मुंबई -अयोध्येतील वादग्रस्त वास्तू उद्धवस्त केल्याप्रकरणी ज्येष्ठ नेते लालकृष्ण अडवाणी, डॉ.मुरलीमनोहर जोशी, उमा भारती यांची निर्दोष मुक्तता करण्याच्या सर्वोच्च न्यायालयाच्या निर्णयाचे भारतीय जनता पार्टी स्वागत करीत आहे. या खटल्यात न्यायाचा विजय झाला, अशी प्रतिक्रिया भाजपा प्रदेशाध्यक्ष चंद्रकांतदादा पाटील यांनी व्यक्त केली.
सर्वोच्च न्यायालयाने दिलेल्या निकालानंतर भाजपा प्रदेश कार्यालयात पत्रकार परिषदेत पाटील बोलत होते.विधान परिषदेचे विरोधी पक्ष नेते प्रवीण दरेकर, आ.कालिदास कोळंबकर, मुख्य प्रवक्ते केशव उपाध्ये आदी या वेळी उपस्थित होते.
पाटील म्हणाले की, अयोध्येतील वादग्रस्त वास्तू बाबत जनतेच्या मनात वर्षानुवर्षे साचलेला राग उफाळून आला. त्या वेळच्या काँग्रेस सरकारने लालकृष्ण अडवाणी, डॉ.जोशी, उमा भारती आदी नेत्यांवर खटले दाखल केले. वर्षांनुवर्षे हा खटला चालला. आता सर्वोच्च न्यायालयाने या सर्व नेत्यांची निर्दोष मुक्तता केली आहे.
भारतीय जनता पार्टीने कायमच न्यायालयाच्या निर्णयाचा आदर केला आहे. या निकालाने न्यायाचा विजय झाला, असेही पाटील यांनी नमूद केले.

मुंबई, दि. ३० : कर्नाळा पक्षी अभयारण्य आणि फणसाड अभयारण्यातील पर्यटन सुविधांचा विकास करण्यास राज्य शासनाचे प्राधान्य आहे. त्या दृष्टीकोनातून प्रकल्प अहवाल तयार करून महाराष्ट्र इको टूरिझम डेव्हलपमेंट बोर्डकडे तात्काळ पाठवावेत, असे निर्देश वन राज्यमंत्री दत्तात्रय भरणे यांनी आज दिले.

फणसाड अभयारण्य, कर्नाळा पक्षी अभयारण्य व माथेरान येथील वनक्षेत्र परिसरातील वनसंवर्धन व ही पर्यटनस्थळे अधिक विकसित करण्याच्यादृष्टीने राज्यमंत्री श्री. भरणे यांच्या अध्यक्षतेखाली व पर्यटन राज्यमंत्री कु. आदिती तटकरे यांच्या उपस्थितीत आज मंत्रालयात बैठक पार पडली. यावेळी वन विभागाचे अपर प्रधान मुख्य वन संरक्षक (वन्य जीव) सुनील लिमये, वन विभागाचे उपसचिव गजेंद्र नरवणे यांच्यासह वन विभागाचे अधिकारी उपस्थित होते.

यावेळी राज्यमंत्री कु. तटकरे म्हणाल्या, नैसर्गिक देणगी लाभलेली ही पर्यटनस्थळे पर्यटकांसाठी पर्यावरणपूरक निवास सोयी-सुविधा व व्यापक प्रसिद्धी मिळाल्यास कोरोनानंतरच्या काळात पर्यटकांच्या आकर्षणाचे केंद्र ठरतील. रायगड जिल्ह्यातील सुरू असलेल्या औद्योगिक विस्तारानुसार दिवसेंदिवस येथील लोकसंख्येत वाढ होत आहे. त्यामुळे येणाऱ्या काळात निसर्ग पर्यटनाला चालना देऊन या अभयारण्यातील आर्थिक उत्पनात भर पडण्यास मदत होईल, असे यावेळी कु. तटकरे म्हणाल्या. त्याअनुषंगाने पर्यटकांसाठी पर्यावरणपूरक स्वच्छतागृहे, खाण्यापिण्याच्या व राहण्याच्या सोयी उपलब्ध होण्याच्यादृष्टीने उपाययोजना केल्या जाव्यात, असे मत त्यांनी यावेळी मांडले.

या स्थळांना प्रत्यक्ष भेट देऊन तिथला आराखडा, वनक्षेत्र यांची प्रत्यक्ष पाहणी करुन तसा प्रस्ताव इको टुरिझम बोर्डास सादर करण्यासाठी नियोजनपूर्वक पुढील कार्यवाही करावी, अशा सूचना राज्यमंत्री श्री.भरणे यांनी श्री. लिमये यांना दिल्या.

मुंबई दि. ३० : शासकीय रूग्णालयातील डॉक्टर, अधीक्षक, प्राध्यापक, प्रमुख व्यवस्थापिका (मेटरन), स्वच्छता निरीक्षक आणि सर्व वैद्यकीय अधिकारी-कर्मचारी कोरोना महामारीच्या संकट काळात निष्ठेने सेवा करीत आहेत. या सर्व कोविड योद्ध्यांचे कार्य अभिनंदनीय असल्याचे प्रतिपादन राज्यपाल भगत सिंह कोश्यारी यांनी केले.

कोविड १९ या जागतिक महामारीच्या काळात मुंबईतील सेंट जॉर्ज रूग्णालय, द कामा ॲण्ड ॲलब्लेस रूग्णालय, गोकुलदास तेजपाल (जीटी) रूग्णालय आणि जे.जे. रूग्णालयातील कोविड वॉरियर्सचा राजभवन येथे त्यांच्या कार्याचा सन्मान म्हणून राज्यपाल भगत सिंह कोश्यारी यांच्या हस्ते सत्कार करण्यात आला. यावेळी अभिनंदनपर भाषणात राज्यपाल श्री.कोश्यारी बोलत होते.

राज्यपाल श्री.कोश्यारी म्हणाले, माता-पिता-गुरू आणि देव यांचे आयुष्यातील स्थान महत्त्वाचे आहे. यामध्ये आपण देवाला पाहिले नाही परंतु, जेव्हा प्रकृती खराब होते, तेव्हा आपल्याला डॉक्टरच आठवतात आणि हेच आपल्यासाठी देव आहेत. कोरोनाच्या रूग्णांना अतिशय प्रेमाने आणि माणुसकीने शासकीय रुग्णालयात उपचार देण्यात येत आहेत. राजभवन येथील अनेक कर्मचाऱ्यांना कोरोनाने ग्रासले होते, मात्र आज सर्व ठणठणीत आहेत. अशाचप्रकारे आर्थिकदृष्ट्या गरीब रूग्णही पूर्णत: स्वस्थ होणे गरजेचे आहे आणि तेच आपले कर्तव्य असून, पुढेही आपल्याकडून असेच कार्य सुरू रहावे. या कालावधीत कार्यरत असणाऱ्या ज्या  वैद्यकिय कर्मचाऱ्यांना आपले प्राण गमवावे लागले त्यांना श्रद्धांजली अर्पण करून, त्यांच्या कुटुंबियांना सुदृढ आरोग्य लाभावे, ही भावनाही राज्यपाल श्री.कोश्यारी यांनी यावेळी व्यक्त केली.

वैद्यकीय शिक्षण आणि संशोधनचे संचालक डॉ. तात्याराव लहाने म्हणाले, डॉक्टर, अधीक्षक, प्राध्यापक, प्रमुख व्यवस्थापिका (मेट्रन), स्वच्छता निरीक्षक आदींसोबत वैद्यकीय क्षेत्रातील सर्वच कर्मचारी उत्तम काम केले आहे. सुरुवातीला कोविड-१९ संदर्भात अधिक माहिती नसल्याने अनेक अडचणींना आणि रूग्णांच्या मृत्युला सामोरे जावे लागत होते. मात्र, या परिस्थितीतही सर्व डॉक्टर्स आणि इतर कर्मचारी तत्परतेने कार्यरत आहेत. सुरुवातीला तीनच लॅब होत्या मात्र आज १५४ लॅब, १४९० व्हेंटीलेटर, १६५० आयसीयु बेड, तीन लाख सात हजार बेड, १८ मेडिकल कॉलेज उपलब्ध आहेत. सुरुवातीला मृत्युदर ५० टक्के होता. आज २.६ टक्के आहे आणि हाच मृत्युदर शून्य टक्क्यावर नेण्यासाठी सर्वजण प्रयत्नशील आहेत. शासनाच्या ‘माझे कुटुंब, माझी जबाबदारी’ या अभियानाअंतर्गतही काम सुरू असून, शून्य टक्के मृत्युदरापर्यंत पोहोचण्याचे लक्ष्य लवकरच पूर्ण करू, असेही डॉक्टर लहाने यांनी यावेळी सांगितले.

कार्यक्रमात राज्यपालांचे प्रधान सचिव संतोष कुमार यांनी मनोगत व्यक्त केले. कोरोनामुक्त झालेल्या अनेकांनी अनुभव कथन केले. जे.जे. रूग्णालयाचे अधिष्ठाता डॉ. रणजित मानकेश्वर, राज्याच्या कोवीड लॅबरॉटरीचे नियंत्रक डॉ. सचिन मुलकुटकर आदींसह ३३ कोविड वॉरियर्सना प्रमाणपत्र देऊन त्यांचा सत्कार करण्यात आला.

• आडवाणी-मुरली मनोहर यांच्यावरील आरोप सिद्ध झाले नाही, 

बाबरीची वादग्रस्त रचना उद्ध्वस्त करण्याबाबत लखनऊच्या विशेष कोर्टाने बुधवारी मोठा निर्णय दिला. लालकृष्ण अडवाणी, मुरली मनोहर जोशी, उमा भारती यांच्यासह 32 आरोपींना न्यायाधीश एस.के. यादव यांना निर्दोष मुक्त केले. एकूण 48 लोकांवर आरोप लावण्यात आले होते, यामधील 16 जणांचा मृत्यू झाला आहे. न्यायाधीशांनी निर्णय सांगताना म्हटले की, घटना अचानक झाली होती, याची कोणतीही योजना तयार करण्यात आलेली नव्हती. फोटोंवरुन कोणालाही गुन्हेगार ठरवता येऊ शकत नाही.

स्पेशल कोर्टाच्या जजने निर्णयावर केल्या या टिप्पणी

• रचना पाडण्याची घटना अचानक झाली होती. 6 डिसेंबर 1992 ला दुपारी 12 वाजता रचनेच्या मागून दगडफेक सुरू झाली.
• अशोष सिंगल ढांचा सुरक्षित ठेवू इच्छित होते कारण येते मूर्ती होत्या.
• कारसेवकांनी दोन्ही हात व्यस्त ठेवण्यासाठी जल आणि फूल आणण्यास सांगितले होते.
• वृत्तपत्रांमध्ये लिहिलेल्या गोष्टींना पुरावा मानू शकत नाही.
• फोटोंच्या आधारावर कोणालाही दोषी ठरवता येऊ शकत नाही.

हे होते 32 आरोपी
लालकृष्ण आडवाणी, मुरली मनोहर जोशी, कल्याण सिंह, उमा भारती, विनय कटियार, साध्वी ऋतंभरा, महंत नृत्य गोपाल दास, डॉ. राम विलास वेदांती, चंपत राय, महंत धर्मदास, सतीश प्रधान, पवन कुमार पांडेय, लल्लू सिंह, प्रकाश शर्मा, विजय बहादुर सिंह, संतोष दुबे, गांधी यादव, रामजी गुप्ता, ब्रज भूषण शरण सिंह, कमलेश त्रिपाठी, रामचंद्र खत्री, जय भगवान गोयल, ओम प्रकाश पांडेय, अमरनाथ गोयल, जयभान सिंह पवैया, साक्षी महाराज, विनय कुमार राय, नवीन भाई शुक्ला, आरएन श्रीवास्तव, आचार्य धर्मेंद्र देव, सुधीर कुमार कक्कड़ आणि धर्मेंद्र सिंह गुर्जर

6 नेता व्हिडिओ कॉन्फ्रेंसिंगच्या माध्यमातून हजर
कोर्टात सहा आरोपी उपस्थित नाहीत. लालकृष्ण आडवाणी व्हिडिओ कॉन्फ्रेंसिंगच्या माध्यमातून कोर्टाशी संपर्क केला. तर मुरली मनोहर जोशी, उमा भारती, शिवसेनेचे माजी खासदार सतीश प्रधान, महंत नृत्यू गोपाल दास, माजी मुख्यमंत्री कल्याण सिंहही कोर्टात पोहोचले नाहीत. या व्यतिरिक्त इतर सर्व आरोपी उपस्थित आहेत. 12 ते 2 च्या दरम्यान निर्णय देण्यात येईल. विशेष जज एसके यादव यांच्या कार्यकाळात हा निर्णय येत आहे. विशेष जज एसके यादव यांच्या कार्यकाळाचा आज अखेरचा दिवस असले. 30 सप्टेंबर 2019 ला ते रिटायर होणार होते, मात्र सुप्रीम कोर्टाने त्यांना 30 सप्टेंबर 2020 पर्यंत सेवा विस्तार दिला.

न्यायालयात बचावाची बाजू

• पुराव्याच्या स्वरुपात केवळ फोटो आणि व्हिडिओ होते. फोटो निगेटिव्ह नव्हते. जे व्हिडिओ होते त्यामध्ये अधुनमधून न्यूजही होत्या. ते जास्त विश्वासार्ह नव्हते.
• जे कारसेवक घटनास्थळी होते, त्यांचा हेतू रचना पाडण्याचा नव्हता. तेथे रामललाची मूर्तीही होती. कारसेवकांनी ती रचना पाडली असती तर मूर्तीलाही नुकसान पोहोचले असते.

एकूण आरोपींची नावे

लालकृष्ण अडवाणी, मुरली मनोहर जोशी, सुधीर कक्कर, सतीश प्रधान, राम चंद्र खत्री, संतोष दुबे आणि ओम प्रकाश पांडे, कल्याण सिंह, उमा भारती, रामविलास वेदांती, विनय कटियार, प्रकाश शरण, गांधी यादव, जय भानसिंग, लल्लू सिंह, कमलेश त्रिपाठी, बृजभूषण सिंह, रामजी गुप्ता, महंत नृत्य गोपाल दास, चंपत राय, साक्षी महाराज, विनय कुमार राय, नवीन भाई शुक्ला, धर्मदास, जय भगवान गोयल, अमरनाथ गोयल, साध्वी ऋतंभरा, पवन पांडे, विजय बहादुर सिंह, आरएम श्रीवास्तव आणि धर्मेंद्रसिंग गुजर

6 डिसेंबर 1992 ला 10 मिनिटांच्या अंतरावर दाखल झाल्या दोन एफआयआर

• पहिले एफआयआर प्रकरण संख्या 197/92 हे प्रियवदन नाथ शुक्ल यांनी बाबरी मशीद पाडण्याच्या प्रकरणात सर्व अज्ञात लोकांविरूद्ध कलम 395, 397, 332, 337, 338, 295, 297 आणि 153ए मध्ये गुन्हा दाखल केला.
• दूसरे एफआयआर प्रकरण संख्या 197/92 हे चौकी इंचार्ज गंगा प्रसाद तिवारीकडून आठ नामांकित लोकांविरुद्ध दाखल करण्यात आले. ज्यामध्ये भाजपचे लालकृष्ण आडवाणी, उमा भारती, डॉ. मुरली मनोहर जोशी, तत्कालीन खासदार आणि बजरंग दल प्रमुख विनय कटियार, तत्कालीन व्हीएचपी महासचिव अशोक सिंघल, साध्वी ऋतंभरा, विष्णु हरि डालमिया आणि गिरिराज किशोर यांचा समावेश होता. यांच्याविरोधात कलम 153ए, 153बी, 505 मध्ये गुन्हा दाखल करण्यात आला.
• नंतर जानेवारी 1993 मध्ये 47 इतर गुन्हे दाखल करण्यात आले. ज्यामध्ये पत्रकारांना मारहाण आणि लूट अशा प्रकारचे आरोप होते.

1993 मध्ये हायकोर्टाच्या आदेशावर लखनऊमध्ये तयार झाले विशेष कोर्ट

1993 मध्ये अलाहाबाद हायकोर्टाच्या आदेशानुसार लखनौमध्ये विशेष न्यायालय स्थापन करण्यात आले होते, ज्यामध्ये प्रकरण क्रमांक197/92 ची सुनावणी होणार होती . या प्रकरणात, उच्च न्यायालयाच्या सल्ल्यानुसार कलम 120 बी जोडली गेली, तर मूळ एफआयआरमध्ये ही कलम जोडण्यात आलेली नव्हती. ऑक्टोबर 1993 मध्ये सीबीआयने आपल्या आरोपपत्रात 198/92 प्रकरणालाही जोडून संयुक्त आरोपपत्रही दाखल केले. कारण दोन प्रकरणे एकमेकांशी संबंधीत होती.

याच आरोपपत्रात बाळासाहेब ठाकरे, नृत्य गोपाल दास, कल्याणसिंग, चंपत राय अशी 48 नावे तपासात जोडली गेली. या प्रकरणाशी संबंधित वकील मजहरुद्दीन म्हणतात की सीबीआयच्या सर्व आरोपपत्रांचा समावेश केला असता तर दोन ते अडीच हजार पृष्ठांची चार्जशीट होईल.

मुंबई-

महाड इमारत दुर्घटनेतील कुटुंबांचे तातडीने पुनर्वसन करण्यात यावे अशी मागणी करणार पत्र मदत व पुनर्वसन मंत्री विजय वडेट्टीवार यांना विधान परिषदेचे विरोधी पक्षनेते प्रवीण दरेकर यांनी दिलं आहे.. तसेच महाड ग्रामीण रुग्णालयाची जुनी इमारत कोविडसाठी वापरण्याकरिता दुरुस्ती प्रस्तावास तातडीने निधी उपलब्ध करून देण्याची मागणीही दरेकर यांनी केली आहे…

महाड येथील तारीख गार्डन नावाची पाच मजली इमारत 24 ऑगस्ट रोजी कोसळली या दुर्घटनेत अनेकांनी आपले प्राण गमावले.. तर या इमारतीत राहणारी सत्तेचाळीस कुटुंब बेघर झाली आहेत.. शासनाने या दुर्घटनेतील बेघर कुटुंबियांचं तातडीने पुनर्वसन करण्यात यावं अशी मागणी प्रवीण दरेकर यांनी मदत कार्य व पुनर्वसन मंत्री विजय वडेट्टीवार यांच्याकडे केली आहे..

या घटनेची चौकशी करण्याची घोषणा राज्य सरकारने केली आहे मात्र या चौकशी सोबतच या बेघर कुटुंबियांचा विषय तितकाच महत्त्वाचा आहे कारण स्वतः नवीन घर बांधण्याची आर्थिक क्षमता या लोकांकडे नाही त्यामुळे शासनाने त्यांचं पुनर्वसन करावं असं दरेकर यांनी स्पष्ट केले आहे..

या मागणी सोबतच दरेकर यांनी विजय वडेट्टीवार यांच्याकडे आणखीन एक महत्त्वाची मागणी केली आहे..महाड ग्रामीण रुग्णालयाची इमारत कोविड सेंटर म्हणून वापरण्यासाठी तिची दुरुस्ती करणे आवश्यक आहे.. या दुरुस्तीसाठी राज्य सरकारच्या मदत व पुनर्वसन विभागाने तातडीने निधी उपलब्ध करून द्यावा ही मागणी करणार पत्र दरेकर यांनी विजय वडेट्टीवार यांना दिलं आहे..

मुंबई-मालाड एस.वी रोडवरील रास्ता रुंदीकरणाच्या कामातून उद्भवलेल्या वादात आर्थिक गुन्हे शाखेने ( EOW) येथील व्यवसायिकांवर कारवाई केली आहे. आर्थिक गुन्हे शाखेने दोन व्यवसायीकांना अटक केली आहे. आर्थिक गुन्हे शाखेने केलेली ही कारवाई चुकीची असून तात्काळ त्या व्यवसायीकांना मुक्त करावे तसेच इतर व्यापाऱ्यांवर दाखल केलेले गुन्हे मागे घेण्यात यावेत यासाठी आज खासदार गोपाळ शेट्टी व विधान परिषदेचे विरोधी पक्षनेते दरेकर यांच्या नेतृत्वाखाली भारतीय जनता पक्षाने धरणे आंदोलन केलं..

विकासकाने आर्थिक गुन्हे शाखेची दिशाभूल केली आहे.. हा वाद विकासक व स्थानिक व्यवसायीकांचा असताना अश्याप्रकाची कारवाई करणं चुकीचं आहे. दोन व्यसायीकांना याठिकाणी अटक करण्यात आली आहे.. १४ दुकानदारांच्या विरोधात गुन्हे नोंदवण्यात आले आहेत.. अशी कारवाई करणं ही दडपशाही असून अश्या कारवाईचा भारतीय जनता पार्टी तीव्र निषेध करते अश्या शब्दात दरेकर यांनी विकासकाला व आर्थिक गुन्हे शाखेच्या अधिकाऱ्यांना ठणकावले आहे… या धरणे आंदोलनाच्या माध्यमातून दरेकर यांनी व्यवसायीकांवर दाखल खटले तात्काळ मागे घेण्यात यावे तसेच अटक करण्यात आलेल्या व्यापाऱ्यांना तात्काळ मुक्त करण्यात यावे अशी मागणी केली आहे..

या कारवाई विरोधात भारतीय जनता पार्टी व्यापाऱ्यांच्या पाठीशी उभी आहे.. विकासकाविरोधात सुडाची भावना नाही पण स्थानिक व्यापाऱ्यांविरोधात अश्या प्रकारची कारवाई चुकीची आहे.. मागण्या मान्य होई पर्यंत हे आंदोलन असेच चालू राहील..असेही त्यांनी यावेळी स्पष्ट केले…

मुंबई, दि. २९ : राज्यात आज सलग दुसऱ्यांदा नवीन निदान झालेल्या रुग्णांची संख्या कमी नोंदविली गेली आहे. दिवसभरात १४ हजार ९७६ रुग्णांची नोंद झाली असून १९ हजार २१२ रुग्णांना घरी सोडण्यात आले. राज्याच्या रुग्ण बरे होण्याच्या प्रमाणात वाढ होत असून आज ७८.२६ टक्के नोंद झाली आहे. आतापर्यंत १० लाख ६९ हजार १५९ रुग्ण बरे झाले आहेत. सध्या २ लाख ६० हजार ३६३ रुग्णांवर उपचार सुरू आहेत,असे आरोग्यमंत्री राजेश टोपे यांनी  सांगितले.

आजपर्यंत पाठविण्यात आलेल्या ६६ लाख ९८ हजार २४ नमुन्यांपैकी १३ लाख ६६ हजार १२९ नमुने पॉझिटिव्ह (२०.४० टक्के) आले आहेत. राज्यात  २१ लाख  ३५ हजार ४९६ लोक होम क्वारंटाईनमध्ये आहेत. सध्या २९ हजार ९४७ लोक संस्थात्मक क्वारंटाईनमध्ये आहेत. राज्यात आज ४३० कोरोनाबाधित रुग्णांच्या मृत्यूंची नोंद झाली असून सध्या राज्यातील मृत्यूदर २.६५ टक्के एवढा आहे.

आज निदान झालेले १४,९७६ नवीन रुग्ण आणि नोंद झालेले ४३० मृत्यू यांचा तपशील असा (कंसात आज नोंद झालेले मृत्यू) : मुंबई मनपा-१७१३ (४९), ठाणे- १८३ (२१), ठाणे मनपा-३२० (६), नवी  मुंबई मनपा-३२७ (९), कल्याण डोंबिवली मनपा-१८२ (१), उल्हासनगर मनपा-५० (२), भिवंडी निजामपूर मनपा-३३ (३), मीरा भाईंदर मनपा-१५० (४), पालघर-१९१ (११), वसई-विरार मनपा-८४ (१), रायगड-२२४ (३९), पनवेल मनपा-१९१ (३), नाशिक-३१३ (८), नाशिक मनपा-९६१ (६), मालेगाव मनपा-२७, अहमदनगर-५३८ (८), अहमदनगर मनपा-१२३ (३), धुळे-३७, धुळे मनपा-१०, जळगाव-४९३ (९), जळगाव मनपा-६१, नंदूरबार-५३ (१), पुणे- ७२६(१७), पुणे मनपा-१००५ (२५), पिंपरी चिंचवड मनपा-६२८ (२), सोलापूर-४०० (६), सोलापूर मनपा-६५, सातारा-५९९ (४), कोल्हापूर-२८२ (९), कोल्हापूर मनपा-३६, सांगली-४४२ (१७), सांगली  मिरज कुपवाड मनपा-१०७ (८), सिंधुदूर्ग-८१ (९), रत्नागिरी-५५ (६), औरंगाबाद-१२७ (२),औरंगाबाद मनपा-२२१, जालना-७३, हिंगोली-६४, परभणी-६३, परभणी मनपा-१५, लातूर-१०६ (८), लातूर मनपा-११७ (४), उस्मानाबाद-२३४ (११), बीड-१५६ (८), नांदेड-८६ (४), नांदेड मनपा-१०७ (१), अकोला-३९ (२), अकोला मनपा-४९ (२), अमरावती-१३० (३), अमरावती मनपा-१६८ (४), यवतमाळ-१९२ (२३), बुलढाणा-२१६ (१), वाशिम-८२ (१), नागपूर-२७३ (८), नागपूर मनपा-७७२ (४१), वर्धा-५९ (९), भंडारा-१९६ (४), गोंदिया-२४२, चंद्रपूर-१५६ (१), चंद्रपूर मनपा-१७२ (२), गडचिरोली-१५३, इतर राज्य- १८ (४).

राज्यातील जिल्हानिहाय ॲक्टिव्ह रुग्णांचा तपशील                          

मुंबई: बाधीत रुग्ण- (२,०२,६१२) बरे झालेले रुग्ण- (१,६७,२०२), मृत्यू- (८८८३), इतर कारणांमुळे झालेले मृत्यू-(४०५), ॲक्टिव्ह रुग्ण- (२६,१२४)

ठाणे: बाधीत रुग्ण- (१,८५,२९७), बरे झालेले रुग्ण- (१,५१,३८५), मृत्यू (४८२३), इतर कारणांमुळे झालेले मृत्यू-(१), ॲक्टिव्ह रुग्ण- (२९,०८८)

पालघर: बाधित रुग्ण- (३६,६५६), बरे झालेले रुग्ण- (२९,०६८), मृत्यू- (८२९), इतर कारणांमुळे झालेले मृत्यू-(०), ॲक्टिव्ह रुग्ण- (६७५९)

रायगड: बाधित रुग्ण- (५०,७९३), बरे झालेले रुग्ण-(४२,३४३), मृत्यू- (११४६), इतर कारणांमुळे झालेले मृत्यू-(२), ॲक्टिव्ह रुग्ण- (७३०१)

रत्नागिरी: बाधित रुग्ण- (८३१९), बरे झालेले रुग्ण- (५९३३), मृत्यू- (२६५), इतर कारणांमुळे झालेले मृत्यू-(०), ॲक्टिव्ह रुग्ण- (२१२१)

सिंधुदुर्ग: बाधित रुग्ण- (३८४८), बरे झालेले रुग्ण- (२४२६), मृत्यू- (८२), इतर कारणांमुळे झालेले मृत्यू-(०), ॲक्टिव्ह रुग्ण- (१३४०)

पुणे: बाधित रुग्ण- (२,८९,८०३), बरे झालेले रुग्ण- (२,२७,२५०), मृत्यू- (५७३३), इतर कारणांमुळे झालेले मृत्यू-(१), ॲक्टिव्ह रुग्ण- (५६,१८९)

सातारा: बाधित रुग्ण- (३६,२१५), बरे झालेले रुग्ण- (२७,०७१), मृत्यू- (९०८), इतर कारणांमुळे झालेले मृत्यू-(२), ॲक्टिव्ह रुग्ण- (८२३४)

सांगली: बाधित रुग्ण- (३७,६१५), बरे झालेले रुग्ण- (२७,६६३), मृत्यू- (११५३), इतर कारणांमुळे झालेले मृत्यू-(०), ॲक्टिव्ह रुग्ण- (८७९९)

कोल्हापूर: बाधित रुग्ण- (४२,९३२), बरे झालेले रुग्ण- (३३,६००), मृत्यू- (१३२०), इतर कारणांमुळे झालेले मृत्यू-(०), ॲक्टिव्ह रुग्ण- (८०१२)

सोलापूर: बाधित रुग्ण- (३५,७८०), बरे झालेले रुग्ण- (२७,२७३), मृत्यू- (११३८), इतर कारणांमुळे झालेले मृत्यू-(१), ॲक्टिव्ह रुग्ण- (७३६८)

नाशिक: बाधित रुग्ण- (७४,७३३), बरे झालेले रुग्ण- (५७,९९०), मृत्यू- (१२७८), इतर कारणांमुळे झालेले मृत्यू-(०), ॲक्टिव्ह रुग्ण- (१५,४६५)

अहमदनगर: बाधित रुग्ण- (४१,४१९), बरे झालेले रुग्ण- (३३,१४१), मृत्यू- (६७२), इतर कारणांमुळे झालेले मृत्यू-(०), ॲक्टिव्ह रुग्ण-(७६०६)

जळगाव: बाधित रुग्ण- (४७,३०२), बरे झालेले रुग्ण- (३९,२९०), मृत्यू- (१२४४), इतर कारणांमुळे झालेले मृत्यू-(०), ॲक्टिव्ह रुग्ण- (६७६८)

नंदूरबार: बाधित रुग्ण- (५२८८), बरे झालेले रुग्ण- (४३३६), मृत्यू- (११९), इतर कारणांमुळे झालेले मृत्यू-(०), ॲक्टिव्ह रुग्ण- (८३३)

धुळे: बाधित रुग्ण- (१२,३१३), बरे झालेले रुग्ण- (११,२१३), मृत्यू- (३२९), इतर कारणांमुळे झालेले मृत्यू-(२), ॲक्टिव्ह रुग्ण- (७६९)

औरंगाबाद: बाधित रुग्ण- (३५,७२३), बरे झालेले रुग्ण- (२५,१४३), मृत्यू- (८८१), इतर कारणांमुळे झालेले मृत्यू-(०), ॲक्टिव्ह रुग्ण- (९६९९)

जालना: बाधित रुग्ण-(७६३५), बरे झालेले रुग्ण- (५३०१), मृत्यू- (१८६), इतर कारणांमुळे झालेले मृत्यू-(०), ॲक्टिव्ह रुग्ण- (२१४८)

बीड: बाधित रुग्ण- (१०,१७६), बरे झालेले रुग्ण- (६८७४), मृत्यू- (२७३), इतर कारणांमुळे झालेले मृत्यू-(०),ॲक्टिव्ह रुग्ण- (३०२९)

लातूर: बाधित रुग्ण- (१७,१७३), बरे झालेले रुग्ण- (१२,८१५), मृत्यू- (४७८), इतर कारणांमुळे झालेले मृत्यू-(०), ॲक्टिव्ह रुग्ण- (३८८०)

परभणी: बाधित रुग्ण- (५३५१), बरे झालेले रुग्ण- (३९४१), मृत्यू- (१८७), इतर कारणांमुळे झालेले मृत्यू-(०), ॲक्टिव्ह रुग्ण- (१२२३)

हिंगोली: बाधित रुग्ण- (३०२१), बरे झालेले रुग्ण- (२३६५), मृत्यू- (५७), इतर कारणांमुळे झालेले मृत्यू-(०), ॲक्टिव्ह रुग्ण- (५९९)

नांदेड: बाधित रुग्ण- (१५,७३३), बरे झालेले रुग्ण (८६८७), मृत्यू- (३९२), इतर कारणांमुळे झालेले मृत्यू-(०), ॲक्टिव्ह रुग्ण- (६६५४)

उस्मानाबाद: बाधित रुग्ण- (१२,२६०), बरे झालेले रुग्ण- (८८२४), मृत्यू- (), इतर कारणांमुळे झालेले मृत्यू-(०), ॲक्टिव्ह रुग्ण- (३०८५)

अमरावती: बाधित रुग्ण- (१३,३६६), बरे झालेले रुग्ण- (१०,५५६), मृत्यू- (२७२), इतर कारणांमुळे झालेले मृत्यू-(०), ॲक्टिव्ह रुग्ण- (२५३८)

अकोला: बाधित रुग्ण- (७१५५), बरे झालेले रुग्ण- (४६६०), मृत्यू- (२२२), इतर कारणांमुळे झालेले मृत्यू-(१), ॲक्टिव्ह रुग्ण- (२२७२)

वाशिम: बाधित रुग्ण- (४१५०), बरे झालेले रुग्ण- (३३५४), मृत्यू- (८३), इतर कारणांमुळे झालेले मृत्यू-(१), ॲक्टिव्ह रुग्ण- (७१२)

बुलढाणा: बाधित रुग्ण- (७६१४), बरे झालेले रुग्ण- (५१९६), मृत्यू- (११३), इतर कारणांमुळे झालेले मृत्यू-(०), ॲक्टिव्ह रुग्ण- (२३०५)

यवतमाळ: बाधित रुग्ण- (८६३७), बरे झालेले रुग्ण- (६१२३), मृत्यू- (२१६), इतर कारणांमुळे झालेले मृत्यू-(०), ॲक्टिव्ह रुग्ण- (२२९८)

नागपूर: बाधित रुग्ण- (७६,६४८), बरे झालेले रुग्ण- (६०,४०३), मृत्यू- (२०१२), इतर कारणांमुळे झालेले मृत्यू-(९), ॲक्टिव्ह रुग्ण- (१४,२२४)

वर्धा: बाधित रुग्ण- (४१४९), बरे झालेले रुग्ण- (२६०४), मृत्यू- (६९), इतर कारणांमुळे झालेले मृत्यू-(१), ॲक्टिव्ह रुग्ण- (१४७५)

भंडारा: बाधित रुग्ण- (५५६८), बरे झालेले रुग्ण- (३७५८), मृत्यू- (९९), इतर कारणांमुळे झालेले मृत्यू-(०), ॲक्टिव्ह रुग्ण- (१७११)

गोंदिया: बाधित रुग्ण- (७००४), बरे झालेले रुग्ण- (४३०५), मृत्यू- (७०), इतर कारणांमुळे झालेले मृत्यू-(०), ॲक्टिव्ह रुग्ण- (२६२९)

चंद्रपूर:  बाधित रुग्ण- (१०,०२७), बरे झालेले रुग्ण- (५०७३), मृत्यू- (१४३), इतर कारणांमुळे झालेले मृत्यू-(०), ॲक्टिव्ह रुग्ण- (४८११)

गडचिरोली: बाधित रुग्ण- (२२४८), बरे झालेले रुग्ण- (१५६५), मृत्यू- (१६), इतर कारणांमुळे झालेले मृत्यू-(०), ॲक्टिव्ह रुग्ण- (६६७)

इतर राज्ये: बाधित रुग्ण- (१५६४), बरे झालेले रुग्ण- (४२८), मृत्यू- (१३८), इतर कारणांमुळे झालेले मृत्यू-(०), ॲक्टिव्ह रुग्ण- (९९८)

एकूण: बाधित रुग्ण-(१३,६६,१२९) बरे झालेले रुग्ण-(१०,६९,१५९),मृत्यू- (३६,१८१), इतर कारणांमुळे झालेले मृत्यू-(४२६),ॲक्टिव्ह रुग्ण-(२,६०,३६३)

(टीप: आज नोंद झालेल्या एकूण ४३० मृत्यूंपैकी २३२ मृत्यू हे मागील ४८ तासातील तर १०८ मृत्यू हे मागील आठवड्यातील आहेत. उर्वरित ९० मृत्यू हे एक आठवड्यापेक्षा अधिक कालावधीपूर्वीचे आहेत. हे ९० मृत्यू  ठाणे -१५, पुणे -१३, यवतमाळ -१२, रायगड -१२, नागपूर -९, कोल्हापूर -६, वर्धा -४, पालघर -३, भंडारा -२, चंद्रपूर -२, जळगाव -२, अहमदनगर -१, अमरावती -१, औरंगाबाद -१, नांदेड -१, नंदूरबार -१, नाशिक -१, सांगली -१, सातारा -१  आणि मध्यप्रदेश -२ असे आहेत.  पोर्टलनुसार आकडेवारी अद्ययावत करण्याच्या प्रक्रियेमध्ये या सर्व मृत्यूंची नोंद आज घेण्यात आली आहे. ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोरोनाबाधित रुग्णांच्या आकडेवारी नुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)