पुणे- वडगाव येथील जलशुद्धीकरण केंद्रावरून पुणे शहरामधील बर्याच भागांना म्हणजेच सिंहगड रस्ता, धनकवडी गावठाण, आंबेगाव पठार, आंबेगाव बुद्रुक, टिळेकर नगर, बालाजी नगर, दत्तनगर, संतोष नगर, आंबेगाईन खुर्द, कोंढवा खुर्द, येवलेवाडी, कात्रज गावठाण, सुखसागरनागर, दत्तनगर, गुजर वाडी, निंबाळकर वाडी, इत्यादी भागांना पाणी पुरवठा होतो. हा पाणी पुरवठा विविध ठिकाणी असलेल्या साठवण टाक्यांमधून करण्यात येतो. मात्र या टाक्यांवरचा भार कमी करणे व या सर्व भागांना अधिक सुरळीत व नियमित पाणी पुरवठा करण्याच्या दृष्टीने, महादेव नगर येथे ६0 लाख लिटर च्या टाकीचे बांधकाम पुणे महानगरपालिकेमार्फत हाती घेण्यात आलेले आहे. पिण्याच्या पाण्यासाठी साठवण क्षमता वाढावी या उद्देशाने चालू करण्यात आलेले हे काम आता पूर्णत्वास आलेले आहे. राजस सोसायटी, सर्वोदय सोसायटी, गुजरवाडी रस्ता, गोकुलनगर, इत्यादी भागांना महादेव नगर टाकीतून पाणी पुरवठा होणार असल्याने केदारेश्वर टाकी वरचा भार बराच कमी होणार आहे. त्याच बरोबर महादेवनगर टाकीला फीडिंग साठी व वितरणासाठी आवश्यक असलेल्या नलिका टाकण्याचे काम जागेवर जोरात सुरू आहे. लवकरच हे काम पूर्ण होऊन वर नमूद केलेल्या भागांमध्ये वास्तव्यास असलेल्या नागरिकांना अधिक सुरळीत व नियमित पाणी पुरवठा प्राप्त होऊ शकणार आहे. कोरोना आजाराने पुण्यामध्ये थैमान मांडलेले असताना नागरिकांच्या गरजेला प्राधान्य देऊन पुणे महानगरपालिकेच्या पाणी पुरवठा विभाग मार्फत हे काम हाती घेण्यात आलेले आहे.

पुणे- बांबू लावूनही लोक ये जा करतात ,लॉक डाउन चा उद्देश सफल होत नाही म्हणून आज रात्री 11 नंतर पुण्यातील रेड झोन एरिया पत्रे लाऊन सील करण्यास प्रारंभ झाला . घराबाहेर पडू नका म्हणून स्पिकरवरुन सकाळ पासून आवाहन करण्यास आज काही ठिकाणी तर उदयापासुन संपूर्ण रेड झोन परिसरात प्रारंभ होणार आहे. कमी जागेतील , छोट्या छोट्या घरात जास्त व्यक्तसंख्या असलेल्या  कुटुंबांची अवस्था अर्थातच त्रासदायी होणार आहे. घरात राहुनही त्यांना फिजिकली डिस्टन्स पाळता येणे मुश्किल होणार आहे . अशा अवस्थेत रेड झोनला आता आणखी  खड़तर सामना करावा लागणार आहे. 

कोणी आत जाऊ शकणार नाही, आणि कोणी बाहेर येवू शकणार नाही असे असले तरी सकाळी 10 ते 2 यावेळेत जीवनावश्यक म्हणजे भाजीपाला, दूध , किराणामालाची इथली आतिल दुकाने रहिवाशाना उपलब्ध असणार आहेत.

त्तपुर्वी  शिवाजीनगर घोलेरोड क्षेत्रिय कार्यालया अंतर्गत कामगार पुतळा झोपडपट्टी व राजीव गांधीनगर, जुना तोफखाना येथे मेगा फोनद्वारे कोरोनाबाबत जनजागृती करण्यात आली. नागरिकांना मास्क वापरणे, सॅनिटायझर/ साबणाचा वापर करणे, स्वच्छता राखणे, सोशल डिस्टन्सिंग ठेवणे याबाबत महापालिका सहायक आयुक्त यांच्या मार्गदर्शनानुसार वरिष्ठ आरोग्य निरीक्षकांनी नागरिकांना करोनाबाबत सूचना दिल्या.

पुणे : संशयित कोरोना रुग्णांच्या नमुने तपासण्याची प्रक्रिया वाढविण्यात आल्यामुळे येत्या काही दिवसांत बाधित रुग्णांच्या संख्येत वाढ होणार आहे. मजुरांच्या परराज्यात स्थलांतरासाठी तीनच राज्यांनी परवानगी दिलेली आहे. मजुरांच्या स्थलांतरासाठी वैद्यकीय प्रमाणपत्राची गरज भासणार नाही. त्याऐवजी प्रशासनाकडूनच वैद्यकीय तपासणी करण्यात येणार असल्याची माहिती प्रशासनाकडून देण्यात आली. विभागीय आयुक्त डॉ. दीपक म्हैसेकर, पोलिस आयुक्त के. वेंकटेशम, जिल्हाधिकारी नवल किशोर राम आणि महापालिका आयुक्त शेखर गायकवाड यांनी शुक्रवारी व्हिडिओ कॉन्फरन्सिंगद्वारे पत्रकारांशी संवाद साधला.

डॉ. म्हैसेकर म्हणाले,’मध्य प्रदेश, उत्तर प्रदेश आणि बिहार या तीन राज्यांनी मजुरांच्या स्थलांतरासाठी परवानगी दिली आहे. अन्य राज्याकडून अद्याप मान्यता मिळालेली नाही. तसेच, युरोपसह अन्य देशांमधून काही भारतीय व्यक्ती मायदेशी परत येत आहेत. त्यापैकी 80 व्यक्ती पुण्यात येणार असून, त्यांना 14 दिवस संस्थात्मक विलगीकरण कक्षात ठेवण्यात येणार आहे.

पोलिस आयुक्त के. वेंकटेशम म्हणाले, परराज्यातील व्यक्तींना स्थलांतरित करण्याबाबत पोलिस उपायुक्त यांच्यावर जबाबदारी सोपविण्यात आली आहे. स्वयंसेवी संस्थांच्या मदतीने राजस्थान, तेलंगणा, बिहारसह आणि काही राज्यांमध्ये बसेसची सुविधा उपलब्ध करून देण्यात येत आहे. पुढील दहा दिवस खूप महत्त्वाचे असून, नागरिकांनी सोशल डिस्टन्सिंगचे पालन करावे.

जिल्हाधिकारी नवल किशोर राम म्हणाले, पुढील दहा ते पंधरा दिवस कोरोना बाधित रुग्णांच्या संख्येत वाढ होणार आहे. मृत्यूच्या प्रमाणात घट आणणे आणि बाधित रुग्णांची संख्या कमी करणे ही प्रशासनासमोर दोन मोठी आव्हाने आहेत.
मजुरांच्या स्थलांतरासाठी लवकरच आणखी तीन विशेष रेल्वे सोडण्यात येणार आहेत. परराज्यात जाणाऱ्या नागरिकांना वैद्यकीय प्रमाणपत्राची गरज भासणार नाही. त्याऐवजी प्रशासनाकडून वैद्यकीय प्रमाणपत्र उपलब्ध करून देण्यात येणार आहे. त्यामुळे नागरिकांना वैद्यकीय प्रमाणपत्रासाठी कोणत्याही दवाखान्यात जाण्याची गरज नाही. पुणे शहरात 68 हजार मजुरांनी तसेच पिंपरी-चिंचवड येथून सुमारे 35 हजार मजुरांनी नाव नोंदणी केली आहे. लातूर, नांदेड, यवतमाळ, धुळे यासह विविध जिल्ह्यांतील विद्यार्थ्यांनाही बसेसच्या मदतीने मूळ गावी पाठविण्यात येत आहे. शहरालगतच्या ग्रामीण भागात रुग्ण संख्या वाढू नये, यासाठी जिल्हा प्रशासन, पोलिस प्रशासन आणि जिल्हा परिषदेमार्फत पूर्ण लक्ष देण्यात येईल.

महापालिका आयुक्त शेखर गायकवाड यांनी संक्रमणशील भागात (कंटेनमेंट झोन) सकाळी 10 ते दुपारी 2 पर्यंत दुकाने सुरू राहतील. तसेच अन्य ठिकाणी सकाळी 7 ते सायंकाळी सातपर्यंत दुकाने सुरू राहतील, असे स्पष्ट केले. संशयितांचे नमुने तपासण्यासाठी हॉटस्पॉट असलेल्या भागातच सुविधा सुरू करण्यात येत आहे. दररोज एक हजार नागरिकांचे नमुने तपासणीसाठी घेण्यात येत आहे. कोरोना बाधित रुग्णांची संख्या दुपटीने वाढण्याचा दर दहा दिवसांवरुन 11 दिवसांवर गेला आहे. त्यामुळे परिस्थितीत सुधारणा होत असल्याचे दिसून येत आहे. कंटेनमेंट झोनमध्ये राहणाऱ्या प्रत्येक घरांमध्ये 15 दिवस पुरेल इतके अन्नधान्याचे किट देण्यात येत आहेत, असे गायकवाड यांनी सांगितले.

पुणे, दि. 8- पुणे शहर आणि पिंपरी-चिंचवड परिसरातील कोरोनाचा प्रादुर्भाव रोखण्‍यासाठी 10 मे ते 17 मेपर्यंत कन्‍टेन्मेंट झोनमध्‍ये ‘लॉकडाऊन’ची (टाळेबंदी) कडक अंमलबजावणी करण्‍याच्‍या सूचना उपमुख्‍यमंत्री तथा जिल्‍ह्याचे पालकमंत्री अजित पवार यांनी दिल्‍या. कोरोनाचा संसर्ग रोखण्‍यासाठी आरोग्‍य, वैद्यकीय शिक्षण आणि पोलीस विभागाला निधीची कोणतीही कमतरता भासू दिली जाणार नाही, अशीही ग्‍वाही त्‍यांनी दिली.

पुणे जिल्‍ह्यातील कोरोनाबाधित रुग्‍णांची वाढती संख्‍या लक्षात घेऊन उपमुख्‍यमंत्री पवार यांनी आज विधानभवनातील (कॉन्सिल हॉल) झुंबर हॉलमध्‍ये बैठक घेतली. त्‍यावेळी ते बोलत होते. या बैठकीला महापौर मुरलीधर मोहोळ, विभागीय आयुक्त  डॉ. दीपक म्हैसेकर, पोलीस आयुक्त डॉ. के. व्यंकटेशम, संदीप बिष्णोई, जिल्हाधिकारी नवल किशोर राम, पुणे महापालिका आयुक्त शेखर गायकवाड, पिंपरी-चिंचवड महापालिका आयुक्त श्रावण हर्डीकर, सहकार आयुक्त अनिल कवडे, साखर आयुक्त सौरभ राव, पशुसंवर्धन आयुक्त सचिंद्र प्रताप सिंग, भूजल सर्व्हेक्षण संचालक कौस्तुभ दिवेगावकर, अतिरिक्त आयुक्त रुबल अग्रवाल, शांतनू गोयल, पोलीस अधीक्षक संदीप पाटील, जिल्हा परिषदेचे मुख्य कार्यकारी अधिकारी आयुष प्रसाद, सार्वजनिक आरोग्‍य विभागाच्‍या संचालक डॉ. अर्चना पाटील, ससूनचे अधिष्‍ठाता डॉ. मुरलीधर तांबे, आरोग्य विभागाचे निवृत्त महासंचालक डॉ. सुभाष साळुंखे यांच्‍यासह विविध विभागांचे वरिष्ठ अधिकारी उपस्थित होते.

उपमुख्‍यमंत्री  श्री. पवार म्‍हणाले, मुंबई ही देशाची आर्थिक राजधानी असून मुंबई पाठोपाठ पुणे हे महत्‍त्‍वाचे शहर आहे. येथील कोरोनाबाधित रुग्णांचे प्रमाण चिंता वाढवणारे आहे. कोरोनाचा संसर्ग रोखण्‍यासाठी सध्‍या कार्यरत असलेले अधिकारी सक्षम असले तरी त्‍यांच्‍या मदतीसाठी इतरही अनुभवी अधिकारी दिले आहेत. पुणे महापालिका, पिंपरी-चिंचवड महानगरपालिका, जिल्‍हा प्रशासन, पोलीस विभाग, आरोग्‍य विभाग या सर्वांनी समन्‍वय राखून आपापली जबाबदारी सक्षमपणे पार पाडावी. कोरोनाचा संसर्ग रोखण्‍याबरोबरच खरीप हंगामाचीही जबाबदारी जिल्‍हा प्रशासनावर येणार आहे. यामध्‍ये योग्‍य तो समन्‍वय राखून नियोजनबध्‍द काम करण्‍याच्‍या सूचना त्‍यांनी दिल्‍या. कोरोना रोखण्‍याच्‍या कामाला गती यावी यासाठी महसूल विभागातील वरिष्‍ठ अधिकारी डॉ. नितीन करीर आणि महेश पाठक यांचीही नेमणूक करण्‍यात आल्‍याचे त्‍यांनी सांगितले.

परराज्‍यातील जे मजूर आपापल्‍या राज्‍यात जाऊ इच्छित असतील त्‍यांना रेल्‍वेने पाठविण्‍याचे नियोजन करण्‍यात यावे, असे सांगून उपमुख्‍यमंत्री पवार यांनी या मजुरांच्‍या प्रवासाचा खर्च राज्‍य शासन किंवा सीएसआर फंडातून (सामाजिक उत्‍तरदायित्‍व निधी) करण्‍यात येईल, असे सांगितले. शहरातील ज्‍या भागात कोरोना बाधित रुग्‍ण अधिक आहेत, तेथून कोणालाही बाहेर जाऊ देण्‍यात येऊ नये, असे स्‍पष्‍ट निर्देश उपमुख्‍यमंत्री पवार यांनी दिले. राज्‍य राखीव पोलीस दलाची मदत घ्‍यावयाची असेल तर तीही मदत उपलब्‍ध करुन दिली जाईल,असेही त्‍यांनी सांगितले.

महापौर मुरलीधर मोहोळ म्‍हणाले, पुणे महापालिकेच्‍या वतीने 70 हजार कुटुंबाना शिधा देण्‍याचे नियोजन करण्‍यात आले आहे. तसेच मास्‍क, सॅनिटायझर्सचे वाटप करण्‍यात येत आहे. याशिवाय नियमित आरोग्य तपासणी उपक्रमही राबविण्‍यात येत आहे.

विभागीय आयुक्‍त डॉ. दीपक म्‍हैसेकर यांनी पुणे विभागात 837 कोरोना बाधित रुग्ण बरे होऊन घरी गेले असून विभागात कोरोना बाधित रुग्णांची संख्या 2 हजार 885 झाली आहे. तर ॲक्टीव रुग्ण 1 हजार 891 असल्याची माहिती दिली. विभागात कोरोनाचा प्रादुर्भाव रोखण्‍यासाठी सोलापूर जिल्‍ह्याचा दौरा करुन संबंधित विभागांना आवश्‍यक ती कार्यवाही करण्‍याच्‍या सूचना दिल्‍याचे सांगितले. सातारा जिल्‍ह्यातील कराड येथे कोरोनाचा संसर्ग वाढत असल्‍याने उद्या सातारा जिल्‍ह्याच्‍या दौऱ्यावर जाणार असल्‍याचे त्‍यांनी सांगितले.

जिल्‍हाधिकारी नवल किशोर राम यांनी सर्व अधिकारी परस्‍पर समन्‍वयाने काम करत असून लवकरच कोरोना संसर्ग रोखण्‍यात यश येईल, अशी आशा व्‍यक्‍त केली. दुकाने उघडणे, नागरिकांना पेट्रोल-डिझेल उपलब्‍ध होणे याबाबत स्‍वयंस्‍पष्‍ट सूचना देण्‍यात आल्‍याचेही त्‍यांनी सांगितले. परराज्‍यात तसेच पुणे जिल्‍ह्याच्‍या बाहेर दुसऱ्या जिल्‍ह्यात जाऊ इच्छिणाऱ्या नागरिकांच्‍या सोयीसाठी आवश्‍यक ते उपाय योजल्याचेही  त्‍यांनी सांगितले.

पुणे महापालिका आयुक्‍त शेखर गायकवाड यांनी कंटेन्मेंट भागात महानगरपालिकेच्या वतीने घेण्‍यात येत असलेल्‍या खबरदारीची माहिती दिली. कोरोनाचे रुग्‍ण जास्‍त आढळून आलेल्‍या वस्‍तीजवळ 5 स्‍वॅब सेंटर सुरु करण्‍यात आले.  याशिवाय 6 मोबाईल स्‍वॅब युनिटही सुरु करण्‍यात आले आहेत. सार्वजनिक शौचालयांची नियमित स्‍वच्‍छता करण्‍यात येत आहे. आरोग्य सेवेवरील ताण कमी करण्‍यासाठी 200 डॉक्‍टरांच्‍या भरतीची प्रक्रिया उद्यापर्यंत पूर्ण होईल, असेही गायकवाड यांनी सांगितले.

पिंपरी-चिंचवडचे महापालिका आयुक्‍त श्रावण हर्डीकर यांनी जीवनावश्‍यक व बिगर जीवनावश्‍यक वस्‍तूंची दुकाने शासनाच्‍या निर्देशानुसार सुरु केल्याचे सांगितले. कोरोनाचा संसर्ग रोखण्‍यासाठी महापालिकेच्‍या वतीने आवश्‍यक त्‍या सर्व उपायांची काटेकोर अंमलबजावणी करण्‍यात येईल, असेही त्‍यांनी स्‍पष्‍ट केले.

पोलीस आयुक्त डॉ.के.व्यंकटेशम, संदीप बिष्णोई व जिल्‍हा पोलीस अधीक्षक संदीप पाटील यांनी पोलीस प्रशासनाच्या वतीने करण्यात येणाऱ्या उपाययोजनांबाबत माहिती दिली. सहकार आयुक्त अनिल कवडे, साखर आयुक्त सौरभ राव, पशुसंवर्धन आयुक्त सचिंद्र प्रताप सिंग, भूजल सर्व्हेक्षण संचालक कौस्तुभ दिवेगावकर, अतिरिक्त आयुक्त रुबल अग्रवाल, शांतनू गोयल, जिल्हा परिषदेचे मुख्य कार्यकारी अधिकारी आयुष प्रसाद, सार्वजनिक आरोग्‍य विभागाच्‍या संचालक डॉ. अर्चना पाटील, ससूनचे अधिष्‍ठाता डॉ. मुरलीधर तांबे, आरोग्य विभागाचे निवृत्त महासंचालक डॉ. सुभाष साळुंखे यांनीही त्‍यांच्‍यावर सोपविण्‍यात आलेल्या  जबाबदारीबाबत तसेच करण्‍यात आलेल्‍या कार्यवाहीबाबत माहिती दिली.

भाजप प्रदेशाध्यक्ष  आ. चंद्रकांतदादा पाटील यांच्याकडून दोन विशेष बस व्यवस्था

पुणे- लॉकडाऊननंतर पुण्यात अडकलेले तेलंगणाचे १३४ नागरीक गुरुवारी रात्री आपल्या मूळ गावी जाण्यासाठी रवाना झाले आहेत. त्यांना आपल्या गावी सुखरूप जाता यावे, यासाठी भाजपा प्रदेशाध्यक्ष आणि कोथरुड विधानसभा मतदारसंघाचे आमदार चंद्रकांतदादा पाटील यांनी कोथरुड पोलिसांच्या मदतीने विशेष बस उपलब्ध करून दिल्या.

कोरोना विषाणूच्या प्रादुर्भावामुळे देशात लॉकडाऊन जाहीर करण्यात आला. यानंतर अनेकजण विविध ठिकाणी अडकून पडले होते. ४ मेनंतर यामध्ये काही प्रमाणात शिथिलता देण्यात येत होती. यानंतर प्रशासनाच्यावतीने अनेकांची आरोग्य तपासणी करुन, त्यांना मूळ गावी जाण्यासाठी फीट असल्याचे प्रमाणपत्र देण्यात आले. मात्र आपापल्या गावी जाण्यासाठी इच्छुकांची मोठी गर्दी होत असल्याने तपासणी केंद्रे कमी पडत होती.

याची दखल घेऊन श्री. पाटील यांनी स्थानिक प्रशासन आणि विविध स्वयंसेवी संस्थांच्या मदतीने कोथरुडमध्ये ५ मेपासून तीन दिवस आरोग्य तपासणी शिबिर राबविले. यात सुमारे सहा हजार जणांची तपासणी करुन त्यांना वैद्यकीय तपासणीचे प्रमाणपत्र दिले. त्यापैकी तेलंगणातील सुमारे १३४ जणांना त्यांच्या गावी पाठविण्यासाठी पुणे पोलिसांच्या मदतीने विशेष आराम बसेस उपलब्ध करून दिल्या. गुरुवारी रात्री आ. चंद्रकांतदादा पाटील यांनी श्रीफळ वाढवून सर्व प्रवाशांना शुभेच्छा दिल्या, यानंतर या सर्व बसेस प्रवाशांना घेऊन रवाना झाल्या.

पुणे- शहरात  अनेक ठिकाणी रस्ते ,गटारे ,पदपथ अर्धवट खोदून त्यांची कामे लॉकडाऊन मुळे आणि अर्थसंकल्पीय समस्येमुळे तशीच अर्धवट सोडून देण्यात आली आहेत ज्यामुळे नागरिकांना प्रचंड त्रास होतो आहे. आता पावसाळा येईल, तुमची तांत्रिक समस्या काय असतील त्या शासकीय पातळीवर जरूर सोडवा पण रस्त्यावर परिस्थिती अशीच अर्धवट ठेवू नका ती कामे तातडीने पूर्ण करा अशी मागणी क्रिएटीव्ह फौंडेशन चे संदीप खर्डेकर यांनी महापालिका आयुक्तांकडे निवेदनाद्वारे केली आहे

या निवेदनात असे म्हटले आहे कि,  मी केलेल्या मागणीनंतर आपण विकासकामे पूर्ण करण्यासाठी एप्रिल अखेरपर्यंत मुदतवाढ दिली होती.मात्र Lockdown १७ मे पर्यंत वाढविण्यात आल्यानंतर विकासकामां बाबत कोणत्याही प्रकारचा निर्णय झाला नसल्याचे समजते.केवळ पावसाळ्यापूर्वीची नालेसफाई व इतर कामे सुरु करण्यात आली आहेत.मात्र अनेक ठिकाणी रस्ते / पदपथ खणलेल्या अवस्थेत आहेत.अनेक ठिकाणी ड्रेनेज वा बांधकाम अशी विकासनिधीतील अनेक कामे अर्धवट स्थितीत असल्याने पावसाळ्यात याचा नागरिकांना मोठा त्रास भोगावा लागण्याची शक्यता आहे.सध्या आपण ग्रीन झोन मधे लॉकडॉउन शिथिल केले आहे.अश्या सर्व भागातील अर्धवट स्थितीतील कामे युद्धपातळीवर पूर्ण करुन घेतल्यास नागरिकांना मन:स्ताप होणार नाही.तरी लॉकडॉउन काळातील सर्व नियम पाळून अर्धवट विकासकामे पूर्ण करण्याचे आदेश द्यावेत ही विनंती

-विभागीय आयुक्त डॉ.दीपक म्हैसेकर

पुणे दि. 8:- पुणे विभागातील 837 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 2 हजार 885 झाली आहे. तर ॲक्टीव रुग्ण 1 हजार 891 आहेत. विभागात कोरोनाबाधीत एकुण 157 रुग्णांचा मृत्यू झाला आहे. तसेच 91 रुग्ण गंभीर असून उर्वरीत निरीक्षणाखाली आहेत, अशी माहिती विभागीय आयुक्त डॉ.दीपक म्हैसेकर यांनी दिली.
विभागात 2 हजार 885 बाधित रुग्ण असून 157 रुग्णांचा मृत्यू झाला आहे. यापैकी पुणे जिल्हयात 2 हजार 537 बाधीत रुग्ण असून 141 रुग्णांचा मृत्यू झाला आहे. 762 कोरोना बाधीत रुग्ण बरे होऊन घरी गेले आहेत. ॲक्टीव रुग्ण संख्या 1 हजार 634 आहे. तर 86 रुग्णगंभीर असून उर्वरीत निरीक्षणाखाली आहेत.
सातारा जिल्हयात 114 बाधीत रुग्ण असून 2 रुग्णांचा मृत्यू झाला आहे. 14 कोरोना बाधीत रुग्ण बरे होऊन घरी गेले आहेत. ॲक्टीव रुग्ण संख्या 98 आहे.
सोलापूर जिल्हयात 182 बाधीत रुग्ण असून 12 रुग्णांचा मृत्यू झाला आहे तर 29 कोरोना बाधीत रुग्ण बरे होऊन घरी गेले आहेत. ॲक्टीव रुग्ण संख्या 141 आहे.
सांगली जिल्हयात 37 बाधीत रुग्ण असून एका रुग्णाचा मृत्यू झाला आहे तर 26 कोरोना बाधीत रुग्ण बरे होऊन घरी गेले आहेत. ॲक्टीव रुग्ण संख्या 10 आहे.
कोल्हापूर जिल्हयात 15 बाधीत रुग्ण असून एका रुग्णाचा मृत्यू झाला आहे तर 6 कोरोना बाधीत रुग्ण बरे होऊन घरी गेले आहेत. ॲक्टीव रुग्ण संख्या 8 आहे.
आजपर्यंत विभागात एकुण 29 हजार 319 नमूने तपासणीसाठी पाठविण्यात आले होते, त्यापैकी 27 हजार 795चा अहवाल प्राप्त झाला आहे. 1 हजार 524 नमून्यांचा अहवाल प्रतीक्षेत आहे. प्राप्त अहवालांपैकी 24 हजार 930 नमून्यांचा अहवाल निगेटीव्ह असून 2 हजार 885 चा अहवाल पॉझिटिव्ह आहे.
आजपर्यंत विभागात 85 लाख 23 हजार 712 घरांचे सर्वेक्षण पूर्ण करण्यात आले असून त्याअंतर्गत 3 कोटी 46 लाख 46 हजार 506 व्यक्तींची तपासणी केली आहे. त्यापैकी 2 हजार 74 व्यक्तींना अधिक तपासणीसाठी संदर्भीत करण्यात आले आहे.
00000