पुणे-सेवाभाव हा प्रत्येक माणसाचा स्थायीभाव आहे. समाजाचे आपण काहीतरी देणं लागतो या भावनेने
समाजातील प्रत्येक घटकाने आपापल्या मर्यादेने संघटीतपणे सेवा केली आणि माझ्या आत्म्याचे समाधान ही
भावना त्यामध्ये ठेवली तर वैभवशाली भारताचे पुनर्निर्माण झाल्याशिवाय राहणार नाही असा विश्वास
राष्ट्रसेविका समितीच्या पुणे कार्यवाह मीनाताई कानडे यांनी व्यक्त केला.
विज्ञान आणि तंत्रज्ञान यांच्या माध्यमातून महिलांचे सक्षमीकरणासाठी शक्ति ही संस्था देशात कार्यरत आहे.
दिनांक २२ मार्च या राष्ट्रीय शक्ति स्थापना दिनानिमित्त शारदा शक्ति या पुणे शाखेतर्फे रविवार दि. २४ मार्च
रोजी सामाजिक योगदान देणाऱ्या औरंगाबादच्या सविता कुलकर्णी यांना शक्ति प्रेरणा पुरस्कार
आणि युवा कर्तृत्वाबद्दल बदलापूरच्या रेश्मा राठोड या युवतीस आय शक्ति सपोर्ट या
पुरस्काराने मीनाताई कानडे यांच्या हस्ते गौरविण्यात आले त्यावेळी त्या बोलत होत्या. सातत्याने
सामाजिक काम करणारी महिला आणि परिस्थितीशी संघर्ष करीत यश मिळवणाऱ्या युवतीस दरवर्षी पुरस्कार
देऊन गौरविले जाते मानपत्र आणि भेटवस्तू, असे शक्ति प्रेरणा पुरस्काराचे तर प्रशस्तीपत्र, ५००० रुपये रोख
आणि भेटवस्तू असे आय शक्ति सपोर्ट; पुरस्काराचे स्वरूप होते. विज्ञान आणि तंत्रज्ञान यांच्या माध्यमातून
महिलांचे सक्षमीकरणासाठी शक्तिही संस्था देशात कार्यरत आहे. ‘शक्ति’च्या राष्ट्रीय अध्यक्षा डॉ.
लीना बावडेकर, शारदा शक्तिच्या अध्यक्षा डॉ. राजश्री कशाळकर या यावेळी व्यासपीठावर उपस्थित होत्या.
मीनाताई कानडे म्हणाल्या, साधू संतांनी आधी केले मग सांगितले. एकनाथांनी काशीची गंगा गाढवाला वाहून
त्याचे प्राण वाचवले. परंतु आज दुर्दैवाने समाजात जाती जातीमध्ये विघटन केले जात आहे. साधू संतांनी
आपली संस्कृती, मानवता टिकवली. आपण संत तुकाराम महाराज संत ज्ञानेश्वर महाराजांचे अभंग, प्रवचने
ऐकतो परंतु त्यांच्या विचारांचा प्रसार करीत नाही. पारायणे करण्यापेक्षा चरित्रे वाचली पाहिजेत. चरित्र नुसते
वाचू नका तर त्यातून बोध घेऊन काहीतरी सेवाभाव अंगीकारा. ज्याठिकाणी गुरांना पाणी नाही त्याठिकाणी
संघटीत सेवेच्या माध्यमातून चारा छावण्या उभारणे, पाणी देऊ शकत नसेल तर त्यासाठी आर्थिक मदत करणे
अशा विविध माध्यमातून आपण सेवा देऊ शकतो. सेवा हा दोन अक्षरी शब्द आहे परंतु त्याची व्याप्ती मोठी आहे
असे त्या म्हणाल्या. आपण काम करतो ते करून दुसऱ्याला मदत करावी. हे करताना माझेच काम मोठे हा
अहंकार त्यामध्ये नसावा किंवा न्यूनगंडही असू नये असे सांगून मीनाताई म्हणाल्या, माझ्या आत्म्याचे समाधान
हीच खरी सेवा आहे या भावनेतून प्रत्येकाने काम केले तर वैभवशाली भारताचे पुनर्निर्माण हे लक्ष्य साध्य
झाल्याशिवाय राहणार नाही.
डॉ. लीना बावडेकर म्हणाल्या, जे जे शर्यतीत धावत असतात त्यांना नेहेमी भीती वाटत असते. मागून
येणाऱ्याला पुढे जाऊ द्यायचे नाही म्हणजे एकतर त्याच्यामध्ये अडथळा आणला पाहिजे अथवा आपली लेन
बदलली पाहिजे अशी वृत्ती समाजात सध्या पाहायला मिळते. मात्र आजच्या पुरस्कारार्थी हे कोणत्याही स्पर्धेत
नाहीत. त्यांची स्पर्धा हे त्यांच्या स्वत:शीच आहे. आपले काम करत त्यांच्या कुटुंबासाठी आणि देशासाठी ते
समर्पित भावनेने काम करतात. प्रत्येक महिलेमध्ये प्रचंड शक्ती आहे. या शक्तीचा उपयोग मीनाताईंनी
सांगितल्याप्रमाणे संघटीत सेवा कार्यासाठी होणे आवश्यक आहे असे त्या म्हणाल्या.
सौ. साविताताई कुलकर्णी म्हणाल्या, हा पुरस्कार माझा एकटीचा नसून माझ्या संपूर्ण टीमचा सन्मान आहे.
टीमवर्कमुळेच माझ्या व्यक्तिमत्वामधील ज्या मर्यादा होत्या त्या पूर्ण होऊ शकल्या. सेवाकार्य करताना ज्या

समाजात काम करतो त्याच्या शेवटपर्यंत पोहचावे या भावनेतून काम केले. सेवा घेतो तो कमी व सेवा देतो
म्हणून तो उच्च अशी भावना कधीच असू नये असे सांगून त्या म्हणाल्या, उच्च नीचतेची भावना समाजातून
काढून टाकण्याचे काम आमची संस्था करते.
रेश्मा राठोड म्हणाली, माझे आई-वडील,इतर कुटुंबीय, शिक्षक, प्रशिक्षक यांच्यामुळे खो-खो या खेळामध्ये मी
प्राविण्य मिळवू शकले.
रेश्माचे प्रशिक्षक श्री म्हसकर यांनीही आपले मनोगत व्यक्त केले.
कार्यक्रमाचे प्रास्ताविक डॉ. राजश्री कशाळकर यांनी, सूत्रसंचालन स्वाती जोगळेकर यांनी तर आभार सीमंतिनी
वझे यांनी मानले.

पुणे-दहा लाखाच्या खंडणीसाठी अपहरण केलेल्या दोन वर्षीय चिमुरड्याची पुणे पोलिसांनी ११ तासात सुखरूप सुटका केली. पुण्यातील वडाची वाडी येथून या चिमुरड्याचे अपहरण झाले होते.
पुष्कराज धनवडे असं या चिमुरड्याचे नाव आहे. अपहरण करणारे मात्र अद्याप पोलिसांच्या हाती लागले नाहीत. पोलीस त्यांचा कसून शोध घेत आहेत.

पोलिसांनी दिलेल्या माहितीनुसार, पुष्कराज हा वडाची वाडी येथील घराच्या आवारात खेळत असताना तो अचानक गायब झाला. त्यानंतर त्याच्या कुटुंबीयांनी पोलिसात धाव घेत तक्रार दिली. पोलिसांनीही शोधाशोध सुरू केली. परंतु रात्री दीडपर्यंत काहीही मागमूस लागला नाही. पुष्कराज राहत असलेल्या बंगल्याच्या कंपाउंडमध्ये दत्त मंदिर आहे. या दत्त मंदिराच्या आवारात एका बिस्कीट पुड्याखाली एक चिट्ठी आढळली. या चिट्ठीत एक मोबाईल नंबर होता. या मोबाईल नंबरवर पुष्कराजच्या काकांनी फोन केला असता समोरून पुष्कराजचे अपहरण केल्याचे सांगित आणि उद्या सकाळी १० लाखाची खंडणी घेऊन नाशिकला या असे सांगितले.

त्यानंतर पोलीसांनीही घटनेचे गांभीर्य लक्षात घेत आरोपींचा शोध सुरू केला. तपासादरम्यान आरोपी उंद्री परिसरातच असल्याची माहिती मिळाली. त्यानंतर पुणे पोलिसांच्या ६० ते ७० कर्मचाऱ्यांनी संपूर्ण उंद्री परिसर पिंजून काढला. शनिवारी पहाटेच्या सुमारास परिसरातील एका बांधकाम सुरू असलेल्या साईटवर पुष्कराज पोलिसांना आढळला. मात्र अपहरणकर्ते त्या ठिकाणी नव्हते. अशाप्रकारे पुणे पोलिसांनी रात्रभर शोधमोहिम राबवून पुष्कराजची सुखरूप सुटका केली. पोलीस अधिक तपास करीत आहेत.

पुणे-सांस्कृतिक पुण्यातील सांस्कृतिक नगरी अशी ओळख असलेल्या कोथरुड मधील पुणे महापालिकेच्या यशवंतराव चव्हाण नाट्यगृहात विंग पडून कर्मचाऱ्याचा मृत्यू झाला आहे. रंगमंच सहाय्यक विजय महाडीक असे या कर्मचाऱ्याचे नाव आहे. विजय महाडीक हे पुण्यातील धनकवडीत रहात होते. ते यशवंतराव चव्हाण नाट्यगृहाचे कर्मचारी होते. काल मध्यरात्री दीड ते दोन वाजण्याच्या सुमारास ते स्टेज रिकामं करण्याचं काम करत होते. त्याचवेळी हा अपघात घडला.

स्टेज रिकामं करण्यासाठी महाडिकांनी विंग हलवली. त्यावेळी एक लोखंडी रॉड त्यांच्या डोक्यात पडला. डोक्यात रॉड पडल्यानं महाडिकांना गंभीर दुखापत झाली. यशवंतराव चव्हाण नाट्यमंदिरात आज सकाळी हॅम्लेट नाटकाचा प्रयोग होता. त्याचमुळे ते रंगमंच रिकामा करत होते. रात्री ही घटना घडल्याने पुण्यात हळहळ व्यक्त होते आहे. डायनोसॉर ची मोठी प्रतिकृति कोथरुड मध्ये उभारू पहाणाऱ्या लोकप्रतिनिधिने या थिएटर कड़े सातत्याने दुर्लक्ष केले , या थिएटर च्या दुरावस्थेबाबत  एका अभिनेत्रीने सुमारे दीड वर्षापूर्वी फेसबुक वरुन आवाज उठविला होता तो महापालिकेच्या मुख्य इमारतीत देखील घुमला होता .त्यानंतर ही अशी दुर्घटना घडावी हे दुर्दैव आहे.

 पुणे-पीवायसी हिंदू जिमखाना क्लब आयोजित तेराव्या पीवायसी-एटीसी स्नुकर अजिंक्यपद 2019 स्पर्धेत गटसाखळी फेरीत  पांडुरंगा, विजय निचाणी, दिलीप कुमार यांच्या विजयी कामगिरीच्या जोरावर अमनोरा द फर्न क्लब संघाने द बॉल हॉग्ज  संघाचा 3-0 पराभव करून आजचा दिवस गाजवला.

पीवायसी हिंदू जिमखाना व डेक्कन जिमखाना येथील बिलियर्ड्स हॉलमध्ये सुरु असलेल्या या स्पर्धेत गटसाखळी फेरीत ग गटात अमनोरा द फर्न क्लब संघाने द बॉल हॉग्ज संघाचा पराभव करून त्यांची विजयी मालिका खंडित केली. सामन्यात पांडुरंगा याने आदित्य अगरवालचा 32-15, 69-27, 33-35, 81-36 असा सहज पराभव करून संघाला आघाडी मिळवून दिली. दुसऱ्या सामन्यात भारताचा मानांकित खेळाडू असलेल्या विजय निचाणी याने आपल्या लौकिकाला साजेशी खेळी करत लौकिक पठारेचा 12-45, 65-58, 37-21, 54-37 असा पराभव करून संघाला विजयी आघाडी मिळवून दिली. तिसऱ्या सामन्यात दिलीप कुमार याने रोहन साकळकरला 38-26, 69-32, 27-57, 53-28 असे पराभूत करून संघाला 3-0असा एकतर्फी विजय मिळवून दिला.

फ गटात दिग्विजय कडीअन, ब्रिजेश दमानी, अनुज उप्पल यांच्या अफलातून कामगिरीच्या जोरावर पांडे डिझाईन संघाने प्राधिकरण युथ फोरमचा 3-0 असा पराभव करून विजयी सलामी दिली.इ गटात कॉर्नर पॉकेट वॉरियर्स संघाने केएसबीए 2-1 असा संघर्षपूर्ण पराभव करून आगेकूच केली.

स्पर्धेचा सविस्तर निकाल: गटसाखळी फेरी:
गट अ- पीवायसी वॅरियर्स वि.वि क्यु मास्टर्स 3-0(योगेश लोहिया वि.वि तुषार सवदी 23-36, 61-15,31-02,79-16; आदित्य देशपांडे वि.वि अभिषेक श्रीवास्तव 57-01, 66-65,56-14; राजवर्धन जोशी वि.वि आर्यन राजहंस 21-41,78-23,38-33,56-64,36-06)

गट ई- कॉर्नर पॉकेट वॅरियर्स वि.वि डेक्कन रायनोज् 3-0(शिवम अरोरा वि.वि संतोष धर्माधिकारी 48-14,50-16,31-17; संदिप गुलाटी वि.वि प्रशांत पवार 42-12,69-07,43-16; शोएब खान वि.वि विठ्ठल ढमाळे 40-09,46-58,47-12,50-27)

गट ग: अमनोरा द फर्न क्लब वि.वि.द बॉल हॉग्ज 3-0(पांडुरंगा वि.वि.आदित्य अगरवाल 32-15, 69-27, 33-35, 81-36; विजय निचाणी वि.वि.लौकिक पठारे 12-45, 65-58, 37-21, 54-37; दिलीप कुमार वि.वि.रोहन साकळकर 38-26, 69-32, 27-57, 53-28);

गट ग: बीएसएसए मास्टर्स वि.वि.पूना क्लब अ 3-0(रोविन डिसुझा वि.वि.राजीव खांडके 44-03, 56-23, 62-02; अभिमन्यू गांधी वि.वि.पंकज परमार 38-00, 80-04, 47-00; आनंद रघुवंशी वि.वि.कुणाल वासवानी 15-36, 37-62, 38-01, 75-49, 38-12);

गट क: कॉर्नर पॉकेट क्युईस्ट वि.वि.केव्हीडी 2-1(मुकुंद भराडिया पुढे चाल वि.अभिनय एडके; राहुल सचदेव वि.वि.जयेश साळवी 38-11, 33-57, 43-07, 54-82, 39-13; हसन बदामी पराभूत वि.गौरव जयसिंघानी 35-22, 40-67, 42-04, 06-51, 15-40);

गट फ: पांडे डिझाईन वि.वि.प्राधिकरण युथ फोरम 3-0(दिग्विजय केडीअन वि.वि.अमित अगरवाल 21-30, 51-42, 33-05, 82-09; ब्रिजेश दमानी वि.वि.अंकुश प्रसाद 43-00, 60-06, 52-00; अनुज उप्पल वि.वि.बिपीन संकपाळ 40-09, 93(93)-00, 35-22);

गट ग: द बॉल हॉग्ज वि.वि.147 पूल अँड स्नूकर 3-0(अशोक शांडिल्या वि.वि.मनोज गाडगीळ 46-16, 70-25, 37-02; लौकिक पठारे वि.वि.चैतन्य हळबे 28-18, 21-57, 35-42, 68-41, 49-00; आदित्य ए वि.वि.सचिन बिचे
58-00, 70-10, 40-12);

गट इ: कॉर्नर पॉकेट वॉरियर्स वि.वि.केएसबीए 2-१(संदीप गुलाटी पराभूत वि.एम योगेश कुमार 14-35, 00-73, 00-32; शोएब खान वि.वि.एम.एस.अरुण 18-43, 67-14, 31-22, 53-22; शिवम अरोरा वि.वि.दक्ष रेड्डी 37-10, 80-42, 24-09);