ज्ञानलक्षी, प्रवासवर्णनपर साहित्याला वाचकांची मोठी मागणीप्रा. मिलिंद जोशी यांचे प्रतिपादन; मनोविकास प्रकाशनातर्फे रवि वाळेकर लिखित ‘इजिप्सी’ ग्रंथाचे प्रकाशन
पुणे : “चरित्र, आत्मचरित्र, माहितीपर लेखन यासारख्या ज्ञानलक्षी व प्रवासवर्णनपर साहित्यकृतींना वाचकांची मोठी मागणी आहे. मध्यमवर्गीय माणसालाही आपण जग पाहायला हवे, अशी भावना गेल्या काही वर्षात रुजत आहे. प्रवास करतानाच लेखनाची कला विकसित होतेय, ही मराठी साहित्याच्या समृद्धतेत भर घालणारी गोष्ट आहे,” असे प्रतिपादन महाराष्ट्र साहित्य परिषदेचे कार्याध्यक्ष, ज्येष्ठ साहित्यिक प्रा. मिलिंद जोशी यांनी केले.

मनोविकास प्रकाशनातर्फे रवि वाळेकर लिखित ‘इजिप्सी : एका गूढ, अद्भुत सफर’ या ग्रंथाचे प्रकाशन प्रा. मिलिंद जोशी यांच्या हस्ते झाले. नवी पेठेतील एस. एम. जोशी सभागृहात झालेल्या प्रकाशन सोहळ्यावेळी लेखिका व सामाजिक कार्यकर्त्या दीपा देशमुख, प्रकाशक ‘मनोविकास’चे अरविंद पाटकर, वाळेकर यांच्या पत्नी शिल्पा उपस्थित होते. चंद्रमोहन कुलकर्णी यांनी मुखपृष्ठ, तर गौरी खराडे यांनी ग्रंथाची मांडणी व सजावट केली आहे.
प्रा. मिलिंद जोशी म्हणाले, “पु. ल. देशपांडे, अनिल अवचट, मीना प्रभू यांसारख्या लेखकांनी प्रवासवर्णन या साहित्याला वेगळी ओळख दिली. स्थिती, गती आणि संस्कृतीची गुंफण असणारे हे प्रवासवर्णनपर साहित्य मराठी साहित्याला अधिक समृद्ध करत आहे. रवि वाळेकर हे या मालेतील एक सूर गवसलेले लेखक आहेत. उघड्या डोळ्यांनी जग पाहत, त्याचे अतिशय रसाळ, सहज, ओघवत्या, मिश्किल पण तितक्याच गांभीर्याने केलेले वर्णन वाचकाला गुंतवून ठेवते. 
“वाळेकर यांच्या लेखनात सूक्ष्म निरीक्षण, विनोद बुद्धी आहेत. ते तात्कालिक न वाटता दीर्घकालीन असल्याचे जाणवते. ज्ञानलालसा आणि जिज्ञासू वृत्ती जोपासल्याशिवाय असे प्रभावी लेखन होत नाही. इजिप्तला आपण प्रत्यक्ष जाऊन यावे, ते आपल्या डोळ्यांनी पाहावे, इतक्या प्रभावीपणे त्याची मांडणी केली आहे. इजिप्शियन संस्कृती, समाज, शहरांची रचना, वारसास्थळे अशा विविधांगी गोष्टींची सफर वाळेकर ‘इजिप्सी’मधून घडवतात,” असे प्रा. मिलिंद जोशी म्हणाले.

दीपा देशमुख म्हणाल्या, “इजिप्सी हा ग्रंथ अतिशय रंजक आणि ओघवत्या शैलीत मांडला आहे. नियमित वाचक नसलेल्यांनाही वाचनाची गोडी लावणारा असा हा ग्रंथ आहे. वाळेकर यांनी इजिप्त देशाची सफर घडवली आहे. पुस्तक वाचल्यावर आपण आयुष्यात एकदा तरी इजिप्त पाहायला हवे, असे वाटते. गूढ आणि अद्भुत अविष्कार असणाऱ्या इजिप्तचा ‘इजिप्सी’ ग्रंथ हा एक महत्वाचा दस्तावेज झाला आहे.” 

रवि वाळेकर म्हणाले, “पुस्तक घडविण्यात लेखक, मुखपृष्ठकार, प्रकाशक या सर्वांचे योगदान आहे. आपल्याला इजिप्तबद्दल मोजक्याच गोष्टी माहीत असतात. मकरंद अभ्यंकर यांच्याकडून इजिप्तला जाण्यापूर्वी मार्गदर्शन घेतले. रामायण, महाभारत काळापूर्वीचे वास्तू आजही सुस्थित असून ते आपल्याला बघता येतात. इजिप्त आजही जगाला अनभिज्ञ असून, त्याचा जितका उलगडा करू, तितका तो अधिक रंजक आहे.” 
‘इजिप्सी’मधील लेखन अतिशयोक्ती नसून, वाचण्याची भूक निर्माण करणारी साहित्यकृती आहे. वाचकांचा चांगला प्रतिसाद ‘इजिप्सी’ ग्रंथाला मिळेल, अशी आशा अरविंद पाटकर यांनी प्रास्ताविकात व्यक्त केली. मंजिरी चौधरी-तिक्का यांनी सूत्रसंचालन केले व आभार मानले.

५० व्या वर्धापनदिनी ‘टेक्नोफोर’च्या संस्थापकांची भावना; कर्मचाऱ्यांच्या वतीने कृतज्ञता सन्मान
पुणे : “नाविन्याचा ध्यास, कठोर परिश्रम, समर्पित वृत्ती, सुयोग्य व्यवस्थापन, काटेकोर नियोजन व अंमलबजावणी आणि कामगारांची एकजूट हेच ‘टेक्नोफोर’च्या यशाचे गमक आहे. ५० वर्षांचा हा समृद्ध वारसा नव्या पिढीने असाच पुढे न्यावा. स्थापनेपासून ते आजपर्यंतच्या प्रवासात कर्मचारी, कुटुंबीय, ग्राहक व संस्थेच्या प्रगतीत योगदान देणाऱ्या प्रत्येकांप्रती कृतज्ञता व्यक्त करत आहोत,” अशी भावना टेक्नोफोर संस्थेच्या संस्थापकांनी केली.

तंत्रज्ञानाधारित नाविन्यपूर्ण उत्पादन निर्मिती व निर्यात क्षेत्रातील अग्रणी असलेल्या टेक्नोफोर संस्थेच्या ५० व्या वर्धापन दिनानिमित्त (सुवर्णमहोत्सव सोहळा) सर्वश्री रमाकांत कुलकर्णी, उदय गोडबोले व प्रवीण ढोले या तीन संस्थापकांचा कर्मचाऱ्यांच्या वतीने सन्मान करण्यात आला. शनिवार पेठेतील विष्णुकृपा सभागृहात आयोजित सोहळ्यात ‘टेक्नोफोर’चे मुख्य कार्यकारी अधिकारी अनिकेत नानजकर, अजित गोखले, सुरेश सुब्रह्मण्यम, मनुष्यबळ विकास व्यवस्थापक मंदार पुरंदरे आदी उपस्थित होते. यावेळी चौथे संस्थापक दिवंगत श्रीकांत कुडेकर यांना आदरांजली वाहण्यात आली.

रमाकांत कुलकर्णी म्हणाले, “संस्थेतील कर्मचाऱ्यांशी आमचे नाते आपुलकीचे व जवळकीचे राहिले. ते केवळ कामगार नसून, सहकारी आहेत. त्यांच्या अडचणी जाणून घेत त्यांना आवश्यक मदत करण्यावर, तसेच चांगल्या कामासाठी त्यांच्या पाठीवर कौतुकाची थाप मारण्यावर भर असतो. त्यातून प्रेरित होऊन कर्मचारी संस्थेच्या प्रगतीत चांगले योगदान देतात. सर्व कर्मचारी ‘टेक्नोफोर’ला कुटुंब मानून ५० वर्षांची ही परंपरा यापुढेही कायम जपतील.”

उदय गोडबोले म्हणाले, “पाचशे रुपयांच्या भांडवलात सुरु केलेला व्यवसायाला ५० वर्षे होत आहेत. आज ‘टेक्नोफोर’ जगातील ३२ देशांत उत्पादनांची निर्यात करत आहे. यामागे अपार मेहनत, नाविन्यता आणि गुणवत्ता आहे. या वाटचालीत कामगारांचे, सहकाऱ्यांचे योगदान खूप मोलाचे राहिले आहे. या प्रवासात आलेल्या अनेक अडचणींवर आत्मविश्वासाच्या जोरावर मात करून आम्ही चौघांनी ‘टेक्नोफोर’ ही संस्था नावारूपास आणली. नोकरी सोडून व्यवसायात नवनवे प्रयोग केले.”

प्रवीण ढोले म्हणाले, “आयआयटीमधील आम्ही चार वर्गमित्रांनी काहीतरी नवीन करावे, या हेतूने अल्प भांडवलात सुरु केलेला व्यवसाय जगभर विस्तारला आहे. वेळोवेळी मिळालेल्या संधीचा पुरेपूर उपयोग करून घेत ‘टेक्नोफोर’ वाढविण्याचे प्रयत्न केले. चार वेगळ्या शाखेतील अभियंत्यांनी एकत्रित येऊन केलेल्या या प्रयोगाला अत्याधुनिक तंत्रज्ञानाची जोड देऊन ही प्रगती केली. परदेशी उत्पादने आयात करण्यापेक्षा भारतीय बनावटीची उपकरणे तयार करण्याला आमचे प्राधान्य होते.

यावेळी कर्मचाऱ्यांच्या वतीने प्रातिनिधिक मनोगते व्यक्त करण्यात आले. मीनाक्षी दामले यांनी सूत्रसंचालन केले. अनिकेत नानजकर यांनी आभार मानले.

पुणे दि.१८-राष्ट्रनेता ते राष्ट्रपिता सेवा पंधरवडा अंतर्गत भोर तालुक्यातील इंगवली येथे जिल्हाधिकारी डॉ.राजेश देशमुख यांच्या हस्ते विविध सेवांचे वितरण करण्यात आले.

यावेळी उपविभागीय अधिकारी राजेंद्र कचरे, तहसिलदार सचिन पाटील, गट विकास अधिकारी स्नेहा देव, विविध विभागाचे अधिकारी, इंगवली ग्रामस्थ उपस्थित होते.

उपक्रमाबाबत समाधान व्यक्त करून जिल्हाधिकारी डॉ.देशमुख म्हणाले, कोविड कालावधी नंतर महसूल विभागात प्रत्येक महिन्याच्या दुसऱ्या बुधवारी फेरफार अदालत आयोजित केल्याने त्यातून प्रलंबित फेरफार निर्गमित करण्यात येऊन नागरिकांना विहित मुदतीत सेवा देण्यात येत आहे. सेवा हमी कामकाजामध्ये आपले सरकार पोर्टलच्या माध्यमातून पुणे जिल्ह्यात दिलेल्या एकूण सेवांपैकी ९६ टक्के सेवा या वेळेत दिलेल्या आहेत. सेवा पंधरवड्यात देखील प्रशासनाकडून जास्तीत जास्त सेवा व प्रलंबित प्रकरणे निर्गमित करण्याचे नियोजन केले असल्याचे त्यांनी सांगितले.

येत्या २ ऑक्टोबरपर्यंत भोर उपविभागातील विविध गावात अशा शिबिराचे आयोजन करून नागरिकांच्या अर्जावर आवश्यक कार्यवाही करण्यात येणार आहे. तसेच त्यांना विविध सेवा स्थानिक स्तरावर उपलब्ध करून देण्यात येणार आहेत, अशी माहिती श्री. कचरे यांनी यावेळी दिली.

शिबिरात महसूल विभागाच्यावतीने लागवडीखाली आणलेल्या पोटखराब अ वर्ग क्षेत्राचे आदेश व सुधारीत ७/१२ , नवीन शिधापत्रिका व सुधारित मालमत्ता पत्रक आदी सेवांचे वितरण करण्यात आले.

पुणे – लोणी काढणाऱ्या ताकाच्या रवीपासून ते अवकाशात उडणाऱ्या विमनापर्यंत, चक्राची मानवाच्या आयुष्यातील उन्नती दाखवणाऱ्या अनेक अनोख्या गोष्टींच्या बांबूतील प्रतिकृती पाहण्याची संधी पुणेकरांना मिळत आहे. जागतिक   बांबू दिनाचे औचित्य साधून “चक्र” ह्या तीन दिवसीय प्रदर्शन घोले रोड येथील राजा रवी वर्मा आर्ट गॅलरी येथे भरविण्यात आले आहे. जे.जे. महाविद्यालयातील कला शाखेतून उत्तीर्ण झालेले रमेश दाते, हे गेली ४० वर्षे बांबू सारख्या आव्हानात्मक विषयात अभ्यास आणि वाखाणण्याजोगे काम करत आहेत. त्यांनी साकारलेल्या विविध बांबूरुपी प्रतिकृतींचे प्रदर्शन सोमवार १९ व  मंगळवार,  २० सप्टेंबर रोजी सकाळी ११ ते ८ पाहण्यास उपलब्ध आहे. या प्रदर्शनाचे उद्घाटन वनराईचे सचिव अमित वाडेकर यांच्या हस्ते झाले

पुणे-पंतप्रधान नरेंद्र मोदी यांच्या वाढदिवस (17 सप्टेंबर) ते राष्ट्रपिता महात्मा गांधी यांची जयंती (2 ऑक्टोंबर) दरम्यान संपूर्ण देशात ‘राष्ट्रनेता ते राष्ट्रपिता’ सेवा पंधरवडा साजरा केला जात असून, या अतंर्गत संपूर्ण देशात अनेक सेवा उपक्रम राबविले जात आहेत. पुण्यातही विविध उपक्रमांचे आयोजित केले असून, त्याचा शुभारंभ राज्याचे उच्च व तंत्र शिक्षण, वस्त्रोद्योग आणि संसदीय कामकाज मंत्री चंद्रकांतदादा पाटील यांच्या हस्ते झाला.

मोदीजींच्या वाढदिवसाचे औचित्य साधून भारतीय जनता पक्षाच्या महिला मोर्चा उपाध्यक्षा माजी आ. प्रा. डॉ. मेधाताई कुलकर्णी यांच्या माध्यमातून पर्यावरण रक्षणासाठी सायकल रॅलीचे आयोजन कोथरुडमध्ये करण्यात आले होते. त्याचा शुभारंभ मा. ना. चंद्रकांतदादा पाटील यांच्या प्रमुख उपस्थितीत आणि क्रीडा मंत्री गिरीश महाजन यांच्या हस्ते झाला. या सायकल रॅलीमध्ये अनेक विद्यार्थी आणि तरुण सहभागी झाले होते.

सेवा पंधरवडा अतंर्गत पुणे शहर भारतीय जनता पक्षाच्या वतीने स्वच्छता मोहिम हाती घेण्यात आली होती. त्याचा शुभारंभ ही नामदार चंद्रकांतदादा पाटील यांच्या उपस्थितीत झाला. ना. पाटील यांनी पुणे रेल्वे स्टेशन परिसरातील राष्ट्रपिता महात्मा गांधीजींच्या पुतळ्यास पुष्पहार अर्पण करुन अभिवादन केले. त्यानंतर रेल्वे स्टेशन परिसराची स्वच्छता केली. यावेळी माजी केंद्रीय मंत्री प्रकाशजी जावडेकर, शहर भाजपा अध्यक्ष जगदीश मुळीक, पुणे शहर संघटन सरचिटणीस राजेशजी पांडे यांच्यासह इतर मान्यवर उपस्थित होते.

सेवा पंधरवडा अंतर्गत भाजपा महिला मोर्चाच्या माध्यमातून संपूर्ण देशात आदर्श अंगणवाडी अभियान राबविण्यात येत आहे. याअंतर्गत महिला मोर्चा उपाध्यक्षा माजी आमदार प्रा. डॉ. मेधाताई कुलकर्णी यांच्या माध्यमातून कोथरुडमधील किष्किंदानगर येथील आंगणवाडी सेविकांना गौरविण्यात आले.

त्याचप्रमाणे नामदार चंद्रकांतदादा पाटील यांच्या कोथरुडमधील जनसंपर्क कार्यलाय परिसरात ही सेवा पंधरवड्याचे आयोजन करण्यात आले आहे. याअंतर्गत कोथरुडमधील नागरिकांना विविध प्रकारचे दाखले मोफत उपलब्ध करुन देण्यात येत आहेत. त्याचा शुभारंभही आज चंद्रकांतदादा पाटील यांच्या हस्ते झाला. त्यासोबतच अंगणवाडी सेविकांना सतरंजीचे वाटपही यावेळी करण्यात आले.

पुणे-पंतप्रधान मोदीजींच्या कार्याची उंची प्रजापिता ब्रह्मकुमारीच्या साधकांनी उत्तम प्रकारे ओळखली, अशी भावना राज्याचे उच्च व तंत्रशिक्षण वस्त्रोद्योग आणि संसदीय कार्य मंत्री नामदार चंद्रकांतदादा पाटील यांनी आज व्यक्त केली. तसेच मोदीजींनी देशाची एकात्मता टिकवण्यासाठी अतिशय मोठं कार्य केलं, असेही प्रतिपादन पाटील यांनी यावेळी केले.

पंतप्रधान श्री.नरेंद्र मोदी यांच्या वाढदिवसानिमित्त प्रजापिता ब्रह्माकुमारी ईश्वरीय विश्वविद्यालय बाणेर, पुणे यांच्या वतीने 60 फूट उंच व 44 फूट रुंद सर्वात मोठे ग्रीटिंग कार्ड उभारुन अतिशय अभिनव पद्धतीने शुभेच्छा दिल्या. या ग्रिटींग कार्डचे उद्घाटन नामदार चंद्रकांतदादा पाटील यांच्या हस्ते झाले. यानंतर आयोजित कार्यक्रमात ते बोलत होते.

यावेळी प्रजापिता ब्रह्मकुमारीचे बी.के.डॉ त्रिवेणी, बी.के.डॉ गंगाधर भाई, डॉ.दीपक हरके, विकास गुजर,भाजपा पुणे शहर संघटन सरचिटणीस राजेश पांडे, शहर उपाध्यक्ष गणेश कळमकर, नगरसेविका ज्योती कळमकर, नगरसेवक अमोल बालवडकर, भाजपचे पुनित जोशी, लहू बालवडकर आदी मान्यवर देखील उपस्थित होते.

चंद्रकांतदादा पाटील म्हणाले की, मोदीजींचे कार्य इतके मोठे आहे, त्याची उंची शब्दात व्यक्त करणे अतिशय कठीण आहे. रशिया आणि युक्रेनदरम्यान तणाव निर्माण झाल्यानंतर दोन्ही देशांमध्ये शांतता प्रस्थापित होण्यासाठी संपूर्ण जगाने माननीय मोदीजींकडेच पुढाकार घेण्याचे आवाहन केले. माननीय मोदीजींच्या कार्याची उंची इतकी मोठी आहे, ती प्रजापिता ब्रह्मकुमारीच्या साधकांनी उत्तम प्रकारे ओळखली.

ते पुढे म्हणाले की,मोदीजींच्या नेतृत्वात देश अतिशय झपाट्याने विकास करत आहे. कोणत्याही प्रश्नांना शिल्लक न ठेवण्यासाठीची त्यांची धडपड सुरू आहे. यासाठी प्रचंड साधना केली. त्यातूनच त्यांना जी ऊर्जा मिळत, त्यातून ते आज मोठ मोठ्या आव्हानांवर सहज मात करत आहेत, असे गौरवोद्गार त्यांनी यावेळी काढले.

यावेळी भाजपाचे संघटन सरचिटणीस राजेश पांडे, ओम शांतीचे बी. के.‌गंगाधर भाई यांनी ही मनोगत व्यक्त केले. कार्यक्रमाचे स्वागत प्रास्ताविक डॉ. दिपक हरके यांनी केले. आभार डॉ. बी. के. त्रिवेणी यांनी मानले.

कुंभार समाज शिक्षक संघातर्फे गुणगौरव समारंभ
नारायणगाव/पुणे, ता. १८ : “देशासाठी, समाजासाठी शिक्षक अहोरात्र कष्ट घेऊन मुलांना घडवतात. समाज घडविण्यात शिक्षकांचे अनन्यसाधारण महत्व आहे. त्यांच्या पाठीवर कौतुकाची थाप मारण्याचे अभिमानास्पद काम जुन्नर तालुका कुंभार समाज शिक्षक संघ करीत आहे,” असे मत लिज्जत पापडचे कार्यकारी संचालक सुरेश कोते यांनी व्यक्त केले.
जुन्नर तालुका कुंभार समाज शिक्षक संघातर्फे शिक्षक दिनानिमित्त नुकताच ‘गुणगौरव समारंभ २०२२’ आयोजिला होता. या वेळी कार्यक्रमाच्या अध्यक्षस्थानावरून सुरेश कोते बोलत होते. शिक्षण उपसंचालक कार्यालयातील पर्यवेक्षीय अधिकारी रंगनाथ जाधव, ह.भ. प. निलेश महाराज कोरडे यांच्या हस्ते शिक्षकांचा गुणगौरव करण्यात आला. यावेळी ज्येष्ठ पत्रकार विजय अंबाडे, कुंभार समजोन्नती मंडळाचे अध्यक्ष संतोष कुंभार, पांडुरंग कार्लेकर गुरुजी, बाबाजी कुंभार आदी उपस्थित होते.
सुरेश कोते म्हणाले, “विद्यार्थ्यांना घडविण्याची जुन्नर तालुक्याची परंपरा आहे. या तालुक्याला शिवाजी महाराजांच्या काळापासून एक वेगळा इतिहास आहे. शिक्षकांचा सत्कार करण्याचे संघाचे काम कौतुकास्पद आहे. शिक्षकांनी समाजाला योग्य दिशा देण्याचे कार्य असेच अविरतपणे सुरू ठेवावे.” दरम्यान, सत्कारार्थी विद्यार्थी, शिक्षकांनी आपला सन्मान केल्याबद्दल संघाविषयी कृतज्ञता व्यक्त केली.