कामावरून कमी केल्याचा लढा कामगारांनी १६ वर्षांनी जिंकला !

पुणे-पुण्यातील ग्राहक मंचाने एका हॉटेलला चक्क ५५ हजारांचा दंड ठोठावला आहे. झोमॅटो या फूड डिलेव्हरी अॅप्लिकेशनवरुन एका ग्राहकाने पनीर असलेल्या पदार्थाची ऑर्डर दिलेली असताना या हॉटेलने मांसाहारी पदार्थ (चिकन) या व्यक्तीच्या घरी पाठवल्याबद्दल हा दंड ठोठावण्यात आला आहे. विशेष म्हणजे हॉटेलकडून ही चूक एकदा नाही दोन वेळा घडल्याने संतप्त झालेल्या ग्राहकाने ग्राहक मंचाकडे तक्रार केल्यानंतर ही शिक्षा सुनावण्यात आली.षण्मुख देशमुख असे तक्रारदार ग्राहकाचे नाव असून ते मुळचे नागपूरचे आहेत. पेशाने वकील असणाऱ्या षण्मुख यांनी केलेल्या तक्रारीनुसार त्यांनी ३१ मे रोजी प्रित पंजाबी स्वाद या हॉटेलमधून स्विगीवरुन पनीर मसाला या डिशची ऑर्डर दिली होती. मात्र स्विगीवरुन पदार्थ घरी आल्यानंतर तो खाल्ल्यावर षण्मुख यांना तो पदार्थ पनीर नसून चिकन असल्याचे समजले. दोन्ही पदार्थ दिसायला सारखेच असल्याने डिलेव्हरी बॉयने आणून दिलेला पदार्थ मांसाहारी पदार्थ असेल याचा अंदाज आला नाही आणि मी तो खाल्ल्याचे षण्मुख म्हणाले. संबंधित प्रकार षण्मुख यांनी हॉटेलला फोन करुन कळवल्यानंतर हॉटेलने घडलेल्या प्रकाराबद्दल दिलगीरी व्यक्त केली. तसेच पनीर मसाला दिलेल्या पत्त्यावर पाठवत असल्याचे षण्मुख यांना सांगितले. हॉटेलने दिलेल्या आश्वासनानुसार काही वेळामध्ये षण्मुख यांना दुसरी ऑर्डर मोफत देण्यात आली. मात्र यावेळीही पनीर मसालाऐवजी बटर चिकन हा पदार्थ हॉटेलने पाठवला होता. त्यामुळे षण्मुख चांगलेच संतापले आणि त्यांनी याबद्दल ग्राहक मंचाकडे तक्रार केली. मांसाहारी पदार्थ पाठवल्याने आपल्या धार्मिक भावना दुखावल्या गेल्या असून यासाठी हॉटेल आणि स्विगी जबाबदार आहे. घडलेल्या प्रकारासाठी मला पाच लाखांची नुकसान भरपाई आणि जो मनस्ताप झाला त्याचा मोबदला म्हणून एक लाख रुपये देण्यात यावे असे षण्मुख यांनी आपल्या तक्रारीमध्ये म्हटले होते.

ग्राहक मंचाच्या सुनावणीदरम्यान झोमॅटोने या सर्व प्रकरणामध्ये आमची काहीच चूक नसून हॉटेलने संबंधित ग्राहकाचा चुकीचा पदार्थ पाठवल्याचे नमूद केले. तसेच देशमुख यांचे पैसेही झोमॅटोने परत केले असल्याने केवळ बदनामीच्या उद्देशाने आम्हाला या प्रकरणात अडकवले जात असल्याचे झोमॅटोने ग्राहक मंचाचसमोर आपली बाजू मांडताना सांगितले. दुसरीकडे हॉटेल व्यवस्थापनाने त्यांच्याकडूनच ही चूक झाल्याचे मान्य केले. मंचाने हॉटेल आणि झोमॅटोला देशमुख यांना ५० हजारांची नुकसान भरपाई आणि मानसिक त्रास झाला त्याबद्दल पाच हजारांची भरपाई अशी एकूण ५५ हजारांची नुकसान भरपाई देण्याचे आदेश दिले आहेत.

पुणे-शहर आणि परिसरात सुमारे ३८७ बांधकामे धोकादायी असल्याची महापालिका दप्तरी नोंद असून या आठवड्यात पालिकेने ३५ धोकादायी बांधकामे उतरवून घेतली आहेत .एकंदरीत एवढ्या मोठ्या प्रमाणात बांधकामे उतरवून घेणे महापालिकेसाठी जिकीरीचे ठरताना दिसत आहे .दुसरीकडे नागरी जीवितास हानी पोहोचेल अशा धाकादायी इमारतीवर कारवाई करण्याचे अधिकार पोलीसाना देखील आहेत पण दरवर्षी पालिका कारवाई करते आणि पोलीस निव्वळ तुम्ही कारवाई करा हवा तर बंदोबस्त आम्ही देतो अशी नाममात्र भूमिका घेत असल्याचे आजवर दिसून आले आहे .पालिकेच्या अधिकार्यांना मुख्य सभेत उत्तरे द्यावी लागतात पण पोलिसांना मात्र अशी उत्तरे द्यावी लागत नसल्याने कायद्याने त्यांच्यावर असलेल्या भटकी कुत्री ,धोकादायी बांधकामे अशा विविध जबाबदाऱ्या पासून ते अलगद अलिप्त राहत असल्याचेच आजवर दिसून  आले आहे. गुन्हा घडल्यानंतर कारवाई हे पोलिसांचे सूत्र नागरी हानीस कारणीभूत ठरताना वारंवार दिसत आले आहे. गुन्हा अगर दुर्घटना घडन्यापुर्वी योग्य उचित हालचाली पोलिसांनी केल्या तर बरीचशी हानी टाळता येवू शकते याकडे सातत्याने दुलाक्ष करण्यात येत आहे . निव्वळ जुनी बांधकामे, नव्याने हलगर्जीपणाने केलेली बांधकामे धोकादायी प्रकारात मोडतात असेच नाही तर पोलिसांच्या ताब्यात असलेल्या इमारतीपैकी काही भाग आणि महापालिकेच्या ताब्यात असलेल्या इमारतींपैकी काही भाग देखील धोकादायी झाल्याच्या बातम्या आहेत .बहुतांशी धोकादायी बांधकामांची माहिती अगर  येनकेन प्रकारे अशा बांधकामांशी अप्रत्यक्ष का होईना राजकीय कार्यकर्ते नेते यांचा संबध असतो असे दिसून  येत असते त्यांची चाल ढकल देखील गंभीर असल्याची बाब बोलून दाखविली जाते .

दरम्यान सुरक्षाभिंत तसेच इमारत पडण्याच्या घटना घडू लागल्याने धास्तावलेल्या महापालिका प्रशासनाने पुणे पोलिसांना पत्र पाठवून शहराच्या मध्यवस्तीतील २९२ वाड्यांतील नागरिकांना तत्काळ सुरक्षित ठिकाणी हलविण्याची विनंती केली आहे. या नागरिकांना विनंती करून तसेचनोटिसा बजावूनही ते सुरक्षित ठिकाणी जात नसल्याने प्रशासनाने पोलिसांना हस्तक्षेप करण्याची विनंती केली आहे.

पालिकेच्या बांधकाम विभागाने तसे पत्र पोलिस आयुक्त डॉ. के. व्यंकटेशम यांना दिले असून, त्यात या वाड्यांतील नागरिकांना तत्काळ सुरक्षित ठिकाणी हलविणे गरजेचे असल्याने यामध्ये पोलिसांनी मदत करण्याची विनंती केली आहे. पालिकेने गेल्यावर्षी धोकादायक अवस्थेतील २९२ वाडे शोधले होते. यंदा त्यात नव्याने ३२ वाड्यांची भर पडली आहे. त्यातील सहा वाडे पाडण्यात आले असून, आणखी तीन वाडे पाडण्याची कार्यवाही सुरू करण्यात आली आहे. मात्र, त्या २९२ वाड्यांतील नागरिक आपली घरे सोडत नसल्याने त्यांना घराबाहेर काढणे गरजेचे बनले आहे. भाडेकरू, घरमालक या वादांत तसेच आपले घर जाण्याच्या भीतीने नागरिकांकडून घरे सोडण्यात येत नसल्याची प्रतिक्रिया उच्चपदस्थ अधिकाऱ्यांनी दिली.सध्या सुरू असलेल्या पावसामुळे इमारती, वाडे तसेच सुरक्षा भिंती पडण्याच्या घटना घडू लागल्या आहेत. पावसाच्या पहिल्याच आठवड्यात कोंढवा आणि सिंहगड कॉलेजच्या परिसरात घडलेल्या घटनेत २१ मजुरांचा मृत्यू झाला. त्यामुळे धास्तावलेल्या प्रशासनाने धोकादायक इमारती खाली करण्यास सुरुवात केली आहे. शहराच्या मध्यवस्तीत प्रामुख्याने गावठाणात २९२ वाडे धोकादायक अवस्थेत आहेत. या वाड्यांतील नागरिकांना घरे खाली करण्यासाठी वारंवार नोटिसा बजावण्यात आल्या असल्या तरी त्यांच्याकडून घरे खाली करण्यात येत नाहीत. वाडे पडल्यास दुर्घटना घडून जीवितहानी होऊ शकते. त्यामुळे या वाड्यांतील नागरिकांना घरे खाली करण्यासाठी पोलिसांची मदत मिळावी, यासाठी पालिका प्रशासनाने थेट पोलिस आयुक्तांनाच साकडे घातले आहे.वाड्यांमध्ये राहणाऱ्या नागरिकांमध्ये बहुतांश भाडेकरूंचा समावेश आहे. गरिबीमुळे बाहेर घर मिळवून राहणे परवडणारे नाही. वाड्यातील घर सोडले तर पुन्हा घर कधी मिळेल, याची शाश्वती नाही. त्यामुळे या नागरिकांकडून घरे सोडण्यात अनिच्छा व्यक्त करण्यात येते. पालिका प्रशासनालाही त्यांची व्यथा समजत असली तरी, सुरक्षिततेच्या मुद्द्यावर त्यांना हलविणे गरजेचे बनले आहे. काही नागरिकांकडून या घरांच्या बदल्यात पालिकेची घरे मिळावीत, अशी विनंती करण्यात येत आहे. मात्र, रस्ता रुंदीकरणातील बाधितांसाठी असलेली घरे जुन्या वाड्यांत राहणाऱ्या नागरिकांना देण्याची तरतूद नसल्याने प्रशासनाला मर्यादा येत आहेत. या पार्श्वभूमीवर धोरणात्मक निर्णय घेण्यासाठी पदाधिकाऱ्यांशी चर्चा करण्यात येणार असल्याची प्रतिक्रिया बांधकाम विभागातील अधिकाऱ्यांनी व्यक्त केली.

दरम्यान पुलगेट परिसरातील दुमजली घराची भिंत आणि लगतचा जिना सोमवारी दुपारी पडल्यामुळे सहाजण घरात अडकले होते. या सर्वांची अग्निशमन दलाच्या जवानांनी दोर आणि शिडीच्या मदतीने सुटका केली. नारायण गंगाधर सोनवणे (वय ५५), साक्षी प्रदीप सोनवणे (वय १७), यश प्रदीप सोनवणे (वय-आठ), लीलाबाई गंगाधार सोनवणे (वय ८०), वैशाली प्रदीप सोनवणे (वय ३६) आणि अंजली अतुल सोनवणे (वय २०) अशी सुखरूप सुटका करण्यात आलेल्यांची नावे आहेत. या घटनेत कोणीही जखमी झाले नाही.

बारामती दि.८-  शासनाच्या वैद्यकीय सहायता योजनांचा लाभ  सर्वसामान्य नागरीकांपर्यत पोहचविण्यासाठी वैद्यकीय क्षेत्रातील ‍ प्रत्येकाने प्रयत्न करावेत, असे प्रतिपादन महसूल, सार्वजनिक बांधकाम तथा पालकमंत्री चंद्रकांत(दादा) पाटील यांनी केले.

बारामती  हॉस्पिटलला आज पालकमंत्री पाटील यांनी भेट दिली. रुग्णालयाच्या  विविध कक्षांची त्यांनी पाहणी केली. यावेळी  उपविभागीय  अधिकारी हेमंत निकम, तहसिलदार  विजय पाटील, बारामती हॉस्पिटलचे अध्यक्ष डॉ. दिलीप लोंढे, उपाध्यक्ष डॉ. जे.जे.शहा, संचालक डॉ.संजय पुरंदरे, संचालक डॉ.गोकुळ काळे आदी उपस्थित होते.

पालकमंत्री पाटील म्हणाले, हॉस्पिटलमध्ये दाखल होणा-या रुग्णांना वेळीच आवश्यक ते उपचार ‍ मिळाले पाहिजेत. उपचारासोबतच सर्वसामान्य रुग्णांना त्यांच्यासाठी  असणाऱ्या शासनाच्या  महात्मा फुले जनआरोग्य योजना, मुख्यमंत्री सहायता निधी आदी योजंनाबाबत रुग्णालयाच्या व्यवस्थापनाकडून रुग्णांचे समुपदेशन होणे गरजेचे आहे. सर्वसामान्य रुग्णांपर्यंत मदत पोहचण्याकरीता प्रयत्न करावेत. या मदतीमुळे सर्वसामान्य कुटुंबावरील उपचाराचा आर्थिक ताण कमी होण्यास मदत होईल.

यावेळी रुग्णालयाच्या व्यवस्थापनाकडून रुग्णांना दिल्या जाणा-या वैद्यकीय सुविधांचा आढावा पालकमंत्री पाटील यांनी घेतला. तसेच शासनाच्या विविध वैद्यकीय योजना व सुविधाचा लाभ सर्वसामान्य रुग्णांना देण्याकरीता  विशेष प्रयत्न केले जातील, असेही त्यांनी सांगितले.

बारामती दि.८-  महसूल,सार्वजनिक बांधकाम तथा पालकमंत्री चंद्रकांत (दादा) पाटील यांनी आज बारामती दौ-यामध्ये प्रशासकीय कामांचा आढावा घेतला. पालकमंत्री पाटील यांच्या अध्यक्षतेखाली झालेल्या या बैठकीस ‍ ‍ उपविभागीय अधिकारी हेमंत निकम, तहसिलदार विजय पाटील तसेच शासकीय यंत्रणांचे विभागप्रमुख उपस्थित होते.

यावेळी उपविभागीय अधिकारी हेमंत निकम यांनी दृकश्राव्यमाध्यमाद्वारे बारामती तालुक्यातील केंद्र व राज्य शासनाच्या योजना तसेच प्रधानमंत्री किसान सन्मान योजना,खरीप अनुदान वाटप सन २०१८-१९, DSP MIS अहवाल, ई-पिक पाहणी, बारामती तालुक्यातील शेतकरी आत्महत्या बाबतची ‍ माहिती,मागील ५ वर्षातील मंडलनिहाय सरासरी पर्जन्यमान, सध्या सुरु असलेल्या चारा छावण्या, पाणी  टँकर खेपांची माहिती, जानाई-शिरसाई योजनेंतर्गत होणा-या पाणीपुरवठा,महात्मा गांधी ग्रामीण रोजगार योजना,जलयुक्त शिवार, पालकमंत्री शेत/पाणंद रस्ते योजना आदी योजनांबाबत तालुक्यातील सद्यस्थितीची ‍ माहिती दिली.

यावेळी पालकमंत्री यांनी  महत्वाच्या शासकीय यंत्रणांच्या अधिकारी/कर्मचारी यांनी त्यांच्या मुख्यालयी थांबून  नागरिकांच्या अडी अडचणींचा तात्काळ निपटारा करावा, तसेच विभागप्रमुखांनी  कर्मचा-यांची कार्यक्षमता वाढविण्याकरीता त्यांना आवश्यक ते ‍ प्रशिक्षण द्यावे, नागरीकांच्या गरजांप्रमाणे त्यांची कामे वेळेवर करावीत, तसेच ज्या विभागांना निधीची आवश्यकता आहे त्यांनी अंदाजपत्रकासह अहवाल तात्काळ मंजुरीकरीता पाठवावेत अशा सूचना केल्या. त्याचप्रमाणे  सार्वजनिक बांधकाम, महावितरण,पोलीस,भूमी अभिलेख,वैद्यकीय विभाग, नोंदणी विभाग आदी विभागांच्या कामकाजाविषयी माहिती घेवून त्यांना आवश्यक त्या सूचना केल्या.

पुणे-इयत्ता दहावीच्या विद्यार्थ्यांना परीक्षेला यशस्वीपणे सामोरे जाता यावे यासाठी अभ्यासाचे तंत्र व मंत्र, परीक्षा पद्धती, ताण-तणाव व्यवस्थापन, करिअरची निवड आदी विषयांचे मार्गदर्शन करण्यासाठी येत्या नोव्हेंबर महिन्यापासून महापालिकेच्या वतीने प्रत्येक क्षेत्रिय कार्यालयानुसार व्या‘यानमालांचे आयोजन करण्यात येणार असल्याची माहिती आमदार जगदीश मुळीक यांनी दिली.

भारतीय जनता पार्टीच्या वतीने येरवडा, चंदननगर, खराडी, वडगावशेरी परिसरातील इयत्ता दहावी आणि बारावीतील एक हजारहून अधिक गुणवंत विद्यार्थ्यांचा गौरव करण्यात आला. यावेळी आमदार मुळीक मार्गदर्शन करीत होते.

आमदार मुळीक पुढे म्हणाले, ‘इयत्ता दहावी म्हणजे शालेय जीवनातील शेवटचे वर्ष आणि दहावीची परीक्षा जीवनातील महत्त्वाची म्हणून ओळखली जाते. कुटुंबातील सदस्य आणि समाजाचे दहावीच्या विद्यार्थ्यांवर विशेष लक्ष असते. या परीक्षेला यशस्वीपणे सामोरे जाता यावे यासाठी या व्या‘यानमाला होणार आहेत. शिक्षण क्षेत्रातील तज्ज्ञ व अनुभवी शिक्षक मार्गदर्शन करणार आहेत. विद्यार्थ्यांनी अधिकाधिक लाभ घ्यावा.’

राष्ट्रीय स्वयंसेवक संघाचे महानगर कार्यवाह महेश करपे, स्थायी समितीचे माजी अध्यक्ष योगेश मुळीक, नगरसेवक बाबुराव कर्णे गुरुजी, संदीप जर्‍हाड, सुनीता गलांडे, शीतल शिंदे, राहुल भंडारे, मुक्ता जगताप, श्‍वेता गलांडे, नाना सांगडे, मतदार संघाचे अध्यक्ष संतोष राजगुरू, प्रभाग समितीचे सदस्य आशा जगताप, सुधीर गलांडे, विशाल साळी, संदीप नाईक यांची प्रमुख उपस्थिती होती.

पुणे : खेड-शिवापूर येथील व्यापाऱ्यांचे सुमारे पाच लाख रुपये तिघा जणांनी अडवून लुटल्याचा प्रकार रविवारी घडला.एकीकडे सामान्यांना पोलिसी जाच रस्तोरस्ती होताना दिसत असताना दुसरीकडे असे गुन्हेगार मात्र अशा परिस्थितीतून कसे सुटतात ? असा सवाल या निमित्ताने उपस्थित होतो आहे.

व्यापारी हे पैसे कोथरूड व कोंढवा येथे देण्यासाठी निघाला होता. कात्रज येथील उड्डाणपूलाखालील सेवा रस्त्यावर तिघांनी अडवून त्याच्या जवळ असलेले पाच लाख रुपये लांबविल्याची घटना रविवारी रात्री आठ वाजता घडली. भारती विद्यापीठ पोलिस पुढील तपास करीत आहे.

खेड शिवापूर येथे कल्याणसिंह राजपुरोहीत याचे मिठाईचे दुकान आहे. कल्याणसिंह कामानिमित्ताने पुण्याला निघाला होता. त्याच्या शेजारी असलेल्या किरणा माल दुकानदार रमेश चौधरी यांनी कल्याणसिंहला दोन व्यापाऱ्यांना देण्यासाठी रक्कम दिली. कल्याणसिंह याने नवले ब्रीज येथे कोथरूडच्या व्यापाऱ्याचे अडीच लाख रुपये दिले. त्यानंतर कोंढव्याचे व्यापारी प्रकाश पाटील यांना पाच लाख रुपये देण्यासाठी जात असताना कात्रज चौकातील उड्डाणपूलाखालील सेवा रस्त्यावर त्यांना लुबाडण्यात आले. समोरुन दोन दुचाकीवरून आलेल्या तिघांनी कल्याणसिंह याला अडवून दुचाकी बाजूला घेण्यास सांगितले. त्याचवेळी अचानक डोळ्यात चटणी टाकून त्यांच्या जवळ असलेले पाच लाख रुपये घेऊन पसार झाले.

कल्याणसिंह यांनी तत्काळ नियंत्रण कक्षाला माहिती दिली. भारती विद्यापीठ पोलिस या घटनेचा सखोल तपास करीत आहेत. सहाय्यक पोलिस आयुक्त व पोलीस उपआयुक्त यांनी भारती पोलिस स्टेशनमधील घटनेची माहिती घेतली. पोलिस निरीक्षक विष्णू पवार व गुन्हे शाखेचे वरिष्ठ पोलीस निरीक्षक विष्णू ताम्हाणे तपास करीत आहेत