पुणे : दि इन्स्टिट्यूट ऑफ चार्टर्ड अकाउंटंट्स ऑफ इंडिया (आयसीएआय) पुणे शाखा व वेस्टर्न इंडिया चार्टर्ड अकाउंटंट्स स्टुडंट्स असोसिएशन (डब्ल्यूआयसीएएसए-विकासा) पुणे शाखा यांच्या संयुक्त विद्यमाने मोफत ‘मेगा सीए करिअर काउंसलिंग’चे आयोजन करण्यात आले आहे. येत्या शनिवारी (दि. ३० मार्च २०१९) सकाळी १० ते १ या वेळेत काळे सभागृह, गोखले इन्स्टिट्यूट ऑफ पॉलिटिक्स अँड इकॉनॉमिक्स, बीएमसीसी रोड, डेक्कन जिमखाना पुणे येथे हे मार्गदर्शन शिबीर होणारआहे. दहावी, अकरावी, बारावी उत्तीर्ण, परीक्षा दिलेल्या आणि सीए होऊ इच्छिणाऱ्या विद्यार्थ्यांसाठी, तसेच पालकांसाठी हे करिअर कौन्सिलिंग महत्वपूर्ण ठरणार आहे. हे करिअर मार्गदर्शन शिबीर सर्वांसाठी विनामूल्य असणार आहे, अशी माहिती ‘आयसीएआय’ पुणेच्या अध्यक्षा सीए ऋता चितळे व ‘विकासा’चे अध्यक्ष सीए अभिषेक धामणे यांनी पत्रकार परिषदेत दिली.

पुणे- भारत निवडणूक आयोगाच्या निर्देशानुसार जिल्हा स्तरावर जिल्हाधिकारी तथाजिल्हा निवडणूक अधिकारी नवल किशोर राम यांनी ईव्हीएम / व्हीव्हीपॅट मशीनचे प्रथम यादृच्छिकीकरण (सरमिसळ) प्रक्रिया  दिनांक 26 मार्च 2019 रोजी सकाळी 10 वाजता सर्व राजकीय पक्षांच्या प्रतिनिधींच्या उपस्थितीत पूर्ण करण्यात आली. यावेळी उपजिल्हा निवडणूक अधिकारी मोनिका सिंह, ईव्हीएम नोडल अधिकारी विजयसिंह देशमुख यांचीही उपस्थिती होती.

मावळ लोकसभा मतदार संघासाठी एकूण 1238 मतदान केंद्रासाठी बॅलेट युनिट (बीयु) 1486, कंट्रोल युनिट (सीयु) 1486, वोटर व्हेरीफायबल पेपर ऑडीट ट्रेल (व्हीव्हीपॅट) 1659  तसेच  पुणे मतदार संघाच्या 1997 मतदान केंद्रासाठी बीयु 2396, सीयु 2396 व्हीव्हीपॅट 2676 आणि बारामती मतदार संघाच्या 2372 मतदान केंद्रासाठी बीयु 2846, सीयु 2846, व्हीव्हीपॅट 3178 व  शिरुर मतदार संघाच्या 2296 मतदान केंद्रासाठी बीयु 2755, सीयु 2755 व्हीव्हीपॅट 3077 असे एकूण 7903 मतदान केंद्रासाठी बीयु 9484, सीयु 9484 व्हीव्हीपॅट 10 हजार 590 एवढ्या मशीन त्या त्या मतदार संघाच्या एकूण मतदान केंद्राच्या बीयु 120 टक्के, सीयु 120 टक्के, व्हीव्हीपॅट 134 टक्‍के या प्रमाणात उपलब्ध प्रथम स्तरीय चाचणीत सुव्यवस्थीत असलेल्या मशीनचे यादृच्छिकीकरण/ सरमिसळ प्रक्रिया पूर्ण करण्यात आली.

या मशीन संबंधित लोकसभा मतदार संघाकडे हस्तांतरण करण्याची प्रक्रिया भोसरी येथील वखार महामंडळाच्या गोडावूनच्या समोर उभारलेल्या मंडपामध्ये 21 मतदार संघाचे स्वतंत्र कंपार्टमेंट मधून करण्यात आली.

जिल्हा नियंत्रण कक्ष

भारत निवडणूक आयोगाने निवडणूक कार्यक्रम घोषित केलेला असून लोकसभा सार्वत्रिक निवडणुकीच्या अनुषंगाने जनतेच्या निवडणूक विषयक तक्रारी स्वीकारण्यासाठी जिल्हास्तरावर 24 X 7 नियंत्रण कक्ष (कंट्रोल रुम) स्थापन करण्यात आला आहे. या कक्षासाठी आवश्यक मनुष्यबळ व यंत्रणा उपलब्ध करुन देण्यात आली असल्याची माहिती जिल्हाधिकारी तथा जिल्हा निवडणूक अधिकारी नवल किशोर राम यांनी दिली आहे.

कोणत्याही व्यक्तीने केलेल्या तक्रारीची सदर नियत्रंण कक्षामध्ये नोंद घेण्यात येणार असून विविध पथकामार्फत त्यावर तातडीने कार्यवाही करण्यात येणार आहे. या नियंत्रण कक्षामध्ये जनतेला संपर्क करण्यासाठी पुढीलप्रमाणे दूरध्वनी क्रमांक उपलब्ध करुन देण्यात आलेले आहेत. 020 – 26121281, 26121291, 26121231, 26121271असे हे क्रमांक असून जनतेने याचा लाभ घ्यावा, असे आवाहन जिल्हाधिकारी तथा जिल्हा निवडणूक अधिकारी नवल किशोर राम यांनी केले आहे.

मतदार यादीमध्ये नव्याने समाविष्ट मतदार

आगामी लोकसभा निवडणूक 2019 च्या अनुषंगाने निरंतर पुनरिक्षण कार्यक्रमांतर्गत मतदार नोंदणीसाठी जिल्ह्यामध्ये आजपर्यंत 1 लक्ष 47 हजार 739 इतक्या अर्जावर निर्णय घेण्यात आलेला आहे. यामुळे अंतिम मतदार यादीमध्ये साधारणपणे वरील प्रमाणे मतदानाची वाढ होणार आहे.  पुणे व  बारामती या लोकसभा मतदार संघामध्ये मतदार नोंदणीसाठी मुदत संपलेली आहे तर मावळ आणि शिरुर या लोकसभा मतदार संघातील जनतेला दिनांक 30 मार्च 2019 पर्यत नोंदणी करता येईल, असे उप जिल्हा निवडणूक अधिकारी मोनिका ‍सिंह यांनी कळविले आहे.

निवडणूक लढविणा-या उमेदवारासाठी खर्चाची दर सूची जाहीर

लोकसभा निवडणूक 2019 करिता निवडणूक लढविणा-या उमेदवारासाठी विविध वस्तूंच्या खर्चाचा दर (रेट लिस्ट) निश्चित करण्यात आलेली असून ही यादी निश्चित करताना मान्यता प्राप्त राजकीय पक्षाच्या सूचना विचारात घेवून अंतिम करण्यात आलेली असून एक खिडकी योजनेच्या नोडल ऑफीसरमार्फत संबंधित उमेदवाराला उपलब्ध करुन देण्यात येणार आहे.

पुणे-कै. राजा गोसावी प्रतिष्ठान व अखिल भारतीय मराठी चित्रपट महामंडळ यांच्या संयुक्त विद्यमाने राजा गोसावी यांच्या जयंती निमित्त पुरस्कार सोहळ्याचे आयोजन आपल्या सहजसुंदर अभिनयाने मागील शतकातील अनेक दशके गाजविलेले मराठी चित्रपट सृष्टीतील अभिनेते स्व. राजा गोसावी यांच्या जयंतीनिमित्त पुरस्कार सोहळ्याचे व त्यांच्या आठवणींना उजाळा देण्याचा कार्यक्रम गुरुवार, दि. २८ मार्च रोजी सायं. ५ वा. राष्ट्रीय फिल्म संग्रहालय, लॉ कॉलेज रोड, पुणे चित्रपट सृष्टीत केलेल्या योगदानाबद्दल यावर्षीचा पुरस्कार राजभाऊसारखे व्यक्तिमत्त्व आणि विनोदी भूमिका साकारणारे सिने अभिनेते मकरंद अनासपुरे यांना ज्येष्ठ सिने अभिनेते विक्रम गोखले यांच्या हस्ते प्रदान करण्यात येणार आहे. यावेळी साई संस्थान प्रति शिर्डीचे संस्थापक अध्यक्ष आणि चित्रपट निर्माते-दिग्दर्शक माजी आमदार प्रकाश देवळे, अखिल भारतीय मराठी चित्रपट महामंडळाचे अध्यक्ष मेघराज राजे भोसले, अभिनेत्री जयमाला इनामदार, अभिनेत्री लीला गांधी, दिलीप देशमुख, नवचैतन्य हस्यक्लबचे मकरंद टिल्लू, विठ्ठल काटे, सपना लालचंदनी, राजा गोसावी प्रतिष्ठानचे अध्यक्ष दिनेश गोसावी, कार्यक्रमाचे संयोजक डॉ. प्रसाद खंडागळे, विदुला गोसावी, दिलीप हांडे, जनाई गोसावी, शमा देशपांडे आदी मान्यवर उपस्थित राहणार आहेत.

पुणे- मतदार जागृती हा निवडणूक प्रक्रियेतील महत्‍त्‍वाचा घटक असून स्‍वीप ( सिस्‍टेमॅटीक  वोटर्स एज्‍युकेशन अॅण्‍ड इलेक्‍ट्रोरल पार्टीसिपेशन) कार्यक्रमाच्‍या माध्‍यमातून मतदानाची टक्केवारी वाढण्‍यास निश्चितच मदत होईल, असा विश्‍वास अपर जिल्‍हाधिकारी तथा शिरुर लोकसभा मतदार संघाचे निवडणूक निर्णय अधिकारी रमेश काळे यांनी व्‍यक्‍त केला.

जिल्‍हाधिकारी कार्यालयात जिल्‍हास्‍तरीय स्‍वीप समितीची बैठक आयोजित करण्‍यात आली होती. त्‍यावेळी ते बोलत होते. बैठकीस उप जिल्‍हाधिकारी सुभाष बोरकर, नेहरु युवा केंद्राचे जिल्‍हा समन्‍वयक यशवंत मानखेडकर, जिल्‍हा माहिती अधिकारी राजेंद्र सरग उपस्थित होते.

पुणे जिल्‍ह्यासाठी स्‍वीप समिती स्‍थापन करण्‍यात आली असून विविध कार्यालयांच्‍या माध्‍यमातून मतदार जागृतीचे कार्यक्रम आणि उपक्रम हाती घेण्‍यात आले आहेत. पुणे जिल्‍ह्यात सर्वच विभागांनी राबविलेल्‍या उपक्रमांचे रमेश काळे यांनी कौतुक केले. प्रत्‍येक निवडणुकीचे वेगळे वैशिष्‍ट्य असते. या निवडणुकीत एकही मतदार मतदानापासून वंचित होऊ नये यासाठी भारत निवडणूक आयोगाने खास प्रयत्‍न करण्‍याचे आदेश दिले आहेत. स्‍वीप कार्यक्रमाच्‍या माध्‍यमातून या कामी यश येईल, असेही ते म्‍हणाले.

प्रारंभी प्रत्‍येक कार्यालयाने स्‍वीप उपक्रमांबाबत केलेल्‍या कार्यवाहीची माहिती दिली. लोकशाही पंधरवडा, जागतिक दिव्‍यांग दिन, जागतिक महिला दिन या निमित्‍ताने वक्‍तृत्‍व स्‍पर्धा, निबंध स्‍पर्धा, चित्रकला स्‍पर्धांचे आयोजन करण्‍यात आले होते. महिला बचत गट, ज्‍येष्‍ठ नागरिक, संघटित तसेच असंघटित क्षेत्रातील कामगारांच्‍या कार्यशाळा घेण्‍यात येऊन त्‍यांना मतदानाचे महत्‍त्‍व पटवून देण्‍यात आले. बैठकीस उपजिल्‍हाधिकारी संतोष भोर, सहायक आयुक्‍त अण्‍णासाहेब बोदडे, शिक्षणाधिकारी डॉ. गणपत मोरे, प्रवीण आष्‍टीकर आदींसह इतर अधिकारी उपस्थित होते.

पुणे- पीवायसी हिंदू जिमखाना क्लब आयोजित तेराव्या पीवायसी-एटीसी स्नुकर अजिंक्यपद 2019 स्पर्धेत बाद फेरीत द बॉल हॉग्ज, क्यू क्लब वॉरियर्स, एलसीएसए, एमपी स्ट्रायकर्स, केएसबीए, कॉर्नर पॉकेट शूटर्स, बीएसएए मास्टर्स, खार जिमखाना या संघांनी आपापल्या प्रतिस्पर्धी संघांचा पराभव करून उप-उपांत्यपूर्व फेरीत प्रवेश केला.

पीवायसी हिंदू जिमखाना व डेक्कन जिमखाना येथील बिलियर्ड्स हॉलमध्ये सुरु असलेल्या या स्पर्धेत बाद फेरीत शाहबाज खान, आशिक मुदसेर यांच्या उत्कृष्ट खेळीच्या जोरावर क्यू क्लब वॉरियर्स संघाने फायर बॉल्सचा 2-0 असा पराभव करून आगेकूच केली. दुसऱ्या सामन्यात द बॉल हॉग्ज संघाने पूना क्लब अ संघाचा 2-1 असा संघर्षपूर्ण पराभव केला. सामन्यात पहिल्या लढतीत द बॉल हॉग्जच्या लौकिक पठारेला पूना क्लबच्या विग्नेश संघवीने 14-49, 66-29, 17-40, 16-69 असा पराभूत केले. दुसऱ्या सामन्यात द बॉल हॉग्जच्या आदित्य अगरवाल याने दिनेश मेहतानीचा 29-17, 73-52, 26-32, 66-(55)87, 33-15 असा पराभव करून संघाला बरोबरी साधून दिली. तिसऱ्या व निर्णायक लढतीत द बॉल हॉग्जच्या रोहन साकळकरने पूना क्लबच्या सुरज राठीचा 35-22, 32-67, 33-24, 70-22 असा पराभव करून संघाला विजय मिळवून दिला.

अन्य लढतीत अक्षय कुमार, आयुश मित्तल यांच्या विजयी कामगिरीच्या जोरावर एलसीएसए संघाने ऑटो पॉट्स संघाचे आव्हान 2-0 असे संपुष्टात आणले. कॉर्नर पॉकेट शूटर्स संघाने क्यू मास्टर्स अ संघाचा 2-0 असा पराभव करून स्पर्धेतील आपले आव्हान कायम राखले. विजयी संघाकडून संकेत मुथा व तहा खान यांनी सुरेख कामगिरी बजावली. चुरशीच्या झालेल्या लढतीत खार जिमखाना संघाने एसआरके मास्टर्सचा 2-1 असा पराभव केला. सामन्यात खार जिमखानाच्या ईशप्रित चड्डाला कडवी झुंज देत एसआरकेच्या वाहीद खानने  22-35, 61-42, 57-00, 03-59, 28-35 असा विजय मिळवत संघाला आघाडी मिळवून दिली. त्यानंतर दुसऱ्या लढतीत खार जिमखानाच्या स्पर्श फेरवानीने एसआरकेच्या कृष्णराज अरकोटचा 46-16, 67-53, 50(42)-14 असा तीन फ्रेममध्ये सहज पराभव करून संघाचे आपल्या सामन्यातील आव्हान कायम राखले. तिसऱ्या लढतीत खार जिमखानाच्या रिषभ ठक्कर याने एसआरकेच्या मोहम्मद सलमानचा 35-14, 10-62, 38-14, 75-42) असा पराभव करून संघाच्या विजयात मोलाचा वाटा उचलला.

स्पर्धेचा सविस्तर निकाल: बाद फेरी:
क्यू क्लब वॉरियर्स वि.वि.फायर बॉल्स 2-0(शाहबाज खान वि.वि.अमेय काळेकर 48-13, 80-35, 38-05; आशिक मुदसेर वि.वि.नितीन भोसले 44-16, 86(56)-22, 14-34, 63-17);

द बॉल हॉग्ज वि.वि.पूना क्लब अ 2-1( (लौकिक पठारे पराभूत वि.विग्नेश संघवी 14-49, 66-29, 17-40, 16-69; आदित्य अगरवाल वि.वि.दिनेश मेहतानी 29-17, 73-52, 26-32, 66-(55)87, 33-15; रोहन साकळकर वि.वि.सुरज राठी 35-22, 32-67, 33-24, 70-22);

एलसीएसए वि.वि.ऑटो पॉट्स 2-0(अक्षय कुमार वि.वि.लव बोरीचा 28-07, 54-09, 19-11; आयुश मित्तल वि.वि.सिद्देश मुळे 46-05, 64-69, 38-05, 62-55);

एमपी स्ट्रायकर्स वि.वि.कॉर्नर पॉकेट टायगर्स 2-0(केतन चावला वि.वि.माधव जोशी 44-06, 79(58)-16, 37-17; भरत सिसोडिया वि.वि.चिंतामणी जाधव 62(62)-00, 71-15, 39-07);

केएसबीए वि.वि.केव्हीडी स्कवाङ 2-0(दक्ष रेड्डी वि.वि.गौरव जयसिंघानी 40-28, 81(49)-42, 43-08; एमएस अरुण वि.वि.अभिनय एडके 01-34, 73-01, 07-39, 71-64, 39-01);

बीएसएए मास्टर्स वि.वि.पीवायसी जायंट्स 2-0(रोविन डिसुझा वि.वि.अरुण बर्वे 33-09, 72-26, 30-10; अभिमन्यू गांधी वि.वि.रोहित नारगोलकर 51-01, 63-08, 49-00);

कॉर्नर पॉकेट शूटर्स वि.वि.क्यू मास्टर्स अ 2-0(संकेत मुथा वि.वि.आकाश पाडाळीकर 66-00, 72-42, 37-17; तहा खान वि.वि.समीर बिडवई 37-35, 75-05, 43-12);

खार जिमखाना वि.वि.एसआरके मास्टर्स 2-1(ईशप्रित चड्डा पराभूत वि.वाहीद खान 22-35, 61-42, 57-00, 03-59, 28-35; स्पर्श फेरवानी वि.वि.कृष्णराज अरकोट 46-16, 67-53, 50(42)-14; रिषभ ठक्कर वि.वि.मोहम्मद सलमान 35-14, 10-62, 38-14, 75-42).