पुणे-शहरातील शिवाजीनगर पोलीस ठाण्यात मनसेचे १) किशोर शिंदे,२) प्रशांत मते,३) नरेंद्र ताबोळी,४) अविनाश जाधव ५) महेश लाड आणि इतर अशा कार्यकर्त्यांच्या विरोधात महापालिकेतील कर्मचारी अमोल शिवाजी पवार वय-३५ वर्षे धंदा-नोकरी रा. फ्लैट नंबर १/२०२, श्रऑनिवास संकूल,गोकूळनगर, कात्रज-कॉडया रोड, पुणे ४११०४६ यांनी आज मध्यरात्री म्हणजे ७ तारीख सुरु झाल्यावर १२ वाजल्यानंतर ५ ते १० मिनिटे झाल्यावर गुन्हा रजि.नं व कलम१२२/२०२५ भा. न्या. में कलम १३२,१८९ (२), म.पो. अधि. कलम ३७(१) (३) रह 135 अन्वये फिर्याद दाखल करून गुन्हा नोंदविला आहे आणि नमूद गुन्ह्यातील आरोपीना नोटीस देण्यात आलेली आहे.

दि.०६/०८/२०२५ रोजी सायंकाळी ४.५० ते ६ वाजण्याच्या दरम्यान पुणे महानगरपालिकाआयुक्त यांचे सभागृह व आवार या ठिकाणी येऊन
मनसे कार्यकर्त्यांनी धुडगूस घातल्याचे फिर्यादीचे म्हणणे आहे.
दिनांक ०६/०८/२०२५ रोजी १६/०० वाजताचे सुमारास आयुक्त पुणे महानगरपालिका यांचे सभागृहात शहर स्वच्छता बाबत मिटींग चालू होती. सदर खेळी अंदाने ३० ते ३५ अधिकारी सभागृहात हजर असताना अंदाजे १६/५० ते १८/०० वाजताचे सुमारास महाराष्ट्र नवनिर्माण सेनेचे किशोर शिंदे, प्रशांत मते, नरेंद्र साबोळी, अविनाश जाधव, महेश लाड व इतर यानी गैरकाद्याची मंडळी जमवून सभागृहाचे आत विनापरवाना प्रवेश करून धावून जावून सुरक्षारक्षाकांना धक्का बुक्की करुन आयुक्त व अतिरिक्त आयुक्त पृथ्वीराज बी पी यांना ‘तुम्हाला महाराष्ट्रात राहू देणार नाही असे बोलून शासकीय कामात आडचळा निर्माण केला. त्यानंतर सभागृहाचे बाहेर आल्यावर त्यांचे सोबत इतर महाराष्ट्र नवनिर्माण सेनेचे सहकारी त्यातील काही जनांनी पुणे महानगरपालिकाचे मुख्य प्रवेशद्वाराचे बंद असलेल्या गेटवर चढून आत मध्ये प्रवेश केला च अंदाजे १० ते १२ जण यांनी मिळून आयुक्त साहेब यांचे विरुध्द असंबंच्द घोषणा दिल्या तसेच त्यांनी पोलीस उप आयुक्त, विशेष शाखा यांच्या दिनांक ०५/०८/२०२५ रोजीचे ००/०९ चा. पासून ते दिनांक १८/०८/२०२५ रोजीचे २४/०० या पर्यंत १४ दिवसासाठी जाहिर असलेला मनाई आदेशाचे उल्लधंन केले. असे फिर्यादीत म्हटले आहे .
शिवाजीनगर पोलीस ठाण्याचे सहायक पोलीस निरीक्षक संजय पांढरे अधिक तपास करत आहेत .

महापालिका आयुक्त बंगल्यातील सुमारे २५ लाखाच्या साहित्य चोरीच्या बातमीचे वेगळेच पडसाद

पुणे महापालिकेच्या मुख्य इमारतीत आयुक्त नवल किशोर राम हे स्वच्छता अभियानासंदर्भात वरिष्ठ अधिकाऱ्यांसोबत बैठक घेत होते. त्यावेळी विनापरवानगी माजी नगरसेवक ॲड. किशोर शिंदे यांच्यासह आणखी तीन कार्यकर्ते आयुक्तांच्या बैठकीत घुसले. या मनसेचे नेते अचानक बैठक कक्षामध्ये आल्याने महापालिका आयुक्तांनी विचारले आपण कोण आहात, असे थेट आत कसे आलात, त्यावेळी शिंदे म्हणाले, मी दोन वेळा नगरसेवक होतो. चार वेळा आमदारकी लढवली आहे. त्यावर आयुक्त हिंदीमध्ये म्हणाले आप बाहर निकलो, असे म्हटल्यावर शिंदे यांनी त्यास आक्षेप घेत तुम्ही महाराष्ट्रात आहात, मराठीत बोला! असे सांगितले. त्यावर आयुक्तांनी विचारले, तुमचे काम काय आहे? यावर शिंदे म्हणाले, मी माजी नगरसेवक आहे. त्यावर आयुक्तांनी पुन्हा त्याच प्रश्नाची पुनरावृत्ती केली. यामुळे संतप्त झालेल्या शिंदे यांनी थेट आयुक्तांच्या खुर्चीकडे धाव घेतली. मी तुला महाराष्ट्राबाहेर पाठवीन अशी धमकी शिंदे यांनी दिली. त्यावर आयुक्त संतप्त झाले. महाराष्ट्रात मी अनेक वर्षे काम केले. मात्र बैठकीदरम्यान कुणीही जबरदस्तीने घुसलेले कधी पाहिले नव्हते. शिंदे हे मराठी संस्कृतीचे प्रतिनिधित्व करतात असे वाटत नाही. ते गुंडागर्दी करत होते.

पुणे -महापालिका आयुक्त नवल किशोर राम यांनी म्हटले आहे कि , ते कार्यकर्ते अचानक बैठकीत शिरले. मी त्यांना ओळखत नाही. अचानक आतमध्ये आल्याने त्यांना हिंदीत ‘आप बाहर निकल जाओ’बोललो. त्यावर साहेब मराठीत बोला नाहीतर महाराष्ट्राबाहेर घालवू असे ते म्हणाले, यावर ते अंगावर धावून आले. हा प्रशासनाचा अवमान आहे. त्यांच्याविरुद्ध पोलिसांकडे तक्रार केली आहे. यामुळे मी सकाळपासून मराठीतच बैठक घेत आहे.मनसे कार्यकर्ते हे फक्त गोंधळ घालण्याच्या हेतूने या ठिकाणी आले. त्यांचे कुठले विकासात्मक काम असते तर आम्ही समजून घेतले असते. मात्र त्यांचे तसे कुठले नागरिकांचे प्रश्न नव्हते. फक्त गोंधळ घालणे हा एकच अजेंडा होता. कुठलेही नागरिकांचे प्रश्न घेऊन न येता बैठकीत येऊन हातवारे करून माझ्या अधिकाऱ्यांसमोर असे बोलणे योग्य नव्हते. शिवाय त्यांनी धमकीची भाषा वापरली आहे, असेही नवल किशोर राम यांनी सांगितले.मात्र महापालिका आयुक्त बंगल्यातील सुमारे २५ लाखाच्या साहित्य चोरीबाबत त्यांनी अद्याप कोणताही स्पष्ट आणि समाधानकारक खुलासा केलेला नाही. तर दुसरीकडे ॲड. किशोर शिंदे म्हणाले, आम्ही आयुक्त बंगल्यातील साहित्य गायब झाल्याप्रकरणी निवेदन देण्यासाठी आलो होतो. बाहेर काही वेळ थांबल्याने बैठक कधी संपणार हे विचारण्यासाठी गेलो होतो. त्यांनी तू कोण? या भाषेत विचारणा केली. आमचा गुंड असा उल्लेख केला. त्यामुळे आम्ही बैठक कक्षाच्या बाहेर ठिय्या मारला. परंतु काही वेळाने त्यांनी परत आमच्या ठिकाणी येत तुमची गुंडगिरी सहन केली जाणार नाही, असा पुनरुच्चार केला. कर्मचाऱ्यांनी आमच्याकडील मोबाईल काढून घेतला. आयुक्तांनी मराठी लोकांना गुंड म्हणणे आम्ही कदापि सहन करणार नाही. आमच्यावर गुन्हे दाखल करा. आयुक्त कार्यालयाच्या आवारातील सीसीटीव्ही तपासा, मोबाईलवरील चित्रीकरण तपासा. आम्ही मागे हटणार नाही असा दावा शिंदे यांनी केला.

महापालिकेच्या मुख्य इमारतीत सुरू असलेल्या आयुक्तांच्या बैठकीत आंदोलक माजी नगरसेवक ॲड. किशोर शिंदे हे विना परवानागी घुसले. त्यावरून शिंदे आणि आयुक्त नवल किशोर राम यांच्यात शाब्दिक चकमक होऊन जोरदार वाद झाल्याचे स्पष्ट झाले आहे. आयुक्तांच्या म्हणण्यानुसार शिंदे यांनी आयुक्तांना मी तुला महाराष्ट्र बाहेर पाठवीन अशी धमकी दिली. त्यावर शिंदे हे मराठी संस्कृतीचे प्रतिनिधित्व करतात असे वाटत नाही. ते गुंडागर्दी करत होते. त्यामुळे संतप्त प्रतिक्रिया आयुक्तानी दिली.

पालिकेत हा प्रकार घडल्याचे कळताच मनसेचे कार्यकर्ते मोठ्या संख्येने पालिकेत गोळा झाले. मनसेच्या कार्यकर्त्यांनी जोरदार घोषणााबाजी केली. मनसेचे नेते बाबू वागसकर, रणजीत शिरोळे, साईनाथ बाबर हे पालिकेत आले. त्यांची व आयुक्तांची बराच वेळ बैठक सुरू होती.पालिकेत हा प्रकार घडल्यानंतर मोठा प्रमाणात पोलिस फौजफाटाही मागविण्यात आला. पालिका आयुक्त नवल किशोर राम यांनी पोलिस आयुक्तांना फोन केला. त्यानंतर पोलिस उपअधीक्षक, वरिष्ठ पोलिस निरीक्षक आणि पोलिस यांनी पालिकेत धाव घेतली. महापालिकेची सर्व प्रमुख दरवाजे बंद करण्यात आले. एवढेच नव्हे तर आयुक्त कार्यालयातील सर्व दरवाजे बंद करण्यात आल्याने अनेकजण आतमध्ये अडकून पडले होते.

पुणे दि.6 : ‘महसूल सप्ताह 2025 निमित्ताने जिल्ह्यात विशेष सहाय्य योजनेतील डीबीटी न झालेल्या लाभार्थ्यांना घरभेटीद्वारे पडताळणी करुन अनुदानाचे वाटप करण्याचे उद्दिष्ट निश्चित करण्यात आले, अशी माहिती जिल्हाधिकारी जितेंद्र डूडी यांनी दिली.

या उपक्रमाअंतर्गत जुन्नर तालुक्यात संजय गांधी निराधार योजनेतील 40 आणि श्रावण बाळ सेवा राज्य निवृत्ती वेतन योजनातील 31 याप्रमाणे आंबेगाव तालुक्यात 49 व 37, अप्पर तहसील पिंपरी चिंचवड 23 व 20, अप्पर तहसील लोणी काळभोर 203 व 71, हवेली 180 व 420, मावळ 17 व 10, मुळशी 15 व 17, इंदापूर 21 व 5, खेड 143 व 112, शिरूर 14 व 16, भोर 113 व 27, वेल्हा 65 व 28, बारामती 142 व 115, पुरंदर 9 व 7 आणि दौंड तालुक्यात 142 व 115 लाभार्थ्यांची पडताळणी करण्यात आली आहे.

दौंड तालुक्यात संजय गांधी निराधार योजना 53 आणि श्रावण बाळ राज्य सेवा निवृत्ती वेतन योजनेची 17 प्रकरणे नव्याने मंजूर करण्यात आल्याचे जिल्हाधिकारी श्री. डूडी यांनी कळविले आहे.
0000

पुणे : समाजसेवा म्हणजे फक्त काम नव्हे…तर ती एक निःस्वार्थ भावना असते. अशा मानणाऱ्या आणि त्यावर काम करणाऱ्या देशभक्त सुनिताताई निंबाळकर यांनी सुरू केलेली आई कलाग्राम फाउंडेशन’ ही संस्था लोकहिताचे अनेक उपक्रम आयोजित करते. त्याचाच एक भाग म्हणून समाजात विविध क्षेत्रात उत्तम काम करून देश सेवा करणाऱ्या व्यक्तींना सन्मानित करण्यासाठी ‘राज्यस्तरीय पुरस्कार वितरण सोहळा’ आणि ‘ध्यास माझा समाजसेवेचा फॅशन शो’ चे आयोजन येत्या शुक्रवार, दि. ८ ऑगस्ट २०२५ रोजी सायं. ४.३० ते ९ या वेळेत कॅम्प येथील जवाहरलाल नेहरू मेमोरियल हॉल येथे केले आहे; अशी माहिती कार्यक्रमाच्या आयोजका सुनीता निंबळकर यांनी पत्रकार परिषदेत दिली. यावेळी व्यवसाय मार्गदर्शक एस. एस. सावंत, सुनीता धायगुडे, शिल्पा टिकोणे व फाउंडेशनचे अन्य पदाधिकारी उपस्थित होते.

आई कलाग्राम फाउंडेशन ही एक बहुउद्देशीय संस्था असून संस्थेचा आयोजित करण्यात आलेल्या या पुरस्कार सोहळ्यामध्ये राज्यघटून एकूण ४० पुरस्कार देण्यात येणार आहे यामध्ये, सामाजिक संस्था (NGO), कला, क्रीडा, उद्योजक, शिक्षक, कायदा आदी अनेकांचा सहभाग असणार आहे. शाल, श्रीफळ, सन्मानपत्र आणि सन्मानचिन्ह अशी या पुरस्काराचे स्वरूप असून हे पुरस्कार मित्र मान्यवरांच्या हस्ते प्रदान करण्यात येणार आहे. प्रमुख पाहुणे म्हणून ज्येष्ठ उद्योजक किसन भोसले, माईंड पॉवर ट्रेनर व लेखक दत्ता कोहिनकर, व्यावसायिक मार्गदर्शक एस. एस. सावंत सर, उद्योजक प्रकाश नेवसे, समाजसेवक चंद्रकांत पाटील, पुष्पा कटारिया आणि दीपक भोसले आदि उपस्थित राहणार आहे.

समाजामध्ये उत्तम समाजसेवक निर्माण व्हावे यासाठी वेळोवेळी मार्गदर्शन, आर्थिकबाजूने समाजात सक्षमता वाढावी यासाठी उद्योजक मेळावे व मार्गदर्शन शिबिर, विविध क्षेत्रात उत्तम काम करून राष्ट्राची सेवा करणाऱ्या व्यक्तींना कौतुकाची थाप मिळावी या उद्देशाने फाउंडेशन कार्यक्रम घेत आहेत. शहरातील अथवा ग्रामीण भागातील सामान्य जनतेसाठी, दुःखात सापडलेल्या प्रत्येकासाठी या फाउंडेशन संस्थेच्या माध्यमातून नागरी समस्या, आदिवासी, धनगर, कातकरी समाजासाठी काम, आरोग्य शिबिराचे आयोजन करणे, जनजागृती व सांस्कृतिक कार्यक्रमांचे आयोजन, महिलांच्या अन्यायाविरुद्ध लढा देणे,जगाचा पोशिंदा असणाऱ्या शेतकऱ्यांच्या वेदनांवर मलम देण्याचे काम, गरिबांच्या घराच्या जप्त्या थांबवने, सावकारीच्या जाळ्यात अडकलेल्यांना मदतीचा हात देणे, शिक्षणात अडथळा आलेल्या विद्यार्थ्यांना मार्गदर्शन व योग्य ती मदत, कायद्याविषयी अज्ञान दूर करत अनेकांना न्याय मिळवून देणे इत्यादी अनेक कामे सुनीताताई यांच्या जीवनाचं मिशन झालं आहे.

पुणे – अहिंसा परमो धर्म! या दृष्टिकोनातून जैन समाज, जैन मुनिवर्य हत्तींकडे पाहतात. भगवान महावीर यांनी जो अहिंसेचा संदेश दिलेला आहे, त्या संदेशाच्या मार्गावर जैन बांधव चालतात तसेच जैन बांधवांचा या देशाच्या इकॉनॉमी मध्ये सिंहाचा वाटा आहे. जैन स्वामी मठांची जैन बांधवांची भगिनींचा आम्ही आदर करतो. आणि स्वतः अहमदनगर येथील आनंदा श्रमामध्ये प्रत्येक महिन्यातील एखाद्या गुरुवारी जातो. आणि जैन मुनींचा आशीर्वाद घेतो. त्या जैन समाजाचा त्यांच्या गुरुवर्यांचा, त्यांचा रोष कुणालाही परवडणार नाही. त्यामुळे नांदणी मठातील महादेवी उर्फ माधुरी हत्ती सर्वोच्च न्यायालयाच्या निर्णयावर पुनर्विचार याचिका दाखल करून परत आणावीच लागणार यात तीळ मात्र शंका नाही. आज नांदणी मठातील महादेवी उर्फ माधुरी या हत्तीच्या संदर्भात न्यायालयीन निर्णयानंतर उभ्या राहिलेल्या परिस्थितीबाबत माझी भूमिका स्पष्ट करण्यासाठी पत्रकार परिषद घेत आहे. एक माजी पोलीस अधिकारी या नात्याने मला जनतेपुढे सत्य मांडणे आवश्यक वाटत असल्याचे सांगत माजी पोलीस अधिकारी भाऊसाहेब आंधळकर यांनी पत्रकार परिषद घेतली. यावेळी जैन समाजातील काही नागरिक त्यांच्यासोबत पत्रकार परिषदेस उपस्थित होते.

राजकीय स्वार्थासाठी भावनांचा गैरवापर – न्यायालयीन प्रक्रियेने हा विषय मार्गी लावण्याऐवजी काही राजकीय नेते या मुद्यावर केवळ राजकीय पोळी भाजण्यासाठी जनभावना भडकवण्याचे काम करत आहेत. स्वाभिमानी शेतकरी संघटनेचे नेते राजू शेट्टी हे त्यातील मुख्य चेहरे आहेत.राजू शेट्टी यांची दुटप्पी भूमिका उघड झाली आहे. राजू शेट्टी यांनी एप्रिल २०१८ मध्ये वनविभागाला पत्र लिहून हत्ती सांभाळण्याची व्यवस्था नसल्याचे मान्य केले होते व हत्तीचा ताबा घेण्याची विनंती केली होती. यामुळेच पेटा सारख्या संघटनांनी लक्ष वेधून घेतले आणि कायदेशीर प्रक्रिया सुरू झाली. त्यानंतरच्या घटनांचा रोख राजू शेट्टी यांच्या पत्रामुळेच बदलला. आज, तेच राजू शेट्टी आपल्यालाच माधुरीवरील प्रेमाचे प्रदर्शन करताना दिसतात. २०१८ मधील पत्र आणि पेटा प्रतिनिधींसोबतचे त्यांचे फोटो देखील सार्वजनिक झाले आहेत, त्यामुळे आता ते स्वतःची प्रतिमा वाचवण्यासाठी विविध अफवा पसरवत आहेत. त्यांनी हत्तीचा तात्पुरता ताबा घेण्याचे पत्र दिले, पण ते पत्र कुठेही “परत देऊ” अशी भाषा वापरत नाही. यामुळे त्यांची भूमिका स्पष्टपणे दुटप्पी आणि भ्रामक आहे. पेटावर दोन कोटींचा आरोप करत अफवा पसरवणे ही जबाबदारीशून्य आणि दिशाभूल करणारी वागणूक आहे.

राजू शेट्टी यांचा मोर्चा की केवळ स्टंट?

राजू शेट्टी यांनी रविवारी कलेक्टर ऑफिस बंद असतानाही तेथे मोर्चा नेण्याचा हास्यास्पद प्रयत्न केला. मोर्चात त्यांच्या अंगावर माधुरीचा फोटो असलेला बनियन होता, परंतु इतर कार्यकर्त्यांकडे तो नव्हता. हे स्पष्टपणे दर्शवते की, हा मोर्चा केवळ राजकीय पुनर्वसनाचा स्टंट होता.

माधुरीच्या मुद्द्यावर भूमिका स्पष्ट करताना आंधळकर म्हणाले की, जैन समाजाच्या भावना आम्हाला माहीत आहेत. नंदनी मठ हे श्रद्धास्थान असून महादेवी हत्ती हा त्यांच्या श्रद्धेचा भाग आहे. सरकारने न्यायालयात पुनर्विचार याचिका दाखल करून तामिळनाडू राज्यात आपली परंपरा संस्कृती या अन्वयी पिढ्यांपुढे चालणारा जल्लीकट्टू सारख्या खेळावर सुद्धा या पिता सारख्या संघटनांनी तक्रार केल्याने मद्रास हायकोर्ट 2014 बंदी आणली व 2017, 2018 मध्ये या ठिकाणी राज्य सरकार सर्वोच्च न्यायालय या ठिकाणी गेल्या 2023 ला जलीकट्टू व बैलगाडा शर्यत हा खेळ आहे यामुळे अशी बंदी उठवली गेली, घटनांचे उदाहरण घेऊन कायद्यात दुरुस्ती करावी.
महादेवी उर्फ माधुरी हिला नंदनी मठात परत आणल्याशिवाय आम्ही थांबणार नाही. कोणताही राजकीय पक्ष किंवा नेते यावर राजकारण करत असतील, तर जनता त्यांना योग्य धडा शिकवेल. राजू शेट्टी यांच्यासारख्या नेत्यांनी जर जनभावनांचा फक्त राजकीय स्वार्थासाठी वापर केला, तर आम्ही त्यांना महाराष्ट्रात फिरू देणार नाही असा इशारा आंधळकर यांनी दिला.

पुणे-भारतीय रिझर्व्ह बँकेच्या (आरबीआय) १ एप्रिल २०२५ पासून अमलात आलेल्या सुधारित मास्टर निर्देशानुसार सार्वजनिक धर्मादाय ट्रस्ट आणि अशा संस्थांच्या बचत खात्यांवर कडक निर्बंध घालण्यात आले आहेत. या निर्देशांनुसार फक्त ठरावीक निकष पूर्ण करणाऱ्या नोंदणीकृत करमुक्त ट्रस्टनाच सहकारी बँकांमध्ये बचत ठेव खाती ठेवण्याची परवानगी असेल; इतर अपात्र संस्थांची बचत खाती चालू खात्यात रूपांतरित करण्याचे निर्देश देण्यात आले असल्याचे उद्यम सहकारी बँकेचे संचालक, सामाजिक कार्यकर्ते व क्रिएटिव्ह फाउंडेशन चे अध्यक्ष संदीप खर्डेकर यांनी सांगितले.. या नियमनामुळे सार्वजनिक गणेशोत्सव मंडळे आणि अपंजीकृत सोसायट्यांसारख्या सर्व संस्थांच्या बँकिंग व्यवहारांमध्ये तातडीची शिस्त लागणार असल्याची माहिती ह्या क्षेत्रातील तज्ञानी दिली आहे..मात्र ह्या नियमाची माहिती नसल्याने अनेक मंडळाचे व्यवहार अडविले असल्याने त्यांची अडचण होत आहे असे निदर्शनास आल्याचेही संदीप खर्डेकर म्हणाले.

मुख्य निर्देश:
करमाफी पात्र ट्रस्टसाठीच बचत खाते: नोंदणीकृत धर्मादाय ट्रस्ट ज्यांचे संपूर्ण उत्पन्न आयकर कायदा, १९६१ अंतर्गत करमुक्त आहे, अशांनाच सहकारी बँकांमध्ये बचत ठेव खाते ठेवण्याची मुभा आहे.

प्रमाणपत्राची सक्ती: अशा पात्र संस्थांनी आयकर विभागाकडून प्राप्त वैध करमाफी प्रमाणपत्र (उदा. कलम 12A अथवा फॉर्म 10AC) बँकेत सादर करणे बंधनकारक आहे.

प्रमाणपत्र नसल्यास खाते रूपांतर – जर संस्थेकडे असे करमाफी प्रमाणपत्र उपलब्ध नसेल, तर तिचे बचत खाते बंद करून चालू खात्यात रूपांतरित करावे लागेल.

गैर-नोंदणीकृत संस्थांनाही मर्यादा: अपंजीकृत सोसायट्या, अपार्टमेंट/कॉनडोमिनियम रहिवासी संघ आणि गणेशोत्सव मंडळे यांनाही हे नियम तितकेच बाध्य आहेत; अशा सर्वांना बचत खाते ठेवण्यास मनाई असल्याने बँकांनी त्यांच्यासाठी चालू खातीच उघडावीत.

विद्यमान खात्यांचे त्वरित रूपांतर – ज्या विद्यमान बचत खात्यांसाठी संबंधित संस्थांनी अद्याप वरीलप्रमाणे करमाफी प्रमाणपत्र सादर केलेले नाही, ती खाती तत्काळ बंद करून चालू खात्यात रूपांतरित करण्याचे निर्देश देण्यात आले आहेत. त्यामुळे अशा संस्थांच्या जमा रकमेवर आता बचत खात्याचे व्याज मिळणार नाही.
उद्य‍म विकास सहकारी बँकेचे संचालक संदीप खर्डेकर यांनी सर्व सार्वजनिक न्यास, मंडळे व संस्थांना नवीन नियमांचे पालन करण्याचे आवाहन केले आहे. “या नव्या निर्देशांचे काटेकोर पालन केल्यास बँकिंग व्यवस्थेत शिस्तबद्धता येऊन अनियमित व्यवहारांना आळा बसण्यास मदत होईल,” असे खर्डेकर म्हणाले. “फक्त ज्यांनी आपले करमाफी प्रमाणपत्र (12A/10AC) सादर केले आहे त्यांनाच बचत खात्यावरील व्याजाचा लाभ मिळत राहील; जे मंडळे वा संस्थांनी अद्याप हे प्रमाणपत्र सादर केलेले नाही, त्यांना आता चालू खात्यावर कामकाज करावे लागेल. त्यामुळे त्यांच्या आर्थिक व्यवहारांत आवश्यक शिस्त येईल,” असेही त्यांनी नमूद केले. खर्डेकर यांनी सार्वजनिक ट्रस्ट संस्थांनी आर्थिक शिस्तीच्या दृष्टीने या बदलाचे त्वरीत पालन करून रिझर्व बँकेच्या निर्देशांचे पालन करावे, असे आवाहन केले आहे.

पुणे, दि. ६ : राज्य उत्पादन शुल्क पुणे विभागाच्या भरारी पथक १ व ३ च्यावतीने करण्यात आलेल्या कारवाईत १९ लाख ७१ हजार २०० रुपये किंमतीचा मुद्देमाल जप्त आला आहे.

राज्य उत्पादन शुल्क भरारी पथक क्रमांक १ व ३ चे निरीक्षक देवदत्त पोटे यांच्या पथकास मिळालेल्या खात्रीलायक बातमी नुसार मंगळवारी (५ ऑगस्ट) मार्केट यार्ड पुणे तसेच शेलपिंपळगाव ता. खेड व आंबी ता. मावळ या तीन वेगवेगळ्या ठिकाणी सापळे रचून ५ वाहनांसह ३ हजार २२० लिटर गावठी हातभट्टी दारु असा एकूण १९ लाख ७१ हजार २०० रुपये किंमतीचा दारूबंदी गुन्ह्यातील मुद्देमाल जप्त करण्यात आला. या प्रकरणी चार जणांना अटक करण्यात आली आहे.

या कारवाईत निरीक्षक देवदत्त पोटे, दुय्यम निरीक्षक डी. एस. सूर्यवंशी श्री. वाय.एम.चव्हाण, श्री. ए.डी. गायकवाड सहाय्यक दुय्यम निरीक्षक सागर साबळे संजय साठे, जवान सर्वश्री. अहमद शेख भरत नेमाडे, चंद्रकांत नाईक, विजय भानवसे अमर कांबळे, अनिल दांगट, जी. बी. माने, जयदास दाते. जगन्नाथ चव्हाण व महिला जवान अक्षदा कड, जवान नि वाहन चालक प्रमोद खरसडे व शरद हंडगर यांनी सहभाग घेतला.

महाराष्ट्र राज्यात प्रतिबंधित मद्य तसेच गावठी हातभट्टी दारूच्या निर्मिती, विक्रीमुळे महसुलाचे मोठ्या प्रमाणात नुकसान होत असते. याबाबत कोणास माहिती मिळाल्यास निरीक्षक, राज्य उत्पादन शुल्क भरारी पथक क्रमांक १ ताडीवाला रोड, पुणे व निरीक्षक राज्य उत्पादन शुल्क भरारी पथक क्रमांक ३, तळेगाव दाभाडे ता. मावळ, या पथकांशी संपर्क साधावा, असे आवाहन निरीक्षक देवदत्त पोटे यांनी प्रसिध्दी पत्रकान्वये केले आहे.