पुणे-पुण्यातील महात्मा फुले मंडई येथे हेल्मेट सक्तीच्या निषेधार्थ सर्वपक्षीय घंटानाद आंदोलन करण्यात आले. आंदोलन सुरु होताच आंदोलनात सहभागी होण्यासाठी सुमारे तासाभरात भाजपा आमदार मेधा कुलकर्णी या येथे येताच राष्ट्रवादी -मनसे च्या कार्यकर्त्यांनी पालकमंत्री गिरीश बापट यांच्या विरोधात घोषणा सुरु केल्या आणि अशा घोषणा देणार असाल तर मी येथून निघून जाईल असे म्हणताच शिवसेनेसह अन्य विरोधी पक्षाच्या कार्यकर्त्यांनी त्यांना घंटानाद करून घोषणाबाजी करत विरोध करायला सुरुवात केली मेधा कुलकर्णी यांनी मी पहिल्यापासून सक्तीच्या विरोधात आहे आणि पालकमंत्री तुमच्या सोबत आहेत असे सांगण्याचा प्रयत्न केला मात्र विरोधी पक्षाच्या काही कार्यकर्त्यांनी जोरदार घोषणाबाजी सुरूच ठेवली आणि अखेर मेधा कुलकर्णी यांना भाजपचे संदीप खर्डेकर आणि धनंजय जाधव तसेच कृती समितीचे बाळासाहेब रुणवाल यांनी त्यांना त्याच्या मोटारीपर्यंत नेले आणि तेथून अखेर त्या निघून गेल्या .
पुणे वाहतुक पोलिसांनी १ जानेवारीपासून हेल्मेट सक्ती केली आहे. त्या निषेधार्थ शहरातील अनेक राजकीय पक्ष आणि संघटना एकत्रित आल्या असून मागील महिनाभरात अनेक वेळा हेल्मेट सक्तीच्या निषेधार्थ आंदोलन करण्यात आले आहे. या हेल्मेट सक्तीला आज महिना झाल्याच्या निमित्ताने हेल्मेट विरोधी कृती समितीच्या वतीने महात्मा फुले मंडई चौकात घंटानाद आंदोलन करण्यात आले. यावेळी हेल्मेट सक्ती विरोधी कृती समितीचे संयोजक माजी महापौर अंकुश काकडे, भाजपा आमदार मेधा कुलकर्णी, माजी महापौर शांतीलाल सुरतवाला, राजेंद्र कोंढरे,बाळासाहेब अमराळे ,नगरसेवक विशाल धनवडे, माजी नगरसेविका रूपाली पाटील, माजी नगरसेवक धनंजय जाधव,एडविन रॉबर्ट, संभाजी ब्रिगेडचे संतोष शिंदे तसेच शहरातील विविध संघटनाचे प्रतिनिधी सहभागी झाले होते.
या घटनेनंतर माध्यमांशी बोलताना आमदार मेधा कुलकर्णी म्हणाल्या, मी हेल्मेट सक्तीच्या विरोधात असल्याने आंदोलनामध्ये सहभागी होण्यास आले. पुणे शहरात ज्याप्रकारे हेल्मेट सक्ती पोलिसांकडून राबवली जात आहे, त्याबाबत येत्या महिनाभरात राज्य सरकार नागरिकांसक्ती करू नये अशा स्वरूपाचा निर्णय घेईल …
