पुणे : महात्मा गांधींचे अनुयायी म्हणविणाऱ्या कॉंग्रेस राष्ट्रवादीने भ्रष्टाचाराच्या विरोधात महापौर दालनात आंदोलन सुरु केले खरे ,..पण गांधीवाद ,अहिंसा ,कायदेशीर मार्ग विसरले ..खुलासा करू पाहणाऱ्या, अतिरिक्त आयुक्तांना ‘चोर’ म्हणत वादाला तोंड फोडत महापौरांसामोरच त्यांना मारहाण करण्याची मजल गाठली .या प्रकारामुळे अतिरिक्त आयुक्तांची महापौरांसमोर हि अवस्था तर अन्य अधिकाऱ्यांची काय अवस्था असेल, काय सुरक्षा असेल / असा प्रश्न उपस्थित होणार आहे .  हा प्रकार घडल्याने पुणे महापालिकेत खळबळ उडाली आहे. 

याबाबत अधिक माहिती अशी की, नदीमधील जलपर्णी काढण्याच्या निविदेचा विषय गेले  काही दिवस चर्चेत आहे.या विषयावरून महापौरांच्या दालनासमोर काँग्रेस, राष्ट्रवादी काँग्रेसने आंदोलन केले. या आंदोलनानंतर सुरु असलेल्या चर्चेत स्पष्टीकरण देण्यासाठी महापौर मुक्ता टिळक यांच्याकडून अतिरिक्त आयुक्त राजेंद्र निंबाळकर दालनात बोलविण्यात आले. मात्र ज्यांचा निविदा प्रक्रियेत समावेश होता त्यांनी स्पष्टीकरण देऊ नये अशी आंदोलक नगरसेवकांची मागणी होती.त्यावेळी सुरु असलेल्या चर्चेत ‘अधिकारी चोर आहेत’, असा आरोप काँग्रेसचे नगरसेवक रविंद्र धंगेकर यांनी केला. त्याला प्रत्युत्तर देताना निंबाळकर यांनी ‘असे ऐकून घ्यायला आम्ही आलेलो नाही, तुमची काय लायकी आहे’, असे सुनावले.असे त्यांनी सुनावताच काही नगरसेवक निंबाळकर यांच्या अंगावर धावून गेले , आमची लायकी काढता काय ? असा सवाल केला . तर मागून एका नगरसेवकाने चप्पल भिरकावून मारली आणि शिवीगाळ हि केली .यावेळी येथे उपस्थित असलेल्या कार्यकर्त्याने निंबाळकर यांच्या श्रीमुखात भडकवली. अचानक हा प्रकार घडल्याने ;गोंधळ उडाला असून सुरक्षा रक्षकांनी निंबाळकर यांना दालनाबाहेर काढले. सध्या महापालिकेत गोंधळाचे वातावरण असून पोलिसांना पाचारण करण्यात आले आहे.  यावेळी विरोधी पक्षनेते दिलीप बराटे, राष्ट्रवादीचे शहराध्यक्ष चेतन तुपे, काँग्रेसचे गटनेते अरविंद शिंदे यांच्यासह दोन्ही पक्षाचे नगरसेवक आणि कार्यकर्ते उपस्थित होते.

 दरम्यान गेल्या 2 वर्षात महापालिकेतील आधिकाऱ्यांना मारहाण आणि दमबाजी होण्याच्या काही घटना या पूर्वी घडल्या आहेत .एकूणच महापालिकेतील अधिकारी राजकीय दबावाखाली ,मानसिक तणावाखाली असल्याचे वारंवार दिसले आहे.

पुणे :खासदार सुप्रिया सुळे यांनी शरद पवार आणि टाटा ट्रस्टच्या प्रमुख पदाधिकाऱ्यांच्या,उपस्थितीत निमंत्रक प्रकाश कदमांच्या संयोजना खाली झालेल्या समारंभात  सहा हजार मुलींना सायकल वाटप करताना,स्वतः मुलींसमवेत सायकल चालविली,

आणि व्यासपीठावरून  थेट मुलींशी संवाद साधला …कोणाला काय व्हायचे ? या प्रश्नावर मोठा गमतीदार संवाद यावेळी घडून आला …बहुतेक मुलींना पुण्याचे कलेक्टर व्हावेसे वाटते ,काहींना पोलीस व्हायचेय मात्र राजकारणात कोणी यायला तयार नाहीत असे चित्र दिसले ,अवघ्या एका मुलीने खासदार व्हायचंय .. असे म्हटले ..ती मुळशीतील ..पिरंगुट ची प्रज्ञा …

मुळशीच्या मुलींशी झालेला संवाद ..पाहता ..आपल्या मागे असलेल्या मुळशीच्या बाबा कंधारे ..यांना तत्क्षणी गमतीने सुप्रिया ताईंनी विचारले .. काय मुळशी फिक्सिंग आहे काय ? … तर या संवादाची पहा हि व्हिडीओ झलक ….

पुणे -आम्ही राबवीत असलेल्या योजना जुन्याच आहेत पण पूर्वी त्यांचे निव्वळ राजकारण केले गेले . आता आम्ही त्याच योजना प्रत्यक्षात जनतेसाठी साकार करतो आहे असे सांगत मुख्यमंत्री देवेंद्र फडणवीस यांनी जर आम्ही वेळीच लक्ष दिले नाहीतर  भविष्यामध्ये पुण्याची ओळख प्रदूषित शहर म्हणून होईल, अशी शक्यता व्यक्त केली.

स्मार्ट सिटीअंतर्गत स्मार्ट इलेक्ट्रिक बस, स्मार्ट सिटी आॅपरेशन्स सेंटर, आॅफिस राइड, बाणेर येथील स्मार्ट रस्ते पुनर्रचना, प्लेसमेकिंग साइट, स्मार्ट स्कूल्स आणि सायन्स पार्क अशा तब्बल सात प्रकल्पाचे उदघाटन मुख्यमंत्री देवेंद्र फडणवीस यांच्या हस्ते करण्यात आले. यावेळी केंद्रीय मंत्री प्रकाश जावडेकर, सामाजिक न्याय राज्यमंत्री दिलीप कांबळे, खासदार अनिल शिरोळे, महापौर मुक्ता टिळक, सभागृह नेते श्रीनाथ भिमाले तसेच आजी माजी पदाधिकारी उपस्थित होते.

मुख्यमंत्री म्हणाले , शहराचा झपाट्याने विस्तार होत आहे. या विस्तारीकरणामुळेच मोठ्या प्रमाणावर वाहनांची संख्याही वाढताना दिसत आहे. विशेष म्हणजे इतर राज्यांच्या तुलनेमध्ये पुण्यात वाहनांची संख्या अधिक आहे. त्यामुळे सहाजिकच येथे प्रदुषणाची समस्या निर्माण होऊ लागली आहे. परिणामीशहरातील वाढतं प्रदूषण रोखण्यासाठी आणि भविष्यात प्रदूषित शहर ही ओळख मिळण्यापूर्वीच प्रदूषण टाळण्यासाठी उपाययोजना करणे गरजेचे आहे. त्यासोबतच वाहतूक व्यवस्था सुधारण्याची गरज असून नागरिकांना चांगल्या सुविधा द्यावी. अशा सूचना देखील त्यांनी यावेळी केल्या.

मुख्यमंत्री पुढे  म्हणाले की, पुणे शहराच्या वाहतुकीच्या दृष्टीने महापालिकेच्या माध्यमातून बस खरेदी करण्याची प्रक्रिया सुरू झाली आहे. यातून सार्वजनिक वाहतूक अधिक सक्षम होईल आणि नागरिकांची वाहतूक कोंडीतून सुटका होण्यास मदत होईल.

तसेच ते पुढे म्हणाले की, केंद्र, राज्य आणि महापालिकेच्या माध्यमातून पुण्यात मेट्रो प्रकल्प राबविण्यात येत आहे. या प्रकल्पाला गती असून दिलेल्या वेळेपूर्वी नागरिकांच्या सेवेत असणार असल्याचे त्यांनी सांगितले

पीएमपीच्या ताफ्यात आता 25 ई- बस दाखल झाल्या असून या बसेसचा लाेकार्पण साेहळा मुख्यमंत्री देवेंद्र फडणवीस यांच्या हस्ते पार पडला. इलेक्ट्रिकवर चालणाऱ्या या बसेस असून यामुळे प्रदूषणात घट हाेणार आहे. तसेच या सर्व बसेस एसी असल्याने नागरिकांचा प्रवास सुखकर हाेणार आहे. 

पर्यावरण पूरक सार्वजनिक वाहतूकीसाठी पीएमपीकडून ई- बसेस खरेदी करण्यात आल्या आहेत. स्मार्ट सिटी अंतर्गत 150 बसेस खरेदी करण्यात येणार असून त्यापैकी 25 बसेस पहिल्या टप्प्यात खरेदी करण्यात आल्या आहेत. संपूर्ण एसी असणाऱ्या या बसेसमध्ये अनेक सुविधा देण्यात आल्या आहेत. या बसेसमध्ये पॅनिक बटण असून आपत्कालिन वेळी नागरिकांना त्याचा वापर करता येणार आहे. बसेसला जीपीएस यंत्रणा असून स्वयंचलित दरवाजे आहेत. त्याचबराेबर या बसमध्ये सीसीटिव्ही कॅमेरा सुद्धा लावण्यात आले आहेत. तीन तास बस चार्ज केल्यानंतर ती 200 किलाेमीटर धावू शकणार आहे. सध्या निकडी आणि भेकराईनगर येथे चार्जिंग स्टेशन्स उभारण्यात आले आहेत. 

पुणे- घरोघरी भाजपचे झेंडे लावा , बाईक रॅली काढा असे वार्डा वार्डातल्या बूथ चालकाला सांगायला टिळक रोडने गणेश कला क्रीडा मंचाला निघालेल्या भाजपच्या अध्यक्षांना टिळक रस्त्यावरच तरुणांच्या रोषाचे दर्शन झाले . बेरोजगारीच्या प्रश्नावर तरुणांनी येथे शहा यांच्या मोटारीचा ताफा येताच काळे झेंडे दाखविले आणि नौकरी आमच्या हक्काची नाही ….बापाची ..अशा घोषणा देत मोटारींना आडवे जाण्याचा यत्न केला. मात्र मोटारी वेगाने पुढे गेल्या आणि मागे तरुणांचा घोळका आला ..तोवर पोलीस पुढे येताच पुढे निघून गेलेल्या मोटारी पाहून काही तरूण पाळले ..पण तातडीने पुन्हा माघारी येत पोलिसांच्या स्वाधीन झाले. या सर्वांना पोलिसांनी तूर्तास तरी ताब्यात घेतले आहे .