पुणे- हिंदू राष्ट्र संघटनेच्या अध्यक्षावर ससून रुग्णालया झालेल्या प्राणघातक हल्ल्या प्रकरणात पोलिसांनी चार आरोपींना अटक करण्यात आली आहे. सागर ओव्हाळ, बालाजी ओव्हाळ ,सुरज शेख, सागर आटोळे या चौघांना गार्डन पोलिसांनी अटक केली असून एक आरोपी मात्र फरार असल्याची माहिती पोलिसांनी दिली आहे.

अटक केलेल्या आरोपींचा मयत असलेला मित्र सुजित वर्मा याच्या खूनाचा बदला म्हणून आरोपींनी हिंदुराष्ट्र संघटनेचा अध्यक्ष तुषार हंबीर यांच्यावर पुण्यातील ससून रुग्णालयात हल्ला केल्याची माहिती समोर आली आहे. अटक केलेले सर्व आरोपी हडपसर परिसरात राहणारे आहेत. हिंदुराष्ट्र संघटनेच्या अध्यक्षवरील हल्यानंतर शहरासह राज्यात खळबळ उडाली होती

हिंदू राष्ट्रसेनेच्या तुषार हंबीर याच्यावर रात्री उशीरा पाच जणांच्या टोळक्याने बंदुकीतून गोळी झाडण्याचा प्रयत्न फसल्यानंतर त्यांनी धारदार हत्त्यारांनी हल्ला करून खुनाचा प्रयत्न केल्याचा प्रकार घडला. त्याच्यावर हल्ला करणार्‍यांचा शोध घेण्यासाठी आता बंडगार्डन पोलिसांची दोन पथके, हडपसर पोलिसांचे पथक तसेच गुन्हे शाखेची विविध पथके रवाना केले होते.

याबाबत तुषार नामदेवराव हंबीर (35, रा. गोंधळेनगर, हडपसर) यांनी बंडगार्डन पोलिस ठाण्यात फिर्याद दिली आहे. याप्रकरणात कट रचणे खुनाचा प्रयत्न, आर्मअ‍ॅक्ट, तसे सरकारी कामात अडथळल्या आणल्याप्रकरणी गुन्हा दाखल करण्यात आला आहे.

पोलिसांनी दिलेल्या माहितीनुसार, गुंड तुषार हंबीर हा हिंदू राष्ट्र सेनेचे काम करत असून तो लोणी काळभोर पोलिस ठाण्यात 2016 मध्ये दाखल झालेल्या मोक्काच्या गुन्ह्यात आरोपी आहेत. त्याला हाडांचा व स्नायू दुखण्याचा त्रास होत असून त्याला चालण्यासाठी त्रास होतो. त्या निमित्ताने त्याला वारंवार रूग्णालयात उपचारा कामी ससून रूग्णालयात न्यूरो-ऑर्थो डॉक्टरकडे यावे लागते. त्याला चालण्याचा त्रास होत असल्याने दि. 25 ऑगस्ट रोजी तो ससून रूग्णालयात उपचारासाठी आला असताना त्याला डॉक्टरांनी रूग्णालयातील इन्फोसीस बिल्डींगमधील तिसर्‍या मजल्यावर दाखल केले होते.

त्याच्यावर उपचार सुरू असताना पाच जणांचे टोळके रूग्णालयात हत्यारासह शिरले. या ठिकाणी मुख्यातील पोलिस कर्मचारी गस्तीसाठी नेमलेले होते. सोमवारी रात्री साडेनऊ वाजण्याच्या सुमारास टोळक्यातील एकाने पिस्तुल बाहेर काढले. परंतु पिस्तुलातून गोळी झाडून हंबीर याला मारण्याचा प्रयत्न केला. मात्र पिस्तुलातून गोळीच फायर झत्तली नाही. याच वेळी तलवार, कोयत्याने वार करत असताना तेथे असलेले गार्ड बागड व हंबीरच्या यांचा मेव्हणा मध्ये पडला. यावेळी त्यांच्या हातावर वार झाले. यावेळी एकाने तलावरीने वार करण्याचा प्रयत्न केला परंतु, त्या ठिकाणी गोंधळ उडाल्याने व पोलिस गार्डने रायफल काढल्याने पाचही जण घटनास्थळावरून पळून गेले. वरिष्ठ पोलिस निरीक्षक प्रताप मानकर आणि तपास पथकातील पोलिस उपनिरीक्षक सचिन पवार गुन्ह्याचा तपास करत आहेत.

सुरक्षेचा प्रश्न देखील ऐरणीवर

ससून रूग्णालयाची सुरक्षा व्यवस्था असताना संशयीत आरोपी हत्यारे घेऊन आत गेलेच कसे ? त्यांना कोणी आडवले नाही का ? यावेळी सुरक्षा व्यवस्था काय करत होती हा प्रश्न या निमित्ताने उपस्थित होत आहे. त्याच बरोबर ससूनमधील सुरक्षेचा प्रश्न देखील ऐरणीवर आला आहे.

येरवडा मध्यवर्ती कारागृह पोलिस अधीक्षक राणी भोसले म्हणाल्या की, हंबीर हा एका गुन्ह्यात न्यायालयीन बंदी आहे. त्याला मनक्याचा तसेच स्नायूंचा त्रास असल्याने त्याला रूग्णालयात उपचारा कामी ससून रूग्णालयात न्यूरो-ऑर्थो डॉक्टरकडे पाठवावे लागते. त्याला चालण्याचा त्रास होत असल्याने दि. 25 ऑगस्ट रोजी तो ससून रूग्णालयात उपचारासाठी गेला असताना त्याला डॉक्टरांनी त्याला दाखल करून घेतले होते.

जिल्हा परिषदेच्या उत्कृष्ट शिक्षक व अध्यक्ष चषक पुरस्काराचे वितरण

पुणे,दि.७:- शिक्षकांनी स्वीकारलेले काम प्रोफेशन म्हणून न करता मिशन म्हणून सेवभावनेने करावे, असे आवाहन उच्च व तंत्रशिक्षण मंत्री चंद्रकांत पाटील यांनी केले.

जिल्हा परिषदेमार्फत देण्यात येणाऱ्या उत्कृष्ट शिक्षक व अध्यक्ष चषक पुरस्कार वितरण प्रसंगी मंत्री ते बोलत होते. यावेळी माजी राज्यमंत्री बाळासाहेब भेगडे, जिल्हा परिषदेचे मुख्य कार्यकारी अधिकारी आयुष प्रसाद, उपमुख्य कार्यकारी अधिकारी कमलाकर रणदिवे, शिक्षणाधिकारी (माध्यमिक) सुनंदा वाखारे, शिक्षणाधिकारी (प्राथमिक) संध्या गायकवाड आदी उपस्थित होते.

मंत्री श्री. पाटील म्हणाले,ब्रिटीशांची शिक्षणपद्धती त्यांच्या स्वार्थासाठी होती. नवीन शैक्षणिक धोरणानुसार ‍शिक्षणाचा मूळ गाभा पुन्हा एकदा देशातल्या नागरिकांमध्ये बिंबविण्याचा प्रयत्न आहे. लहान वयात झालेले संस्कार घेऊनच मुले पुढे जात असतात. पूर्वी गुरुकुल मध्ये अनेक विषय मुलांना शिकवले जात आणि त्यात पारंगत होऊनच ते बाहेर पडत. सध्या विद्यार्थी एकाच विषयात पुढे असल्याचे दिसून येते.

नवीन शैक्षणिक धोरणात शिक्षणातील टप्पे बदलण्यात येणार आहेत. शासन शिक्षणावर बराच खर्च करते. शिक्षकांनी मुलांवर संस्कार करण्यासाठी परिश्रम घ्यावेत.

वैद्यकीय आणि शिक्षण क्षेत्रातील व्यक्तींनी ठरावीक वेळेतच काम न करता व वेळेचा विचार न करता काम केले पाहिजे. शैक्षणिक विकासासाठी सामाजिक उत्तरदायित्वच्या माध्यमातून जास्तीत जास्त निधी उपलब्ध करुन दिला जाईल. तो निधी शाळेत मुलींसाठी स्वच्छतागृह, क्रीडा विषयक सुविधा, ई-लर्निंग, शाळेसाठी कंपाऊंड बांधण्यासाठी वापरण्यात यावा, असे श्री.पाटील यांनी सांगितले.

यावेळी मंत्री श्री. चंद्रकांत पाटील यांच्या हस्ते उत्कृष्ट पुरस्कार प्राप्त मुख्याध्यापक, शिक्षक व केंद्रप्रमुख यांना मानचिन्ह व प्रशस्तीपत्रक देऊन गौरविण्यात आले.

प्रास्ताविकात मुख्य कार्यकारी अधिकारी आयुष प्रसाद यांनी जिल्हा परिषदेच्या शिक्षण विभागामार्फत राबविण्यात येत असलेल्या उपक्रमाबाबत माहिती दिली. कार्यक्रमाला जिल्ह्यातील गटशिक्षण अधिकारी, विस्तार अधिकारी, मुख्याध्यापक, केंद्रप्रमुख, शिक्षक उपस्थित होते.

पुणे –काँग्रेस विधिमंडळ पक्षनेते आणि माजी मंत्री बाळासाहेब थोरात यांनी सहकुटुंब श्रीमंत दगडूशेठ हलवाई गणपतीचं दर्शन घेतलं. मोहन जोशी त्यांच्या समवेत होते. श्रीमंत दगडूशेठ हलवाई गणपतीच्या दर्शनासाठी मी आलो होतो, कोरोनाच २ वर्षाचं संकटामुळे आपण मागील २ वर्ष गणेशोत्सव साजरा करू शकलो नाही. यावर्षी संपूर्ण महाराष्ट्रात अत्यंत उत्साहाने, चैत्यनाने गणेशोत्सव साजरा केला जात आहे, या कालखंडामध्ये जीवनातल्या व्यथा असल्या, काळजी असली, दुःख असलं हे सर्व विसरून गणपतीची आराधना करतात लोक, श्रींची आराधना करतात आणि पुढच्या सौख्य करता प्रार्थना करतात.
सर्व समाजाच्या देशाच्या सौख्यकरता प्रार्थना करण्याची कालखंड आहे असं म्हणल तरी वावग ठरत नाही.
४० वर्षापेक्षा जास्त काळ सहकुटुंब मी श्रीमंत दगडूशेठ हलवाई गणपतीचं दर्शन घ्यायला येत असतो, प्रार्थना करतो, आशीर्वाद घेतो आणि माझ्या जीवनात माझ्या कुटुंबाच्या जीवनात हे आशीर्वाद खूप उपयोगी येतात अस माझं पक्क मत आहे

बाप्पाकडे मागणी हीच आहे की, सध्या समाजामध्ये जी दुही होतेय भेद निर्माण होत आहेत यामधून देशांमध्ये अस्थिरतेच वातावरण, दूषित वातावरण निर्माण होतात आपल्याला दिसत आहे ते दूर करावं, संपूर्ण समाज ही देशाची विविधता एक व्हावी आणि ती देशाची ताकद बनावी ही प्रार्थना केलीच आहे त्यासोबत वाढती ही सुद्धा काळजीचा विषय आहे, बेरोजगारीचा विषय आहे कुठंतरी हे सगळं दुःख आहे ते दूर व्हावेत आणि एक समृद्ध वातावरण देशामध्ये निर्माण व्हावं याकरिता मी प्रार्थना केली.

उच्च व तंत्रशिक्षण मंत्री चंद्रकांतदादा पाटील यांचा पुढाकार

पुणे-पुण्यातील नामांकित एमआयटीने वीरपुत्राला शिक्षणासाठी मदतीचा हात दिला असून, पाच वर्षांसाठी ५० टक्के शुल्क माफ केले आहे. त्यासाठी राज्याचे उच्च व तंत्रशिक्षण मंत्री चंद्रकांतदादा पाटील यांनी पुढाकार घेतला होता. एमआयटीच्या या निर्णयाचे सर्वत्र स्वागत होत असून, मंत्री चंद्रकांतदादा पाटील यांनीही एमआयटी चे विशेष अभिनंदन केले.

श्रीमती दिपाली मोरे यांचे पती विजय मोरे यांना २००४ साली काश्मीर मध्ये दहशतवाद्यां सोबत चकमकीत वीरमरण आले. त्यावेळीस श्रीमती दिपाली मोरे या गर्भवती होत्या. त्यामुळे मुलाच्या जन्मापूर्वीच पतीला वीरमरण आल्याने, श्रीमती दिपाली मोरे यांच्यावर मोठे संकट कोसळले. त्यातच जन्मतःच मुलाचे हृदय कमकुवत असल्याने, श्रीमती मोरे यांना विश्वजीतची काळजी घ्यावी लागत होती.

वैद्यकीय उपचारांवर प्रचंड खर्च करावा लागत होता. कालांतराने सुदैवाने श्रीमती मोरे यांच्या कष्टांना यश आले, आणि विश्वजीत हृदयाच्या आजारातून बरा झाल्याचे डॉक्टरांनी सर्व चाचण्यांअंती सांगितले. यानंतर विश्वजीतनेही गरुडझेप घेत आपली शैक्षणिक गुणवत्ता सिद्ध केली. इयत्ता दहावी आणि बारावीच्या परीक्षेत उत्तुंग भरारी घेऊन यश मिळवले‌. तसेच एमआयटी सारख्या नामांकित संस्थेत आर्किटेक्टचे शिक्षण घेण्यासाठी पात्रता परिक्षेतही घवघवीत यश संपादन केले.

मात्र, घरची आर्थिक परिस्थिती हलाखीची असल्याने श्रीमती दिपाली मोरे यांच्यासमोर मोठा प्रश्न निर्माण झाला होता. यातून मार्ग काढण्यासाठी श्रीमती दिपाली मोरे यांनी मंत्री चंद्रकांतदादा पाटील यांच्याशी संपर्क साधला. नामदार पाटील यांनी एमआयटीचे डॉ. मंगेश कराड यांच्याशी संपर्क साधून, मदत करण्याची सूचना केली.

यानंतर डॉ. मंगेश कराड यांनी सर्व माहिती घेऊन, सामाजिक बांधिलकी राखून विश्वजीत मोरेच्या शिक्षणासाठी मदतीचा हात पुढे केला. त्याला एमआयटीमधून उत्तम दर्जाचे शिक्षण घेता यावे, यासाठी पाच वर्षांचे ५० टक्के शुल्क माफ केले. त्यानिर्णयाचे सर्वत्र कौतुक होत असून, मंत्री चंद्रकांतदादा पाटील यांनी ही एमआयटीच्या निर्णयाचे स्वागत केले. एमआयटीच्या या संवेदनशीलतेबाबत नामदार चंद्रकांतदादा पाटील यांनी बुधवारी डॉ. मंगेश कराड यांचा विशेष सत्कार केला.

यावेळी एमआयटीचे राहुल कराड, श्रीमती दिपाली मोरे, विश्वजीत मोरे हे देखील उपस्थित होते. विश्वजीतच्या शैक्षणिक प्रगतीत कोणतीही अडचण आल्यास, त्यातून मार्ग काढण्यासाठी सर्वतोपरी सहकार्य करण्याची ग्वाही नामदार चंद्रकांतदादा पाटील यांनी यावेळी मोरे कुटुंबियांना दिली. तसेच मुलाच्या शिक्षणासाठीच्या मदतीबद्दल श्रीमती मोरे यांनी नामदार चंद्रकांतदादा पाटील यांच्याप्रती कृतज्ञता व्यक्त केली.

पिंपरी / प्रतिनिधी

पुणे शहरात रिक्षा मीटरची पहिल्या दीड किलोमीटर साठी 27 रुपये व नंतर प्रत्येक एक किलोमीटरसाठी 18 रुपये भाववाढ करण्याचे ठरवले होते. मात्र नंतर 25 रुपये आणि 17 रुपये अशी मीटरची भाडेवाढ झाली आहे. एक रुपयाने भाडेवाढ कमी केल्यामुळे रिक्षा चालक, मालकांमध्ये नाराजीचा सूर होता. तसेच रिक्षा चालक मालक इतर प्रश्नाबाबत देखील वारंवार तक्रारी करत आहेत. मात्र त्यांच्याकडे दुर्लक्ष केले जात होते. नुकतेच या सर्व प्रश्नांबाबत परिवहन आयुक्तांसोबत बैठकीचे आयोजन करण्यात आले होते. या मध्ये रिक्षा चालकांचे प्रश्न मांडले आहेत. ही बैठक सकारात्मक पार पडली आहे. या मधून रिक्षा चालकांचे प्रश्न मार्गी लागतील, असे प्रतिपादन महाराष्ट्र रिक्षा पंचायतचे अध्यक्ष बाबा कांबळे यांनी केले.

परिवहन आयुक्त विकास ढाकणे यांच्यासोबत पुणे, पिंपरी चिंचवड शहरातील रिक्षा संघटनांची बैठक पार पडली. प्रादेशिक परिवहन अधिकारी अजय शिंदे यांच्या प्रयत्नातून मुंबईत झालेल्या बैठकीत बाबा कांबळे यांनी विविध समस्यांचे गाऱ्हाणे मांडले. या वेळी परिवहन आयुक्तांनी देखील प्रश्न सोडविण्याबाबत सकारात्मकता दाखवली असल्याची माहिती बाबा कांबळे यांनी प्रसिद्धीपत्रकाद्वारे दिली.

या बैठकीमध्ये पुणे पिंपरी चिंचवड शहरातील सर्व रिक्षा संघटनांचे प्रतिनिधी उपस्थित होते. या मध्ये महाराष्ट्र रिक्षा पंचायतचे संस्थापक अध्यक्ष कष्टकऱ्यांचे नेते बाबा कांबळे, पुणे शहराध्यक्ष शफीकभाई पटेल, प्रदेश उपाध्यक्ष आनंद तांबे, पुणे उपाध्यक्ष अर्शद अन्सारी, कार्याध्यक्ष विकास केमसे, शाहरुख सय्यद, आदी या वेळी उपस्थित होते.

पुणे आणि पिंपरी चिंचवड शहरांमध्ये रिक्षा चालक, मालकांचे प्रश्न दिवसेंदिवस अधिक बिकट होत आहे. नुकतेच पुणे शहरांमध्ये मीटरची भाव वाढ झाली आहे. पहिल्या दीड किलोमीटरसाठी 25 रुपये व नंतरच्या प्रत्येक किलोमीटरसाठी 17 रुपये भाववाढ देण्यात आली आहे. आधी ठरवले एक आणि नंतर अंमलबजावणी दुसरीच केली आहे. शासनाच्या या निर्णयामुळे रिक्षा चालक नाराज झाले आहे. रिक्षा चालकांवर कर्जाचा डोंगर आहे, फायनान्स कंपनीचे हफ्ते द्यायचे आहेत असे असताना रिक्षा भाडेवाढ योग्य प्रमाणात न केल्यामुळे त्याचा नाहक त्रास रिक्षा चालक मालकांना होत आहे. रिक्षा चालकांच्या प्रश्नांवर शासन उदासीन असल्याचे दिसते. रखडलेले प्रश्न सुटावेत यासाठी आंदोलन, मोर्चे, पाठपुरावा केला जात होता. त्याची दखल परिवहन आयुक्तांनी घेतली. त्यानुसार बैठकीचे आयोजन करण्यात आले होते.

या बैठकीत विविध प्रश्नांवर चर्चा करण्यात आली. या मध्ये बेकायदेशीर असणाऱ्या दुचाकी वाहतुकीला महाराष्ट्रात परवानगी नको अशी मागणी रिक्षा संघटनांनी केल्या. त्याला परवानगी नाही असे सांगण्यात आले. नियमांचे उल्लंघन करून बेकायदेशीरपणे दुचाकी वाहतूक करणाऱ्यावर कारवाई वाढवण्यात येणार आहे. दुचाकी विरोधात आरटीओ विभागाच्या वतीने गुन्हे दाखल करण्याचा निर्णय देखील घेण्यात आल्याचे या बैठकीत सांगितले. मेट्रो सिटीसह महाराष्ट्र मध्ये सर्वच आरटीओ कार्यालयामध्ये मीटरचे दर ठरवण्याची पद्धत एकच असावी. ओला, उबेर कंपन्यांनी चालकांना पाच लाखाचा विमा दिला पाहिजे. मेट्रो बीआरटीवर धोरण ठरवताना सार्वजनिक वाहतूक व्यवस्था म्हणून रिक्षाला गृहीत धरावे, अशी मागणी करण्यात आली. रिक्षाला मुक्त परवाना बंद करण्यासाठी केंद्र सरकारकडे प्रस्ताव पाठवावा. पुढील कार्यवाही करावी. परंतु इलेक्ट्रिक वाहनांना परवानगीची अट नसल्यामुळे केंद्रात हा कायदा केला. त्यामुळे इलेक्ट्रिक वाहनांना यापुढे परवाना परमिट आवश्यक नाही. रिक्षा चालक मालकांसाठी कल्याणकारी महामंडळ स्थापन करण्याची मागणी अनेक वर्षांपासून होत आहे. त्याकडे कानाडोळा केला जात आहे. मुख्यमंत्री एकनाथ शिंदे हे स्वतः या कल्याणकारी मंडळाबद्दल आग्रही आहेत. त्यांनी आरटीओ विभागाशी चर्चा करून हा प्रश्न निकाली निघेल, असे आश्वासन दिले असल्याचे बैठकीत सांगण्यात आले. पाटणकर समिती, हकीम समिती नंतर खटवा समितीच्या शिफारशीनुसार भाडेवाढ देण्यात येते. परंतु खटवा समितीमध्ये आपत्कालीन व्यवस्था, कोविडसारखी परिस्थिती व इतर बाबींचा उल्लेख नसल्यामुळे नव्याने समिती स्थापन करण्यात यावी, अशी मागणी रिक्षा संघटनांनी केल्या.

या मागण्यांसह रिक्षा चालकांच्या रखडलेल्या अनेक प्रश्नांवर चर्चा करण्यात आली. अजून बहुतेक मुद्दे मार्गे लागतील, अशी अपेक्षा निर्माण झाली असे महाराष्ट्र पंचायत अध्यक्ष बाबा कांबळे यांनी सांगीतले.

पुणे-उगवत्या व नवोदित कलाकारांसाठी पुणे फेस्टीव्हलमध्ये दरवर्षी ‘उगवते तारे’ या कार्यक्रमांचे आयोजन केले जाते. ३४व्या पुणे फेस्टिव्हलमध्ये मंगळवार दि. ६ सप्टे. रोजी सायं. पंडित जवाहरलाल नेहरू सांस्कृतिक भवन, पुणे  येथे झालेल्या उगवते तारे कार्यक्रमाचे उद्घाटन ज्येष्ठ भरतनाट्यम नृत्यांगना आणि नृत्यगुरू डॉ. स्वाती दैठणकर यांचा हस्ते संपन्न झाले. प्रेक्षकांचा मोठा प्रतिसाद यास मिळाला. यंदा या उपक्रमाचे २५वे वर्ष आहे. रवींद्र दुर्वे याचे संयोजन करीत आहे.

५ ते १५  वर्षे वयोगटातील उगवत्या कलाकारांना व्यासपीठ मिळवून देणाऱ्या या कार्यक्रमात यंदा १५० हून अधिक बाल कलाकारांनी सहभाग घेतला. शास्त्रीय गायन, शास्त्रीय नृत्यामध्ये ; कथक, भरतनाट्यम, मोहिनीअट्टम, कथकली, कुचीपुडी व ओडिसी नृत्य तसेच तबला, बासरी, हार्मोनियम, गिटार, व्हायोलीन, सतार, सरोद, कीबोर्ड वादन, सिंथेसायझर, गंधर्व गायन, नकला, एकपात्री  प्रयोग, जादूचे प्रयोग, पोवाडे, भावगीत, भक्तीगीत, चित्रपट गीते, सुगम संगीत, पाश्चिमात्य नृत्य अशा वैविध्यपूर्ण कला प्रकारांनी सारे भवन भारून गेले होते. प्रारंभी उगवते तारे कार्यक्रमाचे संयोजक रवींद्र दुर्वे यांनी सर्वांचे स्वागत केले. उद्घाटक डॉ. स्वाती दैठणकर यांनी बाल कलाकारांना शुभेचा दिल्या आणि कौतुक करून म्हंटले ‘की पुणे फेस्टिव्हल सारखे सांस्कृतिक महोत्सवात उगवते तारे हा उपक्रम गेली 25 वर्षे चालू आहे याबद्दल अध्यक्ष सुरेश कलमाडी आणि संयोजक रवींद्र दुर्वे यांचे अभिनंदन करायला हवे’. ‘हा टॅलंट सर्च आहे’ असे ही त्या म्हणाले.  

पुणे फेस्टिव्हलचे मुख्यप्रायोजक कोहिनूर ग्रुप असून उपप्रायोजक जमनालाल बजाज फाउंडेशन,नॅशनल एग को-ऑर्डिनेशन कमिटी, सिस्का आणि सहप्रायोजक भारत फोर्ज व पंचशील आहेत. उगवते तारेचे प्रयोजक मराठी बांधकाम व्यावसयिक संघटना व गेरा डेवलपमेंट प्रा.लि हे आहेत.

पुणे-यंदाच्या ३४व्या मिस पुणे फेस्टिव्हलमध्ये साक्षी पाटील ही मिस पुणे फेस्टिव्हलची मानकरी ठरली असून मानसी ताम्बोळे आणि भाविका अडसुळे या क्रमांक १ व २ रनरप ठरल्या आहेत. दि. ६ सप्टे. रोजी श्री गणेश कला क्रीडा रंगमंच येथे या कार्यक्रम संपन्न झाला. याशिवाय बेस्ट ग्लोइंग स्किन – सिद्धी गांधी, बेस्ट स्माइल – शुभश्री बोरठाकूर, बेस्ट टॅलेंट – उर्वी शाह, बेस्ट फिटनेस मॉडल – कुमुदनी पाटील आणि मिस फोटोजेनिक – भाविका अडसुळे यांची निवड ही करण्यात आली.

यावेळी पुणे फेस्टिव्हलचे अध्यक्ष सुरेश कलमाडी, सौ. मीरा कलमाडी, प्रदेश कॉंग्रेस उपाध्यक्ष रमेश बागवे, सौ.जेनब बागवे, पुणे फेस्टिव्हल उपाध्यक्ष कृष्णकुमार गोयल, मुख्य संयोजक डॉ. सतीश देसाई, काका धर्मावत, मोहन टिल्लू, संतोष उणेचा, दीपाली पांढरे, संयोगिता कुदळे, तेजश्री अडीगे,  संयोजिका सुप्रिया ताम्हाणे आणि शो डायरेक्टर जुई सुहास आदी उपस्थित होते. बॉयज ३ या नव्या मराठी  चित्रपटाची टीम यावेळी आवर्जून उपस्थित होती. त्यामध्ये अभिनेते पार्थ भालेराव, प्रतिक लाड, सुमंत शिंदे, विदुला चौगुले व दिग्दर्शक विशाल देवरुखकर उपस्थित होते. त्याचा ट्रेलर ही यावेळी दाखवण्यात आला.

मिस पुणे फेस्टिव्हल ही देशामध्ये आकर्षण बनलेली आणि तरुणींमध्ये लोकप्रिय असलेली स्पर्धा बनली आहे. स्पर्धेचे यंदाचे ८ वे वर्ष आहे. ही महिलांचे व्यक्तिमत्व आणि सौंदर्य या बरोबरच कुटुंब व समाजाबद्दलचा दृष्टीकोन, प्रेझेंटेशन अशा विविध पातळ्यांवर घेतली जाते. १८ ते २५ वर्षे वयोगटातील १५० युवतींनी यामध्ये भाग घेतला होता त्यातून अंतिम फेरीसाठी २० तरुणींची निवड करण्यात आली. अंतिम फेरीत ३ भाग असून पहिल्या फेरीत लेहेंगा, साडी, घाघरा (एथनिक) अशी वेशभूषा होती. श्वेता दरेकर यांनी याचे एथनिक डिझाईन केले होते. या तरुणींनी स्वपरीचय करून दिल्यानंतर  दुसऱ्या भागात समूहनृत्य झाले. त्यासाठी पार्टीवेयर टॉप ही वेशभूषा होती. हे वेस्टर्न आउटफिट्स मनस्मी यांचे होते. यातून अंतिम फेरीसाठी 10 तरुणींची निवड करण्यात आली. या अंतिम फेरीसाठी लेबल सोनाली सावंत यांची गाऊन डिझाईन ही वेशभूषा होती. प्रशोत्तरानंतर १० जणींतून तिघींची निवड ज्युरींनी केली. या वेळी रीदम डान्स अकादमीच्या कलावंतांनी  नृत्य सादर केली. चेतन अगरवाल यांनी कार्यक्रमाचे सूत्रसंचालन केले. यावेळी या स्पर्धेतून पुढे चमकलेल्यांपैकी मिस स्कुबा इंटरनॅशनल वर्षा राजखोवा, इशा हुबळीकर, स्नेह भालेराव आणि शारावी पोमण यांचा सेलिब्रिटी परफॉर्मेंस सादर झाला. फैशन अँड डांस कोरियोग्राफर, ग्रूमिंग मेंटर, शो डायरेक्टर आणि कॉस्टयूम स्टाइलिस्ट जुई सुहास यांनी सर्व महिला स्पर्धकांची पूर्वतयारी व प्रशिक्षण याचे मार्गदर्शनकरून घेतले होते. सुप्रिया ताम्हाणे यांनी याचे संयोजन केले. ज्वेलरी – बाळासाहेब अमराळे, हेयर एंड मेकअप –  आयएसएएस, क्राऊन – गजानन ज्वेलर्स, ऑफिशियल डिझाईनर – धागा हे होते. कोहिनूर ग्रुप याचे मुख्य प्रायोजक आहेत.