चेन्नई,- टीव्हीएस मोटर कंपनी या जगातील प्रतिष्ठित टू-व्हीलर व थ्री-व्हीलर उत्पादकाने कंपनीचे पूर्ण वेळ संचालक या पदी आज के. एन. राधाकृष्णन यांची नियुक्ती केली. राधाकृष्णन 23 ऑक्टोबर 2018 पासून पाच वर्षे कालावधीसाठी संचालक व मुख्य कार्यकारी अधिकारी म्हणून पदभार सांभाळणार आहेत.

त्यांनी 1986 मध्ये मॅनेजमेंट ट्रेनी (1986) म्हणून सुंदरम क्लेटॉन येथे करिअर सुरू केले आणि त्यांनी समूहामध्ये बिझनेस प्लानिंग व टीक्यूएम प्रमुख म्हणून प्रगती केली. हे पद भूषवत असताना त्यांनी प्रतिष्ठेचे डेमिंग प्राइझ जिंकण्यासाठी सुंदरम क्लेटॉनचे नेतृत्व केले. हे बक्षीस जिंकणारी ही पहिली भारतीय कंपनी ठरली. 2004 मध्ये, त्यांना टीव्हीएस मोटरचे कार्यकारी उपाध्यक्ष म्हणून बढती देण्यात आली व 2008 मध्ये ते अध्यक्ष बनले. त्यांच्या नेतृत्वाखाली, टीव्हीएसने भारतातील तिसऱ्या क्रमांकाचा सर्वाधिक विकला जाणारा टू-व्हीलर ब्रँड म्हणून स्थान मिळवले. गेली सलग तीन वर्षे, टीव्हीएस मोटरला जे. डी. पॉवरने कस्टमर सॅटिसफॅक्शन यासाठी टू-व्हीलर श्रेणीमध्ये पहिला क्रमांक दिला आहे, तसेच कंपनीच्या व्यक्तिगत उत्पादनांना गुणवत्ता व ग्राहकांची पसंती या बाबतीत श्रेणीतील आघाडीची म्हणून गौरवले आहे. कंपनीने अलीकडेच टीव्हीएस अपाचे आरआर 310 दाखल करून सुपर प्रीमिअम श्रेणीमध्ये प्रवेश केला आहे. राधाकृष्णन यांनी 60 हून अधिक आंतरराष्ट्रीय बाजारांत टीव्हीएसचा विस्तार करण्यासाठी नेतृत्व केले आहे. गुणवत्तेला महत्त्व, ग्राहकांप्रती पॅशन, काटेकोर नियोजन व तंत्रज्ञानाचा अवलंब यासाठी राधाकृष्णन नवाजले जातात.

या नियुक्तीविषयी, टीव्हीएस मोटर कंपनीचे अध्यक्ष वेणू श्रीनिवासन यांनी सांगितले, “के. एन. राधाकृष्णन यांच्याकडे संचालक व मुख्य कार्यकारी अधिकारी पदांची सूत्रे देताना टीव्हीएस मोटर कंपनीला अतिशय आनंद होत आहे. गेल्या काही दशकांत, त्यांनी दर्जेदार उत्पादनांचा जागतिक उत्पादक बनण्याच्या दिशेने सुरू असलेल्या टीव्हीएस मोटर कंपनीच्या वाटचालीला योग्य आकार देण्यासाठी महत्त्वाची भूमिका बजावली आहे. कंपनीला लक्षणीय मैलाचे टप्पे साध्य करण्यासाठी, त्यांचा कंपनीतील प्रदीर्घ अनुभव व ऑटोमोबाइल उद्योगातील प्रतिष्ठेचे स्थान मोलाचे ठरणार आहे. भविष्यात कंपनीला आणखी उंचीवर नेण्यासाठी ते कंपनीचे सक्षम नेतृत्व करतील, याची खात्री आहे.” 

के. एन. राधाकृष्णन यांनी इंडियन इन्स्टिट्यूट ऑफ टेक्नालॉजी (आयआयटी), चेन्नई येथून मास्टर्स डिग्री घेतली आहे आणि इंडियन इन्स्टिट्यूट ऑफ मॅनेजमेंट (आयआयएम), अहमदाबाद येथून मॅनेजमेंट एज्युकेशन प्रोग्रॅम पूर्ण केला आहे.

पुणे–भारतात व्यवसाय वाढ करण्याच्या आपल्या आश्वासनाची पूर्तता करीत यूबीएस कंपनीने पुण्यात आपले दुसरे कार्यालय सुरू केले आहे. ‘यूबीएस’चे हे भारतातील चौथे कार्यालय आहे. नवे कार्यालय ‘इऑन आयटी पार्क’ येथे प्रशस्त जागेत व आधुनिक वातावरणात सुरू झाले आहे. कंपनीतील अत्याधुनिक तंत्रज्ञानाचा आणि आणि व्यावसाय प्रक्रियेचा विकास करण्याचे काम या ठिकाणी होणार आहे.

 भारतात दीर्घ काळासाठी व्यवसाय करण्याचे ‘यूबीएस’चे उद्दीष्ट आहे. 2017 ते 2019 या काळात येथील कर्मचाऱ्यांची संख्या 211 टक्क्यांनी वाढविण्याचे कंपनीचे नियोजन आहे. या सप्टेंबरमध्ये आमच्या कर्मचाऱ्यांची भारतातील संख्या 3 हजारांहून अधिक झाली आहे, असे ‘यूबीएस’चे भारतातील प्रमुख हेरॉल्ड एगर म्हणाले.

 ‘यूबीएस’चे पुण्यात पहिले कार्यालय 2015 मध्ये येरवडा येथे सुरू झाले. कंपनीच्या जगभरातील कामकाजाचा आढावा येथून नियमित घेण्यात येत असतो. ‘यूबीएस’ची मुंबईत बांद्रा-कुर्ला कॉम्प्लेक्समध्ये आणि नवी मुंबईत एेरोली येथेही कार्यालये आहेत.

 ‘भारतात गुणवंत व बुद्धिमान युवकांची संख्या मोठी आहे.  यातीलच अनेक तरुण यूबीएससाठी  काम करतात.,’’ असेही एगर यांनी सांगितले.

 ‘’एेरोलीमध्ये गेल्या वर्षी कार्यालय सुरू करून डिजिटल युगात आंमचा ठसा उमटविण्याच्या उद्दीष्टाला हात घातला आहे. पुण्यातदेखील अशा काही क्षमता निर्माण करण्याचे आमचे धोरण आहे,’’ असे यूबीएसचे जागतिक स्तरावरील तंत्रज्ञान विभागाचे प्रमुख माईक डार्गन यांनी नमूद केले

 .’’पुणे हे भारतातील सर्वाधिक वेगाने विकसीत होणारे शहर आहे. तसेच शिक्षण, तंत्रज्ञान आणि उत्पादन यांत ते जागतिक स्वरुपाचे केंद्र बनले आहे,’’ असे यूबीएसचे एशिया पॅसिफिक विभागाचे तंत्रज्ञान प्रमुख उदय ओडेद्रा यांनी म्हटले. ते पुढे म्हणाले, की तंत्रज्ञानाच्या बाबतीत आमच्या समुहाने ठरविलेल्या धोरणानुसार, सर्वोत्तम असे बुध्दीमान कर्मचारी व अधिकारी नेमून कंपनीच्या तंत्रज्ञानात मोलाची भर घालण्यात येत आहे.

 ‘यूबीएस’च्या भारतातील कॉर्पोरेट व सामाजिक जबाबदारी (सीएसआर) योजनेची माहितीही यावेळी देण्यात आली. ‘यूबीएस ऑप्टिमस फाऊंडेशन’तर्फे राजस्थानातील मुलींच्या शिक्षणासाठी सुरू असलेल्या काही प्रकल्पांना निधी पुरविण्यात आला आहे. या फाऊंडेशनचे स्वयंसेवक स्थानिक स्वरुपाची सामाजिक कामे करीत असतात. या दोन्ही कार्यक्रमांतून भारतात मोठ्या प्रमाणावर सामाजिक काम उभे राहील, असा विश्वास यावेळी व्यक्त करण्यात आला.

 ‘’वंचित मुलांच्या शिक्षणासाठी व इतर बाबींसाठी काम करणाऱ्या अनेक स्वयंसेवी संघटनांमध्ये जाऊन काम करण्यास आम्ही आमच्या कर्मचाऱ्यांना उद्युक्त करीत असतो. भारतातील ‘यूबीएस’च्या सर्व कार्यालयांना हा एकच सीएसआर स्वरुपाचा कार्यक्रम देऊन आम्ही तो मोठ्या प्रमाणात चालवणार आहोत. 2020 या वर्षीपर्यंत आमचे 40 टक्के कर्मचारी अशा प्रकारच्या सामाजिक कांमांमध्ये सहभागी झालेले असतील, असे आमचे उद्दीष्ट आहे,’’ असे एगर यांनी सांगितले.