मुंबई-ज्येष्ठ सिनेपत्रकार, नाट्य-चित्रपट समीक्षक दीनानाथ घारपुरे यांचे काल ८ जुलै २०२० रोजी निधन झाले.
नँशनल युनियन आँफ जर्नालिस्टस् महाराष्ट्र च्या वतीने अध्यक्ष शीतल करदेकर यांनी त्यांच्या निधनानिमित्त दुखः व्यक्त केले आहे.
दीनानाथ घारपुरे यांचा अल्पपरिचय.
दीनानाथ घारपुरे यांनी ३८ वर्षं आकाशवाणीच्या नाशिक, बीड आणि मुंबई केंद्रांवर विविध अधिकारी पदांवर काम केले. तसेच, सिनेपत्रकार म्हणूनही त्यांनी या क्षेत्रात आपली एक वेगळी ओळख प्रस्थापित केली. मराठी चित्रपट आणि नाट्यसृष्टीतील कित्येक कलाकारांशी त्यांचे अगदी जिव्हाळ्याचे संबंध होते. अत्यंत मितभाषी स्वभावाचे घारपुरे राज्य नाट्यस्पर्धांच्या परीक्षणासाठी आवर्जून हजर असायचे आणि त्याच्या वृत्तसंकलनाची जबाबदारीही त्यांनी कित्येक वर्षें निभावली. दै. ‘मुंबई तरुण भारत’मध्येही त्यांचे ‘चित्रनगरी’ हे दर शनिवारी नाट्यसमीक्षा, चित्रपट परीक्षण आणि कलाकारांच्या मुलाखतींचे सदर विशेष प्रसिद्ध होते.