पुणे-इदेमित्सु होंडा इंडिया टॅलेंट हंटफिल्ड 2018 आणि इदेमित्सु होंडा इंडिया टॅलेंट कप (एनएसएफ250आर) 2019 या स्पर्धांचा विजेता महंमद मिखाईल याने एक नवीन विक्रम प्रस्थापित केला आहे. होंडाबरोबर केवळ दोनच वर्षे घालवलेल्या चेन्नईच्या या केवळ 15 वर्षे वयाच्या रायडरला 2020 मधील इदेमित्सु एशिया टॅलेंट कप (आयएटीसी) ग्रीडमध्ये सहभागी होण्याची संधी मिळाली आहे. संपूर्ण जगात मोटरस्पोर्ट रायडर विकसीत करण्यासाठी वचनबद्ध असलेल्या होंडा 2व्हीलर्स इंडिया प्रा. लि. या कंपनीने ही घोषणा आज केली.
मलेशियाच्या सेपांग सर्किटमध्ये आयएटीसीच्या 2020 हंगामात होणा-या निवडीमध्ये भाग घेण्यासाठी आलेल्या पाच जणांच्या भारतीय संघात महंमद मिखाईल हा सहभागी होता. या संघामध्ये पुण्यातील 13 वर्षीय सार्थक श्रीकांत चव्हाण, 14 वर्षीय कविनसमार क्विंटल, 15 वर्षीय जेफ्री आणि चेन्नई येथील 16 वर्षीय वरुण एस. हेही सामील आहेत.
2014 मध्ये सुरुवात झालेली इदेमित्सु एशिया टेलेंट कप ही स्पर्धा आशिया आणि ओशिनिया प्रदेशातील तरुण चालकांसाठी डोर्नाची व्यासपीठ ठरली आहे. नव्या प्रतिभावान भावी पिढ्यांचा विकास सुनिश्चित करणे, तसेच मोटोजीपी आणि वल्डएसबीके या विख्यात स्पर्धांमध्ये भाग घेण्यास या पिढीला सक्षम करणे हे या स्पर्धेचे उद्दीष्ट आहे.
होंडा रेसिंग इंडियाच्या मिखाईलचा प्रवास 90 जणांमधून अंतिम 12 जणांमध्ये
यावर्षीच्या निवड प्रक्रियेमध्ये 15 देशांतील आलेल्या 90 तरूण रायडर्सनी भाग घेतला होता. आपले नैपुण्य दाखविण्यासाठी त्यांनी सेपांग गो-कार्ट ट्रॅकवर दिवसभर रायडिंग केले. त्यांचे प्रत्यक्ष रायडिंग पाहिल्यावर तीन वेळा शॉर्टलिस्ट बनविण्यात आल्या. प्रीमिअर क्लासचे माजी रेसर व प्रख्यात टॅलेंट स्काऊट असलेले टॅलेंट प्रमोशन डायरेक्टर अल्बर्टो प्यूग यांच्या अध्यक्षतेखालील समितीने भारत, ऑस्ट्रेलिया, मलेशिया, इंडोनेशिया, थायलंड, फिलिपाईन्स, जपान व तुर्कस्तान या देशांतील 17 रायडर्सची निवड त्यांत केली. भारताच्या मिखाईलसह 12 जणांना पुढील वर्षी ग्रीडमध्ये भाग घेण्याची संधी मिळणार असून उर्वरीत 5 जणांना राखीव ठेवण्यात आले आहे.
होंडा मोटरसायकल व स्कूटर इंडिया प्रा. लि.चे ब्रॅन्ड अॅन्ड कम्युनिकेशन विभागाचे उपाध्यक्ष प्रभू नागराज यांनी भारतीय रायडर्सच्या या कामगिरीचे आणि या रायडर्सना प्रोत्साहन देण्याच्या होंडाच्या उपक्रमशीलतेचे कौतुक यावेळी केले. ते म्हणाले, “2018 मध्ये होंडाने आपले रेसिंगबद्दलचे धोरण जाहीर केले. तेव्हापासून, आमचे लक्ष पुढील पिढीतील नवीन रायडर विकसित करण्याकडे आहे. इदेमित्सु होंडा इंडिया टॅलेंट हंट’च्या माध्यमातून अगदी 13 वर्षांच्या मुलांना संभाव्य रायडर म्हणून ओळखणे व जागतिक दर्जाच्या रेसिंग इन्फ्रास्ट्रक्चरमध्ये त्यांना प्रशिक्षण देऊन सुसज्ज करणे, ही आमची पहिली पायरी आहे. एनएसएफ 250 आर ही होंडाची मोटो 3 रेसिंग मोटरसायकल खास भारतीय रायडर्ससाठी आम्ही प्रथम आणली. मोटोजीपीसाठी अव्वल भारतीय रायडर विकसित करण्याच्या आमच्या प्रवासात आम्ही युवा भारतीय रायडर्सना एआरआरसी आणि थायलंड टॅलेंट कपसारख्या आंतरराष्ट्रीय रेसिंगच्या संधी देत आहोत. आमचा विश्वास आहे की संघाने चालना दिल्यास मिखाईल हा जागतिक स्तरावर भारतासाठी अभिमानास्पद कामगिरी करेल आणि त्याच्यासारख्या इतर तरुण चालकांना प्रेरणा देईल.”
महंमद मिखाईलचा रेसिंग क्षेत्रातील प्रवास 2018 मध्ये सुरू झाला. इदेमित्सु होंडा टॅलेंट हंटच्या सीझन १ मध्ये होंडा २ व्हीलर्स इंडियाने या चेन्नईच्या मुलास उचलले. पहिल्या वर्षातच, 15 वर्षीय मिखाईलने रेसिंगमधील आपल्या प्रतिभेचे दर्शन घडवले आणि सीबीआर 150 आर वर्गात इदेमित्सु होंडा टॅलेंट कप स्पर्धेत विजेतेपद पटकावले. त्याची गुणवत्ता जोखून होंडानेदेखील मिखाईलच्या प्रगतीची योजना आखली.
2019 मध्ये, थायलंड टॅलेंट कपमध्ये मिखाईलला पहिल्यांदा आंतरराष्ट्रीय रेसिंगमध्ये संधी मिळाली. राष्ट्रीय रोड रेसिंगमध्येही एनएसएफ 250 आर या होंडाच्या दिग्गज मोटो रेस मशीन प्लॅटफॉर्मवर रेसिंग करण्याची संधी मिळविणाऱ्या पहिल्या 8 भारतीय तरूण रायडर्समध्ये मिखाईलचा समावेश होता. मिखाईलने एमएमआरटी सर्किट (चेन्नई) येथे 250 सीसी मोटारसायकलवर एक नवीन सर्वोत्तम लॅप टाइम विक्रम केला आणि शेवटी एनएसएफ 250 आर वर्गातही इदेमित्सु होंडा इंडिया टॅलेंट कप जिंकला.
महंमद मिखाईल म्हणाला, “प्रथम, मी जागतिक मंचावर शर्यतीसाठी मला मोठी संधी दिल्याबद्दल होंडा 2 व्हीलर्स इंडिया, माझी टीम आणि आमच्या प्रायोजकांचे आभार मानू इच्छितो. होंडा टॅलंट हंटच्या 2018 च्या हंगामात होंडा २ व्हिलर्स इंडियाने मला शॉर्टलिस्ट केले, तेव्हापासून रेसिंगमध्ये माझे स्वप्न पूर्ण होऊ लागले आहे. होंडा 2 व्हीलर्स इंडियाने मला पंख दिल्यामुळे, 2019 थायलंड टॅलेंट कपमध्ये मला सर्वोत्कृष्ट थाई रायडर्ससह आंतरराष्ट्रीय स्तरावर माझे कौशल्य सुधारण्याची संधी मिळाली. इदेमित्सु होंडा इंडिया टॅलेंट कप मध्ये एनएसएफ 250 आर हे होंडाच्या मोटो 3 प्लॅटफॉर्म मशीन आणल्याबद्दल मला होंडाचे आभार मानायला हवेत. या जागतिक दर्जाच्या रेस मशीनवर मला अधिक आत्मविश्वास वाटतो. होंडातर्फे भारताचा एकमेव खेळाडू या नात्याने मी संघाबरोबर कठोर परिश्रम करेन आणि प्रत्येक शर्यतीत सर्वोत्तम कामगिरी करेन.”
इदेमित्सु एशिया टॅलेंट कप शर्यतीचे 2020 मधील वेळापत्रक ः
महंमद मिखाईल आणि आशिया-ओशनियाच्या इतर स्पर्धकांसाठी रेसिंगचा हंगाम फेब्रुवारी 2020 पासून चाचणीसह प्रारंभ होत आहे. यावेळी मिखाईलला होंडा एनएसएफ 250 आर मोटो 3 या बाईकची वैशिष्ट्ये बारकाईने लक्षात येतील. यामुळे त्याला मार्गक्रमण, बाईकच्या सस्पेंशनचा प्रतिसाद आणि ब्रेकिंगची मर्यादा समजून घेण्यातही मदत होईल. प्रतिभावान तरुण चालकांनी या बाबी समजून घेणे अतिशय महत्त्वाचे आहे.
एकंदरीत, इदेमित्सु एशिया टॅलेंट कपच्या सातव्या स्पर्धेत मार्च ते नोव्हेंबर २०२० या कालावधीत 1२ शर्यतींच्या चॅम्पियनशिपचे सहा फेऱ्यांमध्ये आयोजन करण्यात आले आहे .2020च्या या हंगामास कतार येथील लॉसेल सर्किट येथून प्रारंभ होईल. नंतर थायलंड (बुरिराम) येथील मोटोजीपीची शर्यत होईल. ऑस्ट्रेलियात बेंड येथे तिसरी फेरी, मलेशियात सेपांग येथे चौथी फेरी ऑस्ट्रेलियन व मलेशियन सुपरबाईक चॅम्पियनशिप सोबत होणार आहे. शेवटच्या दोन फेऱ्यांमध्ये आशियातील हे स्पर्धक जपानमधील मोटेगी आणि मलेशियातील सेपांगमध्ये मोटोजीपी शर्यतीत झुंज देताना दिसतील.
इदेमित्सु एशिया टॅलेंट कप (आयएटीसी) च्या मागील स्पर्धांमधील विजेते
इदेमित्सु एशिया टॅलेंट कप स्पर्धा 2014 मध्ये सुरू झाली, तेव्हापासून या स्पर्धेच्या माध्यमातून अनेक रत्ने जन्माला आली. ती आता जागतिक मंचावर स्वतःचे नाव कमावत आहेत. 2014 मधील आयएटीसी विजेते कैटो टोबा (होंडा टीम एशिया) यांनी 2019 मध्ये मोटो 3 क्लास वर्गात कतार जीपी जिंकला. इदेमित्सु होंडा टीम एशियासह ग्रँड प्रिक्समध्ये प्रभावी पदार्पण करणाऱ्यांमध्ये 2016 चे आयएटीए चॅम्पियन असलेले थायलंडच्या मोटो 2 क्लासचे सोमकीट चंद्रा आणि 2016 च्या आयएटीएमध्ये उपविजेते ठरलेले आय ओगुरा यांचा समावेश आहे.
