पुणे विभागातील 28 हजार 989 कोरोना बाधित रुग्ण बरे होऊन घरी
विभागात कोरोना बाधित 47 हजार 137 रुग्ण
-विभागीय आयुक्त डॉ.दीपक म्हैसेकर

   पुणे:- पुणे विभागातील 28 हजार 989 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 47 हजार 137 झाली आहे. तर ॲक्टीव रुग्ण 16 हजार 619 आहे. विभागात कोरोनाबाधीत एकुण 1 हजार 529 रुग्णांचा मृत्यू झाला आहे. तसेच 632 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बरे होणा-या रुग्णांचे प्रमाण 61.50टक्के आहे. तर मृत्यूचे प्रमाण 3.24 टक्के इतके आहे, अशी  माहिती विभागीय आयुक्त डॉ.दीपक म्हैसेकर यांनी दिली.
 यापैकी पुणे जिल्हयातील 39 हजार 395 बाधीत रुग्ण असून कोरोना बाधित 24 हजार 508 रुग्ण बरे होवून घरी गेले आहेत. ॲक्टीव रुग्ण संख्या 13 हजार 806 आहे. यामध्ये पुणे महानगरपालिका क्षेत्रातील 10 हजार 99, पिंपरी चिंचवड महानगरपालिका क्षेत्रातील 2 हजार 640 व पुणे कॅन्टोंन्मेंट 87, खडकी विभागातील 47, ग्रामीण क्षेत्रातील 853, जिल्हा शल्य चिकीत्सक यांच्याकडील 80 रुग्णांचा समावेश आहे.  पुणे जिल्हयात  कोरोनाबाधित एकूण 1 हजार 81 रुग्णांचा मृत्यू झाला आहे. यामध्ये पुणे महानगरपालिका क्षेत्रातील 853, पिंपरी चिंचवड महानगरपालिका क्षेत्रातील 119 व पुणे कॅन्टोंन्मेंट 25, खडकी विभागातील 17, ग्रामीण क्षेत्रातील 45, जिल्हा शल्य चिकीत्सक यांच्याकडील 22 रुग्णांचा समावेश आहे. तसेच 442 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बरे  होणा-या रुग्णांचे प्रमाण 62.21 टक्के आहे. तर मृत्यूचे प्रमाण 2.74 टक्के इतके आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 1 हजार 240 ने वाढ झाली आहे. यामध्ये पुणे जिल्ह्यात 922, सातारा जिल्ह्यात 56, सोलापूर जिल्ह्यात 169, सांगली जिल्ह्यात 15 तर कोल्हापूर जिल्ह्यात 78 अशी रुग्ण संख्येमध्ये वाढ झालेली आहे.
 सातारा जिल्हयातील कोरोना बाधीत 1 हजार 752 रुग्ण असून 1 हजार 37 बाधित रुग्ण बरे होवून घरी गेले आहेत.  ॲक्टीव रुग्ण संख्या 650आहे. कोरोनाबाधित एकूण 65 रुग्णांचा मृत्यू झाला आहे. 
 सोलापूर जिल्हयातील 4 हजार 99 कोरोना बाधीत रुग्ण असून 2 हजार 276 बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 484 आहे. कोरोना बाधित एकूण 339रुग्णांचा मृत्यू झाला आहे.
 सांगली जिल्हयातील कोरोना बाधीत 639 रुग्ण असून 318 बाधित रुग्ण बरे होवून घरी गेले आहेत.       ॲक्टीव रुग्ण संख्या 302 आहे. कोरोना बाधित एकूण 19 रुग्णांचा मृत्यू झाला आहे.
 कोल्हापूर जिल्हयातील 1 हजार 252 कोरोना बाधीत रुग्ण असून 850 बाधित रुग्ण बरे होवून घरी गेले आहेत.  ॲक्टीव रुग्ण संख्या 377 आहे. कोरोना बाधित एकूण 25 रुग्णांचा मृत्यू झाला आहे.
आजपर्यत विभागामध्ये एकुण 2 लाख 44 हजार 652 नमूने तपासणीसाठी पाठविण्यात आले होते, त्यापैकी 2 लाख 40 हजार 282 नमुन्यांचा अहवाल प्राप्त झाला आहे. तर 4 हजार 370 नमून्यांचा अहवाल प्रतीक्षेत आहे. प्राप्त अहवालांपैकी 1 लाख 92 हजार 678 नमून्यांचा अहवाल निगेटीव्ह असून 47 हजार 137 नमून्यांचा अहवाल पॉझिटिव्ह आहे.     

पुणे: जिल्हाधिकारी नवल किशोर राम व पुणे महानगरपालिकेचे आयुक्त विक्रमकुमार यांनी आज बिबवेवाडी येथे तयार करण्यात येत असलेल्या कोवीड रुग्णालयाला भेट देवून पाहणी केली. कामगार विमा विभागाच्या वतीने उभारण्यात येत असलेल्या रुग्णालयाच्या सोई सुविधांची पाहणी करुन काही त्रूटींची पूर्तता करण्याबाबत सूचना दिल्या. तसेच कोविड रुग्णालय गतीने उभे करण्यासाठी जिल्हा प्रशासन सर्वतोपरी सहकार्य करणार असल्याचेही जिल्हाधिकारी राम यांनी सांगितले.
बिबवेवाडी येथे केंद्रीय कामगार कल्याण विभागाच्या वतीने नव्याने उभारणी करण्यात येत असलेल्या कोवीड रुग्णालयाची जिल्हाधिकारी राम व मनपा आयुक्त विक्रमकुमार यांनी भेट देत पाहणी केली. यावेळी आ. माधुरी मिसाळ, तहसिलदार तृप्ती कोलते पाटील, डॉ. सुनिल जगताप उपस्थित होते.
जिल्हाधिकारी राम यांनी रुग्णालयातील नव्याने उभारणी सुरू असलेल्या अतिदक्षता विभाग, विलगीकरण कक्ष व अन्य विविध कक्षांची पाहणी केली. त्याचबरोबर कोविड 19 च्या उपचारासाठी आवश्यक असणा-या सर्व वैद्यकीय सेवा सुविधा देण्यासाठी रुग्णालयाला आवश्यक ती सर्व साधनसामग्री उपलब्ध करून देण्यासाठी जिल्हा प्रशासन सर्वतोपरी सहकार्य करेल, रुग्णालयाचे काम जलद गतीने पूर्ण करा, ऑक्सीजन व्यवस्था तसेच इतरही अत्यावश्यक व्यवस्थांची उभारणीही तत्परतेने करावी, अशा सूचनाही जिल्हाधिकारी राम यांनी दिल्या. तसेच कोविड रुग्णालय उभारणीत सोईसुविधांबाबत ज्या काही आवश्यक सुधारणा करावयाच्या आहेत. त्याबाबत संबंधीत यंत्रणेला सूचना देवून त्याची पूर्तता करुन घेणे आवश्यक असल्याचे सांगितले.
आ. माधुरी मिसाळ यांनी बिबवेवाडी येथे कोविड रुग्णालय लवकरात लववकर सुरू करण्यासाठी आपण सातत्याने पाठपुरावा करत असल्याचे सांगून या रुग्णालयाची 100
खाटांची क्षमता तसेच अतीदक्षता विभाग, व्हेंटीलेटर्स सुविधाही उभारली जाणार असल्याचे सांगितले. यावेळी कामगार विमा विभागाचे प्रमुख अधिकारी, डॉक्टर उपस्थित होते.

पुणे ः कोरोनाचा उद्रेक झाल्यामुळे पुणे शहर, पिंपरी चिंचवड आणि जिल्ह्यात 13 जुलै मध्यरात्री म्हणजे 14जुलाई ते 23 जुलै दरम्यान लॉकडाऊन जिल्हा प्रशासनाने घोषित केला आहे. पुणे महापालिका क्षेत्रात त्याची अंमलबजावणी नेमकी कशी होईल, याचा आदेश पुणे महापालिकेचे आयुक्त विक्रमकुमार यांनी रविवारी रात्री प्रसिद्ध केला. त्यात उद्योग- आयटी सुरू राहणार असल्याचे म्हटले असून पेट्रोल पंप आणि गॅस पंपही पासधारकांसाठी सुरू राहणार आहेत. तसेच दूध आणि वृत्तपत्रांचे वितरण घरोघरी करण्यासही परवानगी देण्यात आली आहे. त्यामुळे नागरिकांना दिलासा मिळाला आहे.

हे राहणार बंद
– किरणा दुकाने, भाजी विक्री, मटन, अंडी, चिकन, मासे (14 ते 18 जुलै)
– ऑनलाईन खाद्यपदार्थ, वस्तूंची डिलिव्हरी
– मॉर्निंग वॉक, इव्हिनिंग वॉक, बाग, क्रिडांगणे आदी
– हॉटेल, रेस्टॉरंट, मॉल
– सलून, ब्यूटी पार्लर
– शाळा, महाविद्यालये, शैक्षणिक संस्था
– दुचाकी, तीन चाकी, चार चाकी वाहतूक बंद (फक्त पासधारकांनाच परवानगी)
– बांधकामे (ज्या ठिकाणी कामगारांच्या निवासीच व्यवस्था आहे, तेथे काम सुरू ठेवता येणार)
– मंगल कार्यालये, लग्न समारंभ आदी

-सर्व खासगी कार्यालये

हे राहणार सुरू
– पेट्रोल पंप व गॅस पंप सकाळी 9 ते दुपारी 2 पर्यंत खुली राहणार (फक्त पासधारकांनाच इंधन, गॅस मिळणार)
– दूध आणि वृत्तपत्रांचे घरपोच वितरण
– सर्व प्रकारच्या वैद्यकीय सेवा, ऑनलाईन औषध सेवा
– मेडिकल दुकाने, औषधांची घरपोच डिलिव्हरी
– गॅस वितरण
– बॅंका, एटीएम
– माहिती तंत्रज्ञान उद्योग 15 टक्के कर्मचाऱ्यांसह

यांना बाहेर फिरता येईल
– डॉक्‍टर, नर्स, केंद्र आणि राज्य सरकारचे कर्मचारी, प्रसारमाध्यमांचे प्रतिनिधी, दूध विक्रेते, वृत्तपत्र विक्रेते, अंगणवाडी सेविका, मेडिकल दुकानचे कर्मचारी, बी- बियाने विक्री करणारे, महावितरण, स्वच्छता कर्मचारी, पाणी पुरवठा, शहरातून जिल्हा आणि पिंपरी चिंचवडमध्ये जाणारे कामगार (पोलिस पाससह), जीवनावश्‍यक वस्तू, पार्सल, डबे पुरविणारे (पोलिस पाससह).

पुणे- २४ तास पाणी पुरवठा केला तर लोक पाण्याचा साठा करणार नाहीत ,नळावर झुंबड उडणार नाही , कधीही जा ,पाणी मिळेल अशा व्यवस्थेत चिंता कोणाला उरणार नाही म्हणून २४ तास पाणीपुरवठा योजना पुण्यात राबवू पाहणाऱ्या राजकीय आणि प्रशासकीय यंत्रणेने हातात हात घालून परवा केलेल्या लॉकडाऊन च्या घोषणेने अखेर नळावर किंवा पाण्याच्या टँकरवर जसा गोंधळ माजतो त्याहून अधिक गोंधळ माजविला आणि कोरोनाला हात पाय पसरविण्यास डोंगराएवढे बळ दिल्याचे आज पुण्यात सर्वत्र दिसलेल्या गर्दीने स्पष्ट दिसून आले आहे .लॉक डाऊन हा कोरोनावर उपाय होऊ शकत नाही ,तुम्हाला खायलाच मिळाले नाही ,बांधून ठेवले तर तुम्ही शत्रूशी लढणार कसे ? यावर हा शत्रू म्हणे वेगळा आहे . घरात बसून राहा आणि त्याला पराजित करा अशी हाकोटी पिटत लोकांचे काम धंदे बंद करत , नौकरी व्यवसाय बुडवून टाकीत लॉक डाऊन चे शस्त्र उपसण्यात आले ..पण ‘कोरोना ने गळे घोटले आणि लॉक डाऊन ने उपाशी मारले ‘ अशी परिस्थिती निर्माण झाली . त्यात गरिबांची परिस्थिती पाहून त्यांना समजावून घेत ,त्यांना कमजोर न करता कोरोनाशी दोन हात करू पाहणाऱ्या प्रशासनातील मराठी अधिकारी आता शहरात उरले नाहीत . अशा अवस्थेत आता उद्या रात्री पासून सुरु होणारा लॉक डाऊन कसा असेल ? याकडे अनेकांचे लक्ष लागले आहे . कोरोना हा इतिहास अधोरेखित करणार तर आहेच पण याच इतिहासातील पुण्यातील लढाई ची हि पाने सुवर्णाक्षरांनी लिहिली जातील असा दावा हि केला जातो आहे.

पुणे : पुण्याचे नवनियुक्त महापालिका आयुक्त विक्रम कुमार यांनी पदभार स्वीकारला. पुण्यात उद्या (सोमवार 13 जुलै) मध्यरात्रीपासून लॉकडाऊन सुरु होणार असल्याने रविवारच्या दिवशीच विक्रम कुमार यांनी महापालिका आयुक्त पदाचा पदभार घेतला.

शेखर गायकवाड यांची कालच पुणे पालिका आयुक्तपदावरुन बदली करण्यात आली होती. त्यानंतर अवघ्या 24 तासात आयुक्त भवनात विक्रम कुमार यांनी गायकवाड यांच्या हस्ते पदभार स्वीकारला. यावेळी अतिरिक्त आयुक्त रुबल अग्रवाल यांच्यासह इतर विभागाचे अधिकारी उपस्थित होते. कोरोना शी लढा हे आव्हान त्यांच्या समोर आ वासून उभे आहे , रविवारीच विक्रम कुमार यांनी पदभार स्वीकारुन कामकाजाला सुरुवात केली.

कोरोनाशी लढताना आजवर केलेल्या उपाययोजनांची आणि त्याने झालेल्या परिणामांची कल्पना -यांची माहिती त्यांनी घेतली तेव्हा लॉक डाऊन गरिबांसाठी कोरोनाचा बाप बनला असल्याची, आणि नफेखोरांसाठी वरदान बनला असल्याची कल्पना काहींनी त्यांना दिल्याचे समजते .रोग परवडला पण उपचार नको अशी स्थिती होऊ नये यासाठी घेतलेली काळजी म्हणजे अनलॉक १ होते . रोगाशी लढताना , गनिमी काव्याने जीवन सावरत ,रोगाला हरवत राहावे पण रोगापेक्षा उपचार जालीम ..होऊ नये … अशी भावना त्यांच्याकडे काहींनी व्यक्त केल्याचे वृत्त आहे.

पुणे-प्रगती फाऊंडेशन आणि प्रतीक कदम यांच्या सयुंक्त विद्यमाने कोरोना चा प्रदूर्भाव रोखण्यासाठी संपूर्ण कात्रज परिसरातील प्रत्येक घरातील प्रत्येक नागरिकाचे कोरोना पूर्व चाचणी करण्याचे काम सुरु केले आहे.

याबाबत त्यांनी दिलेल्या प्रसिद्धीपत्रकात म्हटले कि , टेम्प्रेचर , पल्स स्क्रिनिंग व HPO2 ची तपासणी नागरिकांच्या घरी जाऊन करत आहोत.तसेच प्रत्येक कुटुंबाला स्यानिटांयझर बॉटल , मास्क व अरसिक आल्बम 30 या आयुर्वेदिक गोळ्या ही मोफत वाटप करत आहोत. गेली 10 दिवस आमच्या नर्स व कार्यकर्ते स्वता जीव धोक्यात घालून ही सेवा करत आहेत. या कार्यात पुणे मनपा चे एक ही सेवक किंवा अधिकारी न घेता प्रतिक कदम स्वता उपस्थितीत राहून हे काम युद्धपातळीवर करत आहे.आतापर्यंत 28000 नागरिकांची तपासणी केली आहे. . अंदाजे 12000 घरात मोफत स्यानिटायझर पोचले आहे.
ही अखंड अविरत सेवा कदम परिवार चालू ठेवणार आहे. लवकरच राहिलेला परिसर ही या कार्यात सहभागी केला जाईल. तुमच्या दारी आम्ही तपासणी साठी येत आहोत. काळजी घ्या सुरक्षित रहा.असा संदेश उर्वरित रहिवाशी विभागांना देण्यात आला आहे .

पुणे विभागातील 27 हजार 931 कोरोना बाधित रुग्ण बरे होऊन घरी
विभागात कोरोना बाधित 45 हजार 897 रुग्ण
-विभागीय आयुक्त डॉ.दीपक म्हैसेकर

पुणे दि. 12 :- पुणे विभागातील 27 हजार 931 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 45 हजार 897 झाली आहे. तर ॲक्टीव रुग्ण 16 हजार 483 आहे. विभागात कोरोनाबाधीत एकुण 1 हजार 483 रुग्णांचा मृत्यू झाला आहे. तसेच 731 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बरे होणा-या रुग्णांचे प्रमाण 60.86 टक्के आहे. तर मृत्यूचे प्रमाण 3.23 टक्के इतके आहे, अशी माहिती विभागीय आयुक्त डॉ.दीपक म्हैसेकर यांनी दिली.
यापैकी पुणे जिल्हयातील 38 हजार 473 बाधीत रुग्ण असून कोरोना बाधित 23 हजार 591 रुग्ण बरे होवून घरी गेले आहेत. ॲक्टीव रुग्ण संख्या 13 हजार 832 आहे. यामध्ये पुणे महानगरपालिका क्षेत्रातील 10 हजार 30, पिंपरी चिंचवड महानगरपालिका क्षेत्रातील 2 हजार 820 व पुणे कॅन्टोंन्मेंट 83, खडकी विभागातील 50, ग्रामीण क्षेत्रातील 777, जिल्हा शल्य चिकीत्सक यांच्याकडील 72 रुग्णांचा समावेश आहे. पुणे जिल्हयात कोरोनाबाधित एकूण 1 हजार 50 रुग्णांचा मृत्यू झाला आहे. यामध्ये पुणे महानगरपालिका क्षेत्रातील 832, पिंपरी चिंचवड महानगरपालिका क्षेत्रातील 113 व पुणे कॅन्टोंन्मेंट 24, खडकी विभागातील 15, ग्रामीण क्षेत्रातील 45, जिल्हा शल्य चिकीत्सक यांच्याकडील 21 रुग्णांचा समावेश आहे. तसेच 558 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बरे होणा-या रुग्णांचे प्रमाण 61.32 टक्के आहे. तर मृत्यूचे प्रमाण 2.73 टक्के इतके आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 1 हजार 822 ने वाढ झाली आहे. यामध्ये पुणे जिल्ह्यात 1 हजार 509, सातारा जिल्ह्यात 153, सोलापूर जिल्ह्यात 109, सांगली जिल्ह्यात 16 तर कोल्हापूर जिल्ह्यात 35 अशी रुग्ण संख्येमध्ये वाढ झालेली आहे.
सातारा जिल्हयातील कोरोना बाधीत 1 हजार 696 रुग्ण असून 1 हजार 10 बाधित रुग्ण बरे होवून घरी गेले आहेत. ॲक्टीव रुग्ण संख्या 621 आहे. कोरोनाबाधित एकूण 65 रुग्णांचा मृत्यू झाला आहे.
सोलापूर जिल्हयातील 3 हजार 930 कोरोना बाधीत रुग्ण असून 2 हजार 193 बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 409 आहे. कोरोना बाधित एकूण 328 रुग्णांचा मृत्यू झाला आहे.
सांगली जिल्हयातील कोरोना बाधीत 624 रुग्ण असून 302 बाधित रुग्ण बरे होवून घरी गेले आहेत. ॲक्टीव रुग्ण संख्या 306 आहे. कोरोना बाधित एकूण 16 रुग्णांचा मृत्यू झाला आहे.
कोल्हापूर जिल्हयातील 1 हजार 174 कोरोना बाधीत रुग्ण असून 835 बाधित रुग्ण बरे होवून घरी गेले आहेत. ॲक्टीव रुग्ण संख्या 315 आहे. कोरोना बाधित एकूण 24 रुग्णांचा मृत्यू झाला आहे.
आजपर्यत विभागामध्ये एकुण 2 लाख 39 हजार 852 नमूने तपासणीसाठी पाठविण्यात आले होते, त्यापैकी 2 लाख 34 हजार 207 नमुन्यांचा अहवाल प्राप्त झाला आहे. तर 5 हजार 645 नमून्यांचा अहवाल प्रतीक्षेत आहे. प्राप्त अहवालांपैकी 1 लाख 87 हजार 860 नमून्यांचा अहवाल निगेटीव्ह असून 45 हजार 897 नमून्यांचा अहवाल पॉझिटिव्ह आहे.

( टिप :- दि. 12 जुलै 2020 रोजी दुपारी 3.00 वा. पर्यंतच्या आकडेवारीनुसार )
0000

पुणे-प्रशासनाकडून, आणि पुण्याच्या महापौरांकडून आलेल्या सूचनांचा विचार करुनच पुणे, पिंपरी-चिंचवडच्या लॉकडाऊनचा निर्णय घेण्यात आला आहे. व्यापक लोकहित लक्षात घेवून हा निर्णय घेतला असून तो एकतर्फी नाही अशी स्पष्टोक्ती उपमुख्यमंत्री अजित पवार यांनी दिली. खासदार गिरीश बापट यांनी उपमुख्यमंत्र्यांनी घेतलेला निर्णय एकतर्फी असल्याची टीका केली होती. एकाही आमदार खासदाराला विश्वासात न घेता हा निर्णय घेतल्याचे बापट म्हणाले होते, त्याचा पवार यांनी बारामतीत पत्रकारांशी बोलताना खुलासा केला.पुण्यात कोरोना रुग्णांची संख्या झपाट्याने वाढते आहे. त्यामुळे लॉकडाऊनची गरज प्रशासनाकडून व्यक्त होत होती. पुण्यातील स्थिती आटोक्यात येण्यासाठी व्यापक विचार करुन लॉकडाऊनचा निर्णय घेतला असल्याचे पवार म्हणाले. मंत्रालयातील वरिष्ठ अधिकारी, विभागीय आयुक्त, महानगरपालिकेचे आयुक्त, पोलिस आयुक्त, जिल्हाधिकारी, आरोग्य सचिव यांच्यासह सर्वच प्रमुख अधिका-यांनाही याची कल्पना होती. काही लोकप्रतिनिधी बरोबर फोनवरुन बोलणे केले होते. पुण्याच्या महापौर यांच्याशी चर्चा केली होती. त्यामुळे लॉकडाऊनचा निर्णय एकतर्फी नसल्याचे पवार म्हणाले.