सातारा-लोकसभा निवडणुकीसाठी राष्ट्रवादी काँग्रेसने पुन्हा एकदा उदयनराजे भोसले यांना उमेदवारी दिली आहे. त्यांच्या विरोधात एका तृतीयपंथीयाने निवडणूक लढवायचे ठरवले आहे. प्रशांत वारकर असं या तृतीयपंथी उमेदवाराचे नाव आहे. आपण निवडणूक ही उदयनराजेंच्या विरोधात नाही तर व्यवस्थेविरोधात लढवत असल्याचं वाडकर यांनी सांगितलं. प्रशांत वारकर हे अपक्ष म्हणून निवडणूक लढवणार आहे.

तृतीयपंथी लोकशाहीच्या या उत्सवात मोठ्या प्रमाणावर सहभागी व्हायला लागले आहेत. एकीकडे प्रशांत वाडकर हे निवडणूक लढवत असून दुसरीकडे लोकसभा निवडणुकीत मतदारांनी अधिकाधिक मतदान करावे यासाठी भारत निवडणूक आयोगाने ज्या मान्यवरांची मदत घेतली आहे त्या मान्यवरांमध्ये तृतीयपंथी गौरी सावंत यांचीसुद्धा निवडणूक सदिच्छादूत (ॲम्बेसेडर)म्हणून नेमणूक करण्यात आली आहे. आयोगाने पहिल्यांदाच तृतीयपंथी वर्गातील व्यक्तीची निवडणूक सदिच्छादूत म्हणून नियुक्ती केली आहे.

2004, 2009 च्या लोकसभा निवडणुकीत तृतीयपंथी अशी नोंद नव्हती. सन 2014च्या निवडणुकीदरम्यान पहिल्यांदाच पुरुष मतदार, महिला मतदारांबरोबरच तृतीयपंथी अशी तिसरी वर्गवारी करण्यात आली होती. 2014 मध्ये या तिसऱ्या वर्गवारीमध्ये 918 मतदारांची नोंद करण्यात आली. पाच वर्षांनी करण्यात आलेल्या नोंदीमध्ये हा आकडा दुप्पटीने वाढला असून आता ही संख्या 2,086इतकी झाली आहे. भिवंडी, कल्याण, मुंबई उत्तर आणि मुंबई पूर्व या चार मतदारसंघात अनुक्रमे 113, 184, 324 आणि 123 तृतीयपंथाची नोंद झाली आहे. मुंबई उत्तर या मतदारसंघातून सर्वाधिक 324तृतीयपंथीची नोंद झाली आहे.

गौरी सावंत यांच्या नेमणुकीमुळे अधिकाधिक तृतीयपंथीची शेवटच्या टप्प्यातील नावनोंदणी करण्यास मदत होईल.येत्या काही दिवसांत गौरी सावंत या तृतीयपंथीयांच्या घरी जाऊन मतदानाची आवश्यकता, मतदानाचा हक्क या बाबत सांगणार आहेत. महाराष्ट्रात राहणाऱ्या नवमतदारासह अधिकाधिक मतदारांनी लोकसभा निवडणुकीमध्ये मतदान करावे यासाठी निवडणूक आयोगामार्फत नामवंत खेळाडू, चित्रपट कलावंत, साहित्यिक आदी वेगवेगळ्या क्षेत्रातील मान्यवरांना निवडणूक सदिच्छादूत म्हणून नियुक्त करण्यात आले आहे.

सर्वोच्च न्यायालयाच्या आदेशानंतर 2014 साली तृतीयपंथी मतदारांना प्रथम मतदानाचा अधिकार मिळाला. आणि तेव्हापासूनच तृतीयपंथी अशा स्वतंत्र वर्गवारीत या समूहाची नोंद करण्यात येऊ लागली. 2019 मध्ये करण्यात आलेल्या नोंदणीत तर तृतीयपंथी वर्गवारीमध्ये मतदारांची संख्या दुपटीने वाढली असल्याचे दिसून आले आहे. याचाच अर्थ आज तृतीयपंथीसुद्धा आपल्या मतदानाच्या हक्काबाबत सजग असून मतदान नावनोंदणीसाठी पुढे येत आहेत.

पुणे-महाराष्ट्रातील 48 लोकसभा मतदारसंघातील काँग्रेस, राष्ट्रवादी आघाडीला 20 मतदारसंघात उमेदवारीवरून पेच निर्माण झालेला असून संभाव्य बंडाळी आणि विरोधकांचा बेबनाव यामुळे उमेदवार निवडीला विलंब लागत आहे. पहिल्या व दुसरया टप्प्यातील ११ आणि १८ एप्रिलला होणाऱ्या निवडणुकीसाठी उमेदवारी अर्ज भरण्यास गेली २ दिवसांपासून प्रारंभ झाला आहे तरी अखेरच्या दिवसाची वाट पाहण्याची वेळ विरोध पक्षांच्या रणनीतीमुळे आली आहे. भाजप-सेनेने अद्याप एकही उमेदवारी जाहीर केलेली नाही. तर काँग्रेस, राष्ट्रवादी आघाडीने तब्बल २८ मतदारसंघातील उमेदवारी जाहीर करून प्रचार सुरु केलेला आहे.

काँग्रेस, राष्ट्रवादी आघाडीकडून आतापर्यंत २८ मतदारसंघातील जाहीर झालेल्या उमेदवारांची नावे खालीलप्रमाणे-

काँग्रेस, राष्ट्रवादी आघाडीला खालील 20 मतदारसंघात उमेदवारीवरून पेच

पाटना -भारतीय जनता पक्षाचे बंडखोर नेते आणि अभिनेते सिन्हा शत्रुघ्न सिन्हा काँग्रेसमध्ये प्रवेश करणार आहेत. सूत्रांच्या माहितीनुसार पाटण्यामध्ये 22 मार्चला होणाऱ्या पत्रकार परिषदेत त्यांच्या काँग्रेस प्रवेशाची घोषणा होईल.

भाजपने पटनासाहिब इथून शत्रुघ्न सिन्हा यांना उमेदवारी दिली नाही त्यामुळे ते नाराज होते. यामुळेच त्यांनी भाजपला रामराम करून काँग्रेसमध्ये जाण्याचा निर्णय घेतला. राष्ट्रीय जनता दल, काँग्रेस आणि इतर पक्षांची मोट बांधून महागठबंधनला एकत्र ठेवण्यात शत्रुघ्न सिन्हा यांची महत्त्वाची भूमिका आहे, असं बोललं जातं.

त्यांच्या या कामाची पावती म्हणूनच पटना साहिबमधून त्यांना उमेदवारी देण्यात आलीय. केंद्रीय मंत्री असलेले ‘बिहारी बाबू’ रविशंकर प्रसाद यांच्याविरोधात ते निवडणूक लढवू शकतात.