या हंगामातील सर्व २३ सामने स्टार स्पोर्ट्स खेल आणि स्टार स्पोर्ट्स २ तमिळवर प्रसारित केल्या जातील आणि जिओहॉटस्टारवर थेट प्रक्षेपित केल्या जातील.

अहमदाबाद: पीबीजी पुणे जॅग्वार्सने इंडियनऑइल यूटीटी सीझन ६ च्या लढतीत कोलकाता थंडरब्लेड्सचा १०-५ असा पराभव केला. यूटीटीच्या सर्व सामन्यांचे थेट प्रक्षेपण स्टार स्पोर्ट्स खेल आणि स्टार स्पोर्ट्स २ तमिळवर प्रसारित केले जातील आणि देशभरातील चाहत्यांसाठी जिओहॉटस्टारवर थेट प्रक्षेपित केले जातील.

टेबल टेनिस फेडरेशन ऑफ इंडिया (टीटीएफआय) च्या नेतृत्वाखाली आयोजित आणि निरज बजाज व विटा दानी यांनी प्रमोट केलेले, इंडियनऑइल यूटीटी एक प्रमुख व्यावसायिक लीग म्हणून वाढत आहे. १६ दिवसांत, सर्व २३ सामने अहमदाबादच्या EKA Arena येथे होतील आणि तिकिटे फक्त बुकमायशोवर उपलब्ध असतील.

अल्वारो रोबल्सने आंतरराष्ट्रीय हेवीवेट्स आणि इंडियनऑइल यूटीटीच्या दिग्गज खेळाडूंमधील एका रोमांचक लढतीत क्वाद्री अरुणाला हरवून पीबीजी पुणे जॅग्वार्सला आदर्श सुरुवात करून दिली. त्याने तीनही गेम गोल्डन पॉइंट्सवर जिंकून हंगामातील त्याचा पहिला एकेरी विजय मिळवला. एकाच इंडियनऑइल यूटीटी मोहिमेत दोनदा असा दुर्मिळ पराक्रम पहिल्यांदाच घडला. त्यानंतर दिना मेश्रेफने अॅड्रियाना डियाझवर २-१ असा जोरदार विजय मिळवला आणि तिचा पहिल्या लीग विजयाची नोंद केली. अनिर्बान घोषसोबत जोडीने मिश्र दुहेरीत २-१ असा विजय मिळवून पुण्याला सामन्यावर लवकर नियंत्रण मिळवून दिले.

कोलकाता थंडरब्लेड्सने युवा स्टार अंकुर भट्टाचार्जीच्या सहाय्याने प्रत्युत्तर दिले, ज्याने दुसऱ्या पुरुष एकेरीत अनिर्बानला पराभूत केले. अनिर्बनने अंतिम गेम जिंकून अंकुरला पूर्ण स्वीप देण्यापासून रोखले. हा एक महत्त्वाचा गुण होता ज्यामुळे पुणे पुढे राहिले आणि कोलकाताला बरोबरी साधण्यापासून रोखले. त्यानंतर रीथ रिश्याने सेलेना सेल्वाकुमारला ३-० असे हरवून बरोबरी साधली.

अंतिम स्कोअर

पीबीजी पुणे जॅग्वार्स वि. वि. १०-५ कोलकाता थंडरब्लेड्स

अल्वारो रोबल्स वि. वि. क्वाद्री अरुणा २-१ ( १०-११, ११-१०, ११-१०)

दिना मेश्रीफ वि. वि. ॲड्रियाना डायझ २-१ (११-८, १-११, ११-१०)

अनिर्बन घोष/दीना मेश्रेफ वि. वि. अंकुर भट्टाचार्जी/एड्रियाना डायझ २-१ ( ११-९, ११-९ , ७-११)

अनिर्बन घोष पराभूत वि. अंकुर भट्टाचार्जी १-२ ( ८-११, ७-११, ११-८ )

रीठ रिश्या वि. वि. सेलेना सेल्वाकुमार ३-० (११-९, ११-८, ११-८)

अल्टिमेट टेबल टेनिस (UTT) बद्दल

२०१७ मध्ये अल्टिमेट टेबल टेनिस (UTT) ही भारतातील प्रमुख फ्रँचायझी-आधारित टेबल टेनिस लीग सुरू झाली. ही लीग नीरज बजाज आणि विटा दानी यांनी टेबल टेनिस फेडरेशन ऑफ इंडिया (TTFI) च्या संयुक्त विद्यमाने प्रमोट केली आहे. आज, UTT ही आठ संघांची स्पर्धा आहे ज्यामध्ये ४८ जागतिक दर्जाचे खेळाडू प्रतिष्ठित जेतेपदासाठी लढत आहेत. ही लीग भारत आणि जगभरातील अव्वल खेळाडू आणि प्रशिक्षकांना आकर्षित करत आहे. या खेळाडूंमध्ये ऑलिंपिक, आशियाई आणि राष्ट्रकुल खेळातील पदक विजेते आहेत. UTT राष्ट्रीय रँकिंग स्पर्धा, टेबल टेनिस सुपर लीग प्रायोजित करून आणि देशातील WTT स्पर्धांचे सह-आयोजित करून देखील या खेळाला प्रोत्साहन देते. प्रत्येक आवृत्तीसह, UTT जागतिक टेबल टेनिसमधील प्रमुख स्पर्धा म्हणून आपले स्थान मजबूत करत आहे, खेळाची प्रतिष्ठा उंचावत आहे आणि भावी पिढ्यांना प्रेरणा देत आहे.

सोलापूर शहर पोलिसांना नीलम गोऱ्हे यांचे निर्देश

सोलापूर जिल्ह्यातील चिंचोली एमआयडीसी तालुका मोहोळ येथे राहणाऱ्या २६ वर्षीय आशाराणी भोसले यांनी दिनांक ३ जून २०२५ रोजी गळफास घेऊन आत्महत्या केल्याची घटना घडली. त्याच दरम्यान एका अल्पवयीन मुलीला तिच्या रंगावरून वडिलांनी सातत्याने बोलल्यामुळे तिने आत्महत्या केल्याची घटना घडली.तसेच संत ज्ञानेश्वर महाराज आणि संत तुकाराम महाराज यांच्या पालखी सोहळयाच्या पार्श्वभूमीवर शिवसेना नेत्या आणि उपसभापती डॉ.नीलम ताई गोऱ्हे या सोलापूर जिल्ह्याच्या दौर्‍यावर असताना त्यांनी सोलापूर जिल्हाधिकारी श्री कुमार आशिर्वाद, सोलापूर पोलीस अधीक्षक अतुल कुलकर्णी, जिल्हा परिषद कार्यकारी अधिकारी श्री.जंगम, सोलापूर महानगरपालिका आयुक्त सचिन ओंबासे,जिल्हा परिषदेचे उपमुख्य कार्यकारी अधिकारी स्मिता पाटील,सोलापूर महानगरपालिका अतिरिक्त आयुक्त रवी पवार या सर्व अधिकाऱ्यासोबत नीलम गोऱ्हे यांनी बैठक घेतली.

या बैठकीनंतर नीलम गोऱ्हे म्हणाल्या की,आशाराणी भोसले यांच्यावर होणार्‍या अत्याचाराबाबत त्यांनी सुरुवातीच्या काळात पोलिसांकडे तक्रार केली.त्यावेळी पोलिसांनी तडजोड केली.त्याच दरम्यान त्या महिलेचा छळ झाला आणि तिला आत्महत्येचे पाऊल उचलावे लागल,त्यामुळे आशाराणीच्या छळाकडे दुर्लक्ष करणाऱ्या त्या पोलिसांची चौकशी करा,असे निर्देश ग्रामीण पोलिसांना दिल्याचे त्यांनी सांगितले.
तसेच त्या पुढे म्हणाल्या की,सोलापूर शहर आणि ग्रामीण भागातील तरुणी,महिला वरील अन्याय अत्याचाराच्या घटना रोखण्यासाठी भरोसा सेल, दक्षता समितीच्या माध्यमांतून वेळोवेळी महिलांशी संवाद साधण्यात यावा,जेणेकरून अशा अन्याय अत्याचाराच्या घटना सुरुवातीच्या कालावधीत समजण्यास मदत होईल.त्यातून पीडित तरुणी किंवा महिलेला न्याय देता येईल,असे निर्देश पोलिस अधिकार्‍यांना दिले आहे.
तसेच त्या पुढे म्हणाल्या की, राज्यभरातील तरुणी आणि महिलांवरील अन्याय अत्याचार रोखण्यासाठी सुरुवातीला पिडीतेने आपल्या आसपासच्या व्यक्तीला आपल्यासोबत घडणार्‍या घटनेबाबत सांगितले पाहिजे.तरच अशा घटना रोखण्यात आपल्याला यश येईल आणि महिलांच्या प्रश्नावर समाजातील प्रत्येक घटकांने सहभागी होण्याचे आवाहन त्यांनी यावेळी
संत तुकाराम महाराज आणि संत ज्ञानेश्वर महाराज यांच्या पालखी सोहळ्याच्या प्रशासनाच्या तयारी बाबत नीलम गोऱ्हे यांनी आढावा देखील घेतला.त्याबाबत बोलताना नीलम गोऱ्हे म्हणाल्या की,पंढरपूर मुख्य बस स्थानकात प्रचंड अस्वच्छता आणि कचऱ्याचे साम्राज्य असल्याची माहीती समोर आली आहे.तसेच बस स्थानक आणि आजूबाजूच्या परिसरात मोकाट जनावरांचा वावराबाबत नागरिकांना होणाऱ्या त्रासाची दखल घेऊन उपायोजना कराव्यात,त्याबाबत एस.टी विभागाचे नियंत्रक श्री अमोल गोंजारी यांना निर्देश देण्यात आले.
त्याचबरोबर नदी घाटातील पाणी वाळवंटातील खड्ड्यांमध्ये साचून होणाऱ्या संभाव्य अपघातांची शक्यता लक्षात घेऊन सदरचे खड्डे क्षेत्र प्रतिबंधित करून त्या ठिकाणी धोक्याचे फलक तातडीने लावण्याबाबत संबधीत अधिकार्‍यांना लवकर लवकर काम करण्याच्या सूचना देखील त्यांनी दिल्या.

मुंबई- मुख्यमंत्री देवेंद्र फडणवीस यांच्या नेतृत्वातील महायुती सरकारने लाडकी बहीण योजनेंतर्गत मे महिन्याचा हप्ता वितरणास सुरूवात केली आहे. राज्याच्या महिला व बालकल्याण मंत्री अदिती तटकरे यांनी स्वतः ही माहिती दिली आहे. त्यामुळे महिलांना योजनेचा 11 वा हप्ता केव्हा मिळणार? हा प्रश्न निकाली निघाला आहे.

महायुती सरकारने गतवर्षी जुलै महिन्यात विधानसभा निवडणुकीच्या तोंडावर मुख्यमंत्री माझी लाडकी बहीण योजना सुरू केली होती. तेव्हापासून आतापर्यंत महिलांना 10 हप्ते मिळालेत. पण मे महिना संपला तरी अद्याप महिलांना 11 वा हप्ता मिळाला नव्हता. पण आता हा हप्ता जमा होण्यास सुरुवात झाली आहे. लाभार्थी महिलांना तसे मेसेज मिळण्यास सुरूवात झाली आहे.राज्याच्या महिला व बालकल्याण मंत्री अदिती तटकरे यांनी बुधवारी रात्रीच एका पोस्टद्वारे मे महिन्याचा हप्ता वितरित करण्याची प्रक्रिया सुरू झाल्याचे सांगितले होते. त्या म्हणाल्या होत्या की, मुख्यमंत्री माझी लाडकी बहीण योजनेतील सर्व पात्र लाभार्थ्यांना मे महिन्याचा सन्मान निधी वितरित करण्याची तांत्रिक प्रक्रिया आजपासून सुरू करण्यात आली आहे. योजनेच्या सर्व पात्र लाभार्थ्यांच्या आधार लिंक्ड बँक खात्यात उद्यापासून हा सन्मान निधी जमा होणार आहे.

महायुती सरकारचा दृढ निश्चय, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजितदादा पवार यांचे सातत्यपूर्ण मार्गदर्शन व महाराष्ट्रातील लाडक्या बहिणींचा दृढ विश्वास या बळावर मुख्यमंत्री माझी लाडकी बहीण योजनेची दमदार वाटचाल यापुढेही अशीच सुरू राहणार हा मला विश्वास आहे, असे त्या म्हणाल्या.

अदिती तटकरे यांच्या माहितीनुसार, लाडकी बहीण योजनेचा निधी आधार कार्ड लिंक असलेल्या बँक खात्यात जमा होत आहेत. त्यामुळे एखाद्या लाभार्थी महिलेला पैसे जमा झाल्याचा मेसेज आपला नसेल तर त्यांनी बँकेत जाणून आपल्या खात्याची स्थिती जाणून घ्यावी. संबंधित बँकेचे अॅप असेल तर त्यातही त्यांना हा निधी जमा झाला किंवा नाही हे पाहता येईल. तूर्त या योजनेतील लाभार्थ्यांची संख्या लाखांत असल्यामुळे सर्वांच्या खात्यात पैसे जमा होण्यास 3-4 दिवसांचा कालावधी लागतो. त्यामुळे आज तुमच्या पैसे आले नसतील तर तुम्हाला पुढील एक-दोन दिवस वाट पहावी लागेल.

एकनाथ शिंदेंचा नाव न घेता उद्धव ठाकरेंना टोला–समृद्धी महामार्ग होऊ नये यासाठी अनेकांनी प्रयत्न केले असल्याचा आरोप उपमुख्यमंत्री एकनाथ शिंदे यांनी केला आहे. या माध्यमातून एकनाथ शिंदे यांनी नाव न घेता उद्धव ठाकरे यांना टोला लगावला आहे. समृद्धी महामार्ग हा महाराष्ट्रासाठी गेम चेंजर प्रकल्प ठरणार असल्याचे शिंदे यांनी म्हटले आहे. समृद्धी महामार्गावर अकरा लाख मोठी आणि बावीस लाख छोटी झाडे लावण्यात येणार आहे. त्यामुळे पर्यावरण पूरक हा महामार्ग असणार असल्याचे एकनाथ शिंदे यांनी म्हटले आहे. कृषी, पर्यटन आणि औद्योगिक विकासाला चालना देणारा समृद्धी महामार्ग गेम चेंजर ठरणार असल्याचे शिंदे यांनी म्हटले आहे.

नाशिक -मुख्यमंत्री देवेंद्र फडणवीस यांच्या हस्ते इगतपुरी ते ठाण्यातील आमणे पर्यंतच्या 76 किमी लांबीच्या समृद्धी महामार्गाच्या अंतिम टप्प्याचे उद्घाटन आज झाले आहे. यामुळे एका अर्थाने मागील वेळी मुख्यमंत्री असताना फडणवीस यांनी पाहिलेले स्वप्न आता पूर्ण झाले आहे. यामुळे नागपूर ते मुंबई मधील अंतर कमी झाले असून वेळेची मोठ्या प्रमाणात बचत होणार आहे.राज्याच्या पायाभूत सुविधांच्या विकास गाथेतील एक मुकुटमणी, ‘हिंदूहृदयसम्राट बाळासाहेब ठाकरे महाराष्ट्र समृद्धी महामार्गा’चा अंतिम टप्पा (इगतपुरी ते आमणे -76 किमी) सज्ज झाला आहे. मुख्यमंत्री देवेंद्र फडणवीस यांच्या हस्ते समृद्धी महामार्गावरील इगतपुरी–आमणे (76 किमी) अंतिम टप्प्याचे भव्य लोकार्पण होत आहे. या लोकर्पणानंतर संपूर्ण 701 किमी लांबीचा समृद्धी महामार्ग वाहतुकीसाठी खुला होऊन नागपूर–मुंबई प्रवास फक्त 8 तासांत पूर्ण करता येणार आहे.

फडणवीसांच्या गाडीचे स्टेअरिंग एकनाथ शिंदेंच्या हातात–मुख्यमंत्री देवेंद्र फडणवीस, उपमुख्यमंत्री अजित शिंदे आणि उपमुख्यमंत्री अजित पवार यांच्यासह प्रमुख मंत्र्यांच्या उपस्थितीत या समृद्धी महामार्गाच्या अखेरच्या टप्प्याचे लोकार्पण करण्यात आले. यानंतर या मार्गावरील बोगद्यातून या तिन्ही नेत्यांनी प्रवास केला. विशेष म्हणजे या वेळी देवेंद्र फडणवीस यांची गाडी उपमुख्यमंत्री एकनाथ शिंदे यांनी चालवली. या आधी मागील वेळी झालेल्या कार्यक्रमात एकनाथ शिंदे हे मुख्यमंत्री असताना त्यांची गाडी देवेंद्र फडणवीस यांनी चालवली होती, हे विशेष.

मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी एकाच गाडीत प्रवास केला असला तरी उपमुख्यमंत्री अजित पवार मात्र वेगळ्या गाडीतून या मार्गावरून जाताना दिसले. त्यामुळे याबाबत वेगवेगळ्या चर्चा सुरू झाल्या होत्या. सरकार म्हणून आम्ही एकत्र काम करत आहोत. एकत्र निर्णय घेतले जात आहेत. हेलिकॉप्टरमध्ये देखील या तिघांनी एकत्र प्रवास केला. राज्यातील प्रत्येक कार्यकर्त्याला आपल्या नेत्याने आपल्या गाडीत बसावे, अशी इच्छा असते. त्यानुसार अजित पवार हे वेगळ्या गाडीत बसले होते. त्यात चर्चा करण्यासाठी काहीही नसल्याचे मंत्री नरहरी झिरवाळ यांनी म्हटले आहे.

आम्ही तिघेही एकत्रित गाडी चालवत आहोत. आम्ही तिघेही उत्तम ड्रायव्हर आहोत, असे म्हणत देवेंद्र फडणवीस यांनी यावर प्रतिक्रिया दिली आहे. एकनाथ शिंदे अतिशय उत्तम ड्रायव्हर आहेत. आम्हाला एकमेकांच्या गाडीत बसायची आणि ड्रायव्हिंगची सवय असल्याचे फडणवीस यांनी म्हटले आहे. आमची गाडी अत्यंत छान चालू आहे. आम्ही तिघेही तीन शिफ्ट मध्ये गाडी चालवत असल्याचे देवेंद्र फडणवीस यांनी म्हटले आहे. आता गाडी मी चालवणार आहे. त्यामुळे आम्ही बरोबर गाडी चालवतो का? हे तुम्ही दादांना विचारा, अशी मिश्किल टिपण्णी देखील देवेंद्र फडणवीस यांनी केली आहे.

मुख्यमंत्री एकनाथ शिंदे आणि मुख्यमंत्री देवेंद्र फडणवीस यांनी यावेळी ड्रायव्हिंग केले. यावर पत्रकारांनी अजित पवार यांची प्रतिक्रिया विचारली असता त्यांनी एका शब्दात ‘गार गार वाटतय’ असे उत्तर दिले. अजित पवार यांच्या या मिश्किल टिपण्णी मुळे सर्वांमध्ये हशा पिकला होता. मात्र महायुतीमधील नेते एकत्रित समृद्धी महामार्ग वरील प्रवासाचा आनंद लुटताना दिसले.

देशातील सर्वात अत्याधुनिक महामार्ग

समृद्धी महामार्गाचा इगतपुरी ते आमणे हा शेवटचा ७६ किमी लांबीचा मार्ग आहे. या मार्गावर वाहने धावू लागल्यावर इगतपुरी ते कसारा घाट अवघ्या ८ मिनिटात पार करता येणार आहे. याआधी मुंबईहून नाशिकला जाताना पुर्वी ४ तासापेक्षा अधिक वेळ लागत होता. तो समृद्धी महामार्गामुळे आता २ तास ३० मिनिटे इतका वेळ कमी झाला आहे. समृद्धी ६ पदरी, १२० मीटर रुंदीचा आणि ७०१ किलोमीटर लांबीचा असुन देशातील सर्वात अत्याधुनिक महामार्ग आहे, असे म्हटले जाते.

६५ उड्डाणपूल, ६ बोगदे
समृद्धी महामार्ग १५० किमी प्रतितास गतीने प्रवासासाठी डिझाइन करण्यात आला आहे. या महामार्गावर ६५ उड्डाणपूल, २४ इंटरचेंज, कसारा घाटात ६ बोगदे आणि अनेक वाहन तसेच पादचारी अंडरपास आहेत. इगतपुरी ते मुंबई दरम्यान कसारा घाटा जवळ ८ किलोमीटर लांब जुळ्या बोगद्यांपैकी एक बनवण्यात आला आहे, जो अत्याधुनिक जर्मन तंत्रज्ञानावर आधारित फुल वॉटर मिस्ट सिस्टिमने सुसज्ज आहे.