पुणे विभागातील 5 लाख 8 हजार 165 कोरोना बाधित रुग्ण बरे होऊन घरी
विभागात कोरोना बाधित 5 लाख 38 हजार 267 रुग्ण
-विभागीय आयुक्त सौरभ राव
पुणे,दि.3 :- पुणे विभागातील 5 लाख 8 हजार 165 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 5 लाख 38 हजार 267 झाली आहे. तर ॲक्टीव रुग्ण संख्या 15 हजार 45 इतकी आहे. कोरोनाबाधीत एकुण 15 हजार 57 रुग्णांचा मृत्यू झाला असून मृत्यूचे प्रमाण 2.80 टक्के आहे. पुणे विभागामध्ये बऱ्या होणा-या रुग्णांचे प्रमाण 94.41 टक्के आहे, अशी माहिती विभागीय आयुक्त सौरभ राव यांनी दिली.कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये 1 हजार 327 ने वाढ झाली आहे.
पुणे जिल्हा
पुणे जिल्हयातील कोरोना बाधीत एकूण 3 लाख 44 हजार 740 रुग्णांपैकी 3 लाख 24 हजार 958 रुग्ण बरे होवून घरी गेले आहेत. ॲक्टीव रुग्ण 11 हजार 443 आहे. कोरोनाबाधित एकूण 8 हजार 339 रुग्णांचा मृत्यू झाला आहे. मृत्यूचे प्रमाण 2.42 टक्के इतके आहे तर बरे होणा-या रुग्णांचे प्रमाण 94.26 टक्के आहे.
सातारा जिल्हा
सातारा जिल्हयातील कोरोना बाधीत एकूण 51 हजार 369 रुग्णांपैकी 48 हजार 870 रुग्ण बरे होवून घरी गेले आहेत. ॲक्टीव रुग्ण संख्या 775 आहे. कोरोनाबाधित एकूण 1 हजार 724 रुग्णांचा मृत्यू झाला आहे.
सोलापूर जिल्हा
सोलापूर जिल्हयातील कोरोना बाधीत एकूण 46 हजार 182 रुग्णांपैकी 42 हजार 522 रुग्ण बरे होवून घरी गेले आहेत. ॲक्टीव रुग्ण संख्या 2 हजार 52 आहे. कोरोनाबाधित एकूण 1 हजार 608 रुग्णांचा मृत्यू झाला आहे.
सांगली जिल्हा
सांगली जिल्हयातील कोरोना बाधीत एकूण 46 हजार 878 रुग्णांपैकी 44 हजार 758 रुग्ण बरे होवून घरी गेले आहेत. ॲक्टीव रुग्ण संख्या 420 आहे. कोरोनाबाधित एकूण 1 हजार 700 रुग्णांचा मृत्यू झाला आहे.
कोल्हापूर जिल्हा
कोल्हापूर जिल्हयातील कोरोना बाधीत एकूण 49 हजार 98 रुग्णांपैकी 47 हजार 57 रुग्ण बरे होवून घरी गेले आहेत. ॲक्टीव रुग्ण संख्या 355 आहे. कोरोनाबाधित एकूण 1 हजार 686 रुग्णांचा मृत्यू झाला आहे.
कालच्या रुग्णसंख्येच्या तुलनेत आज झालेली वाढ
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये 1 हजार 327 ने वाढ झाली आहे. यामध्ये पुणे जिल्ह्यात 913, सातारा जिल्ह्यात 144, सोलापूर जिल्ह्यात 198, सांगली जिल्ह्यात 56 तर कोल्हापूर जिल्ह्यात 16 अशी रुग्ण संख्येमध्ये वाढ झालेली आहे.
कालच्या रुग्णसंख्येमध्ये बऱ्या होणा-या रुग्णांचे प्रमाण –
पुणे विभागामध्ये बऱ्या होणाऱ्या एकूण 1 हजार 484 रुग्णांमध्ये पुणे जिल्हयात 970, सातारा जिल्हयामध्ये 177, सोलापूर जिल्हयामध्ये 226, सांगली जिल्हयामध्ये 74 व कोल्हापूर जिल्हयामध्ये 37 रुग्णांचा समावेश आहे.
पुणे विभागातील सर्व्हेक्षण
आजपर्यत विभागामध्ये एकुण 28 लाख 99 हजार 195 नमून्यांचा तपासणी अहवाल प्राप्त झाला. प्राप्त अहवालांपैकी 5 लाख 38 हजार 267 नमून्यांचा अहवाल सकारात्मक (पॉझिटिव्ह) आहे.
( टिप :- दि. 2 डिसेंबर 2020 रोजी रात्री 9.00 वा. पर्यंतच्या आकडेवारीनुसार )

पुणे: “सरपंचांनी राजकारण न करता गावाचा विकास व कल्याणासाठी आर्थिक नियोजन करावे. नव नवीन कल्पनांना साकारतांना जनतेचा सहभाग घ्यावा. गावात पाणी, शिक्षण ,य आरोगय व आवश्यक गरजांच्या पुर्तेतेसाठी काम केल्यास निश्चितच ग्रामोन्नती  होईल.” असा सल्ला पाटोडा या आदर्श गावाचे सरपंच भास्करराव पेरे-पाटील यांनी दिला.
‘एमआयटी वर्ल्ड पीस युनिव्हर्सिटीच्या एमआयटी स्कूल ऑफ गव्हर्नमेंटेतर्फे 2 ते 4 डिसेंबर या दरम्यान आयोजित तीन दिवशीय दुसर्‍या ऑनलाईन ‘राष्ट्रीय सरपंच संसदे’ च्या दुसर्‍या दिवशी आयोजित कार्यक्रमात प्रमुख पाहुणे म्हणून ते बोलत होते.
या वेळी उत्तरप्रदेशचे कृषी मंत्री सूर्य प्रताप साही, राज्यसभेचे खासदार छत्रपती संभाजी राजे, माजी विभागीय आयुक्त चंद्रकांत दळवी, महाराष्ट्र राज्यातील मॉडेल व्हिलेज प्रोग्रामचे कार्यकारी संचालक पद्मश्री पोपटराव पवार, खादी आणि व्हिजेज इंडस्ट्री कमिशनचे अध्यक्ष विनय कुमार सक्सेना, सरपंच संसदेचे राज्य समन्वयक संजय गजपुरे, जालना येथील कृषी विभागाचे उपसंचालक विजय माईनकर, संदीप शिंदे आणि वेदांत लि.च्या मुख्य कार्यकारी अधिकारी रितू झिंगोण हे विशेष अतिथी म्हणून उपस्थित होते.
या प्रसंगी एमआयटी स्कूल ऑफ गव्हर्नमेंटचे वरिष्ठ संचालक रविंद्रनाथ पाटील आणि सहयोगी संचालिका डॉ. शैलश्री हरिदास हे उपस्थित होते.
भास्कर पेरे पाटील म्हणाले,“सरकारकडे पैसे मागण्यापेक्षा गावातच नवी योजना राबवून आर्थिक मजबूती देण्याचे काम सरपंचांनी करावे. शासनाच्या योजना व घटनेच्या तरतुदी बरोबरच आहेत परंतू अधिकारी त्याचा योग्य वापर करत नाही ही देशासाठी मोठी चिंतेची बाब आहे. ग्राम विकासाला आधुनिकतेची जोड आवश्यक द्यावे. आमच्या गावात आपत्कालीन निधी म्हणून दर महिन्याला 200 रूपये जमा केले. त्याचा वापर हा कोविडच्या काळात झाला. अश्याच प्रकारच्या अनेक योजना सरपंचांना आपल्या क्षेत्रात राबविता येतील. ग्रामविकास करतांना सरपंचानी बुद्धि आणि मेहनतीचा वापर करावा.”
सूर्य प्रताप साही म्हणाले,“कोविडच्या काळात या देशातील प्रत्येक व्यक्तीची ही शारीरिक व मानसिक हानी झालेली आहे. शहरातील व्यक्ती हे परत गावाकडे आले खरे पण रोजगाराचा मोठा प्रश्न निर्माण झाला. यावेळी सरपंचांनी त्यांना धीर देणे गरजचे आहे. सरपंचानी या संधीचा फायदा घेऊन गावातच रोजगार कसा उपलब्ध होऊ शकतो या वर भर दयावा. सरकारने ग्राम पंचायतासाठी ज्या योजना तयार केल्या आहेत त्याचा लाभ विकासासाठी कसा होईल हे पहावे. केंद्राने कोविड काळातील गंभीर स्थिती लक्षात घेता मनरेगा आणि फूड प्रोसेसिंगसाठी विशेष निधी उपलब्ध केला आहे. देशातील प्रत्येक राज्यात कौशल्य विकास करण्यावर भर दिला जात आहे.”
छत्रपती संभाजी राजे म्हणाले,“ आपले गाव नाविन्यपूर्ण करण्यावर सरपंचांनी भर दयावा. सरपंचांना सशक्त करने ही काळाची गरज आहे. त्यांनी लक्ष निर्धारित करून नियोजन करावे. शासनाकडून अधिक सीएसआर कसा मिळेल यासाठी प्रयत्न करावा. आज शेकडो किल्ल्यांचे संवर्धन कार्य सुरू आहे. रायगड किल्ल्यासाठी जवळील 21 गावांचे संरक्षण महत्वाचे आहे. त्यासाठी जनतेला एकत्र आणण्याची जबाबदारी ही सरपंचाची आहे. या व्यासपीठाच्या माध्यमातून सरपंचांनी आपली ताकद दाखवायची आहे.”
पोपटराव पवार म्हणाले,“ आत्मनिर्भर गावांसाठी संस्कारीत नेतृत्वाची गरज आहे. तंत्रज्ञानाचा वापर करून गाव विकास करणे व पाणी नियोजन केल्याने दुष्काळी भाग नष्ट करता येतो. स्वयंपूर्ण आत्मनिर्भर गांव करतांना मार्केटिंग आवश्यक आहे. संघर्षाशिवाय नवनिर्मिती करता येत नाही. त्यासाठी सरपंचाने संयम आणि आरोग्य निट ठेवू ग्राम विकासाचा ध्यास घ्यावा. भविष्यात प्रत्येक गांव ऑक्सिजन युक्त व व्यसन मुक्त करण्यासाठी कार्य करावे. नियोजन, अंमलबजावणी आणि त्यात गुणवत्ता कशी येईल यावर भर द्यावा.”
चंद्रकांत दळवी म्हणाले,“ गावाची गरज आणि नियोजन हे ग्राम विकासाचे सूत्र ध्यानात ठेवावे. गावाचा विकास हाच त्यांचा श्वास असावा. त्यासाठी देशातील आदर्श लोकांकडे पाहून कार्य करावे. गावाचा अर्थिक विकास, मानव विकास व लोक सहभागाचा आराखडा तयार करावा. सरकारने भौतिक विकासासाठी ज्या योजना लागू केल्या आहेत, त्याची माहिती त्यांनी घ्यावी. आत्मनिर्भर गावासाठी कुटुंब व त्यांचे उत्पन्न वाढवावे. यासाठी शेती व दुग्ध व्यवसाय करावा.”
विनय कुमार सक्सेना म्हणाले, “ सरपंच हा आपल्या पंचायतराजचा मुख्यमंत्री असतो. गांवाचा विकास हा देशाचा विकास असल्याने पंतप्रधान नरेंद्र मोदी यांनी गांधीजीच्या विचारांना देशात लागू करण्याचे काम सुरू केले. खादी कमिशनच्या माध्यमातून गावातील सर्वात शेवटच्या कमकूवत व्यक्तिला आपल्या पायावर उभे केले आहे. या कमिशनच्या माध्यमातून 5 वर्षात देशात 29 लाख लोकांना रोजगार दिला आहे. हनी मिशनशी शेतकरी जोडल्या गेल्यास सृष्टीच्या विकासाबरोबरच त्यांचाही विकास होईल.”
विजय माइनकर म्हणाले, “आर्थिक आणि सामाजिक विकासातून ग्रामविकास होऊ शकतो. शेती बरोबरच कृषी पर्यटन व्यवसाय करावा. त्यातून महिला व युवकांना रोजगार निर्माण होईल.”
संदीप शिंदे म्हणाले,“ देशातील मोठ्या कंपन्या सीएसआरचा निधी ग्राम विकासासाठी करतात. प्रत्येकाचा उद्देश हा वेगवेगळा असतो.  ते आरोग्य, शिक्षण, कौशल्य विकास, महिला विकास यावर जोर देतात.”
संजय गजपुरे म्हणाले,“ या संसदेने राज्यात एक चळवळ उभी केली आहे. देशाला स्वातंत्र्य मिळाल्यानंतर गांधीजीे म्हणायचे की स्वराज्यकडून आता आपल्याला सुराज्यकडे जायचे आहे. त्यामुळे खेड्यांकडे चला. गांवे स्वयंपूर्ण व आत्मनिर्भर होण्यासाठी सरकार योजना राबवित आहेत.”
यानंतर सर्वश्री सरपंच पुरूषोत्तम घोगरे, गंगाधर निखाडे, अजय महाडिक, शिवाजी सुरसे, संतोष टिकेकर, निखील कडू, बाळासाहेब देशमुख, भारत अप्पा पाटील, विकास जाधव, नामदेवराव गुंजाळ, बाजीराव खैरनार आणि प्रकाश मुसळे यांनी आपले अनुभव सांगितले.
व्यंकटेश जोशी यांनी स्वागतपर भाषण केले.
प्रा. गिरीजा लगड यांनी सूत्रसंचालन केले. योगेश पाटील यांनी आभार मानले.

लोणावळा येथे भाजपात जाहिर प्रवेशाचा कार्यक्रम
लोणावळा, दि. ३ – भाजपात प्रत्येक कार्यकर्त्याला मान-सन्मान मिळतो. भाजपमध्ये कार्यकर्त्यांच्या कामाला मह्त्त्व देण्यात येते. भाजपमध्ये निस्वार्थी सेवाभावी कार्यकर्त्यांचा पक्ष आहे असे ठाम प्रतिपादन विधानपरिषदेचे विरोधी पक्ष नेते प्रविण दरेकर यांनी आज केले.
विरोधी पक्ष नेते दरेकर यांच्या प्रमुख उपस्थितीत आज लोणावळा येथे भाजप जाहीर पक्ष प्रवेशाचा कार्यक्रम पार पडला. शिवदुर्गेचे सुनील गायकवाड यांच्यासह त्यांच्या कार्यकर्त्यांनी व पदाधिका-यांनी भाजप प्रवेश केला. यावेळी माजी मंत्री व आमदार बाळा भेगडे, नगराध्यक्षा सुरेखाताई जाधव, उपनगराध्यक्ष श्रीधर पुजारी, तालुकाध्यक्ष रवी भेगडे, शहराध्यक्ष रामविलास खंडेलवाल, गट नेते देविदास कडू, नगरसेवक विशाल पादारे, रचना सिकरे, मंदाताई सोनावणे तसेच बिंद्रा गणात्रा आणि महिला अध्यक्ष योगिता कोकरे आदी मान्यवर उपस्थित होते.
धुळे-नंदुरबार च्या निकालामुळे जनतेने दाखवून दिले आहे की, तुम्ही नालायक आहात,राज्यकारभार करू शकत नाही. पाच वर्षे या राज्याला देवेंद्र फडणवीस यांनी विकासाची दिशा दाखवली. पण आघाडी सरकारच्या काळात फक्त आपआपल्या बगल बच्च्यांना पोसण्याचा कारभार सुरु आहे, असे सांगताना दरेकर म्हणाले की, आज राज्यात महत्त्वाचे अनेक प्रश्न आहेत पण या प्रश्नांचे तुम्हाला काही देणे घेणे नाही. आजच्या पहिल्या निकालातून महाराष्ट्रातील पदवीधर,शिक्षक आणि स्थानिक स्वराज्याच्या मतदार संघातून दाखवून दिले. गेल्या वर्षभरात महाविकास आघाडी सरकारने राज्यातील महत्त्वाचे प्रश्न भिजत ठेवले. देवेंद्रजी फडणवीस यांनी दिलेले मराठा आरक्षण या सरकारला कोर्टात टिकविता येत नाही. तसेच मराठा आरक्षणाचा विषय न्यायालयात प्रलंबित असल्यामुळे मराठा आरक्षणचा टक्का बाजूला काढून ठेऊन अन्य ओबीसी व इतर मागासवर्गीय समजाची भरती करावी म्हणजे त्यांच्यावरही अन्याय होणार नाही. त्यामुळे ओबीसी, मगासवर्गीय समाजाचे विद्यार्थीनांही दिलासा मिळेल. आपल्यावर अन्याय झालेला नाही अशी त्यांची भावना होईल. परंतु हे या सरकारला नको आहे. केवळ मराठा, मागासवर्गीय, ओबीसी समाजाला झुंजवत ठेवण्याचे काम हे सरकार करीत असल्याची टिकाही दरेकर यांनी यावेळी केली.
भाजपवर जनतेचा प्रचंड विश्वास असल्यामुळे महाराष्ट्रात भाजप आणि शिवसेना युतीला जनतेने कौल दिला. पण केवळ सत्तेसाठी लाचार होऊन अनैसर्गिकरित्या काँग्रेस राष्ट्रवादी बरोबर सरकार स्थापन झाले. आता एक वर्षाच्या कालावधीनंतर विधानपरिषदेच्या निवडणुका होत आहेत. पहिलाच निकाल भाजपाच्या निवडणूक होऊ घातल्या ज्यांचा निकाल आजपासून सुरु झाला आहे. विधानपरिषदेचा पहिला निकाल भाजपच्या बाजूने आला असताना आज लोणावळा येथे भाजप प्रवेश सोहळा होत आहे. या चांगल्या दिवशी भाजप मध्ये प्रवेश करून आपलं काम वाढवत भाजपचा झेंडा खांद्यावर घेतलाय हे एक योगायोग असल्याचेही दरेकर यांनी सांगितले.
भाजपमध्ये प्रवेश करणारे कार्यकर्ते व पदाधिकारी यांना भाजपात आल्याचा नक्कीच अभिमान वाटेल असे सांगताना दरेकर म्हणाले की, मी भाजपात प्रवेश केल्यानंतर प्रामाणिकपणे पक्षाचे काम केले. भाजपने मला आमदारकीची संधी दिली. आमदारकी कधी मागितली नव्हती व अपेक्षाही केली नव्हती. पण मला पक्षाने आमदार केले व विरोधी पक्ष नेते पदाची संधीही दिली. मला विरोधी पक्ष नेता करा म्हणून कधीच सांगितले नाही. देवेंद्रजी फडणवीस, चंद्रकांतदादा पाटील यांच्या मार्गदर्शनाखाली पक्षाची वाटचाल पुढे नेत आहे. भाजप पक्ष काम करणाऱ्या निस्वार्थी सेवाभावी कार्यकर्त्यांचा पक्ष आहे., असेही दरेकर यांनी स्पष्ट केले.

पुणे : पुण्यात ओबीसी मोर्चाला सुरवात झाली मात्र, मोर्चा पुढे नेण्यास पुणे पोलिसांनी परवानगी नाकारली आहे. दरम्यान, माजी खासदार समीर भुजबळ पोलिसांच्या ताब्यात घेतले आहे. त्यानंतर आक्रमक झालेल्या ओबीसी कार्यक्रर्ते आणि नेत्यांनी शनिवारवाड्या समोर ठिय्या आंदोलन सुरु केले ..पुण्यात आज आरक्षणासह विविध मागण्यांसाठी शनिवारवाडा येथून ओबीसी मोर्चाची सुरवात होणार होती. यावेळी राष्ट्रवादीच्या महिला प्रदेशाध्यक्षा रुपाली चाकणकर, कॉंग्रेसच्या दीप्ती चवधरी, राष्ट्रवादी चे नगरसेवक योगेश ससाणे यांच्या सह   असंख्य मान्यवर कार्यकर्ते,नेते येथे सहभागी झाले होते.. दरम्यान, कोरोनाच्या पार्श्वभूमीवर अशा मोर्चांना परवानगी नसल्याने पुणे पोलिसांनी शनिवारवाडा येथून मोर्चा पुढे नेण्यास परवानगी नाकारली.दरम्यान समीर भुजबळ यांना पोलिसांनी  ताब्यात घेतले.आणि त्यांच्या समवेत  कॉग्रेसच्या माजी आमदार ,माजी महापौर दीप्ती चवधरी आणि असंख्य पुरुष महिला कार्यकर्त्यांना  पोलीस गाडीत घालून नेले.

केवळ दोन टक्के रक्कम भरून योजनेत सहभागी होण्याची संधी

पुणे : महावितरणच्या घरगुती, वाणिज्यिक, औद्योगिक व इतर (कृषी वगळून) सर्व उच्च व लघुदाब वीजग्राहकांना थकीत व चालू वीजबिलांच्या रकमेचा भरणा करण्यासाठी सुलभ हप्त्यांची सोय उपलब्ध झाली आहे. यासाठी नवीन योजना तयार करण्यात आली असून आर्थिक अडचणीत असलेल्या थकबाकीदार वीजग्राहकांनी दिलासा देण्यात आला आहे. सोबतच खंडित वीजपुरवठा पुन्हा सुरु करण्याची संधी देण्यात आली आहे.

या योजनेमध्ये वीजपुरवठा सुरु असलेल्या ग्राहकांसोबतच तात्पुरता किंवा कायमस्वरुपी वीजपुरवठा खंडित झालेले, वीजचोरी किंवा न्यायप्रविष्ट प्रकरणातील वीजग्राहकांना सहभागी होता येईल. केवळ दोन टक्के रक्कम भरून या योजनेत सहभागी होता येणार आहे. उच्चदाब वीजग्राहकांना मंडल कार्यालय, 20 किलोवॅटपेक्षा अधिक वीजभार असलेल्या लघुदाब ग्राहकांना विभागीय कार्यालय आणि 20 किलोवॅटपर्यंत वीजभार असलेल्या लघुदाब ग्राहकांना उपविभाग कार्यालयांमध्ये अर्ज करून या योजनेत सहभागी होता येईल. चालू वीजबिलाच्या रकमेचे हप्ते देण्याबाबत वीजग्राहकांच्या अर्जांवर 7 दिवसांत तर वीजपुरवठा खंडित झालेल्या थकबाकीदार ग्राहकांच्या अर्जांवर 15 दिवसांत कार्यवाही पूर्ण केली जाणार आहे. यासोबतच महावितरणच्या वेबसाईटवर या योजनेचे लवकरच स्वतंत्र पोर्टल सुरु होत असून त्याद्वारेही वीजग्राहकांना ऑनलाईन अर्ज दाखल करण्याची सोय उपलब्ध होणार आहे.

कृषी ग्राहक वगळता उर्वरित सर्व वर्गवारीमधील उच्च व लघुदाब ग्राहकांना चालू वीजबिलाची रक्कम भरण्यासाठी या योजनेमध्ये तीन हप्त्यांची सोय उपलब्ध आहे. त्यासाठी डाऊन पेमेंट करण्याची गरज नाही. तसेच ज्या ग्राहकांचा वीजपुरवठा सध्या सुरु आहे मात्र वीजबिल थकीत आहे अशा आणि तात्पुरता किंवा कायमस्वरूपी वीजपुरवठा खंडित असलेल्या थकबाकीदार ग्राहकांनी 30 टक्के डाऊन पेमेंट करून या योजनेत सहभाग घेतल्यास त्यांना जास्तीत जास्त 12 सुलभ हप्त्यांची सोय उपलब्ध आहे. सोबतच खंडित झालेली वीजजोडणी पुन्हा सुरु करण्यात येणार आहे. यामध्ये तात्पुरता वीजपुरवठा खंडित होऊन सहा महिन्यांपर्यंत कालावधी झाला असल्यास पुनर्जोडणी शुल्क भरून वीजजोडणी पुन्हा सुरु करता येईल. तर सहा महिन्यांपेक्षा अधिक कालावधीपासून वीजपुरवठा खंडित असल्यास संबंधीत ग्राहकांना नवीन अर्ज करावा लागेल व वीजजोडणी शुल्क भरून नवीन वीजजोडणी कार्यान्वित करता येईल. कायमस्वरुपी वीजपुरवठा खंडित असलेल्या ग्राहकांकडील थकबाकीच्या व्याजाची 50 टक्के रक्कम माफ करण्यात येणार आहे.

वीजबिलांसंबंधी न्यायप्रविष्ट प्रकरणातून विनाअट माघार घेण्यास तयार असलेल्या संबंधीत वीजग्राहकांना या योजनेमध्ये सहभागी होता येईल. तसेच भारतीय विद्युत कायदा 2003 नुसार वीजचोरीच्या 126, 138 किंवा 135 कलमानुसार वीजचोरीची रक्कम भरून उर्वरित थकबाकी भरण्यासाठी संबंधीत ग्राहकांना  योजनेमध्ये सहभागी होता येईल.

या योजनेत सहभागी होण्यासाठी अर्ज सादर करते वेळी एकूण थकबाकीची दोन टक्के रक्कम संबंधीत ग्राहकांना भरावी लागेल. तसेच दोनशे रुपयांच्या स्टॅम्प पेपरद्वारे योजनेमधील विनाअट सहभागाचे प्रतिज्ञपत्र सादर करावे लागेल. अर्ज मंजुरीनंतर सात दिवसांमध्ये 30 टक्के डाऊन पेमेंट करणे आवश्यक आहे. या योजनेत सहभागी झाल्यानंतर चालू वीजबिलांसह दिलेल्या हप्त्यांप्रमाणे थकबाकीची रक्कम नियमित स्वरुपात भरणे आवश्यक आहे. या योजनेत 2020-21 या आर्थिक वर्षामध्येच सहभागी होण्याची मुदत असल्याने थकबाकीदार वीजग्राहकांनी लवकरात लवकर लाभ घ्यावा व योजनेत सहभागी व्हावे असे आवाहन महावितरणकडून करण्यात आले आहे.

पुण्‍याच्‍या विभुती पांडेला ‘मिसेस वेस्‍ट इंडिया २०२० – सिल्‍व्‍हर विभाग‘चा प्रतिष्ठित किताब जिंकला, तेव्‍हा तिच्‍या आनंद गगनात मावेनासा झाला आणि तिचा मंत्र ‘स्‍वत:वर विश्‍वास असेल तर तुम्‍हाला कोणतीच गोष्‍ट थांबवू शकत नाही’ खरा ठरला. अथक मेहनत व समर्पि‍ततेसह तिने ४७ फायनालिस्‍ट्समधून प्रतिष्ठित मुकुट जिंकला, ‘मिसेस वेस्‍ट इंडिया – एम्प्रेस ऑफ वेस्‍ट इंडिया २०२०‘ – सीझन ३ चा भव्‍य फिनाले यंदा २८ नोव्‍हेंबर २०२० रोजी अलिला दिवा गोवा, येथे आयोजित करण्‍यात आले.  फक्‍त एवढेच नाही – तिच्‍या आत्‍मविश्‍वासू व्‍यक्तिमत्त्वाने तिला त्‍याच व्‍यासपीठावर ‘मिसेस कॉन्फिडण्‍ट – सिल्‍व्‍हर विभाग‘चा उपकिताब जिंकण्‍यामध्‍ये देखील मदत केली.

पुण्‍यातील डॉएच बँकेची आर्थिक व्‍यवस्‍थापक असलेली ती हसत म्‍हणाली, ”मी लठ्ठ व्‍यक्‍तीपासून तंदुरूस्‍त व्‍यक्‍तीमध्‍ये बदलण्‍याचा निर्धार केल्‍यापासूनच माझा पेजीण्‍टसाठी प्रवास सुरू झाला. मी एका वर्षामध्‍येच माझे वजन २५ किग्रॅने कमी करण्‍यामध्‍ये यशस्‍वी झाली. माझ्या जीवनातील या परिवर्तनानंतर मी पेजीण्‍ट्रीसाठी प्रयत्न करण्‍याचे ठरवले. आणि माझ्या शोधाने मला अंजना व कार्ल मस्‍करेन्‍हास यांच्‍याद्वारे व्‍यवस्‍थापन व आयोजन केले जाणा-या दिवा पेजीण्‍ट्समध्‍ये सर्वोत्तम कामगिरी करण्‍यामध्‍ये मदत केली. त्‍यांनी आयोजित केलेल्‍या लाभदायी व जीवनाला आमूलाग्र कलाटणी देणा-या सत्रांमध्‍ये उपस्थित राहत मी स्‍वत:हून माझ्यामध्‍ये अधिक सुधारणा केली आणि यासाठी मी नेहमीच त्‍यांची कृतज्ञ राहीन.”

महाराष्‍ट्राच्‍या विदर्भ प्रांतामधील लहान नगर गोंदियामध्‍ये राहणारे डॉ. दिलीप व संध्‍या पांडे यांची मुलगी असलेली विभुती लिंग समानता, महिला स्‍वप्‍न पाहत असलेल्या महत्त्वाकांक्षांची पूर्तता करण्यास सहाय्य अशा कौटुंबिक मूल्‍यांसह मोठी झाली आहे आणि तिच्‍यामध्‍ये कधीच हार न मानण्‍याची वृत्ती बिंबवण्‍यात आली आहे. हैद्राबाद येथे फायनान्‍समध्‍ये एमबीए शिक्षण घेतल्‍यानंतर तिने आता पुण्‍यातील डॉएच बँकेमध्‍ये आर्थिक व्‍यवस्‍थापक म्‍हणून यशस्‍वी करिअर स्‍थापित केले आहे.

विभुती म्‍हणाली, ”अर्थातच, मुकुट जिंकणे हे माझे पती अमित यांच्‍या अविरत पाठिंब्‍याशिवाय शक्‍य नव्‍हते. ते एमएनसी येथे अभियांत्रिकी संचालक म्‍हणून काम करतात आणि माझे सर्वात मोठे प्रेरणास्रोत आहेत. तसेच माझा ११ वर्षाचा मुलगा वेदांत याचा पाठिंबा देखील मोलाचा आहे.” ती तिची धाकटी बहीण विधी आणि दीर अभिषेकला मित्र मानते. तिची पुतणी अर्चिशाने तिचा वारसा पुढे घेऊन जावा, अशी तिची इच्‍छा आहे.

पर्यटनाची खूप आवड असलेल्‍या विभुतीला नवनवीन स्‍थळे, पाककला व संस्‍कृतींचा शोध घ्‍यायला आवडते. जवळपास अर्ध्‍या जगभरात प्रवास केलेल्‍या तिची उर्वरित जगामध्‍ये प्रवास करण्‍यासाठी पुन्‍हा एकदा पर्यटनावर जाण्‍याची इच्‍छा आहे.

अधिक पुढे जात, तिची इतर महिलांना त्‍यांची स्‍वप्‍ने पूर्ण करण्‍यासाठी प्रोत्‍साहित करण्‍याची आणि दिवा पेजीण्‍ट्सद्वारे आयोजित करण्‍यात येणा-या इतर किताबांमध्‍ये सहभाग घेण्‍याची इच्‍छा आहे. तिचा विश्‍वास आहे की महिला जीवनामध्‍ये अनेक यश प्राप्‍त करतात, पण वैयक्तिक ओळख देखील राखणे अत्‍यंत महत्त्वाचे आहे. विभुती म्‍हणते, ”तुम्‍ही दुस-यांच्‍या पावलांवर पाऊल टाकत राहिलात, तर तुम्‍हाला स्वत:चे असे यश कधी मिळणार?” खरेतर या पेजीण्‍टच्‍या यशानंतर विभुतीने स्‍वत:मध्‍ये अधिक सुधारणा करत २०२१ मध्‍ये दिवा पेजीण्‍ट्सच्‍या माध्‍यमातून आंतरराष्‍ट्रीय पेजीण्‍टमध्‍ये सहभाग घेण्‍याची तयारी सुरू केली आहे, जेथे ती भारताचे प्रतिनिधीत्‍व करेल.

तिचे कुटुंब सामाजिकदृष्‍ट्या अत्‍यंत जबाबदार आहे. ते नियमितपणे वृद्धाश्रम व अनाथाश्रमांना भेट देतात. पण, विभुतीची या बाबीला अधि‍क पुढे घेऊन जात वृद्धाश्रम व अनाथाश्रम एकत्रित करण्‍याचा विचार आहे. ज्‍यामुळे वरिष्‍ठ नागरिकांना नातवांप्रमाणे असलेल्‍या अनाथ मुलांसोबत खेळण्‍याचा आनंद मिळेल आणि अनाथ मुलांना देखील आजी-आजोबांचे प्रेम मिळेल. हा अत्‍यंत थोर विचार आहे.

दि रोसरी फाऊंडेशनचे व्‍यवस्‍थापकीय संचालक विनय अरन्‍हा यांनी जहांगीर ओराकेअर डेण्‍टल सेंटरसोबत सहयोगाने आयोजित करण्‍यात आलेल्‍या या भव्‍य कार्यक्रमाला सादर केले. या कार्यक्रमासाठी प्रमुख अतिथी म्‍हणून केंद्रीय राज्‍यमंत्री माननीय मंत्री श्रीपाद येसो नाईक उपस्थित होते.

या कार्यक्रमासाठी महक चहल (अभिनेत्री), ब्रूना अब्‍दुल्‍ला (अभिनेत्री), सुहानी मेंडोन्‍सा (इव्‍हेण्‍ट्स), ग्‍वेन डी (डिझाइनर), विवेक मेंडोन्‍सा (लॉरेन्‍स अॅण्‍ड मायो) हे प्रख्‍यात परीक्षक लाभले. लोकप्रिय टेलिव्हिजन अभिनेता अमन यतन वर्माने प्रेक्षकांना मंत्रमुग्‍ध केले. त्‍याने आत्‍मविश्‍वासासह या भव्‍य कार्यक्रमाचे उत्तम सुत्रसंचालन केले.

पुणे : “पुण्याशी माझे नाते खूप जुने आहे. माझे पती लक्ष्मीकांत बेर्डे आणि आपल्या सर्वांचे लाडके अभिनेते ‘लक्ष्या’ यांच्या चित्रपटांना व नाटकांना पुणेकर रसिकांनी दिलेली दाद अविस्मरणीय आहे. कलाप्रेमींच्या या शहराने अनेक दिग्गज कलाकार घडवले,” असे प्रतिपादन ज्येष्ठ अभिनेत्री आणि राष्ट्रवादी काँग्रेसच्या पुणे जिल्हा सांस्कृतिक विभागाच्या अध्यक्षा प्रिया बेर्डे यांनी केले.
बेर्डे यांची राष्ट्रवादी काँग्रेस पक्षाच्या पुणे जिल्हा सांस्कृतिक विभागाच्या अध्यक्षपदी निवड झाल्याबद्दल सुर्यदत्ता ग्रुप ऑफ इन्स्टिट्यूटच्या वतीने त्यांचा सत्कार करण्यात आला. संस्थेच्या बावधन येथील बन्सीरत्न सभागृहात झालेल्या या कार्यक्रमावेळी संस्थापक अध्यक्ष प्रा. डॉ. संजय चोरडिया, अभिनेता अभिनय बेर्डे, राष्ट्रवादी काँग्रेस पुणे जिल्हा सांस्कृतिक विभागाचे सदस्य, सुर्यदत्ता इन्स्टिट्यूटचे प्राध्यापक व शिक्षकेत्तर कर्मचारी आदी उपस्थित होते. यावेळी कोरोना महामारीच्या पार्श्वभूमीवर सुर्यदत्ता ग्रुप ऑफ इन्स्टिट्यूटच्या माध्यमातून समाजोपयोगी उपक्रम राबविल्याबद्दल राष्ट्रवादी काँग्रेसच्या पुणे जिल्हा सांस्कृतिक विभागातर्फे प्रा. डॉ. संजय चोरडिया यांनाही गौरविण्यात आले.

प्रिया बेर्डे म्हणाल्या, “माझ्या दोन्ही मुलांचे शिक्षण पुण्यातील महाविद्यालयात झाले आहे. सांस्कृतिक विभागाच्या अध्यक्षपदी माझी निवड झाल्यानंतर कला क्षेत्रातील विद्यार्थी, तरुण आणि नवोदित कलाकारांच्या कलागुणांना प्रोत्साहन देण्यासाठी वेगवेगळे उपक्रम राबविणार आहे. कलाकारांच्या अडचणी सोडविण्यासह त्यांना पोषक वातावरण उपलब्ध करण्यासाठी प्रयत्नशील आहे. ‘सुर्यदत्ता’मध्ये शिक्षणासोबत कला व क्रीडा गुणांना वाव दिला जातो, याचा आनंद आहे.”

प्रा. डॉ. संजय चोरडिया यांनी विविध अभ्यासक्रमाची, तसेच उपक्रमांची माहिती दिली. ते म्हणाले, “हा गौरव सुर्यदत्ता संस्थेतील प्रत्येकाचा आहे. विद्यार्थ्यांना सतत नवीन काहीतरी शिकायला मिळावे, यासाठी प्रयत्न सुरू असतात. कला क्षेत्राला पूरक अभ्यासक्रम आमच्याकडे आहेत. परफॉर्मिंग आर्ट्स, बीसीएस ऍनिमेशन हे अभ्यासक्रम असून, गेल्या वर्षी सूर्यदत्ता प्रोडक्शन्स सुरु केले आहे. तरुणांना अभिनयाचे धडे देण्यासह सांस्कृतिक कार्यक्रमाचे केले जाते. यामध्ये आपल्यासारख्या ज्येष्ठ व अनुभवी कलाकारांचे मार्गदर्शन आवश्यक आहे.”

माझ्या पहिल्या चित्रपटाला महाराष्ट्रातील प्रेक्षकांनी भरभरून पसंती दिली. असेच माझ्या पुढच्या कामांना देखील साथ द्यावी, अशी भावना अभिनय बेर्डे याने व्यक्त केली. डॉ. सुनील धनगर यांनी सुत्रसंचलन केले.

भारतीय जनता पार्टीच्या पुणे शहर प्रवक्ते पदांवरील नियुक्ती जाहीर करण्यात आली आहे. पक्षाचे शहराध्यक्ष जगदीश मुळीक यांनी त्यांना नियुक्तीपत्रे दिली. भाजपा प्रदेशाध्यक्ष आमदार चंद्रकांत पाटील यांच्या आदेशानुसार आमदार सिद्धार्थ शिरोळे, संदीप खर्डेकर, मंगेश गोळे, संजय मयेकर, धनंजय जाधव, श्रीपाद ढेकणे आणि विकास लवाटे अशा 7 जणांची प्रवक्तेपदी निवड करण्यात आल्याची माहिती शहराध्यक्ष जगदीश मुळीक यांनी दिली.