मुंबई, दि. २९ : विद्यार्थ्यांना कोणत्याही मानसिक त्रासाला सामोरे जावे लागणार नाही याची विशेष काळजी घेऊन सहज आणि सुलभ पद्धतीने अंतिम वर्षाच्या परीक्षा कशा आणि कधी घेता येतील यासाठी कुलगुरूंची समिती गठीत करण्यात आली आहे, असे उच्च व तंत्र शिक्षण मंत्री उदय सामंत यांनी संगितले.

आज मंत्रालयात उच्च व तंत्र शिक्षण मंत्री उदय सामंत यांच्या अध्यक्षतेखाली अंतिम वर्षाच्या परीक्षेसंदर्भात  झूमच्या माध्यमातून 13 अकृषी विद्यापींठाच्या कुलगुरू सोबत ऑनलाईन बैठक संपन्न झाली.

श्री.सामंत म्हणाले, मा.सर्वोच्च न्यायालयाच्या परीक्षेसंदर्भातील निर्णयानुसार राज्यातील अंतिम वर्षांच्या परीक्षा कधी आणि कशा एका समान पद्धतीने घेता येतील याचे नियोजन करणे गरजेचे आहे. विद्यार्थी हित लक्षात घेऊन एकाही विद्यार्थ्याचे शैक्षणिक नुकसान होणार नाही, याची दक्षता घेऊन विद्यापीठांनी  एका समान पद्धतीने परीक्षा कशा घेता येतील याचे नियोजन करावे तसेच विद्यापीठ अनुदान आयोगाच्या (यूजीसी) मार्गदर्शक सूचनांनुसार दिनांक ३० सप्टेंबर २०२० पर्यंत परीक्षा घेणे शक्य आहे का? याबद्दलही विचार करावा, अशा सूचना श्री.सामंत यांनी दिल्या.

श्री.सामंत म्हणाले, विद्यार्थ्यांची परिक्षेसंदर्भातील मानसिकता लक्षात घेऊन   कमीत कमी संसाधनामध्ये आणि सहज आणि सोप्या पद्धतीने परीक्षा कशा घेता येतील यासाठीचा अभ्यास करण्यासाठी आज कुलगुरुंची एक समिती गठीत करण्यात आली आहे.

या समितीने विद्यापीठ अनुदान आयोगाच्या (यूजीसी) मार्गदर्शक सूचनांचा विचार करून परीक्षा कशा आणि कधी घेता येतील यावर उद्या दिनांक ३० ऑगस्ट २०२० रोजी सकाळी ११ वाजता बैठक घेऊन आपला अहवाल सादर करावा. समितीच्या निर्णयानंतर मा.राज्यपाल महोदय आणि मुख्यमंत्री महोदय यांच्याशी चर्चा करून परीक्षेबाबतचा अंतिम निर्णय लवकरच जाहीर करण्यात येईल असेही श्री.सामंत यांनी सांगितले. बैठकीत गोवा, दिल्ली, मध्यप्रदेश, बनारस विद्यापीठ यांनी कशा पद्धतीने तेथील परीक्षा घेतल्या आहेत, याचाही सविस्तर आढावा  घेण्यात आला.

या बैठकीमध्ये उच्च व तंत्र शिक्षण राज्यमंत्री प्राजक्त तनपुरे,  विभागाचे अपर मुख्य सचिव राजीव जलोटा, संचालक डॉ.धनराज माने, तंत्र शिक्षण संचालक अभय वाघ, सर्व अकृषी विद्यापीठांचे कुलगुरू आणि संबंधित अधिकारी सहभागी होते.

मुंबई दि.28- राज्यातील जिम सुरु करण्याबाबत शासन सकारात्मक आहे. जिमच्या माध्यमातून कोरोनाचा प्रसार होऊ नये याकरिता मार्गदर्शक तत्वे जिम मालकांनी शासनास सादर करावीत. त्याआधारे जिम सुरु करण्याचा निर्णय घेण्यात येईल, असे मुख्यमंत्री उद्धव ठाकरे यांनी सांगितले.

मुंबईतील जिम चालकांनी आज वर्षा निवासस्थानी मुख्यमंत्र्यांची भेट घेतली. त्यावेळी मुख्यमंत्री श्री.ठाकरे म्हणाले, जिम सुरु करताना कोरोनाचा प्रसार रोखणे हे मोठे आव्हान असणार आहे. यासाठी सर्व जिमचालकांनी एकत्र येऊन नागरिकांच्या सुरक्षिततेच्या दृष्टीने काही मार्गदर्शक तत्वे ठरविणे आवश्यक आहेत. ही तत्वे राज्यातील जिम चालकांनी एकत्रितपणे ठरवून शासनास सादर केल्यास त्यावर लवकरात लवकर निर्णय घेण्यात येईल.

यावेळी मुख्यमंत्र्यांचे प्रधान सल्लागार अजोय महेता, मुख्यमंत्र्यांचे प्रधान सचिव विकास खारगे, मुंबईतील जिम चालकांचे प्रतिनिधी महेश गायकवाड, निखिल राजपुरिया, करन तलरेजा, हेमंत दुधवडकर, गुरुजितसिंग गांधी, योगिनी पाटील, साईनाथ दुर्गे, रमेश गजरीया, मनोज पाटील उपस्थित होते.

मुंबई, दि.२८: राज्यात आज ११ हजार ६०७ रुग्ण बरे झाले तर १४ हजार ३६१ नवीन रुग्णांचे निदान झाले. राज्याचे रुग्ण बरे होण्याचे प्रमाण ७२.६२ टक्के झाले. राज्यभरात आतापर्यंत एकूण ५ लाख ४३ हजार १७० रुग्ण बरे झाले आहेत. सध्या १ लाख ८०  हजार ७१८ रुग्णांवर (ॲक्टिव्ह) उपचार सुरू आहेत, अशी माहिती आरोग्यमंत्री राजेश टोपे यांनी  दिली.

आज निदान झालेले १४,३६१ नवीन रुग्ण आणि नोंद झालेले ३३१ मृत्यू यांचा तपशील असा (कंसात आज नोंद झालेले मृत्यू) :

मुंबई मनपा-१२१७ (३०), ठाणे- २१८ (१), ठाणे मनपा-२०९ (७), नवी मुंबई मनपा-४२७ (९), कल्याण डोंबिवली मनपा-२४३ (८), उल्हासनगर मनपा-२० (२), भिवंडी निजामपूर मनपा-२८ (१), मीरा भाईंदर मनपा-१६६ (४), पालघर-१२० (४), वसई-विरार मनपा-११२ (२), रायगड-२५३ (६), पनवेल मनपा-२८३, नाशिक-१९५ (१५), नाशिक मनपा-४९१ (१२), मालेगाव मनपा-३६ (२), अहमदनगर-३७२ (१),अहमदनगर मनपा-१७२ (२), धुळे-९५ (४), धुळे मनपा-११६ (५), जळगाव- ४७८ (९), जळगाव मनपा-१०५ (४), नंदूरबार-७५ (३), पुणे- ८५१ (१४), पुणे मनपा-१७९५ (२२), पिंपरी चिंचवड मनपा-१००१ (२२), सोलापूर-२९७ (९), सोलापूर मनपा-३२, सातारा-६७७ (९), कोल्हापूर-५५४ (१७), कोल्हापूर मनपा-१६९ (५), सांगली-२७० (९), सांगली मिरज कुपवाड मनपा-३४६ (१५), सिंधुदूर्ग-२० (४), रत्नागिरी-१०२ (४), औरंगाबाद-१०१ (४),औरंगाबाद मनपा-८० (८), जालना-६१ (१), हिंगोली-३६ (३), परभणी-३७ (१), परभणी मनपा-२४ (३), लातूर-७७ (५), लातूर मनपा-६९ (३), उस्मानाबाद-१३८ (२),बीड-६४ (५), नांदेड-१४२ (१), नांदेड मनपा-११४, अकोला-४५, अकोला मनपा-१७, अमरावती-२६ (४), अमरावती मनपा-७७ (४) , यवतमाळ-१०३ (२), बुलढाणा-९४ (१), वाशिम-४३ (२), नागपूर-३११ (२), नागपूर मनपा-८४८ (१९), वर्धा-३६, भंडारा-३४, गोंदिया-७८, चंद्रपूर-७५, चंद्रपूर मनपा-२६, गडचिरोली-४६, इतर राज्य १४.

आजपर्यंत पाठविण्यात आलेल्या ३९ लाख ३२ हजार ५२२ नमुन्यांपैकी ७ लाख ४७ हजार ९९५ नमुने पॉझिटिव्ह (१९.०२ टक्के) आले आहेत. राज्यात १३ लाख ०१ हजार ३४६ लोक होम क्वारंटाईनमध्ये आहेत. सध्या ३४ हजार ९०८ लोक संस्थात्मक क्वारंटाईनमध्ये आहेत. राज्यात आज ३३१ कोरोनाबाधित रुग्णांच्या मृत्यूंची नोंद झाली असून सध्या राज्यातील मृत्यूदर ३.१८ टक्के एवढा आहे.

राज्यातील जिल्हानिहाय ॲक्टिव्ह रुग्णांचा तपशील    

मुंबई: बाधित रुग्ण- (१,४२,१०८) बरे झालेले रुग्ण- (१,१४,८१८), मृत्यू- (७५६५), इतर कारणांमुळे झालेले मृत्यू-(३१८), ॲक्टिव्ह रुग्ण- (१९,४०७)

ठाणे: बाधित रुग्ण- (१,२८,६८५), बरे झालेले रुग्ण- (१,०४,६२७), मृत्यू (३७०९), इतर कारणांमुळे झालेले मृत्यू-(१), ॲक्टिव्ह रुग्ण- (२०,३४८)

पालघर: बाधित रुग्ण- (२४,६९५), बरे झालेले रुग्ण- (१७,५३०), मृत्यू- (५६७), इतर कारणांमुळे झालेले मृत्यू-(०), ॲक्टिव्ह रुग्ण- (६५९८)

रायगड: बाधित रुग्ण- (२८,६७९), बरे झालेले रुग्ण-(२२,१७३), मृत्यू- (७५४), इतर कारणांमुळे झालेले मृत्यू-(२), ॲक्टिव्ह रुग्ण- (५७५०)

रत्नागिरी: बाधित रुग्ण- (३७९२), बरे झालेले रुग्ण- (२२००), मृत्यू- (१३३), इतर कारणांमुळे झालेले मृत्यू-(०), ॲक्टिव्ह रुग्ण- (१४५९)

सिंधुदुर्ग: बाधित रुग्ण- (१०७१), बरे झालेले रुग्ण- (६०३), मृत्यू- (२०), इतर कारणांमुळे झालेले मृत्यू-(०), ॲक्टिव्ह रुग्ण- (४४८)

पुणे: बाधित रुग्ण- (१,६५,५९२), बरे झालेले रुग्ण- (१,१४,०९९), मृत्यू- (३९७४), इतर कारणांमुळे झालेले मृत्यू-(०), ॲक्टिव्ह रुग्ण- (४६,५१९)

सातारा: बाधित रुग्ण- (१२,२०८), बरे झालेले रुग्ण- (७११९), मृत्यू- (३२२), इतर कारणांमुळे झालेले मृत्यू-(२), ॲक्टिव्ह रुग्ण- (४७६५)

सांगली: बाधित रुग्ण- (११,२५२), बरे झालेले रुग्ण- (६३६७), मृत्यू- (३८०), इतर कारणांमुळे झालेले मृत्यू-(०), ॲक्टिव्ह रुग्ण- (४५०५)

कोल्हापूर: बाधित रुग्ण- (२०,३१९), बरे झालेले रुग्ण- (१३,९४३), मृत्यू- (५८४), इतर कारणांमुळे झालेले मृत्यू-(०), ॲक्टिव्ह रुग्ण- (५७९२)

सोलापूर: बाधित रुग्ण- (१८,३८३), बरे झालेले रुग्ण- (१३,२४०), मृत्यू- (७४४), इतर कारणांमुळे झालेले मृत्यू-(१), ॲक्टिव्ह रुग्ण- (४३९८)

नाशिक: बाधित रुग्ण- (३६,३४३), बरे झालेले रुग्ण- (२५,४८१), मृत्यू- (८४२), इतर कारणांमुळे झालेले मृत्यू-(०), ॲक्टिव्ह रुग्ण- (१०,०२०)

अहमदनगर: बाधित रुग्ण- (१९,०४६), बरे झालेले रुग्ण- (१४,८६९), मृत्यू- (२७४), इतर कारणांमुळे झालेले मृत्यू-(०), ॲक्टिव्ह रुग्ण- (३९०३)

जळगाव: बाधित रुग्ण- (२५,२११), बरे झालेले रुग्ण- (१७,२२०), मृत्यू- (८१७), इतर कारणांमुळे झालेले मृत्यू-(०), ॲक्टिव्ह रुग्ण- (७१७४)

नंदूरबार: बाधित रुग्ण- (२२९४), बरे झालेले रुग्ण- (१२०९), मृत्यू- (६८), इतर कारणांमुळे झालेले मृत्यू-(०), ॲक्टिव्ह रुग्ण- (१०१७)

धुळे: बाधित रुग्ण- (७३२९), बरे झालेले रुग्ण- (५०८४), मृत्यू- (२०४), इतर कारणांमुळे झालेले मृत्यू-(२), ॲक्टिव्ह रुग्ण- (२०३९)

औरंगाबाद: बाधित रुग्ण- (२२,२२४), बरे झालेले रुग्ण- (१५,७६९), मृत्यू- (६५३), इतर कारणांमुळे झालेले मृत्यू-(०), ॲक्टिव्ह रुग्ण- (५८०२)

जालना: बाधित रुग्ण-(४११३), बरे झालेले रुग्ण- (२६१२), मृत्यू- (१२८), इतर कारणांमुळे झालेले मृत्यू-(०), ॲक्टिव्ह रुग्ण- (१३७३)

बीड: बाधित रुग्ण- (४४९६), बरे झालेले रुग्ण- (२७५८), मृत्यू- (११२), इतर कारणांमुळे झालेले मृत्यू-(०),ॲक्टिव्ह रुग्ण- (१६२६)

लातूर: बाधित रुग्ण- (७३८१), बरे झालेले रुग्ण- (४३२१), मृत्यू- (२५५), इतर कारणांमुळे झालेले मृत्यू-(०), ॲक्टिव्ह रुग्ण- (२८०५)

परभणी: बाधित रुग्ण- (२४०६), बरे झालेले रुग्ण- (१०४९), मृत्यू- (७४), इतर कारणांमुळे झालेले मृत्यू-(०), ॲक्टिव्ह रुग्ण- (१२८३)

हिंगोली: बाधित रुग्ण- (१३८८), बरे झालेले रुग्ण- (१११२), मृत्यू- (३४), इतर कारणांमुळे झालेले मृत्यू-(०), ॲक्टिव्ह रुग्ण- (२४२)

नांदेड: बाधित रुग्ण- (६२७५), बरे झालेले रुग्ण (३०६८), मृत्यू- (१९७), इतर कारणांमुळे झालेले मृत्यू-(०), ॲक्टिव्ह रुग्ण- (३०१०)

उस्मानाबाद: बाधित रुग्ण- (५५१५), बरे झालेले रुग्ण- (३३६८), मृत्यू- (१४७), इतर कारणांमुळे झालेले मृत्यू-(०), ॲक्टिव्ह रुग्ण- (२०००)

अमरावती: बाधित रुग्ण- (४८२२), बरे झालेले रुग्ण- (३६९६), मृत्यू- (१२०), इतर कारणांमुळे झालेले मृत्यू-(०), ॲक्टिव्ह रुग्ण- (१००६)

अकोला: बाधित रुग्ण- (३७३०), बरे झालेले रुग्ण- (२९३८), मृत्यू- (१५१), इतर कारणांमुळे झालेले मृत्यू-(१), ॲक्टिव्ह रुग्ण- (६४०)

वाशिम: बाधित रुग्ण- (१६०१), बरे झालेले रुग्ण- (१२६९), मृत्यू- (२७), इतर कारणांमुळे झालेले मृत्यू-(१), ॲक्टिव्ह रुग्ण- (३०४)

बुलढाणा: बाधित रुग्ण- (३१४०), बरे झालेले रुग्ण- (२०८१), मृत्यू- (७२), इतर कारणांमुळे झालेले मृत्यू-(०), ॲक्टिव्ह रुग्ण- (९८७)

यवतमाळ: बाधित रुग्ण- (२९६४), बरे झालेले रुग्ण- (१८९१), मृत्यू- (७१), इतर कारणांमुळे झालेले मृत्यू-(०), ॲक्टिव्ह रुग्ण- (१००२)

नागपूर: बाधित रुग्ण- (२४,७८३), बरे झालेले रुग्ण- (१३,२३९), मृत्यू- (६३९), इतर कारणांमुळे झालेले मृत्यू-(३), ॲक्टिव्ह रुग्ण- (१०,९०२)

वर्धा: बाधित रुग्ण- (७६३), बरे झालेले रुग्ण- (४५९), मृत्यू- (१६), इतर कारणांमुळे झालेले मृत्यू-(१), ॲक्टिव्ह रुग्ण- (२८७)

भंडारा: बाधित रुग्ण- (८९५), बरे झालेले रुग्ण- (५९३), मृत्यू- (२१), इतर कारणांमुळे झालेले मृत्यू-(०), ॲक्टिव्ह रुग्ण- (२८१)

गोंदिया: बाधित रुग्ण- (१२९४), बरे झालेले रुग्ण- (७८७), मृत्यू- (१५), इतर कारणांमुळे झालेले मृत्यू-(०), ॲक्टिव्ह रुग्ण- (४९२)

चंद्रपूर:  बाधित रुग्ण- (१७९०), बरे झालेले रुग्ण- (१००८), मृत्यू- (१५), इतर कारणांमुळे झालेले मृत्यू-(०), ॲक्टिव्ह रुग्ण- (७६७)

गडचिरोली: बाधित रुग्ण- (६९७), बरे झालेले रुग्ण- (५७०), मृत्यू- (१), इतर कारणांमुळे झालेले मृत्यू-(०), ॲक्टिव्ह रुग्ण- (१२६)

इतर राज्ये: बाधित रुग्ण- (७११), बरे झालेले रुग्ण- (०), मृत्यू- (७०), इतर कारणांमुळे झालेले मृत्यू-(०), ॲक्टिव्ह रुग्ण- (६४१)

एकूण: बाधित रुग्ण-(७,४७,९९५) बरे झालेले रुग्ण-(५,४३,१७०), मृत्यू- (२३,७७५), इतर कारणांमुळे झालेले मृत्यू-(३३२),ॲक्टिव्ह रुग्ण-(१,८०,७१८)

(टीप: आज नोंद झालेल्या एकूण ३३१ मृत्यूंपैकी २४८ मृत्यू हे मागील ४८ तासातील तर ४७ मृत्यू हे मागील आठवडयातील आहेत. उर्वरित ३६ मृत्यू हे एक आठवडयापेक्षा अधिक कालावधीपूर्वीचे आहेत. हे ३६ मृत्यू  हे ठाणे -१२, नाशिक् ८, नागपूर -५, औरंगाबाद -३, सांगली -२, धुळे – १, हिंगोली -१, कोल्हापूर -१, लातूर -१, रायगड -१ आणि सातारा – १ असे आहेत. पोर्टलनुसार आकडेवारी अद्ययावत करण्याच्या प्रक्रियेमध्ये या सर्व मृत्यूंची नोंद आज घेण्यात  आली आहे. आज २१ ऑगस्ट ते २३ ऑगस्ट २०२० या कालावधीतील कोविड बाधित रुग्णांच्या रिकॉन्सिलिएशन प्रक्रियेत  एकूण बाधित रुग्णसंख्येत ६६ रुग्णांची वाढ झाली आहे.ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोरोनाबाधित रुग्णांच्या आकडेवारी नुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

आयपीएल टुर्नामेंट अखेर दुबईमध्ये पुढच्या महिन्यात सुरू होणार आहे. परंतू, यापूर्वीच एक मोठी माहिती समोर आली आहे. युएईत दाखल झालेल्या चेन्नई सुपरकिंग्ज संघातील एक गोलंदाज आणि सपोर्ट स्टाफमधील 12 जणांना कोरोनाची लागण झाली आहे. अद्याप संघाकडून याला अधिकृत दुजोरा देण्यात आलेला नाही.

सूत्रांकडून मिळालेल्या माहितीनुसार, संघातील एखा भारतीय गोलंदाजाला कोरोनाची लागण झाली आहे, पण खेळाडूचे नाव कळू शकले नाही. सध्या चेन्नई संघात शार्दुल ठाकुर, दीपक चाहर, केएम आसिफ आणि मोनू कुमार, हे भारतीय गोलंदाज आहेत.

7 दिवस क्वारंटाइनमध्ये होता संघ

दुबईमध्ये आयपीएलची सुरुवात 19 सप्टेंबरपासून होत आहे. चेन्नई संघ 21 ऑगस्टलाच दुबईत पोहचला होता. यानंतर सात दिवस सर्व संघ क्वारंटाइन होता. शुक्रवारपासून संघाला सराव सुरू करायचा होता, पण आता संघातील खेळाडू आणि स्टाफमधील 12 जणांना कोरोनाचील लागण झाल्याचे समोर आल्याने सराव थोडा उशीराने सुरू होईल.

यूएईत जाण्यापूर्वी भारतीयांच्या पाच चाचण्या झाल्या होत्या

यूएईला जाण्यापूर्वी आयपीएलमध्ये भाग घेत असलेल्या भारतीय खेळाडू आणि स्टाफची पाच वेळा चाचणी झाली होती. सर्वांची कोरोना चाचणी निगेटिव्ह आल्यानंतरच सर्वांना दुबईला पाठवले होते. परदेशी खेळाडूंनाही दुबईत येण्यापूर्वी 14 दिवस क्वारंटाइन केले होते आणि चाचणी निगेटिव्ह आल्यानंतरच दुबईला पाठवले होते.

मुंबई, दि. २८ : सर्वोच्च न्यायालयाने परीक्षेसंदर्भात जो निर्णय दिला आहे, त्या निर्णयाचा आदर करून विद्यार्थ्यांच्या आरोग्याची पूर्णपणे काळजी घेऊन राज्य शासन अंतिम वर्षाच्या परीक्षेबाबत निर्णय घेईल असे उच्च व तंत्र शिक्षण मंत्री उदय सामंत यांनी सांगितले.

परीक्षेसंदर्भात आज सर्वोच्च न्यायालयाने निकाल दिल्यानंतर उच्च व तंत्र शिक्षणमंत्री श्री. सामंत यांनी पत्रकारांशी संवाद साधला त्यावेळी बोलत होते.

श्री. सामंत म्हणाले,सर्व अकृषी विद्यापीठांना प्रत्यक्ष भेट देऊन कुलगुरू, जिल्हाधिकारी आणि स्थानिक प्रशासन यांच्याशी सविस्तर चर्चा करून विद्यार्थ्यांच्या आरोग्याची पूर्णपणे काळजी घेत परीक्षेचे नियोजन करण्यात येईल. तसेच मुख्यमंत्री उद्धव ठाकरे,राज्य आपत्ती व्यवस्थापन समिती, मंत्रिमंडळातील सर्व सदस्य यांच्याशीसुद्धा याबद्दल सविस्तरपणे चर्चा करून विद्यार्थ्यांची मानसिकता लक्षात घेऊन त्यांचे कसलेही खच्चीकरण होणार नाही, आणि शैक्षणिक नुकसान होणार नाही याची दक्षता घेऊन राज्य शासन निर्णय घेईल असेही श्री. सामंत यांनी संगितले.

श्री. सामंत म्हणाले, सर्वोच्च न्यायालयाच्या निर्णयाचा आम्ही आदर करतो. सर्वोच्च न्यायालयात राज्य शासनाकडून राज्यातील कोविड-१९ चा वाढता प्रादुर्भाव, विद्यार्थी, पालक यांची मानसिकता,कुलगुरू यांच्या सूचना आणि काही शैक्षणिक संघटनांचे निवेदन अशा सर्वांगीण परिस्थितीचा विचार करूनच परीक्षेसंदर्भात बाजू मांडण्यात आली होती.

तसेच या वर्षापासून उच्च न्यायालयाने आदेशित केल्याप्रमाणे सीजीपीए ( CGPA) पद्धतीने निकाल जाहीर करून पदवी देण्यासंदर्भात निर्णय घेतला होता. राज्य शासनाने घेतलेला निर्णय हा विद्यार्थ्यांचे हित त्यांची मानसिक स्थिती आणि राज्यातील कोविड-१९चा वाढता प्रादुर्भाव याच पार्श्वभूमीवर घेतला होता.

श्री. सामंत म्हणाले, परीक्षेसंदर्भातील कार्यपद्धतीमध्ये समाविष्ट असलेले सर्व अधिकारी, कर्मचारी, प्राचार्य ,प्राध्यापक, पोलीस व इतर सर्व संबंधित अधिकारी यांच्याशी चर्चा करून केंद्र शासनाने कोविड-१९ संदर्भात दिलेल्या सर्व सुरक्षिततेचा प्रोटोकॉल व नियमांचे पालन करुन परीक्षा कशा घेता येतील याबाबत सर्व कुलगुरू यांच्याशी चर्चा करून राज्य आपत्ती व्यवस्थापन प्राधिकरणासमवेत सर्वांगीण विचार करून परीक्षा कधी, कशा व कोणत्या पद्धतीने विद्यापीठ परीक्षा घेईल या संदर्भात निर्णय घेण्यात येईल असेही श्री. सामंत यांनी यावेळी संगितले.

मुंबई दि.28. सफाई कामगारांचे विविध प्रश्न व समस्या सोडविण्यासाठी सामाजिक न्याय विभागात स्वतंत्र कार्यासनाची निर्मिती विचाराधीन असल्याचे प्रतिपादन सामाजिक न्याय व विशेष सहाय्य मंत्री धनंजय मुंडे यांनी केले.

सफाई कामगारांच्या विविध मागण्यांसंदर्भात मंत्रालयात आयोजित बैठकीत श्री. मुंडे बोलत होते .यावेळी सामाजिक न्याय विभागाचे सचिव श्याम तागडे , समाजकल्याण आयुक्त प्रवीण दराडे ,सामाजिक न्याय विभागाचे सहसचिव दिनेश डिंगळे, सफाई कामगार संघटनेचे गोविंदभाई परमार , विविध सफाई कामगार संघटनेचे प्रतिनिधी आणि सामाजिक न्याय ,वैद्यकीय शिक्षण, सार्वजनिक आरोग्य, नगरविकास विभागाचे अधिकारी उपस्थित होते.

श्री. मुंडे म्हणाले, सफाई कामगारांच्याबाबतचा लाड-पागे समितीचा अहवाल व सद्यस्थिती यांचा समन्वय साधून योग्य निर्णय घेतला जाईल. कामगारांच्या निवाऱ्याचा प्रश्न सोडविण्यासाठी विभागामार्फत विशेष प्रयत्न केले जातील. सफाई कामगारांच्या वारसा हक्क नियुक्ती देण्यासंदर्भात प्रश्न मार्गी लावण्यासाठी प्रयत्न करणार तसेच नियुक्तीबाबतीत शैक्षणिक अर्हता तपासणार. सफाई कामगारांचा सामाजिक आर्थिक स्तर उंचावण्यासाठी सतत प्रयत्न करणार असल्याचेही श्री. मुंडे यांनी यावेळी सांगितले.