सातारा-आपल्या सातारा लोकसभा मतदार संघात आपल्या विरोधात शरद पवार निवडणुकीला उभे राहिले तर मी माघार घेईन असे वक्तव्य भाऊक होवून उदयनराजे भोसले यांनी इथे केलंय.

लोकसभा पोट निवडणूक 21ऑक्टोबर रोजी होणार आहे असल्याने माजी खासदार उदयनराजेंना दिलासा मिळाला आहे,या निवडणुकीत राष्ट्रवादी काँग्रेसचे अध्यक्ष शरद पवार हे जर निवडणुक लढणार असतील तर मी निवडणुकीतून माघार घेईल असे उदयनराजेंनी प्रसार माध्यम यांच्या सोबत बोलताना सांगितले. 21 ऑक्टोबर रोजी ही पोटनिवडणूक होणार असल्याचे प्रसिद्धीपत्रक निवडणूक आयोगाने जाहीर केले आहे. त्यामुळे साताऱ्याचा खासदार दिवाळीपूर्वी ठरणार हे आता निश्चित झालं आहे. साताऱ्याच्या निवडणुकीची तारीख जाहीर होताच, तेथील उमेदवारीसाठी जोरदार हालचाली सुरू झाल्या आहेत.तर राष्ट्रवादी समर्थकांकडून शरद पवार यांनीच निवडणुकीच्या रिंगणात उतरावे, असा आग्रह सुरू आहे. राष्ट्रवादीचे आमदार आणि नेते शशिकांत शिंदे यांचा आपल्या कोरेगाव मतदारसंघासह साताऱ्यातील इतर भागातही चांगला प्रभाव आहे. त्यामुळे उदयनराजेंविरोधात लढण्यासाठी माजी राज्यपाल श्रीनिवास पाटील यांचं नाव आघाडीवर असल्याचंही समजते. तसेच शशिकांत शिंदे,नितीन लक्ष्मणराव पाटील, अविनाश मोहिते यांची नावेही राष्ट्रवादीकडून चर्चेत आहेत. मात्र, शरद पवार स्वत: निवडणूक लढवणार असतील, तर मी माघार घेईल,असं उदनयराजेंनी म्हटलं आहे.

वडिलांनंतर शरद पवार यांनीच मला आधार दिला
भाजपात प्रवेश करण्यावरुन होणाऱ्या टीकेबद्दल बोलताना उदयनराजे भोसले यांनी हे सर्व एकदाचे खलास करून टाका असं म्हणत आपला संताप व्यक्त केला. तसंच शरद पवारांबद्दल आपल्या मनात अजूनही तितकाच आदर असून वडिलांनंतर शरद पवार यांनीच मला आधार दिला. ते पोटनिवडणुकीसाठी उभे राहिले तर बरं होईल, म्हणजे मी बोंबलत फिरायला मोकळा होईन असं उदयनराजेंनी म्हटलं आहे.

राजेशाही असती तर बलात्काऱ्यांना थेट गोळ्या घातल्या असत्या
आपल्यावर राजेशाहीचा आरोप करणाऱ्यांना उत्तर देताना उदयनराजे भोसले यांनी राजेशाही असती तर मी बलात्कार करणाऱ्यांना थेट गोळ्या घातल्या असत्या. विरोधकांनी माझ्यावर राजेशाहीचा आरोप करण्यापेक्षा मुद्द्यांवर आधारित राजकारण करावे असं आवाहन केलं. पुढे बोलताना त्यांनी उगाच कोणाचीही टीका ऐकून घ्यायला आपण काही हातात बांगड्या भरलेल्या नाहीत. आपण नेहमी अन्यायाच्याविरोधात आवाज उठवला असल्याचं उदयनराजेंनी सांगितलं.

माझी कॉलर आहे…चावेन नाहीतर फाडून टाकेन
टीका करणाऱ्यांना उदयनराजे यांनी माझी स्टाईल हा माझा खासगी प्रश्न आहे. मला गाणी ऐकायला आवडतात. माझी कॉलर मी चावेन नाहीतर फाडून टाकेन. तुम्हाला त्याच्याशी काय देणेघेणे आहे, असा सवालही विचारला.

अन् राजे झाले भावुक

शरद पवार यांच्याबद्दल बोलताना उदयनराजे भावूक झाले होते,त्यांना अश्रू अनावर झाल्याचं पाहायला मिळालं ते आदरणीय कालपण होते,आजपण यांच्याबद्दल बोलताना उदयनराजे भावूक झाले होते,त्यांना अश्रू अनावर झाल्याचं पाहायला मिळालं ते आदरणीय कालपण होते,आजआहेत, भविष्यातपण राहतील. आज महाळ आहेत,असे म्हणत पूर्वजांची आठवण उदयनराजेंनी काढली. त्यावेळी, त्यांच्या डोळ्यात अश्रू तरळले होते. त्यांच्यनंतर तेच माझ्यासाठी आहेत. शरद पवार पोटनिवडणूक लढवणार आहेत, अशी चर्चा असल्याचं विचारताच,ते उभारल्यास मी फॉर्म भरणार नाही,असं उदयनराजेंनी जाहीर केलं आहे. पण, दिल्लीतील बंगला आणि गाडी यासाठी मला मुभा द्यावी, असे म्हणत पवारांचं प्रेम मिळावं ही अपेक्षा उदयनराजेंनी व्यक्त केली आहे. त्यामुळे साताऱ्यात शरद पवार विरुद्ध उदयनराजे असा सामना रंगणार नसल्याचं स्पष्ट झालंय.

मुंबई – शिवसेना-भाजप युतीचं घोडं अवघ्या 10 जागांमुळे अडल्याची सूत्रांची माहिती आहे. काल उशिरा रात्री मुख्यमंत्र्यांच्या वर्षा निवासस्थानी तब्बल साडेतीन तास चाललेल्या बैठकीत युतीच्या जागांबाबत तोडगा निघू शकलेला नाही. त्यामुळे युतीच्या घोषणेचा आजचा मुहूर्त पुन्हा एकदा टळला आहे.

काल झालेल्या बैठकीला मुख्यमंत्र्यांसह भाजपचे महाराष्ट्र प्रभारी भुपेंद्र यादव, प्रदेशाध्यक्ष चंद्रकांत पाटील आणि विनोद तावडे उपस्थित होते. दरम्यान या चर्चेचा तपशील राष्ट्रीय अध्यक्ष अमित शाह यांना देण्यात येणार आहे. मात्र युतीचा अंतिम निर्णय मुख्यमंत्री देवेंद्र फडणवीस, शिवसेने पक्षप्रमुख उद्धव ठाकरे आणि अमित शाह घेणार आहेत.

 युती न झाल्यास दोन्ही पक्षातील इच्छुक उमेदवारांना एका जागेवर संधी मिळू शकते. मात्र युती झाली तर एका पक्षातील इच्छुक उमेदवाराला त्या जागेवर पाणी सोडावे लागेल. अशात पक्षांतर बंडाळी किंवा पक्षांतरामुळे भाजप-शिवसेनेच्या नेत्यांची डोकेदुखी वाढू शकते. त्यामुळे पक्षाचे एबी फॉर्म वाटपावेळी होणारा वाद टाळण्यासाठी युतीची घोषणा करण्याची घाई नको असा सूर वरिष्ठ पातळीवर असल्याचे समजतंय.

पुणे :महापालिकेतील स्थायी समिती च्या माजी अध्यक्षा, आक्रमक पण शिक्षकी पेशाने सुसंस्कृत म्हणून परिचित असलेल्या अश्विनी नितिन कदम यांना राष्ट्र वादी कडून पर्वती मतदार संघातुन उमेदवारी मिळेल अशी शक्यता राजकीय समीक्षकांकडून वर्तविली जाते आहे . येथील महत्वाचे ज्येष्ठ नेते सुभाष जगताप हे नाव इछुकांच्या यादीत नसल्याने कदम यांचे नाव प्रधान्याने घेतले जाते आहे.

भारतीय जनता पक्षाच्या ताब्यात गेली 10 वर्षे  असलेल्या पर्वती मतदार संघावर राष्ट्रवादी काँग्रेस आणि काँग्रेस या दोन्ही पक्षांचे लक्ष आहे. परंतू, रविवारी अजित पवार यांनी पुण्यातील चार मतदार संघ राष्ट्रवादी लढनार असे जाहिर केले आणि  पर्वती तील ईल्च्छूकांच्या आशा पल्लवीत झाल्या आहेत. तिकीट वाटपात ‘ महिला ‘ चेहरा देण्याचा प्रयत्न राष्ट्रवादीकडून केला जाण्याची शक्यता असल्याचे सांगितले जाते.

पर्वती मतदार संघामध्ये १९७८ पासून आजवर जनता पार्टीचा एक, काँग्रेसचे तीन आणि भाजपाचे तीन आमदार झाले आहेत. यामध्ये शरद रणपिसे आणि माधुरी मिसाळ यांना सलग दुसऱ्यांदा आमदार होण्याची संधी मतदारांनी दिली. संमिश्र लोकवस्तीच्या या मतदार संघामध्ये भाजपा आणि काँग्रेस अशा दोन्ही पक्षांचा परंपरागत मतदार आहे. गेली दहा वर्षे हा मतदार संघ भाजपाकडे आहे. मोदी लाटेमध्ये २०१४ साली मोठ्या फरकाने भाजपाने पर्वतीचा हा गड राखला होता. त्याला प्रत्त्यूत्तर देण्यासाठी काँग्रेसचे आबा बागूल, राष्ट्रवादीच्या अश्विनी कदम तयारी करीत होत्या.
काँग्रेस आणि राष्ट्रवादीची आघाडी होणार की नाही याकडे सर्व कार्यकर्त्यांचे लक्ष लागले होते. काँग्रेसकडून बागूल आणि राष्ट्रवादीकडून कदम यांनी पक्षाकडे आपण लढण्यास इच्छूक असल्याचे सांगितले होते. राष्ट्रवादी पुण्यातील पर्वती, खडकवासला, हडपसर आणि वडगाव शेरी मतदार संघ लढविनार रविवारी पक्षाच्या मेळाव्यात अजित पवारांनी यावर शिक्कामोर्तब केल्यावर पर्वतीमध्ये राष्ट्रवादीचे कार्यकर्ते खूश झाले आहेत. पक्षाकडे उमेदवारी मागणाऱ्यांची संख्या पाचवर गेली आहे. यामध्ये नगरसेविका अश्विनी कदम, त्यांचे पती आणि मतदार संघाचे अध्यक्ष नितीन कदम, शशिकांत तापकीर, संतोष नांगरे आणि अर्चना हनमघर यांचा समावेश आहे. यामध्ये दोन ओबीसी चेहरे आहेत. पुणे जिल्ह्यामधून राष्ट्रवादीकडे केवळ पर्वती मतदार संघात महिलांनी उमेदवारी मागितली आहे. त्यामुळे जिल्ह्यात एकतरी महिला उमेदवार देण्याचा पक्षाचा विचार असल्याचे सूत्रांनी सांगितले.

पक्षाचे ज्येष्ठ नगरसेवक सुभाष जगताप यांनी २०१४ साली राष्ट्रवादीकडून पर्वतीमधून निवडणूक लढविली होती. दोन वर्षांपुर्वी त्यांनी पक्षाच्या वरिष्ठ नेत्यांना आपण पर्वती विधानसभा लढविणार नसल्याचे स्पष्ट केले होते. जगताप सोलापूर जिल्ह्यातील मोहोळ मतदार संघामधून लढतील असे सांगितले जाते.त्यामुळे अन्य इच्छूकांचा मार्ग मोकळा झाल्याचे मानले जाते .

पुणे- आम आदमी पक्षाने यंदा पहिल्यांदाच राज्याच्या विधानसभेच्या निवडणुकीत उडी घेतली आहे. पक्षाने आठ उमेदवारांची पहिली यादी जाहीर केली आहे. त्यात पुण्यातील कोथरूडमधून डॉ. अभिजित मोरे आणि पर्वतीतून संदीप सोनावणे यांचा समावेश आहे. प्रीती मेनन यांनी हि माहिती ‘माय मराठी’ला कळविली आहे.

राज्यभरातून इच्छुकांचे अर्ज मोठ्या संख्येने पक्षाच्या राज्य कार्यालयाकडे जमा झाले होते. त्यानंतर छाननी प्रक्रिया आणि पक्षाची केंद्रीय स्तरावरील संसदीय समितीशी सल्लामसलत करून राज्य प्रचार समितीने ही यादी तयार केली. त्याची घोषणा पक्षाच्या नेत्या प्रीती मेनन शर्मा यांनी केली. पुण्यातील दोन उमेदवारांव्यतिरिक्त चंद्रपूरमधील ब्रह्मपुरी येथून पारोमिता गोस्वामी, मुंबईतील जोगेश्वरी पूर्वमधून विठ्ठल लाड, चांदिवलीमधून सिराज खान, दिंडोशीतून दिलीप तावडे, कोल्हापूरच्या करवीरमधून डॉ. आनंद गुरव, नाशिकमधील नांदगाव येथून विशाल वडघुले यांना उमेदवारी जाहीर करण्यात आली आहे.

आरोग्यक्षेत्रातील समस्यांबाबत सातत्याने आंदोलन करणारे डॉ. अभिजित मोरे हे एमबीबीएस असून त्यांनी ‘एमआयटी स्कूल ऑफ गव्हर्न्मेंट’मधून उच्चशिक्षणही घेतले आहे. सामाजिक संस्थेच्या माध्यमातून परवडण्याजोगी चांगली सार्वजनिक आरोग्यव्यवस्था, रुग्ण हक्क यासाठी ते कार्यरत आहेत. ‘आप युवक आघाडी’चे प्रदेश उपाध्यक्ष असलेल्या संदीप सोनावणे यांनी वकिलीचे शिक्षण घेतले असून ते सामाजिक चळवळीत विशेषत: शिक्षण हक्क चळवळीत सक्रिय आहेत.

”आप’ देशात सर्वाधिक वेगाने वाढणारा राजकीय पक्ष असून अल्पावधीतच दिल्लीमध्ये या पक्षाने आपले सरकार स्थापन केले आहे. भाजप-शिवसेना सरकारचे पाच वर्षातील अपयश व सरकारला धारेवर धरून जनतेचे खरे मुद्दे मांडण्यात कमी पडलेले विरोधी पक्ष यामुळे जनतेला त्यांचा खरा आवाज मिळवून देण्यासाठी पक्ष ही निवडणूक लढवत आहे,’ असे पक्षाच्या प्रसिद्धीपत्रकात म्हटले आहे.

पुणे- काही दिवसांपूर्वी आपल्या खासदारकीचा राजीनामा देऊन भाजपमध्ये आलेले उदयनराजे भोसले यांनी भजपच्या भाजपच्या पश्चिम महाराष्ट्र विजय संकल्प मेळाव्याला गैर हजेरी लावल्याने सर्वांच्याच भूवया उंचावल्या आहेत. या कार्यक्रमात भाजपचे कार्याध्यक्ष जेपी नड्डा उपस्थित होते. पण, दिवसभर साताऱ्यात असूनही उदयनराजे कार्यक्रमाला आले नाही. विधानसभेसोबतच लोकसभेची पोटनिवडणूक जाहीर न झाल्याने राजे कदाचित नाराज असण्याची शक्यता वर्तवली जात आहे.

पुण्यात झालेल्या मेळाव्याला पश्चिम महाराष्ट्रातील मंत्री, खासदार, आमदार, लोकप्रतिनिधीसह कार्यकर्ते मोठ्या संख्येने हजर होते. भाजपचे प्रदेशाध्यक्ष चंद्रकांत पाटील, खासदार गिरीश बापट, खासदार अमर साबळे, हर्षवर्धन पाटील शिवेंद्रसिंहराजे भोसले यांच्यासह सर्व आजी-माजी पदाधिकारी उपस्थित होते. पण उदयनराजेंची कार्यक्रमात अनुपस्थिती होती.

मुंबई- अनेक दिवसांपासून सुरू असलेल्या युतीच्या जागा वाटपाचा तिढा अखेर सुटल्याचे चित्र आहे. सुत्रांकडून मिळालेल्या माहितीनुसार मुख्यमंत्री देवेंद्र फडणवीस आणि उद्धव ठाकरे उद्या म्हणजेच 24 सप्टेंबरला संयुक्तपणे पत्रकार परिषद घेऊन याबाबत घोषणा करणार आहेत. सध्या युतीबाबत बोलण्यासाठी शिवसेना आमदारांची एक बैठक मुंबईत होत आहे, त्यामुळे युतीच नेमकं काय होणार हे उद्या कळू शकते.

आगामी विधानसभा निवडणुकीत भाजप-शिवसेनेच्या युतीची चर्चा अंतिम टप्प्यात असून उद्या याबाबत मुख्यमंत्री देवेंद्र फडणवीस आणि उद्धव ठाकरे घोषणा करणार असल्याची माहिती सूत्रांकडून मिळाली आहे. मुंबईत शिवसेना आमदारांची सध्या बैठक आहे, यात जागा वाटपाचे सूत्र ठरू शकते. त्यामुळे बहुप्रतीक्षित युतीची घोषणा आणि जागा वाटपाबद्दलची उत्सुकता अखेर संपणार आहे.