पुणे :राष्ट्रवादी काँग्रेस डाॅक्टर्स  सेल पुणे शहर तर्फे ‘डाॅक्टर्स डे ‘ निमित्त   वैद्यकीय क्षेत्रातील नामवंत डाॅक्टरांचा सन्मान सोहळा  आयोजित करण्यात आला होता   . अण्णाभाऊ साठे सभागृह , (पद्मावती पुणे-सातारा -रस्ता ) येथे हा कार्यक्रम झाला. राष्ट्रवादी काँग्रेसचे पुणे शहराध्यक्ष चेतन तुपे हे प्रमुख पाहुणे म्हणून उपस्थित होते. चेतन तुपे आणि  राष्ट्रवादी काँग्रेस डाॅक्टर्स  सेल पुणे शहर अध्यक्ष डॉ. सुनील जगताप यांच्या हस्ते शहरातील नामवंत आणि उपक्रमशील डॉक्टर्स ,रुग्णामित्र आणि रक्तदान चळवळीतील संघटकांचा सत्कार करण्यात आला .

पद्मश्री डॉ. सुदाम काटे, डॉ.सुरेश पाटणकर, डॉ.किरण गद्रे, डॉ. अण्णासाहेब बिराजदार, डॉ. रवींद्र कोलते, डॉ. विश्वंभर हुंडेकर,  डॉ. अजित कारंजकर , डॉ. फकीम तकमिली, डॉ. योगेश सातव, डॉ. उमेश फडे, डॉ. ज्ञानेश्वर शेळके, डॉ. रवींद्र कोलते, डॉ. प्रसाद राजहंस, नितीन कदम , डॉ. विनोद सातव, राम बांगड,यांचा सत्कार चेतन तुपे  आणि उपस्थित मान्यवरांच्या हस्ते करण्यात आला.पद्मश्री डॉ. सुदाम काटे म्हणाले, ‘ पैशाअभावी आदिवासींना आवश्यक उपचार मिळत नाहीत. शहरातील तज्ज्ञ डॉक्टरांनी सातपुडा भागातील आदिवासीच्या सिकल सेल व्याधीवर उपचार करण्यासाठी वेळ द्यावा. आर्थिक मदत करावी ‘.    चेतन तुपे म्हणाले, ‘ रुग्ण मंडळींचा ताणतणाव कमी करताना डॉक्टरांनी स्वतःवरील ताणतणावही सांभाळावेत. रुग्णसेवेबद्दल डॉक्टरांना सलाम केला पाहिजे. डॉक्टरांवरील हल्ले करणारा समाज भानावर आणायची गरज आहे. ‘

जनरल प्रक्टिसशंर्स असोसिएशन च्या अध्यक्ष डॉ. संगीता खेनट, पिडी असोसिएशनचे अध्यक्ष डॉ. संतोप पवार, यांचाही सत्कार करण्यात आला
डॉ.मधूसुडन झंवर , डॉ.राजेश पवार,डॉसिद्धार्थ जाधव,डॉ अजित पाटील,डॉ शिवदीप उंद्रे,डॉ सुनील होनराव,डॉ शंतनू जगदाळे,डॉ परशुराम सूर्यवंशी,डॉ प्रताप ठुबे,डॉ प्रदीप उरसळ,डॉ मुश्ताक तांबोळी,डॉ नितीन पाटील,डॉ सुहास लोंढे,डॉ राजेंद्र जगताप ,डॉ गणेश निंबाळकर,डॉ लालासाहेब गायकवाड,डॉ सुलक्षणा जगताप उपस्थित होते.’ रस्त्यावरचा अपघात ‘ विषयावरील मूकनाट्य सादर करण्यात आला.तसेच ‘आबा की आयेगी बारात ‘ या विनोदी नाट्याचा आनंद डॉक्टर्स आणि त्यांच्या कुटुंबीयांनी लुटला.राष्ट्रवादी काँग्रेस डाॅक्टर्स  सेल पुणे शहर अध्यक्ष डॉ. सुनील जगताप यांनी  प्रास्ताविक केले . आभार डॉ. हेमंत तुसे यांनी मानले

पुणे  : 33 कोटी वृक्ष लागवड हा शासनाचा अत्यंत महत्वाकांक्षी कार्यक्रम आहे. यावर्षी या कार्यक्रमांतर्गत 1 जुलै ते 30 सप्टेंबर या कालावधीत मोठया प्रमाणावर वृक्ष लागवड करण्यात येणार आहे, या वृक्षलागवड कार्यक्रमात शेतकरी, विद्यार्थी व विविध यंत्रणांनी सहभागी व्हावे असे आवाहन सामाजिक वनीकरण विभागाचे अपर प्रधान मुख्य वनसंरक्षक डॉ. दिनेशकुमार त्यागी यांनी केले.
33 कोटी वृक्ष लागवड कार्यक्रमाचा शुभारंभ सामाजिक वनीकरण विभागाचे अपर प्रधान मुख्य वनसंरक्षक डॉ. दिनेशकुमार त्यागी यांच्या हस्ते तरअपर प्रधान मुख्य वनसंरक्षक (वन्यजीव – पश्चिम) सुनिल लिमये,  मुख्य वनसंरक्षक विवेक खांडेकर,वनसंरक्षक रंगनाथ नाईकडे यांच्या विशेष उपस्थितीत भरे (ता. मुळशी) येथे करण्यात आला. विद्यार्थी तसेच ग्रामस्थांच्या हस्ते वृक्षारोपण करण्यात आले. कार्यक्रमाच्या सुरुवातीला सर्वांनी वृक्षारोपणासंबंधीची प्रतिज्ञा घेतली.
या प्रसंगी बोलताना डॉ. त्यागी म्हणाले,  33कोटी वृक्ष लागवड हा शासनाचा अत्यंत महत्वाकांक्षी कार्यक्रम आहे. या कार्यक्रमात दरवर्षी प्रत्येकाने किमान एक वृक्षलागवड व संवर्धन करावे अशी अपेक्षा त्यांनी व्यक्त केली. वृक्ष लागवड हे ईश्वरीय कार्य असल्याचे नमूद करुन वृक्ष लागवडीमुळे आपणास पिण्यासाठी शुद्ध पाणी व श्वसनासाठी ऑक्सिजन उपलब्ध होणार असल्याचे तसेच प्रदूषण, वाढणारे तापमान, वातावरणातील बदल या समस्यांची सोडवणूकही होणार असल्याचे त्यांनी सांगितले.
प्रत्येकाने किमान एक रोप लावण्याबरोबरच किमान 10 रोपे वाचवून वृक्ष संवर्धन व पर्यावरणाचे रक्षण करावे असे लिमये यांनी सांगितले. या प्रसंगी वंदना मारणे, मुक्ता मारणे, सुमन मारणे, नंदा टेमघरे,सुनिता डफळ या ग्रामस्थांना वन विभागातर्फे गॅसचे वाटप करण्यात आले.
या वर्षी 33 कोटी वृक्ष लागवड अंतर्गत पुणे जिल्हयास 1 कोटी 52 लक्ष 36 हजार एवढे वृक्ष लागवडीचे उद्दीष्ट आहे. यावेळी उपवनसंरक्षक रमेश कुमार, उपवनसंरक्षक ए. श्रीलक्ष्मी, उपविभागीय अधिकारी सुधीर जोशी, दिलीप घोलप, अभय चव्हाण,डॉ.स्मिता पाटील यांच्यासह लोकप्रतिनिधी उपस्थित होते.
या प्रसंगी ग्रामस्थ, विद्यार्थी, विविध खात्यांचे अधिकारी, पदाधिकारी तसेच वन खात्याचे अधिकारी-कर्मचारी मोठया संख्येने उपस्थित होते.

पुणे, दि. 1 : माजी मुख्यमंत्री वसंतराव नाईक यांच्या जयंतीनिमित्त जिल्हा प्रशासनातर्फे त्यांच्या प्रतिमेस पुष्पहार अर्पण करून निवासी उपजिल्‍हाधिकारी डॉ. जयश्री कटारे यांनी अभिवादन केले.

यावेळी उपजिल्हाधिकारी निता शिंदे, उपजिल्हाधिकारी रेश्मा माळी, जिल्हाधिकारी कार्यालयातील अधिकारी, कर्मचारी मोठ्या संख्येने उपस्थित होते.

पुणे : लोकशाहीर अण्णा भाऊ साठे यांच्या जन्मशताब्दीनिमित्त संवाद पुणे आणि श्री स्वामी विवेकानंद शिक्षण प्रसारक मंडळ यांच्या संयुक्त विद्यमाने दि. 30 जुलै ते 3 ऑगस्ट 2019 या कालावधीत अण्णा भाऊ साठे यांच्या जीवनावर आधारित विविध कार्यक्रमांचे आयोजन करण्यात आले आहे. त्या अनुषंगाने अण्णा भाऊ साठे जन्मशताब्दी महोत्सवाच्या बोधचिन्हाचे प्रकाशन आज (दि. 1) महापौर मुक्ता टिळक आणि महाराष्ट्र राज्य साहित्य आणि संस्कृती मंडळाचे अध्यक्ष डॉ. सदानंद मोरे यांच्या हस्ते करण्यात आले.
लोकशाहीर अण्णा भाऊ साठे यांची जन्मशताब्दी आणि लोकमान्य टिळक यांच्या स्मृती शताब्दीनिमित्त आयोजित करण्यात आलेल्या कार्यक्रमांची माहिती देण्यासाठी पत्रकार परिषदेचे आयोजन करण्यात आले होते. त्यावेळी बोधचिन्हाचे प्रकाशन करण्यात आले. या वेळी पुणे महापालिकेच्या स्थायी समितीचे अध्यक्ष सुनिल कांबळे, निमंत्रक राजेश पांडे, महाराष्ट्र साहित्य परिषदेचे कार्याध्यक्ष प्रा. मिलिंद जोशी, संवाद पुणेचे सुनिल महाजन, अखिल भारतीय मराठी चित्रपट महामंडळाच्या संचालिका निकिता मोघे उपस्थित होते.
संवाद पुणे आणि श्री स्वामी विवेकानंद शिक्षण प्रसारक मंडळाने आयोजित केलेल्या उपक्रमास शुभेच्छा देऊन महापौर टिळक म्हणाल्या, ‘‘जन्मशताब्दी महोत्सवानिमित्त अण्णा भाऊ साठे यांचे साहित्य, विचार जनतेपर्यंत पोहोचणार आहेत. अण्णा भाऊ साठे आणि लोकमान्य टिळक यांच्या कार्यकर्तृत्वाचा आलेख खूप उंचावलेला आहे. आजच्या पिढीला या महापुरुषांच्या कार्याची पुरेशी माहिती नाही. महापुरुषांचा इतिहास पुसता येत नाही, पण विस्मृतीत जाण्याची शक्यता असते. अण्णा भाऊ साठे जन्मशताब्दी आणि लोकमान्य टिळक यांच्या स्मृतीशताब्दीनिमित्त त्यांचे कार्य लोकांपर्यंत पोहोचण्यास मदत होणार आहे.’’
डॉ. सदानंद मोरे यांनी महापौरांच्या वक्तव्याचा धागा पकडून महापुरुषांच्या स्मृती जागविणे हे आपले कर्तव्य असल्याचे सांगितले.
लोकशाहीर अण्णा भाऊ साठे यांच्या जन्मशताब्दी बरोबरच 1 ऑगस्ट 2019 रोजी लोकमान्य टिळक यांच्या स्मृतीशताब्दी वर्षाला प्रारंभ होत आहे. या निमित्ताने दि. 31 जुलै रोजी लोकशाहीर अण्णा भाऊ साठे पुतळा, सारसबाग ते केसरीवाडा, टिळक रोड येथे ग्रंथदिंडीचे आयोजन करण्यात आले असल्याचे स्थायी समितीचे अध्यक्ष सुनिल कांबळे यांनी सांगितले.
संवाद पुणे आणि श्री स्वामी विवेकानंद शिक्षण प्रसारक मंडळाने आयोजित केलेल्या उपक्रमाअंतर्गत महाराष्ट्र साहित्य परिषद अण्णा भाऊ साठे आणि लोकमान्य टिळक यांच्या साहित्याचा संपूर्ण महाराष्ट्रात जागर करण्यासाठी प्रयत्न करेल, अशी ग्वाही प्रा. मिलिंद जोशी यांनी दिली.
पुण्याच्या परंपरेला शोभेल असे कार्यक्रम घेण्याचा मानस असल्याचे निमंत्रक राजेश पांडे यांनी नमूद केले. नाट्य, चित्रपट, साहित्य, संगीत, शाहिरी अशा क्षेत्रातील विविध संस्था या उपक्रमात सहभागी होणार असल्याचेही त्यांनी सांगितले.
सुनिल महाजन म्हणाले, दि. 30 जुलै ते 3 ऑगस्ट या कालावधीत छायाचित्र, कथा, कादंबर्या्, नाटक व इतर साहित्याचे बालगंधर्व कलादालनात प्रदर्शन भरविण्यात येणार असून बालगंधर्व रंगमंदिरामध्ये परिसंवाद, चर्चासत्र, अभिवाचन कार्यक्रम, ऑडिओ बुक प्रकाशन, कविसंमेलन, सांस्कृतिक कार्यक्रमांचे आयोजन, जीवनगौरव पुरस्कार वितरण समारंभ असे कार्यक्रम आयोजित करण्यात आले आहेत.