली जाणार आहे, या इमारतीत सौरऊर्जेचा सुयोग्य असा वापर करून ही पर्यावरणपूरक वास्तू निर्माण करण्यात येत आहे. येत्या काळात राज्यातील सर्वच शासकीय इमारतींची रचना पर्यावरणपूरक तत्त्वावर करून सौरऊर्जेच्या माध्यमातून शासकीय कार्यालयांचा कायापालट करण्यात येईल, असे प्रतिपादन ऊर्जा, नवीन व नवीकरणीय ऊर्जा तसेच राज्य उत्पादन शुल्क मंत्री चंद्रशेखर बावनकुळे यांनी आज केले.

महाराष्ट्र ऊर्जा विकास अभिकरणच्या (महाऊर्जा) मुख्यालय इमारतीची पायाभरणी श्री. बावनकुळे यांच्या हस्ते करण्यात आली. यावेळी ते बोलत होते. कार्यक्रमाच्या अध्यक्षस्थानी अन्न व नागरी पुरवठा मंत्री तसेच पुण्याचे पालकमंत्री गिरीश बापट होते. यावेळी  जलसंपदा मंत्री विजय शिवतारे, खासदार अनिल शिरोळे, आमदार मेधा कुलकर्णी, महाऊर्जा महासंचालक आनंद लिमये, अतिरिक्त महासंचालक पुरुषोत्तम जाधव, प्रदेश संचालक महेश आव्हाड आदींची प्रमुख उपस्थिती होती.

ऊर्जामंत्री श्री. बावनकुळे म्हणाले, राज्य शासन सर्वांसाठी शाश्वत आणि स्वस्त वीज निर्मिती करण्यासाठी प्रयत्न करत आहे. त्यामध्ये महाऊर्जा संस्थेची महत्त्वाची भूमिका आहे. या संस्थेच्या कार्यालयाची निर्मिती अत्याधुनिक व पर्यावरणपूरक पद्धतीने निर्माण करून या प्रयत्नांची सकारात्मक सुरूवात झाली आहे. सर्वत्र 100 टक्के सौरऊर्जेवर आधारित वीजेचा वापर होण्यासाठी प्रोत्साहन देण्यात येत आहे. शेतकऱ्यांनीही त्यांच्या शेतात सौरऊर्जेचा जास्तीत जास्त वापर करावा.

पालकमंत्री श्री. बापट म्हणाले, महाऊर्जा कार्यालयाची इमारत ही एक आदर्श शासकीय इमारत म्हणून ओळखली जाईल. सौरऊर्जेच्या वापरामुळे मानवी जीवनात मोठ्या प्रमाणात बदल घडत आहे. शेतकऱ्यांनी याचा वापर केल्यास महावितरणच्या वीजेवर अवलंबून न राहता शेतकरी स्वयंपूर्ण बनण्यास मदत होईल.

याप्रसंगी जलसंपदामंत्री विजय शिवतारे, खासदार अनिल शिरोळे, महासंचालक आनंद लिमये, अतिरिक्त महासंचालक पुरुषोत्तम जाधव यांनी आपली मनोगते व्यक्त केली. तसेच प्रस्तावित इमारतीबाबत माहितीपर लघुपट दाखवण्यात आला. कार्यक्रमास महाऊर्जा विभागाचे अधिकारी, कर्मचारी तसेच सामान्य नागरिक उपस्थित होते.

महाऊर्जा इमारतीची वैशिष्ट्ये

–           नेट झिरो एनर्जी, ५ स्टार ग्रीहा मानांकन या पर्यावरणपूरक तत्वावर बांधकाम

–           सुपर कन्झर्व्हेशन बिल्डिंग कोड (सुपर ईसीबीसी) मानांकन

–           नैसर्गिक प्रकाश योजनेचा अधिकाधिक वापर

–           एव्हॅपोरेटिव्ह कुलिंग तंत्रज्ञानाचा वापर जो ए.सी. पेक्षा 60 टक्के कमी वीज वापरतो

–           भूमिगत एअर टनेलद्वारे नैसर्गिकरित्या आरामदायक तापमान राखले जाते

–           नवीकरणीय ऊर्जा स्त्रोतांद्वारे इमारतीची 100 टक्के विजेची गरज भागविली जाईल.

–           आधुनिक सौर डिझाईन संकल्पनेच्या मदतीने वातानुकूलन यंत्रणेचा कमीत कमी वापर

–           इमारतीमध्ये अभिनव इंटिग्रेटेट फोटोव्होल्टाईक सिस्टीम

–           अभिनव रेडियन्ट कुलिंग तंत्रज्ञानाचा वापर

–           फ्री कुलिंगकरिता व्हेंचुरी इफेक्ट

–           उत्सर्जित ऊर्जेपासून ताजी हवा व उष्णतेचे पुनरुज्जीवन