पुणे,दि.22: पुणे विभागातील पुणे,सांगली, सातारा, सोलापूर व कोल्हापूर या पाच जिल्हयातील कोरोना उपचार करणा-या हॉस्पिटलचे व्यवस्थापन, रुग्णवाहिका व्यवस्थापन तसेच इतर वैद्यकीय सुविधांचे व्यवस्थापन व इतर आवश्यक माहिती अद्ययावत ठेवण्यासाठी तयार केलेल्या कोविड केयर सॉप्टवेअरचे प्रकाशन उपमुख्यमंत्री श्री अजित पवार यांच्या हस्ते आज करण्यात आले.
विधान भवनच्या ‘झुंबर हॉल’मध्ये उपमुख्यमंत्री अजित पवार यांच्या अध्यक्षतेखाली ‘कोरोना’ संसर्ग प्रतिबंधात्मक उपाययोजनांच्या अनुषंगाने अधिकाऱ्यांची आढावा बैठक पार पडली. या बैठकीत या या सॉफ्टवेअरचे प्रकाशन करण्यात आले.
यावेळी महापौर मुरलीधर मोहोळ, विभागीय आयुक्त डॉ. दीपक म्हैसेकर, जमाबंदी आयुक्त एस.चोक्कलिंगम, पुणे पोलिस आयुक्त के.व्यंकटेशम, पिंपरी चिंचवड पोलिस आयुक्त संदिप विष्णोई, जिल्हाधिकारी नवल किशोर राम, पुणे मनपा आयुक्त शेखर गायकवाड, पिंपरी चिंचवड मनपा आयुक्त श्रावण हार्डिकर, सहकार आयुक्त अनिल कवडे, साखर आयुक्त सौरभ राव, पशुसंवर्धन आयुक्त सचिंद्र प्रताप सिंग, भूजल सर्व्हेक्षण संचालक कौस्तुभ दिवेगावकर, अतिरिक्त आयुक्त रुबल अग्रवाल, शांतनू गोयल, पोलीस अधीक्षक संदीप पाटील, जिल्हा परिषदेचे मुख्य कार्यकारी अधिकारी आयुष प्रसाद, ससूनचे अधिष्ठाता डॉ. मुरलीधर तांबे, आरोग्य विभागाचे निवृत्त महासंचालक डॉ. सुभाष साळुंखे, आदींसह विविध विभागांचे अधिकारी उपस्थित होते.
विभागीय आयुक्त डॉ. दीपक म्हैसेकर यांच्या मार्गदर्शनाखाली श्री. शैलेंद्र पाठक यांनी हे सॉफ्टवेअर विकसित केले आहे. या सॉफ्टवेअरच्या मदतीने पुणे विभागातील कोरोना रुग्ण, उपचार, हॉस्पिटल व्यवस्था, रुग्णवाहिका व्यवस्था, रुग्ण असलेली क्षेत्रे याबाबत माहिती संकलन करणे सुलभ होणार आहे.
या सॉफ्टवेअरबाबत विभागीय आयुक्त डॉ. म्हैसेकर व श्री.पाठक यांनी सविस्तर माहिती दिली. उपमुख्यमंत्री श्री.पवार यांनी या सॉफ्टवेअरच्या निर्मितीबाबत समाधान व्यक्त केले.

*****

पुणे, दि.22 : कोरोना संकटासंदर्भातील सर्व शक्यतांचा अभ्यास करून भविष्यातील उपाययोजनांचे काटेकोर नियोजन करा. ‘कोरोना’शी लढण्यासाठी योग्य नियोजन करत सर्व विभागांनी समन्वय ठेवून काम करावे, अशा सूचना उपमुख्यमंत्री तथा पालकमंत्री अजित पवार यांनी आज दिल्या.

येथील विधान भवनच्या ‘झुंबर हॉल’मध्ये उपमुख्यमंत्री अजित पवार यांच्या अध्यक्षतेखाली ‘कोरोना’ संसर्ग प्रतिबंधात्मक उपाययोजनांच्या अनुषंगाने अधिकाऱ्यांची आढावा बैठक पार पडली. या बैठकीत ते  बोलत होते.

या बैठकीला महापौर मुरलीधर मोहोळ, विभागीय आयुक्त डॉ.दीपक म्हैसेकर, जमाबंदी आयुक्त एस.चोक्कलिंगम, पुणे पोलिस आयुक्त के.व्यंकटेशम, पिंपरी चिंचवड पोलिस आयुक्त संदिप विष्णोई, जिल्हाधिकारी नवल किशोर राम, पुणे मनपा आयुक्त शेखर गायकवाड, पिंपरी चिंचवड मनपा आयुक्त श्रावण हार्डिकर, सहकार आयुक्त अनिल कवडे, साखर आयुक्त सौरभ राव, पशुसंवर्धन आयुक्त सचिंद्र प्रताप सिंग, भूजल सर्व्हेक्षण संचालक कौस्तुभ दिवेगावकर, अतिरिक्त आयुक्त रुबल अग्रवाल, शांतनू गोयल, पोलीस अधीक्षक संदीप पाटील, जिल्हा परिषदेचे मुख्य कार्यकारी अधिकारी आयुष प्रसाद,  ससूनचे अधिष्ठाता डॉ. मुरलीधर तांबे, आरोग्य विभागाचे निवृत्त महासंचालक डॉ. सुभाष साळुंखे, आदींसह  विविध विभागांचे अधिकारी उपस्थित होते.

उपमुख्यमंत्री श्री.पवार म्हणाले, कोरोना संसर्ग रोखण्यासाठी सार्वजनिक शिस्त लावावी लागणार आहे. वैयक्तिक मास्कचा वापर, योग्य आंतर ठेवण्याची दक्षता घ्यावी व कोरोनावर मात करण्यासाठी प्रशासनाला सहकार्य करण्यासाठी नागरिकांच्यात जनजागृती करावी लागणार आहे. सूक्ष्म नियोजनाद्वारे प्रभावीपणे उपाययोजनांची अंमलबजावणी करा, लॉकडाऊनच्या कालावधीत सर्व नियमांची अंमलबजावणी काटेकोरपणे होणे आवश्यक आहे. जिल्ह्याच्या सीमेबाहेरून कुणी व्यक्ती येत असल्यास काटेकोरपणे तपासणी, संस्थात्मक विलगीकरण या गोष्टी पाळल्या गेल्याच पाहिजेत. बाहेरून येऊन कोणामार्फत संसर्ग पसरणार नाही, याची काळजी घ्यावी लागेल. बाहेरून येणाऱ्या बाधित व्यक्तींमध्ये अनेकदा ‘कोरोना’ची लक्षणे दिसत नाहीत. परंतु त्यांच्या मार्फत संसर्ग पसरण्याचा धोका अधिक असतो. त्यामुळे त्यांच्याबाबत काटेकोर कार्यवाही व्हावी. आवश्यक तिथे इतर यंत्रणांचे सहकार्य घ्यावे, अशा सूचनाही श्री.पवार यांनी केल्या.

सद्यस्थितीत आपण सर्वजण विविध अडचणींचा मुकाबला करत आहोत. मात्र, या काळात अधिक काटेकोरपणे काम करण्याची गरज आहे. त्यामुळे परिस्थितीचे गांभीर्य ओळखून काम करावे. कोणत्याही परिस्थितीत कंटेनमेंट झोनमध्ये कडक बंधने पाळली जातील, याकडे लक्ष द्यावे, कोरोनाचा प्रादुर्भाव रोखणे हे आज आपल्यापुढील सर्वात मोठे आव्हान आहे. या काळात शासन, प्रशासन, विविध यंत्रणा अनेक आघाड्यांवर लढत आहेत. कोरोनाविरुद्धची लढाई सर्वांचीच असून नागरिकांची त्याला साथ मिळणे आवश्यक असल्याचे त्यांनी सांगितले.

यावेळी आरोग्य विभागाचे निवृत्त महासंचालक तथा साथरोग नियंत्रण चे सल्लागार डॉ. सुभाष साळुंके म्हणाले, प्रयोगशाळा चाचणी आणि रुग्णालय भरतीबाबत धोरणात्मक निर्णय घेण्याची आवश्यकता आहे. विविध अंदाजानुसार येत्या काही आठवड्यात कोरोनाबाधितांची संख्या वाढू शकते. स्थलांतरित मजूर किंवा हॉटस्पॉट क्षेत्रातून येणाऱ्या व्यक्तींबाबत निश्चित भूमिका घ्यावी लागणार आहे. लोक आपापल्या गावी जात आहेत. स्थलांतरित मजूर तसेच हॉटस्पॉटमध्ये येणाऱ्या व्यक्तींना त्या-त्या जिल्ह्यात 14 दिवसांकरता क्वारंटाईनमध्ये ठेवावे.  ज्यांच्या घरी क्वारंटाईन करणे शक्य आहे. त्यांना घरगुती क्वारंटाईनची अनुमती द्यावी. अशी सुविधा नसल्यास संस्थात्मक क्वारंटाईन करण्यात यावे. क्वारंटाईन कालावधीमध्ये ज्यांना लक्षणे दिसतील त्यांचीच तपासणी करण्यात यावी. क्वारंटाईन नंतरचा 14 दिवसाचा कालावधी हा सेल्फ रिपोर्टिंग कालावधी आहे. या काळात या व्यक्तीला काही लक्षणे आढळल्यास त्याने आरोग्य व्यवस्थेस कळविणे आवश्यक असल्याचे डॉ. साळुंखे यांनी सांगितले.

ससून रुग्णालयात कोरोना चाचण्या वाढविण्यासाठी शासनाकडून निधी ससून रुग्णालयात कोरोना चाचण्या वाढविण्याच्या दृष्टीने राज्य शासनाकडून आवश्यक निधी तातडीने देण्यात येईल असे श्री.पवार यांनी सांगितले. ससून रुग्णालयात उभारण्यात येणाऱ्या कोरोना चाचणी तपासणी केंद्राचा इतर साथीचा आजारासाठीही उपयोग होणार असल्याचेही त्यांनी सांगितले.

कोविड केयर सॉफ्टवेअरचे प्रकाशन

पुणे विभागातील पुणे, सांगली, सातारा, सोलापूर व कोल्हापूर या पाच जिल्ह्यातील कोरोना उपचार करणाऱ्या हॉस्पीटलचे व्यवस्थापन, रुग्णवाहिका व्यवस्थापन तसे इतर वैद्यकीय सुविधांचे व्यवस्थापन व इतर आवश्यक माहिती अद्ययावत करता येण्यासाठी विभागीय आयुक्त डॉ.दीपक म्हैसेकर यांच्या मार्गदर्शनाखाली डॉ. शैलेंद्र पाठक यांनी तयार केलेल्या कोविड केयर सॉफ्टवेअरचे प्रकाशन उपमुख्यमंत्री श्री.पवार यांच्या हस्ते झाले. या सॉफ्टवेअरबाबत श्री.पाठक यांनी सविस्तर माहिती दिली.

विभागीय आयुक्त  डॉ.दीपक म्हैसेकर, जिल्हाधिकारी नवल किशोर राम, आयुक्त शेखर गायकवाड, आयुक्त श्रावण हर्डीकर, साखर आयुक्त सौरभ राव, जमाबंदी आयुक्तण एस. चोक्कलिंगम यांनी कोरोनाबाबतच्या सुरू असलेल्या उपाययोजनांची माहिती दिली. यावेळी विविध विभागाचे प्रमुख अधिकारी उपस्थित होते.

पुणे- मागील ३० वर्षे लोकप्रतिनिधी म्हणून काम करत असताना अनेक संकटे आली. परंतु, सर्व पक्षीय लोकप्रतिनिधी एकजुटीने कोणतेही राजकारण न करता त्याला सामोरे जाऊन त्या संकटाना परतावून लावत होते. आता त्याच प्रकारे सर्वांनी एकत्र येऊन कोरोनाला हद्दपार करू, असे आवाहन काँग्रेसचे जेष्ठ नगरसेवक आबा बागुल यांनी केले आहे.

भाजपाच्यावतीने आज राज्यासह पुणे शहरात काळ्या फिती लावून राज्यसरकारचा निषेध केला. सरकारच्या नाकर्तेपणामुळे कोरोनाचे संकट गंभीर बनल्याचा आरोप भाजपच्या नेत्यांकडून करण्यात आला. त्याला प्रत्युत्तर देताना बागुल यांनी मतभेद विसरू कोरोनवर मात करण्याचा सल्ला भाजप नेत्यांना दिला.

बागुल म्हणाले, १९९२ ला खिलारीचा भूकंपावेळी पुण्यातून सर्व पक्षीय नेते मदतीला धावून गेले होते. पुणे शहरात डेंगू , चिकुन गुनिया, सार्स या सारख्या संकटाला एकत्र सामोरे गेले. मी विरोधी पक्षनेता असताना स्वाईन फ्लू सारख्या अतिशय घाबरून टाकणारा आजार आला होता. त्यावेळी सर्व पक्षीय लोकप्रतिनिधीनी एकत्र काम करून स्वाईन फ्लूवर मात केली होती. स्वाईनफ्लू आला कधी गेला कधी पुणेकरांना त्याची चाहूलही लागू दिली नव्हती.

परंतु, कोरोना राजकारणात अडकला की काय असे वाटू लागले असून आपल्यातली माणुसकी लोप पावत आहे असे झाले आहे. एकमेकांवर टीका करण्यापेक्षा ‘एक मेका साहाय्य करू अवघे धरू सुपंथ’ या ओवी प्रमाणे सर्वानी एकत्र येऊन यावर उपाय योजना शोधून कोरोनाला थोपवण्याचा प्रयत्न केला पाहिजे.

कोरोनामुळे संपूर्ण जगावरच मोठे संकट आले असून केंद्र व राज्य सरकार योग्य त्या उपाय योजना करत आहेत. त्या मध्ये यशस्वीही होताना दिसत आहेत. इतर देशांच्या तुलनेत भारतामध्ये कोरोना आटोक्यात असून भारत लवकरच त्यावर मात करेल, असा विश्वास बागुल यांनी व्यक्त केला.

पुणेकर नागरिकांना कोरोनातून बाहेर काढण्यासाठी पुणे महानगरपालिकेची सर्व यंत्रणा रात्रंदिवस हातावर प्राण घेऊन काम करत आहे. त्यांच्या कार्याला पुणेकरांच्या वतीने सलाम करतो. पुण्यावर आधीच संकटाचे काळे ढग आले असताना इतर काळ्या गोष्टी दाखवण्यापेक्षा सर्व पक्षीय लोक प्रतिनिधींनी एकत्र येऊन या संकटावर कशी मात करता येईल, हे पाहावे, असा टोलाही बागुल यांनी भाजपच्या नेत्यांना लगावला आहे.

पुणे शहरात उल्हास पवार, अंकुश काकडे, विजय काळे, शांतीलाल सुरतवाला, मोहन जोशी, श्रीकांत शिरोळे, अभय छाजेड, डॉ. सतीश देसाई व आबा बागुल यांसारखी अनुभवी मंडळी सर्वच पक्षात आहेत अशा वेळी त्यांच्या कडून सल्ला घेऊन प्रशासन सोबत चर्चा करून मार्ग काढण्याचा प्रयत्न केला पाहिजे, असेही बागुल यांनी सांगितले.

कोरोनापुढे पुणेकर आता त्रासले, ग्रासले आहेत. अशा वेळी त्यांना मायेची गरज आहे त्यांना मायेची फुंकर घालणे गरजेचे आहे. राजकारण आपण नेहमीच करतो ते राजकारणी करतातच परंतु ज्यावेळी एखादे संकट आपल्या देशावर, राज्यावर किंवा शहरावर येते तेंव्हा सर्वानी मिळून काम करायचे असते. कोरोनावर मात करण्यासाठी सर्व राजकारण बाजूला ठेऊन प्रयत्न करू, असेही बागुल म्हणाले.

• लोकप्रतिनिधींना विश्वासात घेऊन अधिकाऱ्यांनी काम करावे -उपमुख्यमंत्री अजित पवार
• पुण्याच्या खासदारांसह काही आमदारांची उपस्थिती 

पुणे, दि.२२: कोरोना विषाणूची साथ नियंत्रणात आणण्यासाठी सर्वच आघाड्यांवर प्रयत्न केले जात असले तरी लोकप्रतिनिधींना विश्वासात घेऊन व त्यांच्या सहकार्याने काम करावे, अशा सूचना उपमुख्यमंत्री तथा पालकमंत्री अजित पवार यांनी आज लोकप्रतिनिधी व अधिकाऱ्यांच्या आढावा बैठकीत केल्या. कोरोनाचा मुकाबला करण्यासाठी निधीची कमतरता पडू दिली जाणार नाही, तथापि, खासदार वंदना चव्हाण, सुप्रिया सुळे, श्रीरंग बारणे, गिरीश बापट यांनी केंद्राकडून अधिकाधिक निधी आणण्यासाठी प्रयत्न करावेत, असे आवाहनही त्यांनी केले.बैठकीला उपस्थित असणाऱ्या लोकप्रतिनिधींच्या सूचना ऐकून घेतल्यानंतर उपमुख्यमंत्री अजित पवार म्हणाले, खाजगी हॉस्पिटलचे ८० टक्के बेड ताब्यात घेण्यात येणार आहेत. आपल्या सूचनांची प्रशासन निश्चित दखल घेईल. वेळोवेळी बैठका घेतल्या जातील. आपल्या सूचना वेळोवेळी पाठवा,असेही त्यांनी सांगितले.

यावेळी खासदार वंदना चव्हाण म्हणाल्या, सोशल मिडिया अधिक सक्रिय केला पाहिजे. कोरोनाच्या बाबत केल्या जाणाऱ्या उपाययोजना व प्रशासनाच्यावतीने सामान्य नागरिकांसाठी देण्यात येणाऱ्या सूचनांची रोजच्या रोज माहिती दिली
जावी. जेणेकरुन लोकप्रतिनिधींना माहिती मिळेल.
खासदार सुप्रिया सुळे यांनी परराज्यात रेल्वेने लोकांना पाठविले, प्रशासनाने याबाबत उत्तम काम केले असल्याचे सांगितले.
खासदार श्रीरंग बारणे यांनी वेळोवेळी प्रशासनाने लोकप्रतिनिधींना अद्ययावत माहिती द्यावी,अशी अपेक्षा व्यक्त केली. ग्रामीण रुग्णालये अधिक सक्षम करण्याची गरज असल्याचे सांगितले.
खासदार गिरीश बापट म्हणाले, परराज्यातील मजूर त्यांच्या त्यांच्या राज्यात पाठविण्यासाठी अधिकाधिक रेल्वेची व्यवस्था करण्याची गरज आहे. लोकप्रतिनिधींना माहिती वेळोवेळी देण्यात यावी. पोलिस प्रशासनानेही समन्वय ठेवावा.पुणे कँटोन्मेंटला आणखी निधी द्यावा, असे ते म्हणाले.
आमदार शरद रणपिसे यांनी कोरोनाबरोबर राहण्यासाठी सूक्ष्म नियोजन करण्याची गरज आहे. प्रभागनिहाय समिती नेमा. त्यात स्थानिक लोकप्रतिनिधींना सामावून घ्या. नागरिकांची प्रतिकार शक्ती वाढविण्यासाठी प्रयत्न करण्याची गरज आहे. पावासाळ्यापूर्वीची कामे त्वरित करून घ्या, असेही त्यांनी सांगितले.
आमदार सिध्दार्थ शिरोळे, लक्ष्मण जगताप, भीमराव तापकीर, चेतन तुपे, सुनील टिंगरे, सुनील कांबळे, सुनील शेळके, महेश लांडगे, आण्णा बनसोडे आदींनी चर्चेत भाग घेऊन उपयुक्त सूचना केल्या.
विभागीय आयुक्त डाॕ.दीपक म्हैसेकर यांनी कोरोना विषाणूला नियंत्रणात आणण्यासाठी विविध आघाड्यांवर प्रयत्न करण्यात येत आहे. सनदी अधिकाऱ्यांवरही जबाबदारी सोपविण्यात आली आहे.जनजागृतीसाठी विविध उपक्रम राबविण्यात येत आहे.योग्य तो निधी जिल्ह्याला उपलब्ध करून दिला आहे.सर्व यंत्रणा समन्वयाने काम करीत आहे, असे सांगितले.
जमाबंदी आयुक्त एस.चोकलिंगम यांनी ससून हॉस्पिटलबाबत माहिती देताना सांगितले, मृत्यू दर आता कमी झाला आहे. ससूनची क्षमता वाढविण्याचे प्रयत्न सुरू आहेत.
पुणे मनपा आयुक्त शेखर गायकवाड म्हणाले, मृत्यू दर कमी होत आहे.२१८२ लोक बरे होऊन घरी गेले आहेत. १० कोटीपेक्षा अधिक निधी विविध संस्थांनी वैद्यकीय उपकरणासाठी उपलब्ध करुन दिला आहे. वैद्यकीय तपासणीसाठी मोबाईल व्हॅन सुरू केली आहे. खासदार व आमदारांनी त्यांचा निधी उपलब्ध करुन दिला आहे.सॅम्पलींग वाढविले आहे. १६०० बेड तयार आहेत. बालेवाडीत ५०० बेडचे सेंटर कार्यान्वित केले आहे. काही हाॕस्पिटलबरोबर करार केले आहेत.
जिल्हाधिकारी नवल किशोर राम म्हणाले, एप्रिल महिन्यात मृत्यू दर व रुग्णसंख्या अधिक होती.आता कमी होताना दिसत आहे.बरे होऊन घरी जाणाऱ्यांची संख्या जवळपास ५० टक्के आहे.भविष्यात परिस्थिती बिकट झाली तर त्यादृष्टीने उपाययोजना केल्या आहेत .पुण्याहून अन्य राज्यात व जिल्ह्यात कामगार, मजूर, विद्यार्थी , नागरिक यांना पाठविण्यात येत आहे. जनजागृतीचे उपक्रमही राबविण्यात येत आहे.
पिंपरी-चिंचवडचे मनपा आयुक्त श्रावण हर्डीकर म्हणाले,अजूनही परिस्थिती नियंत्रणात आहे. होम क्वारंटाईनवर अधिक लक्ष देत आहे.मोठ्या प्रमाणात टेस्टींग केले आहे. वर्दळीच्या ठिकाणच्या वसाहतीत रुग्ण सापडत आहे. शहर सध्या रेड झोनमध्ये नाही.उद्योगांना परवानगी दिली आहे.मोठ्या प्रमाणात जनजागृतीचे उपक्रम राबविण्यात येत आहे.सोशल मिडियाचाही वापर करण्यात येत आहे. सध्या ४८ कंटेन्टमेंट झोन आहे.प्रत्येक वॉर्डासाठी पथक नियुक्त केले आहे.
यावेळी पोलिस आयुक्त के.व्यंकटेशम् व संदिप बिष्णोई, साखर आयुक्त सौरभ राव, पुणे महापालिकेच्या अतिरिक्त आयुक्त  आयुक्त रुबल अग्रवाल व शांतनू गोयल, पोलिस अधीक्षक संदीप पाटील आदी उपस्थित होते.

-डॕश बोर्ड प्रणालीची माहिती जाणून घेतली.
-कोराना विषाणूला नियंत्रणात आणण्यासाठी युद्ध पातळीवर प्रयत्न करा.
-निधी कमी पडू देणार नाही.

पुणे,दि.२२-पुणे स्मार्ट सिटी डेव्हलपमेंट अंतर्गत कार्यन्वित केलेल्या वाॕर रुम ( डॕश बोर्ड) प्रणालीची कार्यपद्धती उप मुख्यमंत्री तथा पालकमंत्री अजित पवार जाणून घेतली व उपयुक्त सूचना केल्या.
कोरोना विषाणूच्या पार्श्वभूमीवर पुणे महानगर पालिकेने ही प्रणाली विकसित केली आहे.याठिकाणी अत्याधुनिक संगणकीय प्रणाली आहे.कोरोनबाधित रुग्ण,शहरातील कोरोनाबाधित क्षेत्र,वाढत असलेला परिसर याबाबतची अद्यावत माहिती याठिकाणी मिळते.त्यामुळे उपाययोजना करणे सोपे जाते.अगदी सुरूवातीपासूनची माहिती याठिकाणी मिळू शकते,अशी माहिती मनपा आयुक्त शेखर गायकवाड यांनी यावेळी दिली.
अपर आयुक्त रुबल अग्रवाल अधिक माहिती देताना म्हणाल्या,याठिकाणी निरंतर काम चालू असते.शिवाय बेडची उपलब्धता,भविष्यात लागणारे बेडस् ,डाॕक्टरांची संख्या या डॕश बोर्डवर पाहायले मिळते,त्यामुळे तात्काळ कार्यवाही करणे सोपे जाते.
यावेळी महापौर मुरलीधर मोहोळ,जिल्हाधिकारी नवल किशोर राम ,अपर आयुक्त शांतानु गोयल,आरोग्य प्रमुख डाॕ.रामचंद्र हंकारे आदी उपस्थित होते.
उप मुख्यमंत्री अजित पवार यावेळी बोलताना म्हणाले,ही प्रणाली उत्तम आहे.एखाद्या कोरोनाबाधित नागरिकांचा फोन आला तर तत्काळ रुग्णवाहिका पोहचली पाहिजे.भविष्याच्या दृष्टिकोनातून बालेवाडी प्रमाणे अन्य ठिकाणी कोव्हिड सेंटर कार्यान्वित केले पाहिजे.
यावेळी त्यांनी पहिला रुग्ण बरा झाल्यानंतर पुन्हा त्यांना किंवा त्यांच्या नातेवाईकांना लागण झाली काय,यावर आयुक्तांनी तसे झाले नाही.आपण त्यांच्या सतत संपर्कात असतो.रोज चार ते साडेचार हजार लोकांना फोन केला जातो,असे सांगितले.
डाॕक्टर,रुग्ण वाहिकांची उपलब्धता याबाबतची माहिती घेताना निधी लागत असेल तर मागणी कारा,लगेच उपलब्ध करून देता येईल,असे उप मुख्यमंत्र्यांनी सांगितले.

विभागात कोरोना बाधित आजवर  झाले एकूण  6 हजार 29 रुग्ण
-विभागीय आयुक्त डॉ.दीपक म्हैसेकर

पुणे दि. 22 :- पुणे विभागातील 2 हजार 927 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 6 हजार 29 झाली आहे. तर ॲक्टीव रुग्ण 2 हजार 807 आहे. विभागात कोरोनाबाधीत एकुण 295 रुग्णांचा मृत्यू झाला आहे. तसेच 197 रुग्ण गंभीर असून उर्वरीत निरीक्षणाखाली आहेत, अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 5 हजार 14 बाधीत रुग्ण असून कोरोना बाधित 2 हजार 552 रुग्ण बरे होवून घरी गेले आहेत. ॲक्टीव रुग्ण संख्या 2 हजार 212 आहे. कोरोनाबाधित एकूण 250 रुग्णांचा मृत्यू झाला आहे. तसेच 190 रुग्ण गंभीर असून उर्वरित निरीक्षणाखाली आहेत.
कालच्या बाधीत रुग्णांच्या संख्येच्या तुलनेत बाधीत रुग्णांच्या संख्येमध्ये पुणे जिल्ह्यात297, सातारा जिल्ह्यात 20, सोलापूर जिल्ह्यात 46, सांगली जिल्ह्यात 3, कोल्हापूर जिल्ह्यात 49 अशी रुग्ण संख्येमध्ये वाढ झालेली आहे.
सातारा जिल्हयातील 201 कोरोना बाधीत रुग्ण असून 106 बाधित रुग्ण बरे होवून घरी गेले आहेत. ॲक्टीव रुग्ण संख्या 90 आहे. कोरोनाबाधित एकूण 5 रुग्णांचा मृत्यू झाला आहे.
सोलापूर जिल्हयातील 524 कोरोना बाधीत रुग्ण असून 218 बाधित रुग्ण बरे होवून घरी गेले आहेत. ॲक्टीव रुग्ण संख्या 269 आहे. कोरोना बाधित एकूण 37 रुग्णांचा मृत्यू झाला आहे.
सांगली जिल्हयातील 62 कोरोना बाधीत रुग्ण असून 38 बाधित रुग्ण बरे होवून घरी गेले आहेत. ॲक्टीव रुग्ण संख्या 23 आहे. कोरोना बाधित एकूण 1 रुग्णांचा मृत्यू झाला आहे.
कोल्हापूर जिल्हयातील 228 कोरोना बाधीत रुग्ण असून 13 बाधित रुग्ण बरे होवून घरी गेले आहेत. ॲक्टीव रुग्ण संख्या 213 आहे. कोरोना बाधित एकूण 2 रुग्णांचा मृत्यू झाला आहे.
आजपर्यत विभागामध्ये एकुण 65 हजार 551 नमूने तपासणीसाठी पाठविण्यात आले होते, त्यापैकी 56 हजार 445 नमुन्यांचा अहवाल प्राप्त झाला आहे. तर 9 हजार 149 नमून्यांचा अहवाल प्रतीक्षेत आहे. प्राप्त अहवालांपैकी 50 हजार 314 नमून्यांचा अहवाल निगेटीव्ह असून 6 हजार 29 चा अहवाल पॉझिटिव्ह आहे.
आजपर्यंत विभागामधील 1 कोटी 25 लाख 14 हजार 145 घरांचे सर्वेक्षण पूर्ण करण्यात आले असून त्याअंतर्गत 5 कोटी 38 लाख 59 हजार 124 व्यक्तींची तपासणी केली आहे. त्यापैकी 3 हजार 584 व्यक्तींना अधिक तपासणीसाठी संदर्भीत करण्यात आले आहे.

पुणे, दि. 22 मे 2020 : महावितरणच्या वेबपोर्टल व मोबाईल अॅपद्वारे स्वतःहून मीटर रिडींग पाठविणाऱ्या वीजग्राहकांना त्यांनी प्रत्यक्षात केलेल्या वीजवापरानुसार अचूक वीजबिल देण्यात येत आहे. मे महिन्यात पहिल्यांदाच चालू रिडींग पाठविणाऱ्या ग्राहकांना एप्रिल महिन्याच्या बिलातील सरासरी युनिट व रक्कम भरली असल्यास त्याचेही समायोजन करण्यात येत आहे. यासंबंधीची माहिती ग्राहकांसाठी संबंधीत वीजबिलामध्ये नमूद करण्यात येत आहे.

महावितरणच्या आवाहनाला प्रतिसाद देत पुणे परिमंडलातील एकूण 69912 वीजग्राहकांनी एप्रिलमध्ये दिलेल्या मुदतीत स्वतःहून मीटरचे रिडींग पाठविले होते. या सर्वांना एप्रिल महिन्याचे प्रत्यक्ष वीजवापरानुसार बिले देण्यात आली आहेत. मात्र ज्या वीजग्राहकांनी एप्रिलमध्ये रिंडीग न पाठवता मे महिन्यात चालू मीटर रिडींग पाठविले त्यांना एप्रिल व मे महिन्यांचे प्रत्यक्ष वीजवापरानुसार वीजबिल देण्यात येत आहे. या बिलामध्ये महावितरणकडून पाठविण्यात आलेले एप्रिल महिन्याचे सरासरी युनिट वगळण्यात येत आहे. ग्राहकांनी एप्रिलचे सरासरी वीजबिल भरले असल्यास त्यातील फिक्स चार्जेसची रक्कम वगळता उर्वरित रक्कम सुद्धा मे महिन्यांच्या बिलात समायोजित करण्यात येत आहे. तसेच स्लॅब बेनिफिट देखील देण्यात येत आहे. याबाबतची सर्व माहिती संबंधीत ग्राहकांना वीजबिलावर उपलब्ध आहे.

कोरोना विषाणूमुळे सुरु असलेल्या लॉकडाऊनच्या कालावधीत महावितरणने गेल्या 23 मार्चपासून वीजग्राहकांकडे जाऊन मीटर रिडींग घेण्याचे प्रक्रिया तात्पुरती बंद केली आहे. रिडींग उपलब्ध नसल्याने वीजग्राहकांना सरासरीनुसार वीजबिल पाठविण्याचा निर्णय घेण्यात आला आहे. मात्र, महावितरणची www.mahadiscom.in वेबसाईट व मोबाईल अॅपद्वारे वीजग्राहकांना मीटरच्या रिडींगचे फोटो पाठवून स्वतः रिडींग घेण्याची सोय उपलब्ध आहे. या रिडींगप्रमाणे वीजवापराचे अचूक बिल तयार करण्यासाठी जास्तीत जास्त वीजग्राहकांनी मीटरच्या रिडींगचे फोटो पाठविण्याचे आवाहन करण्यात येत आहे. त्यासाठी वीजग्राहकांना नोंदणी केलेल्या मोबाईलवर महावितरणकडून ‘एसएमएस’ पाठविला जात असून त्यामध्ये मीटर रिडींग पाठविण्याची मुदत नमूद करण्यात येत आहे.

ज्या वीजग्राहकांनी मीटर रिडींग पाठविलेले नाही त्यांना सरासरी वीजवापरानुसार बिल देण्यात येत आहे. महावितरणकडून ग्राहकंकडे जाऊन मीटर रिडींग घेणे सुरु झाल्यानंतर या सर्व ग्राहकांना वीजवापरानुसार अचूक वीजबिल देण्यात येणार आहे.