पुणे, दि.  30 :- आषाढी वारीच्या निमित्ताने पुणे जिल्हयामध्ये पालखी सोहळयाच्या कालावधीमध्ये वारक-यांना सर्व सोई-सुविधा प्राधान्याने देण्यात याव्यात, अशा सूचना जिल्हाधिकारी नवल किशोर राम यांनी आज केल्या. पालखी सोहळा – 2019 च्या पार्श्वभूमीवर पूर्व तयारीसाठी आज जिल्हाधिकारी कार्यालयाच्या सभागृहामध्ये  आढावा बैठकीचे आयोजन करण्यात आले होते. या बैठकीस अपर जिल्हाधिकारी रमेश काळे, पोलीस अधीक्षक संदीप पाटील, निवासी उप जिल्हाधिकारी डॉ.जयश्री कटारे, उपजिल्हाधिकारी विजयसिंह देशमुख,जिल्हा परिषदचे मुख्य कार्यकारी अधिकारी प्रभाकर गावडे, अमर माने,कार्यकारी अभियंता.ग्रामीण पाणी पुरवठा विभाग एस.एम.कदम.प्रादेशिक परिवहन अधिकारी संजय राऊत, बारामतीचे उप विभागीय अधिकारी हेमंत निकम, दौंड-पुरंदरचे उप विभागीय अधिकारी प्रमोद गायकवाड  , जिल्हा आरोग्य अधिकारी डॉ.अजित कारंजकर, जिल्हा रुग्णालय,पुणेचे जिल्हा चिकीत्सक डॉ. अशोक नांदापूरकर,तहसिलदार हवेली,बारामती,इंदापूर, पुरंदर तसेच श्री ज्ञानेश्वर महाराज संस्थान कमिटी, आळंदीचे प्रमुख विश्वस्त तसेच श्री संत तुकाराम महाराज संस्थान, श्रीक्षेत्र देहू चे पालखी सोहळा प्रमुख              तसेच दोन्ही संस्थानचे प्रमुख विश्वस्त, शासकीय अधिकारी उपस्थ‍ित होते.

या बैठकीमध्ये दिनांक 25 जून 2019 रोजी संतश्रेष्ठ श्री ज्ञानेश्वर महाराजांच्या पालखीचे तर दिनांक 24 जून 2019 रोजी श्री संत तुकाराम महाराजांच्या पालखीचे श्रीक्षेत्र पंढरपूरकडे प्रस्थान होणार आहे. या काळात पुणे जिल्हयातील पालख्यांचा मुक्कामाच्या ठिकाणी तसेच पालखी मार्गावर  मांसाहारी हॉटेल, मच्छी मार्केट, कत्तलखाने व दारुची दुकाने बंद ठेवावीत, या सोहळयामध्ये सामील असणा-या वाहनांची तपासणी करणे व त्यांना फिटनेस प्रमाणपत्र देणे, वाहतुकीचे नियोजन, सुरळीत विद्युत व्यवस्था, सपाटीकरण, निर्माल्य  व्यवस्था इ. बाबींवर चर्चा करण्यात आली. त्याचबरोबर वारक-यांना मुक्कामाच्या ठिकाणी वैद्यकीय सुविधा, शासकीय दरामध्ये रॉकेल, धान्य, अखंडीत वीज पुरवठा करण्याबाबत संबंधित यंत्रणांना आदेश देण्यात आले.

यावेळी अपर जिल्हाधिकारी रमेश काळे यांनी पुरवठा विभागाकडून देण्यात येणा-या सुविधा तसेच अग्नीशमन यंत्रणा इ.बाबतचा आढावा घेतला. पोलीस अधीक्षक संदीप पाटील यांनी या कालावधीमध्ये पोलीस बंदोबस्त, वाहतुक नियोजन इ.बाबत संस्थानप्रमुखांशी चर्चा केली.

यावेळी  दुष्काळाच्या पार्श्वभूमीवर वारीच्या काळात पाणीपुरवठयाचे नियोजन करण्यासाठी, पालखीतळांवरील खड्डे मुरुम भराई करुन व्यवस्थ‍ित करणे, आवश्यक त्याठिकाणी रोलींग करणे, पालखीतळांकडे जाणा-या रस्तयांवर दुकानदारांकडून होणा-या अतिक्रमणाबाबत तसेच पालखीमध्ये सामील वाहनांच्या पार्किंगबाबत चर्चा करण्यात आली तसेच याबाबत संबंधित यंत्रणांना आवश्यक त्या सूचना करण्यात आल्या.

यावेळी संस्थानच्या प्रमुख पदाधिका-यांनी केलेल्या सूचनांवर चर्चा करण्यात आली.      

पुणे, दि.30 मे 2019:  पीवायसी हिंदू जिमखाना यांच्या वतीने आयोजित पीवायसी-गोल्डफिल्ड-मांडके चषक या सर्वातजुन्या व अनोख्या निमंत्रित क्रिकेट स्पर्धेत पहिल्या उपांत्य फेरीच्या सामन्यात पीवायसी हिंदू जिमखाना संघाने केडन्स संघाचा 81 धावांनी तर, दुसऱ्या सामन्यात व्हेरॉक वेंगसरकर क्रिकेट अकादमी संघाने डेक्कन जिमखाना संघाचा 114 धावांनी धुव्वा उडवत अंतिम फेरीत प्रवेश केला.

पीवायसी हिंदू जिमखाना क्रिकेट मैदानावर चुरशीच्या झालेल्या या उपांत्य फेरीच्या लढतीत काल पीवायसी हिंदू जिमखाना संघाने 37.3षटकात 184धावा केल्या. केडन्स संघाचा आज 23षटकांपासून खेळ सुरु झाला. यात हर्षद खडीवाले 64, गणेश गायकवाड 51, अथर्व काळे 26, अक्षय वाईकर 22, जय पांडे 18, अथर्व धर्माधिकारी 20 यांनी केलेल्या धावांच्या जोरावर केडन्सने 40 षटकात 9 बाद 261 धावा केल्या. पण त्यांचे 9 गडी बाद झाल्याने केडन्सची अंतिम धावसंख्या 216(वजा 45धावा)झाली व केडन्सने पहिल्या डावात 32 धावांची आघाडी घेतली. पीवायसीकडून यश मानेने अफलातून गोलंदाजी करत 70 धावात 5 गडी बाद केले. दुसऱ्या डावात पीवायसी संघाने 20 षटकात 8 बाद 186धावा केल्या. पीवायसीचे 8 गडी बाद झाल्याने त्यांची अंतिम धावसंख्या 146धावा(वजा 40धावा)झाली. यात दिव्यांग हिंगणेकरने 49 चेंडूत 42 धावा व मंदार भंडारीने 18 चेंडूत 32 धावा केल्या. दिव्यांग व मंदार यांनी दुसऱ्या गडयासाठी 76 चेंडूत 92 धावांची भागीदारी करून संघाला चांगली सुरुवात करून दिली. त्यानंतर प्रीतम पाटील 39, योगेश चव्हाण 17, आदित्य लोंढे 17 यांनी धावा काढून संघाच्या डावाला आकार दिला. केडन्सकडून इझान सय्यद(28-4), सिद्देश वरघंटी(43-2), अक्षय वाईकर(37-1)यांनी सुरेख गोलंदाजी केली. केडन्सला विजयासाठी निर्धारित षटकात 115 धावांचे आव्हान होते. 115 धावांचे आव्हान घेऊन मैदानात उतरलेल्या केडन्सला पीवायसी संघाच्या भेदक माऱ्यापुढे त्यांची खेळी निष्प्रभ ठरली. त्यांचा डाव 17.2षटकात 83 धावांवर संपुष्टात आला. केडन्सचे 10 गडी बाद झाल्याने त्यांची धावसंख्या 33(वजा 50धावा) झाली. यात अथर्व काळे 19, हर्षद खडीवाले 18, जय पांडे 13 यांनी थोडासा प्रतिकार केला. पीवायसीकडून योगेश चव्हाण(15-3), अमेय भावे(6-2), रोहन दामले(12-2), दिव्यांग हिंगणेकर(13-1), साहिल छुरी(28-1)यांनी भेदक गोलंदाजी करत संघाला 81 धावांनी एकहाती विजय मिळवून दिला.

डेक्कन जिमखाना क्रिकेट मैदानावर झालेल्या सामन्यात पहिल्या डावात व्हेरॉक वेंगसरकर क्रिकेट अकादमी संघाने 40षटकात 9बाद 213धावा केल्या. तत्पूर्वी काल डेक्कन जिमखाना संघ 22.5 षटकात 5 बाद 124 अशा स्थितीत होता. यात अभिषेक ताटे 41, स्वप्निल फुलपगारे 34 यांनी धावा करून संघाला चांगली सुरुवात करून दिली. पण हे दोघेही बाद झाल्यानंतर शुभम नागवडेच्या 36धावा, शुभांकर हार्डीकरच्या 34 धावा वगळता एकही फलंदाज मोठी खेळी करू शकला नाही. व्हेरॉककडून विशाल गीते(34-3), शुभम तैस्वाल(42-3), राहुल वारे(28-1), अॅलन रॉड्रिगेस(44-2)यांनी शिस्तबद्ध गोलंदाजी करत डेक्कन संघाला 222 धावांवर रोखले. पण त्यांचे 9 गडी बाद झाल्याने अंतिम धावसंख्या 177(वजा 45)झाली. त्यामुळे व्हेरॉक संघाने पहिल्या डावात 36 धावांची आघाडी घेतली.

दुसऱ्या डावात व्हेरॉक वेंगसरकर क्रिकेट अकादमीने 20षटकात 3बाद 187 धावा केल्या. व्हेरॉकचे 3 गडी बाद झाल्याने अंतिम धावसंख्या 172धावा(वजा15)झाली. यामध्ये ऋतुराज गायकवाडने तुफानी खेळी करत 46 चेंडूत 8 चौकार व 2षटकारांसह नाबाद 74 धावांची खेळी केली. ऋतुराजला ओम भोसलेने 71 चेंडूत 68धावा, तर विनय पाटीलने  29 धावा काढून सुरेख साथ दिली. डेक्कन जिमखाना संघाला 20 षटकात विजयासाठी 209 धावांचे आव्हान होते. याच्या उत्तरात डेक्कन जिमखाना संघाला 20षटकात 9बाद 129 धावांच करता आल्या. 9 गडी बाद झाल्याने डेक्कनची धावसंख्या  94धावा(वजा 35धावा)झाली. यात स्वप्निल फुलपगारे 30, शुभम नागवडे 28 यांनी दिलेली लढत अपुरी ठरली. व्हेरॉककडून राहुल वारे(27-2), शुभम तैस्वाल(18-2), अॅलन रॉड्रिगेस(23-2) यांनी प्रत्येकी दोन गडी बाद करून संघाच्या विजयात मोलाची कामगिरी बजावली.

स्पर्धेचा अंतिम सामना पीवायसी हिंदु जिमखाना व व्हेरॉक वेंगसरकर क्रिकेट अकादमी यांच्यात शनिवार 1 जून व रविवार 2 जून रोजी पीवायसी हिंदू जिमखाना क्रिकेट मैदानावर होणार आहे.

स्पर्धेचा सविस्तर निकाल: उपांत्य फेरी:

पीवायसी हिंदू जिमखाना क्रिकेट मैदान:

पहिला डाव: पीवायसी हिंदू जिमखाना: 37.3षटकात सर्वबाद 184धावा(234-50धावा)(रोहन दामले 65(81,5×4,3×6), मंदार भंडारी 54(52,9×4,1×6), प्रीतम पाटील 22(13), योगेश चव्हाण 18(16), दिव्यांग हिंगणेकर 16(26), अमेय भावे 13, अक्षय वाईकर 7.3-47-4, प्रसन्ना हजारे 6-34-3, गणेश गायकवाड 7-51-2, हर्षद खडीवाले  3-27-1) वि.केडन्स: 40षटकात 9बाद 216धावा(261-45धावा)(हर्षद खडीवाले 64(78), गणेश गायकवाड 51(69), अथर्व काळे 26(26), अक्षय वाईकर 22(11), जय पांडे 18(31), अथर्व धर्माधिकारी 20(24), यश माने 8-70-5, प्रीतम पाटील 6-54-2, योगेश चव्हाण 2-22-1); पहिल्या डावात केडन्स संघाकडे 32 धावांची आघाडी;

दुसरा डाव: पीवायसी हिंदू जिमखाना: 20षटकात 8बाद 146धावा(186-40धावा) (दिव्यांग हिंगणेकर 42(49,1×4,1×6), मंदार भंडारी 32(18,5×4,1×6), प्रीतम पाटील 39(35), योगेश चव्हाण 17, आदित्य लोंढे 17, इझान सय्यद 4-28-4, सिद्देश वरघंटी 4-43-2, अक्षय वाईकर  4-37-1, हर्षद खडीवाले 4-33-1) वि.वि.केडन्स:  17.2षटकात सर्वबाद 33धावा(83-50धावा)(अथर्व काळे 19, हर्षद खडीवाले 18, जय पांडे 13, योगेश चव्हाण 4-15-3, अमेय भावे 1-6-2, रोहन दामले 3.2-12-2, दिव्यांग हिंगणेकर 3-13-1, साहिल छुरी 4-28-1); सामनावीर-रोहन दामले;पीवायसी 81 धावांनी विजयी;

डेक्कन जिमखाना मैदान:
पहिला डाव: व्हेरॉक वेंगसरकर क्रिकेट अकादमी: 40षटकात 9बाद 213धावा (258-45धावा) (ऋतुराज गायकवाड 100(95, 9×4), ओम भोसले 77(76,10×4), उत्कर्ष अगरवाल 29(45), आशय पालकर 8-49-4, श्लोक धर्माधिकारी 4-44-1, मुकेश चौधरी 8-39-1, यश बांबोळी 5-27-1) वि.डेक्कन जिमखाना: 40षटकात 9गडी बाद 177धावा(222-45धावा)(अभिषेक ताटे 41(67,3×4), स्वप्निल फुलपगारे 34(43,3×4), शुभम नागवडे 36(35), शुभांकर हार्डीकर 34(60), विशाल गीते 7-34-3, राहुल वारे 7-28-1, अॅलन रॉड्रिगेस 8-44-2, शुभम तैस्वाल 8-42-3); व्हेरॉक संघाकडे 36धावांची आघाडी;

दुसरा डाव: व्हेरॉक वेंगसरकर क्रिकेट अकादमी: 20षटकात 3बाद 172धावा(187-15धावा)(ऋतुराज गायकवाड नाबाद 74(46,8×4,2×6), ओम भोसले 68(71,5×4), विनय पाटील 29(39), यश बंबोली 4-39-2) वि.वि.डेक्कन जिमखाना: 20षटकात 9बाद 94धावा(129-35धावा)(स्वप्निल फुलपगारे 30(20), शुभम नागवडे 28(17), राहुल वारे 4-27-2, शुभम तैस्वाल 4-18-2, अॅलन रॉड्रिगेस 4-23-2, विशाल गीते 2-17-1); सामनावीर-ऋतुराज गायकवाड; व्हेरॉक संघ 114 धावांनी विजयी. 

पुणे : पंजाब नॅशनल बँकेच्या वरिष्ठ व्यवस्थापनाच्या कर्मचार्‍यांना होणार्‍या त्रासदायक योजनेच्या विरोधात देशभरातील अधिकारी व कर्मचारी 24 व 25 जून रोजी दोन दिवसीय संप करणार आहेत. अशी माहिती ऑल इंडिया पंजाब नॅशनल बँक ऑफिसर असोसिएशन चे कोषाध्यक्ष कॉ विलियम तुस्कानो यांनी एका पत्रकार परिषदेत दिली. यावेळीमहाराष्ट्र व गोवा राज्याचे एजीएस कॉ सूर्यकांत लोंढे व ऑल इंडिया पीएनबी एम्प्लॉई असोसिएशन चे जी एस प्रभू व पंजाब नॅशनल बँक एम्प्लॉई फेडरेशन चे सचिव श्री प्रभाकर शेट्टी उपस्थित होते.
या प्रसंगी अखिल भारतीय पीएनबी कर्मचारी संघटनेचे संयुक्त सचिव. विद्याधर वाघरे, अखिल भारतीय पीएनबी अधिकारी संघटनेचे सरचिटणीस कॉमरेड प्रमोदकुमार, अखिल भारतीय पीएनबी कर्मचारी संघटनेचे उपाध्यक्ष अखिल भारतीय पीएनबी अधिकारी संघटनेचे अध्यक्ष मीनानाथ नेहरू विठ्ठल माने, अखिल भारतीय पीएनबी कर्मचारी फेडरेशनचे संयुक्त सचिव. महेश शिलेगे, अखिल भारतीय पीएनबी कर्मचारी फेडरेशनचे संयुक्त सचिव. सुजीत उदय उपस्थित होते.
या प्रसंगी त्यांनी असे म्हटले की आम्ही ज्या विषयांचा विरोध करतो त्या विषयावर द्विपक्षीय समस्यांवर व्यवस्थापनाने एकपक्षीय निर्णय घेतल्यास भारतीय बँक संघटनेला वेतन पगारासाठी पूर्ण प्रमाणीकरण पत्र देऊ नये- आयबीएसए, उच्च व्यवस्थापन स्व-स्विच एकीकरण आणि संबंधित भारतीय धोरण लागू न करण्यासाठी रिझर्व्ह बँक न्यायालयात आहे, परंतु कनिष्ठ अधिकार्यांना शिक्षा न देता त्यांना बळीचा बकरा बनवल्या जात आहे. त्याचप्रमाणे, स्केल -1 ऑफिसर्सच्या इंटर सर्कल बदली जाणून बुजून अंमलबजावणी न करणे, महिला कर्मचार्यांना गर्भधारणेच्या काळात कोणत्याही सोयीस्कर ठिकाणी तात्पुरती बदली करण्यास परवानगी दिली जात नाही. त्यानुसार अनुकंपा आधारावर हस्तांतरण सुविधेमध्ये बदल झाला आहे. न्यूबी जवळजवळ समान आहे. शाखांमध्ये ग्राहक सेवांवर प्रतिकूल परिणाम समाविष्ट करून वर्तमान श्रेणीपासून निम्न श्रेणीतील शाखा आणि मंजूर केलेल्या कर्मचार्यांची संख्या कमी करणे.
ते म्हणाले की अनुकंपा आधारावर रोजगाराच्या बदल्यात एक बाजूचे बदल आणि स्टेशन थांबविण्याच्या धोरणास, देशभरातील पूर्व-अधिकार्यांकडून पश्चिम आणि उत्तर ते दक्षिण अशा सर्व ठिकाणी नोकरी भरून रोजगार भरती धोरण थांबविले गेले आहे. त्याचप्रमाणे मुख्यधाराकडून मंजूर केलेल्या कार्पेट गृहेचे बँक खात्यात आणि बँकेच्या नुकसानास धनादेश देऊन बँकेचे नुकसान झाले आहे.
ते म्हणाले की सोमवार 10 जून 2019 पासून आम्ही सर्वजण एक असहकार चळवळ सुरू करणार आहोत ज्यामध्ये सर्व अधिकारी आणि कर्मचारी केवळ कामाच्या वेळेत आणि कामाच्या वेळी आलेल्या संदेशांवरच कार्य करतील.त्यानंतर आलेल्या संदेशांना आम्ही उत्तर देणार नाही. 1 जून रोजी आम्ही बँकेकडून अतिरिक्त सहाय्य मागे घेणार आहोत, ज्या अंतर्गत आम्ही सर्वजण आमच्या जागांवर जास्त वेळ घालविताना बँकेचे काम करणार आहोत. या व्यतिरिक्त, बँक अधिकारी आणि कर्मचारी गरज पडल्यास सुट्टीच्या दिवशी देखील सेवा देतात, 11 जून पासून हे आम्ही बंद करणार आहोत.
या संदर्भात अधिक माहिती देऊन त्यांनी पत्रकारांना सांगितले की सोमवारी 17 जून रोजी धरणे आंदोलन देशभरातील विभागीय कार्यालयाबाहेर सुरू होईल. हे धरणे चळवळ बँकेच्या वेळे नंतर असेल.
शेवटी, त्यांनी सांगितले की पीएनबीसारख्या प्रतिष्ठित बँकेच्या शीर्ष व्यवस्थापनाचे मनपसंत पूर्ण मनोवृत्ती बदलण्यासाठी बँकेच्या हितसंबंधाने, 24 आणि 25 जून 2019 रोजी पीएनबीच्या सर्व शाखा आणि सर्व प्रकारच्या कार्यालयांमध्ये संपूर्ण स्ट्राइक होईल. या दोन दिवसात अधिकारी आणि बँक कर्मचारी पूर्णपणे काम बंद करतील. ते म्हणाले की, सध्या बँक ऑफिसर्स आणि कर्मचारी काळ्या फिती लावून का करत आहेत आणि जवळजवळ प्रत्येक दिवशी त्यांचे व्यवस्थापनास नाराजीचा संदेश पाठवत आहेत.

ऋतुराज गायकवाडची शतकी खेळी

पीवायसी संघाचे केडन्स संघापुढे 234 धावांचे आव्हान

पुणे-पीवायसी हिंदू जिमखाना यांच्या वतीने आयोजित  पीवायसी-गोल्डफिल्ड-मांडके चषक या सर्वातजुन्या व अनोख्या निमंत्रित क्रिकेट स्पर्धेत पहिल्या सामन्यात  ऋतुराज गायकवाड(100धावा)याने केलेल्या धडाकेबाज शतकी खेळीच्या जोरावर व्हेरॉक वेंगसरकर क्रिकेट अकादमी संघाने डेक्कन जिमखाना संघासमोर 258 धावांचे आव्हान उभे केले आहे. तर, दुसऱ्या सामन्यात  अक्षय वाईकर(47-4), प्रसन्ना हजारे(34-3), गणेश गायकवाड(51-2)यांनी भेदक गोलंदाजीच्या जोरावर केडन्स संघाने पीवायसी हिंदू जिमखाना संघाला 234 धावांवर रोखले.

डेक्कन जिमखाना येथील क्रिकेट मैदानावर सुरु असलेल्या या सामन्यात प्रथम फलंदाजी करताना व्हेरॉक वेंगसरकर क्रिकेट अकादमी संघाने 40षटकात 9बाद 258धावा केल्या. पण व्हेरॉकचे 9 गडी बाद झाल्याने त्यांची अंतिम धावसंख्या 213धावा(वजा 45धावा)झाली. यात ऋतुराज गायकवाडने 95 चेंडूत 4 चौकारांच्या मदतीने 100धावांची शतकी खेळी करून संघाच्या डावाला आकार दिला. ऋतुराजला ओम भोसलेने 76 चेंडूत 77धावा करून सुरेख साथ दिली. ऋतुराज व ओम यांनी तिसऱ्या गडयासाठी 96 चेंडूत 91धावांची भागीदारी करून संघाला 258 धावांचे आव्हान उभे करून दिले. डेक्कन जिमखानाकडून आशय पालकरने 49 धावात 4 गडी बाद करून व्हेरॉकला मोठी धावसंख्या उभारण्यापासून रोखले. या आव्हानाचा पाठलाग करताना डेक्कन जिमखाना संघाने आज दिवसअखेर 22.5षटकात 5बाद 124धावा केल्या. यात अभिषेक ताटेने 67 चेंडूत 41 धावा व स्वप्निल फुलपगारेने 43 चेंडूत 34 धावा करून संघाला चांगली सुरुवात करून दिली. व्हेरॉकच्या विशाल गीतेने 21 धावात 3 गडी बाद केले. डेक्कन जिमखाना संघाचा पहिल्या डावातील अजून 18.1षटकांचा खेळ बाकी आहे.

पीवायसी हिंदू जिमखाना येथील क्रिकेट मैदानावर सुरु असलेल्या या स्पर्धेत पहिल्या सामन्यात पीवायसी संघाने नाणेफेक जिंकून प्रथम फलंदाजी करण्याचा निर्णय घेतला. केडन्स संघाच्या अचूक गोलंदाजी व क्षेत्ररक्षणापुढे पहिल्या डावात पीवायसी हिंदू जिमखाना संघ 37.3षटकात 234 धावांवर संपुष्टात आला. पण त्यांचे 10 गडी बाद झाल्याने संघाची अंतिम धावसंख्या 184धावा(वजा50धावा) झाली. सलामीचे फलंदाज दिव्यांग हिंगणेकर 16धावा, अमेय भावे 13धावा हे झटपट बाद झाल्यानंतर रोहन दामलेने 81 चेंडूत 65 धावा, तर मंदार भंडारीने 52 चेंडूत 54 धावा केल्या. रोहन व मंदार यांनी चौथ्या गडयासाठी 96 चेंडूत 84 धावांची भागीदारी करून संघाचा डाव सावरण्याचा प्रयत्न केला. पण हे दोघेही बाद झाल्यानंतर एकही फलंदाज मोठी खेळी करू शकला नाही. केडन्सकडून अक्षय वाईकरने 47 धावात 4 महत्वपूर्ण गडी बाद केले. अक्षयला प्रसन्ना हजारे(34-3), गणेश गायकवाड(51-2), हर्षद खडीवाले(27-1)यांनी सुरेख गोलंदाजी करत पीवायसीला 234 धावांवर रोखले. याच्या उत्तरात केडन्स संघाने आजदिवस अखेर 22षटकात 5बाद 160धावा केल्या. यात हर्षद खडीवाले 64, अथर्व काळे 26, जय पांडे 18, अथर्व धर्माधिकारी 20 यांनी धावा केल्या. पीवायसीकडून यश माने(26-2), प्रीतम पाटील(38-2) यांनी प्रत्येकी दोन गडी बाद केले. केडन्स संघाचा अजून 18षटकांचा खेळ बाकी आहे. केडन्सचा गणेश गायकवाड नाबाद 9 धावा, तर अजित गव्हाणे नाबाद 0 वर खेळत आहे.

स्पर्धेचा सविस्तर निकाल: उपांत्य फेरी:

डेक्कन जिमखाना मैदान:
पहिला डाव: व्हेरॉक वेंगसरकर क्रिकेट अकादमी: 40षटकात 9बाद 213धावा (258-45धावा) (ऋतुराज गायकवाड 100(95, 9×4), ओम भोसले 77(76,10×4), उत्कर्ष अगरवाल 29(45), आशय पालकर 8-49-4, श्लोक धर्माधिकारी 4-44-1, मुकेश चौधरी 8-39-1, यश बांबोळी 5-27-1) वि.डेक्कन जिमखाना: 22.5षटकात सर्वबाद 124धावा(अभिषेक ताटे 41(67,3×4), स्वप्निल फुलपगारे 34(43,3×4), विशाल गीते 4.5-21-3, राहुल वारे 5-21-1, शुभम तैस्वाल 3-18-1);

पीवायसी हिंदू जिमखाना क्रिकेट मैदान:
पहिला डाव: पीवायसी हिंदू जिमखाना: 37.3षटकात सर्वबाद 184धावा(234-50धावा)(रोहन दामले 65(81,5×4,3×6), मंदार भंडारी 54(52,9×4,1×6), प्रीतम पाटील 22(13), योगेश चव्हाण 18(16), दिव्यांग हिंगणेकर 16(26), अमेय भावे 13, अक्षय वाईकर 7.3-47-4, प्रसन्ना हजारे 6-34-3, गणेश गायकवाड 7-51-2, हर्षद खडीवाले  3-27-1) वि.केडन्स: 22षटकात 5बाद 160धावा(हर्षद खडीवाले 64(78), अथर्व काळे 26(26), जय पांडे 18(31), अथर्व धर्माधिकारी 20(24), यश माने 4-26-2, प्रीतम पाटील 4-38-2, योगेश चव्हाण 2-22-1);