पुणे दि. २४:- म. रा. मा. वि.वि.महामंडळाच्या सन २०२० व २१ या वर्षकरता वैयक्तिक कर्ज व्याज पतावा योजनेत पुणे जिल्हयासाठी ८३ भौतिक व आर्थिक ९४.६२ लाख तसेच गट कर्ज व्याज परतावा योजनेसाठी भौतिक १५ व आर्थिक ८६.२५ लाख उद्ष्टिये प्राप्त झाले असल्याचे महाराष्ट्र राज्य इतर मागासवर्गीय वित्त आणि विकास महामंडळाच्या जिल्हा व्यवस्थापकांनी सांगितले आहे.

 आण्णासाहेब पाटील आर्थिक विकास महामंडळाच्या धर्तीवर समकक्ष रु. १० लाख पर्यंत वैयक्तिक कर्ज परतावा तसेच रु. १० ते ५० लाखापर्यत समकक्ष गटकर्ज व्याज परतावा योजना आहे. या दोन्ही योजना बँक मार्फत राबविली जाईल. कर्ज रकमेवरील व्याज परतावा हा बँक प्रामाणिकरणानुसार (जास्तीत जास्त १२% पर्यत) महामंडळाकडून केला जाईल, वैयक्तिक गट परतावा योजनेसाठी लाभार्थीची (इतर मागासवर्गीय) कौटुंबिक वार्षिक उत्पन्न मर्यादा र.८ लाख आहे. तो महाराष्ट्राचा रहिवासी असावा, वय 18 ते 50 पर्यंत, कर्ज खाते आधार कार्ड लिंक असणे अनिवार्य राहील, महामंडळाच्या संगणक प्रणालीवर नाव नोंदणी अनिवार्य, उमेदवाराने अर्ज करतेवेळी यापूर्वी महामंडळाच्या किंवा इतर महामंडळाच्या कोणत्याही योजनेचा लाभ घेतलेला नसावा, बँकेचा/वित्तीय संस्थेचा थकबाकीदार नसावा, कुटुंबातील एका व्यक्तीला एकदाच या योजनेचा लाभ घेता येईल. लाभार्थीने मध्येच कर्ज परतफेड नाही केली तर व्याज परतावा दिला जाणार नाही. गट कर्ज व्याज परतावा योजनेसाठी शासन मान्य बचत गट, भागीदारी संस्था, सहकारी संस्था, कंपनी (कंपनी कायदा 2013) च्या वेबपोर्टलनुसार अर्ज करू शकतात. गटातील उमेदवाराने अर्ज करतेवेळी या प्रकरणासाठी व यापूर्वी महामंडळाच्या व इतर महामंडळाच्या कोणत्याही योजनांचा लाभ घेतलेला नसावा, गटाने कर्ज प्रकरण हे सार्वजनिक वित्तीय प्रणालीद्वारे प्रकरण हाताळण्यास सक्षम असलेल्या बँकेत केलेले असावे. गटाच्या भागीदाराचे किमान रु.५०० कोटीच्या ठेवी असलेल्या व कोअर बँकिंग सिस्टीम असलेल्या राष्ट्रीयकृत शेड्युल बँकेत खाते असावे. गटातील सर्व सदस्यांच्या क्रेडीट स्कोर किमान ५०० असावा. अर्जासाठी व अधिक माहितीसाठी ओ.बी.सी. महामंडळ जिल्हा कार्यालयात संपर्क साधावा. जिल्हा कार्यालयाचा पत्ता व फोन नंबर पुढीलप्रमाणे पत्ता-डॉ. बाबासाहेब आंबेडकर सामाजिक न्याय भवन, इमारत क्र बी, स नं.१०४/१०५, मेंटल हॉस्पिटल कॉर्नर, विश्रांतवाडी, येरवडा, पुणे-४११००६ फोन- ०२०-२९५२३०५९ असा आहे.

पुणे विभागातील 1 लाख 41 हजार 897 कोरोना बाधित रुग्ण बरे होऊन घरी गेले;

विभागात कोरोना बाधित 1 लाख 97 हजार 552 रुग्ण

                                                       -विभागीय आयुक्त सौरभ राव

            पुणे, दि. 24 :- पुणे विभागातील 1 लाख 41 हजार 897 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 1 लाख 97 हजार 552 झाली आहे. तर ॲक्टीव रुग्ण संख्या 50 हजार 412 इतकी आहे. कोरोना बाधीत एकुण 5 हजार 243 रुग्णांचा मृत्यू झाला असून मृत्यूचे प्रमाण 2.72 टक्के आहे. पुणे विभागामध्ये बऱ्या होणा-या रुग्णांचे प्रमाण 71.8 टक्के आहे, अशी माहिती विभागीय आयुक्त सौरभ राव यांनी दिली.

पुणे जिल्हा

            पुणे जिल्हयातील कोरोना बाधीत एकूण 1 लाख 45 हजार 41 रुग्णांपैकी 1 लाख 10 हजार 291 रुग्ण बरे होवून घरी गेले आहेत. ॲक्टीव रुग्ण संख्या 31 हजार 334 आहे. कोरोनाबाधित एकूण 3 हजार 416 रुग्णांचा मृत्यू झाला आहे. मृत्यूचे प्रमाण 2.36 टक्के इतके आहे तर  बरे  होणा-या रुग्णांचे प्रमाण 76.04 टक्के आहे.

सातारा जिल्हा

              सातारा जिल्हयातील कोरोना बाधीत एकूण 9 हजार 714 रुग्णांपैकी 5 हजार 707 रुग्ण बरे होवून घरी गेले आहेत. ॲक्टीव रुग्ण संख्या 3 हजार 701 आहे. कोरोनाबाधित एकूण 306 रुग्णांचा मृत्यू झाला आहे.

सोलापूर जिल्हा

              सोलापूर जिल्हयातील कोरोना बाधीत एकूण 15 हजार 765 रुग्णांपैकी 11 हजार 375 रुग्ण बरे होवून घरी गेले आहेत. ॲक्टीव रुग्ण संख्या 3 हजार 725 आहे. कोरोनाबाधित एकूण 665 रुग्णांचा मृत्यू झाला आहे. 

सांगली जिल्हा

               सांगली जिल्हयातील कोरोना बाधीत एकूण 8 हजार 441 रुग्णांपैकी 4 हजार 458 रुग्ण बरे होवून घरी गेले आहेत. ॲक्टीव रुग्ण संख्या 3 हजार 674 आहे. कोरोनाबाधित एकूण 309 रुग्णांचा मृत्यू झाला आहे.

कोल्हापूर जिल्हा

            कोल्हापूर जिल्हयातील कोरोना बाधीत एकूण 18 हजार 591 रुग्णांपैकी 10 हजार 66 रुग्ण बरे होवून घरी गेले आहेत. ॲक्टीव रुग्ण संख्या 7 हजार 978 आहे. कोरोनाबाधित एकूण 547 रुग्णांचा मृत्यू झाला आहे.

कालच्या रुग्णसंख्येच्या तुलनेत आज झालेली वाढ

कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 4 हजार 197 ने वाढ झाली आहे. यामध्ये पुणे जिल्ह्यात 2 हजार 580, सातारा जिल्ह्यात 345, सोलापूर जिल्ह्यात 271, सांगली जिल्ह्यात 146 तर कोल्हापूर जिल्ह्यात 855 अशी रुग्ण संख्येमध्ये वाढ झालेली आहे.

पुणे विभागातील सर्व्हेक्षण

आजपर्यत विभागामध्ये एकुण 9 लाख 24 हजार 574 नमून्याचा तपासाणी अहवाल प्राप्त झाला. प्राप्त अहवालांपैकी 1 लाख 97 हजार 552 नमून्यांचा अहवाल सकारात्मक (पॉझिटिव्ह) आहे.

(टिप :- दि. 23 ऑगस्ट 2020 रोजी रात्री 9.00 वा. पर्यंतच्या आकडेवारीनुसार)

पुणे-कोरोनाच्या पार्श्वभूमीवर आपल्या पुणे शहरामध्ये घरच्या गणपतीचे घरीच विसर्जन करावे आणि सार्वजनिक मंडळातील गणपतीचे मांडवातच विसर्जन करावे, असे आवाहन करण्यात आले, त्याला पुणेकरांनी आणि गणेशोत्सव मंडळांनी सकारात्मक प्रतिसाद दिला आहे. ज्या नागरिकांना घरच्या गणपतीचे घरी विसर्जन करणे शक्य नाही, अशा नागरिकांसाठी आपल्या पुणे महापालिकेच्या माध्यमातून पर्यायी व्यवस्था उपलब्ध करून देताना फिरत्या हौदाची व्यवस्था करण्यात आली आहे. आज हे फिरते हौद क्षेत्रिय कार्यालयांकडे रवाना केले आहेत. असे महापौर मुरलीधर मोहोळ यांनी म्हटले आहे.

पुढे त्यांनी असेही म्हटले आहे कि,एका क्षेत्रिय कार्यालयात दोन याप्रमाणे ३० पर्यावरण पूरक गणेश विसर्जन फिरत्या हौद उपक्रमाचा आज सकाळी श्रीफळ वाढवून शुभारंभ करण्यात आला. प्रत्येक क्षेत्रिय कार्यालयाच्या हद्दीत फिरत्या हौदाचा मार्ग, वेळेचे योग्य असे नियोजन करण्यात आले आहे.

याप्रसंगी उपमहापौर सौ सरस्वतीताई शेंडगे, स्थायी समिती अध्यक्ष हेमंत रासने, महापालिका उपायुक्त ज्ञानेश्वर मोळक, इतर अधिकारी व कर्मचारी उपस्थित होते.

पुणे दि 23: येथील शिवाजीनगर येथील शासकीय अभियांत्रिकी महाविद्यालयाच्‍या (सीओईपी) परिसरात कोरोनाबाधित रुग्णांवर उपचार करण्यासाठी उभारण्यात आलेल्या जम्बो कोविड रुग्णालयाची विभागीय आयुक्त सौरभ राव यांनी प्रत्यक्ष पाहणी करुन रुग्णालयातील सोईसुविधांचा आढावा घेतला.

यावेळी पुणे महानगर प्रदेश विकास प्राधिकरणचे मुख्य कार्यकारी अधिकारी सुहास दिवसे, जिल्हाधिकारी डॉ. राजेश देशमुख, पुणे मनपा आयुक्त विक्रम कुमार, पिंपरी-चिंचवड मनपा आयुक्त श्रावण हर्डीकर, अतिरिक्त आयुक्त रुबल अग्रवाल, निवासी उपजिल्हाधिकारी डॉ. जयश्री कटारे, सार्वजनिक बांधकाम विभागाचे मुख्य अभियंता सदाशिव साळुंखे, जिल्हा शल्य चिकित्सक डॉ. अशोक नांदापुरकर, मनपाचे आरोग्य विभागाचे प्रमुख डॉ. रामचंद्र हंकारे यांच्यासह संबंधित विभागाचे वरिष्ठ अधिकारी उपस्थित होते.

विभागीय आयुक्त राव यांनी उभारण्यात आलेल्या जम्बो रुग्णालयातील साधन सामुग्रीचा आढावा घेतला तसेच वैदयकीय अधिकारी व कर्मचारी यांच्याशी सुविधांच्या उपलब्धतेबाबत चर्चा केली.

पुणे विभागातील 1 लाख 38 हजार 755 कोरोना बाधित रुग्ण बरे होऊन घरी गेले;
विभागात कोरोना बाधित 1 लाख 93 हजार 355 रुग्ण
-विभागीय आयुक्त सौरभ राव
पुणे,दि.23 :- पुणे विभागातील 1 लाख 38 हजार 775 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 1 लाख 93 हजार 355 झाली आहे. तर ॲक्टीव रुग्ण संख्या 49 हजार 457 इतकी आहे. कोरोनाबाधीत एकुण 5 हजार 123 रुग्णांचा मृत्यू झाला असून मृत्यूचे प्रमाण 2.72 टक्के आहे. पुणे विभागामध्ये बऱ्या होणा-या रुग्णांचे प्रमाण 71.8 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्हा
पुणे जिल्हयातील कोरोना बाधीत एकूण 1 लाख 42 हजार 461 रुग्णांपैकी 1 लाख 7 हजार 885 रुग्ण बरे होवून घरी गेले आहेत. ॲक्टीव रुग्ण संख्या 31 हजार 221 आहे. कोरोनाबाधित एकूण 3 हजार 355 रुग्णांचा मृत्यू झाला आहे. मृत्यूचे प्रमाण 2.36 टक्के इतके आहे तर बरे होणा-या रुग्णांचे प्रमाण 75.73 टक्के आहे.
सातारा जिल्हा
सातारा जिल्हयातील कोरोना बाधीत एकूण 9 हजार 369 रुग्णांपैकी 5 हजार 550 रुग्ण बरे होवून घरी गेले आहेत. ॲक्टीव रुग्ण संख्या 3 हजार 523 आहे. कोरोनाबाधित एकूण 296 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 15 हजार 494 रुग्णांपैकी 11 हजार 178 रुग्ण बरे होवून घरी गेले आहेत. ॲक्टीव रुग्ण संख्या 3 हजार 661 आहे. कोरोनाबाधित एकूण 655 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 8 हजार 295 रुग्णांपैकी 4 हजार 298 रुग्ण बरे होवून घरी गेले आहेत. ॲक्टीव रुग्ण संख्या 3 हजार 704 आहे. कोरोनाबाधित एकूण 293 रुग्णांचा मृत्यू झाला आहे
कोल्हापूर जिल्हा
कोल्हापूर जिल्हयातील कोरोना बाधीत एकूण 17 हजार 736 रुग्णांपैकी 9 हजार 864 रुग्ण बरे होवून घरी गेले आहेत. ॲक्टीव रुग्ण संख्या 7 हजार 348 आहे. कोरोनाबाधित एकूण 524 रुग्णांचा मृत्यू झाला आहे
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 4 हजार 587 ने वाढ झाली आहे. यामध्ये पुणे जिल्ह्यात 3 हजार 280, सातारा जिल्ह्यात 361, सोलापूर जिल्ह्यात 323, सांगली जिल्ह्यात 319 तर कोल्हापूर जिल्ह्यात 304 अशी रुग्ण संख्येमध्ये वाढ झालेली आहे.
पुणे विभागातील सर्व्हेक्षण
आजपर्यत विभागामध्ये एकुण 9 लाख 9 हजार 62 नमून्याचा तपासाणी अहवाल प्राप्त झाला. प्राप्त अहवालांपैकी 1 लाख 93 हजार 355 नमून्यांचा अहवाल सकारात्मक (पॉझिटिव्ह) आहे.
( टिप :- दि. 22 ऑगस्ट 2020 रोजी रात्री 9.00 वा. पर्यंतच्या आकडेवारीनुसार )

पुणे- शहरातील २५० हुन अधिक गणेशमंडळांचा सक्रिय सहभाग घेऊन गणेशोत्सव ते नवरात्र उत्सव पर्यन्त सुरु राहणा-या उपक्रमाचा शुभारंभ झाला आहे. महाराष्ट्र प्रदूषण नियंत्रण मंडळाच्या पुढाकाराने उत्सवांच्या काळात “आरोग्यत्सोव”द्वारे स्वच्छतेचा जागर करण्यात येत आहे. या आरोग्यत्सोवाची सुरुवात आजपासून श्रीमंत भाऊसाहेब रंगारी गणपती मंडळ येथून झाली. यावेळी उपमहापौर सरस्वतीताई शेंडगे, पुणे महानगरपालिकेचे उपायुक्त ज्ञानेश्वर मोळक, पर्यावरण तज्ञ नितीन देशपांडे, दत्तात्रय देवळे, ललित राठी, लोकेश बापट,  माय अर्थ फांउडेशनचे अध्यक्ष अनंत घरत, पतित पावन संघटनेचे योगेश वाडेकर, यादव पुजारी, विकी आंग्रे, विजय जोरी, श्रीमंत भाऊसाहेब रंगारी मंडळाचे अध्यक्ष संजीव जावळे, परेश खांडके, मनीष घरत, श्रीकांत मेमाणे उपस्थित होते.

माय अर्थ फांउडेशनचे अध्यक्ष अनंत घरत म्हणाले कि, उत्सवाच्या कालावधीत जमा झालेले निर्माल्य – हार – नैवद्य यांचे संकलन करून पुणे मनपा च्या सहकार्याने सेंद्रिय पद्धतीने खतनिर्मिती करुन पुन्हा अशा मंडळांकडे देऊ, हे खत त्यांनी नागरिकांना झाडांसाठीचा नैवैद्य म्हणून मंडळांकडून प्रसाद देण्याचे आवाहन घरत यांनी केले आहे. तसेच १० टन टाकाऊ प्लास्टिक संकलन करण्याचा उपक्रम आणि रिसायकल प्लास्टिक डस्ट बिन चे वाटप करण्यात येणार असल्याचे घरत म्हणाले. महाराष्ट्र प्रदूषण नियंत्रण मंडळाचे अध्यक्ष सुधीर श्रीवास्तव आणि सदस्य सचिव इ. रविंद्रन यांनी या आरोग्योत्सवासाठी मोलाची मदत केल्याने त्यांचे आभार यावेळी घरत यांनी मानले.

पुणे महानगरपालिकेचे उपायुक्त ज्ञानेश्वर मोळक म्हणाले कि, पुणे मनपा दरवर्षी निर्माल्यापासून खत बनवत असते, गेल्यावर्षी अशा निर्माल्यापासून तर अगरबत्तीदेखील बनवण्यात आली होती. या गोष्टी पुन्हा मंडळांना आणि नागरिकांना देण्यात येतात. अशा समाजपयोगी गोष्टींमध्ये गणेशमंडळे आणि सोसायट्यांनी तसेच नागरिकांना सहभाग घेण्याची गरज असल्याचे मोळक म्हणाले. नागरिकांनी आपापल्या घरि गणपतीचे विसर्जन करावे, ते जमत नसेल तर मुर्ती दान करुन पर्यावरण रक्षण करण्यास हातभार लावण्याचे आवाहन देखील मोळक यांनी केले. नागरिकांना घरी गणपती विसर्जन करण्यासाठी महानगरपालिका अमोनियम कार्बोनेट मोफत देते, तसेच ज्यांना मुर्ती दान करायची आहे अशांसाठी मनपाच्यावतीने विधीवत पूजा करुन विसर्जन करण्यात येते. मुर्तीदानासाठी शहरामध्ये १८७ केंद्रे निर्माण करण्यात आली आहेत. नागरिकांनी उत्सवाच्या काळात अशा सामाजिक संस्था आणि मनपाला सहकार्य केले तर निश्चित पर्यावरणाचे रक्षण होईलच तसेच कोरोनाचादेखील प्रादुर्भाव कमी होईल असा विश्वास यावेळी उपायुक्त ज्ञानेश्वर मोळक यांनी केला.

उपमहापौर सरस्वतीताई शेंडगे म्हणाल्या कि,  उत्सवाच्या काळात अनेक ठिकाणी निर्माल्य, नैवेद्य विखुरलेल्या अवस्थेत दिसतात. पावसाळ्यात यामुळे अनेक ठिकाणी गटारे, चेंबर, कॅनॉल तुंबलेले दिसतात, त्यामुळे  अनेक ठिकाणी  पाणी साचून दुर्घटना घडण्याची शक्यता असते. त्यामुळे अशा गोष्टी टाळायच्या असतील तर निर्माल्य कलशचा अधिकाधिक वापर नागरिकांनी करण्याचे आवाहन शेंडगे यांनी केले.