पुणे : उत्तर प्रदेशातून त्या दोन अल्पवयीन मुली दोघामुलांबरोबर पळून आल्या होत्या़. त्यांनी घरच्यांना आपला पत्ता लागू नये, म्हणून मोबाईलमधील कार्डही बदलले़ पण, त्यावरुन त्यांनी नकळत एक कॉल केला होता़. या एकुलत्या एक कॉलच्या धाग्यावरुन सामाजिक सुरक्षा विभागाच्या पथकाने या दोन अल्पवयीन मुलींचा शोध घेऊन त्यांना त्यांच्या पालकांच्या स्वाधीन केले़ . ऑपरेशन मुस्कान मोहिमेअंतर्गत डिसेंबर महिन्यात १५ अल्पवयीन मुले व २० अल्पवयीन मुली व २ सज्ञान मुली अशा ३७ मुलामुलींचा शोध घेऊन त्यांना त्यांच्या पालकांच्या स्वाधीन करण्यात आले़.
याबाबत सामाजिक सुरक्षा विभागाच्या वरिष्ठ पोलीस निरीक्षक मनिषा झेंडे यांनी सांगितले की, उत्तर प्रदेशातून पळून आलेल्या या दोन मुलींच्या शोधासाठी अन्य १० जणांची चौकशी करण्यात आली़. त्यांच्याविषयी काहीही माहिती नसताना केवळ एका फोन कॉलवरुन त्यांचा शोध घेण्यात यश मिळाले़. ते १५ दिवस पुण्यात मुलांच्या ओळखीच्या नातेवाईकांकडे रहात होते़. ही दोन्ही मुले बांधकाम व्यवसायात कामाला लागणार होती. पश्चिम बंगालमधून असाच एक अल्पवयीन मुलगा घरातून निघून पुण्यात आला होता़. तसेच गुजरातमधून बारामतीला नातेवाईकांकडे एक अल्पवयीन मुलगा आला होता़ पुन्हा घरी जातो, असे सांगून तो बारामतीहून निघाला व चुकला होता़. त्याला रिमांड होममध्ये ठेवण्यात आले होते़. त्याच्या पालकांचा शोध घेऊन त्यांच्या स्वाधीन करण्यात आले़.
ऑपरेशन मुस्कानअंतर्गत हरविलेल्या बालकांचा शोध घेण्याबरोबरच सापडलेल्या बालकांची ओळख निष्पन्न करुन त्यांच्या पालकांचा शोध घेऊन बालक व त्यांचे पालक यांचे पुनर्मिलन घडवून आणण्याची ही कामगिरी केले जाते. ही कामगिरी करण्यात वरिष्ठ पोलीस निरीक्षक मनिषा झेंडे, सहायक पोलीस निरीक्षक अनिता खेडकर, उपनिरीक्षक अनंत व्यवहारे, सहायक फौजदार नामदेव शेलार, हवालदार प्रमोद म्हेत्रे, राजाराम घोगरे, नितिन तेलंगे, सचिन कदम, सुनिल वलसाने, रमेश लोहकरे, राजेंद्र कचरे, प्रदीप शेलार, तुषार आल्हाट, निलेश पालवे, संदीप गायकवाड, अनुराधा धुमाळ, ननिता येळे, कविता नलावडे, गितांजली जाधव, रुपाली चांदगुडे यांचा समावेश आहे़.

पुणे : ससून रुग्णालयाच्या आवारात असलेल्या महापालिकेच्या जन्म-मृत्यू नोंदणी कार्यालयातील शिपायाला ५०० रुपयांची लाच घेताना लाचलुचपत प्रतिबंधक विभागाने (एसीबी) बुधवारी पकडले.

महेश आनंद जातेगावकर (वय ४२, रा. राधिका हौसिंग सोसायटी, विठ्ठलवाडी जकात नाक्याजवळ, सिंहगड रस्ता) असे लाचखोर शिपायाचे नाव आहे. याबाबत एकाने  लाचलुचपत प्रतिबंधक विभागाकडे तक्रार नोंदविली होती. तक्रारदाराच्या वडिलांचा ससून रुग्णालयात काही दिवसांपूर्वी मृत्यू झाला होता. ससून रुग्णालयाच्या आवारात महापालिकेचे जन्म-मृत्यू नोंदणी कार्यालय आहे. तक्रारदार जन्म-मृत्यू नोंदणी कार्यालयात मृत्यू दाखला घेण्यासाठी गेला होता. त्यावेळी शिपाई जातेगावकर याने तक्रारदाराकडे ८०० रुपयांची लाच मागितली होती. तक्रारादाराने तडजोडीत ५०० रुपये देण्याचे मान्य केले. त्यानंतर त्याने लाचलुचपत प्रतिबंधक विभागाकडे तक्रार दिली.

ससून रुग्णालयाच्या आवारात बुधवारी दुपारी सापळा लावण्यात आला. तक्रारदाराकडून ५०० रुपयांची लाच घेताना जातेगावकरला पकडण्यात आले. पोलीस अधीक्षक संदीप दिवाण यांच्या मार्गदर्शनाखाली उपअधीक्षक दत्तात्रय भापकर, पोलीस निरीक्षक अर्चना दौंडकर यांनी ही कारवाई केली. पोलीस निरीक्षक राजू चव्हाण या प्रकरणाचा तपास करत आहेत.

पुणे : द इंटरनॅशनल असोसिएशन ऑफ लायन्स क्लब्ज डिस्ट्रिक्ट ३२३४ डी २ यांच्यातर्फे व अहमदाबाद येथील राजस्थान हॉस्पिटलच्या सहकार्याने मोफत कृत्रिम पायरोपण (जयपूर फूट), पोलिओ कॅलिपर्स, सिंगल स्टिक, नीकॅप, सर्जिकल बूट, कुबड्या व कंबरपट्टा वाटप शिबीराचे आयोजन करण्यात आले आहे. दोन दिवसीय हे शिबीर शनिवार, ५ जानेवारी व रविवार, ६ जानेवारी २०१९ रोजी सकाळी ९.३० ते सायंकाळी ६.०० या वेळेत महावीर प्रतिष्ठान, महर्षीनगर पोलीस चौकीजवळ, सॅलिसबरी पार्क, पुणे येथे होणार आहे. हे शिबीर पूर्णतः मोफत आहे, अशी माहिती जयपूर फूटचे डिस्ट्रिक्ट चेअरपर्सन दीपक सेठिया यांनी पत्रकार परिषदेत दिली. यावेळी लायन राजेंद्र गोयल, लायन श्याम खंडेलवाल, लायन वीरेंद्र पटेल, सुनील पटेल आदी पदाधिकारी उपस्थित होते.

दीपक सेठिया म्हणाले, “लायन हसमुख मेहता यांनी जयपूर फूट शिबिराची सुरुवात केली. पुण्यात शनिवार व रविवार या दोन दिवशी होत असलेले हे ५१ वे शिबीर आहे. आजवर जवळपास सात ते आठ हजार लोकांना जयपूर फूटचे वाटप करण्यात आले आहे. त्याचबरोबर कॅलिपर्स, सिंगल स्टिक, नीकॅप, सर्जिकल बूट, कुबड्या व कंबरपट्टा शेकडोच्या संख्यने वाटण्यात आले आहेत. पुणे, पिंपरी-चिंचवड, अहमदनगर, नाशिक, कोपरगाव, संगमनेर या ठिकाणी हे शिबीर आयोजिले जाते. एका शिबिरात साधारणतः ६००-७०० लोकांना लाभ होतो.”

वीरेंद्र पटेल म्हणाले, “पुण्यासह ३ व ४ जानेवारीला पिंपरी-चिंचवडमधील वायसीएम रुग्णालयात हे शिबीर आयोजिले आहे. त्याचबरोबर फाटलेले किंवा विद्रुप असलेल्या ओठ, कान व नाक यावर मोफत शल्य चिकीत्सा शिबीर महावीर प्रतिष्ठान येथे त्याच दोन दिवशी होणार आहे.”

हे शिबीर संपूर्णतः मोफत आहे. बाहेरगावाहून येणाऱ्या रुग्णांच्या राहण्याची व जेवणाची मोफत सोय आयोजकांतर्फे केली जाणार आहे. अधिक माहिती व नावनोंदणीसाठी सुरेश पटेल (९४२२०८५६६४) व संध्या दहिवळकर (९८८१३३२४८०) यांच्याशी संपर्क साधावा, असे आवाहन आयोजकांनी केले आहे.

पुणे :‘दिव्य ज्योति परिवार’ आयोजित तसेच दिव्य ज्योति जागृति संस्थानतर्फे आयोजित सात दिवसीय श्रीमद्भागवत कथा ज्ञानयज्ञ ची सांगता आज मंगळवारी झाली. ही सांगता प.पू. सर्वश्री आशुतोष महाराज (संस्थापक व संचालक दिव्य ज्योति जागृती संस्थान) यांच्या शिष्या भारतातील विख्यात भागवत भास्कर भागवताचार्या विदुषी सुश्री वैष्णवी भारती यांच्या प्रमुख उपस्थितीत सकाळी यज्ञ, पूर्णाहुति, भागवत पूजन तसेच आरतीने ने झाली, अशी माहिती चिदानंद स्वामी यांनी पत्रकाद्वारे दिली.

हा कार्यक्रम रोज सायंकाळी 5 ते 9 या वेळेत श्री गणेश कला क्रीडा रंगमंच, स्वारगेट, पुणे संपन्न झाला.

दि. 25 डिसेंबर ते 31 डिसेंबर 2018 या कालावधीत श्रीमद्भागवत कथा ज्ञानयज्ञ सुरू होता. यामध्ये आध्यात्म, विज्ञान, भक्तिरस आणि सुमधूर संगीताने भाविकांना मंत्रमुग्ध केले. या कार्यक्रमाचे उद्घाटन पुणे जिल्हयाचे पालकमंत्री गिरीश बापट यांच्या हस्ते झाले होते. यावेळी अनिल शिरोळे (खासदार), शिवाजीराव आढळराव-पाटील (खासदार), मुक्ता टिळक (महापौर), राहुल जाधव (पिंपरी-चिंचवड महापौर), योगेश गोगावले (भाजप शहराध्यक्ष), माधुरी मिसाळ (भाजप आमदार), रवींद्र धंगेकर (नगरसेवक), लक्ष्मण जगताप (आमदार, पिंपरी-चिंचवड), दिलीप मोहिते-पाटील (आमदार, खेड तालुका) उपस्थितीत होते.

या सप्ताहामध्ये भागवत माहात्म्य सांगून सद्य चालू परिस्थितीबाबत लोकांचे प्रबोधन करून समाज जागृतीचे संदेश प.पू. सर्वश्री आषुतोश महाराज यांच्या शिष्या भागवताचार्या विदुषी सुश्री वैष्णवी भारती यांनी दिले.

कलश यात्रा, भागवत महात्म्य (परीक्षित को शाप), कपील देवहूति संवाद, वृत्रासूर कथा, प्रल्हाद प्रसंग आणि होळी उत्सव, बलिवामन कथा, कृष्ण जन्मोत्सव, कृष्ण बाल लीला, गोवर्धन उत्सव, मथुरा गमन व कंस वध, रुक्मिणी विवाह, भागवत पूजन, पुर्णाहुती यज्ञ व महाप्रसाद असे विविध कार्यक्रम या सप्ताहात संपन्न झाले.

प.पू. सर्वश्री आशुतोष महाराजींच्या श्रीमद्भागवत कथा ज्ञानयज्ञ कार्यक्रमाचे आयोजन करण्यात आले आहे. भगवान श्रीकृष्णाच्या दिव्य लीला मानव समाजाला जीवन जगण्याची कला शिकवितात. आज मनुष्य जीवन अनेक समस्यांनी व्यापलेले आहे. उदा. भ्रष्टाचार, नशाखोरी, स्त्रीभ्रूण हत्या, कौटुंबिक हिंसाचार, चरित्रहिनता, गो-हत्या, तसेच पर्यावरणाचा असमतोल या सारख्या अनेक समस्यांचे समाधान प्राप्त करून देण्याचे सामर्थ्य भगवान श्रीकृष्णांच्या दिव्य लीलांमध्ये आहे. आज 21 व्या शतकातही भगवान श्रीकृष्णांच्या दिव्यलीला मानव समाजाला अध्यात्म ज्ञानाद्वारे (ब्रह्मज्ञानाद्वारे) शाश्वत भक्ती मार्गावर अग्रेसर करण्यासाठी ठरत आहे. आध्यात्मिक रहस्यांनी ओतप्रोत असलेल्या लीलांना श्रीमद्भागवत महापुराणाच्या आधारे समाजा समक्ष प्रकट करणे हा प्रमुख उद्देश आहे. या प्रमुख उद्देशासाठी हा सप्ताह आयोजित करण्यात आला होता असे चिदानंद स्वामी यांनी सांगितले.

पुणे- डेक्कन एज्युकेशन सोसायटीच्या न्यू इंग्लिश स्कूल टिळक रोड शाळेच्या १३८ व्या वर्धापनदिनानिमित्त विद्यार्थी, माजी विद्यार्थी, पालक, शिक्षक यांनी संकलित केलेल्या दीव्यांच्या संग‘हालयाचे उद्घाटन दीव्यांचे संग्राहक शाम जोशी यांच्या हस्ते करण्यात आले. सोसायटीच्या नियामक मंडळाचे अध्यक्ष डॉ. शरद कुंटे अध्यक्षस्थानी होते.
लामणदीवा, समई, पणती, निरांजन, पंचारती अशा विविध प्रकारच्या आणि माती, लाकूड, चांदी, तांबे, पितळ, कथिल अशा विविध माध्यमांतील वैशिष्टपूर्ण १३८ दीव्यांचा संग‘हालयात समावेश आहे. छत्तीसगड आणि नेपाळमधील दोनशे वर्षांपूर्वीचे दीवे हे संग‘हालयाचे विशेष आकर्षण आहे.
स्वतःतील आवड ओळखून छंद जोपासला पाहिजे. छंद जोपासण्यासाठी स्वतःला वाहून घेण्याची तयारी लागते असे मत शाम जोशी यांनी व्यक्त केले. नववर्षानिमित्त छोटे संकल्प करुन ते जिद्दीने पूर्ण करा असे आवाहन डॉ. कुंटे यांनी केले.
सोसायटीचे कार्यवाह डॉ. श्रीकृष्ण कानेटकर, शाला समितीचे अध्यक्ष डॉ. सुनील भंडगे, डॉ. विनय आचार्य, वस्तु संग‘ाहक विनायक आवटे, विक‘म मराठे यांची प्रमुख उपस्थिती होती. मु‘याध्यापक नागेश मोने यांच्या मार्गदर्शनाखाली उपमु‘याध्यापिका मनिषा मिनोचा, पर्यवेक्षिका अनिता जाधव, सुरेश वरगंटीवार, विकास पडेळ, मंगेश कुडले यांची प्रमुख उपस्थिती होती.

पुणे-पुण्याच्या पोलीस कमिशनरांच्या मानगुटीवर बसलेले हेल्मेटसक्ती चे भूत उतरविण्यासाठी पालकमंत्री  बापट यांनी काहीही न करण्याची घेतलेली भूमिका भाजपला आगामी निवडणुकीत मातीत घालणारी असून ,  जर कमिशनरांना खरोखरच लोकांच्या जिवाची काळजी असेल तर अगोदर त्यांनी आपल्या हद्दीत सुरु असलेले बेकायदा दारू आणी मटक्याचे अड्डे पूर्णतः बंद करावेत .दारू आणि मटका यामुळे लाखो संसारे धुळीस मिळत असून ,त्यांना ठाऊक च नसेल आपल्या हद्दीत असे बेकायदा धंदे सुरु आहेत तर त्यांनी प्रत्येक पोलीस ठाण्यातील रायटर ची नार्को टेस्ट करावी असे आवाहन हि करण्यात येते आहे.
न्यायालयाच्या निर्णयाचा आधार घेत पुण्याच्या पोलीस आयुक्तांच्या अंगात  हेल्मेट सक्ती राबविण्याचे भूत संचारले आहे . आणि त्या कारवाई अंतर्गत लाखोची दंड वसुली त्यांनी सुरु केली आहे. ज्या पोलीस ठाण्याच्या हद्दीत बेकायदा दारू -आणि मटका धंदे सुरु असतील त्या पोलीस ठाण्याच्या प्रमुखाला निलंबित करण्याचा फर्मान मात्र ते सोयीस्करपणे विसरलेले असावेत .किंवा पुण्यात कुठेच अशा पद्धतीचे दारू आणि मटका अड्डे नाहीतच असा त्यांचा ‘अत्यंत मधुर आणि गोड ‘ समज असावा .पण तमाम पुणेकरांना याची जाणीव आहे त्याची जाणीव मात्र या आयुक्तांना नाही हे विशेष . आयुक्त साहेब आपण पुण्यात आल्या पासून असे किती बेकायदा दारू आणी मटका धंदे बंद केलेत ?आणि ते ज्यांच्या हद्दीत चालू होते त्या त्या पोलीस ठाण्याच्या प्रमुखांवर कुठे आणि कशी कारवाई केली ? याची उत्तरे तुम्ही देऊ शकलेला नाहीत .किंवा बेकायदा दारू आणि मटका अड्ड्यांनी संसारे उध्वस्त होतात यावर त्यांचा विश्वास नसावा . असे असले तरी असे धंदे सुरु ठेवावेत असा कुठला न्यायालयीन आदेश आहे काय ? या प्रश्नाचे त्यांनी उत्तर द्यावे .लोकंच्या जिवाची काळजी करणारे  आयुक्त पुण्याला लाभणे हे खरे तर पुणेकरांचे नशीबच म्हणावे लागेल.पण मग गेली असंख्य वर्षे हेल्मेट सक्ती करण्या ऐवजी हेल्मेट ऐच्छिक ठेवावे .. अशी मागणी करत आयुष्यभर लढा देणारे सुर्यकांत पाठक ,संदीप खर्डेकर ,अंकुश काकडे, शांतीलाल सुरतवाला आणि आम्ही वेडे आहोत काय ?याचे उत्तर द्यावे . आणि जर तुम्हाला हेल्मेट सक्ती राबवू नये यासाठी वारंवार वर्षानुवर्षे चळवळ करणारे वेडे वाटत असतील तर त्यांना एकदाचे ‘हे वेडेअसल्याचे ‘आपल्या सहीचे प्रमाणपत्र देवून टाकावे .
न्यायालयाचा निर्णय आजचा नाही , यापूर्वी अनेक आयुक्तांनी अशी सक्ती राबविण्याचा अट्टाहास धरला होता . त्या अट्टाहासाचे काय झाले ? ते या ‘ वेड्यांपुढे’ का नमले .. नमले तर त्या त्या आयुक्तांना देखील .. वेड्यांपुढे कमजोर ठरलेले आयुक्त म्हणून आपल्या सहीचे प्रमाणपत्र देवून टाका .
वाहतूक समस्येने त्रस्त झालेल्या पुणेकरांच्या मानगुटीवर हेल्मेटचे  ओझे टाकण्यास तुम्ही खूपच आतुर झाला आहात . हि खरोखरच तुमची तळमळ आहे कि, आणखी कोणी तुमचा बोलविता धनी असेल तर तसे सांगून टाका.. म्हणजे तुमच्या मानगुटीवर वरचे तरी हे ओझे उतरेल .तेव्हा अट्टाहास सोडा.. भाजपचे सरकार घालवायचे असेल तर त्यासाठी तुम्ही अशा पद्धतीने जनतेला त्रास देण्याचे कारण नाही . जनता समर्थ आहे .. कोणाचे सरकार घालवायचे आणि कोणाचे आणायचे याचा निर्णय जनता घेईल . तुम्ही कशाला या त्रांगड्यात पडता ? त्या पेक्षा दिवसेंदिवस वाढलेल्या चोऱ्या, गुन्हे , बेकायदा दारू धंदे , मटका अड्डे या कडे लक्ष द्या ..तिथे कायदा राबवा ..अशा प्रकारातून कोण किती हप्ते वसूल करताहेत हे पाहून त्यांच्यावर कारवाई करा .
तुमच्या कार्यालया समोर एका महिलेने पेटवून घेण्याची वेळ का आली ? त्यावर मंथन करा . दारू धंद्याविरोधात तक्रार केली म्हणून दारू धंद्यावाल्यांनी तिचा छळ सुरु केला आणि तिने तुमच्या कार्यालया समोर पेटवून घेण्याचा प्रयत्न केला .. या ची थोडी तरी बाळगा .. तुमच्या पोलिसांचे कोणाला सहाय्य आहे हे यावरूनही तुमच्या लक्षात येत नाही काय ?जनतेची खरी काळजी घ्या, तसा आता नव्या वर्षात तरी संकल्प  करा साहेब ..आणि दर महिन्याला जनतेसमोर अहवाल ठेवा किती मटका अड्डे आणि बेकायदा दारू धंदे कायमचे बंद केले ,आणि त्ये ज्यांच्या हद्दीत सुरु होते त्या त्या पोलीस प्रमुखांवर काय काय कारवाई केली ते कळू द्यात .. म्हणजे मग पटेल कि खरोखर तुम्हाला जनतेची काळजी आहे म्हणून.. हेल्मेट सक्ती करून उगाच आपला जनतेच्या हिताचा कळवळा दाखवू नका , ये पब्लिक है ..सब जानती है …तेव्हा अट्टाहास सोडा .. भाजप सरकार चे काय करायचे ते जनतेवर सोडा …
..आम्ही कित्येक वर्षे जेव्हा जेव्हा सक्ती राबविण्याचे भूत अवतरले तेव्हा तेव्हा त्याला पळवून लावले आहे , आता तुमच्या मानगुटीवर बसलेले भूत हि पुन्हा पळवून लावण्याची जबाबदारी ‘त्याच त्याच ‘आमच्या सारख्यांना पार पाडावी लागणार आहे .तेव्हा पहा समजुतीने घ्या .. तुम्ही चांगले अधिकारी आहात ..चांगले म्हणूनच रहा .. जनता जनार्दनाची  खरी काळजी वाहा … आज तर एवढेच पुरे