पुणे-या वर्षी राज्यात ३३ कोटी वृक्षांचे उद्दीष्ट पूर्ण करण्यासाठी वन विभागांबरोबर वनेतर जमिनीवर वृक्ष लावण्याची आखणी करीत आहोत. नव्वद दिवसांत ३३ कोटी वृक्षारोपण करण्यात येणार असून, या मोहिमेमुळे महाराष्ट्राला वनीकरण क्षेत्रात देशात आघाडी घेण्याची संधी मिळाली असल्याचे मत राज्याचे वनमंत्री सुधीर मुनगंटीवार यांनी व्यक्त केले.

भांबुर्डा वन उद्यानाचे लोकार्पण राज्‍याचे वित्‍त आणि  नियोजन व वने मंत्री सुधीर मुनगंटीवार यांच्‍या हस्ते झाले.  यावेळी पुण्‍याच्‍या महापौर मुक्‍ता टिळक, आमदार विजय काळे, सिम्‍बॉयसिसचे डॉ. शां.ब. मुजूमदार, नगरसेवक आदित्‍य माळवे, मुख्‍य वन संरक्षक विवेक खांडेकर, उपवन संरक्षक ए. श्रीलक्ष्‍मीनगरसेवक आदीत्य माळवे, प्रकाश ढोरे, विजय शेवाळे, धीरज घाटे, नीलीमा खाडे, माधुरी सहस्रबुद्धे, ज्योत्स्ना एकबोटे, सुरेश कांबळे, यांची प्रमुख उपस्थिती होती.
श्री. मुनगंटीवार पुढे म्हणाले, ‘निसर्ग उत्तम ठेवला तर सर्व प्रश्‍नांची उत्तरे मिळू शकतात. सर्व प्रश्‍नांचे मूळ वृक्ष लागवडीत आहे. त्यासाठी आम्ही विविध प्रयोग करीत आहोत आपण कोणत्या पदावर काम करतो हे महत्त्वाचे नाही. काम पूर्ण करण्यासाठी किती पाठपुरावा केला हे महत्त्वाचे असते.
आमदार काळे म्हणाले, ‘भांबुर्डा वनउद्यानासाठी आणखी दोन कोटी रुपयांचा निधी आणि शिवाजीनगर मतदारसंघातील तीन ठिकाणी पाण्याच्या टाक्यांसाठी वन विभागाची जागा उपलब्ध करून देणार आहोत.’

आमदार विजय काळे म्हणाले, ‘गोखलेनगर, शिवाजीनगर, कोथरुड आदी परिसरातील नागरिकांना व्यायाम व फीरण्यासाठी हे उद्यान उपयुक्त ठरेल. या ठिकाणी निसर्गातील प्राणी, पक्षी, वृक्षसंपदा, विविध वृक्षांचे महत्त्व, पर्यावरण या विषयीची माहिती नागरिक व विद्यार्थ्यांना मिळू शकेल. उद्यानाचा दुसरा टप्प पूर्ण करण्यासाठी दोन कोटी रुपये निधीची आवश्यकता आहे. त्यासाठी पाठपुरावा करणार आहे.’

ते पुढे म्हणाले, ‘समान पाणीपुरवठा योजनेतील तीन टाक्यांसाठी वन विभागाची परवानगी आवश्यक आहे. तसेच मुस्लिम बांधवांच्या मागणीनुसार या भागात दफभूमीसाठी जमीन देण्याचा प्रस्ताव वन विभागाकडे पंधरा वर्षांपासून प्रलंबित आहे. त्याला वन विभागाने मान्यता द्यावी. महापौर मुक्ता टिळक, नगरसेवक आदीत्य माळवे,  विवेक खांडेकर यांची भाषणे झाली.

मॅङ्गको कंपनीच्या चौदा एकर जागेवर विकसित केलेले हे शहरातील सर्वाधिक क्षेत्रङ्गळ असणारे उद्यान आहे. आयुष वन, लुप्त होणार्‍या प्रजातींचे वन, गणेश वन, सुगंधी वन, नवग‘ह वन, पंचवटी वन, औषधी वन, नक्षत्र वन, ङ्गळ उद्यान, वड जातींच्या वृक्षांचे उद्यान, पाम उद्यान, उपयुक्त प्रजातींचे उद्यान, स्मृती वन, बांबू वन, किचन बाग अशी विविध प्रकारची १४ वने एकाच ठिकाणी विकसित करण्यात आली आहेत. चौदा हजार वृक्ष व वेलींंची लागवड करण्यात आली आहे.

निसर्ग परिचय केंद्र, पर्यावरण उपक‘मांसाठी खुले सभागृह, साहसी खेळ, मैदानी खेळ, खेळांचे साहित्य, प्राण्यांच्या प्रतिकृती, मतिमंद विद्यार्थ्यांसाठी स्वतंत्र विभाग, खुली व्यायामशाळा, योग केंद्र, फिरण्यासाठी निसर्ग पाऊलवाटा, बसण्यासाठी कठडे व मनोरे, वनतलाव, ओढे, नाले यांना दगडी पिचिंग करून नागरिकांना पाणी अडविण्याचे महत्त्व नागरिकांना कळावे यासाठी गॅबियन वॉल, लाकडी आभासाचे पूल, भव्य प्रवेशद्वार, आकर्षक भित्तीचित्रे, रंगीबेरंगी ङ्गुले, विविध प्रकारचे गुलाब, मनमोहक धबधबा, सुंदर प्रकाश व्यवस्था, नैसर्गिकपणे केलेली सजावट ही उद्यानाची वैशिष्ट्ये आहेत.

भांबुर्डा वन विभागातील ही जागा पूर्वी मॅङ्गको कंपनीला भाडेतत्त्वावर देण्यात आली होती. कंपनीचा करार संपल्यानंतर हे क्षेत्र ओसाड झाले होते. मोठ्या प्रमाणात कचरा साचलेला होता. विविध शाळा, महाविद्यालयातील विद्यार्थी, अनिरुद्ध उपासना केंद्राचे स्वयंसेवक यांनी स्वच्छता, वृक्षलागवड, रोपांना पाणी देणे अशी मदत सातत्याने केली. आमदार विजय काळे यांच्या संकल्पनेतून उभारलेले हे उद्यान निर्माण करण्यासाठी एक कोटी ७२ लाख रुपये खर्च झाला आहे.

मुख्‍य वनसंरक्षक विवेक खांडेकर यांनी प्रास्‍ताविक केले.  सुधीर मुनगंटीवार हे हरित क्रांतीचे नवे नायक असून त्‍यांनी  ग्‍लोबल वार्मिंग आणि वाढत्‍या प्रदूषणाची समस्‍या ओळखून वृक्षलागवडीची मोहीम होती घेतली असल्‍याचे सांगितले. यावेळी महापौर मुक्‍ता टिळक, नगरसेवक आदित्‍य माळवे आदींची समयोचित भाषणे झाली. कार्यक्रमात वृक्षलागवडीमध्‍ये योगदान देणा-या स्‍वयंसेवी संस्‍था, अधिका-यांचा गौरव करण्‍यात आला.

पुणे-पुण्याचे माजी उपमहापौर जयसिंगराव जेधे यांचे नुकतेच दीर्घ आजाराने निधन झाले . या पार्श्वभूमीवर राष्ट्रवादी काँग्रेस पक्षाचे अध्यक्ष शरद पवार यांनी जेधे कुटुंबीयांची भेट घेऊन त्यांचे सांत्वन केले . यावेळी जयसिंगराव जेधे यांचे चिरंजीव जयराज जेधे , संताजी जेधे , बाळासाहेब जेधे , जगदीश जेधे , राजश्री जेधे , करण जेधे , शुभम जेधे इत्यादी उपस्थित होते . शरद पवारांचा व जयसिंगराव जेधे यांचा निकटचा संबंध होता . दोघांनी दीर्घकाळ एकत्र काम केले आहे . यावेळी शरद पवारांनी केशवराव जेधे व शंकरराव मोरे यांच्या विषयीच्या आठवणींना उजाळा दिला . यावेळी विठ्ठलशेठ मणियार , अंकुश काकडे व अन्य जेधे कुटुंबीयही उपस्थित होते . 

पुणे-रमजान महिना मुस्लिम बांधवांचा पवित्र महिना असून  सर्व समाजातील जाती जमातीमध्ये सलोखा वाढावा यासाठी मैनुद्दीन शेख मित्र परिवाराच्यावतीने पुणे लष्कर भागातील ताबूत स्ट्रीट येथे सर्व धर्मीय रोजा इफ्तार कार्यक्रमाचे आयोजन करण्यात आले होते .  सर्व धर्मातील लोक एकत्रित राहावेत यासाठी सर्व धर्मीय रोजा इफ्तार कार्यक्रमाचे आयोजन करण्यात आल्याची माहिती  मैनुद्दीन शेख यांनी दिली .

या रोजा इफ्तार कार्यक्रमामध्ये किरण त्रिभुवन , राजू घोलप , सलीम मोमीन , खालिद शेख , इलियास शेख , अहमद शेख , राहील घोलप , अक्रम तकायली, मोबीन इनामदार , नाजीम शेख , अमन शेख , आवेज शेख , अस्लम मेमन व सोहेल शेख व मोठया संख्येने सर्व धर्मीय बांधव उपस्थित होते . 

पुणे-आंतरराष्ट्रीय बाल दिनानिमित्त भारतीय जनता पार्टी नरपतगीर चौक शाखेच्यावतीने भव्य  बाल मेळावा उत्साहात संपन्न झाला . आणि बाल चमूनला थोर व्यक्तीची पुस्तके आणि खाऊ वाटप करण्यात आला .

 सोमवार पेठ मधील  नरपतगिरी चौक येथे झालेल्या या बाल मेळाव्याचे उदघाटन महाराष्ट्र राज्याचे सामाजिक न्याय राज्यमंत्री दिलीप कांबळे यांच्याहस्ते केक कापून केले .या बाल मेळाव्याचे आयोजन विशाल कोंडे आणि मित्र परिवार यांनी केले .   यावेळी  प्रमुख उपस्थिती माउली  आबा तुपे, संजय पारीख ,संदीप लडकत,  दिलीप काळोखे, गणेश यादव ,बाळासाहेब घोडके, उमेश अण्णा चव्हाण,दीपक नायकू , सतीश गायकवाड, राजेश मोरेव अन्य मान्यवर उपस्थित होते .

पुणे-कोथरूड येथील राष्ट्रीय स्तरावरील जलतरणपटू साहिल जोशी (वय 21) याने राहत्या घरी गळफास घेऊन आत्महत्या केली. ही घटना शुक्रवारी (दि.31 मे) दुपारी अडीच वाजता घडली.

साहिल याने आतापर्यंत 8 ते 9 राष्ट्रीय स्पर्धेत सहभाग घेतला होता. बँक स्ट्रोक प्रकारात त्याला 7 सुवर्णपदक मिळाले होते. त्यामुळे साहिलच्या आत्महत्येमुळे त्याच्या निकटवर्तीयांना मोठा धक्का बसला आहे. दरम्यान, त्याने त्याच्या काही वैयक्तिक कारणामुळे आत्हत्या केली, अशी माहिती समोर येत असून कोथरूड पोलीस अधिक तपास करीत आहेत.

पीवायसी-गोल्डफिल्ड-मांडके चषक क्रिकेट स्पर्धेत व्हेरॉक वेंगसरकर क्रिकेट अकादमीचे पीवायसीपुढे 276 धावांचे आव्हान; ऋतुराज गायकवाडची शतकी खेळी

पुणे:  पीवायसी हिंदू जिमखाना यांच्या वतीने आयोजित पीवायसी-गोल्डफिल्ड-मांडके चषक या सर्वातजुन्या व अनोख्या निमंत्रित क्रिकेट स्पर्धेत अंतिम फेरीत ऋतुराज गायकवाड(116 धावा)याने केलेल्या शतकी खेळीच्या जोरावर व्हेरॉक वेंगसरकर क्रिकेट अकादमी संघाने पीवायसी संघासमोर 276 धावांचे आव्हान उभे केले., तर प्रीतम पाटील(नाबाद 102धावा) व दिव्यांग हिंगणेकर(नाबाद 42)यांनी केलेल्या भागीदारीच्या जोरावर पीवायसी संघाने आज दिवसअखेर 160 धावा केल्या.

पीवायसी हिंदू जिमखाना क्रिकेट मैदानावर या स्पर्धेचा दोन दिवसीय अंतिम सामना आजपासून सुरु झाला. व्हेरॉक वेंगसरकर क्रिकेट अकादमी संघाने नाणेफेक जिंकून प्रथम फलंदाजी करण्याचा निर्णय घेतला व तो अचूक ठरला. व्हेरॉक संघाने पहिल्यांदा खेळताना 40षटकात 8बाद 276धावा केल्या. पण त्यांचे 8 गडी बाद झाल्यामुळे संघाची अंतिम धावसंख्या 236(वजा 40धावा)झाली. यात ऋतुराज गायकवाडने अफलातून फलंदाजी करत 10चौकार व 2षटकारांच्या मदतीने 106 चेंडूत 116 धावांची शतकी खेळी केली. ऋतुराज आणि उत्कर्ष अगरवाल(36धावा)यांनी चौथ्या गडयासाठी 84 चेंडूत 90 धावांची भागीदारी करून संघाला मोठी धावसंख्या उभारण्यास मदत केली. पीवायसीकडून प्रदीप दाढेने 70 धावात 4 गडी बाद केले. 

या आव्हानाचा पाठलाग करताना पहिल्या डावात पीवायसी संघाने आज दिवस अखेर 20षटकात 1बाद 160धावा करून अधिक भक्कम सुरुवात केली. यामध्ये प्रीतम पाटीलने तुफानी फलंदाजी करत 82 चेंडूत 11 चौकार व 6 षटकारांसह नाबाद 102 धावांची खेळी करून संघाला चांगली सुरुवात करून दिली. प्रीतम पाटील व दिव्यांग हिंगणेकर(नाबाद 42धावा) यांनी दुसऱ्या गडयासाठी 112 चेंडूत 160 धावांची भागीदारी केली. पीवायसी संघाचा पहिल्या डावातील अजून 20 षटकांचा खेळ बाकी आहे.

स्पर्धेचा सविस्तर निकाल: अंतिम फेरी:
पहिला डाव: व्हेरॉक वेंगसरकर क्रिकेट अकादमी: 40षटकात 8बाद 236धावा(276-40धावा)(ऋतुराज गायकवाड 116(106,10×4,2×6), ओम भोसले 42(27), उत्कर्ष अगरवाल 36(73), विनय पाटील 25(19), विशाल गीते 21(16), शुभम तैस्वाल 11, प्रदीप दाढे 6-70-4, योगेश चव्हाण 8-47-2, अभिषेक परमार 5-35-1, दिव्यांग हिंगणेकर 7-47-1)वि.पीवायसी हिंदू जिमखाना: 20षटकात 1बाद 160धावा(प्रीतम पाटील नाबाद 102(82,11×4,6×6), दिव्यांग हिंगणेकर नाबाद 42(57,2×4,1×6), शुभम तैस्वाल 5-46-1);