मुंबई – महाराष्ट्रात सत्ता स्थापनेच्या हालचाली सुरू असताना वर्षा बंगल्यावर भाजप कोअर टीमची दुसरी बैठकही संपली. या बैठकीनंतर भाजपची नेते मंडळी थेट राजभवनावर रवाना झाले. संध्याकाळी 4 वाजता सुरू झालेल्या बैठकीत भाजपचे राष्ट्रीय नेते भूपेंद्र यादव यांचीही उपस्थिती होती. तसेच भाजपचे राष्ट्रीय अध्यक्ष अमित शहा यांनी व्हिडिओ काँफ्रन्सिंगच्या माध्यमातून सर्वांचे मार्गदर्शन केले. या बैठकीत काळजीवाहू मुख्यमंत्री देवेंद्र फडणवीस,भाजप प्रदेशाध्यक्ष चंद्रकांत पाटील, सुधीर मुनगंटीवार, गिरीश महाजन आणि भूपेंद्र यादव यांच्यासह पंकजा मुंडे यांनी देखील उपस्थिती नोंदवली. राज्यपालांची भेट घेतल्यानंतर भाजपचे नेते माध्यमांशी संवाद साधणार आहेत.

पुणे- पीवायसी हिंदू जिमखाना यांच्या वतीने आयोजित पीवायसी हिंदू जिमखाना यांच्या तर्फे दुसऱ्या पीवायसी गोल्डफिल्ड राजू  भालेकर करंडक निमंत्रित १९ वर्षाखालील क्रिकेट स्पर्धेत पीवायसी हिंदू जिमखाना डेक्कन जिमखानाविरुद्धच्या अनिर्णित सामन्यात पहिल्या डावाच्या अधिक्यावर पाच गुणांची कमाई केली.

डेक्कन जिमखाना क्लबच्या क्रिकेट मैदानावर झालेल्या या दोन दिवसीय लढतीत काल डेक्कन जिमखाना संघाने प्रथम फलंदाजी करताना 81.4षटकात 229धावा केल्या. याच्या उत्तरात पीवायसी हिंदू जिमखाना संघाने कालच्या 1बाद 28धावावरून डावास सुरुवात केली. पीवायसी संघाने 85षटकात 5बाद 294 धावा केल्या. यात श्रेयश वालेकरने 118 चेंडूत 10चौकारांसह 70धावा, तर आदर्श बोथराने 134 चेंडूत 17चौकार व 1षटकारांसह 92धावा करून संघाला चांगली सुरुवात करून दिली. श्रेयश वालेकर व आदर्श बोथरा यांनी दुसऱ्या गड्यासाठी 218चेंडूत 137धावांची भागीदारी केली. हे दोघेही बाद झाल्यानंतर अखिलेश गवळी 57धावा व आदित्य लोंढे 52 धावा यांनी चौथ्या गडयासाठी 150 चेंडूत  85धावांची भागीदारी करून संघाला 65 धावांची पहिल्या डावात आघाडी मिळवून दिली. डेक्कन जिमखानाकडून यश बोरामनीने 48धावात 4 गडी बाद केले. पीवायसी हिंदू जिमखाना संघाला 5गुण, तर डेक्कन जिमखाना संघाला 3 गुण देण्यात आले. पीवायसी संघाने 3 सामन्यात 18 गुणांची कमाई केली आहे.

स्पर्धेचा सविस्तर निकाल: साखळी फेरी:
पहिला डाव: डेक्कन जिमखाना: 81.4षटकात सर्वबाद 229धावा(यश बांबोळी 74(124, 6×4, ), आर्यन बांगले 44(159, 4×4), यश बोरामनी 39(71), निकुंज बोबरा 16, अथर्व वाणवे 12, श्रेयश जीवने 12, अक्षय खोपडे 9, आर्य जाधव 20.4-51-6, आदर्श बोथरा  15-28-2, साहिल चुरी 12-40-1) वि.पीवायसी हिंदू जिमखाना: 85षटकात 5बाद 294धावा(श्रेयश वालेकर 70(118), आदर्श बोथरा 92(134), अखिलेश गवळी  57(100), आदित्य लोंढे 52(94), साहिल मदन नाबाद 13, यश बोरामनी 21-48-4, कुणाल वाळुंज 10-25-1): पहिल्या डावात पीवायसी संघाकडे 65धावांची आघाडी;सामनावीर आदर्श बोथरा.

लीग क्रिकेट स्पर्धेतून मिळणारा निधी सामाजिक संस्थांना देणार; संयोजकांची पत्रकार परिषदेत माहिती

पुणे : देशभरात विखुरलेला सिंधी समाज एकत्रित यावा, तंदुरुस्तीचे महत्व पटवून द्यावे, तसेच मोबाईल-इंटरनेटच्या जाळ्यात न अडकता मैदानावरील खेळण्याला प्राधान्य द्यावे यासाठी आयोजित केली जाणारी सिंधी प्रीमियर लीग क्रिकेट स्पर्धा यंदा २ डिसेंबर ते १८ डिसेंबर २०१९ या कालावधीत पिंपरी येथे रंगणार आहे. पिंपरी येथील एमसीसी, मृणाल क्रिकेट ग्राउंडवर या क्रिकेट स्पर्धा आयोजिल्या असून, त्याचे सिंधी प्रीमिअर लीग फेसबुक पेजवरून थेट प्रक्षेपण होणार आहे. स्पर्धेतून मिळालेला निधी सामाजउपयोगी आणि विधायक कामासाठी देण्यात येणार असल्याची माहिती कन्वल खियानी, हितेश दादलानी यांनी पत्रकार परिषदेत दिली. यावेळी कमल जेठानी, अंकुश मुलचंदानी, नरेश नशा, करण अस्वाणी, अवि तेजवानी, अवि इसरानी, रवी दर्यानी आदी उपस्थित होते.

हितेश दादलानी म्हणाले, “पिंपरी चिंचवडमधील विविध क्षेत्रातील उदयोजक तरुणांनी एकत्र येऊन या क्रिकेट लीगचे आयोजन केले आहे. सिंधी प्रीमियर लीग सीजन २ चे उद्घाटन २ डिसेंबर रोजी होणार आहे. माजी रणजी क्रिकेटपटू कैलास घटानी, उद्योजक राजेश उत्तमचंदानी आणि रोहीत गेरा यांना उद्घाटन सोहळ्यासाठी निमंत्रित करण्यात आले आहे. खेळाडू, संघ मालक आणि विविध मान्यवरांची उपस्थिती असणार आहे. या लीगच्या माध्यमातून तरुणांनाना इंटरनेटच्या जाळ्यातून बाहेर पडता यावे, लोकांना भेटावे, एकत्र खेळावे असा उद्देश समोर ठेऊन स्पर्धेचे आयोजन केले आहे. ही स्पर्धा देशातील सर्व सिंधी समाजपर्यंत पोहचवायची आहे. एक दिवस जगभरातील सर्व सिंधी समुदायांना आपापल्या शहरांमध्येही अशी स्पर्धा आयोजित करता यावी, हा यामागचा उद्देश आहे. ‘सिंधी फक्त व्यवसायापुरतेच आहेत’ हा समज खोडून काढावा यासाठीही आम्ही स्पर्धेच्या माध्यमातून प्रयत्न करत आहोत.”

कन्वल खियानी म्हणाले, “गेल्या वर्षी पार पडलेल्या स्पर्धेस मोठ्या प्रमाणात खेळाडूंकडून प्रतिसाद मिळाला होता. फेसबुकवर जवळपास ५१ हजार लोकांनी ही स्पर्धा पहिली. त्यामुळे यंदा होत आलेल्या लीगसाठी व्यापक स्वरूप प्राप्त झाले असून, पुणे आणि लगतच्या भागातून मोठ्या प्रमाणात खेळाडू आणि प्रेक्षकांचा उत्साह पाहायला मिळत आहे. आयपीएलच्या धर्तीवर या स्पर्धेची रचना करण्यात आली आहे. स्पर्धेच्या उद्घाटनादिवशी प्रत्येक खेळाडूने आपल्या सात वर्षांखालील मुलांना बरोबर घेऊन येणे बंधनकारक करण्यात आले आहे, जेणेकरून संपूर्ण कुटुंब या स्पर्धेत सहभागी होईल. त्यातून याला क्रीडा महोत्सवाचे स्वरूप प्राप्त होणार आहे. आपली संस्कृती साजरी करणे आणि त्याचा प्रसार करणे हेही यामुळे साध्य होणार आहे. त्यातून सामाजिक संस्थांच्या माध्यमातून वंचितांच्या शिक्षणासाठी, विकासासाठी काम करणाऱ्या संस्थांना अर्थसहाय्य केले जाणार आहे. तीन सामाजिक संस्थांना प्रत्येकी ५१ हजार रुपये देणगी दिली जाणार आहे.”

या स्पर्धेतील प्रत्येक संघाचे नाव सिंधी समाजाशी आणि संस्कृतीशी निगडित आहे. त्यामध्ये मस्त कलंदर (गीता बिल्डर्स, मयूर तिलवानी), सुलतान ऑफ सिंध (आशुतोष चंदीरमणि, चंदीरमणि असोसिएट्स), मोहेंजोदरो वॉरियर्स (मिलेनियम सेमीकंडक्टर, हरीश अभिचंदानी), सिंधफूल रेंजर्स (अनूप झमटानी, झमटानी ग्रुप), एसएसडी फाल्कन (विकी सुखवानी, सुखवानी लाइफस्पेस), इंडस डायनामॉस (सुमित बोदानी, शगुन टेक्सटाईल), दादा वासवानीज ब्रिगेड (अनिल अस्वाणी, अस्वाणी प्रमोटर अँड बिल्डर), झुलेलाल सुपरकिंग्ज (पियुष जेठानी, जेठानी ग्रुप), हेमू कलानी ग्लॅडिएटर्स (बिपिन डाखनेजा, ट्रिओ ग्रुप), गुरुनानक नाइट्स (प्रकाश रामनानी, पीव्हीआर टाईल्स वर्ल्ड), संत कंवरम रॉयल्स (राहुल लाडकानी, व्हीआरए रोहित सेल्स), आर्यन युनायटेड (राजीव मोटवानी, रोहित इन्फ्रा) अशी या संघांची नावे आहेत. स्पर्धेत १२ संघ असून १५१ खेळाडूची नोंदणी झालेली आहे. संघ विकत घेतलेल्या मालकांकडून २५ लाख आभासी (व्हर्च्युअल) चलनातून १५१ खेळाडूंचा लिलाव करण्यात आला.

सुखवानी लाईफ स्पेसेस , बालाजी होम्स (चंडीरामणी असोसिएट्स), नुरिया होमेटेल हॉस्पिटॅलिटी (सागर व निखिल सुखवानी), रवि बजाज आणि रोहित तेजवानी, झिरो ग्रॅव्हिटी बार अँड किचन (ऋषी तेजवानी), उत्तम केटरर्स (नवजीत कोचर), बॉम्बे सॅन्डविच (मनीष मनसुखानी), विशाल प्रॉपर्टीज (विशाल तेजवानी) अँड सुखवानी बिल्डर्स (सुरेश सुखवानी), ट्रिनिटी ग्रीन्स (हितेश जेठानी, सागर मुलचंदानी), राजनीता इव्हेंट्स (निखिल अहुजा),  क्लासिक कलेक्शन (नीरज चावला) यांचे या स्पर्धंसाठी सहकार्य लाभले आहे.