पुणे दि. 3 : केंद्र शासनाच्या सांख्यिकी मंत्रालयामार्फत सातवी आर्थिक गणना 2019 मध्ये घेण्यात येत आहे. 
आर्थिक गणनेव्दारे कार्यरत सर्व प्रकारच्या आर्थिक कार्यात गुंतलेल्या आस्थापनांची माहिती या माध्यमातून संकलित
 केली जाणार आहे. या गणनेव्दारे उपलब्ध होणारी माहिती राष्ट्रीय उत्पन्नाचे अंदाज अधिक अचुकपणे तयार 
करण्यासाठी उपयुक्त ठरणार आहे. यासोबतच राज्य, जिल्हा व स्थानिक स्वराज्य संस्थांच्या स्तरावरदेखील 
 प्रशासकीय व्यवस्थापन व नियोजनासाठी या माहितीचा उपयोग होणार आहे. पुणे जिल्हयातील सातव्या आर्थिक 
गणनेच्या कामकाजाचा निवासी उपजिल्हाधिकारी डॉ. जयश्री कटारे यांनी आज आढावा घेतला.

       जिल्हाधिकारी कार्यालयात झालेल्या या आढावा बैठकीला जिल्हा सांख्यिकी अधिकारी प्रिती तेलखडे 
यांच्यासह विविध विभागाचे अधिकारी उपस्थित होते.

         यावेळी जिल्हयात सातव्या आर्थिक गणनेची अंमलबजावणी करण्यासाठी केलेली तयारी, उदभणा-या
 अडचणींचे निराकरण करून नियमित सनिंयत्रण कसे करता येईल, जिल्हास्तरावरील भूमिका व कार्य प्रभावीपणे
 पार पाडण्यासाठी राज्यस्तरीय सनम्वय समितीला सहाय्य, सातवी आर्थिक गणना सुरळीत पार पाडण्यासाठी सेवा
 केंद्रांना यांना मदत करणे आदी  विषयावर चर्चा झाली.

पुणे : “पेट्रोल, गॅस, कोळसा अशा इंधनस्रोताचा ऱ्हास थांबवून निसर्गामध्ये उपलब्ध असलेल्या पवन, जल आणि सौर ऊर्जेसारख्या नैसर्गिक स्रोतांचा वापर करणे ही काळाची गरज आहे. भविष्यात इंधन टंचाई भासणार आहे. त्यामुळे या नैसर्गिक ऊर्जास्रोतांचा वापर करण्याबाबत जागृती होणे आवश्यक असून, सरकारकडून त्यासाठी प्रोत्साहन म्हणून अनुदान योजना आणल्या जात आहेत,” असे मत अमोल झिरमिले यांनी व्यक्त केले.

मराठी विज्ञान परिषद, दि इन्स्टिट्यूशन ऑफ इंजिनिअर्सच्या वतीने ‘अपारंपरिक ऊर्जास्रोत : सत्य आणि मिथक’ या विषयावर झिरमिले यांचे व्याख्यान झाले. जंगली महाराज रस्त्यावरील इन्स्टिट्यूशन ऑफ इंजिनिअर्सच्या फिरोदिया सभागृहात झालेल्या या व्याख्यानावेळी इन्स्टिट्यूशन ऑफ इंजिनिअर्सचे प्रा. राजेंद्र सराफ, विज्ञान परिषदेचे संजय मालती कमलाकर, संतोष गोंधळेकर यांच्यासह विज्ञानप्रेमी मोठ्या संख्येने उपस्थित होते.

अमोल झिरमिले म्हणाले, “अन्न-वस्त्र-निवारा यासह आज वीजही आपल्या आयुष्यातील महत्वाची गरज बनली आहे. तिच्या पूर्ततेसाठी आपण निसर्गाला हानी पोहोचवत आहोत. इंधनाचा वापर मोठ्या प्रमाणात वाढला आहे. परिणामी त्याची टंचाई येत्या काळात भासणार आहे. म्हणून वेळीच गरज ओळखून निसर्गात उपलब्ध ऊर्जेचा वापर आपण करून घ्यायला हवा. तंत्रज्ञानामुळे या नैसर्गिक संसाधनांचे ऊर्जेत रूपांतर करणे अधिक सुलभ झाले आहे. पवनचक्की, सौरपॅनेल याचा वापर आगामी काळात व्हावा.”

प्रा. राजेंद्र सराफ म्हणाले, “प्रत्येक नागरिकांनी सौरऊर्जेचा वापर करावा. विद्यापीठ, कॉलेज यांनी त्या भागात नैसर्गिक पवनचक्कीसाठी माहिती संकलन करून ठेवावे. जेणेकरून भविष्यात प्रकल्प राबवता येईल. वाऱ्याचा वेग जिथे कमी आहे, त्या ठिकाणी सौरऊर्जेचा वापर करून त्यातून ऊष्णता निर्माण करून पवन ऊर्जा निर्माण करता येईल.

पुणे, ता. ३ – कश्यप, अत्रि, भारद्वाज, विश्‍वामित्र, गौतम, जमदग्नी व वसिष्ठ या ऋषी सप्तश्रींनी ज्ञानाचे घडे भरून ठेवले आहेत. तसेच कार्य आजच्या विज्ञान युगात वैज्ञानिक आणि संशोधक करीत आहेत. अशा विविध क्षेत्रांतील ऋषितुल्य गुरुजनांप्रती समाजाने आदर व्यक्त केला पाहिजे असे प्रतिपादन ज्येष्ठ बासरीवादक केशवराव गिंडे यांनी केले.
डेक्कन एज्युकेशन सोसायटीच्या न्यू इंग्लिश स्कूल रमणबाग प्रशालेत श्री. गिंडे, लोकशाहीर दादा पासलकर, मृदुंगवादक पांडुरंग दातार, साहित्यिक दीपक चैतन्य यांचे ऋषिपंचमीनिमित्त पूजन करण्यात आले. शाला समितीचे अध्यक्ष अशोक पलांडे कार्यक‘माच्या अध्यक्षस्थानी होते. सोसायटीचे संचालक मिलिंद कांबळे यांची प्रमुख उपस्थिती होती.
श्री. पासलकर म्हणाले, ‘कोणत्याही सेवेचे मोल कमी किंवा अधिक नसते. कमकुवत मनामुळे सेवेची प्रतिष्ठा किंवा महत्त्व लक्षात येत नाही. सेवेला प्रतिष्ठा असते. ती मनोभावे केली पाहिजे.’
श्री. चैतन्य म्हणाले, ‘आपण दुसर्‍याला काही देत नाही, तोपर्यंत आपल्याला घेण्याचा अधिकार नसतो. अहंकार सोडल्यास अपेक्षित प्राप्ती व प्रगती होते. बदलत्या काळानुसार होणार्‍या परिवर्तनासाठी सज्ज राहाणे आवश्यक असते.’
मु‘याध्यापिका तिलोत्तमा रेड्डी यांनी प्रास्ताविक, राधिका देशपांडे यांनी परिचय, सुहास देशपांडे यांनी सूत्रसंचालन आणि पर्यवेक्षक दिलीप रावडे यांनी आभार प्रदर्शन केले.

पुणे- कॉंग्रेसचे माजी मंत्री बाळासाहेब शिवरकर आणि भाजपचे आमदार योगेश टिळेकर हे विधानसभेच्या तोंडावर येथे एका व्यासपीठावर दिसल्याने राजकीय वर्तुळात  चर्चा उसळली होती .हे दोघे नेते माळी समाजाचे आहेत आणि हडपसर विधानसभा मतदार संघातील आहेत . 

महालक्ष्मी निधी लिमिटेडची पहिली वार्षिक सर्वसाधारण सभा उत्साहात संपन्न झाली . वानवडीमधील युटोपिया सोसायटीच्या सभागृहात झालेल्या या पहिली वार्षिक सर्वसाधारण सभेच्या अध्यक्षस्थानी श्री महालक्ष्मी निधी लिमिटेडचे संचालक पोपटराव बोराटे , माजी  राज्यमंत्री बाळासाहेब शिवरकर , आमदार योगेश टिळेकर , श्री महालक्ष्मी निधी लिमिटेडचे चेअरमन संतोष जाधव , नगरसेविका कालिंदी  पुंडे , जनसेवा सहकारी बँकेचे संस्थापक संचालक रघुनाथ कचरे व सर्व संचालक वर्ग उपस्थित होते .

या सभेचे प्रास्ताविक, उपस्थितांचे स्वागत  व सूत्रसंचालन श्री महालक्ष्मी निधी लिमिटेडचे संचालक सुधीर होले यांनी केले तर अहवालवाचन श्री महालक्ष्मी निधी लिमिटेडचे संचालक राजू सातव यांनी केले तर वार्षिक आढावा  श्री महालक्ष्मी निधी लिमिटेडचे चेअरमन संतोष जाधव यांनी घेतला तर आभार श्री महालक्ष्मी निधी लिमिटेडचे संचालक  राजेंद्र कामठे यांनी मानले .

श्री महालक्ष्मी निधी लिमिटेडचे चेअरमन संतोष जाधव यांनी सांगितले कि , श्री महालक्ष्मी निधी लिमिटेड हि २७ डिसेंबर २०१८ रोजी स्थापना असून तळागाळातील नागरिक , छोटे व्यावसायिक यांना  सुलभ पद्धतीने तारण कर्जे उपलब्ध करून दिली जातात , त्यामुळे ठेवी या सुरक्षित असतात . तसेच जेष्ठ नागरिकांना ठेवीवर जादा व्याजदर दिला जातो .श्री महालक्ष्मी निधी लिमिटेडमध्ये ४५ लाखपर्यंत ठेवी जमा असून ३७ लाख रुपयांची कर्जे दिलेली आहेत . भागधारक ३६० असून वार्षिक उलाढाल ८१ लाख रुपयांची आहे . अंदाजे वार्षिक नफा २ लाख रुपये आहे . यावेळी ताळेबंदाचे वाचन करून सभासदाना माहिती देण्यात आली .

यावेळी माजी राज्यमंत्री बाळासाहेब शिवरकर यांनी सांगितले कि ,  श्री महालक्ष्मी निधी लिमिटेड हि गोरगरिबांना कर्ज उपलब्ध करून देत असल्यामुळे गोरगरिबांसाठी आधारवड आहे . गरजू लोकांना त्यांच्या आर्थिक समस्या सोडविण्यासाठी नेहमीच या संस्थेचा पुढाकार असतो . 

पुणे- ३१व्या पुणे फेस्टिव्हलच्या श्रींची प्रतिष्ठापना आज सोमवार दि. ०२ सप्टेंबर रोजी सकाळी १०.०० वाजता हॉटेल सारस, नेहरू स्टेडियम येथे सावित्रीबाई फुले पुणे विद्यापीठाचे उपकुलगुरू डॉ. एन. एस. उमराणी व त्यांच्या पत्नी यांच्या हस्ते विधीवत संपन्न झाली. याप्रसंगी अभिनेत्री गिरीजा प्रभू, अभिनेत्री मानसी मुसळे, अभिनेत्री आयली घिया व एफबीबी मिस इंडिया कॅम्पस प्रिन्सेस २०१८ विजेती अमृता चव्हाण या उपस्थित होत्या. पुणे फेस्टिव्हलचे अध्यक्ष सुरेश कलमाडी, उपाध्यक्ष कृष्णकुमार गोयल यांसबरोबर, अभय छाजेड, डॉ. सतीश देसाई, काका धर्मावत, रविंद्र दुर्वे, नगरसेवक प्रसन्न जगताप, श्रीकांत कांबळे, अतुल गोंजारी, बाळासाहेब अमराळे, सुप्रिया ताम्हाणे, संयोगिता कुदळे, दीपाली पांढरे, निकिता मोघे, जुई सुहास, रमेश भांड, रवि चौधरी, सुहास रानवडे, राजू साठे, तानाजी चव्हाण, करूना पाटील,श्रुती तिवारी, सोनम मस्कारा आदी यावेळी उपस्थित होते. वेदमूर्ती धनंजय घाटे गुरूजी यांनी याचे पौराहित्य केले. पुणे फेस्टिव्हलच्या श्रींची प्रतिष्ठापना हॉटेल सारस येथील हॉलमध्ये करण्यात आली आहे. तेथे आकर्षक सजावट करण्यात आली आहे.