बेळगाव जिल्ह्यातील मनगुत्ती गावातील (ता. हुक्केरी) छत्रपती शिवाजी महाराजांचा पुतळा बेळगाव जिल्हा प्रशासनाने रात्रीत हटवला. या घटनेचे तीव्र पडसाद शनिवारी सीमाभागा सह कोल्हापूर जिल्ह्यात उमटले. राज्य नियोजन मंडळाचे कार्यकारी अध्यक्ष राजेश क्षीरसागर यांनी कोल्हापूर शहरात छत्रपती शिवाजी महाराज चौकात कर्नाटक सरकारच्या प्रतिकात्मक पुतळ्याचे दहन केले. शिवसेनेच्या वतीने महाराष्ट्र कर्नाटक सीमेवर आंदोलन करण्यात येणार आहे. तसेच जिल्ह्यातील विविध संस्था संघटनांनी पुतळा त्वरीत बसवावा अन्यथा बेळगावात जाऊन आंदोलन करु असा इशारा दिला आहे. दरम्यान शुक्रवारी रात्री दोन गटांनी या भागाचे आमदार सतीश जारकीहोळी यांची भेट घेतली. यावेळी आमदारांनी सांगितले की माझ्या हस्ते शिवपुतळा चबुतऱ्याचे पूजन होऊन या ठिकाणी पुतळा बसविण्याचा निर्णय झाला आहे. परंतु तुम्ही रातोरात पुतळा बसवण्याची घाई का केली? याला कायदेशीर परवानगी घेऊन तेथे पुतळा बसवूया, तोपर्यंत हा पुतळा हलवून सुरक्षित जागी ठेवा. पंधरा दिवसानंतर याबाबत मी निर्णय घेतो असे आश्वासन आमदारांनी दिल्याचे पंच व पुतळा कमिटीचे म्हणणे आहे.आमदारांच्या आश्वासनानंतर गावातील पंच मंडळी व पुतळा कमिटीच्या सदस्यांनी शनिवारी मध्यरात्री पुतळा सुरक्षित ठिकाणी ठेवल्याचे बोलले जात आहे. शनिवारी मध्यरात्री २ वाजता हुक्केरीचे तहसीलदार अशोक गुराणी व पोलिस निरीक्षक गुरुराज कल्याण शेट्टी देखील उपस्थित होते. याबाबत कोणावरही अन्याय होणार नाही याची खबरदारी घेतली जाईल. कायदा व सुव्यवस्थेचा प्रश्न निर्माण न होता पुतळा बसविण्यास परवानगी दिली जाईल, असे आश्वासन त्यांनी दिले.

बेळगाव जिल्ह्यातील मनगुत्ती गावात छत्रपती शिवाजी महाराजांचा पूर्णाकृती पुतळा बसवण्यात आला होता. स्थानिक ग्रामपंचायतीची त्यास परवानगी असतानाही कर्नाटक सरकारने पुतळा हटवला आहे. सरकारच्या आदेशानंतर रातोरात पोलिस बंदोबस्तात पुतळा हटवण्यात आला आहे. या घटनेनंतर महाराष्ट्र-कर्नाटक सीमेवरील शिवभक्तांमध्ये संतापाची लाट पसरली आहे. छत्रपती शिवाजी महाराजांच्या पुतळ्याचे कर्नाटक सरकारला वावडे का?, असा सवाल आता उपस्थित करण्यात येत आहे. या घटनेच्या पार्श्वभूमीवर महाराष्ट्रातील शिवभक्त रविवारी (9 ऑगस्ट) कर्नाटकात जाऊन आंदोलन करणार आहेत.महाराष्ट्र एकीकरण युवा समितीच्या वतीने सोमवारी जिल्हाधिकारी यांना निवेदन हुक्केरी तालुक्यातील मनगुत्ती येथे प्रतिष्ठापित छत्रपती शिवाजी महाराजांची मूर्ती कर्नाटक प्रशासनाने काही मोजक्या संघटना आणि लोकांच्या दबावाखाली येत रातोरात हटवली आहे, त्याचा तीव्र शब्दात निषेध. मागील काही दिवसांपासून कर्नाटकात सोशल मीडियावर अवमानकारक लिखाण, पुस्तकातून महाराजांचा इतिहास काढून टाकणें, आणि मूर्ती हटवणे असे अवमानकारक प्रकार वाढत आहेत, प्रशासनाने हे प्रकार वेळीच थांबवावेत, छत्रपती शिवाजी महाराज हे अखंड भारताचे आराध्य दैवत आहेत आणि त्यांच्याबाबत झालेला अवमान शिवभक्त सहन करू शकत नाहीत. याचसाठी येत्या सोमवार दिनांक 10 ऑगस्टला महाराष्ट्र एकीकरण युवा समितीच्या वतीने बेळगाव जिल्हाधिकारी यांना निवेदन देण्यात येणार आहे.

नानावटी रुग्णालयात दाखल असलेल्या अभिषेक बच्चनचा लेटेस्ट कोरोना रिपोर्ट निगेटिव्ह आला आहे. ज्यूनिअर बच्चनने ट्विट करत ही माहिती दिली आहे. त्यांनी लिहिले की, ‘प्रॉमिस हे प्रॉमिस असते. आज दुपारी माझी कोविड-19 टेस्ट निगेटिव्ह आली. मी तुम्हाला म्हणालो होतो ना की, मी याला हरवेल. माझ्या आणि माझ्या कुटुंबासाठी तुम्ही प्रार्थना केली याचे खूप आभार. नानावटी रुग्णालयातील डॉक्टर्स आणि नर्सिंग स्टाफचे खूप खूप धन्यवाद

28 दिवसांनंतर निगेटिव्ह आला रिपोर्ट
अभिषेक बच्चन 28 दिवसांपासून नानावटी रुग्णालयातील आयसोलेशन वार्डमध्ये कोविड-19 वर उपचार घेत होता. 11 जुलैच्या संध्याकाळी तो आणि अमिताभ बच्चन हे लक्षण दिसल्यानंतर रुग्णालयात गेले होते. अभिषेकने कोरोना रिपोर्ट पॉझिटिव्ह आल्याची बातमी ट्विटरवर दिली होती. त्याने लिहिले होते की, ‘आज आम्ही दोघं, माझे वडील आणि मी कोविड-19 पॉझिटिव्ह आलो आहोत. आम्हाला दोघांना सौम्य लक्षण होती. यानंतर आम्ही रुग्णालयात दाखल झालो आहोत. आम्ही सर्व आवश्यक अथॉरिटीजला माहिती दिली आहे आणि आमचे कुटुंब आणि स्टाफच्या सदस्यांची टेस्ट केली जात आहे. मी सर्वांना शांत राहण्याची आणि चिंता न पसरवण्याची विनंती करतो. धन्यवाद’

इंस्टाग्रामवर शेअर केला डिस्चार्ज प्लान

अभिषेक बच्चनने शनिवारी हॉस्पिटलमधून आपल्या केअर बोर्डचा फोटो शेअर केला आहे. त्याने कॅप्शनमध्ये लिहिले आहे ‘मी तुम्हाला म्हणालो होतो. डिस्चार्ज प्लान- हो. आज दुपारी माझा कोविड-19 रिपोर्ट निगेटिव्ह आला. प्रार्थना आणि शुभेच्छांसाठी सर्वांचे आभार. मला घरी जाण्याचा खूप आनंद आहे. नानावटी रुग्णालयाचे डॉक्टर्स आणि नर्सिंग स्टाफचे खूप खूप आभार त्यांनी माझी आणि माझ्या कुटुंबाची खूप काळजी घेतली आणि आम्हाला कोविड-19 वर मात करण्यास मदत केली. तुमच्याशिवाय हे शक्य नव्हते.’

नागपूर, दि. ८ : कोझिकोड येथील विमान दुर्घटनेत नागपूरचे सूपुत्र वैमानिक विंग कमांडर दीपक वसंत साठे यांचा दुर्दैवी मृत्यू झाला. गृहमंत्री अनिल देशमुख यांनी आज भरतनगर येथील त्यांच्या निवासस्थानी भेट देऊन साठे कुटुंबाचे  सांत्वन केले व धीर दिला.

वैमानिक विंग कमांडर दीपक यांचे वयोवृद्ध वडील कर्नल वसंत साठे, आई नीला साठे तसेच नातेवाईक यावेळी उपस्थित होते.

दुबईहून केरळमधील कोझीकोड येथील करिपूर विमानतळावर आलेले एअर इंडियाचे विमान लँडिंगवेळी धावपट्टीवरुन अचानक घसरल्यानंतर दरीत कोसळले. या अपघातात विमानाचे दोन तुकडे झाले. या अपघातात कॅप्टन दीपक साठे यांचा मृत्यू झाला. महाराष्ट्राचे सूपुत्र पायलट साठे एनडीएमध्ये कार्यरत होते. अपघात झालेले विमान त्यांनी दोन वेळा उतरवण्याचा प्रयत्न केला होता. तिसऱ्या प्रयत्नात त्यांनी विमान उतरवले पण अपघात झाला. दीपक साठे अनुभवी पायलट होते. त्यांना एअरफोर्स ॲकेडमीचा प्रतिष्ठित ‘स्वार्ड ऑफ ऑनर’ सन्मान आणि ‘राष्ट्रपती पदका’ने सन्मानित करण्यात आले होते. त्यांच्या पश्चात पत्नी सुषमा साठे, बहीण अंजली साठे-पराशर, मुलगा धनंजय साठे, शांतनू साठे, स्नुषा वैभवी शांतनू साठे तसेच बराच मोठा आप्त परिवार आहे.

आज त्यांच्या आईचा जन्मदिवस असून मुलाच्या अपघाती मृत्यूचे धक्कादायक वृत्त त्यांना आजच कळले. टेबलटॉपसारखी रचना असलेल्या एअरपोर्टवर लँडिंग करतेवेळी अपघात होण्याचे प्रमाण सर्वाधिक आहे. यावर कायमस्वरुपी तोडगा काढण्याची विनंती त्यांची आई तसेच नातेवाईकांनी यावेळी केली.

केरळच्या करिपूर विमानतळावर मुसळधार पावसात शुक्रवारी रात्री लँडिंग करताना एअर इंडियाचे विमान धावपट्टीवरून घसरून थेट ३५ फूट खोल दरीत कोसळले. अपघात इतका भीषण होता की, विमानाचे दोन तुकडे झाले.यात दोन्ही वैमानिकांसह १७ जणांचा मृत्यू झाला. १७५ प्रवासी-क्रू मेंबर सुरक्षित आहेत. एकूण १२५ जण जखमी झाले आहेत.

रात्री ११ पर्यंत सर्व प्रवासी बाहेर काढले
बचाव पथकांनी रात्री ११ वाजेपर्यंत विमानात अडकलेल्या सर्वांची सुटका केली होती. एअर इंडिया एक्स्प्रेसचे आयएक्स-३४४ विमान वंदे भारत मिशनअंतर्गत दुबईहून भारतीयांना घेऊन आले होते. त्यात एकूण १९१ जणांत १७४ व्यक्ती, १० नवजात बालके, २ वैमानिक व ५ केबिन क्रू हाेते. हे बाेइंग ७३७ विमान रात्री ७.४१ वाजता लँडिंगच्या प्रयत्नात धावपट्टीवरून घसरून पुढे फरफटत गेले होते.

वैमानिक दीपक साठे होते माजी विंग कमांडर
विमानाचे वैमानिक कॅप्टन दीपक वसंत साठे हे २२ वर्षे वायुदलात फायटर प्लेनचे पायलट होते. त्यांनी मिग-२१ सारखी विमानेही उडवली होती. साठेंनी २००३ मध्ये विंग कमांडर पदावरून मुदतपूर्व निवृत्ती घेतली होती. साठे हे खडकवासल्याच्या नॅशनल डिफेन्स अकॅडमीच्या ५८ व्या कोर्सचे सुवर्णपदक विजेते होते. त्यांना स्वोर्ड ऑफ ऑनर सन्मानही मिळालेला होता. त्यांचे मोठे बंधू कारगिल युद्धात शहीद झाले होते. वडील वसंत साठे लष्करात ब्रिगेडिअर होते.

करिपूर विमानतळाची धावपट्टी आहे टेबल टाॅप, पुढे खोल दरी
डोंगराळ भागातील या विमानतळाची धावपट्टी टेबल टाॅप आहे. म्हणजेच एका ठरावीक अंतरानंतर पुढे खोल दरी आहे. धावपट्टीवर पाणी तुंबल्याची माहिती नागरी उड्डयनमंत्री हरदीप पुरी यांनी दिली.

– या विमानतळावर २००८ ते २०१७ दरम्यान विमान धावपट्टीवरून घसरण्याच्या चार मोठ्या घटना घडलेल्या आहेत. – डोंगर कापून उभारले आहे करिपूर विमानतळ, विमान ३५ फूट दरीत कोसळले -१२४ जखमी, पैकी १५ गंभीर: विमानात १० नवजात बालके, उशिरापर्यंत बचावकार्य – पाऊसही मोठे कारण : लँडिंग करण्याआधी विमानाने आकाशात दोनदा घिरट्या घातल्या

मुंबई दि ७: महाराष्ट्रातील मृत्यू दर कोणत्याही परिस्थितीत कमी झालाच पाहिजे तसेच कोरोनाची दुसरी लाट आपल्याकडे येणार नाही यासाठी जिल्ह्यांनी रुग्ण आणि त्यांचे जास्तीत जास्त संपर्क शोधणे, कंटेन्मेंट क्षेत्रांवर अधिक लक्ष, रुग्णांना वेळीच उपचार याकडे कुठलीही हलगर्जी न करता लक्ष द्यावे असे निर्देश मुख्यमंत्री उद्धव ठाकरे यांनी आज दिले.

सर्व विभागीय आयुक्त, पालिका आयुक्त व जिल्हाधिकारी यांच्या दूरदृश्य बैठकीत ते बोलत होते. मुख्यमंत्र्यांनी विनंती केल्यावरून केंद्रीय आरोग्य सहसचिव लव अग्रवाल या बैठकीत सहभागी झाले होते. त्यांनी विशेषत: मुंबईमधील प्रयत्नांविषयी समाधान व्यक्त केले मात्र राज्यातील कोविडचा अधिक प्रादुर्भाव असलेल्या जिल्ह्यांनी अधिक परिणामकारक उपाय योजावेत असे सांगितले.

याप्रसंगी उपमुख्यमंत्री अजित पवार, आरोग्य मंत्री राजेश टोपे त्याचप्रमणे टास्क फोर्सचे प्रमुख डॉ संजय ओक, डॉ शशांक जोशी, डॉ राहुल पंडित हे देखील सहभागी होते.

आरोग्यमंत्र्यांनी देखील यावेळी उपाययोजनांच्या अंमलबजावणीसाठी सूचना केल्या तसेच प्लाझ्मा थेरपीविषयीही सांगितले.  

रुग्णांकडून जादा खर्च वसूल करणे गंभीर

खासगी रुग्णालयांतील ८० टक्के बेड्स राखीव न ठेवणे आणि रुग्णांच्याकडून अव्वाच्या सव्वा खर्च घेण्याच्या तक्रारी येत आहेत ही गंभीर गोष्ट आहे. जिल्हा प्रशासन आणि पालिकांनी याला तातडीने चाप लावला पाहिजे व योग्य ती कडक कारवाई लगेच केली पाहिजे असेही मुख्यमंत्री यावेळी म्हणाले. बेड्स आणि रुग्णवाहिका नियोजन हा महत्त्वाचा भाग आहे, याकडेही खूप काटेकोरपणे लक्ष देण्याचे निर्देश त्यांनी दिले.

प्रमुख शहरांमध्येही जम्बो सुविधा

मुख्यमंत्री म्हणाले, धारावी आणि वरळी येथील प्रादुर्भाव रोखण्यात आला त्यावेळी तर सध्या उपयोगात आणणारी विशेष औषधेही उपचारासाठी देण्यात येत नव्हती. उपलब्ध वैद्यकीय साधन सुविधांचे उत्तम नियोजन करून ही साथ या भागात आटोक्यात आणण्यात आली. मुंबईमध्ये जशा जम्बो सुविधा उभारण्यात आल्या आहेत तशाच राज्यातील इतर मोठ्या शहरांमध्ये देखील उभारण्यास प्राधान्य देण्यात आले असून यासाठी मनुष्यबळ उपलब्ध करण्यावर भर आहे.

कोरोनाचा प्रादुर्भाव विशेषत: डॉक्टर्स आणि वैद्यकीय कर्मचाऱ्यांमध्ये पसरत आहे तो रोखणे खूप गरजेचे आहे.या आरोग्य सेवकांना संरक्षित करणे व त्यासाठी त्यांना तशा स्वरूपाचे प्रशिक्षण द्यावे लागेल असे सांगून मुख्यमंत्री म्हणाले की, आजमितीस व्हेंटिलेटरवर खूप कमी संख्येने रुग्ण आहेत, त्यांना सर्वात जास्त गरज असते ती ऑक्सिजनची.

महाराष्ट्रात कुणीही गाफील राहू नका. कोणत्याही परिस्थितीत कोरोनाचा प्रादुर्भाव पसरणार नाही तसेच दुसरी लाट येणार नाही याकडे लक्ष द्या असेही मुख्यमंत्री म्हणाले.

प्रयत्न अधिक वाढवा

यावेळी बोलताना केंद्रीय आरोग्य सहसचिव लव अग्रवाल यांनी सांगितले की आपण निश्चितपणे चांगले प्रयत्न करीत आहात पण आणखीही काही महत्त्वाच्या गोष्टींवर लक्ष केंद्रित करणे गरजेचे आहे. कंटेन्मेंट क्षेत्राच्या बाबतीत अधिक काळजी घ्यावी. घरोघर भेटी सुरूच ठेवाव्यात, जे अजूनही सक्रिय कंटेन्मेंट असतील त्यांच्याकडे अधिक लक्ष द्यावे. रुग्णाचे ८० टक्के संपर्क शोधून ७२ तासांच्या आत त्यांच्या सर्वांच्या चाचण्या कराव्यात, नवीन काही हॉटस्पॉट निर्माण होत आहेत का ते बारकाईने पाहावे, १४० चाचण्या दर दशलक्ष दर दिवशी प्रत्येक जिल्ह्याने केल्याच पाहिजेत, एन्टीजेन चाचणी निगेटिव्ह आली तरी अति आत्मविश्वास न ठेवता अशा व्यक्तींच्या लक्षणानुसार आरटीपीसीआर चाचणी केलीच पाहिजे, चाचणी संकलित केल्यानंतर २४ ते ३६ तासांत अहवाल आलाच पाहिजे. रुग्ण सेवा आणि रुग्णालय व्यवस्थापन यांचा मृत्यू दर कमी होण्यात मोठा भाग असतो, त्याकडे गांभीर्याने लक्ष द्यावे अशा सूचना केल्या.

वृद्ध आणि इतर आजार असलेल्यांनी लवकर रुग्णालयात यावे

लव अग्रवाल म्हणाले, साधारणपणे वृद्ध व्यक्ती या रुग्णालयांत येण्यास टाळाटाळ करतात आणि मग प्रकृती गंभीर झाली की धावाधाव करता यामुळे मृत्यू दर वाढतो आहे. देशाच्या तुलनेत कोरोनाचा संसर्ग महाराष्ट्रातील आरोग्य सेवकांना जास्त झाल्याचे आढळते हे प्रमाणही कमी करणे गरजेचे आहे असे ते म्हणाले. देशात हे प्रमाण ७ टक्के तर महाराष्ट्रात सरासरी २१ टक्के प्रमाण आहे.

मुंबई आणि महाराष्ट्राने काही गोष्टींकडे अधिक लक्ष दिले तर कोरोना मुकाबल्यात महाराष्ट्र हे देशासमोरचे एक उदाहरण होऊ शकते असेही ते म्हणाले.

सध्या महाराष्ट्रातील मृत्यू झालेल्या रुग्णांचे विश्लेषण केले तर असे आढळते की, ४५ ते ५९ या वयोगटात १७.९ टक्के मृत्यू इतरही आजार असलेल्या रुग्णांचे आहेत. ६० ते ७४ या वयोगटात २९.७० टक्के मृत्यू इतरही आजार असलेल्या रुग्णांचे तसेच ४० टक्के मृत्यू हे ७५ पेक्षा जास्त वयोगटातील इतर आजार असलेल्यांचे आहेत.

१० प्रमुख जिल्ह्यांवर लक्ष केंद्रित

राज्यातील ११ जिल्ह्यांमधील मृत्यू दर हा राज्याच्या सरासरी मृत्यू दरापेक्षा जास्त आहे. पुणे, ठाणे, मुंबई, नाशिक, अहमदनगर, रायगड, जळगाव, नागपूर, पालघर, सांगली या १० जिल्ह्यांमधून गेल्या आठवड्यात ७९ टक्के रुग्ण आढळले आहेत असे लव अग्रवाल यांनी सादरीकरणाच्या माध्यमातून सांगितलं. महाराष्ट्राचा मृत्यू दर ३.४७ टक्के असून देशाचा मृत्यू दर २.०७ टक्के आहे. पुणे २.३७ टक्के, ठाणे २,७२ टक्के, मुंबई ५.५० टक्के, नाशिक २.८२ टक्के, औरंगाबाद १.९७ टक्के, कोल्हापूर २.५३ टक्के, रायगड २.७८ टक्के , पालघर १.९३ टक्के, जळगाव ४.५१ टक्के, नगर १. १९ टक्के अशी प्रमुख जिल्ह्यांची मृत्यू दराची आकडेवारी असून ती कमी करण्याचे उद्दिष्ट आपल्यासमोर आहे असे ते म्हणाले.

देशात ऑक्सफोर्डची व्हॅक्सीन तयार करणाऱ्या सीरम इंस्टीट्यूटकडून एक चांगली बातमी आली आहे. सीरम इंस्टीट्यूट ऑफ इंडियाने बिल अँड मेलिंडा गेट्स फाउंडेशन आणि व्हॅक्सीन अलायंस संस्था गावीसोबत एक करार केला आहे. या करारानुसार, भारत आणि कमी उत्पन्न असलेल्या 92 देशांना फक्त 3 डॉलर म्हणजेच 225 रुपयात व्हॅक्सीन देण्याचे ठरवले आहे.

गेट्स फाउंडेशन व्हॅक्सीनसाठी गावीला फंड उपलब्ध करुन देईल, याचा वापर सीरम इंस्टीट्यूट व्हॅक्सीन तयार करण्यासाठी आणि त्याचे वितरण करण्यसाठी करेल. व्हॅक्सीनचे ह्यूमन ट्रायल यशस्वी झाल्यानंतर लस बाजारात उपलब्ध होईल. सीरम इंस्टीट्यूटचे सीईओ आदर पूनावाला यांनी ट्वीट करुन याबाबत माहिती दिली आहे.

I would like to thank @BillGates, @gatesfoundation, @GaviSeth for this key partnership of risk sharing and manufacturing of a 100 million doses, which will also ensure equitable access at an affordable price to many countries around the world. https://t.co/NDmpo23Ay8 pic.twitter.com/jNaNh6xUPy— Adar Poonawalla (@adarpoonawalla) August 7, 2020

https://twitter.com/adarpoonawalla/status/1291660966497628160/photo/1

काय आहे गावी ?

गावी गेट्स फाउंडेशनची एक संस्था आहे. गरीब किंवा कमी उत्पन्न असलेल्या देशांना कमी दरात लस पुरवण्याचे काम ही संस्था करते. व्हॅक्सीनचे वितरण कोव्हॅक्स स्कीम अंतर्गत केले जात आहे. अभियानाचा उद्देश जागतीक आरोग्य संघटनेसह जगभरातील लोकांपर्यंत कोव्हिड-19 ची लस पोहचवणे आहे. कोव्हॅक्स स्कीमचा एजेंडा 2021 पर्यंत 200 कोटी लोकांना व्हॅक्सीचा पुरवठा करण्याचा आहे.

कोव्हिशील्ड नावाने लॉन्च होईल व्हॅक्सीन

ऑक्सफोर्ड यूनिव्हर्सिटी आणि एस्ट्राजेनेका कंपनी भारतातील सीरम इंस्टीट्यूटसोबत मिळून व्हॅक्सीनवर काम करत आहे. भारतात हे व्हॅक्सीन कोव्हिशील्ड (AZD1222) नावाने लॉन्च होईल.

मोठ्या प्रमाणावर होईल ट्रायल

नॅशनल बायोफार्मा मिशन अँड ग्रँड चॅलेंज इंडिया प्रोग्रामअंतर्गत सरकार आणि मेलिंडा गेट्स फाउंडेशनमध्ये एक करार झाला आहे. या प्रोग्राम अंतर्गत या व्हॅक्सीनचे मोठ्या प्रमाणावर ट्राल होईल. यासाठी अनेक इंस्टिट्यूटची निवड झाली आहे. यात हरियाणातील पलवलचे INCLEN, पुण्यातील KEM हॉस्पिटल, हैदराबादच्या सोसायटी फॉर हेल्थ एलायड रिसर्च अँड एजुकेशन, चेन्नईचे नॅशनल इंस्टीट्यूट ऑफ एपिडेमियोलॉजी आणि वेल्लोरचे क्रिश्चियन मेडिकल कॉलेज सामील आहेत.

केरळच्या कोझिकोड विमानतळावर शुक्रवारी संध्याकाळी एक मोठी दुर्घटना घडली. दुबईवरुन आलेले एअर इंडियाचे विमान लँडिंगदरम्यान कोसळले आहे. मिळालेल्या माहितीनुसार, विमानात 180 प्रवासी होते.एअर इंडियाचे विमान आयएक्स-1344 दुबईवरुन केरळला येत होते. या विमानात 174 प्रवाशांसह 6 क्रू मेंबर्स होते. या अपघातात पायलटचा मृत्यू झाल्याची माहिती समोर आली आहे. अपघात इतका भयंकर होता की, विमानाचे दोन तुकडे झाले. अपघातात जवळपास 40 प्रवासी जखमी झाल्याची माहिती आहे. जखमींना हॉस्पीटलमध्ये नेण्यात आले आहे. पावसामुळे विमान स्लिप झाल्याचे सांगितले जात आहे.

मुंबई, दि.७: राज्यात आज नवीन रुग्णांपेक्षा बरे झालेल्या रुग्णांची थोडी अधिक असून आजदेखील १० हजार ९०६ रुग्ण बरे होऊन घरी गेले आहेत. तर १० हजार ४८३ नवीन रुग्णांचे निदान झाले आहे. राज्याचे रुग्ण बरे होणाचे प्रमाण ६६.७६ टक्के  एवढे आहे. आतापर्यंत राज्यभरात ३ लाख २७ हजार २८१ रुग्ण बरे झाले आहेत. तर सध्या १ लाख ४५  हजार ५८२  रुग्णांवर (ॲक्टिव्ह) उपचार सुरू आहेत, अशी माहिती आरोग्यमंत्री राजेश टोपे यांनी  दिली.

आज निदान झालेले १०,४८३ नवीन रुग्ण आणि नोंद झालेले ३०० मृत्यू यांचा तपशील असा(कंसात आज नोंद झालेले मृत्यू) : मुंबई मनपा-८६२ (४५), ठाणे- १७५ (५), ठाणे मनपा-१८८ (१०),नवी मुंबई मनपा-३८५ (४), कल्याण डोंबिवली मनपा-२५२ (६),उल्हासनगर मनपा-२० (२), भिवंडी निजामपूर मनपा-९ (४), मीरा भाईंदर मनपा-७३ (३),पालघर-६७, वसई-विरार मनपा-१३५ (१४), रायगड-२५६ (९), पनवेल मनपा-१७५ (१९), नाशिक-२११(२),नाशिक मनपा-५२७ (२३), मालेगाव मनपा-४३(१),अहमदनगर-२८१ (४),अहमदनगर मनपा-१८५ (१), धुळे-८ (२), धुळे मनपा-११६ (१), जळगाव-४१७ (५), जळगाव मनपा-४ (१), नंदूरबार-१३, पुणे- ५५१ (१७), पुणे मनपा-१३९५ (३५), पिंपरी चिंचवड मनपा-९०५ (१८), सोलापूर-२५२ (५), सोलापूर मनपा-५१ (२), सातारा-२२० (६), कोल्हापूर-१७८ (६), कोल्हापूर मनपा-९२, सांगली-७१ (१), सांगली मिरज कुपवाड मनपा-१२१ (२), सिंधुदूर्ग-१५, रत्नागिरी-१३ (३), औरंगाबाद-२५१ (२), औरंगाबाद मनपा-१९६ (२), जालना-६१, हिंगोली-६०, परभणी-२८, परभणी मनपा-३४, लातूर-१३० (२), लातूर मनपा-४२ (३), उस्मानाबाद-१६३ (१), बीड-१४२ (२), नांदेड-१२८ (५), नांदेड मनपा-७० (१),अकोला-४४, अकोला मनपा-२७ (१), अमरावती-३२ (१), अमरावती मनपा-५१ (४), यवतमाळ-३४, बुलढाणा-४४ (३), वाशिम-५९ (१), नागपूर-१७१ (४), नागपूर मनपा-३४६ (११), वर्धा-३, भंडारा- १३, गोंदिया-८, चंद्रपूर-३७, चंद्रपूर मनपा-९, गडचिरोली-२१, इतर राज्य १३(१).

आजपर्यंत पाठविण्यात आलेल्या २५ लाख ६९ हजार ६४५ नमुन्यांपैकी ४ लाख ९० हजार २६२ नमुने पॉझिटिव्ह (१९.०७ टक्के) आले आहेत. राज्यात ९ लाख ८२ हजार ७५ लोक होम क्वारंटाईनमध्ये आहेत. सध्या ३५ हजार २६२ लोक संस्थात्मक क्वारंटाईनमध्ये आहेत. राज्यात आज ३०० करोनाबाधित रुग्णांच्या मृत्यूंची नोंद झाली असून सध्या राज्यातील मृत्यूदर ३.४९ टक्के एवढा आहे.

राज्यातील जिल्हानिहाय ॲक्टिव्ह रुग्णांचा तपशील           

मुंबई: बाधित  रुग्ण- (१,२१,०१२) बरे झालेले रुग्ण- (९३,८९८), मृत्यू- (६६९३), इतर कारणांमुळे झालेले मृत्यू-(२९७), ॲक्टिव्ह रुग्ण- (२०,१२४)

ठाणे: बाधित  रुग्ण- (१,०१,९७७), बरे झालेले रुग्ण- (७४,५७९), मृत्यू (२९१३), इतर कारणांमुळे झालेले मृत्यू-(१), ॲक्टिव्ह रुग्ण- (२४,४८४)

पालघर: बाधित  रुग्ण- (१७,५८०), बरे झालेले रुग्ण- (११,१६३), मृत्यू- (४००), इतर कारणांमुळे झालेले मृत्यू-(०), ॲक्टिव्ह रुग्ण- (६०१७)

रायगड: बाधित  रुग्ण- (१९,३०६), बरे झालेले रुग्ण-(१४,८१३), मृत्यू- (४८६), इतर कारणांमुळे झालेले मृत्यू-(२), ॲक्टिव्ह रुग्ण- (४००५)

रत्नागिरी: बाधित  रुग्ण- (२००८), बरे झालेले रुग्ण- (१३७१), मृत्यू- (७२), इतर कारणांमुळे झालेले मृत्यू-(०), ॲक्टिव्ह रुग्ण- (५६५)

सिंधुदुर्ग: बाधित  रुग्ण- (४४८), बरे झालेले रुग्ण- (३३७), मृत्यू- (७), इतर कारणांमुळे झालेले मृत्यू-(०), ॲक्टिव्ह रुग्ण- (१०४)

पुणे: बाधित  रुग्ण- (१,०७,२०४), बरे झालेले रुग्ण- (६३,१९४), मृत्यू- (२५६६), इतर कारणांमुळे झालेले मृत्यू-(०), ॲक्टिव्ह रुग्ण- (४१,४४४)

सातारा:  बाधित  रुग्ण- (५२३४), बरे झालेले रुग्ण- (३१०३), मृत्यू- (१६३), इतर कारणांमुळे झालेले मृत्यू-(१), ॲक्टिव्ह रुग्ण- (१९६७)

सांगली: बाधित  रुग्ण- (४१२६), बरे झालेले रुग्ण- (१५८०), मृत्यू- (१०९), इतर कारणांमुळे झालेले मृत्यू-(०), ॲक्टिव्ह रुग्ण- (२४३७)

कोल्हापूर: बाधित  रुग्ण- (७९२१), बरे झालेले रुग्ण- (२९३०), मृत्यू- (१९६), इतर कारणांमुळे झालेले मृत्यू-(०), ॲक्टिव्ह रुग्ण- (४७९५)

सोलापूर: बाधित  रुग्ण- (१०,८६८), बरे झालेले रुग्ण- (५९५३), मृत्यू- (५६३), इतर कारणांमुळे झालेले मृत्यू-(१), ॲक्टिव्ह रुग्ण- (४३५१)

नाशिक: बाधित  रुग्ण- (१८,८३५), बरे झालेले रुग्ण- (११,८९७), मृत्यू- (५४७), इतर कारणांमुळे झालेले मृत्यू-(०), ॲक्टिव्ह रुग्ण- (६३९१)

अहमदनगर: बाधित  रुग्ण- (७९०६), बरे झालेले रुग्ण- (४२६६), मृत्यू- (९१), इतर कारणांमुळे झालेले मृत्यू-(०), ॲक्टिव्ह रुग्ण- (३५४९)

जळगाव: बाधित  रुग्ण- (१३,४५२), बरे झालेले रुग्ण- (९१६४), मृत्यू- (५८१), इतर कारणांमुळे झालेले मृत्यू-(०), ॲक्टिव्ह रुग्ण- (३७०७)

नंदूरबार: बाधित  रुग्ण- (७४०), बरे झालेले रुग्ण- (५०३), मृत्यू- (४३), इतर कारणांमुळे झालेले मृत्यू-(०), ॲक्टिव्ह रुग्ण- (१९४)

धुळे: बाधित  रुग्ण- (३५९४), बरे झालेले रुग्ण- (२२७२), मृत्यू- (११८), इतर कारणांमुळे झालेले मृत्यू-(२), ॲक्टिव्ह रुग्ण- (१२०२)

औरंगाबाद: बाधित  रुग्ण- (१५,६६५), बरे झालेले रुग्ण- (१०,३२५), मृत्यू- (५३४), इतर कारणांमुळे झालेले मृत्यू-(०), ॲक्टिव्ह रुग्ण- (४८०६)

जालना: बाधित  रुग्ण-(२१४८), बरे झालेले रुग्ण- (१५९४), मृत्यू- (७९), इतर कारणांमुळे झालेले मृत्यू-(०), ॲक्टिव्ह रुग्ण- (४७५)

बीड: बाधित  रुग्ण- (१३२९), बरे झालेले रुग्ण- (४०२), मृत्यू- (२७), इतर कारणांमुळे झालेले मृत्यू-(०),ॲक्टिव्ह रुग्ण- (९००)

लातूर: बाधित  रुग्ण- (३१३४), बरे झालेले रुग्ण- (१४२०), मृत्यू- (१३३), इतर कारणांमुळे झालेले मृत्यू-(०), ॲक्टिव्ह रुग्ण- (१५८१)

परभणी: बाधित  रुग्ण- (८७९), बरे झालेले रुग्ण- (४३१), मृत्यू- (३२), इतर कारणांमुळे झालेले मृत्यू-(०), ॲक्टिव्ह रुग्ण- (३१६)

हिंगोली: बाधित  रुग्ण- (७४९), बरे झालेले रुग्ण- (४८६), मृत्यू- (१५), इतर कारणांमुळे झालेले मृत्यू-(०), ॲक्टिव्ह रुग्ण- (२४८)

नांदेड: बाधित  रुग्ण- (२८१६), बरे झालेले रुग्ण (९५), मृत्यू- (१०२), इतर कारणांमुळे झालेले मृत्यू-(०), ॲक्टिव्ह रुग्ण- (१७४९)

उस्मानाबाद: बाधित  रुग्ण- (१८९२), बरे झालेले रुग्ण- (७४५), मृत्यू- (६०), इतर कारणांमुळे झालेले मृत्यू-(०), ॲक्टिव्ह रुग्ण- (१०८७)

अमरावती: बाधित  रुग्ण- (२६४०), बरे झालेले रुग्ण- (१८०६), मृत्यू- (८२), इतर कारणांमुळे झालेले मृत्यू-(०), ॲक्टिव्ह रुग्ण- (७५२)

अकोला: बाधित  रुग्ण- (२८८६), बरे झालेले रुग्ण- (२३२४), मृत्यू- (१२८), इतर कारणांमुळे झालेले मृत्यू-(१), ॲक्टिव्ह रुग्ण- (४३३)

वाशिम: बाधित  रुग्ण- (८३९), बरे झालेले रुग्ण- (५२५), मृत्यू- (१८), इतर कारणांमुळे झालेले मृत्यू-(०), ॲक्टिव्ह रुग्ण- (२९६)

बुलढाणा: बाधित  रुग्ण- (१७०७), बरे झालेले रुग्ण- (९६२), मृत्यू- (४९), इतर कारणांमुळे झालेले मृत्यू-(०), ॲक्टिव्ह रुग्ण- (६९६)

यवतमाळ: बाधित  रुग्ण- (१२८६), बरे झालेले रुग्ण- (७७०), मृत्यू- (३२), इतर कारणांमुळे झालेले मृत्यू-(०), ॲक्टिव्ह रुग्ण- (४८४)

नागपूर: बाधित  रुग्ण- (७४६७), बरे झालेले रुग्ण- (२२५९), मृत्यू- (१८४), इतर कारणांमुळे झालेले मृत्यू-(१), ॲक्टिव्ह रुग्ण- (५०२३)

वर्धा: बाधित  रुग्ण- (२५५), बरे झालेले रुग्ण- (१६९), मृत्यू- (८), इतर कारणांमुळे झालेले मृत्यू-(१), ॲक्टिव्ह रुग्ण- (७७)

भंडारा: बाधित  रुग्ण- (३३१), बरे झालेले रुग्ण- (२२६), मृत्यू- (२), इतर कारणांमुळे झालेले मृत्यू-(०), ॲक्टिव्ह रुग्ण- (१०३)

गोंदिया: बाधित  रुग्ण- (४७५), बरे झालेले रुग्ण- (२५१), मृत्यू- (३), इतर कारणांमुळे झालेले मृत्यू-(०), ॲक्टिव्ह रुग्ण- (२२१)

चंद्रपूर:  बाधित  रुग्ण- (६८८), बरे झालेले रुग्ण- (३३५), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (३५२)

गडचिरोली: बाधित  रुग्ण- (३८१), बरे झालेले रुग्ण- (२६३), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (११७)

इतर राज्ये: बाधित  रुग्ण- (४८४), बरे झालेले रुग्ण- (०), मृत्यू- (५४), इतर कारणांमुळे झालेले मृत्यू-(०), ॲक्टिव्ह रुग्ण- (४३०)

एकूण: बाधित  रुग्ण-(४,९०,२६२) बरे झालेले रुग्ण-(३,२७,२८१),मृत्यू- (१७,०९२), इतर कारणांमुळे झालेले मृत्यू-(३०७),ॲक्टिव्ह रुग्ण-(१,४५,५८२)

 (टीप: आज नोंद झालेल्या एकूण ३०० मृत्यूंपैक़ी २२९ मृत्यू हे मागील ४८ तासांतील तर ४० मृत्यू हे मागील आठवडयातील आहेत. उर्वरित ३१ मृत्यू हे एक आठवड्यापेक्षाही अधिक कालावधीपूर्वीचे आहेत. हे ३१ मृत्यू रायगड जिल्हा-१४, ठाणे- ४, नाशिक -४, पालघर-३, पुणे ३, जळगाव- १, कोल्हापूर -१ आणि मुंबई – १ असे आहेत.पोर्टलनुसार आकडेवारी अद्ययावत करण्याच्या प्रक्रियेमध्ये या सर्व मृत्यूंची नोंद आज घेण्यात आली आहे. ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोविड१९ बाधित रुग्णांच्या आकडेवारी नुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

मुंबई, दि.७ : राज्यात कोरोनाच्या उपचारासाठी खासगी रुग्णालयांकडून आणि रुग्णवाहिकांकडून वाजवी शुल्क आकारण्याबाबत राज्य शासनाने वेळोवेळी निर्देश दिले आहेत. यासर्व निर्देशांची अंमलबजावणीसाठी आणि तपासणीसाठी राज्यात भरारी पथक नेमण्यात आले आहेत, अशी माहिती आरोग्यमंत्री राजेश टोपे यांनी आज येथे दिली. यासंदर्भात आरोग्य विभागाचे प्रधान सचिव डॉ. प्रदीप व्यास यांनी सर्व विभागीय आयुक्त, जिल्हाधिकारी, महापालिका आयुक्त यांना पत्र पाठविले असून तपासणी अहवाल तीन दिवसात शासनाला सादर करण्याच्या सूचना दिल्या आहेत.
कोरोनाच्या रुग्णांना वाजवी दरात उपचार मिळण्यासाठी राज्य शासनाने २१ मे २०२० रोजी काढलेल्या अधिसूचनेद्वारे खासगी रुग्णालयांना कमाल दर मर्यादा निश्चित करून दिली आहे. त्याचबरोबर कोरोनाच्या पार्श्वभूमीवर राज्यातील सर्व नागरिकांना महात्मा जोतिबा फुले जनआरोग्य योजना लागू करण्याचा निर्णय २३ मे रोजी घेण्यात आला असून ३० जून २०२० रोजीच्या शासन निर्णयानुसार खासगी वाहने आणि रुग्णवाहिका अधिग्रहीत करून त्यांचे कमाल दर निश्चित केले आहेत. तसेच खासगी रुग्णालयांनी खाटा उपलब्ध करून देणे व त्याच्या अधिसूचनेच्या प्रभावी अमंलबजावणीचेही निर्देश देण्यात आले आहेत.
मात्र अद्यापही, खासगी रुग्णालयांमध्ये उपचार घेत असलेल्या कोरोना बाधीत रुग्णांकडून जास्तीचे शुल्क आकारले जात असल्याच्या तक्रारी प्राप्त झाल्या आहेत. याची दखल घेऊन राज्याच्या जनतेच्या हितासाठी घेतलेल्या निर्णयांची प्रभावी आणि काटोकोरपणे अंमलबजावणी होण्यासाठी जिल्हाधिकारी आणि महापालिका आयुक्तांनी तसेच विभागीय आयुक्तांनी देखील त्यांच्या स्तरावर भरारी पथक नेमण्याचे निर्देश आरोग्यमंत्र्यांनी दिले आहेत.
भरारी पथकांचे कार्य
१) वेळोवेळी जाहीर केलेल्या शासन निर्णयाचे खासगी रुग्णालयांकडून पालन होत आहे की नाही याची खातरजमा या भरारी पथकांमार्फत करण्यात येईल.
२) खासगी रुग्णालयांमध्ये अधिसूचना व अधिसूचित दर दर्शनी भागावर लावले की नाही याची पाहणी केली जाईल.
३) खासगी रुग्णालयांकडून रुग्णांना देण्यात येणारी बिले अंतिम करण्यापूर्वी त्याच्या तपासणीसाठी यंत्रणा नेमावी.
४) आकारलेले दर, खासगी वाहने, रुग्णवाहिका यांच्याकडून आकारले जाणारे दर योग्य आहेत की नाही याची तपासणी करावी.
५) महात्मा जोतिबा फुले जनआरोग्य योजनेंतर्गत खासगी रुग्णालयांनी दाखल होणाऱ्या रुग्णांना कॅशलेस सुविधा देणे यासर्व बाबींची तपासणी करावी.