पुणे, दि.27 मे 2019:  पीवायसी हिंदू जिमखाना यांच्या वतीने आयोजित पीवायसी-गोल्डफिल्ड-मांडके चषक या सर्वातजुन्या व अनोख्या निमंत्रित क्रिकेट स्पर्धेत रोहन दामलेच्या नाबाद 71 धावांच्या खेळीसह यश माने, अभिषेक परमार, साहिल छुरी यांनी केलेल्या अचूक गोलंदाजीच्या जोरावर पीवायसी हिंदू जिमखाना संघाने डेक्कन जिमखाना संघाचा 97 धावांनी पराभव करून उपांत्य फेरीत प्रवेश केला.

पीवायसी हिंदू जिमखाना येथील क्रिकेट मैदानावर सुरु असलेल्या या सामन्यात काल पीवायसी संघाने 40षटकात 8बाद 241धावा केल्या. डेक्कन जिमखानाचा 21 षटकांपासून आज खेळ सुरु झाला. यात स्वप्निल फुलपगारे 54, अभिषेक ताटे 38, यश बोरामनी 27, धीरज फतंगरे 19, प्रखर अगरवाल नाबाद 26, निकुंज बोरा 16यांनी धावा केल्या. पीवायसीकडून योगेश चव्हाण(33-2), रोहन दामले(28-1), साहिल छुरी(17-1), दिव्यांग हिंगणेकर(49-1), प्रदीप दाढे(39-1), यश माने(30-1) यांनी सुरेख गोलंदाजी करत डेक्कनला 227 धावांवर रोखून पहिल्या डावात 49 धावांची आघाडी घेतली. डेक्कनचे 7 गडी बाद झाल्याने संघाची अंतिम धावसंख्या 143(वजा 35धावा)झाली.

दुसऱ्या डावात पीवायसी संघाने 20 षटकात 6 बाद 173धावा केल्या. पण त्यांचे 6 गडी बाद झाल्याने पीवायसीची अंतिम धावसंख्या 143(वजा 30 धावा)झाली. यात रोहन दामलेने अफलातून फलंदाजी करत 46 चेंडूत 5चौकार व 3षटकारांसह नाबाद 71 धावा चोपल्या. रोहनला दिव्यांग हिंगणेकरने 39 चेंडूत 34 धावांची संयमपूर्ण खेळी करून साथ दिली. रोहन व दिव्यांग यांनी तिसऱ्या गडयासाठी 42 चेंडूत 55 धावांची भागीदारी करून संघाला चांगली सुरुवात करून दिली. दिव्यांग बाद झाल्यानंतर रोहन दामले व मंदार भंडारी(16धावा) यांनी चौथ्या गडयासाठी 37 चेंडूत 44 धावांची भागीदारी करून संघाला 173धावांचे आव्हान उभे करून दिले. डेक्कन जिमखाना संघाला विजयासाठी 193धावांचे आव्हान होते. या आव्हानाचा पाठलाग करताना डेक्कन जिमखाना संघाला निर्धारित षटकात 8 बाद 136 धावाच करता आल्या. डेक्कनचे 8 गडी बाद झाल्यामुळे संघाची अंतिम धावसंख्या 96(वजा 40धावा)झाली. यात धीरज फतंगरे 58 चेंडूत 74धावा व यश बोरामनी 11 धावा यांनी दुसऱ्या गडयासाठी 43 चेंडूत 33 धावांची भागीदारी केली. पण हे दोघेही बाद झाल्यानंतर एकही फलंदाज मोठी खेळी करू शकला नाही व त्यामुळे पीवायसी संघाने डेक्कनवर 97 धावांनी विजय मिळवला. पीवायसीकडून यश मानेने 6 धावात 2गडी, अभिषेक परमारने 22 धावात 2, साहिल छुरीने 22धावात 2 गडी, तर रोहन दामले(31-1), दिव्यांग हिंगणेकर (14-1) यांनी प्रत्येकी एक गडी बाद केला. सामन्याचा मानकरी दिव्यांग हिंगणेकर ठरला.

स्पर्धेत पहिला उपांत्य फेरीचा सामना पीवायसी हिंदू जिमखाना क्रिकेट मैदानावर पीवायसी विरुद्ध केडन्स संघाशी, तर दुसरा सामना डेक्कन जिमखाना विरुद्ध व्हेरॉक वेंगसरकर क्रिकेट अकादमी संघाशी बुधवार, 29 व गुरुवार 30 मे या दिवशी होणार आहे.

स्पर्धेचा सविस्तर निकाल: साखळी फेरी:
पीवायसी हिंदू जिमखाना: 40षटकात 8बाद 241धावा (281-40धावा)(दिव्यांग हिंगणेकर नाबाद 111(119,9×4,4×6), मंदार भंडारी 45(74,4×4,1×6), अभिषेक परमार 33(39), अमेय भावे 17(35), आदित्य लोंढे 15(16), करण जाधव 13, योगेश चव्हाण 10, धीरज फतंगरे 8-77-2, श्लोक धर्माधिकारी 8-50-2, मुकेश चौधरी 8-42-1, प्रखर अगरवाल 7-55-1) वि.डेक्कन जिमखाना: 40षटकात 7बाद 143धावा(227-35धावा)( स्वप्निल फुलपगारे 54(91,4×4,1×6), अभिषेक ताटे 38(39,5×4,1×6), यश बोरामनी 27(35,6×4), धीरज फतंगरे 19, प्रखर अगरवाल नाबाद 26(57), निकुंज बोरा 16, योगेश चव्हाण 8-33-2, रोहन दामले 8-28-1, साहिल छुरी 3-17-1, दिव्यांग हिंगणेकर 6-49-1, प्रदीप दाढे 6-39-1, यश माने 5-30-1); पहिल्या डावात पीवायसीकडे 49 धावांची आघाडी;

दुसरा डाव: पीवायसी हिंदू जिमखाना: 20षटकात 6बाद 143धावा(173-30धावा)(रोहन दामले नाबाद 71(46,5×4,3×6), दिव्यांग हिंगणेकर 34(39,4×4,1×6), मंदार भंडारी 16(22), प्रखर अगरवाल 3-30-2, धीरज फतंगरे 4-26-1, श्लोक धर्माधिकारी 2-36-1) वि.वि.डेक्कन जिमखाना: 20षटकात 8बाद 96धावा(136-40धावा)(धीरज फतंगरे 74(58,11×4), स्वप्निल फुलपगारे 14, यश बोरामनी 11, यश माने 2-6-2, अभिषेक परमार 4-22-2, साहिल छुरी 3-22-2, रोहन दामले 4-31-1, दिव्यांग हिंगणेकर 2-14-1); सामनावीर-दिव्यांग हिंगणेकर: पीवायसी संघ 97 धावांनी विजयी.

पुणे – नरेंद्र दाभोळकर हत्या प्रकरणी सीबीआयने ताब्यात घेतलेले संजीव पुनाळेकर आणि विक्रम भावेला पुणे सत्र न्यायालयाने 1 जूनपर्यंत सीबीआय कोठडी दिली आहे. अंधश्रद्धा निर्मूलन समितीचे कार्याध्यक्ष डॉ. नरेंद्र दाभोळकर हत्येप्रकरणी विक्रम भावे आणि वकील संजीव पुनाळेकर या दोघांना शनिवारी केंद्रीय गुन्हे अन्वेषण विभागाने (सीबीआय) अटक केली होती.

दाभोळकर यांच्या हत्या प्रकरणात पुरावे नष्ट करण्याच्या प्रयत्नाच्या आरोपाखाली मुंबई हायकोर्टाचे वकील आणि या हत्याकांडातील आरोपींची बाजू मांडणारे वकील संजीव पुनाळेकर आणि विक्रम भावे यांना सीबीआयने अटक केली होती. उद्या या दोघांना सुट्टीकालीन कोर्टात हजर केले जाण्याची शक्यता वर्तविण्यात येत आहे.

संजीव पुनाळेकर यांच्यावर दाभोळकर हत्याप्रकरणी पुरावे नष्ट करणे, आरोपींना मार्गदर्शन करण्याचे आरोप आहेत तर विक्रम भावेवर आरोपींना दाभोळकरांची ओळख करुन देणे, प्रत्यक्ष घटनास्थळाची रेकी करणे हे आरोप ठेवण्यात आले आहेत. संजीव पुनाळेकर हे दाभोळकर हत्याकांडातील आरोपींचेही ते वकील आहेत. पत्रकार गौरी लंकेश हत्या प्रकरणात आरोपींच्या जबानीतून पुनाळेकरचे नाव समोर आले होते. विक्रम भावे गडकरी रंगायतन स्फोटातील आरोपी आहे.

सीबीआयने डॉ. नरेंद्र दाभोलळकर यांच्यावर गोळ्या झाडणारे सचिन अंदुरे आणि शरद कळसकर हेच असल्याचा दावा केला होता. यापूर्वी सीबीआयने २०१६ मध्ये सनातन संस्थेचा साधक वीरेंद्र तावडे याच्या विरोधात दोषारोपपत्र दाखल केले होते. डॉ. नरेंद्र दाभोळकर यांची हत्या करण्यासाठी बेंगलोर येथील पत्रकार गौरी लंकेश हत्या प्रकरणातील मुख्य आरोपी अमोल काळे याने दाभोळकर यांचेवर गोळ्या झाडणारा औरंगाबादचा हल्लेखोर सचिन अंदुरे यास पिस्तुल आणि दुचाकी पुरवल्याचा दावा सीबीआयने पुणे न्यायालयात केला होता.

पुणे:  पीवायसी हिंदू जिमखाना यांच्या वतीने आयोजित पीवायसी-गोल्डफिल्ड-मांडके चषक या सर्वातजुन्या व अनोख्या निमंत्रित क्रिकेट स्पर्धेत पहिल्या डावात दिव्यांग हिंगणेकर(नाबाद 111धावा) याने केलेल्या धडाकेबाज शतकी खेळीच्या जोरावर पीवायसी हिंदू जिमखाना संघाने डेक्कन जिमखाना संघापुढे 281 धावांचे आव्हान उभे केले.

पीवायसी हिंदू जिमखाना येथील क्रिकेट मैदानावर सुरु असलेल्या या सामन्यात डेक्कन जिमखाना संघाने नाणेफेक जिंकून प्रथम गोलंदाजी करण्याचा निर्णय घेतला. पहिल्यांदा खेळताना पीवायसी हिंदू जिमखाना संघाने 40षटकात 8बाद 281धावा केल्या. पण पीवायसीचे 8 गडी बाद झाल्याने संघाची अंतिम धावसंख्या 241(वजा 40धावा)झाली. यात दिव्यांग हिंगणेकरने अफलातून फलंदाजी करत 119 चेंडूत 9 चौकार व 4 षटकारांच्या मदतीने नाबाद 111 धावांची खेळी केली. सलामीचा फलंदाज अभिषेक परमार 33 धावांवर बाद झाल्यानंतर दिव्यांग हिंगणेकर(111धावा) याने मंदार भंडारी(45धावा) च्या साथीत चौथ्या गडयासाठी 150 चेंडूत 114 धावांची भागीदारी करून संघाला चांगली सुरुवात करून दिली. त्यानंतर अमेय भावे 17, आदित्य लोंढे 15, करण जाधव 13, योगेश चव्हाण 10 यांनी छोटी पण महत्वपूर्ण खेळी करत पीवायसी संघाला 241धावांचे आव्हान उभे करून दिले. डेक्कनकडून धीरज फतंगरेने 77 धावात 2 गडी, श्लोक धर्माधिकारीने 50धावात 2 गडी, तर मुकेश चौधरी(42-1), प्रखर अगरवाल(55-1) यांनी प्रत्येकी एक गडी बाद केला.

या आव्हानाचा पाठलाग करताना डेक्कन जिमखाना संघाने आजदिवस अखेर  21षटकात 3बाद 130धावा केल्या. यात सलामीचे फलंदाज अभिषेक ताटेने 39 चेंडूत 38धावा व यश बोरामनीने 35 चेंडूत 27 धावा केल्या. अभिषेक व यश यांनी पहिल्या गडयासाठी 68 चेंडूत 68 धावांची भागीदारी केली. पीवायसीकडून योगेश चव्हाण(12-1), रोहन दामले(12-1), साहिल छुरी(17-1) यांनी प्रत्येकी एक गडी बाद केला. डेक्कनचे स्वप्निल फुलपगारे नाबाद 20 धावा व, धीरज फतंगरे नाबाद 18 धावांवर खेळत आहे. डेक्कन जिमखाना संघाचा अजून 19षटकांचा खेळ अजून बाकी आहे.

स्पर्धेचा सविस्तर निकाल: साखळी फेरी:
पीवायसी हिंदू जिमखाना: 40षटकात 8बाद 241धावा(281-40धावा)(दिव्यांग हिंगणेकर नाबाद 111(119,9×4,4×6), मंदार भंडारी 45(74,4×4,1×6), अभिषेक परमार 33(39), अमेय भावे 17(35), आदित्य लोंढे 15(16), करण जाधव 13, योगेश चव्हाण 10, धीरज फतंगरे 8-77-2, श्लोक धर्माधिकारी 8-50-2, मुकेश चौधरी 8-42-1, प्रखर अगरवाल 7-55-1) वि.डेक्कन जिमखाना: 21षटकात 3बाद 130धावा(अभिषेक ताटे 38(39,5×4,1×6), यश बोरामनी 27(35,6×4), स्वप्निल फुलपगारे नाबाद 20(36), धीरज फतंगरे नाबाद 18(19), योगेश चव्हाण 2-12-1, रोहन दामले 4-12-1, साहिल छुरी 3-17-1);

पुणे : “छत्रपती राजर्षी शाहू महाराज, दिवंगत पंतप्रधान इंदिरा गांधी यांनी अनेक ऐतिहासिक निर्णय घेतले. दलित, वंचित घटकांना न्याय आणि सन्मान त्यांनी दिला. गांधींच्या नावाने भारताची जगभरात ओळख आहे. मात्र, अलीकडे गांधी कुटुंबाची ओळख पुसण्याचा प्रयत्न काहीजण करीत आहेत. इतिहास बदलण्याचा प्रयत्न करीत आहेत. विरोधी विचारांचा अनादर करण्याचाही प्रयत्न होत आहे. अशावेळी आपला इतिहास जपण्याची जबाबदारी आपली असून, शाहू महाराज, इंदिराजी यांच्या प्रेरणादायी कार्याची ओळख नव्या पिढीला करून देणे महत्वाचे आहे,” असे मत अक्कलकोट स्वामी समर्थ ट्रस्टचे अध्यक्ष वीरेंद्र किराड यांनी व्यक्त केले.

सिंहगड केसरी प्रतिष्ठानच्या वतीने ‘प्रियदर्शनी इंदिरा गांधी’ व ‘छत्रपती राजर्षी शाहू महाराज सामाजिक कार्यकर्ता’ पुरस्कारांचे वितरण त्यांच्या हस्ते झाले. यावेळी यशवंतराव चव्हाण मुक्त विद्यापीठाचे उपनिबंधक उत्तम जाधव, महाराष्ट्र विद्यार्थी सहाय्यक मंडळाचे सचिव डॉ. विकास आबनावे, विठ्ठल वरुडे पाटील, ऍड. वैशाली भोसले, नितीन भोसले आदी उपस्थित होते. शैक्षणिक व सामाजिक क्षेत्रात उल्लेखनीय काम करणाऱ्या विविध मान्यवरांना हे पुरस्कार प्रदान करण्यात आले. बारामती ऋतुराज काळे यांचा विशेष सन्मान करण्यात आला.

डॉ. विकास आबनावे म्हणाले, “शाहू महाराजांनी राज्य कारभार मराठीत करण्यासाठी पुढाकार घेतला. दरबारातील नोकऱ्यांत आरक्षण लागू केले. राधानगरी धरणाची उभारणी केली. दलितांना आडनाव दिले. शंभर वर्षांपूर्वी शाहू महाराजांनी घेतलेले निर्णय त्यांच्या दूरदृष्टीचे दर्शन घडविणारे आहेत. आज आरक्षणाच्या मुद्द्यावर दिशाभूल करण्याचे काम सुरु आहे. इंदिराजी हे कणखर नेतृत्वाचे आदर्श उदाहरण आहे. बँकांचे राष्ट्रीयीकरण, खासगी सावकारीवर निर्बंध घालण्याचे निर्णय त्यांनी घेतले. बांगलादेश युद्धात शरणागतीच्या वेळी त्यांनी विजयाचे श्रेय घेतले नाही. आजचे सत्ताधारी मात्र कथित ‘सर्जिकल स्ट्राईक’चे श्रेय घेण्यासाठी धावाधाव करतात. त्यामुळे फुले-शाहू-आंबेडकरांचे विचार प्रत्यक्षात आणणे गरजेचे आहे.”

उत्तम जाधव यांनी आपल्या अध्यक्षीय भाषणात नव्या पिढीने इतिहास समजून घेऊन आपली सामाजिक बांधिलकी जपली पाहिजे. यशवंतराव चव्हाण मुक्त विद्यापीठ ही एक सामाजिक चळवळ असल्याचेही त्यांनी नमूद केले. ऍड. वैशाली भोसले यांनी प्रास्ताविक केले. भैरवनाथ कानडे यांनी सूत्रसंचालन केले. नितीन भोसले यांनी आभार मानले.

पुणे-गायन वादन नृत्य यांना एकत्रित पणे संगीत अस म्हणले जाते .संगीतात नृत्याला अतिशय महत्व आहे .’नुपूर नाद ’ फेस्टीवल २०१९ नुकताच दिमाखात पार पडला.भैरवी शिक्षण प्रसारक मंडळ आणि शिवसाम्राज्य प्रतिष्ठान  आणि नुपूर नाद पुणे यांच्या संयुक्त विद्यमाने हा सोहळा पार पडला .

साउथच्या प्रसिद्ध नृत्यांगना आणि अभिनेत्री रुक्मिणी विजयकुमार यांचे प्रथम सादरीकरण झाले  या मध्ये त्यांनी प्रथम शंकराचे सुंदर वारणा करणारे अर्धनारी स्तोत्र सादर केले . त्यानंदर अतिशय मोहक कृष्णाला अर्जव करणारी गोपी असा गोपी कृष्ण संवाद वरनं मधून पेश केला तो लालगुडी जयराम यांची रचना होती . त्याला जोडून रामायणातील जटायुची कथा अतिशय उत्तम प्रकारे सादर केली. त्या मध्ये रामचंद्रम या रचने मध्ये रामाचे वर्णन आले आहे .त्यात अतिशय मार्मिक अभिनय त्यांनी केलेला आहे .रामाप्रती सीता समर्पण त्यातुन दर्शवलेले आढळले त्यानंतर शेवटी बालमुरली कृष्णन यांची तिल्लाना हि आदितालातील रचना आपल्या नृत्याभिनायाने सादर करून सर्वांना जागीच खिळवून ठेवले .

सत्र दोन मध्ये पंडित संजीव अभ्यंकर यांचे गायन झाले त्यांनी प्रथम राग गोरख कल्याण मध्ये बडाख्याल आणि छोटा ख्याल सादर केले त्यानंतर राग जोग मध्ये बडा ख्याल आणि छोटा ख्याल सादर करून रसिकांना जागीच खिळवून ठेवले .आणि पंडित संजीव अभ्यंकर यांना हार्मोनियम साथ अभिनय रवंदे तबला अजिंक्य जोशी सहगायन विलीना पात्र , धनंजय म्हसकर अशी लाभली होती

या मैफलीला इंदिरा सरनोबत ,सुदिन्द्र सरनोबत ,बासरीवादक पंडित केशवराव गिंडे यांची विशेष उपस्थिती होती .डॉ स्वाती दैठणकर आणि संतूरवादक पंडित धनंजय दैठणकर यांच्या संथेचे हे फेस्टिवल खूप रंगदार ठरले .

भरतनाट्यम् नृत्यांगना डॉ. स्वाती दैठणकर व संतूरवादक डॉ. धनंजय दैठणकर यांच्या संकल्पनेतून साकारलेल्या नूपुर नाद महोत्सवात यापूर्वी पं. शिवकुमार शर्मा, मालविका सरूक्काई, पं. सुरेश तळवलकर, पं. उल्हास कशाळकर, राहुल शर्मा, जयतीर्थ मेवुंडी, प्रवीण गोडखिंडी, अलरमेल वल्ली,व्यंकटेश कुमार सारख्या दिग्गज कलाकारांनी आपली कला रसिकांच्या भरघोस प्रतिसादात सादर केली आहे.

पुणे,  : देशातील व्यापाऱ्यांसमोर अनेक प्रश्न आहेत. व्यापाराचे आरोग्य बिघडले असून याप्रश्नी देशभरातील व्यापारी संघटीत झाला तर, सरकारला व्यापाऱ्यांची दखल घ्यावीच लागेल, असे प्रतिपादन  लक्ष कॉन्फिडरेशन ऑफ ऑल इंडिया ट्रे़डचे (कैट) अध्यक्ष बी सी भारतीय यांनी आज येथे केले.

व्यापारी दिनाच्या निमित्ताने पुणे जिल्हा रिटेल व्यापारी संघाच्या वतीने सन्मान समारंभाचे आयोजन करण्यात आले होते. अण्णाभाऊ साठे सभागृह येथे झालेल्या या कार्यक्रमास गुन्हे अन्वेषण विभागाचे आयुक्त अशोक मोराळे, आमदार माधुरी मिसळ, मालपाणी उद्योग समूहाचे गिरीश मालपाणी, बिझनेस स्टॅण्डर्डचे उपाध्यक्ष विजय कडू, ग्राहक पेठचे सूर्यकांत पाठक, नगरसेवक प्रवीण चोरबोले, नगरसेविका माधुरी सहस्त्रबुद्धे, धैर्यशील पाटील, बाळासाहेब धोका, सूर्य इलेक्ट्रॉनिकचे रमेश चौधरी, हरीश परदेशी आदी मान्यवर उपस्थित होते. व्यापारी दिनानिमित्त चितळे उद्योग समूह, खत्री पॉट आइस्क्रीम, गोल्डन बेकरी, केदार असोसिएट्स, मॅजिक स्ट्रक्चर -मोरे, शिवशक्ती ग्रुप, साक्षी ग्रुप यांना उत्कृष्ठ व्यापारी पुरस्काराने गौरविण्यात आले.

व्यापाऱ्यांनी कायद्याचे पालन करीत व्यापार करावा आणि येणाऱ्या स्पर्धेच्या काळात संघटीत व्हावे. संघटीत झालो तरच, व्यापार वाचेल, असेही भारतीय म्हणाले.

पुणे जिल्ह्यात रिटेल व्यापाऱ्यांना संघटीत करण्याचे काम आम्ही करीत असून फक्त प्रश्न मांडण्या पुरते नाही तर, व्यापाऱ्यांना सर्वार्थाने सक्षम करण्यासाठी संघटना काम करीत असल्याचे सचिन निवंगुणे यांनी सांगितले. यावेळी उत्कृष्ठ क्रियाशील संघटना म्हणून बिबवेवाडी रिटेल व्यापारी संघटनेचा गौरव करण्यात आला. त्याचबरोबर स्वतःचा व्यवसाय सांभाळत संघटनेसाठी  काम करणाऱ्या ८० व्यापाऱ्यांना मान्यवरांच्या हस्ते सन्मानित करण्यात आले. लकी ड्रॉमधील सात विजेत्यांना बक्षीस देण्यात आले. सारंग राडकर यांनी आभार मानले.