‘अवामी महाज ‘ सामाजिक संघटनेचा सहभाग

पुणे:शीख धर्माचे संस्थापक गुरुनानक यांच्या ५५० व्या  जयंती निमित्त शीख बांधवानी आयोजित केलेल्या  मिरवणुकीचे क्वार्टर गेट येथे मुस्लीम बांधवांकडून स्वागत करण्यात आले . ‘अवामी महाज ‘ सामाजिक संघटनेने त्यासाठी पुढाकार घेतला.’अवामी महाज’चे अध्यक्ष डॉ पी ए इनामदार यांच्यासह अनेक मुस्लीम बांधवानी या मिरवणुकीत सहभागी होवून सलोखा आणि परस्पर प्रेमाचे दर्शन घडवले.’अवामी महाज‘चे सचिव वाहिद बियाबानी,मौलाना महमद हुसेन कासमी,अब्दुल वहाब शेख,मश्कुर शेख,शफाकत शेख ,हाजी इम्तियाझ ,मुमताज सय्यद इत्यादी सहभागी झाले .

मिरवणुकीत सहभागी पुण्यातील गुरुद्वाराच्या  विश्वस्तांचा पुष्पगुच्छ देवून सत्कार करण्यात आला .शीख बांधवाना फुले आणि पिण्याच्या  पाण्याचे वाटप करण्यात आले .

पुणे-गांधी कुटूंबियांच्या जीवाला काही धोका निर्माण झाल्यास पंतप्रधान नरेंद्र मोदी आणि
गृहमंत्री अमीत शहा हे जबाबदार राहतील. केंद्र सरकारने गांधी कुटूंबियांना पुन्हा एस.पी.जी. संरक्षण
द्यावे अन्यथा काँग्रेस पक्षाचे कार्यकर्ते रस्त्यावर उतरून तीव्र आंदोलन करतील असा इशारा पुणे
शहर जिल्हा काँग्रेस कमिटीचे अध्यक्ष रमेश बागवे यांनी या पत्रकाद्वारे दिला आहे.

बागवे यांनी या पत्रकात असेही म्हटले आहे कि,सोनिया गांधी, राहुल गांधी आणि प्रियंका गांधी यांना

असणारे एस. पी. जी. चे संरक्षण काढूनघेण्याचा निर्णय केंद्रिय गृहमंत्रालयाने घेतलेला आहे.

इंदिरा गांधी आणि राजीव गांधी या दोन्ही नेत्यांचे दहशतवाद्यांकडून हत्या झाल्यानंतर गांधी कुटूंबातील

व्‍यक्तींना एस.पी.जी. संरक्षणदेण्यात आले होते. त्यांच्या जीवाला असणारा धोका लक्षात घेऊन त्यांना एस.

पी.जी. चे संरक्षण देण्यात आले होते. मोदी सरकारच्या या निर्णयाला काँग्रेस पक्षाने तीव्र विरोध केलेला आहे.

माजीपंतप्रधान स्व. व्‍ही.पी.सिंग यांनी स्व. राजीव गांधी यांची एस.पी.जी. सुरक्षा काढून घेतली होती.
‍त्यानंतर दोन वर्षातच राजीव गांधी यांची हत्या झाली. गांधी परिवार देशातील करोडो लोकांचे व
काँग्रेस कार्यकर्त्यांचे प्रेरणा स्थान आहे. गांधी कुटूंबियांनी देशाच्या ऐक्यासाठी आपल्या प्राणाची
आहुती दिली. गांधी कुटूंबियांचे एस.पी.जी. संरक्षण काढून घेण्याचा निर्णय मोदी सरकारने सूडबुध्दीने
घेतलेला आहे. माजी पंतप्रधान स्व. अटलबिहारी वाजपेयी यांनी गांधी कुटूंबियांची एस. पी. जी. सुरक्षा
चालू ठेवण्याचा निर्णय घेतला होता. काँग्रेसच्या राजवटीत माजी पंतप्रधान स्व. अटलबिहारी वाजपेयी
यांना एस.पी.जी. ची सुरक्षा चालू ठेवली होती. मोदी सरकारच्या राज्यात काही सामाजिक संघटनेच्या
प्रमुखांना कारण नसताना झेड प्लसची सुरक्षा देण्यात आली आहे. केवळ त्या संघटना भारतीय
जनता पक्षाशी निगडीत आहेत म्हणून त्यांच्या प्रमुखांना झेड प्लसची सुरक्षा देण्यात आली आहे.

पुणे-भाजपा  सरकारच्या चुकीच्या आर्थिक धोरणाविरोधात अखिल भारतीय काँग्रेस कमिटीच्या चिटणीस सोनलबेन पटेल यांच्या नेतृत्वाखाली फडके चौकातून पुणे जिल्हाधिकारी कार्यालयावर काँग्रेसचे 8 नोव्हेम्बर रोजी सकाळी मोर्चा नेला.

या आंदोलनात शहराध्यक्ष रमेश बागवे, बाळासाहेब शिवरकर, मोहन जोशी, अविनाश बागवे, नीता राजपूत आदि मान्यवर  या आंदोलनात सहभागी झाले . नोटबंदी, जीएसटीमुळे देशात मोठी मंदी आहे.तरुणांच्या हाताला काम नाही. छोट्या छोट्या कंपन्या बंद पडत आहेत. मोठ्या कंपन्यांही याचा फटका बसला आहे. लोकांच्या खिशातून मोदी सरकारने पैसा काढून घेतला आहे. शेतकऱ्यांची अवस्था वाईट आहे. या सर्व बाबींचा विचार करून मोदी सरकार विरोधात काँगेस आक्रमक झाली आहे. या आंदोलनात ‘मोदी सरकार हाय हाय, बीजेपी सरकार हाय हाय’, अशा घोषणा देण्यात  आल्या.

पुणे- पीवायसी हिंदू जिमखाना यांच्या वतीने आयोजित पीवायसी हिंदू जिमखाना यांच्या तर्फे दुसऱ्या पीवायसी गोल्डफिल्ड राजू  भालेकर करंडक निमंत्रित १९ वर्षाखालील क्रिकेट स्पर्धेत पहिल्या सामन्यात सिद्धांत दोषी 47 याच्या अर्धशतकी खेळीसह रोहित हडके(4-54), सोहेल शेख(3-61) यांनी केलेल्या भेदक गोलंदाजीच्या जोरावर संयुक्त क्लब संघाने व्हेरॉक वेंगसरकर क्रिकेट अकादमीचा 55 धावांनी पराभव करून विजय मिळवला. तर एमसीए संयुक्त जिल्हा संघ व डेक्कन जिमखाना यांच्यातील सामना अनिर्णित राहिल्यामुळे पहिल्या डावाच्या आघाडीवर 5 गुणांची कमाई केली.

व्हेरॉक वेंगसरकर क्रिकेट अकादमी येथील क्रिकेट मैदानावर सुरु असलेल्या या स्पर्धेत दोन दिवसाच्या लढतीतील सामन्यात काल संयुक्त क्लब संघाने 54.1 षटकात 233 धावा केल्या. याच्या उत्तरात व्हेरॉक वेंगसरकर क्रिकेट अकादमी संघ 27.5षटकात अवघ्या 61धावावर संपुष्टात आला व त्यामुळे संयुक्त संघाने पहिल्या डावात 172 धावांची आघाडी मिळाली. आज संयुक्त क्लब संघाने 32.1षटकात 7बाद118धावावर डाव घोषित करून व्हेरॉक संघाला 290 लक्ष विजयासाठी दिले. यामध्ये सिद्धांत दोषी 47, वरून नेने नाबाद 19 यांनी धावा केल्या. या आव्हानाचा पाठलाग करताना  व्हेरॉक वेंगसरकर क्रिकेट अकादमी संघ 52षटकात 235धावावर संपुष्टात आला. यात अमन मुल्ला 50, यज्ञेश मोरे 44, आदिराज कदम 16, रोहित चौधरी 16 यांनी दिलेली लढत अपुरी ठरली. संयुक्त क्लबकडून रोहित हडके 4-54, सोहेल शेख 3-61, मिहीर किल्लेदार 1-37 यांनी सुरेख गोलंदाजी करत संघाला 55धावांनी विजय मिळवून दिला. सामनावीर रोहित हडके ठरला.

दुसऱ्या डेक्कन जिमखाना क्लब क्रिकेट मैदानावरील सामन्यात एमसीए संयुक्त जिल्हा संघाने आज 82षटकात 5 बाद 280धावावर आपला डाव घोषित केला. यात अभिषेक पवार नाबाद 131, वेंकटेश काणे 38, सौरभ गढक 34, सनतकुमार माळगे 18, प्रथमेश बजाज 17 यांनी धावा केल्या. याच्या उत्तरात डेक्कन जिमखाना संघाचा डाव 50.3षटकात 147धावावर संपुष्टात आला. यात अजय बोरुडे 58, यशोधन शुक्ला 13, सुहेल श्रीखंडे 13, अथर्व वनवे 14, श्लोक धर्माधिकारी नाबाद 27यांनी धावा केल्या. एमसीए संयुक्त जिल्हा संघाकडून रामेश्वर दौड 4-30, रिषभ बंसल 2-12, ओंकार मोहिते(2-19), वेंकटेश काणे(1-8)यांनी सुरेख गोलंदाजी करत संघाला पहिल्या डावात 133धावांची आघाडी मिळवून दिली.  पण अनिर्णित ठरलेल्या सामन्यात एमसीए संयुक्त जिल्हा संघाने पहिल्या डावाच्या आघाडीवर डेक्कन जिमखानाचा पराभव केला व 5 गुणांची कमाई केली.

स्पर्धेचा सविस्तर निकाल: साखळी फेरी:
व्हेरॉक वेंगसरकर क्रिकेट अकादमी मैदान: पहिला डाव:  संयुक्त क्लब संघ: 54.1 षटकात सर्वबाद 233 धावा(मिहीर किल्लेदार 62(90), नचिकेत वेर्लेकर नाबाद 70(58), रोहित हडके 37(35), शिवम ठोंबरे 31, यश जागडे  4-13, हर्षवर्धन पवार 3-43, विकी ओस्वाल 1-46, अमन मुल्ला 1-55) वि.व्हेरॉक वेंगसरकर क्रिकेट अकादमी:27.5षटकात सर्वबाद  61धावा(अद्वैत मुळ्ये 30(66), सोहेल शेख 5-15, वरून नेने 4-4, रोहित हडके 1-9); पहिल्या डावात संयुक्त क्लब संघाकडे 172 धावांची आघाडी;

दुसरा डाव: संयुक्त क्लब संघ: 32.1षटकात 7बाद118धावा(डाव घोषित)(सिद्धांत दोषी 47(70), वरून नेने नाबाद 19, यश जगदाळे 2-18, रोहित चौधरी 2-17, आदिराज कदम 1-11) वि.वि.व्हेरॉक वेंगसरकर क्रिकेट अकादमी: 52षटकात सर्वबाद 235धावा(अमन मुल्ला 50(58), यज्ञेश मोरे 44(80), आदिराज कदम 16, रोहित चौधरी 16, रोहित हडके 4-54, सोहेल शेख 3-61, मिहीर किल्लेदार 1-37); संयुक्त क्लब 55धावांनी विजय; सामनावीर-रोहित हडके;       

डेक्कन जिमखाना क्लब क्रिकेट मैदान: पहिला डाव: एमसीए संयुक्त जिल्हा संघ: 82षटकात 5 बाद 280धावा(डाव घोषित)(अभिषेक पवार नाबाद 131(163), वेंकटेश काणे 38(49), सौरभ गढक 34(64), सनतकुमार माळगे 18, प्रथमेश बजाज 17, ओंकार मोहिते नाबाद 26, आर्यन बांगले 2-62, श्लोक धर्माधिकारी 2-74, रेहान खान 1-64) वि.डेक्कन जिमखाना: 50.3षटकात सर्वबाद 147धावा(अजय बोरुडे 58(91), यशोधन शुक्ला 13, सुहेल श्रीखंडे 13, अथर्व वनवे 14, श्लोक धर्माधिकारी नाबाद 27, रामेश्वर दौड 4-30, रिषभ बंसल 2-12, ओंकार मोहिते 2-19, वेंकटेश काणे 1-8); एमसीए संयुक्त जिल्हा संघाकडे 133धावांची आघाडी; 

पुणे दि. 8 :- राम जन्मभूमी– बाबरी मशीद प्रकरणी सर्वोच्य न्यायालयाच्या निकालाच्या अनुशंगाने कायदा व सुव्यवस्था आणि शांतता राखण्याच्या दृष्टीने जिल्हाधिकारी नवल किशोर राम यांच्या अध्यक्षतेखाली शांतता समितीची बैठक घेण्यात आली.

    येत्या काही दिवसात राम जन्मभूमी– बाबरी मशीद प्रकरणाचा निकाल येण्याची शक्यता आहे. या निकालाचा सर्वांनी आदर ठेवून शांतता राखावी, असे आवाहन जिल्हाधिकारी राम व पोलीस अधीक्षक संदीप पाटील यांनी केले. तसेच नागरिकांनी सोशल मिडीयासंदर्भात दक्ष रहावे असे आवाहनही त्यांनी केले.

      जिल्हाधिकारी कार्यालयात झालेल्या या बैठकीला जिल्हा पोलीस अधीक्षक संदीप पाटील, पिंपरी चिंचवडचे सह पोलीस आयुक्त प्रकाश मुत्याळ, निवासी उपजिल्हाधिकारी डॉ. जयश्री कटारे आदींसह विविध विभागाचे प्रमुख अधिकारी, सामाजिक कार्यकर्ते उपस्थित होते.

पुणे, 8 नोव्हेंबर 2019: द पूना क्लब लिमिटेड आणि बिलियर्ड्स अँड स्नूकर असोसिएशन ऑफ महाराष्ट्र(बीएसएएम) यांच्या संलग्नतेने  बीएसएएम सिक्स रेड स्नूकर राज्य निवड अजिंक्यपद 2019 स्पर्धेत सुरज राठी, संकेत मुथा या खेळाडूंनी आपली विजयी मालिका कायम ठेवत बाद फेरीत प्रवेश केला.

पूना क्लब येथील बिलियर्ड्स हॉलमध्ये सुरु असलेल्या या स्पर्धेत डबल एलिमनेशन फेरीत पुण्याच्या सुरज राठी याने मुंबईच्या शयान राझमीचा 4-3(27-41, 22-44, 49-24, 55-13, 32-22, 36-27) असा संघर्षपूर्ण पराभव करून सलग तिसऱ्या विजयासह बाद फेरी गाठली.

पुण्याच्या माधव जोशीने अमरदीप घोडकेचा 4-1(37-05, 49-15, 22-37, 42-05, 29-17) असा तर पुण्याच्या साद सय्यदने चिपळूणच्या सिद्धेश मुळ्येचा 4-1(08-47, 53-06, 61(49)-09, 38-21, 35-23) असा पराभव करून अंतिम पात्रता फेरीत धडक मारली. साद याने आपल्या खेळीत तिसऱ्या फ्रेममध्ये 49 गुणांचा ब्रेक नोंदविला. मुंबईच्या अजिंक्य येलवेने आपला शहर सहकारी अनंत मेहताचा 4-3(17-39, 39-09, 19-31, 34-15, 22-30, 28-18, 36-33) असा पराभव करून आगेकूच केली.

स्पर्धेचा सविस्तर निकाल: डबल एलिमनेशन राउंड:
अनंत मेहता(मुंबई)वि.वि.ओमर फारुकी(औरंगाबाद)4-3(17-27, 44-20, 09-29, 03-32, 35-11, 38-08, 42-11);
अश्विन पळणीतकर(पुणे)वि.वि.पोरस शहा(मुंबई)4-2(36-23, 38-12, 24-39, 11-33, 47-21, 45-08);
सुरज राठी(पुणे)वि.वि.शयान राझमी(मुंबई)4-3(27-41, 22-44, 49-24, 55-13, 32-22, 36-27);
अमरदीप घोडके(पुणे)वि.वि.अभिषेक बजाज(मुंबई) 4-3(09-36, 33-32, 00-39, 40-14, 21-51, 30-21, 54-09);
माधव जोशी(पुणे)वि.वि.तुषार सावदी(पुणे)4-3(35-17, 10-45, 29- 22, 08-44, 41-09, 06-48, 32-22);
साद सय्यद(पुणे)वि.वि.निलेश पळणीतकर(पुणे)4-1(36-01, 34-08, 28-24, 19-53, 40-01);
अनंत मेहता(मुंबई)वि.वि.रोहन सहानी(मुंबई)4-2(21-31, 34-20, 36-19, 31-17, 16-48, 37-05);
राजवर्धन जोशी(पुणे)वि.वि.निशाद चौघुले(पुणे)4-1(42-26, 32-19, 44-17, 20-29, 36-18);
माधव जोशी(पुणे)वि.वि.अमरदीप घोडके(पुणे)4-1(37-05, 49-15, 22-37, 42-05, 29-17);
साद सय्यद(पुणे)वि.वि.सिद्धेश मुळ्ये(चिपळूण)4-1(08-47, 53-06, 61(49)-09, 38-21, 35-23);
अजिंक्य येलवे(मुंबई)वि.वि.अनंत मेहता(मुंबई) 4-3(17-39, 39-09, 19-31, 34-15, 22-30, 28-18, 36-33);

पुणे :- बालकामगार मुक्तीच्या अभियानास समाजातील प्रत्येक घटकाने मदत केली तर बालकामगार प्रथा समूळ नष्ट होण्यास वेळ लागणार नाही. आजची ही लहान मुले उद्याच्या भारताचे भविष्य आहेत. उज्ज्वल भारताच्या भविष्यासाठी या मुलांना शिक्षण देऊन मुख्य प्रवाहात आणणे गरजेचे असल्याचे प्रतिपादन जिल्हाधिकारी नवल किशोर राम यांनी आज येथे केले.

            बाल कामगार प्रथेचे समूळ उच्चाटन करण्याच्या उद्देशाने समाजाच्या विविध घटकामध्ये या प्रथेविषयी जनजागृती करण्यासाठी 7 नोव्हेंबर 2019 ते 7 डिसेंबर 2019 या कालावधीत जिल्हयात जनजागृती अभियान राबविण्यात येत आहे. या अभियानाचा शुभारंभ जिल्हाधिकारी राम यांच्या उपस्थितीत झाला, त्यावेळी ते बोलत होते. यावेळी अपर जिल्हाधिकारी साहेबराव गायकवाड, निवासी उपजिल्हाधिकारी डॉ. जयश्री कटारे, कामगार उप आयुक्त विकास पनवेलकर, सहायक कामगार आयुक्त चेतन जगताप, सहायक कामगार आयुक्त अजित खरात, कामगार अधिकारी डी. डी. पवार, कामगार अधिकारी एस.एच. चोभे आदी उपस्थित होते.

           जिल्हाधिकारी राम म्हणाले, बालकामगार प्रथा बंद झाली पाहिजे. बालकांचे हरविलेले बालपण त्यांना मिळवून दिले पाहिजे. केवळ चरितार्थ चालत नाही म्हणून बालवयात कामगार म्हणून काम करणाऱ्या मुलांना त्यांचे हरविलेले बालपण परत मिळवून देण्यासाठी आता सर्वांनी पुढाकार घेतला पाहिजे. घरकाम, विटभट्टीवर, बांधकाम, हॉटेल, कचरा/भंगार वेचणे अशा अनेक उद्योगात ही मुले काम करतात. अशा मुलांना शिक्षणाच्या प्रवाहात आणून त्यांचे पुनर्वसन करणे गरजेचे आहे. बालकामगारांचे पुनर्वसन करण्यासाठी शासनामार्फत अनेक उपक्रम राबविले जात आहेत. बालकामगारांच्या या मोहीमेत स्वयंसेवी संस्थांचा सहभाग महत्त्वाचा ठरणार आहे.

     बालकामगारांना शाळेची विशेष गोडी लागावी यासाठी वेगवेगळे उपक्रम राबविले जात असल्याचे सांगून जिल्हाधिकारी राम म्हणाले, बालकामगार शिक्षणापासून वंचित असतात. बालकामगारांवर याबाबतीतील संस्कार करुन, शिकण्याची गोडी लावून त्यांना शिक्षणाच्या प्रवाहात आणण्यासाठी प्रयत्न केले जातात.

बालकामगार मुक्तीच्या अभियानास समाजातील प्रत्येक घटकाने मदत केली तर बालकामगार प्रथा समूळ नष्ट होण्यास वेळ लागणार नाही असा विश्वासही राम यांनी व्यक्त केला.

प्रास्ताविक करताना उप आयुक्त विकास पनवेलकर म्हणाले, या अभियानामध्ये विविध संस्थाचालक, मालक यांच्या बैठका घेवून बाल व किशोरवयीन कामगार अधिनियम,1986 ची माहिती देणे, तसेच यावर चर्चासत्रे आयोजित करून आस्थापना मालक, चालक यांचेकडून बाल कामगार कामावर न ठेवणेबाबत हमीपत्र लिहून घेणे, दुकाने तसेच आस्थापनेमध्ये बालकामगार कामावर न ठेवणेबाबतचे स्टीकर दर्शनी भागात प्रदर्शित करणे, स्वयंसेवी संस्था, अंगणवाडी सेविका, आशा सेविका यांचे सहकार्याने अत्यल्प उत्पन्न असणा–या पालकांचे प्रबोधन करणे, पत्रके वाटणे, वस्तीमधील लोकांना बाल कामगार निर्मूलन कार्यक्रमात सामावून घेणे, विविध प्रसार माध्यमातून बालकामगार प्रथेविरूध्द जनजागृती करणे, पथनाट्य प्रचार फेरी इत्यादी माध्यमातून जनजागृती करणे तसेच रेल्वे स्टेशन, बसस्थानक परिसरामध्ये बाल कामगार प्रथा विरोधी स्वाक्षरी मोहिम राबविणे इत्यादी उपक्रम राबविण्यात येणार असल्याचे त्यांनी सांगितले. बालकामागार जागृती संदर्भातील पोस्टर्सचे यावेळी प्रकाशन करण्यात आले. यावेळी कामगार विभागाचे अधिकारी, कर्मचारी व स्वंयसेवी संस्थाचे प्रतिनिधी उपस्थित होते.