282 इंजिनीअरिंग कॉलेजांतील 253 प्रवेशिका अंतिम फेरीसाठी ठरल्या पात्र

पुणे,: एसएईइंडिया या प्रोफेशनल सोसायटी ऑफ ऑटोमोटिव्ह इंजिनीअर्सने महिंद्रा अँड महिंद्रा लि.च्या सहयोगाने, बाहा एसएईइंडिया सीरिजचे 13वे पर्व सुरू झाल्याचे आज जाहीर केले आहे. ही अंतिम फेरी 23 ते 26 जानेवारी 2020 या कालावधीत इंदोर जवळील पिठमपूर येथे एनएटीआरआयपी (NATRIP) येथे होणार असून, त्यानंतर 6 ते 8 मार्च 2020 या कालावधीत चंडीगडनजिक चित्कारा विद्यापीठ येथे होणार आहे.

बाहा एसएईइंडिया 2020 साठी देशभरातील 486 एसएईइंडिया कॉलिजिएट क्लबमधील 282 प्रवेशिका स्वीकारण्यात आल्या, त्यातील 200 टीम पारंपरिक एम-बाहासाठी आणि 53 टीम व्हर्च्युअल फेरीतील ई-बाहासाठी निवडण्यात आल्या.

बाहा एसएईइंडिया चार दिवसांमध्ये होणाऱ्या विविध उपक्रमांच्या मालिकेमध्ये सहभागी होण्यासाठी विद्यार्थ्यांना सिंगल-सीटर चार-चाकी ऑल-टिरेन व्हेइकलचे (एटीव्ही) डिझाइन, बिल्ड, टेस्ट व वैधता साकार करण्याची कामगिरी दिली होती. या कार्यक्रमामध्ये टेक्निकल सस्पेन्शन, तसेच डिझाइन, कॉस्ट व सेल्स प्रेझेंटेशन असे स्टॅटिक इव्हॅल्युएशन आणि अक्सिलरेशन, स्लेज पुल, मॅनोव्हरेबिलिटी असे डायनॅमिक घटक समाविष्ट असणार आहेत. सस्पेन्शन व ट्रॅक्शननंतर 4 तासांचा कार्यक्रम घेण्यात आला.

बाहा एसएईइंडियाचे वैशिष्ट्यपूर्ण वैशिष्ट्य म्हणजे, प्रत्येक वर्षी नवीन मध्यवर्ती संकल्पना. या वर्षी बाहा 2020 साठी ‘ब्रेकिंग कन्व्हेन्शन्स‘ ही संकल्पना असून, हे ईबाहा असो किंवा सर्व मुलींची टीम असो, पारंपरिक विचारांना आव्हान देणाऱ्या बाहाचे प्रतिक आहे.

आज भारतीय मोबिलिटी उद्योगापुढे काही आव्हाने आहेत. बाहा एसएईइंडियाला देशातील उदयोन्मुख इंजिनीअरसाठी या आव्हानांचे रूपांतर संधींमध्ये करायचे आहे आणि त्यांना भविष्याच्या दृष्टीने सज्ज करायचे आहे. त्यांना डिझाइन व अंमलबजावणी यातील पारंपरिक विचारसरणीला व कल्पनांना छेद देता येईल आणि भारतीय वाहतुकीच्या भविष्याला आकार देणारे नावीन्यकार म्हणून स्थान मिळवता येईल.

बाहा एसएईइंडियाने भारतात इलेक्ट्रिक मोबिलिटी सुरू झाल्याचा लाभ घेण्यासाठी 2015 मध्ये ईबाहा सीरिज सुरू केली. पारंपरिक बाहा वाहने 10 एचपी ब्रिग्स अँड स्ट्रॅटन गॅसोलिन इंजिनावर चालतात. सर्व बाहा टीमसाठी हे सामायिक आहे. तर, ईबाहा वाहने 6 kW पीक इलेक्ट्रिक पॉवर असलेल्या व रिचार्जेबल लिथिअम-आयन बॅटरी पॅकचे पाठबळ असणाऱ्या इलेक्ट्रिक मोटरवर चालतील. येथे, विद्यार्थ्यांना मोटर, कंट्रोलर व बॅटरी संपादित करण्याची आणि स्वतःची बॅटरी मॅनेजमेंट सिस्टीम डिझाइन करण्याची मुभा आहे. या वर्षी, इलेक्ट्रिक वाहनांसाठी मनुष्यबळाची गरज विचारात घेता, या उपक्रमामध्ये सहभागी होण्यासाठी आम्ही इलेक्ट्रिकल व इलेक्ट्रॉनिक इंजिनीअरिंग क्षेत्रातील विद्यार्थ्यांना उत्तेजन दिले आहे.

बाहा एसएईइंडिया 2020 साठी, अंतिम फेरीमध्ये गेलेल्या महाराष्ट्रातील 66 प्रवेशिकांमध्ये पुण्यातील 25 कॉलेजांचा समावेश आहे. बाहा एसएईइंडिया सीरिजच्या गेल्या काही आवृत्तींमध्ये, महाराष्ट्रातून आलेल्या प्रवेशिकांमध्ये जास्तीत जास्त प्रवेशिका पुणे शहरातील होत्या. गेल्या काही वर्षांत, अंतिम फेरीमध्ये पुण्यातील कॉलेजांनी जास्तीत जास्त पुरस्कार जिंकले आहेत.

बाहा अंतिम फेरीसाठी देशभरातील इंजिनीअरिंग कॉलेजांतून आलेल्या प्रवेशिकांची तपासणी जुलै 2019 मध्ये पंजाबमधील चित्कारा विद्यापीठ येथे करण्यात आली. त्यामध्ये, प्रवेशिकांनी अंतिम फेरीमध्ये सादर केल्या जाणाऱ्या बाहा बग्गी वाहनासाठी त्यांची डिझाइन सादर केली.

पात्र ठरलेल्या टीमची निवड त्यांच्या कॅड डिझाइनचे विश्लेषणाने, सीएई विश्लेषणाने आणि रोल केज, सस्पेन्शन, स्टीअरिंग व ब्रेक यांच्या डिझाइनच्या अनुषंगाने करण्यात आली. तसेच, त्यांचे रूल बुक व्हायव्हा सेशन घेण्यात आले व त्यांना दिलेल्या विषयाच्या बाबतीत मूल्यमापन करण्यात आले. व्हर्च्युअल बाहामध्ये सादर करण्यात आलेल्या प्रवेशिका सहभागींच्या अचूक तपशिलाने तयार केल्या जाऊ शकतील. अंतिम फेरीतील टीमनी बग्गी रेस कार निर्माण केली असेल आणि ते ऑटोमोबाइलबद्दल असणारी त्यांची कौशल्ये, आकलन व पॅशन दर्शवतील.

यानिमित्त बोलताना, बाहा एसएईइंडिया 2020 चे समन्वयक एस. बलराज यांनी सांगितले, “बाहा एसएईइंडियासारखे उपक्रम भविष्यातील डिझाइनर व नेतृत्व घडवण्यासाठी आवश्यक असणारा प्रत्यक्ष अनुभव विद्यार्थ्यांना यासाठी गरजेचे असलेले व्यासपीठ देतात. दरवर्षीप्रमाणे यंदाही या टीम त्यांच्या सर्वोत्तम क्षमता दर्शवतील, अशी अपेक्षा आहे.”

भारतात, बाहा एसएईइंडियाने (सोसायटी ऑफ ऑटोमोटिव्ह इंजिनीअर्स) 2007 मध्ये वाटचाल सुरू केली आणि डॉ. पवन गोएंका (एसएईइंडिया अध्यक्ष यांच्या कार्यकालादरम्यान) यांच्या अध्यक्षतेखाली व डॉ. के. सी. व्होरा यांच्या समन्वयाअंतर्गत हा उपक्रम सुरू करण्यात आला. एसएईइंडियाने इतक्या भव्य स्वरूपाच्या उपक्रमाचे आयोजन करायचे ठरवले. एनएटीआरआयपीने इंदूरमधील पिठमपूर येथे असणाऱ्या नॅट्रॅक्स या आगामी मैदानात विशेष झोन उपलब्ध करून मदतीचा हात दिला. याचप्रमाणे, आयआयटी रोपरने रूपनगर येथे बाहा एसएईइंडिया 2018च्या दुसऱ्या पर्वाचे आयोजन करण्याची तयारी दाखवली.

एसएईइंडियाचा इंजिनीअरिंग एज्युकेशन बोर्ड व बाहा कोअर टीम लवकरच बाहा 3 ची घोषणा करणार आहेत. त्याचे आयोजन दक्षिण भारतातील एखाद्या इंजिनीअरिंग सिटीमध्ये केले जाणार आहे, यामुळे बाहाची वाटचाल भारताच्या दक्षिण भागातील विद्यार्थ्यांच्या निकट जाणार आहे.

पुणे : टायटनचा सर्वात नवीन ब्रँड तनाएराचा भारतीय उपखंडात व्यवसाय विस्तार करण्यासाठी महत्त्वाकांक्षी योजना आखली गेली आहे.  आज तनाएराच्या महाराष्ट्रातील पहिल्या स्टोअरचा शुभारंभ करण्यात आला.  पुण्यात औंध येथे पुष्पक पार्क येथे सुरु करण्यात आलेल्या नवीन तनाएरा स्टोअरचे उदघाटन तनाएराच्या चीफ ऑपरेटिंग ऑफिसर श्रीमती राजेश्वरी श्रीनिवासन व प्रसिद्ध अभिनेत्री श्रुती मराठे यांच्या शुभहस्ते करण्यात आले.  सौंदर्यवती अभिनेत्री श्रुती मराठे यांनी यावेळी परिधान केलेली तनाएरा ब्रॅण्डची जरीचे नाजुक नक्षीकाम असलेली शानदार सिल्क साडी अतिशय खुलून दिसत होती. यामुळे कार्यक्रमाची शोभा अधिकच वाढली.

३६०० चौरस फुटांचे हे स्टोअर पुण्यात औंध येथील आयटीआय रोडवर वॉर्ड नंबर ८, पुष्पक पार्क येथे आहे.  भारतातील हे तनाएराचे सातवे स्टोअर आहे.  भरपूर सूर्यप्रकाश, खेळती हवा असलेल्या तनाएराच्या औंध स्टोअरमधे भिंतींवरील आरशांमधून परावर्तित होणाऱ्या नैसर्गिक सूर्यप्रकाशामुळे स्टोअरचे रूप अतिशय खुलून दिसते.  अगदी मोक्याच्या जागी असलेल्या या स्टोअरमधे देशभरातील हातमागासाठी प्रसिद्धी असलेल्या वेगवेगळ्या ठिकाणांहून उत्तमोत्तम, शानदार हाताने विणण्यात आलेल्या साड्या उपलब्ध करवून देण्यात आल्या आहेत.  हातमागावरील साड्या विणण्याची कला आणि अप्रतिम कारिगरीची परंपरा भारतात प्राचीन काळापासून आहे.  या परंपरेला आधुनिक साजामध्ये पुनर्जीवित करणारी आकर्षक कलेक्शन याठिकाणी उपलब्ध आहेत.  बनारसी सिल्क, अनोखे नक्षीकाम असणाऱ्या कांजीवरम, मध्य प्रदेशची खासियत असलेल्या चंदेरी व महेश्वरी, बंगालची ओळख म्हणून नावाजली जाणारी जामदानी, गुजरातमधून इकत यांच्या बरोबरीने आंध्र प्रदेश व ओडिशा या राज्यातील अनोख्या कलांचे सौंदर्य ल्यालेल्या शानदार साड्या याठिकाणी आहेत.  भारताचे रेशीम म्हणून जगभरात प्रसिद्ध असलेल्या टसर साड्यांचे विशाल कलेक्शन या स्टोअरमधे उपलब्ध आहे.

 तनाएराच्या चीफ ऑपरेटिंग ऑफिसर श्रीमती राजेश्वरी श्रीनिवासन यांनी सांगितले, “दिल्ली, बंगलोर व हैदराबाद या शहरांमधील आमच्या स्टोअर्सना मिळत असलेल्या भरघोस प्रतिसाद पाहता पुण्यातही आमचा ब्रँड ग्राहकांच्या पसंतीस उतरेल याची आम्हाला खात्री आहे.  पुणेकरांनी आमच्या ट्रंक शोला खूप छान प्रतिसाद दिला होता.  म्हणूनच आज महाराष्ट्रातील आमचे पहिले स्टोअर आम्ही पुण्यात सुरु करत आहोत.  भारतातील प्राचीन हातमाग कला आणि कारिगरी, हाताने बनविलेले, नैसर्गिक कपडे यांचा सन्मान तनाएरा ब्रँडमध्ये केला जातो.  पुण्यातील आमच्या नवीन स्टोअरमधे भारतातील प्रसिद्ध ठिकाणांहून खास डिझाईन करण्यात आलेल्या उत्तमोत्तम साड्या उपलब्ध करवून देण्यात आल्या आहेत.  आपल्या स्वतःच्या व्यक्तिमत्वाविषयी विश्वास आणि आदर असलेल्या, परंपरांविषयी प्रेम असलेल्या आणि तरीही प्रगतिशील विचार करणाऱ्या प्रत्येक स्त्रीला हे कलेक्शन नक्की आवडेल.  पुण्यातील आधुनिक, चोखंदळ,

 प्रगतिशील स्त्रियांना तनाएरा आपलेसे वाटेल याची आम्हाला खात्री आहे.  सक्ती म्हणून नव्हे तर स्वतःची आवड म्हणून साडी परिधान करणाऱ्या, परंपरा साजऱ्या करणाऱ्या परंतु त्यामध्ये गुरफटून न राहणाऱ्या स्त्रियांसाठी तनाएरा बनले आहे.” 

 भारतातील विविध ठिकाणच्या कारीगरांनी हाताने बनविलेल्या शुद्ध, नैसर्गिक कापडांपासून डिझाईन करण्यात आलेल्या साड्यांचे तनाएरा स्टोअर हे एक अनोखे ठिकाण आहे.  साड्या, लग्नात नवरीसाठी, सणसमारंभांना घालण्याचे लेहंगे, तयार ब्लाऊज असे विविध प्रकार याठिकाणी आहेत.  साड्यांची शानदार, विशाल श्रेणी हे तनाएराचे वैशिष्टय आहेच, शिवाय त्यांचे स्टोअर देखील अतिशय अनोखे आहे.  ड्युस्टुडिओचे ऑरोविल स्थित डिझायनर धर्मेश जडेजा यांनी स्टोअर डिझाईन केले आहे.  उच्च अभिरुचीची जाण आणि आवड असलेल्या प्रत्येक व्यक्तीला हे स्टोअर पाहताक्षणी आवडेल.  भारतातील हातमाग परंपरा, संस्कृती, संकल्पना यांची जादू या संपूर्ण स्टोअरमधे जाणवते.

 फक्त आमंत्रितांसाठी आयोजित करण्यात आलेल्या उदघाटन समारंभात मान्यवर उपस्थितांच्या शुभेच्छा, कला, सौंदर्य, संगीत, चविष्ट पदार्थ यामुळे शानदार वातावरण निर्माण झाले होते.

 तनाएरा

फेब्रुवारी २०१७ मध्ये सुरु करण्यात आलेला तनाएरा हा टायटन कंपनी लिमिटेडचा सर्वात नवीन ब्रँड आहे.  हाताने विणल्या गेलेल्या साड्यांचा ब्रँड तनाएरामध्ये भारतातील ७० पेक्षा जास्त ठिकाणांहून खास निवडल्या गेलेल्या जवळपास ३००० साड्या आहेत.  त्याठिकाणची प्रत्येक साडी भारतातील अनोख्या कारिगरीचे प्रतीक आहे.  एखादा सण असो किंवा लग्न, रोजच्यासाठी बनविण्यात आलेल्या साड्या किंवा खास समारंभासाठीच्या साड्या असोत, तनाएरामध्ये प्रत्येक प्रकारच्या उत्तमोत्तम साड्यांचे विशाल कलेक्शन आहे.

 टाटा समूहाचा भाग असलेल्या तनाएरा ब्रँडमध्ये अस्सल उत्पादनांची हमी, आपल्या पसंतीच्या साड्या निवडण्यासाठी आरामदायी जागा, खरेदीचे समाधान आणि आनंद देणारा अनुभव असा परिपूर्ण स्टाईल स्टुडिओ उपलब्ध करवून देण्यात आला आहे.  तनाएरा हा शब्द दोन शब्दांनी बनला आहे – तन म्हणजे शरीर आणि इरा हे देवी सरस्वतीचे नाव आहे.  देवी सरस्वती ही कला, संगीत, हस्तकला व ज्ञानाची देवी आहे.  ग्रीक भाषेत इरा शब्दाचा अर्थ धरती असा आहे.  अनोखी डिझाइन्स, वैविध्यपूर्ण कारिगरी, हातमागाचा अस्सलपणा, शुद्ध व नैसर्गिक कापड – भारतातील सर्वोत्तम पारंपरिक संपदा एकाच ठिकाणी उपलब्ध करवून देणारा तनाएरा ब्रँड आहे.  परंपरेविषयी प्रेम असणाऱ्या आणि तरीही प्रगतिशील आचार व विचार असलेल्या आधुनिक भारतीय स्त्रियांना नक्की आवडेल असा हा ब्रँड आहे.