मुळशी: मुळशीकरांनी अनेक मुळशी पॅटर्न  राबविले व यशस्वी केले आहेत. आता मुळशी प्लानिंगकरून बारामती लोकसभा मतदार संघात इतिहास घडविण्याची संधी आहे. मुळशीकरांनी किमान 20 हजारांचे मताधिक्य दिल्यास हा इतिहास घडेल. मुळशीकर हा इतिहास नक्की घडवतील व आपण सर्वजण त्याचे साक्षीदार असू, असा ठाम विश्वास राज्यसभा खासदार संजय काकडे यांनी आज येथे केला.

बारामती लोकसभा मतदार संघाच्या भाजप-शिवसेना व महायुतीच्या उमेदवार कांचन कुल यांच्या प्रचारार्थ झालेल्या सभेत खासदार काकडे बोलत होते. याप्रसंगी राज्याचे महसूल मंत्री चंद्रकांत पाटील, भाजपचे मुळशी तालुकाध्यक्ष विनायक ठोंबरे, शिवसेनेचे तालुकाप्रमुख संतोष मोहोळ, रिपाइंचे तालुकाध्यक्ष सतीश केदारी, रासपचे तालुकाध्यक्ष अतुल सुतार, स्वाती ढमाले आदी मान्यवर पदाधिकारी उपस्थित होते.

बारामती लोकसभा मतदार संघात मुळशी पट्ट्यातील मतदान निर्णायक ठरणार आहे. आजपर्यंत या भागातील मतदार भाजप व शिवसेनेच्या पाठीमागे उभा राहिला. त्यामुळे या निवडणुकीतही मुळशीकरांनी भाजपाच्या उमेदवार कांचन कुल यांना किमान 20 हजारांचे मताधिक्य दिले तर, बारामती लोकसभेत इतिहास घडेल व भाजपाचा उमेदवार विजयी होईल. आणि सद्यस्थिती भाजपाच्या विजयाचीच आहे, असेही खासदार काकडे यावेळी म्हणाले.

पुणे-महाराष्ट्रातील ओबीसी मध्ये असणार्या तीळवन तेली समाजाला यापुढे निश्चितच राजकीय
न्याय दिला जाईल. तसेच जगतगुरू संताजी महाराज जगनाळे यांचे अतिशय चांगले स्मारक
पुण्यात होण्यासाठी मी प्रयत्न करेल अशी ग्वाही कॉंग्रेस – राष्ट्रवादी कॉंग्रेस व मित्र पक्षांचे
उमेदवार मोहन जोशी यांनी आज दिली. तसेच मी खासदार म्हणून निवडून आलो की तेली
तीळवन समाजाचे नेते आबा बागूलही आमदार असतील असे त्यांनी टाळ्यांच्या गजरात
सांगितले.
तीळवन तेली समाजाचा वधू-वर मेळावा कोथरूड येथील आशिष गार्डन येथे संपन्न
झाला. सुमारे ३ हजार हून अधिक उपवर, वधूवर व पालक याप्रसंगी उपस्थित होते. त्यांना
शुभेच्छा देण्यासाठी मोहन जोशी आवर्जून तेथे सदिच्छा भेट दिली. त्यांच्यासोबत माजी
उपमहापौर नगरसेवक आबा बागुल तेथे होते. प्रारंभी अध्यक्ष विजय हाडके यांनी मोहन
जोशींचे स्वागत केले व प्रास्थाविक केले. ते म्हणाले की, आम्ही कॉंग्रेस पक्षाचेच मतदार असून
या निवडणुकीतही कॉंग्रेसलाच मतदान करणार आहोत. याप्रसंगी बोलताना आबा बागुल
म्हणाले की, महाराष्ट्रात ओबीसी मध्ये १ कोटीहून अधिक लोकसंख्या तीळवन तेली समाजाची
आहे. तर पुण्यात ही संख्या १ लाखांवर आहे. एवढ्या मोठ्या संख्येने समाज असूनही समाजाला
राजकीय न्याय मिळाला नाही अशी खंत त्यांनी व्यक्त केली. तसेच जगतगुरू संताजी महाराज
जगनाडे यांच्या नावाने पुणे महानगर पालिकेचा प्रतिष्टेचा पुरस्कार आम्ही सुरु केला, मात्र
भाजपने हा पुरस्कार निलंबित ठेवला असे ते म्हणाले. तसेच दिवंगत पंतप्रधान राजीव गांधी
यांनी आपल्या देशात तंत्रज्ञान क्रांती केली. त्याचा उपयोग करून यापुढे व्हिडिओ कॉन्फरन्स
द्वारे वाढू वर मेळावे आयोजित केले जावेत अशी सूचना ही त्यांनी केली.

कॉंग्रेस – राष्ट्रवादी कॉंग्रेस व मित्र पक्ष आघाडीचे उमेदवार मोहन जोशी यांनी ग्रामदैवत रोकडोबा यांचे दर्शन
कॉंग्रेस भवन मागील मंदिरात जाऊन घेतले. याप्रसंगी माजी आमदार दीप्ती चवधरी व शिवाजी नगर गावठाणातील
प्रमुख कार्यकर्ते उपस्थित होते.

पुणे-भारतरत्न डॉ. बाबासाहेब आंबेडकर यांची आज जयंती आहे. ज्या उदात्त हेतूने डॉक्टर आंबेडकर
यांनी देशाची घटना लिहीली या घटनेतील मूल्यांना भाजपने गेल्या पाच वर्षात तिलांजली दिली
आहे अशी घणाघाती टीका काँग्रेस-राष्ट्रवादी कॉंग्रेस व मित्र पक्षांचे उमेदवार मोहन जोशी यांनी
केली. जिल्हाधिकारी कार्यालयासमोरील भारतरत्न डॉ. बाबासाहेब आंबेडकर यांच्या पुतळ्यास
पुष्पहार अर्पण करून त्यांनी वंदन केले त्यानंतर ते बोलत होते. याप्रसंगी अरविंद शिंदे, अविनाश
बागवे, रजनी त्रिभुवन, लताताई राजगुरु, सुजीत यादव, राहुल तायडे आदि उपस्थित होते.
मोहन जोशी पुढे म्हणाले की, डॉ. आंबेडकरांचा आणि त्यांच्या तत्त्वांचा इतका अवमान या
देशात यापूर्वी कधीही झाला नव्हता भाजपने केवळ तोंडदेखलेपणासाठीच डॉ. आंबेडकरांच्या नावाचा
वापर केला. प्रत्यक्षात देशातल्या दलित बांधवांवर गेल्या पाच वर्षात भीषण अत्याचार झाले
आहेत. या साऱ्या गोष्टींचा जाब जनता विचारत असून भाजपला त्याचे उत्तर द्यावे लागेल. या
निवडणुकीत त्याची जबर किंमत भाजपला मोजावी लागेल असेही मोहन जोशी यांनी यावेळी
नमूद केले. जोशी यांनी आज दिवसभर शहरातील विविध भागात नागरिकांशी संपर्क साधला.
तसेच ठिकठिकाणी डॉ. आंबेडकर यांच्या प्रतिमांना पुष्पांजली अर्पण करून त्यांना आदरांजली
वाहिली. काँग्रेस-राष्ट्रवादी कॉंग्रेस व मित्रपकक्ष हेच डॉ. आंबेडकरांच्या विचारांचे खरे अनुयायी
आहेत असे ते म्हणाले.

कॉंग्रेस – राष्ट्रवादी कॉंग्रेस व मित्र पक्ष आघाडीचे उमेदवार मोहन जोशी यांनी आज
सकाळी तळजाई टेकडी येथे जाऊन सकाळी फिरायला येणाऱ्या नागरिकांची भेट घेतली.
त्यावेळी बारामती लोकसभा मतदार संघातील उमेदवार सुप्रियाताई सुळे यांनी देखील
मतदारांची सदिच्छा भेट घेतली. यानंतर मोहन जोशी यांनी क्रिकेट चा आनंद लुटला.
नगरसेवक आबा बागुल यांनी केलेल्या गोलंदाजीवर त्यांनी चौकार मारून प्रेक्षकांच्या टाळ्या
मिळवल्या. त्यानंतर पद्मावती येथे जाऊन भारतरत्न डॉ. बाबासाहेब आंबेडकर यांच्या
पुतळ्यास पुष्पहार अर्पण करून त्यांनी वंदन केले. या प्रसंगी त्यांच्या समवेत नगरसेवक आबा
बागुल, सुभाष जगताप, अमित बागुल व अन्य प्रमुख कार्यकर्ते होते.

पुणे-पुण्याच्या वाट्याला येऊ घातलेले अनेक महत्वाचे विकास प्रकल्प केवळ पुण्याला कोणी वाली
नाही म्हणून पुण्याच्या बाहेर गेले आहेत. पुण्याचा चौकीदार झोपल्यामुळेच पुणे शहराच्या
विकासाची अशी दुर्दशा झाली आहे अशी टीका काँग्रेस-राष्ट्रवादी कॉंग्रेस व मित्र पक्ष आघाडीचे
उमेदवार मोहन जोशी यांनी केली आहे. कोथरूड विधानसभा मतदार संघातील पदयात्रेच्या
समारोप प्रसंगी बोलताना ते म्हणाले की पुण्यात व्यवस्थापनशास्त्राची ‘आयआयएम’ व
‘आयआयटी’ या संस्था येणार होत्या पुण्यात विधी विद्यापीठ होणार होते पण हे प्रकल्प बाहेर
गेले उच्च न्यायालयाचे खंडपीठ पुण्यात होणे अपेक्षित होते तसेच एम्सच्या धर्तीवर पुण्यात मोठा
प्रकल्प अपेक्षित होता पण गेल्या पाच वर्षात चौकीदार झोपल्यामुळे पुण्यात हे प्रकल्प मार्गी लागू
शकले नाहीत अशी टीका जोशी यांनी यावेळी केली.
झोपी गेलेल्या चौकीदार याच्याबाबतीत आणखी एक उदाहरण देताना मोहन जोशी म्हणाले की पुण्याच्या
नदी सुधारणेसाठी ‘जायका प्रकल्प’ मंजूर झाल्याची बाब भाजपचे केंद्रीय मंत्री प्रकाश जावडेकर यांच्या
कडून आम्ही ऐकली पण आज पाच वर्षे झाली पुण्यातला जायका प्रकल्प अजिबात मार्गी लागू शकला
नाही किंबहुना आता तो पुण्याच्या हातून निसटण्याची शक्यता निर्माण झाली आहे. अशा झोपी गेलेल्या
चौकीदाराच्या हातात पुण्याला सोपवणे नुकसानकारक ठरणार आहे याची जाण पुणेकरांना आहे. त्यामुळे या
चौकीदाराची गच्छंती आता अटळ आहे. असे ते म्हणाले.

कॉंग्रेस-राष्ट्रवादी कॉंग्रेस आणि मित्र पक्षांचे पुणे लोकसभा मतदार संघाचे उमेदवार मोहन जोशी यांच्या
प्रचारार्थ कोथरूड विधानसभा मतदार संघामध्ये प्रचार फेरीचे आयोजन करण्यात आले होते. त्यास मोठा
प्रतिसाद मिळाला. खिलारेवाडी येथून प्रचार फेरीला प्रारंभ झाला. पुढे मेहंदळे गॅरेज, दीनानाथ मंगेशकर
हॉस्पिटल, शा.म. मुखर्जी उद्यान,कमिन्स कंपनी, कर्नाटक हायस्कूल, गणेशनगर ओटा वसाहत, संजय
गांधी वसाहत, निंबाळकर बाग, करिश्मा चौक, मयूर कॉलनी , गुजरात कॉलनी, मोकाटे तलाव, संगीता
हॉटेल चौक, सुतार दवाखाना, शिवाजी पुतळा, म्हसोबा मंदिर, कोथरूड बस स्टँड, गांधीभवन चौक, लक्ष्मी
नगर, गोसावी वस्ती असा मार्गक्रमण करत किशोर कांबळे यांच्या कार्यालयजवळ या प्रचारफेरीचा समारोप
झाला.
घोषणांचा जल्लोष करत काँग्रेस राष्ट्रवादी काँग्रेस रिपब्लिकन पार्टी कवाडेगट शेतकरी कामगार पक्ष

आणि शेतकरी संघटनेचे हातात झेंडे घेऊन प्रचार फेरीमध्ये सहभागी झालेलेकार्यकर्ते अशा वातावरणात

निघालेल्या या प्रचार फेरीचे चौकाचौकात, वस्त्यांमध्ये,रस्त्यावर फटाके वाजवून, मोहन जोशी यांना पुष्पहार घालून

स्वागत करत होते.
मोहन जोशी म्हणाले, काँग्रेसने गरीब जनतेसाठी अन्न सुरक्षा कायदा केला. त्या माध्यमातून अत्यंत अल्प
किमतीत गहू, तांदूळ, तुरडाळ रेशनवर उपलब्ध करून दिली. मात्र, मोदी सरकारने या गरिबांच्या हक्कावर
गदा आणत गरिबांच्या जनतेच्या तोंडचा घास पळवला आहे. त्यामुळे मागच्या वेळी केलेली चूक पुन्हा न
करता या सरकारला सत्तेवरून घालवण्याची वेळ आता आली आहे.
राहुल गांधी यांनी काँग्रेसच्या जाहीरनाम्यात गरिबांना वार्षिक ७२०००/- उत्पन्नाची हमी देणारी ‘न्याय’
योजना घोषित केली आहे. त्या माध्यमातून देशातील गरिबी दूर होईल असा विश्वास त्यांनी व्यक्त केला.
प्रचार फेरीमध्ये शिवा मंत्री, उमेश कंधारे, राजाभाऊ साठे, प्रशांत वेलणकर, किशोर मारणे, किशोर कांबळे
स्वप्नील दुधाने, विजय खळदकर, कालिंदी गोडांबे, निलेश सुतार, शिवाजी पाडळे,अर्चना चंदनशिवे,
प्राजक्ता दुधाने, महेश विचारे, अण्णा गोसावी, दिनेश सुतार, राजू मगर, सोनाली मगर, अजित ढोकळ,
उर्मिला गायकवाड, राहूल गायकवाड, संदीप मोकाटे यांसह शेकडो महिला व कार्यकर्ते या प्रचार फेरीत
सहभागी झाले होते.

पुणे – आज राम नवमी. श्रीरामांचा जन्म दिवसाच्या सर्व मतदारांना शुभेच्छा देतो. रामाच्या पराक्रमाचे स्मरण करून या निवडणुकीत आपण सर्वजण भाजपच्या रावणाचा मतदारानातून पराभव करू. त्यासाठी आता कार्यकर्त्यांनी शेवटच्या आठवड्यात सतर्क राहून मतदारांशी सतत संपर्क ठेवून देशात शांतता रहाण्यासाठी, देशाच्या प्रगतीसाठी काँग्रेसला मतदान करण्यासाठी प्रोत्साहित करा असे आवाहन, असे आव्हान पुणे शहर लोकसभा मतदारसंघातील काँग्रेस – राष्ट्रवादी काँग्रेस – पिपल्स रिपब्लीकन आघाडी, शेकाप आणि मित्र पक्षांच्या महाआघाडीचे उमेदवार मोहन जोशी यांनी आज संवाद यात्रेच्या सांगता सभेत केले.
मोहन जोशी पुढे म्हणाले, देशात गेल्या पाच वर्षात काय परिस्थिती झाली आहे याची सर्वांनाच जाणिव आहे. मोदी सरकारच्या एकाधिकार शाहीचा सर्वाधिक त्रास गोरगरीब जनतेला सहन करावा लागला आणि लागत आहे. या सर्वाना त्रासातून मुक्त करण्यासाठीच या रावणाचा पराभव करण्यासाठी आपण सिद्ध झालो आहोत. आज जालियनवाला बाग हत्याकांडाला शंभर वर्षे पूर्ण झाली. त्याचा आठवण करून देत त्या हत्याकांडातील शहिदांना श्रद्धांजली वाहण्यात आली. शहराध्यक्ष रमेश बागवे म्हणाले, वेगवेगळ्या निर्णयातून देशातील समाजात, जातीत तेढ निर्माण कऱण्याचे काम या सरकारने केले आहे. सामाजिक व धार्मिक सलोख राखण्यासाठी आणि डॉ. बाबासाहेब आंबेडकरांनी दिलेल्या संविधानाचे रक्षण करण्यासाठीची ही निवडणूक आहे. त्यासाठी सर्वांनीच दिवसरात्र एक करून काम करावे असे आवाहन केले. विनोद मथुरावाला यांनी १९७१ च्या विजयाची आठवण करून देतानाच या विजयाचे श्रेय घेत त्यावेळी इंदिराजी गांधी यांनी मत मागितली नव्हती याचे स्मरण करून दिले. पण
आज सेनेचे विजयाचा उपयोग त्यासाठी केला जात आहे. याचा निषेध करण्यासाठी सर्वांनी मोठ्या संख्येने मतदान करावे असे आवाहन मथुरावाला यांनी केले. माजी महापौर प्रशांत जगताप यांनी वानवडी हा परिसर कॉस्मोपॉलिटन घोरपडी बाजार ते वानवडी बाजार या परिसरातून सर्वाधिक मताधिक्य मोहन जोशी यांना देऊ असे सांगितले.

या संवादयात्रेत काँग्रेसचे शहराध्यक्ष रमेश बागवे, बाळासाहेब शिवरकर, कॅन्टोन्मेंट बोर्डाचे जेष्ठ नगरसेवक विनोद मथुरावाला, माजी महापौर प्रशांत जगताप, नगरसेवक बंडू गायकवाड, नगरसेवक अविनाश बागवे, माजी नगरसेविका सुरेखा कवडे, काँग्रेस सेवादलाचे शहर अध्यक्ष प्रकाश पवार, शिवाजी केदारी, रत्नप्रभा जगताप, अभिजीत शिवरकर, काँग्रेसचे कॅन्टोन्मेंट ब्लॉकचे अध्यक्ष प्रदीप परदेशी, राष्ट्रवादी काँग्रेसचे कॅन्टोन्मेंट ब्लॉक अध्यक्ष भोला शिव, काका पवार, संकेत कवडे, विशाल कवडे, चंद्रकांत कवडे, शांताराम कवडे, संतोष कवडे, हर्षद बोराटे, पूनम बोराटे, भरत धर्मावत, शंभू जांभूळकर, रेखा जांभूळकर, सविता गिरमे, कविता शिवरकर, साहील केदारी, अमीन शेख, संजय कवडे, जमीर सैय्यद, रवी बागशीव, केविन नयनमल, राजाभाऊ चव्हाण, रॉबर्ट डेव्हीड, नईम शेख, अजय गणेशकर, राजू नायडू, गोपी पिल्ले यांच्यासह मोठ्या संख्येने
कार्यकर्ते आणि पक्षांचे पदाधिकारी सहभागी झाले होते.
घोडपडी बाजारमधील मधील अय्यप्पा स्वामींच्या दर्शनाने मोहन जोशी यांनी संवाद यात्रेला प्रारंभ केला. घोरपडी गावातील जयहिंद चौकातील वस्तीत जाऊन तेथील मतदारांशी संवाद साधला. त्यानंतर श्रावस्ती, निगडेनगर, बी. टी. कवडे रोड, सोलापूर रोड, फातिमानगर, संविधान चौक, केदारीनगरमधून वानवडीतील मतदारांशी संवाद साधल्यावर वानवडी बाजारमधील वॉर्ड क्रमांक सहामध्ये छोट्या सभेने संवाद यात्रेची सांगता झाली.
घोरपडी बाजारपासून ते वानवडी बाजारपर्यंतच्या या संवाद यात्रेच्या मार्गात अनेक ठिकाणी डॉ. बाबासाहेब आंबेडकर जयंतीच्या समारंभाची जोरदार तयारी सुरू असल्याचे बघायला मिळाले. या निमित्ताने या कार्यकर्त्यांशीही संवाद साधण्याची संधी मोहन जोशी यांनी साधली. प्रत्येक भागात तेथील नेत्यांनी व कार्यकर्त्यांनी काँग्रेस – राष्ट्रवादी काँग्रेस व मित्र पक्षांचे झेंडे खांबाखांबावर लावून वातावरण निर्मिती केली होती. तसेच प्रत्येक ठिकाणी हातात झेंडे घेतलेले कार्यकर्ते उमेदवार मोहन जोशी यांच्या स्वागताला उभे होते. उमेदवारांच्या रॅलीचे स्वागत फटाक्यांच्या आतषबाजीने करण्यात येत होते. सुरूवातीला बंडू गायकवाड यांनी तर नंतर माजी नगरसेविका सुरेखा कवडे यांनी त्यांच्या घरी नेऊन उमेदवारांचे औक्षण करून त्यांना विजयासाठी शुभेच्छा दिल्या. माजी मंत्री बाळासाहेब शिवरकर यांचे निवासस्थानही याच मार्गवर असल्याने तेथे काही वेळ विश्रांती झाली. या विश्रांतीनेतर पुन्हा एकदा नव्या जोशात सर्व कार्यकर्ते फातिमानगरच्या दिशेने निघाले. वानवडी चौकात प्रशांत जगताप व
त्यांच्या कार्यकर्त्यांनी स्वागत केले. शिवाजी केदारी यांनी केदारीनगरमध्ये संवाद यात्रेचे स्वागत केले. मतदारांशी संवाद साधल्यावर सर्वांनाच थंडगार पाणी, सरबत व नाष्ट दिला. त्यानंतर वानवडी बाजारमध्ये विनोद मथुरावाला यांनी त्यांच्या वॉर्डमध्ये सभेची तयारी करण्याबरोबरच सर्वांना थंड पाणी आणि आइसक्रिमची सोय केली होती.