पुणे,: पुणे आणि पिंपरी चिंचवड शहरात तसेच काही ग्रामीण भागात लॉकडाऊन करण्यात आला आहे. आतापर्यत सर्व नागरिक प्रशासनाला सहकार्य करत आहेत, यापुढेही लॉकडाऊन कडक पाळून कोरोनाची साखळी तोडण्यासाठी नागरिकांनी सहकार्य करावे, असे आवाहन विभागीय आयुक्त डॉ. दीपक म्हैसेकर यांनी केले आहे. ताप, सर्दी, खोकला, श्वास घेण्यास त्रास आदी कोरोना सदृश्य लक्षणे दिसून येणाऱ्या नागरिकांनी आरोग्य तपासणी करुन घ्यावी. तसेच कोरोना बाधित रुग्णांच्या संपर्कात येणाऱ्या नागरिकांनीही तपासणी करुन घ्यावी. सर्वांनी मोबाईल मध्ये आरोग्य सेतू ॲप डाऊनलोड करावा, असेही आवाहन डॉ. म्हैसेकर यांनी केले आहे

हॉस्पिटल मधील उपलब्ध बेड, रुणवाहिका व आरोग्यविषयक कोणतीही अडचण असल्यास पुढील क्रमांकावर संपर्क साधावा. हेल्पलाईन क्रमांक – 1) तपासणीसाठी डॉ. एन. बी.गोखले- 9422534721/8999951242.

2) कोविड माहिती – 1075 ( केंद्र),104 ( राज्य) किंवा राज्य आरोग्य विभाग (020-26127394) 3) नॉन कोविड आरोग्य ( कोमार्बिड) तातडीचे ( 24×7) डी एम सी सेल – पुणे म.न.पा. (020-25506800, 25506801, 25506802,25506803)
4) कोविड लक्षणे / गृह विलगीकरण/ रुग्णालय प्रवेशाकरीता (24×7)-डी.एम.सी सेल – पुणे म.न.पा. (020- 25506800, 25506801, 25506802, 25506803 किंवा 020- 25506300 (नायडू रुग्णालय).
5) रुग्णवाहिका प्रसुती रुग्णांकरीता – कमला नेहरु रुग्णालय- (020-25508500, 25508609, सोनवणे रुग्णालय – (020-25506100, 25506108) 6) नॉन कोविड रुग्णांकरीता रुग्णवाहीका – 108 ( शासकीय) किंवा 101 पुणे म.न.पा.
7) कोविड रुग्णवाहिका – 108 ( शासकीय) 8) नॉन कोविड शववाहिका – 101 पुणे म.न.पा 9) कोविड शववाहिका – व्हेईकल डेपो – 020-24503211,24503212

बेड उपलब्धतेकरीता – https://www.divcommpunecovid.com/ccsbedddashboard/hsr
इतर तातडीच्या कामाकरीता पुणे म.न.पा.च्या आपत्ती व्यवस्थापन विभाग 020-25506800 या क्रमांकावर संपर्क करावा, असे आवाहन डॉ. दीपक म्हैसेकर यांनी केले आहे. तसेच गुगल ॲप वरुन कोविड केअर ॲप डाऊनलोड केल्यास बेडच्या उपलब्धतेबद्दल माहिती जाणून घेवु शकता.

जिल्हाधिकारी राम यांनी घेतला पुरंदर तालुक्यातील कोरोना उपाययोजनांचा आढावा
• पुरंदर तालुक्यात कोविड केअर सेंटरची संख्या वाढवा
• संस्थात्मक विलगीकरण काटेकोरपणे करा
• कोरोनाबधित रुग्णांचा अधिकाधिक संपर्क शोधण्यावर भर द्या
• कोरोना विषयक जनजागृतीसाठी गावनिहाय नियोजन करा
• अनावश्यक गर्दी रोखण्यासाठी कडक कारवाई करा

पुणे, : पुरंदर तालुक्यासह आजूबाजूच्या सर्व भागात कोरोना बाधित व्यक्तींची संख्या वाढू लागली आहे. या विषाणूचा संसर्ग वाढू नये, यासाठी अधिक दक्ष राहून बाहेरून येणाऱ्या व्यक्तींना ‘क्वारंटाईन’ करणे, उपद्रव करणाऱ्या व्यक्तींवर गुन्हे दाखल करणे, प्रसंगी काही लोकांना संस्थात्मक विलगीकरण (इन्स्टिट्यूशनल क्वारंटाईन) कक्षात पाठविणे अशी कारवाई आपल्या स्तरावरून करावी. जेणेकरून आपले गाव व पर्यायाने आपला तालुका कोरोना विषाणूपासून लवकरच मुक्त होईल, असा विश्वास जिल्हाधिकारी नवल किशोर राम यांनी आज व्यक्त केला. तसेच पुरंदर तालुक्यात कोविड केअर सेंटर, संस्थात्मक विलगीकरण सुविधा वाढविण्यासोबतच कोरोनाबधित रुग्णांच्या अधिकाधिक संपर्क शोधण्यावर भर द्या अशा सूचनाही जिल्हाधिकारी राम यांनी दिल्या.
सासवड तहसील कार्यालयात पुरंदर तालुक्यातील कोरोना प्रतिबंधात्मक उपाययोजनांबाबत जिल्हाधिकारी राम यांच्या अध्यक्षतेखाली बैठक झाली. यावेळी नगराध्यक्ष मार्तंड भोंडे, पंचायत समितीच्या सभापती नलीनी लोळे, जिल्हा पोलीस अधिक्षक संदीप पाटील, उपविभागीय अधिकारी प्रमोद गायकवाड, तहसीलदार रुपाली सरनोबत, पोलीस निरीक्षक डी. एस. हाके, जेजुरीचे पोलीस उपनिरीक्षक अंकुश माने, सासवडचे मुख्याधिकारी विनोद जळत, जेजुरीचे मुख्याधिकारी पूनम शिंदे, निवासी नायब तहसीलदार सुर्यकांत पठाडे, नायब तहसीलदार उत्तम बडे यांच्यासह लोकप्रतिनिधी व विविध विभागाचे अधिकारी उपस्थित होते.
सासवड , जेजूरी शहरासोबतच ग्रामीण भागातील कोरोना संसर्ग रोखण्यासाठी प्रतिबंधात्मक उपाययोजनांमध्ये वाढ करावी तसेच संस्थात्मक विलगीकरण, कोरोना चाचणी व कोरोना बाधित रुग्णांच्या संपर्क शोध मोहिमेसाठी स्वतंत्रपणे समन्वयासाठी अधिकाऱ्यांची नेमणूक करावी, असे निर्देश देत जिल्हाधिकारी राम म्हणाले, कोरोना विषाणूचा संसर्ग रोखण्यासाठी जिल्हा प्रशासनामार्फत करण्यात येत असलेल्या उपाययोजना प्रभावीपणे राबविण्यासाठी ग्रामीण भागातूनही मोठया प्रमाणात सहकार्य मिळत आहे. गावपातळीवर बाहेरुन येणाऱ्या व्यक्तींना तसेच कोरोना बाधित व्यक्तिंच्या संपर्कात आलेल्या व्यक्तीला संस्थात्मक विलगीकरण करणे आवश्यक आहे. तसेच होम आयसोलेशनबाबत काय काळजी घेणे आवश्यक आहे, याबाबत कोरोनाबाधित रुग्णांच्या कुटंबाला माहिती देण्यासोबतच कोरोनाबाबत दक्षता घ्या, घाबरू नका, असा सल्ला देण्याचेही त्यांनी सांगितले.
पुरंदर तालुक्यात आरोग्यविषयक पायाभूत सुविधांची वाढ करण्यावर भर देणार असल्याचे सांगतानाच कोरोना संसर्गाबाबत जागृती निर्माण करण्यासाठी गावनिहाय नियोजन करून जनजागृतीसाठी ध्वनीफित असणारे फिरते वाहन गावात पाठवा तसेच मास्क न वापरणे, लग्नसमारंभात नियमापेक्षा अधीक संख्या तसेच अनावश्यक गर्दी करणा-यांवर कडक कारवाई करा, या कारवाईसाठी भरारी पथक तयार करण्याच्या सूचनाही जिल्हाधिकारी राम यांनी दिल्या.
कोरोना संसर्गाचा वाढता धोका लक्षात घेता तालुक्यामध्ये कोविड केअर सेंटर, कोविड आरोग्य तपासणी केंद्र वाढवावेत तसेच कन्टेंन्मेंट झोनमधील नागरिकांची प्राधान्याने आरोग्य तपासणी करावी. कोरोना बाधित रुग्ण आढळल्यास त्याच्या संपर्कातील व्यक्तिंचा अत्यंत काटेकोरपणे शोध घेणे आवश्यक आहे. तसेच संस्थात्मक विलगीकरण केंद्रावर देण्यात येणाऱ्या सोयीसुविधा दर्जेदार असणे आवश्यक आहे, असेही जिल्हाधिकारी राम यांनी सांगितले.
पोलीस अधीक्षक संदीप पाटील यांनी अत्यावश्यक सेवा व इतर महत्वाच्या कामाशिवाय अनावश्यक गर्दी करणाऱ्या नागरिकांवर कडक कारवाई करण्यात येणार असल्याचे सांगितले. तसेच प्रत्येक वॉर्डनिहाय कोरोना संसर्ग रोखण्याच्या मदतीसाठी पाच स्वंयसेवकांची नेमणूक करणार असून सर्व नियमांचे पालन केले तर कोरोनाचा संसर्ग रोखण्यात यश येईल, असे त्यांनी सांगितले.
तहसीलदार रुपाली सरनोबत यांनी पुरंदर तालुका प्रशासनाच्या वतीने कोरोना प्रतिबंधासाठी करण्यात येत असलेल्या उपाययोजनाबाबत माहिती दिली. यावेळी विविध विभागाचे प्रमुख अधिकारी उपस्थित होते.

पुणे विभागातील 30 हजार 27 कोरोना बाधित रुग्ण बरे होऊन घरी
विभागात कोरोना बाधित 49 हजार 187 रुग्ण
-विभागीय आयुक्त डॉ.दीपक म्हैसेकर

पुणे:- पुणे विभागातील 30 हजार 27 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 49 हजार 187 झाली आहे. तर ॲक्टीव रुग्ण 17 हजार  593आहे. विभागात कोरोनाबाधीत एकुण 1 हजार 567 रुग्णांचा मृत्यू झाला आहे. तसेच  624 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बरे होणा-या रुग्णांचे प्रमाण 61.05 टक्के आहे. तर मृत्यूचे प्रमाण  3.19 टक्के इतके आहे, अशी  माहिती विभागीय आयुक्त डॉ.दीपक म्हैसेकर यांनी दिली.
 यापैकी पुणे जिल्हयातील 41 हजार 122 बाधीत रुग्ण असून कोरोना बाधित 25 हजार 457 रुग्ण बरे होवून घरी गेले आहेत. ॲक्टीव रुग्ण संख्या 14 हजार 553  आहे. यामध्ये पुणे महानगरपालिका क्षेत्रातील 10 हजार 431, पिंपरी चिंचवड महानगरपालिका क्षेत्रातील 3 हजार 1 व पुणे कॅन्टोंन्मेंट 79 , खडकी विभागातील 46 , ग्रामीण क्षेत्रातील 919 , जिल्हा शल्य चिकीत्सक 77 यांच्याकडील  रुग्णांचा समावेश आहे.  पुणे जिल्हयात  कोरोनाबाधित एकूण 1 हजार  रुग्णांचा 112मृत्यू झाला आहे. यामध्ये पुणे महानगरपालिका क्षेत्रातील 869, पिंपरी चिंचवड महानगरपालिका क्षेत्रातील 128 व पुणे कॅन्टोंन्मेंट 27 , खडकी विभागातील 18 , ग्रामीण क्षेत्रातील 47, जिल्हा शल्य चिकीत्सक 23 यांच्याकडील  रुग्णांचा समावेश आहे. तसेच 456 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बरे  होणा-या रुग्णांचे प्रमाण 61.91 टक्के आहे. तर मृत्यूचे प्रमाण 2.70 टक्के इतके आहे.
कालच्या बाधीत रुग्णांच्या संख्येच्या तुलनेत पुणे विभागात बाधीत रुग्णांच्या संख्येमध्ये एकूण 2 हजार 50 ने वाढ झाली आहे. यामध्ये पुणे जिल्ह्यात 1 हजार 727, सातारा जिल्ह्यात 91, सोलापूर जिल्ह्यात 137, सांगली जिल्ह्यात 32 तर कोल्हापूर जिल्ह्यात 63 अशी रुग्ण संख्येमध्ये वाढ झालेली आहे.
 सातारा जिल्हयातील कोरोना बाधीत  1 हजार 843  रुग्ण असून 1 हजार  66 बाधित रुग्ण बरे होवून घरी गेले आहेत.  ॲक्टीव रुग्ण संख्या 711 आहे. कोरोनाबाधित एकूण 66 रुग्णांचा मृत्यू झाला आहे. 
 सोलापूर जिल्हयातील 4 हजार 236 कोरोना बाधीत रुग्ण असून 2 हजार 307 बाधित रुग्ण बरे होवून घरी गेले आहेत. ॲक्टीव रुग्ण संख्या  1 हजार 587 आहे. कोरोना बाधित एकूण रुग्णांचा 342 मृत्यू झाला आहे.
 सांगली जिल्हयातील कोरोना बाधीत 671 रुग्ण असून 338 बाधित रुग्ण बरे होवून घरी गेले आहेत.                      ॲक्टीव रुग्ण संख्या  314 आहे. कोरोना बाधित एकूण 19 रुग्णांचा मृत्यू झाला आहे.
 कोल्हापूर जिल्हयातील 1 हजार  315 कोरोना बाधीत रुग्ण असून 859 बाधित रुग्ण बरे होवून घरी गेले आहेत.  ॲक्टीव रुग्ण संख्या  428आहे. कोरोना बाधित एकूण 28 रुग्णांचा मृत्यू झाला आहे.
आजपर्यत विभागामध्ये एकुण 2 लाख 50 हजार 20 नमूने तपासणीसाठी पाठविण्यात आले होते, त्यापैकी 2 लाख 45 हजार 397 नमुन्यांचा अहवाल प्राप्त झाला आहे. तर 4 हजार 623 नमून्यांचा अहवाल प्रतीक्षेत आहे. प्राप्त अहवालांपैकी  1 लाख 95 हजार 709 नमून्यांचा अहवाल निगेटीव्ह असून 49  हजार 187 नमून्यांचा अहवाल पॉझिटिव्ह आहे.    

( टिप :- दि. 14 जुलै 2020 रोजी दुपारी 3.00 वा. पर्यंतच्या आकडेवारीनुसार )

पुणे, दि. 13- उद्योग, आस्थापनांनी त्यांच्या कामगार, कर्मचाऱ्यांना दिलेले पासेस पुणे महापालिका, पिंपरी- चिंचवड महापालिका तसेच पुणे ग्रामीण क्षेत्रात येण्या-जाण्यास पात्र राहतील, असे विभागीय आयुक्त डॉ. दिपक म्हैसेकर यांनी कळविले आहे.
पुणे जिल्ह्यात टाळेबंदी जाहीर झाली असून या कालावधीत उद्योग, आस्थापना, कंपन्यांनी त्यांच्या कामगार, कर्मचाऱ्यांना दिलेले पास पुणे महापालिका, पिंपरी-चिंचवड
आणि पुणे ग्रामीण क्षेत्रात प्रवासासाठी लागू रहातील, असे स्पष्ट करण्यात आले आहे.
सर्व औद्योगिक आस्थापना, आयटी कंपन्या, दूरसंचार कंपन्या आणि कृषी कंपन्या कडक टाळेबंदीच्या
(लॉकडाऊन) काळातदेखील सुरू राहणार आहेत. या कंपन्यांमधील अधिकारी, कामगार यांना रोजच्या प्रवासासाठी पोलीस पासची गरज नसेल, असे विभागीय आयुक्त डॉ. दिपक म्हैसेकर यांनी कळविले आहे.
कंपन्यांच्या एचआर (मनुष्यबळ) विभागप्रमुखाने कंपनीच्या लेटरहेडवर वाहन परवाना द्यावा. या परवान्यांची माहिती एचआरने संबंधित पोलीस आयुक्त व पोलीस स्टेशन प्रभारी यांना द्यावी. कामगार-अधिकाऱ्यांनी कंपनीने दिलेला वाहन परवाना सोबत ठेवणे बंधनकारक आहे. मेडिकल कर्मचारी, सफाई कर्मचारी व्यावसायिक, आणि रुग्णवाहिकांना शहरांतर्गत वाहतुकीसाठी वेगळ्या पासची अथवा परवानगीची गरज नाही. तसेच पेट्रोल पंप व गॅस पंप सकाळी ९ ते ६ वेळेत शासकीय, अत्यावश्यक सेवेतील तसेच कंपन्यांनी परवानगी दिलेल्या वाहनांसाठी सुरू राहतील, असे जिल्हाधिकारी नवल किशोर राम यांनी कळविले आहे.
मोठ्या ब्रेकनंतर पुन्हा सुरु झालेल्या एमआयडीसी क्षेत्र सुरुच राहणार आहेत. परंतु जिल्ह्यात पाचपेक्षा अधिक कोरोना पॉझिटिव्ह रुग्ण सापडलेल्या ग्रामपंचायतीमध्ये कटेन्मेंट झोनची कडक अंमलबजावणी करण्याचे आदेश संबंधित यंत्रणेला दिले आहेत.
जिल्हाधिकारी नवल किशोर राम म्हणाले,चाकण, तळेगाव, रांजणगाव, बारामती, जेजुरी, कुरकुंभ सह जिल्ह्यातील सर्व एमआयडीसी क्षेत्र सुरु राहतील, ग्रामीण भागातील कंटेन्मेंट झोनच्या बाहेर असलेल्या सर्व ग्रामपंचायती,
तालुक्याच्या ठिकाणची शेती संबंधित खते, औषधे व अवजारांच्या दुकानांवर कोणत्याही प्रकारची निर्बंध घालण्यात आलेले नाहीत.
ग्रामीण भागात नागरिकांनी कामाशिवाय बाहेर फिरु नये, असेही जिल्हाधिकारी राम यांनी आवाहन केले आहे.

पुणे,- बिबवेवाडीतील वाढती कोरोनाच्या रुग्णांची संख्या लक्षात घेऊन येथील राज्य कामगार विमा योजनेच्या (र्इएसआयसी) रुग्णालयात कोरोना विषाणूच्या संसर्गामुळे बाधित झालेल्या रुग्णांवर उपचार करण्यासाठी ११० बेडचे कोविड सेंटर तातडीने सुरू करावे अशी मागणी आमदार माधुरी मिसाळ यांनी केली.

आमदार मिसाळ यांनी जिल्हाधिकारी नवलकिशोर राम, मनपा आयुक्त विक्रम कुमार यांच्या समवेत आज रुग्णालयातील सोयीसुविधांची आणि तयारीची पाहाणी केली. तहसिलदार तृप्ती कोलते पाटील, डॉ. सुनील जगताप यावेळी उपस्थित होते.

मिसाळ म्हणाल्या, ‘या रुग्णालयात ११० बेड तयार आहेत. अतिदक्षता विभागात १० बेडची व्यवस्था आहे. शस्त्रक्रियेसाठी २ आणि शस्त्र क्रियेनंतरच्या उपचारांसाठी ४ बेड उपलब्ध आहेत. अतिदक्षता विभाग, नवजात शिशुंसाठी अतिदक्षता विभाग, इंटेनसिव्ह केअर विभागासाठी एकूण ३१ बेड आहेत. ऑक्सिजन, व्हेंटिलायटरसाठी आवश्यक असणारी सर्व यंत्रणा कार्यान्वित आहे. कोविड चाचण्या, विलगीकरण कक्ष आदी सुविधा देता येतील. यासाठी मी गेले पंधरा दिवस सातत्याने पाठपुरावा करीत आहे. हे सेंटर सुरू करण्यासाठी प्रशासनाने तातडीने आवश्यक त्या उपाययोजना कराव्यात.’

कोविड 19 च्या उपचारासाठी आवश्यक असणा-या सर्व वैद्यकीय सेवा सुविधा देण्यासाठी जिल्हा प्रशासन सर्वतोपरी सहकार्य करेल, रुग्णालयाचे काम जलद गतीने पूर्ण करण्यात येर्इल असे आश्वासन जिल्हाधिकारी राम यांनी यावेळी दिली. 

पुणे- कोरोन विषाणूचा संसर्ग रोखण्याच्या दृष्टीने गणेश मंडळाच्या कार्यकर्त्या करिता सकारात्मक सह्भागासठी सामुहिक आचासंहिता ठरवणार असल्याची माहिती विशेष नेमणुकी वरील समन्वय अधिकारी राजेंद्र निंबाळकर यांनी दिली

कोरोना विषाणूचा संसर्ग रोखण्यासाठी विभागीय आयुक्त, पुणे विभाग यांचे अध्यक्षतेखाली दि.13/07/2020 रोजी बैठक विभागीय आयुक्त कार्यालय येथे आयोजित करण्यात आली.सदर बैठकीस या विषयाकरीता विशेष नेमणूक केलेले समन्वय अधिकारी श्री. राजेंद्र निंबाळकर, मुख्य कार्यकारी अधिकारी, झोपडपट्टी पुनर्वसन प्राधिकरण, पुणे हे निमंत्रक म्हणून उपस्थित होते

सदर बैठकीमध्ये पुणे शहरातील वाढता कोरोना संसर्ग रोखण्याकरिता गणेशोत्सव मंडळ कार्यकर्ते, विशेष पोलीस अधिकारी, एनजीओ यांचे लोकसहभागातून जनजागृती व जास्तीत जास्त नागरिकांपर्यंत पोहचून कोरोना रुग्ण संख्या नियंत्रित करणे. नागरिकांकडून सॅनिटायझर व मास्कस चा वापर होणे, सोशल डिशटंसिंग राखणे, विनाकारण बाहेर पडणाऱ्या नागरिकांवर लक्ष ठेवणे, जास्तीत जास्त नागरिकांची अँटीजेन टेस्ट करणे, कान्टॅक्ट ट्रेसिंग मध्ये सहाय्य्य घेणे या प्रमुख बाबींचा समावेश असेल.
त्याचबरोबर घरी विलगीकरण केलेल्या कोरोना रुग्णांवर लक्ष ठेवणे व त्यांना सहाय्य करणे.
प्रत्येक वॉर्ड ऑफिस ला उपलब्ध करून दिलेल्या रुग्ण ऍम्ब्युलन्स चा वापर रुग्णांना टेस्टिंग करीता ने आन करणे व रुग्णांना रुग्णालयात तातडीने दाखल करण्याकरिता प्रभावीपणे वापर करणे., झोपडपट्टी क्षेत्रातील सार्वजनिक स्वछतागृहे यांची स्वछता यावर लक्ष देणे,
लॉकडाऊन च्या कालावधीत गरजू नागरिकांना विषेत: बेघर, विध्यार्थी यांची भोजनाची व्यवस्था करणे. या स्वरूपाचे कामे लोकसहभागातून प्रभावीपणे करणे आवश्यक असल्याचे श्री राजेंद्र निंबाळकर यांनी सांगितले.

यावेळी श्री महेश सूर्यवंशी यांनी या कोरोना आपत्कालीन काळात शहरातील सर्व गणेश मंडळ प्रशासनाला सर्व सहकार्य करण्यास तयार असल्याचे सांगितले.

तसेच श्री धीरज घाटे यांनी प्रशासनाने गणेशोत्सव कार्यकर्ते प्रशासनाने दिलेल्या सूचनांप्रमाणे कार्य करतील असे सांगितले.

श्री हेमंत रासणे यांनी शहरात रुग्णांना विविध रुग्णालयात उपलब्ध खाटांची माहिती नागरिकांना होणेकरिता डॅशबोर्ड सर्व नागरिकांना पाहता यावी अशा सूचना दिल्या.

यावेळी श्री. दीपक म्हैसेकर विभागीय आयुक्त हे प्रशासन कोरोना नियंत्रणाकरिता कठोर परिश्रम करत असून प्रशासनाला गणेशोत्सव कार्यकर्ते व स्वयंसेवी संस्था यांचे मार्फत लोकसहभागातून जनजागृती केल्यास कोरोनावर नियंत्रण मिळविणे शक्य होईल असे नमूद केले.

या बैठकीस श्री. माधव जगताप, उपआयुक्त पुणे मनपा, तसेच श्री हेमंत रासने अध्यक्ष स्थायी समिती पुणे मनपा, श्री धीरज घाटे, सभागृह नेते , भाजपा, श्री महेश सूर्यवंशी, दगडूशेट हलवाई गणपती ट्रस्ट, श्री विवेक खटावकर, तुळशीबाग सार्वजनिक गणपती मंडळ, श्री.प्रवीण परदेशी, गुरुजी तालीम मंडळ, श्री पुनीत बालन, श्रीमंत भाऊसाहेब रंगारी मंडळ, श्री श्रीकांत शेटे, अध्यक्ष कसबा गणपती, श्री प्रशांत टिकार, तांबडी जोगेश्वरी मंडळ,श्री जगताप उदय आदर्श मित्र मंडळ, श्री शिरीष मोहिते, सेवा मित्र मंडळ आणि डॉ पियुष लाठी स्वामीनारायण मंदिर हे उपस्थित होते.

• हवेली तालुक्यातील सरपंच व संबंधित अधिकाऱ्यांसोबत जिल्हाधिकारी व मुख्य कार्यकारी अधिकारी यांनी साधला संवाद
• प्रतिबंधित क्षेत्रात नियमांची कडक अंमलबजावणी करा
• गृह अलगीकरण, संस्थात्मक अलगिकरणावर प्रभावीपणे कार्यवाही करा

पुणे,: कोरोना प्रतिबंधासाठी महसूल, पोलीस व जिल्हा परिषद विभागाने समन्वय ठेवून काम करावे, अशा सूचना देऊन आवश्यक त्या सर्व उपाययोजना राबवून हवेली तालुक्यातील कोरोनाचा रुग्णदर कमी करुया, असे आवाहन जिल्हाधिकारी नवल किशोर राम यांनी केले.

कोरोना प्रतिबंधाच्या दृष्टीने पुणे जिल्ह्यातील हवेली तालुक्यातील काही गावे प्रतिबंधित करण्यात येत आहेत, याअनुषंगाने जिल्हाधिकारी नवल किशोर राम व जिल्हा परिषदेचे मुख्य कार्यकारी अधिकारी आयुष प्रसाद यांनी जिल्हा परिषद सभागृहात जिल्हा परिषदेचे पदाधिकारी, हवेली तालुक्यातील सरपंच, संबंधित तहसीलदार, समन्वय अधिकारी, विस्तार अधिकारी, तलाठी, तालुका आरोग्य अधिकारी, ग्राम विकास अधिकारी व संबंधितांसोबत बैठक घेवून चर्चा केली. यावेळी जिल्हा परिषदेचे उप मुख्य कार्यकारी अधिकारी संदीप कोहिणकर, उपविभागीय अधिकारी सचिन बारावकर तसेच जिल्हा परिषदेचे पदाधिकारी व संबंधित अधिकारी उपस्थित होते.

हवेली तालुक्यातील गावांमध्ये आतापर्यंत आढळलेले कोरोनाचे रुग्ण, झालेले मृत्यू, ऍक्टिव रुग्ण, बरे झालेले रुग्ण यांची ग्रामपंचायत निहाय सविस्तर माहिती जिल्हाधिकारी श्री. राम यांनी घेतली. ते म्हणाले, ग्रामीण भागातील कोरोनाचा संसर्ग रोखण्यासाठी सर्वांनी मिळून प्रयत्न करणे गरजेचे आहे. कोरोनाची रुग्ण संख्या वाढू नये, यासाठी प्रशासनाने घालून दिलेल्या नियमांची चोखपणे अंमलबजावणी करावी. प्रतिबंधित क्षेत्रात जनजागृती करण्याबरोबरच नियम कडक राबवावे. यात लोकसहभाग देखील आवश्यक आहे, असे ते म्हणाले.

अधिक रुग्ण असणाऱ्या ग्रामपंचायतींमध्ये आवश्यक त्या सर्व उपाययोजना कराव्यात, असे सांगून जिल्हाधिकारी श्री. राम म्हणाले, ग्रामीण आरोग्य सेवा-सुविधा सक्षम करण्यासाठी, तसेच साधनसामग्री उपलब्ध करुन देण्यासाठी जिल्हा प्रशासन सर्वतोपरी मदत करेल. नऱ्हे, देहू अशा मोठ्या गावांमध्ये स्वॅब तपासणी केंद्र लवकरात लवकर सुरु करावे. तसेच कॉन्टॅक्ट ट्रेसिंग प्रभावीपणे करावे. गृह अलगिकरण, संस्थात्मक अलगिकरणावर लक्ष द्यावे. रुग्ण वाढत असणाऱ्या ठिकाणी कोविड केअर सेंटर वाढवण्यासाठी नियोजन करुन कार्यवाही करा. अवाजवी शुल्क आकारणाऱ्या रुग्णालयांची माहिती जिल्हा प्रशासनाला द्या, जेणेकरुन दोषींवर कारवाई करता येईल, असे सांगून गृह अलगीकरणातील व्यक्ती बाहेर फिरताना आढळल्यास कारवाई करा, असेही त्यांनी यावेळी सांगितले.
विस्तार अधिकारी, मंडल अधिकारी यांनी ग्रामपंचायतींना वेळोवेळी भेटी देऊन समन्वय साधून काम करावे, सगळे मिळून काम करुया आणि कोरोनावर नियंत्रण मिळवूया, असे आवाहन त्यांनी यावेळी केले.
प्रशासनाच्या वतीने राबविण्यात आलेल्या उपाययोजना, उपलब्ध मनुष्यबळ, नागरिकांना देण्यात येणाऱ्या आरोग्य विषयक सेवा सुविधा यांचाही त्यांनी आढावा घेतला.

मुख्य कार्यकारी अधिकारी आयुष प्रसाद म्हणाले, ग्रामीण भागातील कोरोनाचा फैलाव रोखण्यासाठी जिल्हा प्रशासनाने वेळोवेळी दिलेल्या मार्गदर्शक सूचनांनुसार ग्रामपंचायतींनी कार्यवाही करावी. टीम वर्क म्हणून सगळे मिळून काम करुन कोरोनाचा फैलाव रोखुया, असे ते म्हणाले. प्रतिबंधित क्षेत्रात सर्व्हेक्षण करण्यावर भर द्यावा. गावात ठराविक कुटुंबनिहाय एक असे समन्वय अधिकारी नियुक्त करुन बाधित व्यक्ती, संपर्कात आलेले व्यक्ती व सद्यपरिस्थितीची माहिती अद्ययावत ठेवा, असे सांगून मास्क न वापरणाऱ्या व्यक्तींकडून दंड आकारणी करा, असेही त्यांनी यावेळी सांगितले.

बैठकीत उपस्थित सरपंच, व अधिकाऱ्यांनी उपाययोजना राबविताना येणारे अनुभव व आवश्यक सहकार्य याबाबत माहिती दिली.

पुणे: – कोरोना संसर्ग वेगाने वाढत आहे अशा परिस्थितीमध्ये पुणे शहरात प्रशासनाकडून अनेक उपाययोजना राबविण्यात येत आहेत. या उपाययोजना राबविताना लोकसहभाग महत्तवाचा असल्याचे प्रतिपादन विभागीय आयुक्त डॉ.दिपक म्हैसेकर यांनी केले.
कोरोना विषाणूचा संसर्ग रोखण्यासाठी करावयाच्या उपाययोजनांमध्ये लोकसहभाग वाढविण्यासंबंधी आज पुणे शहरातील सार्वजनिक गणेशोत्सव मंडळाचे प्रमुख पदाधिकारी, स्वयंसेवी संस्थांचे प्रमुख तसेच विशेष पोलीस अधिकारी यांची विधानभवनाच्या झुंबर हॉलमध्ये विभागीय आयुक्त् डॉ. दिपक म्हैसेकर यांच्या अध्यक्षतेखाली बैठकीचे आयोजन करण्यात आले होते. या बैठकीला पुणे महानगरपालिकेच्या स्थायी समितीचे अध्यक्ष हेमंत रासने, सभागृह नेते धीरज घाटे, झोपडपट्टी पुनर्वसन प्राधिकरणाचे मुख्य कार्यकारी अधिकारी तथा कोरोना संसर्ग उपाययोजना संनियंत्रण अधिकारी राजेंद्र निंबाळकर, तहसिदार विकास भालेराव, पुणे म.न.पा. परिमंडळ क्र.5 चे उप आयुक्त अविनाश सकपाळ, माधव जगताप, सहा.आयुक्त् आशिष महाडदकर,सोमनाथ बनकर, दयानंद सोनकांबळे तसेच प्रमुख गणेशोत्सव मंडळाचे पदाधिकारी उपस्थित होते.
डॉ.म्हैसेकर म्हणाले, पुणे शहरामध्ये गणेशोत्सव मंडळांमार्फत अनेक समाजोपयोगी उपक्रमांचे आयोजन करण्यात येते. कोणत्याही संकटसमयी कार्यकर्ते, स्वयंसेवी संस्थांचा सहभाग हा प्रत्यक्ष कामाच्या ठिकाणी जाऊन मदत करण्याचा असतो. सध्या कोरोनामुळे लॉकडाऊनच्या कालावधीमध्ये नागरीकांना वेगवेगळया प्रकारची मदत या मंडळांच्या कार्यकर्त्यांकडून झालेली आहे. स्थानिक नागरिकांचा मंडळाच्या कार्यकर्त्यावर विश्वास असतो. त्यांच्या माध्यमातून प्रत्येक आव्हानांबाबत तात्काळ आणि प्रभावीपणे जनजागृती करता येणे शक्य होते. त्यामुळेच त्यांचा सहभाग महत्तवाचा ठरतो.येणारा काळ हा प्रत्येकाची परीक्षा पहाणारा असणार आहे. त्यामुळे जनतेच्या समन्वयातूनच आपण परिस्थि्ती हाताळू शकतो. याकरीता जास्त जास्त गणेशमंडळाचा, स्वयंसेवी संस्थांचा सहभाग वाढविण्याचा प्रयत्न करण्यात येईल. कोणत्याही परिस्थितीमध्ये प्रशासनाने घालून दिलेल्या मार्गदर्शक तत्वांचे उल्लंघन होणार नाही याची प्रत्येकाने काळजी घ्यावी, प्रशासनाकडून देण्यात येणारी माहिती व सूचना हया या कार्यकर्त्यामार्फत् नागरिकांपर्यंत पोहचविण्यासाठी व्हॉटसअप ग्रुप तथा इतर माध्यमांचा वापर करण्याच्या सूचना संबधितांना दिल्या.

यावेळी या पदाधिका-यांमार्फत काही महत्वाच्या सूचना करण्यात आल्या. तसेच वैद्यकीय साधनसामग्रीचा पुरवठा, विलगीकरणाकरीता जागा, बेड व वैद्यकीय अधिका-यांची सेवा पुरविण्याकरीता प्रशासनाला मदत करण्याचीही तयारी दर्शविण्यात आली. कोरोनाच्या संकटाचे गांभीर्य गणेशोस्तव मंडळांच्या कार्यकर्त्यांना असल्याचे आणि पहिल्या दिवसापासून याबाबत पोलीस, महानगरपालिका, प्रशासनाला मदत करण्यात आल्याचे सांगितले. यापुढील कालावधीमध्ये करावयाच्या मदतीविषयी प्रशासनाने सूचना केल्यास त्यानुसार कार्यवाही करण्यात येईल, असे सांगितले. यापूर्वीच्या बैठकांमध्ये केलेल्या सूचनांबाबत विभागीय आयुक्तांकडून दखल घेण्यात आली  व काही सूचनांवर तात्काळ कार्यवाही केल्याबद्दल त्यांनी विभागीय आयुक्त डॉ.म्हैसेकर यांचे आभार मानले. तसेच कोरोनाच्या संकटाच्या कोणत्याही आवाहनावेळी प्रशासनाबरोबर राहू,अशी ग्वाही दिली.
विभागीय आयुक्त् डॉ.म्हैसेकर यांनी या कार्यकर्त्याच्या सकारात्मक भूमिकेबाबत त्यांचे कौतुक केले तसेच यापुढील काळात समन्वयाने हे संकट निभावून नेऊ, असा विश्वास व्यक्त् केला.

पुणे : कोरोनाचा वाढता संसर्ग रोखण्यासाठी जाहीर करण्यात आलेल्या लॉकडाऊनबाबत पुणे व्यापारी महासंघाने दर्शविलेल्या विरोधाबाबत महासंघाच्या पदाधिका-यांशी सविस्तर चर्चा करण्यात आली असून चर्चेवेळी पुणे व्यापारी महासंघाने लॉकडाऊनबाबत शासनास सहकार्य करण्याची तयारी दर्शविली आहे.
विभागीय आयुक्त कार्यालयात झालेल्या बैठकीला विभागीय आयुक्त डॉ. दिपक म्हैसेकर, विशेष कार्य अधिकारी सौरभ राव, पोलिस आयुक्त डॉ. के. व्यंकटेशम, जिल्हाधिकारी नवल किशोर राम, पुणे महानगरपालिकेचे आयुक्त विक्रमकुमार, पिंपरी चिंचवड महानगरपालिकेचे आयुक्त श्रावण हर्डीकर, पोलीस अधीक्षक संदीप पाटील, अपर पोलीस आयुक्त अशोक मोराळे, पोलीस उपायुक्त बच्चन सिंग, मितेश घटटे, पुणे व्यापारी महासंघाचे अध्यक्ष फतेचंद रांका, सचिव महेंद्र पितळीया आदी उपस्थित होते.
विशेष कार्य अधिकारी सौरभ राव म्हणाले, व्यापारी, दुकानदार हे अर्थ्व्यवस्थेचे मुलभूत स्त्रोत आहेत, परंतू दुकानात होणा-या गर्दीमुळे तसेच सुरक्षित अंतर पाळले जात नाही, मास्कचा वापरही दिसत नाही, यामुळे कोरानाबाधितांची संख्या वाढते आहे. कोणत्याही व्देषभावनेतून व्यापारी बांधवांवर कारवाई करण्यात येत नसून पुणे शहर व जिल्हयाला कोरोना संकटातून वाचविण्यासाठी व कोरोनाचा वाढता संसर्ग रोखण्यासाठी लॉकडाऊन आवश्यक आहे. पुणे व्यापारी महासंघाची कायम सहकार्याची भूमिका राहीली आहे, यापुढेही आपण कोरोनाच्या उच्चाटनासाठी मिळून काम करू व नक्कीच कोरोनाचे समूळ उच्चाटनासाठी करू, असा विश्वास त्यांनी व्यक्त केला.
विभागीय आयुक्त डॉ. दिपक म्हैसेकर म्हणाले, पुणे व्यापारी महासंघाने कायम शासनाला सहकार्य केले आहे. लॉकडाऊनबाबतही सहकार्य अपेक्षित आहे. व्यापारी महासंघाच्या अडचणीबाबत प्रशासनाचीही कायम सहकार्याची भूमिका राहीली आहे, यापुढेही कायम सहकार्याची भूमिका राहील, असे त्यांनी सांगितले.
जिल्हाधिकारी नवल किशोर राम म्हणाले, कोरोनाचा संसर्ग व्यक्तीच्या संपर्कातून पसरतो आहे. दुकानासमोर वस्तू खरेदी करण्यासाठी होणारी गर्दी थांबविण्यासाठी लॉकडाऊनची आवश्यकता आहे. त्यामुळे पुणे व्यापारी महासंघाने लॉकडाऊनला सहकार्य करावे, असे आवाहन त्यांनी केले.
पिंपरी चिंचवड मनपा आयुक्त् श्रावण हर्डीकर म्हणाले, लॉकडाऊनची आपण सर्वांनी काटेकोरपणे अंमलबजावणी करणे गरजेचे आहे.
पुणे व्यापारी महासंघाचे अध्यक्ष फतेचंद रांका व सचिव महेंद्र पितळीया यांनी पुणे शहरात व्यापारी वर्गावर 10 लाख लोकांचा रोजगार अवलंबून आहे, लॉकडाऊनमुळे व्यापा-यांना आर्थिक अडचणी येत आहेत. व्यापारी वर्गाच्या अडचणी समजावून घेत त्यावर उपाययोजना करा, आम्ही शासनास सहकार्य करण्यास तयार असल्याचे त्यांनी सांगितले. कोरोना संसर्गचा वाढता धोका विचारात घेत पहिल्या पाच दिवसानंतर पुढील पाच दिवसासाठी लॉकडाऊनमध्ये काय शिथिलता आणता येईल याबाबत विचार करण्यात येणार असल्याचे प्रशासनाच्या वतीने सांगण्यात आले.