पुणे : महाराष्ट्रीय कलोपासक आयोजित हीरक महोत्सवी पुरुषोत्तम करंडक एकांकिका स्पर्धेला आज (दि. 10 ऑगस्ट) जल्लोषात सुरुवात झाली.
भरत नाट्य मंदिर येथे या स्पर्धेचे आयोजन करण्यात आले आहे. स्पर्धा दि. 24 ऑगस्टपर्यंत सुरू राहणार आहे. सकाळच्या सत्रात ‌‘सत्यं शोधं सुंदरम्‌‍‌’ (अखिल भारतीय मराठा शिक्षण परिषदेचे अनंतराव पवार कॉलेज ऑफ इंजिनिअरिंग अँड रिसर्च), ‌‘मॅरेज ॲकॅडमी..‌’ (पिंपरी-चिंचवड अभियांत्रिकी महाविद्यालय, आकुर्डी), ‌‘वर्दी‌’ (एन. बी. पी. सिंहगड टेक्निकल इन्स्टिट्यूट कॅम्पस, आंबेगाव) तर सायंकाळच्या सत्रात ‌‘झेप‌’ (गरवारे वाणिज्य महाविद्यालय स्वायत्त), ‌‘मोक्ष कॅफे‌’ (अजिंक्य डी. वाय. पाटील अभियांत्रिकी महाविद्यालय), ‌‘द स्मेल‌’ (इंदिरा कॉलेज ऑफ कॉमर्स अँड सायन्स) या एकांकिकांचे सादरीकरण झाले.

सोमवार, दि. 11 ऑगस्ट रोजी सादर होणाऱ्या एकांकिका
वेळ : सायंकाळी 5 वाजता
‌‘इन बिटवीन ऑफ‌’ (बृहन महाराष्ट्र महाविद्यालय), ‌‘व्हिक्टोरिया‌’ (डी. ई. एस. पुणे युनिव्हर्सिटी, शिवाजीनगर), ‌‘मृगजळ‌’ (टिकाराम जगन्नाथ कला, वाणिज्य व विज्ञान महाविद्यालय, स्वायत्त)

संस्था आणि स्पर्धेचा चित्रमय इतिहास..

महाराष्ट्रीय कलोपासकचे 90वे वर्ष आणि पुरुषोत्तम करंडक एकांकिका स्पर्धेचा हीरक महोत्सव यानिमित्त भरत नाट्य मंदिराच्या आवारात संस्था आणि स्पर्धेचा ‌‘मागे वळून पाहताना‌’ हा चित्रमय इतिहास मांडण्यात आला आहे. तसेच सेल्फी पाँईटही करण्यात आला आहे. पुरुषोत्तम करंडक स्पर्धेत यश मिळविलेल्या संघांची नावेही येथे झळकत आहेत.

पुणे –

महाराष्ट्र नवनिर्माण विद्यार्थी सेनेच्या राज्य प्रमुख संघटक पदी पुन्हा प्रशांत कनोजिया यांची निवड करण्यात आली आहे.

 महाराष्ट्र नवनिर्माण विद्यार्थी सेनेचे अध्यक्ष अमित ठाकरे यांनी राज्यातील मनविसे वर्धापन दिन मनविसे कर्जत येथील शिबिरात राज्य पदाधिकाऱ्यांच्या नियुक्त्या जाहीर केल्या आहेत. त्यात प्रशांत कनोजिया यांच्यावर 
पुन्हा “राज्य प्रमुख संघटक”
पदाची जबाबदारी सोपविण्यात आली आहे. विद्यार्थी दशेपासुन सामाजिक चळवळीत कार्य करणारे कनोजिया यांनी महाविद्यालयात शाखाध्यक्ष , विभाग अध्यक्ष, शहराध्यक्ष, जिल्हाध्यक्ष पदापासून अनेक पदांवर आजपर्यंत यशस्वी कार्य केले आहे. विद्यार्थ्यांचे प्रश्न असो किंवा पालकांना भेडसावणाऱ्या  समस्यांवर आवाज उठविण्यासाठी वेळोवेळी आंदोलन केलेले आहे. विद्यार्थी न्याय हक्कासाठी जेल भोगली आहे
समाजातील विविध प्रश्नांच्या सोडवणुकीसाठी ते सतत आग्रही आणि आक्रमक राहिलेले आहेत. वाहतूक कोंडीत अडकणाऱ्या
 रुग्णवाहिकांना सहज सुकर मार्ग मिळावा आणि रुग्णांना, अपघातग्रस्तांना वेळेत हॉस्पिटलमध्ये उपचार मिळावेत यासाठी कनोजिया यांच्या पुढाकारातून स्थापन झालेल्या  हेल्प रायडर्स एक जीव वाचवण्याची चळवळीचे कार्य राज्यस्तरावरच नाही तर आंतरराज्य पातळीवर पसरले आहे.मनसेचे अध्यक्ष राजसाहेब ठाकरे आणि  महाराष्ट्र नवनिर्माण विद्यार्थी सेनेचे अध्यक्ष अमित ठाकरे यांनी सोपवलेली प्रत्येक जबाबदारी निश्चितच  पार पाडली जाईल. विद्यार्थी आणि पालकांसाठी दिशादर्शक कार्य केले जाईल विद्यार्थी सुरक्षा व हक्काच्या शैक्षणीक सुविधा भेटण्यासाठी
पालकांची फसवणूक,पिळवणूक या विषयावर विशेष कार्य करणार आहे अशी ग्वाही नियुक्तीनंतर प्रशांत कनोजिया यांनी दिली. 

पुणे- वृध्द महिलांना हेरून त्यांच्या गळयातील सोन्याचे दागिने न जबरदस्तीने हिसका मारुन चोरी करून पळवणारे २ भामटे पोलिसांनी गजाआड केले आहेत.

या संदर्भात पोलिसांनी सांगितले कि,’सिंहगड रोड पोलीस स्टेशन गु.र.नं. ३८७/२०२५ भा.न्या.सं.क. ३०९ (४), ३ (५) अन्वये दि. ०४/०८/२०२५ रोजी गुन्हा दाखल असुन सदर गुन्हयातील तक्रारदार महिला या वयस्कर असल्याने त्याचा गैरफायदा घेवुन दोन अनोळखी इसमांनी रात्रीच्या वेळी त्यांच्या गळयातील सोन्याची चैन जबरदस्तीने हिसका मारुन चोरी करुन घेवुन गेले होते.
वरिष्ठांचे आदेशाने व मार्गदर्शनाखाली तपास पथकाचे प्रभारी अधिकारी व पोलीस अंमलदार सदर गुन्हयातील आरोपींचा शोध घेत असताना, पोलीस अंमलदार आण्णा केकाण, तानाजी सागर व निलेश भोरडे यांना त्यांचे खास बातमीदारा मार्फत बातमी मिळाली की, दोन दिवसापुर्वी ओसीस सोसायटी समोर, सार्वजनिक रोडवर झील कॉलेज चौक न-हे पुणे येथे दोन अनोळखी इसमांनी एका वृध्द महिलेच्या गळ्यातील सोन्याची चैन चोरी केली होती. सदरचे इसम राममंदिर जवळ अंबाईदरा धायरी पुणे येथे थांबलेले असुन त्यामधील एकाने लालसर रंगाचा शर्ट घातलेला व डोक्यावर पांढ-या रंगाची टोपी घातलेला साधारण ३० ते ३५ वयोगटातील इसम आहे व दुसरा पांढ-या रंगाचा शर्ट व हाफ बर्मुडा पॅट घातलेला साधारण २५ ते ३० वयोगटातील इसम आहे.
अशी खात्रीशीर बातमी मिळाल्याने तपास पथकाचे प्रभारी अधिकारी पोलीस उप-निरीक्षक संतोष भांडवलकर, सिंहगड रोड पोलीस स्टेशन पुणे शहर यांनी सदरची बातमी वरिष्ठांना कळवुन त्यांचे आदेशाने मिळालेल्या बातमीच्या ठिकाणी जावुन खात्री करता, बातमीतील वर्णनाचा दोन इसम हे थांबलेले दिसले, त्यास स्टाफच्या मदतीने ताब्यात घेवुन त्यास त्याचे नाव व पत्ता विचारले असता, त्याने त्याचे नाव राहुलकुमार शामकुमार वय ३३ वर्षे रा. फ्लॅट नं.१४ तिसरा मजला, गणेश हाईटस मतेनगर अंबाईदरा धायरी पुणे. गोविंदा कुमार ओमप्रकाश वय ३५ वर्षे रा. सदर असे असल्याचे सांगितले, त्याचेकडे दाखल गुन्हयाचे अनुषंगाने तपास केला असता, हा गुन्हा त्यांनी केल्याचे तपासात निष्पन्न झाल्याने त्यांना दाखल गुन्हयात अटक करुन त्यांचेकडुन दाखल गुन्हयातील चोरी केलेली ६०,०००/-रु.किं.ची सोन्याची चैन व सिंहगड रोड पोलीस स्टेशन गु.र.नं. ३९१/२०२५ बीएनएस कलम २०२३ चे कलम ३०३ (२) मधील गेली ३०,०००/-रु.किं.ची एक होंडा कंपनीची काळ्या रंगाची शाईन मोटार सायकल तिचा आर टी ओ नंबर एम एच १२ टी एम ४६५७ ही जप्त करण्यात आली आहे. असा एकुण ९०,०००/- रु.किं.चा ऐवज जप्त करण्यात आला आहे.
सदरची कामगिरी अपर पोलीस आयुक्त पश्चिम प्रादेशिक विभाग राजेश बनसोडे , पोलीस उप-आयुक्त परीमंडळ ३ , संभाजी कदम,सहा पोलीस आयुक्त, सिंहगड रोड विभाग अजय परमार, वरीष्ठ पोलीस निरीक्षक सिंहगड रोड पोलीस स्टेशन दिलीप दाईंगडे, पोलीस निरीक्षक (गुन्हे) उल्हास कदम यांचे मार्गदर्शनाखाली पोलीस उप निरीक्षक संतोष भांडवलकर, पोलीस अंमलदार उत्तम तारु, आण्णा केकाण, विकास बांदल, देवा चव्हाण, सागर शेडगे, निलेश भोरडे, तानाजी सागर, राहुल ओलेकर, गणेश झगडे, विनायक मोहिते, सतिष मोरे, संदिप कांबळे, समीर माळवदकर, शिरीष गावडे यांचे पथकाने केली.

पुणे- सुमारे एक महिन्यापासून खुनाच्या प्रयत्नातील फरार आरोपी बाबा खान ला पोलिसांनी अखेर येथे जेरबंद केले आहे. पोलिसांनी या संदर्भात सांगितले कि,’दिनांक ०२/०७/२०२५ रोजी एक अल्पवयीन पिडीत मुलगा हा त्याचे रहाते घराजवळील सार्वजनीक शौचालय, शिवाजीनगर रेल्वे स्टेशन जवळ, पुणे येथे गेला असताना आरोपी गौरव गणेश तेलंगी ,अलोक सचिन अलगुडे व बाबा पुर्ण नाव, पत्ता माहित नाही यांनी पुर्वी झालेल्या भांडणाचा राग मनात धरून पिडीतास जिवे ठार मारण्याचे उद्देशाने धारधार हत्याराने डोक्यावर, पाठीवर वार करून तसेच डावे हाताचे मनगटापासून पंजा वेगळा करून गंभीर जखमी केले म्हणुन शिवाजीनगर पो.स्टे. येथे गु.र.नं.९९/२०२५, भा.न्या.सं. कलम १०९,३ (५), आर्म अॅक्ट क.४/२५, महा. पो. अॅक्ट ३७ (१), (३) सह १३५ अन्वये गुन्हा दाखल करण्यात आला होता .
हा गंभीर स्वरूपाचा गुन्हा घडल्यानंतर शिवाजीनगर पोलीस स्टेशनकडील पोलीसांनी गौरव गणेश तेलंगी व अलोक सचिन अलगुडे यांना यापुर्वीच अटक केली होती पण बाबा खान पळाला होता .
युनिट-१ चे पोलीस अधिकारी व पोलीस अंमलदार हे दाखल गुन्ह्यातील पाहीजे आरोपी बाबा पुर्ण नाव, पत्ता माहित नाही याचा शोध घेत असताना युनिट १ चे पोलीस अंमलदार हेमंत पेरणे यांना बातमीदारामार्फत बातमी मिळाली की, या गुन्ह्यातील WANTEDआरोपी बाबा याचे पुर्ण नाव साजिद उर्फ बाबा नजिर लाला खान असे असून तो दिनांक ०८/०८/२०२५ रोजी रात्रीचे वेळी त्याचे मित्रांना भेटण्यासाठी अंगारशहा तकीया, गंजपेठ, पुणे येथे येणार असून त्याने लाल रंगाचा पठाणी ड्रेस घातलेला आहे. अशी खात्रीशीर बातमी प्राप्त झाल्याने लागलीच युनिट १ कडील पोलीस अधिकारी व पोलीस अंमलदार यांनी अंगरशहा तकीया, गंजपेठ, पुणे येथे सापळा रचुन साजिद उर्फ बाबा नजिर लाला खान, वय २३ वर्ष, रा. व्दारा-मोहसिन शेख दत्त मंदीरा, सुखसागर, बिबवेवाडी यास ताब्यात घेऊन त्यास विश्वासात घेवून अधिक तपास करता, त्याने सदरचा गुन्हा त्याचे साथीदारांचे मदतीने केल्याची कबुली दिल्याने त्यास पुढील कार्यवाहीसाठी शिवाजीनगर पोलीसंच्या ताब्यात देण्यात आले आहे.
सदरची कामगिरी ही अपर पोलीस आयुक्त, गुन्हे पंकज देशमुख, पोलीस उप-आयुक्त, गुन्हे निखील पिंगळे, सहाय्यक पोलीस आयुक्त, गुन्हे-२, पुणे शहर, राजेंद्र मुळीक यांच्या मार्गदर्शनाखाली वरिष्ठ पोलीस निरीक्षक, यमनिट-१ गुन्हे शाखा पुणे शहर कुमार घाडगे, सहा. पोलीस निरी. बर्गे, पोलीस अंमलदार विनोद शिदे, विठ्ठल साळुंखे, मयुर भोसले, अमित जमदाडे, हेमंत पेरणे, निलेश साबळे व उमेश मठपती यांचे पथकाने केली आहे.

पुणे: “कोणताही प्रकल्प उभारताना कंत्राटदार, अभियंता हा महत्त्वाची भूमिका बजावत असतो. मात्र अनेक कंत्राटदार, राजकीय पुढारी भ्रष्टाचाराच्या गर्तेत सापडलेले दिसतात. अभियंत्यांनी यापासून दूर राहत समाजाचा विचार करून विधायक कार्य करण्याला प्राधान्य द्यावे,” असे प्रतिपादन ज्येष्ठ साहित्यिक, माजी संमेलनाध्यक्ष डॉ. श्रीपाल सबनीस यांनी केले.

‘अभियंता मित्र’ या मासिकाच्या ३९ व्या वर्धापनदिनानिमित्त आयोजित ‘शोध अभियांत्रिकी मनाचा’ कार्यक्रमात डॉ. सबनीस बोलत होते. मंगळवार पेठेतील सिंचनभवनच्या डाॅ. मोक्षगुंडम विश्वेश्वरय्या सभागृहात झालेल्या कार्यक्रमाला मराठा सेवा संघाचे पुरुषोत्तम खेडेकर, जलसंपदा विभागाचे माजी अधिकारी नंदकुमार वडनेरे, अभियंता मित्र मासिकाचे संपादक डाॅ. कमलकांत वडेलकर, दिनकर गोजारे , सुनिल कदम, अनिरुद्ध पावसकर, युवराज देशमुख, आ रेखा खेडेकर,व्यंकटराव गायकवाड, प्रवीण किडे यांच्यासह पुणे व मुंबई महानगरपालिकेतील अनेक अभियंते उपस्थित होते.

डॉ. श्रीपाल सबनीस म्हणाले, “सभोवतालचे राजकारण, धर्मकारण, सत्ताकारण अर्थकारण, संस्कृतीकरण भ्रष्टाचाराने बरबटलेले असताना,  अभियंत्यांच्या भोवती तयार झालेले आरोपाचे, संशयाचे भूत बाजूला करून विधायक कार्य करणाऱ्या अभियंत्याची सकारात्मक बाजू मांडणे, त्यांचा गौरव करणे हे स्तुत्य काम आहे. वडेलकरांनी या मासिकाच्या माध्यमातून ते अविरतपणे मांडले आहे. अभियंत्याच्या कर्तृत्वाला जात-धर्म नसतो. त्यामुळे समाजहित लक्षात घेऊन विधायक कार्य उभा करण्याची आज गरज आहे. अभियंता तसेच पत्रकार म्हणून वडेलकर शासनाच्या मदतीशिवाय,  जाहिरातीशिवाय मासिक चालवण्याचे शिवधनुष्य पेलत आहेत.”

पुरुषोत्तम खेडेकर म्हणाले, “उत्कृष्ट कार्यक्षमता असणारे अनेक अभियंते आजही कार्यरत आहेत. परंतु त्यांची चांगली बाजू समाजासमोर येत नाही. अशावेळी वडेलकर ती आपल्या मासिकातून मांडत आहेत,त्याबद्दल त्यांचे कौतुक आहे.”

वडेलकर यांनी स्वागत प्रास्ताविकात कार्यक्रमाच्या आयोजना मागची भूमिका स्पष्ट केली. तसेच अभियंता मित्र मासिकाच्या माध्यमातून अभियंता मनाचा शोध कसा घेतला जातो, चांगले काम करणाऱ्या अभियंत्याच्या कार्यावर प्रकाश टाकला जातो, याविषयी सविस्तरपणे विवेचन केले.

सुमारे तीन लक्ष पन्नास हजार रु.स्वर्गीय मोतीलाल धूत व स्वर्गीय प्रभाकर गानू शिष्यवृत्ती  सौ अलका धूत श्री. विजय धूत याच्या हस्ते प्रदान करण्यात आली. ग्रंथ प्रकाशन, लेखक अभियंत्यांचा, तसेच गुणवंत पाल्यांचा सत्कार, उत्कृष्ट अभियंता पुरस्कार वितरण आणि अभियंता मित्र मासिकाच्या ३९ व्या वर्धापन दिनानिमित्त विशेष अंकाचे प्रकाशन करण्यात आले.

मनिष गोखले यांनी सूत्रसंचालन केले. वडेलकर यांनी आभार मानले.

सुनील माने यांची मागणी
पुणे : वाहतुकीस अडथळा ठरणारी भाकड जनावरे गोरक्षकांना दत्तक द्यावीत व गोरक्षकांसाठी ‘भाकड जनावरे दत्तक योजना’ जाहीर करावी. या जनावरांचा नीट सांभाळ होतो की नाही हे पाहण्यासाठी एक समिती निर्माण करावी, अशी मागणी राष्ट्रवादी काँग्रेस शरदचंद्र पवार पक्षाचे प्रदेश सरचिटणीस व प्रवक्ता सुनील माने यांनी गोसेवा आयोगाचे महाराष्ट्र अध्यक्ष शेखर मुंदडा यांना दिले. या बाबतचे पत्र त्यांनी ई – मेल वर पाठवले आहे.
त्यांनी दिलेल्या पत्रात म्हटले आहे की, गायीला महाराष्ट्र शासनाने मातेचा दर्जा दिला आहे हे आपण सर्व जाणतोच. तथापि, अनेक शेतकरी व गोरक्षकांच्या भीतीच्या सावटाखाली वावरणाऱ्या भाकड गायी गुरांचे मालक यांनी या गायी बेवारस म्हणून सोडून दिल्या आहेत. राज्यासाठी ही नामुश्कीची गोष्ट आहे.
अनेक रस्त्यांवर अशा पद्धतीने आढळणाऱ्या भटक्या गायी आणि गुरे यांच्यामुळे वाहतुकीला अडथळा होतो, अपघात होतात. वाहनधारकांनी कितीही हॉर्न वाजवला तरी ही जनावरे रस्त्यातून लवकर बाजूला होत नाहीत. यामुळे वाहतूक कोंडी होऊन रस्त्यावर वाहनांच्या रांगा लागतात. यात लोकांचा वेळ वाया जातो. वाहतुकीला अडथळा ठरणाऱ्या या भाकड जनावरांचे योग्य ठिकाणी पुनर्वसन करणे गरजेचे आहे. यासाठी राज्यातील गोरक्षकांची यादी करावी व त्यांना ही जनावरे दत्तक म्हणून द्यावीत. गोरक्षकांसाठी ‘भाकड जनावरे दत्तक योजना’ जाहीर करावी. या जनावरांचा नीट सांभाळ होतो की नाही हे पाहण्यासाठी एक समिती निर्माण करावी. या समितीने याबाबतचा प्रतिमहिना आढावा घेऊन लोकांसाठी अहवाल सादर करावा अशी व्यवस्था निर्माण करावी अशी विनंती त्यांनी पत्राद्वारे केली आहे.