पुणे –
कला आणि क्रीडा क्षेत्रातील दिग्गजांनी भारतीय जनता पार्टी शिवसेना आरपीआय महायुतीचे कोथरूड विधानसभा मतदार संघातील उमेदवार चंद्रकांत दादा पाटील यांना जाहीर पाठिंबा दिला आहे. जनताभिमुख विकासाचे पर्व यापुढेही असेच सुरू राहील विश्वास व्यक्त करीत या कलावंत व खेळाडूंनी चंद्रकांत दादा पाटील यांच्या समवेत क्रीडा क्षेत्रासाठीच्या योजनांबाबत सकारात्मक चर्चा केली.
क्रीडा क्षेत्रात मानाचे स्थान असलेल्या अर्जुन पुरस्कार द्रोणाचार्य पुरस्कार आणि श्री शिवछत्रपती पुरस्कार प्राप्त एका निवेदनाद्वारे चंद्रकांत दादा पाटील यांना पाठिंबा दिला. त्यामध्ये गौरव नाटकर, नितीन कीर्तने, संदीप कीर्तने, अभिजीत कुंटे, जलजा शिरोळे, अरविंद पटवर्धन, माधव सपकाळ, जयंत गोखले, रमेश विपट, विनय मराठे,
अजय मोघे, मधुरा पाटील, विराज ढोकळे, रणजीत चमले,
आदित्य राऊत, युगा बिरनाळे, संजय करंदीकर, संजय अगरवाल, केदार दीक्षित, सुनील बाब्रस, सुजाता बाब्रस, शरद कुलकर्णी, शंतनू पवार मृणालिनी कुंटे, मनोज एरंडे, अस्मिता कर्णिक आदींचा समावेश आहे.

कलावंतांचा मेळाव्याच्या माध्यमातून पाठिंबा
पुणे हे सांस्कृतिक शहर आहेच, या शहराचे महत्त्व वाढावे, यासाठी कलेच्या जोपासनेसाठी आवश्यक ते सर्व करू, असे आश्वासन भारतीय जनता पक्षाचे प्रदेशाध्यक्ष आणि कोथरूड विधानसभा मतदारसंघातील महायुतीचे उमेदवार चंद्रकांत दादा पाटील यांनी दिले.

कोथरूडमधील चित्रपट, नाटक,  संगीत, साहित्य, नृत्य व अन्य कला क्षेत्रातील कलाकारांशी मा. चंद्रकांत दादा पाटील यांनी संवाद साधला.
या कार्यक्रमाला ज्येष्ठ साहित्यिक द. मा. मिरासदार, सिने दिग्दर्शक राजदत्तजी, प्रसिद्ध संगीत नाट्य अभिनेत्री कीर्ती शिलेदार, इतिहास अभ्यासक गो. ब. देगलूरकर, प्रसिद्ध सिने अभिनेते दिग्दर्शक प्रवीण तरडे, प्रसिद्ध सितार वादक उस्ताद उस्मान खाँ साहेब, यांच्यासह मराठी चित्रपट, नाटक,  संगीत, साहित्य, नृत्य व अन्य कला क्षेत्रातील कलाकार मोठ्या संख्येने उपस्थित होते.

महायुतीच्या सरकारने केलेल्या कामांची माहिती देताना श्री. चंद्रकांत दादा पाटील म्हणाले की, “गेल्या पाच वर्षात आपल्या सरकारने पोटाची भूक भागविणाऱया ग्रामीण भागावर लक्ष केंद्रीत करुन, इथल्या जनतेसाठी अनेक योजना राबविल्या. आता मनाची भूक भागवण्यासोबतच बुद्धीची भूक भागवणं गरजेचं आहे. यासाठी पुढील पाच वर्षात युती सरकारचा नक्कीच प्रयत्न राहिल.”
सांस्कृतिक क्षेत्रातही सकस अभिरुची जोपासण्यासाठी आगामी काळात आकांक्षी प्रकल्प हाती घेतले जातील “असेही ते यावेळी म्हणाले.
चंद्रकांत दादा पाटील यांच्या कोथरूडमधील उमेदवारीवर राजकारण करणाऱ्यांना लक्ष्य करुन सिनेदिग्दर्शक आणि अभिनेते प्रवीण तरडे म्हणाले की, “पंतप्रधान नरेंद्र मोदी यांच्या कार्यशैलीच्या प्रभावामुळे आज भारताला जगमान्यता मिळाली आहे. संपूर्ण जगात भारताचा डंका वाजत आहे. मग अशावेळी चंद्रकांत दादा पाटील यांच्या पाठिशी कोथरूडची जनता नक्कीच उभे राहील. तसेच सर्व कलाकारांनी दादांच्या पाठिशी खंबीर पणे उभे राहून, सोशल मीडिया अथवा इतर माध्यमांद्वारे मतदारांना आवाहन केले पाहिजे, असे आवाहनही तरडे यांनी केले.

पुणे :  वडगांव शेेरीचे माजी आमदार बापूसाहेब पठारे यांचा  कार्यकर्त्यासह भाजपमध्ये प्रवेश केला  आहे

भाजपा आमदार जगदिश मुळीक आणि बापूसाहेब पठारे मुंबईत मुख्यमंत्र्यांना रात्री  भेटायला गेले .आणि  तिथे मुख्यमंत्र्याच्या हस्ते हा  प्रवेश झाला.

वडगाव शेरी मतदार संघातून राष्ट्रवादीने सुनील टिंगरे याना उमेदवारी दिली आहे. त्यामुळे विद्यमान आमदार जगदीश मुळीक आणि सुनिल टिंगरे यांच्यात या मतदार संघात लढत होणार आहे. आता बाप्पू पठारे यांनी भाजपात प्रवेश केल्याने हा राष्ट्रवादीसाठी मोठा धक्का असल्याचे मानले जात आहे.

या संदर्भात बोलताना पठारे म्हणाले की, मी पालिकेत राष्ट्रवादीची सत्ता आणली होती. मी माजी आमदार झाल्यापासून मला पक्षाने विचारले नाही. पाच वर्षात एका ही बैठकीला बोलवले नाही.

माझ्यावर अन्याय केला आहे. त्यामुळे मी भाजप मध्ये जात आहे. पवार कुटुबांचा मला नेहमी आदर आहे. आता वडगाव शेरी मतदार संघातील राष्ट्रवादीच्या कार्यकत्यांनी माझ्या सह भाजप मध्ये प्रवेश केल्यामुळे राष्ट्रवादीला मोठे खिंडार पडले आहे.

पठारे हे प्रथम काॅंग्रेसमध्ये होते. 2007 च्या महापालिका निवडणुकीत राष्ट्रवादीत आले. राष्ट्रवादीची पुणे महापालिकेत पहिल्यांदा सत्ता आल्यानंतर त्यांना स्थायी समितीचे अध्यक्षपद देण्यात आले. 2009 मध्ये ते आमदार झाले. 2014 च्या विधानसभा निवडणुकीत त्यांचा मुळीक यांच्याकडून पराभव झाला.

खराडी-चंदननगरमध्ये त्यांना मानणारा मोठा मतदारवर्ग आहे. ते 2019 च्या विधानसभा निवडणुकीसाठी राष्ट्रवादीकडून उमेदवार म्हणून इच्छुक होते. मात्र त्यांना उमेदवारी न मिळाल्याने ते नाराज होते. त्यांच्याऐवजी नगरसेवक सुनील टिंगरे यांना पक्षाने उमेदवारी दिली. त्यांच्या प्रचारातही पठारे उतरले होते. मात्र त्यांनी भाजपमध्ये जाण्याचा निर्णय अखेरीस घेतला. त्यांच्या पत्नी संजिला पठारे आणि पुतणे महेंद्र पठारे हे राष्ट्रवादीचे पुणे महापालिकेत नगरसेवक आहेत.

पठारे यांचा प्रवेश भाजपसाठी वडगाव शेरीत `मास्टर स्ट्रोक` ठरला आहे. भाजपची आणखी ताकद वाढली आहे, अशी प्रतिक्रिया मुळीक यांनी दिली.

राष्ट्रवादीकडून सच्च्या कार्यकर्त्यांवर अन्याय झाल्याने हा निर्णय घ्यावा लागल्याचे पठारे यांनी सांगितले. माझे आणि मुख्यमंत्री देवेंद्र फडणवीस यांचे जुने संबंध आहेत. भाजपमध्ये योग्य सन्मान देण्याचे त्यांनी आश्वासन दिले आहे. माझ्या भागाच्या विकासासाठी भाजप प्रवेशाचा उपयोग होईल, असे त्यांनी सांगितले

पुणेः पुण्यात भाजपाने शिवसेनेला शिल्लक ठेवलं नाही. नाशिक, पुण्यासारख्या मोठ्या शहरात शिवसेनेला युतीत एक जागा मिळत नाही? कुठून येते ही हतबलता, असं म्हणत राज ठाकरेंनी शिवसेनेवर टीकास्त्र सोडलं आहे. पुण्यात शिवसेना दिसत नाही, नाशिक आणि पुण्यासारख्या शहरात जागा देत नाही. सत्तेसाठी शिवसेना लाचार म्हणून भाजपाबरोबर युती केली, भाजपा शिवसेनेला मान देत नाही, तरी युती का?, माननीय बाळासाहेब असते तर शिवसेना लाचार नसती. आज अशी करायची कोणाची हिंमत झाली नसती, असं म्हणत राज ठाकरेंनी शिवसेना पक्षप्रमुख उद्धव ठाकरेंवरही हल्लाबोल केला आहे. ते कसब्यातील सभेत बोलत होते.

ज्या काँग्रेस-राष्ट्रवादीच्या नेत्यांवर भाजपाने भ्रष्टाचाराचे आरोप लावले तेच आज भाजपात गेले आहेत. काँग्रेसचा विरोधी पक्षनेताही भाजपात गेला. म्हणजे इथूनही तेच राज्य करणार तिथूनही तेच राज्य करणार. ही तुमच्याशी प्रतारणा नाही का?, असं म्हणत राज ठाकरेंनी राधाकृष्ण विखे-पाटलांनीही खडे बोल सुनावले आहेत. मला विरोधासाठी विरोध करण्याचं काम करायचं नाही. बहुमताचं सरकार कुणालाही न जुमानता निर्णय घेत असतं. हे का होतं? कारण त्यांच्यासमोर तगडा विरोधी पक्ष नसतो. मला विरोधासाठी विरोध करायचा नाही. ज्या वेगात नोकऱ्या जात आहेत, ते पाहता प्रत्येक तरुणाच्या मनात एक धाकधूक आहे की, ‘माझी नोकरी कधीही जाऊ शकते’. ह्याचं कारण सरकारच्या चुकीच्या आर्थिक धोरणांमुळे आलेली भीषण आर्थिक मंदी असल्याची टीकाही राज ठाकरेंनी केली आहे.

इतिहास शालेय पुस्तकांमध्ये सांगितला जात नाही. स्मारक तयार करण्याच्या घोषणा केल्या जातात. गुजरातमध्ये सरदार वल्लभभाई पटेल यांचा पुतळा उभारण्यात आला, पण अद्याप शिवस्मारक उभारते आले नाही. स्मारकाचे केवळ राजकारण केले जाते. स्मारक तयार करण्यापेक्षा गडकिल्ल्यांचे संवर्धन करण्यासाठी खर्च करण्याची आवश्यकता आहे. सिंचन झालेले नाही. नोटाबंदी आणि जीएसटीमुळे देश मागे आला. सोशल मीडियामुळे देशात काय वातावरण आहे हे कळतं. देशात सध्या भीषण परिस्थिती आहे. नोटाबंदी फसली तर देश खचेल असं मी म्हणालो होतो.

पुणे- पूर्वी सत्ता गेल्यानंतर जनता पक्षातून कॉंग्रेस मध्ये नंतर कॉंग्रेसमधून शिवसेनेत आणि पुन्हा कॉंग्रेस आणि आता पुन्हा कॉंग्रेस सोडून भाजप मध्ये गेलेल्या सदानंद शेट्टी नी जरी कॅन्टोन्मेंट मधून कॉंग्रेसचा उमेदवार आपण पाडू असा प्रचार चालविला आहे तर दुसरीकडे त्यांच्याच पत्नी ज्या कॉंग्रेस च्या नगरसेविका आहेत त्या  कॉंग्रेसच्याच उमेदवाराला निवडून द्या असे आव्हाने करणारी भाषणे प्रचार दरम्यान ठोकीत आहेत . कॉंग्रेस कडून स्थायी समिती अध्यक्ष पद , सदा आनंद नगर उभारण्याची मिळालेली संधी अशी सारी पक्षाची देण विसरत शेट्टी यांनी नेहमीप्रमाणे आपण निष्ठावंत आहोत असा अजब दावा करत विधानसभेची उमेदवारी मागितली होती .पण त्यांची पक्ष निष्ठा सार्यान्नंच ठाऊक आहे. आणि उमेदवारी मिळाली नाही . त्यानंतर त्यांनी कॉंग्रेसचे बागवे यांच्या प्रचारात काही काळ सहभाग घेतला . त्यांच्या पत्नी नगरसेविका सुजाता या बागवे यांचा उमेदवारी अर्ज भरण्या पासून बागवे यांच्या समवेत दिसत आल्या आणि शेट्टी मात्र कॉंग्रेसच्या विरोधात राजकीय कुरघोड्या करीत राहिले. पुण्यातील कॉंग्रेस मध्ये आणखी असे कुरघोडे बाज काँग्रेसी आहेत .पण त्यांच्याकडे सध्या लक्ष कोणाही नेत्यांनी न देता प्रचार यंत्रणेवर लक्ष केंद्रित केले आहे. एकंदरीत आपल्या नगरसेवक पदाबाबत पक्षाने कोणतीही कारवाई करू नये या साठी सुजाता शेट्टी या विशेष दक्षता घेत असाव्यात असे सांगितले जाते.
कॉंग्रेसच्या वतीने अधिकृत पणे याबाबत असे सांगितले गेले कि ,महा आघाडीचे उमेदवार रमेश बागवे यांच्या विजयासाठी काँग्रेस, राष्ट्रवादी काँग्रेस व मित्रपक्षाचे सर्व कार्यकर्ते एकवटले असून त्याचा प्रत्यय येतो आहे,मंगळवार पेठे झालेल्या सभेत देखील आला. कॅन्टोन्मेंट विधानसभा मतदारसंघातील मंगळवार पेठ येथील श्रमिकनगर येथे झालेल्या सभेत बोलताना नुकत्याच
भारतीय जनता पार्टीत प्रवेश केलेल्या सदानंद शेट्टी यांच्या पत्नी ,काँग्रेस पक्षाच्या नगरसेविका सौ. सुजाता शेट्टी म्हणाल्या ‘आम्ही रमेश बागवे यांनाच बहुमताने निवडून आणणार”. रमेश बागवे यांचा दांडगाजनसंपर्क, मतदार संघातील सर्व जाती धर्माच्या लोकांना सोबत घेणून केलेली प्रचंड विकास कामे यांच्या जोरावर मंगळवार पेठेतील सर्व कार्यकर्ते एकत्र येऊन कॅन्टोन्मेंटच्या विकासासाठी रमेश  बागवे यांनाच निवडून देण्याचे आवाहन त्यांनी केले. भीम आर्मी चे नेते दत्ता पोळं यांनीही  बागवे यांना पाठिंबा देऊन भाषण केले.याप्रसंगी नगरसेविका सुजाता शेट्टी, नगरसेवक रवींद्र धंगेकर, माजी महापौर मोहनसिंग राजपाल, विजयचंडालिया, भगवान धुमाळ, सौ. निलीमा लालबिगे, रशीद खिजर, आमिर शेख , विजय खळदकर , विशाल मलके,सौं . वैशाली रेड्डी, अड नितीन परतानी, रवी आरडे, साहिल केदारी , राजेश शिंदे, जगताप वाल्मिकी जगताप,कल्पना भोसले व सर्व मित्र पक्षाचे कार्यकर्ते मोट्या संख्येने उपस्थित होते.