मराठी भाषा मंत्री सुभाष देसाई यांनी घेतला आढावा

मुंबई, दि .११ : राज्यात २०२०-२१ या शैक्षणिक वर्षांपासून पहिली व सहावीत या वर्गासाठी सर्व माध्यमांच्या शाळांतून मराठी भाषा विषय शिकविणे सक्तीचे केले जाणार आहे. मराठी भाषा मंत्री सुभाष देसाई व शिक्षण मंत्री वर्षां गायकवाड यांनी या संदर्भातील कार्यवाहीचा आढावा घेतला.

महाराष्ट्रात मराठी भाषा अनिवार्य करणे हा कायदा मागील अर्थसंकल्पीय अधिवेशनात एकमताने दोन्ही सभागृहांनी मंजूर केला आहे. या कायद्याची अंमलबजावणी आगामी शैक्षणिक वर्षापासून सुरू होईल, असे आश्वासन मराठी भाषा विभागमंत्री सुभाष देसाई व शालेय शिक्षणमंत्री वर्षा गायकवाड यांनी अधिवेशनात दिले होते. त्याच अनुषंगाने होत असलेल्या कार्यवाहीचा आज आढावा घेण्यात आला. या संदर्भात शिक्षण आयुक्त विश्वास सोळंकी यांच्या मार्गदर्शनाखाली व्हिडिओ कॉन्फरन्सद्वारे आज बैठक घेण्यात आली. या बैठकीस शालेय शिक्षण विभागाच्या अतिरिक्त मुख्य सचिव वंदना कृष्णा, मराठी भाषा विभागाच्या सचिव प्राजक्ता लवंगारे, अल्पसंख्याक आयोगाचे अध्यश्र श्री. अभ्यंकर, शिक्षण संचालक आणि बालभारतीचे संचालक उपस्थित होते.

सर्वप्रथम बालभारतीतर्फे राजीव पाटोळ यांनी अनिवार्य मराठीसाठी वर्गवार अभ्यासक्रम आणि पाठ्य़पुस्तके या संदर्भातील पूर्वतयारीबाबत सादरीकरण केले. शिक्षण विभागाने सर्व अभ्यासक्रमांच्या शाळांसाठी मराठी सक्तीने शिकविण्यासाठी केलेल्या पूर्वतयारीबद्दल मराठी भाषा मंत्री श्री. देसाई यांनी शालेय शिक्षणमंत्री आणि अधिकाऱ्यांचे आभार मानले. तसेच आगामी शैक्षणिक सत्र सुरू होण्यापूर्वी मराठी भाषेचा वर्गवार अभ्यासक्रम, इयत्ता पहिली व सहावीसाठी पाठ्य़पुस्तके आणि प्राशिक्षण साहित्य, तयार करण्याबाबत सूचना केली. तसेच २०२०-२१ च्या प्रथम सत्रापासून सर्व माध्यमांच्या शाळांनी मराठी विषय सक्तीने शिकविण्याच्या कायद्याचे अनुपालन करण्यासाठी शालेय शिक्षण विभागाने अधिसूचना निर्गमित करावी, असेही सूचविले.

या संदर्भातील शासन निर्णय निर्गमित करणे, मसुदा तयार करणे आदी बाबीवर यावेळी चर्चा करण्यात आली.

शालेय शिक्षणमंत्री वर्षा गायकवाड यांनी कायद्याच्या अमंलबजावणीसाठी क्षेत्रिय अधिकाऱ्यांची बैठक घेतल्याचे आणि नियमावली तयारी करण्यासाठी एका कार्यबल गटाची स्थापना केल्याचे सांगितले. या कार्यबल गटात मराठी भाषा विभागाच्या प्रतिनिधींचा समावेश करण्याची सूचना श्री. देसाई यांनी केली.

अमरावती, दि. 11 : सेवा हे ब्रीद घेऊन आयुष्यभर रुग्णांची शुश्रुषा करणाऱ्या परिचारिका, आरोग्य सेविका या आरोग्य यंत्रणेचा कणा असून, कोरोना संकटावर मात करण्यासाठी त्यांचे अमूल्य योगदान मिळत आहे. जिल्ह्यात सुमारे 10 हजार परिचारिका, आरोग्य सेविका, मदतनीस कार्यरत असून, त्या अविरतपणे अहोरात्र काम करत आहेत.

संसर्गजन्य रोगांचा प्रसार रोखण्यासाठी, दुर्गम भागात आरोग्यसुविधा पोहोचविण्यात, आरोग्य सेवा वितरणात, नैसर्गिक आपत्तीमध्ये मदतकार्य पुरविण्यास आणि आता कोरोनासारख्या महाभयंकर संसर्गजन्य विषाणूशी लढण्यासाठी परिचारिका सदैव   तत्पर आहेत. आधुनिक शुश्रुषा शास्त्राच्या संस्थापक म्हणून ओळखल्या जाणाऱ्या फ्लोरेन्स नाईटिंगेल यांचा 12 मे हा जन्मदिवस आहे. त्यांच्या  सन्मानार्थ आंतरराष्ट्रीय परिचारिका दिन साजरा केला जातो. यानिमित्त अखंड सेवेचे व्रत घेतलेल्या परिचारिकांना मनस्वी सलाम करते, अशा शब्दांत राज्याच्या महिला व बालकल्याण मंत्री तथा पालकमंत्री ॲड. यशोमती ठाकूर यांनी परिचारिका व आरोग्यसेविका भगिनींना शुभेच्छा दिल्या आहेत.

आधुनिक परिचर्येचा पाया घालणाऱ्या फ्लोरेन्स नाईटिंगेल यांचा जन्मदिवस अर्थात 12 मे हा दिवस जागतिक परिचारिका दिन म्हणून साजरा करण्यात येत आहे.  कोरोनासारखे महाकाय संकट संपूर्ण विश्वात घोंगावत असताना आपली आरोग्य यंत्रणा जीवाची बाजी लावून रुग्णांना उपचार करीत आहेत. या सर्व प्रक्रियेत रुग्णांची संपूर्ण सेवा  करण्याचे महत्त्वाचे काम परिचारिका करत  आहेत.

रुग्ण हा डॉक्टरांपेक्षा जास्त वेळ परिचारिकेच्या देखरेखीखाली असतो. रुग्ण सर्वात प्रथम परिचारिकाच्या संपर्कात येतो.  रूग्णांवर मायेची फुंकर घालून त्यांची अहोरात्र सेवा करत स्वतःच्या आयुष्यातला काळोख विसरून रूग्णाच्या जीवनात आनंदाचा दिवा प्रज्वलित करण्यासाठी त्यांची धडपड सुरू असते.  जिल्ह्यामधील विविध रूग्णालयांत दहा हजारांहून अधिक परिचारिका, आरोग्यसेविका, मदतनीस या तपासणी, उपचार, अतिदक्षता वॉर्डात उपचार अशा विविध कामांत योगदान देत आहेत.

सध्याच्या युगातील बदललेले वातावरण, असाध्य रोगात झालेली वाढ, विविध संसर्गजन्य आजार व सध्याचा कोरोना विषाणूच्या प्रादुर्भाव यामुळे जगभरातील सगळ्याच देशात परिचर्या सेवेची मागणी वाढत आहे.  कोविड 19 आजारांच्या नियंत्रणामध्ये परिचारिकांची भूमिका महत्त्वाची ठरली आहे. कारण परिचारिका हा आरोग्य यंत्रणेतील मोठा समूह मजबूत कणा आहे. त्यांच्यामुळेच उपचार योग्यपद्धतीने होण्यास मदत होत आहे, असे जिल्हाधिकारी शैलेश नवाल यांनी सांगितले.

परिचारिका, आरोग्यसेविका, मदतनीस भगिनी या डॉक्टरांच्या बरोबरीने रुग्णांना उपचार देत आहेत. परिचारिका ज्यावेळी आपल्या अभ्यासाला सुरुवात करून थेट रुग्ण सेवा प्रशिक्षणास सुरुवात करतात. त्यावेळी  या व्यवसायाशी निगडित शपथ घेतात किंवा प्रतिज्ञा करतात. ती शपथ खूपच प्रेरणादायी आहे, त्याचा वेगळा सोहळा हा प्रत्येक नर्सिंग कॉलेजमध्ये पार पडत असतो. या प्रतिज्ञेशी बांधिल राहून या भगिनी आयुष्यभर सेवेत अविरत असतात. जिल्ह्यात जिल्हा रुग्णालय, स्त्री रूग्णालय, विभागीय संदर्भ रुग्णालय, उपजिल्हा रुग्णालय, तालुका रुग्णालय, ग्रामीण रुग्णालय, प्राथमिक आरोग्य केंद्रे व उपकेंद्रे, महापालिका रुग्णालये, नगरपालिका रुग्णालय याशिवाय विविध संस्थांची, तसेच  रुग्णालयांत शुश्रुषेद्वारे रुग्णांना निरामय आयुष्य मिळण्यासाठी धडपडणा-या या सर्व सेविकांबद्दल जागतिक परिचारिका दिनानिमित्त  विविध स्तरांतून कृतज्ञता व्यक्त होत आहे.

मुंबई, दि. ११ : राज्यातील लघु पाटबंधारे योजनांची मान्सूनपूर्व तपासणी करून धोकादायक धरणांना भेटी देवून आवश्यक उपाययोजनांचा अहवाल सादर करावा, अशा सूचना मृद व जलसंधारण मंत्री शंकरराव गडाख यांनी विभागाला दिल्या.

श्री. गडाख म्हणाले, मृद व जलसंधारण विभागाच्या अधिपत्याखालील सर्व धरणांचा मान्सूनपूर्व तपासणी अहवाल वेळीच सादर केला जाईल याची दक्षता घ्यावी, तसेच धरण सुरक्षिततेच्या अनुषंगाने आवश्यक उपाययोजना तातडीने कराव्यात व धोकादायक धरणे सुस्थितीत येतील याची कटाक्षाने दक्षता घ्यावी, याबाबत कुठालाही हलगर्जीपणा होणार नाही यासाठी दक्ष रहावे.

मान्सून पूर्व धरण तपासणी तसेच धोकेदायक धरणांना सक्षम अधिकाऱ्यांनी भेटी देऊन आवश्यक उपाययोजना करणे ही अत्यावश्यक बाब म्हणून गृहीत धरण्यात यावी, मृद व जलसंधारण विभागाच्या अखत्यारित पूर्ण झालेल्या व पाणीसाठा होत असलेल्या योजनांच्या सुरक्षिततेच्या दृष्टीने प्राधान्याने करावयाची कार्यवाही व उपाययोजनांसाठी देण्यात आलेल्या सूचनांचे कटाक्षाने पालन करावे असे श्री. गडाख यांनी सांगितले.

पावसाळ्यादरम्यान धरणफुटी अथवा क्षतिग्रस्त होण्याची घटना उद्भवू नये यासाठी प्राधान्याने करावयाच्या कार्यवाहीबाबत पत्राद्वारे सविस्तर सूचना दिलेल्या आहेत. महसूल, पोलीस व स्थानिक लोकप्रतिनिधी यांच्याशी समन्वय साधून मान्सुनपूर्व दुरुस्ती करणे, तलावालगतच्या मनुष्यवस्तींना सूचना देणे, प्रथम पाणीसाठा करताना घ्यवयाची काळजी या सर्व बाबींविषयी येणाऱ्या पावसाळ्यापुर्वी प्रथम प्राधान्याने तात्काळ कार्यवाही करण्याच्या सुचना देण्यात आल्या आहेत.

मान्सूनपूर्व धरणाच्या तपासणी करीता मृद व जलसंधारण प्रादेशिक मुख्य अभियंता, यांच्या पत्राव्दारे प्रादेशिक जलसंधारण अधिकारी तथा अधीक्षक अभियंता, मृद व जलसंधारण विभाग, जिल्हा जलसंधारण अधिकारी तथा कार्यकारी अभियंता, मृद व जलसंधारण विभाग, व त्यांचे अधिपत्याखालील क्षेत्रिय कर्मचारी यांना, COVID19 आजार व कोरोना या विषाणूच्या संसांर्गाच्या अनुषंगाने शासनाने वेळोवेळी निर्देशित केलेल्या सूचना व घ्यावयाचीच सर्व दक्षता यांचे पालन करण्याच्या अटीच्या अधीन राहून त्यासाठी प्रवास करण्यास विशेष बाब म्हणून अनुमती देण्यात आली असल्याचे श्री.गडाख यांनी सांगितले.

मुंबई, दि. १० : राज्यातील कोरोनाबाधित रुग्णांची एकूण संख्या २२ हजार १७१ झाली आहे. आज १२७८ नवीन रुग्णांचे निदान झाले आहे. राज्यात आज ३९९ कोरोनाबाधित रुग्णांना घरी सोडण्यात आले असून आतापर्यंत राज्यभरात  ४१९९ रुग्ण बरे झाले आहेत, अशी माहिती आरोग्यमंत्री राजेश टोपे यांनी आज दिली.

आजपर्यंत पाठविण्यात आलेल्या २ लाख ३८ हजार ७६६ नमुन्यांपैकी २ लाख १५ हजार ९०३ जणांचे प्रयोगशाळा नमुने कोरोना करता निगेटिव्ह आले आहेत तर २२ हजार १७१ जण पॉझिटिव्ह आले आहेत. राज्यात २ लाख ४४ हजार ३२७ लोक होम क्वारंटाईनमध्ये असून १४ हजार ४६५ लोक संस्थात्मक क्वारंटाईनमध्ये आहेत.

आज राज्यात ५३ कोरोना बाधित रुग्णांचा मृत्यू झाला आहे. एकूण संख्या ८३२ झाली आहे. आज झालेल्या मृत्यूंपैकी मुंबई मधील १९, पुण्यातील ५, जळगाव शहरात ५, धुळे शहरात २, धुळे ग्रामीण भागात १, पिंपरी चिंचवड मध्ये १, अहमदनगरमध्ये १, औरंगाबाद शहरात १, नंदूरबारमध्ये १, सोलापूर शहरात १ तर वसई विरारमध्ये १ मृत्यू झाला आहे. मालेगाव शहरातील १४ मृत्यू हे २७ एप्रिल ते १० मे २०२० या कालावधीतील आहेत. त्यांची नोंद आज घेण्यात आली आहे. याशिवाय मध्यप्रदेशमधील एक मृत्यू आज मुंबई येथे झाला आहे.

आज झालेल्या मृत्यूंपैकी ३३ पुरुष तर २० महिला आहेत. आज झालेल्या ५३ मृत्यूपैकी ६० वर्षे किंवा त्यावरील १९  रुग्ण आहेत तर ३०  रुग्ण हे वय वर्षे ४० ते ५९ या वयोगटातील आहेत. तर ४ जण ४० वर्षांखालील आहे. रुग्णांना असणाऱ्या इतर आजारांबाबत १७ जणांची माहिती अप्राप्त आहे. उर्वरित ३६ रुग्णांपैकी २७ जणांमध्ये (७५ टक्के)  मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत.

राज्यातील जिल्हा व मनपानिहाय रुग्णांचा आतापर्यंतचा तपशील : (कंसात मृत्यूंची आकडेवारी)

मुंबई महानगरपालिका: १३,७३९ (५०८)

ठाणे: १२१ (२)

ठाणे मनपा: ८८० (८)

नवी मुंबई मनपा: ८२६ (४)

कल्याण डोंबिवली मनपा: ३५१ (३)

उल्हासनगर मनपा: २६

भिवंडी निजामपूर मनपा: ३० (२)

मीरा भाईंदर मनपा: २१४ (२)

पालघर: ३४ (२)

वसई विरार मनपा: २२९ (१०)

रायगड: ९२ (१)

पनवेल मनपा: १३८ (२)

ठाणे मंडळ एकूण: १६,६८० (५४४)

नाशिक: ५९

नाशिक मनपा: ३८

मालेगाव मनपा:  ५६२ (३४)

अहमदनगर: ५४ (३)

अहमदनगर मनपा: ०९

धुळे: ९ (३)

धुळे मनपा: ४५ (३)

जळगाव: १४४(१२)

जळगाव मनपा: ३४ (७)

नंदूरबार: २२ (२)

नाशिक मंडळ एकूण: ९७६ (६४)

पुणे: १६२ (५)

पुणे मनपा: २३७७ (१४६)

पिंपरी चिंचवड मनपा: १४० (४)

सोलापूर: ९

सोलापूर मनपा: २४१ (११)

सातारा: ११९ (२)

पुणे मंडळ एकूण: ३०४८ (१६८)

कोल्हापूर: १३ (१)

कोल्हापूर मनपा: ६

सांगली: ३३

सांगली मिरज कुपवाड मनपा: ४ (१)

सिंधुदुर्ग: ६

रत्नागिरी: ३६ (१)

कोल्हापूर मंडळ एकूण: ९८ (३)

औरंगाबाद:९३

औरंगाबाद मनपा: ४७५ (१३)

जालना: १२

हिंगोली: ५९

परभणी: १ (१)

परभणी मनपा: १

औरंगाबाद मंडळ एकूण: ६४१ (१४)

लातूर: २५ (१)

लातूर मनपा: १

उस्मानाबाद: ३

बीड: १

नांदेड: ४

नांदेड मनपा: ३९ (३)

लातूर मंडळ एकूण: ७३ (४)

अकोला: १७ (१)

अकोला मनपा: १४२ (१०)

अमरावती: ४ (१)

अमरावती मनपा: ७८ (११)

यवतमाळ: ९६

बुलढाणा: २४ (१)

वाशिम: १

अकोला मंडळ एकूण: ३६२ (२४)

नागपूर: २

नागपूर मनपा: २४९ (२)

वर्धा: ०

भंडारा: १

गोंदिया: १

चंद्रपूर: १

चंद्रपूर मनपा: ३

गडचिरोली: ०

नागपूर मंडळ एकूण: २५७ (२)

इतर राज्ये: ३६ (९)

एकूण:  २२ हजार १७१  (८३२)

(टीप – आय सी एम आर पोर्टलवर दर्शविलेल्या बृहन्मुंबई महानगरपालिका क्षेत्रातील  दिनांक ७ मे २०२० पासूनच्या ३०८ रुग्णांचा समावेश रिकॉन्सिलिएशन अभावी वरील तक्त्यामध्ये करण्यात आलेला नाही. मागील काही दिवसातील ६६५ कोविड बाधित रुग्ण आय सी एम आर यादीनुसार आज अद्ययावत झाल्याने या रुग्णसंख्येचा समावेश आजच्या दैनंदिन आकडेवारीत करण्यात आलेला नाही तथापि ते एकूण रुग्ण संख्येत समाविष्ट आहेत. ही माहिती केंद्र सरकारच्या कोविड१९ पोर्टलवर मान्यताप्राप्त प्रयोगशाळांनी भरलेल्या कोविड१९ बाधित रुग्णांच्या आकडेवारीनुसार तयार करण्यात आलेली आहे. सदरील अहवाल आय सी एम आर टेस्ट आय डी १६०६९२३ पर्यंतचा आहे. राज्यातील बृहन्मुंबई महानगरपालिका वगळता उर्वरित सर्व महानगरपालिका आणि जिल्ह्यांची आकडेवारी डेटा क्लिनिंगनुसार आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

राज्यातील ज्या भागात रुग्णांचे क्लस्टर सापडले आहेत त्या ठिकाणी केंद्र सरकारच्या मार्गदर्शनानुसार क्लस्टर कंटेन्मेंट कृतियोजना अंमलात आणण्यात येत आहे. राज्यात सध्या १२३७ कंटेन्मेंट झोन क्रियाशील असून आज एकूण १२ हजार ७६८ सर्वेक्षण पथकांनी काम केले असून त्यांनी ५५.६१ लाख  लोकसंख्येचे सर्वेक्षण केलेले आहे.

मुंबई दि.१० मे :- पंतप्रधान गरीब कल्याण योजनेअंतर्गत एप्रिल ते जुन २०२० या तीन महिन्यांसाठी नियमित धान्यासोबतच प्रति महिना प्रती कार्ड १ किलो चणाडाळ किंवा तुरदाळ मोफत वाटप केली जाणार आहे, अशी माहिती राज्याचे अन्न,नागरीपुरवठा मंत्री छगन भुजबळ यांनी दिली आहे.
कोरोनाच्या पार्श्वभूमीवर देशात आणि राज्यात सुरु असलेल्या लॉकडाऊनच्या काळात एकही नागरिक उपाशी राहू नये यासाठी केंद्र सरकार व राज्य सरकारच्या अन्न,नागरी पुरवठा विभागाच्या वतीने विविध योजना राबविण्यात येत असून अन्नधान्याचे वाटप करण्यात येत आहे. पंतप्रधान गरीब कल्याण योजनेअंतर्गत राज्यातील अंत्योदय व प्राधान्य कुटुंब लाभार्थ्यांना तीन महिन्यासाठी प्रती व्यक्ती ५ किलो मोफत तांदूळ देण्याचा निर्णय घेण्यात आला असून त्याचे वाटप नियमित करण्यात येत आहे. त्याचपार्श्वभूमीवर या लाभार्थ्यांना तीन महिन्यांसाठी मोफत डाळ वाटप करण्याचा निर्णय घेण्यात आला असल्याची माहिती अन्न, नागरी पुरवठा खात्याचे मंत्री छगन भुजबळ यांनी दिली आहे.
राष्ट्रीय अन्न सुरक्षा योजनेतील पात्र रेशन कार्ड धारकाने नियमित स्वस्त धान्य खरेदी केल्यानंतर, कार्ड धारकाला १ किलो चणाडाळ किंवा तुरदाळ मोफत देण्यात येणार आहे.यासाठी केंद्र शासनाकडून राज्याला प्रती माह सोळा हजार मेट्रिक टन चणाडाळ व तुरडाळ उपलब्ध करून देण्यात आली आहे. या योजनेचा लाभ राज्यातील ७ कोटी लाभार्थ्यांना मिळणार असल्याचे त्यांनी सांगितले.

नवी दिल्ली. एअर इंडियाच्या पाच वैमानिकांना कोरोना व्हायरसची लागण झाल्याची पुष्टी झाली आहे. नुकतंच हे सर्वजण कार्गो फ्लाइटने चीनला गेले होते. उड्डाण घेण्याच्या 72 तासांपूर्वी केलेल्या प्री-फ्लाइट टेस्टमध्ये या सर्वांना कोरोनाची लागण झाल्याची पुष्टी झाली. कंपनीने सांगितले की, या सर्व वैमानिकांना सध्या मुंबईत क्वारेंटाइन करण्यात आले आहे.

एअर इंडियाने लॉकडाउननंतर अनेक कोरोना संक्रमित देशात आपले विमान पाठवले आहे. यादरम्यान 18 एप्रिलला दिल्लीवरुन ग्वांग्झोसाठी बोइंग 787 ने उड्डाण घेतली होती. एअरलाइनने शंघाई आणि हॉन्गकॉन्गसाठीही मेडिकल कार्गो उड्डाणी घेतली होती.

वैमानिक चिंतेत

एअर इंडियाकडून याबाबत सध्या स्पष्टीकरण आलेले नाही. एका सूत्राने सांगितले की, ‘वंदे भारत मिशन’ अंतर्गत वैमानिकांना कोरोना विषाणूचा मोठा हॉटस्पॉट असलेल्या न्यूयॉर्कसारख्या ठिकाणांवर जायचे आहे. त्यामुळे, काही वैमानिक चिंतेत आहेत.

चाचण्या निगेटिव्ह आल्यावर ड्यूटी करतात

उड्डाण घेतल्यानंतर वैमानिकांना हॉटेलमध्ये नेण्यात येते. तिथे ते आपल्या रिपोर्टी वाट पाहतात. रिपोर्ट येण्यासाठी 24-48 तास लागतात. त्यांची रिपोर्ट निगेटिव्ह आल्यावर कंपनी त्यांना घरी पाठवते. अरायव्हलच्या पाच दिवसानंतर क्रु मेंबरची दुसरी चाचणी केली जाते. त्यांच्या रिपोर्ट निगेटिव्ह आल्यावर परत त्यांना दुसऱ्या ठिकाणी पाठवले जाते.

दुसरी फेज 15 मे पासून सुरू होईल

‘वंदे भारत मिशन’अंतर्गत भारतात येणाऱ्या नागरिकांना फ्लाइटचा आणि क्वारेंटाइनचा खर्च स्वतः भरावा लागेल. पहिल्या फेजमध्ये 14 मे पर्यंत 12 देशातून 14 हजार 800 भारतीयांना परत आणण्याचा प्लॅन आहे. मिशनची दुसरी फेज 15 मे पासून सुरू होईळ. या फेजमध्ये सेंट्रल एशिया आणि यूरोपीय देश जसे- कजाकिस्तान, उज्बेकिस्तान, रशिया, जर्मनी, स्पेन आणि थायलँडमधून भारतीयांना आणले जाईल.

मुंबई. मटका किंग रतन खत्री यांचे निधन झाले आहे. मुंबईतील नवजीन सोसायटीतील राहत्या घरा त्यांनी 88 व्या वर्षी अखेरचा श्वास घेतला. मागील अनेक दिवसांपासून ते आजारी होते. 1960 च्या काळात त्यांनी कल्याण भगत यांच्यासोबत मुंबईत मटक्याचा धंदा सुरू केला होता. मागील अनेक दशकांपासून आणि आजही मटका अनेकांचा आवडीचा धंदा आहे. खत्री यांच्या जाण्याने सट्टा किंवा मटका क्षेत्रात दुख व्यक्त होत आहे.

1960 च्या दशकात खत्री यांनी कल्याण भगत यांच्यासोबत काम करण्यास सुरुवात केली. खत्री भगतला मॅनेजर म्हणून जॉइन झाले होते. 1964 मध्ये खत्री यांनी भगतपासून वेगळे होऊन स्वत: चा रतन मटका सुरू केला. मटका किंवा एका भांड्यात चिट्सवरून चिठ्ठी काढणे इतके प्रसिद्ध झाले की त्या काळात जुगाराची उलाढाल दररोज 1 कोटी रुपयांच्या घरात असायची.

सट्टा, मटका किंवा लॉटरी हा आकड्यांचा खेळ म्हणून लोकप्रिय आहे. हा खेळ स्वातंत्र्यांच्या पूर्वीपासूनच मुंबईत प्रसिद्ध आहे. यात न्यूयॉर्क कॉटन एक्सचेंजमधून कापसाचे दरवाजे उघडणे व बंद करणे यावर पैसे लावले जायचे. 1960 च्या दशकात मटका हा मुंबईतील सर्वच वर्गात लोकप्रिय होता.