पुणे-‘अलंकृता’ हा डॉ.अभिजित नातू यांची संकल्पना असलेला  आणि डॉ.रेवा नातू यांची स्वरश्रीमंती लाभलेला बहारदार आणि देखणा कार्यक्रम नुकताच संपन्न झाला.या कार्यक्रमाचे दर्जेदार निवेदन मंजुषा उकिडवे आणि डॉ.मृणाल धोंगडे यांनी केले.अतिशय अभ्यासपूर्ण आणि रंजक अश्या संवादाने त्यांनी या स्वर मैफिलीचे सूत्र गुंफले होते.आतिशय अनमोल असे संस्कृतीचा ठेवा असलेले अलंकार शब्द सुरांच्या माध्यमातून आलंकृत होत मैफल सजली होती.

पारंपारिक नथ,हार,पोहेहार ,चपलाहार,तन्मणी,वाकी, वाळे, पैंजण,एक स्तराची-कांची,आठ स्तरांची-मेखला,सोळा स्तरांची-रसना ,असे भरजरी अलंकार द्रुकश्राव्य  माध्यमातून  दाखवण्यात आले.वेगवेगळ्या  प्रांतातून अलंकार कसे असतात ते कशापासून तयार करतात स्त्रियांना या अलंकारांची कशी आवड असते.हेसांगून  गीतातून राजस्थानी मुन्दरी कोरस या मधून सादर केला.स्नेहल नाईक,आरती मांडके,सानिका सोमण,क्रांती साठे.यांची कोरससाथ एकसुरात होती.त्यावेळी तबलासाथ करणारे अक्षय शेवडे यांनी उत्तम ढोलक वाजवला.हेमंत पोटफोडे यांनी तालवाद्या बरोबरच शंख वाजवला त्यावेळी  ऋषभ नातू यांनी गिटार साथ केली.त्यामुळे हा स्वरकोलाज जास्त उठावदार झाला.

रेवा नातू यांनी गेलेले “सूर्यकिरण मज भासे”हे पद पारंपारिक नाट्य गीताची आठवण करून देणारे ठरले.उमेश पुरोहित यांची संवादिनी साथ तर छानहोतीच पण त्यांनी गेलेली नाट्यसंगीतातील साकीच्या धरतीवरील रचना उठावदार झाली. स्त्री धन म्हणून अलंकारांचे महत्व,पुरुषांचे अलंकारांची जंत्री सुद्धा सांगितली.बाळ लेणी ल्यायलेला’ परब्रह्म निष्काम तो हा’हि रचना  डॉ .रेवा नातू यांनी गायली रसिकांनी त्याला टाळ्या आणि वन्समोअर दिला. प्रेक्षकांचा प्रचंड प्रतिसाद या मैफलीस लाभला.

संदर कार्यक्रमाचे लेफ्ट. कर्नल फडकर सर यांच्या हस्ते ऊद्घाटन करण्यात आले. सदर कार्यक्रम सर्वांसाठी खुला होता व त्याबरोबर कार्यक्रमात गोळा झालेली  ऐच्छिक देणगी ‘भारत के वीर’ या शहीद जवाणांसाठी काम करणाऱ्या संस्थेला देणार आहे अशी माहिती या कार्यक्रमाचे आयोजक श्री. आशिष कांटे यांनी दिली. हीच  या कार्यक्रमाची सामाजिक खासियत ठरली.

पुणे -महात्मा फुले जयंती निमित्त कॉंग्रेस – राष्ट्रवादी कॉंग्रेस व मित्रपक्षांचे उमेदवार मोहन जोशी यांनी महात्मा फुले
वाडा येथे महात्मा ज्योतिबा फुले आणि क्रांतीज्योती सावित्रीबाई फुले यांच्या पुतळ्यास पुष्पहार अर्पण करून वंदन केले.
याप्रसंगी पुणे शहर कॉंग्रेस सरचिटणीस अजित दरेकर, उमेदवार मोहन जोशी, माजी आमदार दीप्ती चवधरी, पुणे शहर
जिल्हा कॉंग्रेस अध्यक्ष रमेश बागवे, महाराष्ट्र प्रदेश कॉंग्रेस सरचिटणीस अॅड. अभय छाजेडआदी मान्यवर उपस्थित होते .

कोपरासभा सभांसाठीचे शुल्ककमी करण्याची मागणी

दरम्यान लोकसभा मतदार संघात कोपरासभा (कॉर्नर मीटिंग) घेण्यासाठी पुणे महानगरपालीकेने अव्वाच्या
सव्वा शुल्क आकारण्याचा निर्णय घेतला आहे. एका कोपरा सभेसाठी तब्बल साडेसात हजार रुपये शुल्क
आकारण्याचा निर्णय पुणे मनपाने घेतला आहे. या रकमेमध्ये ४ हजार रुपये मूळ फी असून १००० रुपये सभे
नंतरच्या स्वच्छतेसाठीचा आकार आणि २५०० रुपये अनामत रक्कम म्हणून घेण्यात येत आहे. एका कोपरा
सभेला एवढी रक्कम ही खूपच जास्त वाटते. यापूर्वी कोपरा सभेचे दर खूपच कमी होते. पुणे लोकसभा मतदार
संघात एकूण २० लाख ७४ हजार मतदार आहेत. एवढ्या मोठ्या संख्येने मतदार असलेल्या मतदार संघात
मतदाराशी संपर्क करण्यासाठी किमान ३०० कोपरा सभा घेण्याची गरज भासते. मात्र त्यासाठी मोजावी
लागणारी किंमत किमान १५ लाखाच्या घरात जाते. कोणत्याही उमेदवाराच्या संपूर्ण निवडणूक खर्चाला
निवडणूक आयोगाने ७० लाखाची मर्यादा घातली आहे. अशा अवस्थेत केवळ कोपरा सभांवर १५ लाख रुपये
खर्च करणे कोणालाही परवडणारे नाही. मोठ मोठ्या राजकीय पक्षांच्या उमेद्वाराना देखील ही एवढी मोठी
रक्कम परवडत नाही. असे असताना एखाद्या अपक्ष उमेदवाराला तेवढा मोठा खर्च कसा परवडेल. यासाठी
निवडणूक आयोगाने खास लक्ष देऊन कोपरा सभांसाठी पुणे महानगर पालिकेकडून आकारण्यात येणारे शुल्क
कशी कमी करता येईल याकडे त्वरित लक्ष देण्याची गरज आहे.
या संदर्भात पुणे शहर जिल्हा कॉंग्रेस कमिटीचे सरचिटणीस व प्रवक्ते रमेश अय्यर यांनी निवडणूक
आयोगाला खास पत्र पाठवून याबाबत गांभीर्याने निर्णय घ्यावा अशी विनंती केली आहे.

सर्वाधिक मतदान होण्यासाठी कार्यकर्ता काम करेल
खासदार संजय काकडेंना विश्वास
भोर : भोर व वेल्हा भागातील धरणग्रस्तांचे पूनर्वसणाचे प्रश्न आणि इतर विकासाभिमुख कामे मार्गी लावू. या भागाचा सर्वांगीण विकास करण्यासाठी सर्वोतोपरी सहकार्य करण्यात येईल, असा शब्द खासदार संजय काकडे यांनी आज भोर तालुक्यातील कार्यकर्ता मेळाव्यात दिला. तसेच, लोकसभा निवडणुकीत कार्यकर्त्यांनी भाजपाच्या उमेदवार कांचन कुल यांना निवडून आणण्यासाठी सर्वोतोपरी सहकार्य करावे आणि जास्तीत जास्त मतदान होण्यासाठी काम करावे, असेही खासदार काकडे म्हणाले.

बारामती लोकसभा मतदार संघाच्या भाजप, शिवसेना व मित्रपक्ष महायुतीच्या उमेदवार सौ. कांचन कुल यांच्या प्रचारार्थ भोर व वेल्हा विभागातील कार्यकर्त्यांचा मेळावा आयोजित करण्यात आला होता. यावेळी प्रचार कार्यालयाचे उद्घाटन करण्यात आले आणि निवडणुकीच्या नियोजनासंदर्भात त्यांना मार्गदर्शन केले. याप्रसंगी बारामती लोकसभा मतदारसंघाचे प्रचार प्रमुख राजेश पांडे, शिवसेनेचे कुलदीप कोंडे शिवसेना, नगरसेवक शंकर पवार व राजेंद्र शिळीमकर, भाजप माथाडी संघटनेचे अध्यक्ष दिनेश धाडवे, पप्पू घोलप आणि भोर विधानसभा मतदारसंघातील भाजप, शिवसेना, रिपाइं, रासप महायुतीचे कार्यकर्ते मोठ्या संख्येने उपस्थित होते.

भोर आणि वेल्हा परिसरातील बहुसंख्य नागरिकांचे पूनर्वसनाचे प्रश्न गेल्या अनेक वर्षांपासून प्रलंबित आहेत. राज्यात भाजप-शिवसेनेचे सरकार असून, या भागातील धरणग्रस्तांच्या पूनर्वसनाचे प्रलंबित प्रश्न सोडविण्यासाठी निश्चित प्रयत्न करणार असल्याचे खासदार संजय काकडे यांनी सांगितले.

पुणे- जिल्‍हाधिकारी तथा जिल्‍हा निवडणूक अधिकारी नवल किशोर राम आणि जिल्‍हा पोलीस अधीक्षक संदीप पाटील यांनी आज दौंड तालुकयाचा दौरा करुन लोकसभा निवडणुकीच्‍या तयारीचा आढावा घेतला. यावेळी सहायक निवडणूक निर्णय अधिकारी प्रमोद गायकवाड, पोलीस उप अधीक्षक सचिन बारी यांच्‍यासह इतर अधिकारी उपस्थित होते. तहसिल कार्यालयात झोनल अधिका-यांना मार्गदर्शन करतांना जिल्‍हाधिकारी राम यांनी इलेक्‍ट्रॉनिक व्‍होटींग मशीन, व्‍हीव्‍हीपॅटच्‍या प्रशिक्षणाबाबतची माहिती जाणून घेतली. मतदान प्रक्रिया शांततेत आणि सुस्थितीत होण्‍यासाठी झोनल अधिका-यांचे योगदान महत्‍त्‍वाचे असून प्रत्‍येकाने आपल्या कामात  दक्ष रहावे. यापूर्वीच्‍या निवडणुकांचा अनुभव असला तरी यंदाच्‍या निवडणुकीत व्‍हीव्‍हीपॅटचा वापर असल्‍याने मतदान यंत्र हाताळणी करतांना खबरदारी घेण्‍याच्‍या सूचना त्‍यांनी दिल्‍या.

मतदानाची टक्‍केवारी वाढण्‍यासाठी मतदार जागृती कार्यक्रम राबविला जात आहे.  जिल्‍हाधिकारी राम यांनी या उपक्रमांतर्गत सादर झालेलया पथनाट्याची पहाणी करुन कलाकारांचे कौतुक केले. जिल्‍हाधिकारी राम आणि जिल्‍हा पोलीस अधीक्षक पाटील यांनी अतिसंवेदनशील मतदान केंद्र तसेच स्‍ट्रॉंग रुमची पहाणीही केली. स्थिर  सर्वेक्षण पथक, आचार संहिता कक्ष आदींचीही माहिती यावेळी घेण्‍यात आली.

पुणे-  लोकसभा निवडणूक प्रक्रियेशी संबंधित सर्व बाजूंची व्‍यापक माहिती देणा-या ‘लोकराज्‍य’च्‍या निवडणूक विशेषांकाचे प्रकाशन आज झाले.  जिल्‍हास्‍तरीय माध्‍यम प्रमाणीकरण आणि संनियंत्रण समितीच्‍या (मिडीया सर्टीफीकेशन अॅण्‍ड मॉनिटरींग कमिटी- एमसीएमसी) समन्‍वय अधिकारी तथा आदिवासी संशोधन व  प्रशिक्षण संस्थेच्‍या सहसंचालक नंदिनी आवडे, उपजिल्हाधिकारी (रोहयो) तथा समन्वयक सुधीर जोशी, उपसंचालक (माहिती) मोहन राठोड, पत्र सूचना कार्यालयाचे उपसंचालक महेश अय्यंगार, ज्येष्ठ पत्रकार अरुण खोरे, दूरदर्शनचे कार्यक्रम प्रमुख संजय कर्णिक, आकाशवाणीचे कार्यक्रम अधिकारी जगदीश राव, सावित्रीबाई फुले पुणे विद्यापीठाचे प्रा. योगेश बोराटे,सोशल मिडिीयाच्‍या पोलीस उप निरीक्षक श्‍यामल पोवार, अविनाश लोहर,  टी.पी.शर्मा, एस.बी.निकम, सदस्‍य-सचिव तथा जिल्‍हा माहिती अधिकारी राजेंद्र सरग, पुणे महापालिकेचे जनसंपर्क अधिकारी संजय मोरे,सहायक संचालक वृषाली पाटील आदी उपस्थित होते.

लोकराज्‍यच्‍या विशेषांकामध्‍ये लोकसभा निवडणूक 2009 आणि 2014 ची आकडेवारी, सी-व्‍हीजील अॅप, मतदारांसाठी भारत निवडणूक आयोगामार्फत उपलब्‍ध करुन देण्‍यात आलेल्‍या विविध सुविधा, निवडणूक प्रशिक्षण, समाजमाध्‍यमांचा वापर, पेड न्‍यूज, आदर्श आचार संहिता, निवडणुकांचे बदलते तंत्र याबाबत विस्‍तृत माहिती देण्‍यात आली आहे. हा अंक संग्रहणीय असून सर्वांना उपयोगी पडेल, असा विश्‍वास यावेळी व्‍यक्‍त करण्‍यात  आला.

पुणे-‘राजस्थानचे वनमंत्री सुखराम विष्णोई , जालोर-सुरूही लोकसभा मतदारसंघातील काँग्रेस उमेदवार
रतन देवासी तसेच जालोर जिल्हा काँग्रेसचे अध्य्क्ष सबरजित सिंह यांच्या प्रमुख उपस्थितीत
बिबवेवाडी येथील नाजूश्री सभागृहात बुधवारी पार पडलेल्या राजस्थान समाजाच्या बैठकीत पुणे
लोकसभा मतदारसंघातील काँग्रेस-राष्ट्रवादी काँग्रेस -मित्र पक्ष आणि आघाडीचे उमेदवार मोहन
जोशी यांना पाठिंबा दर्शविण्यात आला. या बैठकीला सुमारे तीन हजाराहून अधिक नागरिक
उपस्थित होते.
या बैठकीत बोलताना आघाडीचे उमेदवार मोहन जोशी यांनी पुण्यात राजस्थानी समाज मोठ्या
प्रमाणावर असल्याने पुणे- जोधपूर ही दररोज नवीन रेल्वे तसेच पुणे-जोधपूर विमानसेवा सुरु
करण्यासाठी प्रयत्न करण्याचे आश्वासन दिले. या बैठकीला राजस्थान समाजाचे ३६-कौमचे सर्व
अध्यक्ष व पदाधिकारी तसेच अशोक जैन, प्रदेश काँग्रेसचे सरचिटणीस अभय छाजेड, काका
धर्मावत, जगदीश उणेचा या सह तीन हजारहून अधिक समाज बांधक उपस्थित होते.