पुणे-पुण्यात एका जोडप्याचे चक्क सार्वजनिक रस्त्यावर प्रेम प्रदर्शन करत वाहतूक नियमांना आणि सामाजिक संकेतांना धाब्यावर बसवले. या तरुण-तरुणीचा व्हिडिओ सध्या सोशल मीडियावर तुफान व्हायरल होत असून, नागरिकांमधून तीव्र संताप व्यक्त केला जात आहे. खेड शिवापूरजवळील शिंदेवाडी परिसरातून जाणाऱ्या रस्त्यावर हा प्रकार घडला आहे.व्हायरल व्हिडिओमध्ये एक तरुण दुचाकी चालवत आहे आणि त्याच्या पेट्रोल टँकवर एक तरुणी उलटी बसलेली दिसते. विशेष म्हणजे, ती तरुणी धावत्या दुचाकीवर तरुणाला मिठी मारताना, जवळीक साधताना स्पष्टपणे दिसते. या धक्कादायक प्रकाराकडे आसपासचे अनेकजण आश्चर्याने पाहत होते, तर काहींनी आपापल्या मोबाईलमध्ये या दृश्याचे चित्रीकरणही केले. पण या प्रेमीयुगलाला ना इतरांची पर्वा होती, ना वाहतुकीच्या नियमांची फिकीर.

तरुणीने स्कार्फने चेहरा झाकलेला असला तरी तिचे आणि दुचाकीस्वाराचे वर्तन अत्यंत बिनधास्त होते. रस्त्यावर वाहनांचा वेग असतानाही त्यांनी अशा पद्धतीने प्रेमाचे प्रदर्शन केल्याने ना फक्त अपघाताचा धोका वाढतो, तर इतर वाहनचालकांची एकाग्रताही भंग होते.या व्हिडिओमुळे समाज माध्यमांवर चांगलीच खळबळ उडाली आहे.अशा धोकादायक आणि बेजबाबदार वर्तनामुळे रस्त्यावरील इतर वाहनधारकांचे प्राणही संकटात येऊ शकतात, हे विसरून चालणार नाही, अशी तीव्र प्रतिक्रिया अनेक नागरिक व्यक्त करत आहेत.

• श्रीमंत भाऊसाहेब रंगारी गणपती मंडळाचा वासा पूजन सोहळा संपन्न

पुणे : – संपूर्ण जगात प्रसिद्ध असलेल्या पुण्याच्या गणेशोत्सवात लाखो भाविक येत असतात मात्र पोलिसांची संख्या ही तुलनेत कमी असते. त्यामुळे गणेश मंडळाच्या प्रत्येक कार्यकर्त्याने पोलिसांसारखे काम करावे, असे आवाहन पश्चिम विभागाचे अप्पर पोलिस आयुक्त राजेश बनसोडे यांनी केले.

हिंदुस्थानातील पहिला सार्वजनिक गणपती ‘श्रीमंत भाऊसाहेब रंगारी गणपती ट्रस्ट’चा वासा पूजन कार्यक्रम बनसोडे यांच्या हस्ते झाला, यावेळी ते बोलत होते. ट्रस्टचे उत्सवप्रमुख व विश्वस्त पुनीत बालन, सहायक पोलिस आयुक्त साईनाथ ठोंबरे, श्रीमंत दगडुशेठ हलवाई गणपती मंडळाचे सुनिल रासने, तुळशीबाग मंडळाचे विकास पवार, तांबडी जोगेश्वरी मंडळाचे प्रशांत टिकार, कसबा गणपती मंडळाचे श्रीकांत शेटे, छत्रपती राजाराम मंडळाचे अरुण गवळे, श्रीमंत भाऊसाहेब रंगारी गणपतीचे अध्यक्ष संजीव जावळे, पोलिस निरीक्षक प्रशांत भुरुमे, संतोष पांढरे, अरुण घोडके यांच्यासह मोठ्या संख्येने पदाधिकारी व कार्यकर्ते उपस्थित होते.

यावेळी बनसोडे म्हणाले, ‘‘हिंदुस्थानातील पहिले सार्वजनिक गणेश मंडळाच्या वासा पूजनाचा मान दिल्याबद्दल मी ट्रस्टचा आभारी आहे. गणेशोत्सवाची आता सुरवात होत आहे. हा उत्सव निर्विघ्नपणे साजरा होईल, त्यासाठी रंगारी ट्रस्टसह सर्व गणेश मंडळाच्या कार्यकर्त्यांची आम्हाला मदत होईल, असा विश्वास आहे.वासा पूजन सोहळ्यापुर्वी रंगारी भवनात बाप्पाची आरती झाली. यावेळी शिवमुद्रा ढोल ताशा पथकाने केलेल्या वादनाने उपस्थित गणेश भक्तांची मने जिंकली.

‘‘श्रीमंत भाऊसाहेब रंगारी गणपती ट्रस्टच्या वासा पूजन सोहळ्याने गणेशोत्सवाची सुरवात झाली आहे. यावर्षी आम्ही रत्नमहल हा देखावा साकारणार आहोत. भारतील वेगवेगळ्या प्रकारचे दागिने आणि मोती यांचा मिलाप या रत्नमहलमध्ये असणार आहे. गेल्या दोन वर्षांपासून आम्ही रथाला बैलजोडी न वापरण्याचा निर्णय घेतला आहे. तो यावर्षीही कायम राहणार आहे.’’

– पुनीत बालन, उत्सव प्रमुख व विश्वस्त

गणेश मंडळाच्या कार्यकर्त्यांनी पोलिसांसारखे काम करावे – अप्पर पोलिस आयुक्त राजेश बनसोडे यांचे आवाहन

पुणे : – संपूर्ण जगात प्रसिद्ध असलेल्या पुण्याच्या गणेशोत्सवात लाखो भाविक येत असतात मात्र पोलिसांची संख्या ही तुलनेत कमी असते. त्यामुळे गणेश मंडळाच्या प्रत्येक कार्यकर्त्याने पोलिसांसारखे काम करावे, असे आवाहन पश्चिम विभागाचे अप्पर पोलिस आयुक्त राजेश बनसोडे यांनी केले.

हिंदुस्थानातील पहिला सार्वजनिक गणपती ‘श्रीमंत भाऊसाहेब रंगारी गणपती ट्रस्ट’चा वासा पूजन कार्यक्रम बनसोडे यांच्या हस्ते झाला, यावेळी ते बोलत होते. ट्रस्टचे उत्सवप्रमुख व विश्वस्त पुनीत बालन, सहायक पोलिस आयुक्त साईनाथ ठोंबरे, श्रीमंत दगडुशेठ हलवाई गणपती मंडळाचे सुनिल रासने, तुळशीबाग मंडळाचे विकास पवार, तांबडी जोगेश्वरी मंडळाचे प्रशांत टिकार, कसबा गणपती मंडळाचे श्रीकांत शेटे, छत्रपती राजाराम मंडळाचे अरुण गवळे, श्रीमंत भाऊसाहेब रंगारी गणपतीचे अध्यक्ष संजीव जावळे, पोलिस निरीक्षक प्रशांत भुरुमे, संतोष पांढरे, अरुण घोडके यांच्यासह मोठ्या संख्येने पदाधिकारी व कार्यकर्ते उपस्थित होते.

यावेळी बनसोडे म्हणाले, ‘‘हिंदुस्थानातील पहिले सार्वजनिक गणेश मंडळाच्या वासा पूजनाचा मान दिल्याबद्दल मी ट्रस्टचा आभारी आहे. गणेशोत्सवाची आता सुरवात होत आहे. हा उत्सव निर्विघ्नपणे साजरा होईल, त्यासाठी रंगारी ट्रस्टसह सर्व गणेश मंडळाच्या कार्यकर्त्यांची आम्हाला मदत होईल, असा विश्वास आहे.’’

वासा पूजन सोहळ्यापुर्वी रंगारी भवनात बाप्पाची आरती झाली. यावेळी शिवमुद्रा ढोल ताशा पथकाने केलेल्या वादनाने उपस्थित गणेश भक्तांची मने जिंकली.
*‘‘श्रीमंत भाऊसाहेब रंगारी गणपती ट्रस्टच्या वासा पूजन सोहळ्याने गणेशोत्सवाची सुरवात झाली आहे. यावर्षी आम्ही रत्नमहल हा देखावा साकारणार आहोत. भारतील वेगवेगळ्या प्रकारचे दागिने आणि मोती यांचा मिलाप या रत्नमहलमध्ये असणार आहे. गेल्या दोन वर्षांपासून आम्ही रथाला बैलजोडी न वापरण्याचा निर्णय घेतला आहे. तो यावर्षीही कायम राहणार आहे.’’ श्रीमंत भाऊसाहेब रंगारी गणपती मंडळाचा वासा पूजन सोहळा संपन्न

गणेश मंडळाच्या कार्यकर्त्यांनी पोलिसांसारखे काम करावे – अप्पर पोलिस आयुक्त राजेश बनसोडे यांचे आवाहन

पुणे : प्रतिनिधी – संपूर्ण जगात प्रसिद्ध असलेल्या पुण्याच्या गणेशोत्सवात लाखो भाविक येत असतात मात्र पोलिसांची संख्या ही तुलनेत कमी असते. त्यामुळे गणेश मंडळाच्या प्रत्येक कार्यकर्त्याने पोलिसांसारखे काम करावे, असे आवाहन पश्चिम विभागाचे अप्पर पोलिस आयुक्त राजेश बनसोडे यांनी केले.

हिंदुस्थानातील पहिला सार्वजनिक गणपती ‘श्रीमंत भाऊसाहेब रंगारी गणपती ट्रस्ट’चा वासा पूजन कार्यक्रम बनसोडे यांच्या हस्ते झाला, यावेळी ते बोलत होते. ट्रस्टचे उत्सवप्रमुख व विश्वस्त पुनीत बालन, सहायक पोलिस आयुक्त साईनाथ ठोंबरे, श्रीमंत दगडुशेठ हलवाई गणपती मंडळाचे सुनिल रासने, तुळशीबाग मंडळाचे विकास पवार, तांबडी जोगेश्वरी मंडळाचे प्रशांत टिकार, कसबा गणपती मंडळाचे श्रीकांत शेटे, छत्रपती राजाराम मंडळाचे अरुण गवळे, श्रीमंत भाऊसाहेब रंगारी गणपतीचे अध्यक्ष संजीव जावळे, पोलिस निरीक्षक प्रशांत भुरुमे, संतोष पांढरे, अरुण घोडके यांच्यासह मोठ्या संख्येने पदाधिकारी व कार्यकर्ते उपस्थित होते.

यावेळी बनसोडे म्हणाले, ‘‘हिंदुस्थानातील पहिले सार्वजनिक गणेश मंडळाच्या वासा पूजनाचा मान दिल्याबद्दल मी ट्रस्टचा आभारी आहे. गणेशोत्सवाची आता सुरवात होत आहे. हा उत्सव निर्विघ्नपणे साजरा होईल, त्यासाठी रंगारी ट्रस्टसह सर्व गणेश मंडळाच्या कार्यकर्त्यांची आम्हाला मदत होईल, असा विश्वास आहे.’’

वासा पूजन सोहळ्यापुर्वी रंगारी भवनात बाप्पाची आरती झाली. यावेळी शिवमुद्रा ढोल ताशा पथकाने केलेल्या वादनाने उपस्थित गणेश भक्तांची मने जिंकली.

कोट
*‘‘श्रीमंत भाऊसाहेब रंगारी गणपती ट्रस्टच्या वासा पूजन सोहळ्याने गणेशोत्सवाची सुरवात झाली आहे. यावर्षी आम्ही रत्नमहल हा देखावा साकारणार आहोत. भारतील वेगवेगळ्या प्रकारचे दागिने आणि मोती यांचा मिलाप या रत्नमहलमध्ये असणार आहे. गेल्या दोन वर्षांपासून आम्ही रथाला बैलजोडी न वापरण्याचा निर्णय घेतला आहे. तो यावर्षीही कायम राहणार आहे.’’

– पुनीत बालन, उत्सव प्रमुख व विश्वस्त.

पुणे : रंगत-संगत प्रतिष्ठान आणि करम प्रतिष्ठानतर्फे स्व. दीपक करंदीकर स्मृती गझल पुरस्काराने आज (दि. २७) गझलकारा गाथा जाधव-आयगोळे (कल्याण) यांचा गौरव करण्यात आला.
पत्रकार भवन येथे या कार्यक्रमाचे आयोजन करण्यात आले होते. रंगत-संगत प्रतिष्ठानचे अध्यक्ष ॲड. प्रमोद आडकर, मैथिली आडकर, प्रज्ञा महाजन मंचावर होते.
सातत्य आणि यश हातात घालून चालत असतात. त्यामुळे कार्यक्रमातील सातत्य आम्ही कायम ठेवत आलो आहोत. रंगत-संगत प्रतिष्ठानला ३३ वर्षे झाली. दीड हजाराच्यावर कार्यक्रमाचे आयोजन करण्यात आले आहेत. दीपक करंदीकर यांच्यासारखे गझलप्रेमी कायम स्मृतीत राहावेत यासाठी गझलकारास पुरस्कार दिला जातो. हा पुरस्कार युवा पिढीच्या साहित्यक्षेत्रातील कार्यास प्रोत्साहन देण्यासाठी तसेच ते करत असलेल्या कार्यासाठी कौतुकाची थाप म्हणून देण्यात येतो, असे प्रमोद आडकर यांनी या प्रसंगी सांगीतले.
सत्काराला उत्तर देताना गाथा जाधव-आयगोळे म्हणाल्या, लिहिण्याचा वारसा वडिलांकडून मिळाला. शाळेत असताना पहिल्यांदा लिहायला घेतले. जेव्हा जसे सुचले तसे लिहित गेले आणि लिहीत राहिले. लग्नाआधी वडिलांनी आणि नंतर पतीने माझ्यासोबत माझ्या लिखाणालाही पाठिंबा दिला. घरातूनच आधार मिळाला की स्त्री काहीही करू शकते. त्यामुळे अशी साथ प्रत्येक स्त्रीला मिळायला हवी. गझल लिखाणासोबतच सध्या गझलांवर सुरू असलेल्या संशोधनाला न्याय देण्याचा मी प्रयत्न करत आहे. प्रज्ञा महाजन यांनी उपस्थितांचे स्वागत केले आणि स्वरचित गझल सादर केली.
पुरस्कार वितरण सोहळ्यानिमित्त निमंत्रितांचे गझल संमेलन आयोजित करण्यात आले होते. यात प्राजक्ता पटवर्धन, प्रभा सोनवणे, अजय जोशी, स्वाती यादव, चैतन्य कुलकर्णी शउर, रेखा कुलकर्णी, शीला टाकळकर, कविता क्षीरसागर, चंचल काळे, अमिता पैठणकर, डॉ. मृदुला कुलकर्णी खैरनार या निमंत्रितांनी गझल सादर केली.
वासंती वैद्य, ऋचा कर्वे, प्राजक्ता वेदपाठक उपस्थित होते. शिल्पा देशपांडे आणि वैजयंती आपटे यांनी सूत्रसंचालन केले.

विरोधी पक्ष पोलिसांनी केलेल्या या छाप्याला राजकीय कारवाई म्हणत आहेत. महाराष्ट्र सरकार जबरदस्तीने रेव्ह पार्टी घोषित करून सूड उगवत असल्याचा आरोप विरोधी पक्षांनी केला आहे. मात्र या पार्टीला खरंच रेव्ह पार्टी म्हणता येणार का? तसेच रेव्ह पार्टी आणि सिक्रेट पार्टी यात काही फरक नाही का? असे प्रश्न उपस्थित होत आहेत…

पुणे- बहुधा रेव्ह पार्टी म्हटले कि अनेकांच्या डोळ्यापुढे तरुणाईची गर्दी अंमली पदार्थांचा सुळसुळाट, दारूच्या विदेशी बाटल्यांचा खणखणाट, अन DJ चा हैदोस असे काहीसे चित्र येते पण खराडीतील staybird azure suite hotel kharadi pune येथील रूम नंबर १०२ मध्ये झालेली रेव्ह पार्टी जी गाजते आहे. त्या पार्टीत अवघे ७ जण होते , त्यात अवघ्या २ महिला … अर्थात पार्टीच रूम मध्ये होती ना… हॉटेलच्या एका रूम मध्ये .. पण हि पार्टी गाजते आहे ती माजी मंत्री एकनाथ खडसे यांचे जावई या पार्टीत पकडले गेल्यामुळे… जे महिला नेत्या रोहिणी खडसे यांचे पती आहेत .आणि त्यांनी सरकारवर गेली काही महिने टीकेची झोड उठविली आहे . यामुळे या पार्टीला रंगारंग महत्व आले आहे. या पार्टीत कोकेन,गांजा,दारू व बियरच्या बॉटल, हुक्का प्लेवर असे सारे काही होते …गाजणाऱ्या या रेव्ह पार्टीत पोलिसांनी तब्बल ४१ लाखाचा मुद्देमाल जप्त केला आणि १) प्रांजल मनिष खेवलकर, वय ४१ वर्षे, रा. प्लॉट नं. ५७,५८ इंद्रप्रस्त सोसायटी, हडपसर पुणे, २) निखिल जेठानंद पोपटाणी, वय ३५ वर्षे, रा. सी १०५, डीएसके सुंदरबन, अॅमनोरा पार्क टाउनचे मागे, माळवाडी रोड, पुणे, ३) समीर फकीर महमंद सय्यद, वय-४१ वर्षे, रा. २०५, हेरीटेज, पॅलेस ओरचड सोसायटी, एनआयबीएम रोड, पुणे. ४) सचिन सोनाजी भोंबे, वय- ४२ वर्षे, रा. प्लॉट नं. ५१, द्वारका नगर, डायमंड वॉटर पार्क रोड, वाघोली पुणे. ५) श्रीपाद मोहन यादव, वय २७ वर्षे, रा. आनंदी सुंदर निवास बंगला, साई होमसच्या पाठिमागे, पंचतारा नगर, पांडरकर वरती, आकुर्डी, पुणे तसेच महिला नामे १) ईशा देवज्योत सिंग, वय २२ वर्षे, रा. ए ६, २०३ कुमार बिर्ला सोसायटी वॉर्ड नंबर ८, नागरस रोड, औध पुणे २) प्राची गोपाल शर्मा वय २३ रा. गोदरेज ग्रिन को. म्हाळुंगे पुणे यांना अटक केली.

प्रांजल खेवलकर हे एकनाथ खडसे यांचे जावई आणि राष्ट्रवादी काँग्रेसच्या महिला प्रदेशाध्यक्षा रोहिणी खडसे यांचे पती आहेत. रोहिणी खडसे यांनी पहिल्या पतीपासून घटस्फोट घेतल्यानंतर आपल्या बालपणीच्या मित्राशी म्हणजेच प्रांजल खेवलकर यांच्याशी विवाह केला होता. सध्या हे दाम्पत्य मुक्ताईनगर येथे वास्तव्यास आहे.प्रांजल खेवलकर राजकारणापासून दूर असून, त्यांचा मुख्य व्यवसाय जमीन खरेदी-विक्री, रिअल इस्टेट, इव्हेंट मॅनेजमेंट आणि ट्रॅव्हल क्षेत्रात आहे. याशिवाय त्यांच्या नावावर साखर आणि ऊर्जा क्षेत्रातील कंपन्याही नोंदवलेल्या आहेत. तर त्यांच्या पत्नी रोहिणी खडसे या मात्र सक्रिय राजकारणात कार्यरत आहेत.

पोलिसांनी सविस्तर सांगितलेली हकीकत अशी ,….२७/०७/२०२५ रोजी वरिष्ठांचे आदेशान्वये व मार्गदर्शनाखाली अंमली पदार्थ विरोधी मोहिम राबवित असताना पोलीस उप आयुक्त, गुन्हे शाखा, पुणे शहर निखील पिंगळे, सहा. पोलीस आयुक्त, गुन्हे शाखा राजेन्द्र मुळीक, पोलीस निरीक्षक कुंभार, पोलीस निरीक्षक संखे, पोलीस निरीक्षक सुदर्शन गायकवाड, महिला पोलीस निरीक्षक वासनिक, महिला पोलीस उपनिरीक्षक लाड गुन्हे शाखा पुणे शहर असे खराडी पोलीस स्टेशन हद्दीत मिळालेल्या गोपनिय माहितीच्या अनुषंगाने दि.२७/०७/२०२५ रोजी पहाटे ०३/२० वा चे सुमा. रूम नंबर १०२, स्टेबर्ड अझुर सुट, हॉटेल, खराडी staybird azure suite hotel kharadi pune पुणे याठिकाणी छापा कारवाई केली असता काही इसम हे हुक्का आणि ड्रग्स पार्टी करत असताना मिळुन आले. सदर इसमांना ताब्यात घेवुन त्यांना नाव पत्ता विचारता त्यांनी आपली नावे १) प्रांजल मनिष खेवलकर, वय ४१ वर्षे, रा. प्लॉट नं. ५७,५८ इंद्रप्रस्त सोसायटी, हडपसर पुणे, २) निखिल जेठानंद पोपटाणी, वय ३५ वर्षे, रा. सी १०५, डीएसके सुंदरबन, अॅमनोरा पार्क टाउनचे मागे, माळवाडी रोड, पुणे, ३) समीर फकीर महमंद सय्यद, वय-४१ वर्षे, रा. २०५, हेरीटेज, पॅलेस ओरचड सोसायटी, एनआयबीएम रोड, पुणे. ४) सचिन सोनाजी भोंबे, वय- ४२ वर्षे, रा. प्लॉट नं. ५१, द्वारका नगर, डायमंड वॉटर पार्क रोड, वाघोली पुणे. ५) श्रीपाद मोहन यादव, वय २७ वर्षे, रा. आनंदी सुंदर निवास बंगला, साई होमसच्या पाठिमागे, पंचतारा नगर, पांडरकर वरती, आकुर्डी, पुणे तसेच महिला नामे १) ईशा देवज्योत सिंग, वय २२ वर्षे, रा. ए ६, २०३ कुमार बिर्ला सोसायटी वॉर्ड नंबर ८, नागरस रोड, औध पुणे २) प्राची गोपाल शर्मा वय २३ रा. गोदरेज ग्रिन को. म्हाळुंगे पुणे असे सांगितले. त्यांचे ताब्यात २.७० ग्रॅम कोकेन सदृश अमली पदार्थ, ७० ग्रॅम गांजा सदृश अमली पदार्थ, एकुण १० मोबाईल, दोन चारचाकी वाहने, हुक्कापॉट सेट, दारू व बियरच्या बॉटल, हुक्का प्लेवर असा असा एकुण ४१,३५,४००/- रू.कि.चा मुद्देमाल जप्त करण्यात आला आहे. सदरबाबत खराडी पोलीस स्टेशन गु.र.नं.१५४/२०२५ एन.डी.पी.एस. अॅक्ट कलम ८ (क), २२ (ब) (।।) अ, २१ (ब), २७कोटपा ७ (२),२० (२) प्रमाणे गुन्हा दाखल करण्यात आला आहे.
ही कारवाई ही अपर पोलीस आयुक्त, गुन्हे पंकज देशमुख, यांचे मार्गदर्शनाखाली पोलीस उप-आयुक्त, गुन्हे, निखील पिंगळे, सहा पोलीस आयुक्त, गुन्हे. २, राजेंद्र मुळीक, पोलीस निरीक्षक कुंभार, पोलीस निरीक्षक संखे, पोलीस निरीक्षक सुदर्शन गायकवाड, महिला पोलीस निरीक्षक वासनिक, सहा. पो. निरी. राजेश माळेगावे, सहा.पो.निरी. नितिनकुमार नाईक, महिला पोलीस उपनिरीक्षक अस्मिता लाड व पोलीस अंमलदार गुन्हे शाखा पुणे शहर यांनी केली आहे.

रेव्ह पार्टी म्हणजे नेमकं काय?
जर आपण रेव्हचा अर्थ पाहिला तर केंब्रिज विद्यापीठाच्या वेबसाइटनुसार, जेव्हा कोणी कोणत्याही नियंत्रणाशिवाय बोलतो तेव्हा त्याला रेव्ह म्हणतात. अशा परिस्थितीत, बरेच लोक त्याचा संबंध अनियंत्रिततेशी जोडतात. त्याच वेळी, पार्टी म्हणजे एक सामाजिक कार्यक्रम ज्यामध्ये काही लोक एकाच ठिकाणी भेटतात आणि खातात, पितात, नाचतात आणि आनंद घेतात. अशा परिस्थितीत, ज्या पार्ट्यांमध्ये लोक कोणत्याही निर्बंधाशिवाय मजा करतात त्यांना रेव्ह पार्ट्या म्हणता येईल. तसेच यात मोठ्या प्रमाणात संगीत वाजवले जाते.

सिक्रेट पार्टी म्हणजे काय? सिक्रेट पार्टी म्हणजे अशी पार्टी ज्याचे तपशील, विशेषतः स्थान, सार्वजनिकरित्या जाहीर केले जात नाही किंवा व्यापकपणे ज्ञात नाही. हे कार्यक्रम बहुतेकदा तोंडी किंवा आमंत्रण पद्धतींवर अवलंबून असतात. जेणेकरून उपस्थिती विशिष्ट लोकांच्या गटापुरती मर्यादित राहते. गुप्त पार्टी घनिष्ठ मेळाव्यांपासून मोठ्या प्रमाणात कार्यक्रमांपर्यंत असू शकतात. या अतिशय गुप्त पद्धतीने साजऱ्या करण्यात येतात. यामुळे खराडी येथील छाप्याला रेव्ह पार्टी म्हणायचे की सिक्रेट पार्टी असा प्रश्न आता उपस्थित होत आहे.

पुणे, दि. २७ जुलै २०२५:- पिकांचे नुकसान टाळत भरपावसामध्ये दीड किलोमीटर अंतरावर विजेचा लोखंडी खांब कामगारांनी वाहून नेत पाच दिवसांपासून खंडित असलेला वीजपुरवठा रविवारी दुपारी सुरळीत केला आहे. 

राजगड (वेल्हे) तालुक्यातील वेल्हा बुद्रुक या गावातील ५५ ग्राहकांचा वीजपुरवठा खांब तुटल्यामुळे खंडित झाला होता. वीजपुरवठा सुरळीत करण्यासाठी स्थानिक ग्राहकांसह नेतेमंडळीचा पाठपुरावा सातत्याने सुरू होता. परंतु काम अवघड होते. त्यामुळे मे. अग्रवाल या ठेकेदार एजन्सीची मदत घेण्यात आली. संततधार पाऊस व जोराच्या वाऱ्यामुळे काम करणे अवघड जात होते. मात्र कामगारांनी लोखंडी खांब अंगाखांद्यावर वाहून नेला. तसेच तो उभा करताना भात पिकांचे नुकसान होणार नाही याचीही काळजी घेतली. खांब उभा करून तारा ओढून घेतल्यावर वीजपुरवठा सुरळीत करण्यात आला. यावेळी उपस्थित ग्रामस्थांनी महावितरण व ठेकेदार कामगारांचे कौतुक केले.

तसेच महावितरणचे मुख्य अभियंता सुनील काकडे, अधीक्षक अभियंता युवराज जरग, मुळशी विभागाचे कार्यकारी अभियंता देविदास बैकर, नसरापूरचे उपकार्यकारी अभियंता सिद्धार्थ सोनसळे यांनीही वेल्हा शाखा अभियंता सचिन कुलकर्णी, वीज कर्मचारी व ठेकेदार मे. अग्रवाल इलेक्ट्रिकल्स यांचे कौतुक केले आहे.

पुणे : चंदननगर येथील भारतीय सैन्य दलात माजी सैनिक असणाऱ्या मुस्लिम कुटुंबीयांवर स्वतःला हिंदुत्ववादी बनवणाऱ्या 70 ते 80 समाजकंटकांनी रात्री बारा वाजता घरात घुसून महिला व लहान मुलांवर दहशत पसरवण्याचा गंभीर प्रकार समोर आलेला आहे. यासंदर्भामध्ये पोलीस स्टेशनला माहिती देवुन सुद्धा त्यांनी गुन्हा दाखल न करता समाजकंटकांच्या दबावाखाली कोणतीच कारवाई केली नसल्याचा प्रकार अत्यंत निंदव्य जनक असल्याने याप्रकरणी पोलिसांनी स्वतःहून गुन्हा दाखल करावा अशी मागणी परिमंडल क्रमांक चार चे पोलीस उपयुक्त सोमय्या मुंडे यांच्याकडे नॅशनल कॉन्फरन्स फॉर मायनॉरिटीच्या वतीने करण्यात आलेली आहे. अशी माहिती येथे राहुल डंबाळे यांनी दिली .

ते म्हणाले,’चंदननगर येथील शमशाद अली शेख कुटुंबीयांचे आजोबा व चुलते भारतीय सैन्य दलामध्ये आपली सेवा बजावत निवृत्त झालेले आहेत. त्यांना भारतीय सैन्यामध्ये चांगली सेवा केल्याबद्दल अनेक पदके देखील मिळालेले आहेत. हे कुटुंबीय सुमारे 55 वर्षांपेक्षा अधिक कालावधीपासून चंदननगर भागामध्ये राहत असून त्यांच्याच कुटुंबीयांना हिंदुत्ववादी म्हणणाऱ्या समाजकंटकांच्या टोळक्याने दिनांक 26 जुलै रोजी रात्री बारा वाजता घरात घुसून गोंधळ घालून रोहिंग्या , लांडे इत्यादी आक्षेपार्ह शब्दांचा वापर करून तुम्ही इथून निघून जा अशा प्रकारचा दबाव निर्माण केला होता.या संपुर्ण घटनेवेळी त्यांच्या समवेत पोलीस देखील उपस्थित होते व ते हा संपूर्ण प्रकार केवळ मूकपणे पाहत होते ही गंभीर बाब समोर आलेली आहे. रात्री साडेतीन वाजेपर्यंत समाजकंटकांच्या दबावामुळे सैन्य दलातील कुटुंबीयांना पोलीस स्टेशनमध्ये बसवण्यात आले होते. यामध्ये वयोवृद्ध महिला , जेष्ठ नागरिक यांच्यासह तेरा व बारा वर्षाच्या लहान मुलांचा देखील समावेश आहे.

“ अलीकडच्या कालावधीमध्ये अशा प्रकारच्या घटना शहरांमध्ये वाढत असल्याने या घटनांना वेळीच आवर घालावा अशी विनंती मा. पोलीस आयुक्त अमितेश कुमार यांच्याकडे लेखी निवेदनाद्वारे करण्यात येणार असून आजच पोलीस उपायुक्त सोमय्या मुंडे यांच्याशी फोन द्वारे चर्चा झाली असून त्यांना लेखी निवेदनाद्वारे पत्र देखील पाठवण्यात आले “ असल्याचे नॅशनल कॉन्फरन्स फॉर मायनॉरिटी चे अध्यक्ष राहुल डंबाळे यांनी यावेळी कळविले आहे.

दरम्यान सदर घटनेचा निषेध नोंदविण्यासाठी गुरुवार दिनांक ३१ जुलै रोजी येरवडा येथिल पोलिस उपायुक्त कार्यालयासमोर लाक्षणिक धरणे आंदोलन करण्यात येणार आहे.असेही राहुल डंबाळे यांनी सांगितले .

देवेंद्र फडणविसांच्या वाढदिवसानिमित्त मुकुलमाधव फाउंडेशन आणि क्रिएटिव्ह फाउंडेशन तर्फे आरोग्य किट व इतर वस्तू वाटप – संदीप खर्डेकर.

पुणे- देवेंद्र फडणवीस हे चारित्र्यसंपन्न,नम्र आणि दूरदृष्टी असलेले लोकनेते आहेत असे गौरवोदगार उच्च तंत्र शिक्षणमंत्री चंद्रकांतदादा पाटील यांनी काढले. त्यांचे कार्य हे लोकाभिमुख आहे म्हणूनच त्यांनी त्यांच्या वाढदिवसाच्या निमित्ताने फ्लेक्सबाजी न करता रक्तदान किंवा अन्य सेवाकार्य करण्याचे आवाहन केले आणि त्याचे कार्यकर्त्यांनी तंतोतंत पालन केल्यामुळे विक्रमी रक्त संकलन पार पडले असेही चंद्रकांतदादा पाटील म्हणाले.त्यालाच अनुसरून क्रिएटिव्ह फाउंडेशन आणि मुकुलमाधव फाउंडेशन तर्फे 50 संस्थांना आरोग्य किट व इतर उपयुक्त वस्तू भेट देण्यात येत आहे हे कौतुकास्पद असल्याचेही चंद्रकांतदादा म्हणाले. सर्वांनी आपले वाढदिवस अश्या उपक्रमांनी साजरे केले तर त्याचा समाजातील गरजुंना लाभ होईल व त्यांना अधिक सेवाकार्य करता येईल असेही ते म्हणाले.
मुकुलमाधव फाउंडेशन आणि क्रिएटिव्ह फाउंडेशन च्या वतीने CM देवेंद्र फडणवीस यांच्या वाढदिवसाच्या निमित्ताने सेवा सप्ताहांतर्गत विविध संस्थांना आरोग्य किट, स्वामी आंगण वृद्धाश्रमास टी व्ही, वामन निवास ज्येष्ठ नागरिक संघास कपाट,तर बाल नवयुग मित्र मंडळ मॉडर्न कॉलोनी,आझाद मित्र मंडळ प्रभात रस्ता,ह्या मंडळाना स्पीकर सेट भेट देण्यात आले त्यावेळी ते बोलत होते. यावेळी क्रिएटिव्ह फाउंडेशन चे अध्यक्ष संदीप खर्डेकर, मुकुलमाधव फाउंडेशन चे सचिन कुलकर्णी, प्रदीप चांदेरे,माजी नगरसेविका मंजुश्री खर्डेकर, क्रिएटिव्ह फाउंडेशन च्या सौ.कल्याणी खर्डेकर, स्वामी आंगण वृद्धाश्रम च्या संचालिका आनंदी जोशी, वामननिवास ज्येष्ठ नागरिक संघाचे सुरेश थिटे, तसेच सनी लांडे, आशिष मोहळ ,सागर थरकुडे ,अजिंक्य बोत्रे,प्रथमेश वरघडे,कुणाल जोगवडे,सचिन पवार,निखिल शिंदे,विशाल गायकवाड
व इतर मान्यवर उपस्थित होते.
देवेंद्र फडणवीस यांच्या आवाहनानुसार क्रिएटिव्ह फाउंडेशन आणि मुकुलमाधव फाउंडेशन ने लोकोपोयोगी साहित्य वाटप करण्याचे ठरविले असे संदीप खर्डेकर म्हणाले.सध्या आरोग्याच्या समस्या मोठ्या प्रमाणावर वाढत असून त्यात ही बीपी व डायबेटीस चे प्रमाण वाढत आहे त्यामुळे 50 संस्थांना आरोग्य किट भेट देण्याचे ठरविले व त्यानुसार ब्लडप्रेशर तपासणी यंत्र, रक्तशर्करा तपासणी यंत्र आणि प्रथमोपचार पेटी भेट देण्यात येत आहे असेही संदीप खर्डेकर म्हणाले.आमच्याकडे विविध कारणांसाठी मदत मागणारे येतात, विविध सण, उत्सव येवढेच नव्हे तर अगदी “आखाड” करायचाय म्हणून आर्थिक मदत मागणारेही येतात, मात्र यापुढे आर्थिक मदत न करता मंडळाच्या परिसरातील नागरिकांना गरजेची असणारी “वस्तुरूपी” मदत करण्याचे आम्ही ठरविले असल्याचे संदीप खर्डेकर म्हणाले.
ज्येष्ठ नागरिक आणि विशेषतः वृद्धाश्रमातील नागरिकांना टीव्ही आणि उपयुक्त असे कपाट भेट देताना आनंद होतं असल्याचे मुकुलमाधव फाउंडेशन चे सचिन कुलकर्णी म्हणाले, तसेच येणाऱ्या काळात ही अश्याच पद्धतीने गरजुंना वस्तुरूपी मदत करण्यात येणार असल्याचेही श्री. कुलकर्णी यांनी स्पष्ट केले.
कार्यक्रमाचे संयोजन सौ. मंजुश्री खर्डेकर यांनी केले.

ना. चंद्रकांतदादा पाटील यांची माहिती

पुणे-कोथरुड मतदारसंघातील बाणेर-बालेवाडी-पाषाण- सोमेश्वरवाडी- सुतारवाडी भागातील वाहतूक कोंडी सोडवण्यासाठी मिसिंग लिंक पूर्ण करणे आवश्यक आहे. मात्र, यातील अनेक विषय जमीन अधिग्रहणाअभावी प्रलंबित पडत आहेत. त्यामुळे वाहतूक कोंडी सोडवण्यासाठी जिल्हाधिकाऱ्यांसोबत बैठक घेणार असल्याचे, ना. चंद्रकांतदादा पाटील यांनी स्पष्ट केले. तसेच, उच्च न्यायालयाच्या निर्णयाचे पालन करण्यास महापालिकेला अपयश येत असल्याबद्दल तीव्र नाराजी ही त्यांनी यावेळी व्यक्त केली.

बाणेर-बालेवाडी-पाषाण- सोमेश्वरवाडी- सुतारवाडी भागातील वाहतूक कोंडी सोडवण्यासाठी ना. चंद्रकांतदादा पाटील यांच्या निवासस्थानी आढावा बैठक झाली. या बैठकीला वाहतूक पोलीस उपायुक्त हिंमत जाधव, महापालिका पथ विभागाचे मुख्य अभियंता अनिरुद्ध पावसकर, कार्यकारी अभियंता रमेश वाघमारे, उपअभियंता दिलीप काळे, कनिष्ठ अभियंता शिवानंद पाटील, भाजपा सरचिटणीस पुनीत जोशी, गणेश कळमकर, उत्तर मंडल अध्यक्ष लहू बालवडकर, भाजप नेते प्रकाशतात्या बालवडकर, प्रल्हाद सायकर, माजी नगरसेवक अमोल बालवडकर, राहुल कोकाटे, रोहन कोकाटे, सचिन पाषाणकर, उमाताई गाडगीळ, उत्तर मंडल सरचिटणीस अस्मिता करंदीकर, सचिन दळवी, मोरेश्वर बालवडकर आदी उपस्थित होते.

सुरुवातीला मागील बैठकीतील इतिवृत्तानुसार काय कार्यवाही झाली याची माहिती ना. पाटील यांनी घेतली. यात प्रामुख्याने बाणेर-पाषाण लिंक रस्त्यासाठी आवश्यक असलेल्या जमिनीचे दोन महिन्यांत संपादन करून जमीन ताब्यात आल्यानंतर चार महिन्यांच्या कालावधीत हा रस्ता पूर्ण करावा,’ असे आदेश मुंबई उच्च न्यायालयाने पुणे महापालिकेला दिले असतानाही अद्याप सदर विषयावर कार्यवाही झाली नाही, त्यावर ना. पाटील यांनी तीव्र नाराजी व्यक्त केली. त्यासोबतच ज्युपिटर हॉस्पिटल, बाणेर मधील लक्ष्मीमाता मंदिर येथील रस्ता रुंदीतरण यांसह वाहतुकीस अडथळा ठरणारी अतिक्रमणे, खड्डेमय रस्ते, नादुरुस्त पदपथ आदींवर चर्चा झाली. त्यासोबतच मिसिंग लिंकची समस्या सोडवण्यासाठी आवश्यक जमीन अधिग्रहण होत नसल्याने त्यावर ही नापसंती व्यक्त केली.

त्यामुळे सदर प्रश्न तातडीने मार्गी लावण्यासाठी ३१ जुलै रोजी जिल्हाधिकारी आणि महापालिका आयुक्तांसोबत बैठक घेणार असल्याचे त्यांनी यावेळी स्पष्ट केले. तसेच, वाहतूककोंडीस कारणीभूत ठरणारी अतिक्रमणे तातडीने काढून घ्यावीत, अशा सूचनाही त्यांनी यावेळी अधिकाऱ्यांना दिल्या.