मुंबई, दि. २४: कोरोनामुळे सुरू असलेल्या लॉकडाऊनमुळे असंघटित क्षेत्रातील अनेक मजूर राज्यातील काही भागात अडकले आहेत. सुमारे ९४४ निवारागृहांमध्ये हे मजूर राहत असून त्यांना प्रशासनामार्फत विविध सोयीसुविधा पुरविल्या जात आहेत. याच जोडीला त्यांना जिल्हा मानसिक आरोग्य कार्यक्रमाद्वारे मानसिक समुपदेशन करण्याचे काम आरोग्य विभागामार्फत सुरू आहे. आतापर्यंत राज्यातील ४७ हजार स्थलांतरित मजुरांना या सेवेचा लाभ मिळाला आहे. त्याचबरोबर ज्यांना संस्थात्मक क्वारंटाईन करण्यात आले आहे त्यांचेही समुपदेशन केले जात आहे.

मुंबई, दि. २४ : कोरोना उपचारासाठी महाराष्ट्रात पूल टेस्टींग आणि प्लाझ्मा थेरपी उपचाराला केंद्रीय आरोग्यमंत्र्याकडून आज मान्यता मिळाली, अशी माहिती राज्याचे आरोग्यमंत्री राजेश टोपे यांनी आज दिली.

मुंबई. महाराष्ट्र विधानसभेतील विरोधी पक्ष नेते देवेंद्र फडणवीस ह्यांनी भारतीय जनता पार्टीच्या कोव्हिड हेल्पलाईनची सुरुवात केली. माजी मुख्यमंत्र्यांचे सरकारी निवास स्थान सागर बंगलो येथे मुंबई भाजपा अध्यक्ष मंगल प्रभात लोढ़ा ह्यांच्या उपस्थितीमध्ये कोरोना संकटाचा सामना करणा–यांच्या सोयीसाठी सुरू केलेल्या मलबार हिल क्षेत्राशी निगडीत ह्या कोव्हिड हेल्पलाईनप्रमाणेच मुंबईच्या सर्व विधानसभा क्षेत्रांमध्ये भाजपा कोव्हिड हेल्पलाईन सुरू करणार आहे.

माजी मुख्यमंत्री फडणवीस ह्यांच्याद्वारे सुरू करण्यात आलेल्या ह्या हेल्पलाईनमुळे लोकांना कोरोना संकटाच्या ह्या अतिशय गंभीर परिस्थितीमध्ये मदत मिळेल. महानगरपालिकेद्वारे अधिकृत केलेले कोव्हिड डॉक्टर, क्वारंटाईन सेंटर्स, कोव्हिडसाठी आरक्षित रुग्णालये, बिगर कोव्हिड रुग्णालय, बिगर कोव्हिड सामान्य क्लिनिक, पोलिस स्थानक, रेशन दुकान, मंत्रालय नियंत्रण कक्ष, वार्ड कंट्रोल रूम, आरोग्य अधिकारी व रुग्णवाहिकेशी संबंधित मदत, सुविधा व सेवांच्या संदर्भात आवश्यक माहिती ह्या हेल्पलाईनद्वारे घेता येऊ शकते. मलबार हिलशी संबंधित हेल्पलाईन क्रमांक 7021584358 आणि 8879774368 वर स्थानिक लोक आपल्या भागातील कोरोना संकटाच्या परिस्थितीमध्ये सहाय्य, सुविधा व सेवा प्राप्त करू शकतात. हेल्पलाईन सुरू होण्याच्या प्रसंगी दक्षिण मुंबई जिल्हा अध्यक्ष शरद चिंतनकर व मलबार हिल भाजपाचे अध्यक्ष विनय अंतरकरसुद्धा उपस्थित होते. विरोधी पक्ष नेते फडणवीस ह्यांनी ह्या प्रसंगी म्हंटले की, कोरोना संकटाच्या काळात ही अतिशय उपयोगी हेल्पलाईन ठरेल व त्याद्वारे सामान्य व्यक्तींना कोरोना संकटामध्ये आपल्या आवश्यक सुविधा प्राप्त करण्यासाठी सहजपणे संपर्क करता येईल. त्यांनी असेही म्हंटले की, अशा प्रकारची हेल्पलाईन मुंबईतील प्रत्येक भागासाठी बनवली जावी ज्यामुळे सामान्य जनतेला आपल्या गरजेच्या वेळी संपर्क करताना कोणतीही अडचण येणार नाही. मुंबई भाजपाचे अध्यक्ष मंगल प्रभात लोढ़ा ह्यांनी फडणवीसांच्या विधानाला दिला व लवकरच मुंबईतील सर्व विधानसभा क्षेत्रांमध्ये अशी हेल्पलाईन सुरू केली जाईल, असे सांगितले.

मुंबई, दि. २३ – राज्यात सुरु असलेल्या लॉकडाऊनमधून ज्येष्ठ नागरिकांची काळजी घेणारे कर्मचारी व काळजीवाहक, पिठाची गिरणी, मुंबई, पुणे व पिंपरी चिंचवड या महानगरपालिका आयुक्तांनी मंजुरी दिलेल्या मेट्रो रेल्वेची कामे व इतर मान्सूनपूर्व कामांना सूट देण्याचा आदेश राज्य शासनाने आज काढला आहे.

राज्य शासनाने आज जारी केलेल्या आदेशात काही सेवांना सूट देण्यात आली आहे. त्यामध्ये पॅक हाऊस, बियाणे व फलोत्पादनाच्या तपासणी व उपचार सुविधांची आयात निर्यात, शेती व बागायतीशी संबंधित संशोधन संस्था, वृक्ष लागवड व मधमाशी वसाहती, मध व त्यासंबंधीच्या उत्पादनांची राज्याअंतर्गत व आंतरराज्यीय वाहतूक, ब्रेड फॅक्टरी, दूध प्रक्रिया प्रकल्प, डाळ मिल, पंख्यांची दुकाने यांचा समावेश आहे. त्याशिवाय वन विभागाच्या कार्यालयासह वनीकरण, वृक्षारोपण व त्यासंबंधित कामांनाही लॉकडाऊनमधून वगळण्यात आले आहे. तसेच केंद्र शासनाने ठरवून दिलेल्या मानकानुसार (एसओपी) भारतीय बंदरांमधील समुद्री जहाजांना आवक-जावक व त्यांच्या हालचालींना परवानगी देण्यात आली आहे.

लॉकडाऊनमधून सूट दिली असली तरी ही कामे करताना शासनाने घोषित केलेले नियम, सामाजिक अंतर व स्वच्छता यांची काळजी संबंधित आस्थापनांनी घ्यावी, असेही या आदेशात म्हटले आहे.

मुंबई, दि. २३ : आज राज्यात कोरोनाबाधीत ७७८ नवीन रुग्णांची नोंद झाली. यामुळे एकूण रुग्ण संख्या ६४२७ झाली आहे. आज ५१ रुग्णांना घरी सोडण्यात आले असून आतापर्यंत राज्यभरात ८४० रुग्ण बरे झाले आहेत. तर एकूण ५३०४ रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.
आजपर्यंत पाठविण्यात आलेल्या ९६ हजार ३६९ नमुन्यांपैकी ८९ हजार ५६१ जणांचे प्रयोगशाळा नमुने करोना करता निगेटिव्ह आले आहेत तर ६४२७ जण पॉझिटिव्ह आले आहेत. सध्या राज्यात १ लाख १४ हजार ३९८ लोक होम क्वारंटाईनमध्ये असून ८७०२ लोक संस्थात्मक क्वारंटाईनमध्ये आहेत.
आज राज्यात १४ करोना बाधित रुग्णांचा मृत्यू झाला आहे. कोरोनामुळे राज्यात झालेल्या मृत्यूंची संख्या आता २८३ झाली आहे. आज झालेल्या मृत्यूपैकी मुंबई येथील ६, पुणे येथील ५, नवी मुंबई येथे १, नंदूरबार येथे १ आणि धुळे मनपा येथे एका रुग्णाचा मृत्यू झाला आहे. त्यात ८ पुरुष तर ६ महिला आहेत. आज झालेल्या १४ मृत्यूपैकी ६० वर्षे किंवा त्यावरील २ रुग्ण आहेत तर ९ रुग्ण हे वय वर्षे ४० ते ५९ या वयोगटातील आहेत तर ३ रुग्ण ४० वर्षांखालील आहे. दोन रुग्णांबाबत इतर आजाराची माहिती अद्याप मिळू शकली नाही उर्वरित १२ मृत्यूंपैकी ७ रुग्णांमध्ये ( ५८ टक्के) मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत.
*राज्यातील जिल्हा आणि मनपानिहाय रुग्णांचा आतापर्यंतचा तपशील: (कंसात मृत्यूंची आकडेवारी)*
मुंबई महानगरपालिका: ४२०५ (१६७)
ठाणे: ३४ (२)
ठाणे मनपा: २१४ (४)
नवी मुंबई मनपा: ९७ (४)
कल्याण डोंबिवली मनपा: १२४ (३)
उल्हासनगर मनपा: २
भिवंडी निजामपूर मनपा: ८
मीरा भाईंदर मनपा: ११६ (२)
पालघर: २१ (१)
वसई विरार मनपा: १०९ (३)
रायगड: १४
पनवेल मनपा: ३६ (१)
*ठाणे मंडळ एकूण: ४९८० (१८७)*
नाशिक: ४
नाशिक मनपा: ७
मालेगाव मनपा: १०९ (९)
अहमदनगर: २४ (२)
अहमदनगर मनपा: ८
धुळे: ४ (१)
धुळे मनपा: १३ (१)
जळगाव: ६ (१)
जळगाव मनपा: २ (१)
नंदूरबार: ७ (१)
*नाशिक मंडळ एकूण: १८४ (१६)*
पुणे: ४१ (१)
पुणे मनपा: ८१२ (५९)
पिंपरी चिंचवड मनपा: ५७ (२)
सोलापूर: १
सोलापूर मनपा: ३२ (३)
सातारा: २० (२)
*पुणे मंडळ एकूण: ९६३ (६७)*
कोल्हापूर: ६
कोल्हापूर मनपा: ३
सांगली: २५
सांगली मिरज कुपवाड मनपा:१ (१)
सिंधुदुर्ग: १
रत्नागिरी: ७ (१)
*कोल्हापूर मंडळ एकूण: ४३ (२)*
औरंगाबाद:०
औरंगाबाद मनपा: ४० (५)
जालना: ३
हिंगोली: ७
परभणी: ०
परभणी मनपा: १
*औरंगाबाद मंडळ एकूण: ५१(५)*
लातूर: ८
लातूर मनपा: ०
उस्मानाबाद: ३
बीड: १
नांदेड: ०
नांदेड मनपा: १
*लातूर मंडळ एकूण: १३*
अकोला: ११ (१)
अकोला मनपा: ९
अमरावती: ०
अमरावती मनपा: ७ (१)
यवतमाळ: १७
बुलढाणा: २४ (१)
वाशिम: १
*अकोला मंडळ एकूण: ६९ (३)*
नागपूर: २
नागपूर मनपा: ९८ (१)
वर्धा: ०
भंडारा: ०
गोंदिया: १
चंद्रपूर: ०
चंद्रपूर मनपा: २
गडचिरोली: ०
*नागपूर मंडळ एकूण: १०३ (१)*
*इतर राज्ये: २१ (२)*
*एकूण: ६४२७ (२८३)*

*( टीप – या तक्त्यातील रुग्ण संख्या रुग्णाने दिलेल्या पत्यानुसार आहे. काही रुग्णांचे प्रत्यक्ष वास्तव्य वेगळीकडे असू शकते. जिल्हा / मनपांनी उपलब्ध करुन दिलेल्या पत्त्यानुसार रुग्णसंख्येत बदल झालेला आहे. चंद्रपूर मनपातील रुग्ण हे परदेशात संसर्गग्रस्त झालेले आहेत. *मुंबई मनपाच्या आजच्या आकडेवारीत प्रयोगशाळेकडील १३ एप्रिल पासूनच्या प्राप्त अहवालांचा समावेश करण्यात आलेला आहे.*)*

राज्यातील ज्या भागात रुग्णांचे क्लस्टर सापडले आहेत त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना अंमलात आणण्यात येत आहे. राज्यात सध्या ४७७ कंटेनमेंट झोन क्रियाशील असून आज एकूण ७४९१ सर्वेक्षण पथकांनी काम केले असून त्यांनी २७.२६ लाख लोकसंख्येचे सर्वेक्षण केलेले आहे.