कोथरुड, बाणेर-बालेवाडी, पाषाण सूस मधील विविध सोसायट्यांमध्ये सांस्कृतिक कार्यक्रमांचे आयोजन

पुणे-गणेशोत्सव हा महाराष्ट्राची सांस्कृतिक ओळख आहे. समाजातील प्रत्येक व्यक्ती गणेशोत्सवात सहभागी असते. हा उत्सव आता अधिक व्यापक प्रमाणात साजरा करून त्यात लोकसहभाग वाढवा यासाठी राज्याचे उच्च व तंत्र शिक्षणमंत्री तथा कोथरुडचे आमदार चंद्रकांतदादा पाटील यांच्या वतीने कोथरुडकरांना सांस्कृतिक कार्यक्रमांचे आयोजन करण्यात आले असून, यामुळे कोथरुडकरांचा गणेशोत्सवाचा आनंद द्विगुणित झाला आहे.

गणेशोत्सव महाराष्ट्रातील महत्वाचा आणि प्रत्येकाच्या आवडत्या सणांपैकी एक सण म्हणून ओळखला जातो.गणेश चतुर्थीला गणपतीचे आगमन झाल्यानंतर, घराघरात भजन किर्तन सारखे कार्यक्रमांचे आयोजन केले जाते. कोथरुड हे पुण्याच्या सांस्कृतिक राजधानीचे माहेरघर असल्याने, गणेशोत्सव अधिक व्यापक प्रमाणात साजरा करून त्यात लोकसहभाग वाढवा; यासाठी राज्याचे उच्च व तंत्र शिक्षणमंत्री तथा कोथरुडचे आमदार चंद्रकांतदादा पाटील यांच्या वतीने कोथरुडकरांना सांस्कृतिक कार्यक्रमांचे आयोजन करण्यात आले आहे.

याअंतर्गत कोथरुड मतदारसंघातील कोथरुड, बाणेर-बालेवाडी, पाषाण सूस मधील विविध सोसायट्यांमध्ये सांस्कृतिक कार्यक्रमांचे आयोजन करण्यात आले आहे. यामध्ये विनोदी एकपात्री प्रयोग, सुगम संगीत, भावगीत, भक्तिगीते, पुणेकरांच्या जिव्हाळ्याचा ढोल-ताशा पथकांचे वादन आदींचा समावेश असून, यामुळे कोथरुडकरांना सांस्कृतिक मेजवानीचा आस्वाद मिळणार आहे.

या महोत्सवाबद्दल ना. चंद्रकांतदादा पाटील म्हणाले की,गणेशोत्सव हा महाराष्ट्रातील प्रमुख उत्सवांपैकी एक असून; या उत्सवाच्या निमित्ताने नोकरी-व्यवसायाच्या निमित्ताने इतरत्र स्थायिक झालेले आप्त मंडळी एकत्रित येत असतात. त्यांचा हा आनंद द्विगुणित करण्यासाठी गेल्या वर्षीपासून कोथरुड मतदारसंघात गणेशोत्सव काळात सोसायटी भागात सांस्कृतिक कार्यक्रमांचे आयोजन केले जाते.

गेल्या वर्षी हा कार्यक्रम अतिशय उत्साहात साजरा झाला. अनेक अहवाल-वृद्ध या सोहळ्यात अतिशय उत्सफूर्तपणे सहभागी झाले होते. यंदाही कोथरुडकरांसाठी अशाच पद्धतीने सांस्कृतिक कार्यक्रमांचे आयोजन केले असून, कोथरुडकरांचा आनंद यामुळे नक्कीच द्विगुणित होईल, असा विश्वास ना. पाटील यांनी यानिमित्ताने व्यक्त केला.

डॉ.प्रसाद यांचे मत ःनिकमार विद्यापीठात ९ वी आंतरराष्ट्रीय परिषद संपन्न

पुणे, २८ ऑगस्टः” भविष्यात एक मजबूत पायाभूत सुविधा निर्माण करण्यासाठी धोरणात्मक नवोन्मेष, शाश्वत प्रशासन आणि संशोधन यांना व्यवहाराशी एकत्रित करणे आवश्यक आहे. ज्ञानावर आधारित निर्णय घेणे भारताच्या विकासाचा पुढील टप्पा निश्चित करेल” असे मत हरियाणाचे माहिती प्रमुख आयुक्त आणि माजी मुख्य सचिव डॉ.टी.व्ही.एस.एन.प्रसाद यांनी व्यक्त केले.

बांधकाम क्षेत्रात देशातील आघाडीचे विद्यापीठ निकमार ने आयोजित केलेल्या कंस्ट्रक्शन, रियल एस्टेट, इफ्रास्ट्रक्चर अँड प्रोजेक्ट मॅनेजमेंट वरील नव्या आंतरराष्ट्रीय परिषदेच्या समारोप समारंभात प्रमुख पाहुणे म्हणून ते बोलत होते.

या प्रसंगी विद्यापीठाच्या कुलगुरू डॉ. सुषमा कुलकर्णी आणि परिषदेचे संयोजक व विद्यापीठाच्या संशोधन आणि विकास विभागाचे अधिष्ठाता डॉ. रजनीकांत राजहंस उपस्थित होते.

या वेळी विविध श्रेणींमध्ये उत्कृष्टतेला देखील येथे मान्यता देण्यात आली आणि त्यांचा सन्मान करण्यात आला.

डॉ. प्रसाद म्हणाले, शहरीकरण, हवामान बदल आणि संसाधान कार्यक्षेमतेच्या आव्हानांना तोंड देण्यासाठी शिक्षण जगत आणि उद्योग यांच्यात अधिक सधन सहकार्य असले पाहिजे. सध्याच्या युगात, पायाभूत सुविधांमध्ये थ्रीडी प्रिंटिंग, बिल्डिंग इन्फॉर्मेशन मॉडेलिंग, सारख्या नवीन तंत्रज्ञानाचा वापर मोठ्या प्रमाणात केला जात आहे. त्याचबरोबर ड्रोन आणि रोबोट्सचा देखील वापर होतांना दिसतो. या क्षेत्रात शाश्वत बांधकाची आवश्यकता आहे. यासोबतच, संशोधन, पुरवठा साखळी व्यवस्थापन, नियोजन आणि वेळापत्रक, शाश्वत साहित्य आणि तंत्रज्ञान आणि काळानुसार डिजिटल परिवर्तन आवश्यक आहे.

डॉ. सुषमा कुलकर्णी यांनी सर्व सहभागींच्या योगदानाचे कौतुक केले आणि बांधकाम व पायाभूत सुविधा क्षेत्रात संशोधन, नवोन्मेष आणि सहकार्य पुढे नेण्यासाठी विद्यापीठाच्या वचनबद्धतेवर भर दिला.

या वर्षी परिषदेमध्ये १८ देशांमधील २०० हून अधिक शोधनिबंधांचा सहभाग होता. ज्यामध्ये सहा प्रमुख विषयांचा समावेश होता. संशोधन, केस स्टडीज, डॉक्टरेट संगोष्ठी, प्रॅक्टिशनर इनसाइटस, उद्योग प्रदर्शन आणि हॅकेथॉन.

डॉ. रजनीकांत राजहंस यांनी परिषदेला यश मिळवून देण्यासाठी उद्योग व धोरणकर्त्यांच्या सामूहिक प्रयत्नांवर प्रकाश टाकला. तसेच सर्वांचे आभार मानले.

पुणे, दि. २८: : पर्यटन संचालनालय, पुणे महानगर परिवहन महामंडळ लि. व पुणे महानगरपालिका यांच्या संयुक्त विद्यमाने गणेशोत्सव कालावधीत देशी-विदेशी पर्यटकांकरिता पुण्यातील नामांकित गणेश मंडळाच्या दर्शनाकरिता गणेश दर्शन सहलीचे आयोजन करण्यात येणार आहे; अधिकाधिक पर्यटकांनी या सहलीचा सहभाग लाभ घेण्याकरिता नोंदणी करण्याचे आवाहन करण्यात येत आहे.

या उपक्रमाअंतर्गंत वय 60 वर्षे व त्याहून अधिक वर्षांच्या ज्येष्ठ नागरिक व दिव्यांग व्यक्तींना गणेश दर्शन सहल आयोजित करण्यात येत आहे. 1 सप्टेंबर रोजी ज्येष्ठ नागरिक व दिव्यांग व्यक्तींसाठी त्रिशुंडया गणपती, कसबा गणपती, तांबडी जोगेश्वरी, तुळशीबाग, दगडूशेठ हलवाई, श्रीमंत भाऊसाहेब रंगारी गणपती ट्रस्ट, बाबू गेनू गणपती व अखिल मंडई मंडळ या गणपतींच्या थेट दर्शनाची सुविधा करण्यात येणार आहे. इच्छुकांकरिता दि. 1 सप्टेंबर रोजी सकाळी 8.30 ते दु. 1.30 वाजेपर्यंत कात्रज डेपो, हडपसर (गाडीतळ), कोथरुड डेपो, शिवाजीनगर (मॉडेल कॉलनी) व येरवडा (गुंजन टॉकीज) या आगारामधून पुणे महानगर परिवहन महामंडळ लि. यांच्या 5 वातानुकूलीत बसेस (प्रती बस 35 प्रवासींकरीता) उपलब्ध करून देण्यात आल्या आहेत.

ज्येष्ठ नागरिकांसाठी पर्यटन विभागाव्दारे मार्गदर्शक, अल्पोपहार, पाणी व आरोग्य सेवक (प्रथमोपचार संचासह) आदींची सोय करण्यात आली आहे. नाव नोंदणीकरणेरिता गणेश बेंद्रे (संपर्क क्रमांक 9730993282) करावा तसेच गुगल फार्म- https://forms.gle/BbE36QZDyasCGH2SA व क्युआर कोड वर जाऊन नोंदणी करावी, असे आवाहन विभागीय पर्यटन कार्यालयाच्या उपसंचालक शमा पवार यांनी केले आहे.

पुणे- पुण्यातील वाढते प्रदूषण लक्षात घेऊन पुणे महापालिकेने आज पर्यावरण विषयक बैठक बोलावून बांधकाम व्यावसायिकांनी सेन्सर आधारीत वायू गुणवत्ता तपासणी प्रणाली कार्यान्वित करावी असे निर्देश दिले असल्याची माहिती उपायुक्त संतोष वारुळे यांनी येथे दिली .या बैठकीला पुणे महानगरपालिकेचे अतिरिक्त आयुक्त पृथ्वीराज बी.पी., शहर अभियंता प्रशांत वाघमारे, पर्यावरण विभागाचे उप आयुक्त संतोष बरुळे, अधिक्षक अभियंता राजेश बनकर तसेच बांधकाम परवाना विभागातील अधिकारी यांच्या प्रमुख उपस्थितीत पार पडली. या बैठकीस डब्ल्यूआरआय इंडिया, क्रेडाई, मराठी बांधकाम व्यावसायिक असोसिएशन, नारेडको, संस्थेचे प्रतिनिधी आणि सेन्सर उत्पादक उपस्थित होते.

राज्यातील अनेक शहरांमध्ये पी.एम २.५ आणि पी. एम. १० या धुलीकणांमुळे बायू प्रदूषण वाढत असल्याने राज्य सरकारकडून मार्गदर्शक तत्वे जारी करण्यात आली आहेत. महाराष्ट्र प्रदूषण नियंत्रण मंडळ, यांच्या दि.२/११/२०२३ रोजी पर्यावरण (संरक्षण) अधिनियम १९८६, कलम ५ अन्वये देण्यात आलेल्या निर्देशानुसार बांधकाम प्रकल्पांच्या ठिकाणी सेन्सर-आधारित वायू गुणवत्ता तपासणीसाठी प्रणाली उभारणे आवश्यक आहे. प्रदूषणाची पातळी निर्देशित केलेल्या मयदिपेक्षा जास्त होते तेव्हा त्यास नियंत्रित करण्यासाठी त्वरित उपाययोजना करणे आवश्यक आहे. या अनुषंगाने पुणे महानगरपालिकेच्या पर्यावरण विभाग व बांधकाम परवाना विभाग आणि डब्ल्यू.आर. आंय. इंडिया (WRI India) यांच्या संयुक्त विद्यमाने आज दिनांक २६ ऑगस्ट २०२५ रोजी बांधकाम प्रकल्पांच्या ठिकाणी सेन्सर-आधारित वायू गुणवत्ता तपासणी प्रणाली कार्यन्वित करण्याकरिता चर्चा करण्यासाठी क्रेडाई (CREDAI), मराठी बांधकाम व्यावसायिक, नारेडको आणि सेन्सर उत्पादक यांची महत्त्वपूर्ण बैठक आयोजित करण्यात आली.
वायू प्रदूषणामुळे नागरिकांच्या आरोग्य विषयक समस्या कमी करण्याकरिता बांधकाम प्रकल्पांच्या ठिकाणी सेन्सर-आधारित वायू गुणवत्ता तपासणीसाठी प्रणाली उभारणेसाठी महाराष्ट्र प्रदूषण नियंत्रण मंडळ यांच्या दिलेल्या निर्देशानुसार बैठकी दरम्यान संतोष वारूळे, उपआयुक्त, पर्यावरण विभाग यांनी प्रास्ताविक केले. डब्ल्यूआरआय इंडियाचे संचालक श्रीकुमार कुमारस्वामी यांनी सेन्सर-आधारित बायू गुणवत्ता तपासणी प्रणालीवावत सादरीकरण केले.
बैठकीदरम्यान शहर अभियंता प्रशांत वाघमारे यांनी पुणे शहर हे राहण्यायोग्य शहर (livable city) आहे परंतु सद्यस्थितीत बांधकाम सेक्टर तसेच रोड डस्टचे प्रमाण अधिक आहे यामुळे बांधकाम व्यावसायिक यांनी तातडीने बांधकामाचे मोठे प्रोजेक्ट्स या ठिकाणी सेन्सर आधारीत वायू गुणवत्ता तपासणी प्रणाली कार्यान्वित करावी असे आवाहन केले.
अतिरिक्त आयुक्त पृथ्वीराज बी.पी. यांनी सेत्सर आधारीत बायू गुणवत्ता तपासणीं प्रणाली प्रभावीपणे राबविण्यासाठी सर्व संबंधितांच्या सूचना व शिफारसींचा समावेश करण्यासाठी Task Force Committee स्थापन करून बांधकाम प्रकल्पांच्या ठिकाणी सेन्सर-आधारित बापू गुणवत्ता तपासणीसाठी प्रणाली उभारून केंद्रीकृत डॅशबोर्डशी एकत्रित करण्याच्या सूचना दिल्या. या प्रणालीच्या साहाय्याने वास्तविक वेळेतील (real-time) माहिती उपलब्ध होईल आणि धूळ व वायू प्रदूषण नियंत्रणासाठी आवश्यक ती तात्काळ उपाययोजना करता येईल.

पुणे-
छायाचित्रकार नसते तर देशाचा इतिहास कधीच कळला नसता. छायाचित्रांमुळे आपल्या देशाचा इतिहास पुढील पिढीपर्यंत पोहोचतो. तो इतिहास जपण्याची आणि टिपण्याची मोठी जबाबदारी छायाचित्रकारांवर आहे,असे प्रतिपादन खासदार प्रणिती शिंदे यांनी केले.
गणेशोत्सवानिमित्त पुणे फेस्टिव्हल व पुणे श्रमिक पत्रकार संघाच्या संयुक्त विद्यमाने पुण्यातील विविध वृत्तपत्रांतील ४५ छायाचित्रकारांनी टिपलेली सुमारे ३०० छायाचित्रे बालगंधर्व कलादालन येथे प्रदर्शित करण्यात आली आहेत. या प्रदर्शनाचे उद्घाटन बुधवारी ज्येष्ठ गांधीवादी विचारवंत उल्हास पवार आणि सावित्रीबाई फुले पुणे विद्यापीठाचे प्र-कुलगुरू प्रा. डॉ. पराग काळकर यांच्या हस्ते झाले. यावेळी खासदार प्रणिती शिंदे प्रमुख पाहुण्या म्हणून उपस्थित होत्या. पुणे फेस्टिव्हलचे उपाध्यक्ष कृष्णकुमार गोयल, मुख्य संयोजक अ‍ॅड. अभय छाजेड, श्रमिक पत्रकार संघाचे अध्यक्ष ब्रिजमोहन पाटील, सरचिटणीस मंगेश फल्ले यांच्यासह पदाधिकारी उपस्थित होते.
शिंदे पुढे म्हणाल्या, समाजमाध्यमांमुळे वृत्तपत्रातील छायाचित्रकारांची जबाबदारी अधिक वाढली आहे. समाजमाध्यमांवर प्रसिद्ध होणाऱ्या छायाचित्रांची सत्यता अनेकदा कमी असते; मात्र वृत्तपत्रातील छायाचित्रकारांना एकेक छायाचित्र टिपण्यासाठी मोठे कष्ट घ्यावे लागतात. ते समाजातील भावना टिपतात. अनेक छायाचित्रे बोलकी ठरतात, हीच त्यांची खरी कला आहे. पुढील पिढी जेव्हा ही छायाचित्रे पाहील, तेव्हा तिला आपले भविष्य आणि समाजाची दिशा समजू शकेल.
उल्हास पवार म्हणाले, माजी केंद्रीय मंत्री सुरेश कलमाडी यांनी पुणे फेस्टिव्हलची सुरुवात केली. हा फेस्टिव्हल आज जगभरात पोहोचला आहे. छायाचित्रांचे महत्त्व आजही तेवढेच आहे. पुणे फेस्टिव्हलने हे प्रदर्शन भरविले, हे कौतुकास्पद आहे.
प्रा. डॉ. पराग काळकर यांनी सांगितले,वृत्तपत्रातील छायाचित्रकार समाजमन ओळखून त्यातील भावना लोकांपर्यंत पोहोचवतात. छायाचित्रांचे प्रदर्शन होणे गरजेचे आहे.
प्रास्ताविक पुणे फेस्टिव्हलचे मुख्य संयोजक अ‍ॅड. अभय छाजेड यांनी केले. ते म्हणाले, पुणे फेस्टिव्हल यंदा ३७व्या वर्षात पदार्पण करत आहे. यंदा पुणे श्रमिक पत्रकार संघ आमच्या उपक्रमात सहभागी झाला असून, त्यानिमित्ताने छायाचित्रकार मोठ्या संख्येने सहभागी झाले आहेत. विविध विषयांवरील छायाचित्रे यामध्ये प्रदर्शित केली आहेत. पुण्यातील संस्थांचा सहभाग वाढविण्यासाठी आम्ही प्रयत्नशील आहोत.
पत्रकार संघाचे अध्यक्ष ब्रिजमोहन पाटील यांनी आपले मनोगत व्यक्त केले. कार्यक्रमाचे सूत्रसंचालन सचिन आडेकर यांनी केले. तसेच व्यवस्थापन सचिन आडेकर व आबा जगताप यांनी केले.हे छायाचित्र प्रदर्शन शनिवार, ३० ऑगस्टपर्यंत सकाळी १० ते रात्री ८ या वेळेत बालगंधर्व कलादालन येथे सर्वांसाठी विनामूल्य खुले राहणार आहे.

पुणे, दि.२८:: पुणे जिल्ह्याचे जिल्हा माहिती अधिकारी म्हणून युवराज पाटील यांनी आज पदभार स्वीकारला. यावेळी माहिती अधिकारी सचिन गाढवे यांनी त्यांचे स्वागत केले.

श्री. पाटील यांनी यापूर्वी सहायक संचालक मंत्रालय, सहायक संचालक विभागीय माहिती कार्यालय,पुणे तर अकोला, वाशिम,सातारा,लातूर आणि जळगाव येथे जिल्हा माहिती अधिकारी या पदावर काम केले आहे.

जिल्हा माहिती कार्यालयामार्फत शासनाच्या विविध लोककल्याणकारी योजना, उपक्रम आणि विकासकामांची माहिती नागरिकांपर्यंत पोहोचविणारे महत्वाचा दुवा मानला जातो. शासनाची ध्येयधोरणे आणि जनहिताचे कार्यक्रम प्रभावीपणे समाजापर्यंत पोहोचविण्यासाठी प्रयत्नशील राहीन, असेही श्री. पाटील म्हणाले.

यावेळी जिल्हा माहिती कार्यालयातील कर्मचारी उपस्थित होते.