पुणे:नणंद आणि तिच्या मुलांनी केलेल्या छळामुळे विवाहितेने गळफास घेऊन आत्महत्या केल्याची घटना धनकवडीत घडली. याप्रकरणी नणंदेसह चौघांविरुद्ध सहकारनगर पोलिसांनी गुन्हा दाखल केला आहे.
वर्षा तुकाराम रणदिवे (वय ३५, रा. व्यंकटेश अपार्टमेंटसमोर, गोविंदराव पाटीलनगर, धनकवडी) असे आत्महत्या केलेल्या महिलेचे नाव आहे. याप्रकरणी नणंद उज्ज्वला बागाव, भाचा योगेश बागाव (वय ३५), भाची वैशाली बागाव (वय ३२) व भाची सुवर्णा बागाव (वय २५) यांच्यावर गुन्हा दाखल केला आहे. याबाबत पती तुकाराम रणदिवे (वय ५३, रा. धनकवडी) यांनी फिर्याद दिली.
पोलिसांनी दिलेल्या माहितीनुसार, उज्ज्वला बागाव या फिर्यादी तुकाराम रणदिवे यांची बहीण आहे. रणदिवे आणि बागाव शेजारी राहायला आहेत. उज्ज्वला, तिचा मुलगा योगेश, मुलगी वैशाली आणि सुवर्णा यांनी वर्षा यांना टोमणे मारून तिचा छळ केला. छळ असह्य झाल्याने वर्षा यांनी आठ मे रोजी गळफास घेऊन आत्महत्या केली.
याप्रकरणी सहकारनगर पोलिसांनी अकस्मात मृत्यूची नोंद केली होती. मात्र, आरोपींनी केलेल्या छळामुळे वर्षा यांनी आत्महत्या केल्याचे पोलिसांनी केलेल्या तपासात उघडकीस आले. त्यामुळे आत्महत्येस प्रवृत्त केल्याप्रकरणी गुन्हा दाखल करण्यात आला आहे. या गुन्ह्याचा तपास सहायक पोलिस निरीक्षक विशाल पवार करत आहेत.

पुणे:शहरात अशी अनेक वाईन शॉप आहेत कि ज्यांच्यामुळे रस्त्यावरील वाहतुकीला व्यत्यय येऊन वाहतूक कोंडी होते अशी दुकाने बंद करा अशी मागणी आता होऊ लागली असताना धायरी गावातील उंबऱ्या गणपती चौकातील दारुची दुकाने बंद करण्यासाठी धायरी ग्रामस्थांच्या वतीने आज रविवारी प्रसिद्ध उंबऱ्या गणपतीची महाआरती करण्यात आली.वाहतूक कोंडी, कायदा सुव्यवस्था धोक्यात आणणारी दारूची दुकान बंद होई पर्यंत श्री ची महा आरती सुरू ठेवण्याचा निर्धार सर्व पक्षीय ग्रामस्थांनी केला आहे.

आम आदमी पक्षाचे शहराध्यक्ष धनंजय बेनकर म्हणाले, दाट लोकवस्तीतील दारुच्या दुकानामुळे कायदा सुव्यवस्था वाहतूक आदी गंभीर समस्या निर्माण झाल्या आहेत. खासदार , आमदार जिल्हाधिकारी आदींना अनेक निवेदने देऊन सरकारने दखल घेतली नाही. दुकाने बंद करण्यासाठी मतदान घेण्याची मागणी करुनही मतदान घेतले जात नाही.ड्राय डे च्या दिवशीही दुकाने सुरू असतात.छोटी कारवाही करून प्रशासन वेळकाढूपणा करत आहेत. दारू दुकाने कायमस्वरूपी बंद करे पर्यंत लढा सुरू राहणार आहे.
महा आरती आंदोलनात महिला राष्ट्रवादी काँग्रेसच्या शहर अध्यक्षा स्वाती पोकळे,महादेव पोकळे, अँड . राजेशाही मिंडे, , सनी रायकर,, राजेश पोकळे, अरुण अण्णा गायकवाड ज्ञानेश्वर कामठे आदी सहभागी झाले होते.

पुणे:आज रविवारी धायरी येथे ग्रामस्थांच्या वतीने आयोजित करण्यात आलेल्या ग्रामसभेत वैष्णवी हगवणे हुंडाबळीच्या पार्श्वभूमीवर हुंडाबंदीसह लग्नातील अनिष्ट प्रथा बंद करण्यासाठी धायरी ग्रामस्थांनी एल्गार पुकारला आहे.

मराठा बहुजनसह , अठरापगड जातीचे ग्रामस्थ सहभागी झाले होते. सर्वांनी एकमताने हुंडा न देणे आणि हुंडा न घेणे असा ठराव मंजूर केला.
या वेळी लग्नातील अनेक चुकीच्या प्रथा बदलण्याचे ठरावही मंजूर करण्यात आले. हुंड्यावरून छळ होऊ द्यायचा नाही आणि सहनही करायचा नाही. हुंड्यावरून छळ होत असल्यास मुलीला सासरी पाठवायचे नाही. कमी खर्चात आणि कमी लोकांमध्ये लग्न पार पाडावीत,
लग्न वेळेतच लावावीत‌, जावई मानपान, मामा मंडळींचे मानपान 4/8 दिवस अगोदर मानाने उरकून घ्यावेत,
एकाच दिवशी साखरपुडा, लग्न आणि अन्य विधी करावेत, मान्यवरांच्या नावांचा पुकारा करू नये,, मान्यवरांनी स्टेजवर गर्दी करण्याचे टाळावे. नेत्यांच्या मानपानात वेळ वाया घालवू नये, सत्कार करु नयेत/स्वीकारू नयेत,
साखरपुड्याला कमी महिला आणि कमी पुरुषांनी औक्षण करावे,
लग्नात नाहक खर्च करू नये, जेवणामध्ये मोजकेच पदार्थ असावेत, जास्त पदार्थ टाळावेत.
पारण्याच्या मिरवणुका आणि त्यामुळे होणारी गर्दी टाळावी. आपल्यामुळे ट्रॅफिक जॅम होणार नाही याची काळजी घ्यावी. प्री व्हिडिओ शूटिंग आणि इव्हेंट मॅनेजमेंट मध्ये जाणार वेळ वाचवावा.
फोटोग्राफर आणि मेकअप आर्टिस्ट यांना समज देण्यात यावी,
लग्न ठरण्यापूर्वी एक वेळ पत्रिका नाहीं पाहिली तरी चालेल पण मुलांचे शारीरिक आरोग्य तपासणी करूनच लग्ने ठरवावीत.
लग्नात काय दिले, काय नाही याची चर्चा लग्नात करू नये. आदर्श विवाह घडवून आणणाऱ्या कुटुंबाचा त्याच्या घरी जावून सन्मान करण्यात यावा. या ठरावांचे फलक गावात लावण्यात यावेत, चुकीच्या प्रथा बंद करून मुलगा व मुलगी कसे सुखी राहतील याचा विचार करावा,
यावेळी महाराष्ट्र प्रदेश काँग्रेसचे सरचिटणीस श्रीरंग चव्हाण पाटील, पुणे शहर आम आदमी पक्षाचे शहराध्यक्ष धनंजय बेनकर, राष्ट्रवादी काँग्रेसचे प्रवक्ते राहुल पोकळे, राष्ट्रवादी काँग्रेसचे शहराध्यक्षा स्वाती पोकळे, श्री. काकासाहेब चव्हाण, राणोजी पोकळे, पंढरीनाथ पोकळे,महादेव पोकळे, सनी रायकर, अँड राजेश मिंडे, गुलाब पोकळे, नामदेव भुरूक, निलेश दमिष्ट, मिलिंद पोकळे, विजय लायगुडे, संदीप शेठ रायकर, बाप्पुसाहेब पोकळे, गायकवाड, सौ.. सोनालीताई पोकळे, सचिन मनेरे व ग्रामस्थ मोठ्या प्रमाणावर उपस्थित होते.

‘परमपूज्य गंगानाथ महाराज आर्थिक विकास महामंडळ’ नावाला नाथपंथी समाजाचा आक्षेप

पुणे: “विधानसभा निवडणुकीआधी महायुती सरकारने भटक्या विमुक्त जाती-जमातीतील नाथपंथी समाजासाठी ‘वसंतराव नाईक भटक्या विमुक्त जाती आर्थिक विकास महामंडळ’ अंतर्गत उपकंपनी म्हणून स्थापन करण्यात आलेल्या महामंडळाला दिलेले ‘परमपूज्य गंगनाथ महाराज आर्थिक विकास महामंडळ’ हे नाव त्वरित बदलून त्याचे नाव ‘श्री शिवगोरक्षनाथ नाथपंथी समाज आर्थिक महामंडळ’ असे करावे,” अशी मागणी नाथपंथी समाजाचे प्रतिनिधी व निवृत्त पोलीस उप-अधीक्षक मच्छिंद्र चव्हाण यांनी केली.

अखिल नाथपंथी डवरी गोसावी, नाथजोगी, नाथबाबा, गोंधळी, बहरूपी, भारूडी या भिक्षुक, भटक्या जाती-जमातीच्या राज्यभरातील समाजबांधवांनी शनिवारी डॉ. बाबासाहेब आंबेडकर सांस्कृतिक भवन येथे राज्यस्तरीय बैठक घेऊन महामंडळाचे नामांतर करण्याचा ठराव मंजूर केला. मच्छिंद्र चव्हाण यांच्या नेतृत्वात झालेल्या या बैठकीला निवृत्त महसूल उपायुक्त आनंदराव जगताप, महादेव शिंदे, डॉ. जयाजी नाथसाहेब, नारायण शिंदे, भालचंद्र सावंत, अंबरनाथ इंगोले, डॉ. सुभाष भोसले, सुमित लगस, मोहन शिंदे, बाबा शिंदे, संजय सावंत, संजय जगताप, अशोक शिंदे, अविनाश शिंदे, दयानंद सावंत, गणेश लगस, अनिल चव्हाण, सहदेव सावंत, ऍड. नवनाथ शिंदे यांच्यासह मराठवाडा, विदर्भ, पश्चिम महाराष्ट्र, कोकण विभाग या राज्याच्या कानाकोपऱ्यातून हजारोंच्या संख्येने नाथपंथी समाजबांधव उपस्थित होते. 

मच्छिंद्र चव्हाण म्हणाले, “विधानसभा निवडणुकीच्या आधी महायुती सरकारने नाथपंथी समाज आर्थिक विकास महामंडळ घोषित केले. याचे स्वागत करीत संपूर्ण महाराष्ट्रातील नाथपंथी समाज बांधवानी महायुतीला भरभरून मतदान केले. सरकार स्थापन झाल्यावर मंत्रिमंडळाने हे महामंडळ स्थापनही केले. मात्र, काही लोकांनी खोटी माहिती देऊन या महामंडळाला ‘परमपूज्य गंगनाथ महाराज आर्थिक विकास महामंडळ’ असे नाव दिले. गंगानाथ महाराज हे एका निवृत्त पोलीस अधिकाऱ्याचे वडील असून, त्यांचे समाजासाठी कोणतेही योगदान नाही. शिवाय, सदरचे निवृत्त पोलीस अधिकारी हे महामंडळ स्वतःची मालमत्ता असल्याचे भासवून समाजामध्ये दादागिरी करू लागले आहेत. परिणामी, नाथपंथी समाजामध्ये रोष निर्माण झाला आहे. या महामंडळ सर्वसमावेशक नाव देण्याची मागणी, चर्चा व वादविवाद समाजामध्ये गेल्या चार महिन्यांपासून सुरु आहेत. याच पार्शवभूमीवर ही बैठक महत्वपूर्ण ठरली.”

भालचंद्र सावंत म्हणाले, “महामंडळाचे नाव तात्काळ बदलून ‘श्री शिवगोरक्षनाथ नाथपंथी समाज आर्थिक विकास महामंडळ’ असे करावे. या महामंडळाला स्वायत्त दर्जा द्यावा. तसेच ५०० कोटींची आर्थिक तरतूद करावी, झोपडीत, पालांमध्ये राहणाऱ्या गोरगरीब नाथपंथी समाजबांधवांना महामंडळाकडून आर्थिक लाभ घेता यावा, यासाठी जाचक अटी शिथिल कराव्यात. समाजावर होणारे अन्याय, अत्याचार व विकासाच्या मुख्य प्रवाहात येण्यासाठी यशवंतराव चव्हाण पालमुक्त योजना शासनाने प्रत्यक्ष राबवावी, आदी ठराव बैठकीत संमत करण्यात आले आहेत. यापुढील कायदेशीर आणि रीतसर प्रक्रिया करण्यासाठी एक समिती नेमण्यात आली असून, राज्यपाल, मुख्यमंत्री, उपमुख्यमंत्री व संबंधित खात्याचे मंत्री यांच्यासोबत पाठपुरावा करेल.”

महावितरण ऑनलाइन प्रश्नमंजूषा खुल्या उघडण्याचे

पुणे, दि. ०१ २०२५ : वीज अस्तित्व नाही व अजाणताही जून मात्र माफ करत नाही. विद्युत वाहिनी कर्मचारी किंवा कमावत्या व्यक्तींचे अधिकारी त्यांच्या तीन पिढ्यांचे कधीही न भरून नुकसान होते. महावितरणचे कर्मचारी किंवा नागरिकांनी विद्युत सुरक्षे बंधन कायम राहावे. सुरक्षेला सर्वोच्च प्राथमिकता असे आवाहन महावितरण विद्युत संचालक (मानव संसाधन) श्री. राजेंद्र पवार यांनी केले.

महावितरण २० व्या वर्धापनदिनानिमित्त विद्युत सुरक्षा अधिकारी कर्मचारी तसेच शालेय विद्यार्थी व नागरिकांसाठी ऑनलाइन खुल्या प्रश्नमंजूषा उघडण्याचे संचालक श्री. राजेंद्र यांच्या पवारहस्ते गुजरात (दि. १) चिंचवड (पुणे) येथे. तुम्हाला ते बोलत होते. प्रमुख पाहुणे म्हणून पुणे प्रादेशिक संचालक श्री. भुजंग खंदारे, मुख्य अभियंता श्री. सुनील काकडे स्वाधीनता होती.

संचालक श्री. राजेंद्र पवार म्हणाले, महावितरणचे अध्यक्ष व व्यवस्थापकीय संचालक श्री. लोकेश चंद्र यांनी राज्यभरात विद्युत सुरक्षेची जनजागरण मोहीम सुरू करण्याची सूचना केली आहे. त्यांच्या मार्गदर्शनात ‘शून्य विद्युत चौकना’चे लक्ष्य विद्युत सुरक्षा सप्ताहात विविध कार्यक्रमांचे उत्तर देण्यात आले. महावितरणचे कर्मचारी तसेच शालेय विद्यार्थी व नागरिकांसाठी महावितरणच्या www.mahadiscom.in वेबसाइटवर ऑनलाइन खुली प्रश्नमंजूषा सुरू करण्यात आली आहे. प्रत्यक्ष खात्रीशीर उत्तरे पूर्ण ऑनलाइन खात्रीशीर विद्युत प्रमाणपत्रे सुरक्षितपणे वापरतात.

अत्यंत धकाधकीच्या सेवा क्षेत्रात काम करताना महावितरणच्या विद्युत विद्युत सुरक्षा नियमांचे तंतोतंत पालन करावे. कोणत्याही विद्युत् विद्युत् पाण्याची निर्मिती होणार नाही याची खबरदारी. सुरक्षे शक्ती विद्युत वीजसाक्षर करावे. जाहीर कार्यक्रम स्थानिक कार्यक्रमा व नागरिक संवाद साधक असे आवाहन संचालक श्री. राजेंद्र पवार यांनी केले. कार्यक्रमाला अधीक्षक अभियंतेदेव पडळकर, सिंहाजीराव गायकवाड, अमित कुलकर्णी अभियंता, व पाकिस्तानची मोठ्या ताकद अधिकारी होती.

खुल्या प्रश्नमंजूषेला राज्यातून मोठा प्रतिसाद – महावितरणचे कर्मचारी तसेच शालेय विद्यार्थी व नागरिकांसाठी सुरू केलेले विदत सुरक्षा ऑनलाइन प्रश्नमंजूषेत रविवारी ( दि. १) सायंकाळपर्यंत ५४ हजार ६५९ कर्मचारी, शालेय विद्यार्थी व नागरिकांनी सादर केलेले आहेत. त्यांनी ऑनलाइन प्रमाणपत्र तयार केले आहेत.

पुणे, दि. ०१ जून २०२५: महावितरणचे व्यवस्थापकीय संचालक श्री. लोकेश चंद्र यांच्या ‘शून्य विद्युत अपघात; महावितरण अन् महाराष्ट्र’ संकल्पनेतून विद्युत सुरक्षा सप्ताहाला रविवारी (दि. १) प्रारंभ झाला. यात चिंचवड येथे सकाळी आयोजित ‘रन फॉर सेफ्टी’ मॅरेथॉनमध्ये पुणे परिमंडलातील तब्बल १ हजार ३६१ अधिकारी, कर्मचारी व त्यांच्या पाल्यांनी सहभागी होऊन विद्युत सुरक्षेचा जागर केला. प्रत्येकी तीन व पाच किलोमीटरच्या मॅरेथॉनमधील विजेत्यांना पदके प्रदान करून गौरविण्यात आले. 

बिजलीनगर (चिंचवड) येथील महावितरणच्या उपविभाग कार्यालय परिसरात विद्युत सुरक्षेचा संदेश देण्यासाठी ‘रन फॉर सेफ्टी’ मॅरेथॉनचे आज सकाळी ६.३० वाजता संचालक (मानव संसाधन) श्री. राजेंद्र पवार यांच्याहस्ते उद्घाटन झाले. यावेळी प्रादेशिक संचालक श्री. भुजंग खंदारे, मुख्य अभियंता श्री. सुनील काकडे, अधीक्षक अभियंते ज्ञानदेव पडळकर, सिंहाजीराव गायकवाड, युवराज जरग, अमित कुलकर्णी यांची प्रमुख उपस्थिती होती. त्यांनीही मॅरेथॉनमध्ये दीड किलोमीटर धावत सर्वांना प्रोत्साहित केले. तीन किलोमीटरमध्ये १०४३ व पाच किलोमीटरमध्ये ३१८ अशा १३६१ अधिकारी, कर्मचारी व पाल्यांनी सहभाग घेतला.

बिजलीनगर-स्पाईन चौक-वाल्हेकरवाडी-बिजलीनगर या मार्गाने मॅरेथॉन अत्यंत उत्साहात झाली. विशेष म्हणजे, १० वर्षीय शर्विन राहुल पवार व श्रेयस प्रवीण आंधळे यांनी ५ किलोमीटर अंतर पूर्ण करीत सर्वांची वाहवा मिळविली. या दोन्ही बालकांना पदके देऊन गौरविण्यात आले. त्यांच्यासह महावितरणचे आंतरराष्ट्रीय खेळाडू प्रतिक वाईकर, गुलाबसिंग वसावे व राष्ट्रीय खेळाडू सहभागी झाले होते.

मॅरेथॉनच्या तीन किलोमीटरमध्ये गुलाबसिंग वसावे, राहुल सोनटक्के, अनिल केंगळे (पुरुष गट) तर रूतूजा मानकर, सपना जावडे, दीक्षा वाल्मिक (महिला गट) यांनी अनुक्रमे प्रथम ते तृतीय स्थान पटकावले. तर पाच किलोमीटरमध्ये किरण राठोड, राहुल सपकाळे, नारायण तेंडे (पुरुष गट) व स्वाती कडू, स्पृहा शेंडगे, मयूरी कचरे (महिला गट) यांनी अनुक्रमे प्रथम ते तृतीय क्रमांक पटकावले. या विजेत्यांसह पहिल्या दहा क्रमांकाचे विजेते ठरलेले तेजस धस, गणेश कोलते, दीपक रसाळ, प्रसाद हुडे, निखिल बोराटे, ओंकार जठार, शीतल नवले, बचप्पा वावरे, मुकेश मकेश्वर, अमित पाटील, लक्ष्मण मुंडे, विजय जाधव, प्रतिक पाटील, हितेंद्र भिरूड, कृष्णराव जाधव, रवींद्र राठोड, सहदेव डांगे, अविनाश लिंबोळे, मनीष काळे, श्याम चित्ते, अमृता निकम, सुकेशनी बेले यांना पाहुण्यांच्या हस्ते पदक प्रदान करण्यात आले. कार्यक्रमाचे सूत्रसंचालन सहायक अभियंता श्री. संतोष पंचरस यांनी केले.

मॅरेथॉनच्या आयोजनासाठी कार्यकारी अभियंते शेखर मुरकुटे, सोमनाथ मुंडे, अतुल देवकर, पराग बापट तसेच दिवाकर देशमुख, हितेंद्र भिरूड, किरण सरोदे, विश्वास भोसले, भरत वशिष्ठ, अमित जाधव, अमित शिंदे, श्रीकांत लोथे, सुरेश पवार, अनिल डोंगरे आदींनी पुढाकार घेतला.

पुणे :

“जातीचा आग्रह आणि प्रथा केवळ सामाजिक अन्याय निर्माण करत नाहीत, तर देशाच्या आर्थिक आणि वैज्ञानिक प्रगतीत अडथळा ठरतात. या पार्श्वभूमीवर ‘विचारवेध’ संस्थेने जातअंताच्या दिशेने महत्त्वपूर्ण पाऊल उचलले आहे — ‘मिश्र वस्ती’ची संकल्पना पुढे राबवण्याचा निर्धार केला आहे,” अशी माहिती संस्थेचे संचालक आनंद करंदीकर यांनी पत्रकाद्वारे दिली.’विचारवेध’ संमेलनानंतर पुण्यात आणि इतर आठ ठिकाणी झालेल्या स्थानिक चर्चांमधून स्पष्ट झाले की, जातीव्यवस्थेमुळे केवळ सामाजिक भेद नव्हे, तर आरोग्याच्या दृष्टीनेही गंभीर परिणाम होत आहेत. पोटजातीतील विवाहांमुळे आनुवंशिक दोष असलेली पिढी तयार होत असल्याचे निरीक्षण नोंदवले गेले. त्यामुळे केवळ सामाजिक नव्हे, तर वैज्ञानिकदृष्ट्याही जातींचा अंत होणे अत्यावश्यक आहे.

“जातीच्या आग्रहाने फ्लॅट रिकामे राहतात,” अशी खंत व्यक्त करत करंदीकर म्हणाले, “शहरात जरी नव्या इमारती उभ्या राहत असल्या तरी त्यातही जातीचे भिंती पडत नाहीत. काहीजण जात न पाहता भाडे किंवा विक्री करण्यास तयार नसतात. परिणामी गरजू लोकांना घर मिळत नाही आणि घरमालकांचे आर्थिक नुकसान होते.”या समस्येवर उपाय म्हणून ‘मिश्र वस्ती’ संकल्पनेचा आग्रह करीत करंदीकर म्हणाले, “जातीअंताच्या दिशेने पावले उचलायची असतील तर एकत्र राहणं आवश्यक आहे. वेगवेगळ्या जातींचे लोक एका वस्तीत राहिल्यास त्यांच्या संस्कृती, खाद्यपद्धती, विचार यांची ओळख होईल. एकमेकांबद्दलचा अविश्वास नाहीसा होईल.”

‘विचारवेध’ च्या या पुढाकारात अशा मिश्र वस्त्यांमध्ये सामूहिक स्वयंपाकगृह, अभ्यासकेंद्र, मनोरंजन व्यवस्था असणार असल्याचेही त्यांनी स्पष्ट केले. सामूहिक स्वरूपामुळे घरांची किंमत कमी होईल, खर्च वाचेल आणि समाजात खरी ‘सरमिसळ’ साध्य होईल.करंदीकर यांनी सर्व सामाजिक कार्यकर्त्यांना आणि विवेकी नागरिकांना आवाहन केले की, “ही फक्त सामाजिक नव्हे तर वैज्ञानिक आणि आर्थिक दृष्टिकोनातून अत्यावश्यक चळवळ आहे. ‘विचारवेध’च्या मिश्र वस्ती उपक्रमात सहभागी व्हा. जातीच्या बंधनांमधून मुक्त होऊन नव्या माणुसकीच्या वसाहती घडवू या.”अधिक माहिती साठी अनिकेत साळवे ८७९६४०५४२९ या क्रमांकावर संपर्क साधावा, असे आवाहन करण्यात आले आहे.

जखमींना लवकर आराम मिळावा; यासाठी आवश्यक उपचार उपलब्ध करून देण्याच्या डॉक्टरांना सूचना

पुणे – सदाशिव पेठेत शनिवारी रात्रीच्या सुमारास एका भरधाव कारने दिलेल्या धडकेतील १२ पैकी तिघांची नामदार चंद्रकांतदादा पाटील यांनी आज भेट घेऊन तब्येतीची विचारपूस करुन; लवकर बरे होण्यासाठी सदिच्छा व्यक्त केली. तसेच डॉक्टरांना ही तिघांवर उत्तमोत्तम उपचार करण्याच्या सूचना दिल्या.

शनिवारी रात्रीच्या सुमारास पुण्यातील मध्यवर्ती सदाशिव पेठेतील एका चहा दुकानात भरधाव कार घुसली.‌ या अपघातात १२ जण जखमी झाले असून; तीनजणांना गंभीर दुखापत झाली. त्यांच्यावर पुण्यातील संचेती रुग्णालयात उपचार सुरू आहेत. राज्याचे उच्च व तंत्रशिक्षण आणि संसदीय कार्य मंत्री चंद्रकांतदादा पाटील यांनी आज तिघांचीही रुग्णालयात भेट घेऊन; तब्येतीची विचारपूस केली. तसेच, तिघांना लवकर आराम मिळावा, यासाठी आवश्यक ते सर्व उपचार करावेत, अशा सूचना दिल्या.

दरम्यान, यावेळी नामदार पाटील यांनी सदर घटनेच्या कारवाईचा आढावा पोलिसांकडून घेतला. कारमालक, चालक आणि त्याच्या सोबतच्या सहप्रवाशाला ताब्यात घेतलं असून, कारचालकावर गुन्हा दाखल करण्यात आल्याची माहिती, पोलीस उपनिरीक्षक गणेश फरताडे यांनी दिली.

पुण्यात सहावी ख्रिस्ती हक्क परिषद संपन्न

पुणे : देशात ख्रिस्ती समाजावर दिवसागणिक अत्याचार वाढत आहेत , संविधानिक हक्काचा भंग काही जातीवादी शक्ती करीत आहे,   मणिपूर चा प्रसंग, फा. स्टेन वरील अन्याय, चर्च वर होणारे हल्ले, ख्रिस्ती शाळा,पास्टर यांवर होणारे हल्ले निषेधार्ह आहेत. असे सांगत अल्पसंख्याक आयोगाला खऱ्या अर्थाने जागे करावे लागेल, महाराष्ट्र राज्यतिल ख्रिस्ती बांधवाना राजकीय प्रतिनिधित्व मिळण्यासाठी प्रयत्न करणार, व लवकरच राष्ट्रीय पातळीवर समिती बनवणार असल्याचे द्रुमकचे राज्यसभा खासदार पी विल्सन  यांनी सांगितले.  तसेच  दलित ख्रिस्चनाना सवलती संविधानाच्या आधारे मिळाल्या पाहिजे अशीही मागणी त्यांनी केली. 

रिजनल ख्रिस्ती सोसायटीच्या वतीने प्रशांत (लुकास) केदारी यांच्या नेतृत्वाखाली आयोजित सहाव्या ख्रिस्ती हक्क परिषदेच्या उद्घाटन प्रसंगी खासदार पी. वील्सन बोलत होते.  हक्क परिषदेच्या अध्यक्षस्थानी  दिलीप नाईक होते. याप्रसंगी पुणे प्रांताचे धर्मगुरू फा. रॉक अल्फानसो, पा. पिटर जॉर्ज, सतिश मेहेंद्रे, आमदार बापूसाहेब पठारे,सिस्टर दिव्या,फा. विजय नायक, माजी उपमहापौर सिद्धार्थ धेंडे,जॉन फर्नांडिस,फा. जो गायकवाड,रिपब्लिकन युवा मोर्चाचे राहुल डंबाळे, मुस्लिम कॉन्फरन्स चे अध्यक्ष. झुबेर मेमन, आप पक्षाचे सुदर्शन जगदाळे,सामाजिक कार्यकर्ते हुलगेश चलवादी,फेबियणं सॅमसन,खिसाल जाफरी,राजेश केळकर, समुईल सांडीराज, प्रियंदर्शनी,उद्योजक नितीन काळे, शिरीष हिवाळे, ख्रिस्ती लीगल असोसिएशन चे ऍड.बाजीराव दळवी यांनी मूलभूत हक्का विषयी माहिती दिली,पा.पद्माकर, विल्सन भोसले, पा. सुधीर साबळे, स्टीवेन गोडे,सत्यवान गायकवाड, फा.रोलँड व समाजातील सर्व सामाजिक कार्यकर्ते, संघटना प्रमुख उपस्थित होते.

प्रास्ताविकपर भाषणात प्रशांत(लुकास) केदारी यांनी समाजावर होणाऱ्या अत्याचाराची दाहकता मांडली,राज्यस्तरीय सुरक्षा समिती,राजकीय प्रतिनिधित्व द्यावे, ख्रिस्ती समाजाला महामंडळ दयावे अशी अग्रही मागणी केली,समाजावर खोटे गुन्हे दाखल केले जातात व समाजाची बदनामी करणे समाज कंटकांनी थांबवावे असे प्रतिपादन केले,

खासदार पी.विल्सन यांनी संपूर्ण भारतात कशा प्रकारे खोटे धर्मातरनाचे गुन्हे टाकले जातात, अत्याचार हा दिवसागणिक वाढत आहे, संविधानिक हक्काचा भंग काही जातीवादी शक्ती करीत आहे, त्याच वेळी मणिपूर चा प्रसंग, फा. स्टेन वरील अन्याय, चर्च वर होणारे हल्ले, ख्रिस्ती शाळा,पास्टर यांवर होणारे हल्ले याचा निषेध केला, तसेच अल्पसंख्याक आयोगाला खऱ्या अर्थाने जागे करावे लागेल असे परखडपणे सांगितले, महाराष्ट्र राज्यतिल ख्रिस्ती बांधवाना राजकीय प्रतिनिधित्व मिळण्यासाठी प्रयत्न करणार, व लवकरच राष्ट्रीय पातळीवर समिती बनविणार असे सांगितले, दलित ख्रिस्चनाना सवलती संविधानाच्या आधारे मिळाल्या पाहिजे असेही ते म्हणाले.

परिषदेचे अध्यक्ष दिलीप नाईक यांनी समाजात ऐक्य निर्माण होण्यासाठी उपाय योजना प्रभावी केल्या पाहिजे असे सुचविले, राजकीय प्रतिनिधित्व मिळविण्यासाठी राज्यस्तरीय चळवळ उभी करण्याचा मानस त्यांनी केला व लवकरच ख्रिस्ती समाजाचे राज्यस्तरीय अधिवेशन आयोजिले जाईल असे त्यांनी सांगितले,

फा.जो गायकवाड यांनी बांधवांची समाजातील सबलिकरणाची भूमिका मांडली, पा. पिटर जॉर्ज यांनी सुरुवातीची प्रार्थना केली, पा. केळकर यांनी समाजावरील अत्याचारला न्याय मिळण्यासाठी समिती स्थापन व्हावी असे सांगितले,

आमदार बापूसाहेब पठारे यांनी ख्रिस्ती समाजाला वडगावशेरीत किंवा पुण्यातच नव्हे तर संपूर्ण महाराष्ट्र राज्यात मदत करू, तसेच सांस्कृतिक भवन व आर्थिक विकास महामंडळ मिळवून देऊ असे आश्वासन दिले, माजी उप महापौर डॉ. सिद्धार्थ धेंडे यांनी परिषदेला संपूर्ण पाठींबा जाहीर केला, राहुल डंबाळे यांनी आंबेडकरी चळवळ ख्रिस्ती समाजाला संपूर्ण सहकार्य देईल व त्यांचे मूलभूत हक्क अबाधित राहावे यासाठी मदत करेन असे निक्षुन सांगितले,हाजी झुबेर मेमन यांनी परिषदेला शुभेच्छा दिल्या. महाराष्ट्र राज्याचे अल्पसंख्यांक मंत्री दत्ता भरणे यांनी परिषदेला ऑनलाईन पद्धतीने शुभेच्छा दिल्या व ख्रिस्ती समाजाचे प्रश्न सोडवू असे आश्वासन दिले, बिशप थॉमस डाबरे यांनी ऑनलाईन शुभेच्छा संदेश दिला. हुलगेश चलवादी म्हणाले ख्रिस्ती समाज हा शांतता प्रिय आहे, त्याचे भारतीय शिक्षण व्यवस्थेत मोठे स्थान आहे म्हणून त्यांना डावलून चालणार नाही,या परिषदेला पुण्यातून व राज्यातून सर्व प्रतिनिधी, अल्पसंख्यांक नेते सहभागी झालें होते.

ख्रिश्चन समाजातील सामाजिक कार्य करणारे साहित्यिक नरेश चव्हाण, लोरेन्स गायकवाड यांचा पुरस्कार देऊन सन्मान करण्यात आला.एस एफ एस मराठी संघटना, यावे निस्सी ख्रिश्चन संघटना, प्रेषित फॉउंडेशन,विनोद तोरणे यांच्या संघटनेचा सत्कार करण्यात आला,दीपक चक्रनारायण यांच्या गरीब मुलांच्या अनाथालय कार्यासाठी सत्कार करण्यात आला, प्रगत पदवीधर संघटना, रेंज हिल्स ख्रिश्चन युथ संघटना यांचा पी. विल्सन व सतिश मेहेंद्रे यांच्या हस्ते सत्कार करण्यात आला, ऍड.अँतोन कदम यांनी धर्मांतरित ख्रिस्चनाना सवलती मिळाल्या पाहिजे असे सूचित केले, जॉन मनतोडे यांनी सूत्र संचालन केले.
रिजनल ख्रिश्चन सोसायटी च्या महिला पदाधिकारी मेरी पार्गे, सलूमी तोरणे, संगीता केदारी, संगीता पापानी, प्रतिमा केदारी, शितल गायकवाड, मेरी जॉन्सन यांनी व सुधीर शिरसाठ,पिटर भोसले, नितीन भोसले,अरुण केदारी, दिलीप घुटे, पा. मुरली नायर,विनोद तोरणे, रॉकी डिसूझा,सॅमसन, जॉन केदारी,राजकुमार सतराळकर, मार्कस पंडित, जॉन फर्नांडीस, एडवीन, रवींद्र कांबळे, पॉल तोरणे यांनी स्वयंसेवकांचे कार्य केले मारियादास तेलोरे यांनी सर्वांचे आभार मानले.