शहाजीराजे भोसले यांच्या 424 व्या जयंती महोत्सवानिमित्त येत्या 18 मार्च रोजी वेरुळ येथे भव्य कार्यक्रमाचे आयोजन

पिंपरी,  :

महाराष्ट्र शासन आणि स्वराज्य संकल्प शहाजीराजे भोसले जयंती महोत्सव समिती यांच्या संयुक्त विद्यमाने दि. 18 मार्च 2018 रोजी शहाजीराजे भोसले यांची 424 वी जयंती छत्रपती शिवाजी महाराज यांचे वंशज खा. संभाजीराजे भोसले (कोल्हापूर घराणे), प्रिन्स ऑफ तंजावर म्हणजे तंजावर घराण्याचे राजे मा. श्री. शिवाजीराजे भोसले आणि नागपूर घराण्याचे रा राजे मुधोजी भोसले या राजघराण्याच्या मान्यवरांच्या उपस्थितीत आणि मार्गदर्शनाखाली वेरुळ येथे हा सोहळा संपन्न होत आहे,  अशी माहिती शहाजीराजे भोसले जयंती महोत्सव समितीचे अध्यक्ष विलासभाऊ पांगारकर, छावा संघटनेचे संस्थापक अध्यक्ष किशोरभाऊ चव्हाण यांनी पत्रकार परिषदेत दिली. यावेळी छावा मराठा संघटनेचे पुणे जिल्हाध्यक्ष रामभाऊ जाधव, पुणे जिल्हा संपर्क प्रमुख सचिन गावंडे पाटील, शहाजीराजे भोसले जयंती महोत्सव समितीचे कार्याध्यक्ष राजू सावळे, उद्भवराजे काळे, राजेंद्र चव्हाण, गणेश सोनवणे, सुमित टूमलाईत, सुनील सावंत, इम्रान शेख, सुमित लोहरे आदी उपस्थित होते.

या सोहळ्याला विविध राजकीय पक्षाचे पदाधिकारी आणि लोकप्रतिनिधी खास बाब म्हणून उपस्थित राहणार आहेत. जयंती महोत्सव कार्यक्रमाचे उद्घाटन राज्याचे बांधकाम तथा महसूल मंत्री मा.ना. श्री. चंद्रकांत दादा पाटील यांच्या हस्ते होणात असून, कार्यक्रमाच्या अध्यक्षस्थानी राज्याचे आरोग्यमंत्री आणि जिल्ह्याचे पालकमंत्री डॉ. दीपक सावंत हे राहणार आहेत. सावंत हेच शासन नियुक्त शहाजीराजे भोसले स्मारक सल्लागार समितीचे अध्यक्ष आहेत. प्रमुख पाहुणे म्हणून केंद्रीय न्याय राज्यमंत्री . रामदास आठवले, महात्मा गांधी मिशन ट्रस्टचे सचिव  श्री. अंकुशराव कदम, डॉ. बाबासाहेब आंबेडकर मराठवाडा विद्यापीठाचे प्रो कुलगुरु डॉ. अशोक तेजनकर, औरंगाबाद महसूल विभागाचे विभागीय आयुक्त डॉ. पुरुषोत्तम भापकर, जिल्हाधिकारी तथा स्मारक नियोजन आढावा समितीचे अध्यक्षनवल किशोर राम, ज्येष्ठ सामाजिक कार्यकर्ते . पृथ्वीराजभाऊ पवार, तसेच जिजाऊ ब्रिगेडच्या अध्यक्षा  श्रीमती रेखाताई चव्हाण आदी मान्यवरांसह वेरुळ गावचे सरपंच  साहेबसिंग गुमलाडू आदी मान्यवर उपस्थित राहणार आहेत.

कार्यक्रमस्थळी प्रसिद्ध शाहिर  सुरेश जाधव यांचे शहाजीराजांच्या जीवन चरित्रावर पोवाड्याचा कार्यक्रम होणार आहे. तत्पूर्वी, शिवकालीन युद्धनिती आणि विविध हत्यारासहचे प्रात्यक्षित  गोरक्षनाथ कुंडलवाल यांचे पथक साजरे करणार आहे. त्याचप्रमाणे प्रसिद्ध व्याख्याते प्रदीपदादा साळुंके यांचे व्याख्यान होणार आहे. स्वराज्य संकल्पक शहाजीराजे भोसले यांचा जयंती उत्सव गेल्या पंधरा वर्षापासून अथक परिश्रम घेऊन जयंती महोत्सवाचे संस्थापक अध्यक्ष किशोरभाऊ चव्हाण करीत आहेत.

या नियोजित स्मारकाबाबत मालोजीराजे आणि विठोजीराजे भोसले यांनी या भागामध्ये त्याचवेळेस 100 एकरपेक्षाही जास्त भागावर भव्य असे तलावाचे निर्माण केले होते. जे की पाणी व्यवस्थापनाचे अत्यंत व्यापक आणि मोठे उदाहरण ठरणार असून, चार शतकापूर्वी त्यांनी निर्माण केलेल्या तत्कालीन पाणी आणि सिंचन व्यवस्थापन आजही मार्गदर्शक ठरू शकत असल्यामुळे या स्मारकाला मतीतार्थाने आंतरराष्ट्रीय स्मारक करण्याच्या दृष्टीने समितीचे प्रयत्न असून, त्यास मान्यता सुद्धा मिळण्याची अपेक्षा समितीने 6 फेब्रु. 2018 रोजी मंत्रालय मुंबई येथे झालेल्या बैठकीत व्यक्त केली होती. नियोजित स्मारकाच्या मागील बाजूला असलेल्या 133 एकर जागेचा समावेश सदरच्या नियोजित आराखड्यात व्हावा, अशी मागणी समितीची गेल्या अनेक वर्षापासून असल्यामुळे आराखड्यामध्ये त्याचा समावेश करण्याचे सार्वजनिक बांधकाम विभागाचे मंत्री चंद्रकांत दादा पाटील यांनी मान्यता दिली असून, विभागीय आयुक्त डॉ. पुरुषोत्तम भापकर यांना पुढील कार्यवाही करण्यासाठी आदेशित केल्यावरून डॉ. भापकर यांनी सार्वजनिक बांधकाम विभागाचे मुख्य अभियंता आणि अधिक्षक अभियंता यांना सदर बाबत आदेश देऊन योग्य असा आणि समितीच्या मागणीप्रमाणे चर्चेअंतिम झालेया स्मारकाचा नियोजित आराखडा दि. 15 मार्च 2018 पर्यंत सादर करण्याचे आदेश सुद्धा दिलेले असून, जिल्हाधिकारी यांच्या अध्यक्षतेखाली होणार्‍या बैठकीत आठ लाख पन्नास हजार रुपयांच्या स्मारक परिसर आणि पुतळा परिसर येथे भव्य रोषणाईसाठी मान्यता या बैठकीत होणार असून, यासाठी शासन स्तरावर विविध तांत्रिक व प्रशासकीय बाजू मंजुरी घेण्याचे काम अंतिम टप्प्यात असून, भारतीय पुरातत्व विभागाच्या अंतर्गत राज्य पुरातत्व विभाग आणि सार्वजनिक बांधकाम विभाग आणि राज्य पर्यटन विभाग यांचा संयुक्त असा कृती आराखडा सुद्धा विचारात घेतला जाणार असल्यामुळे स्वराज्य संकल्पक शहाजीराजे भोसले यांचे सदरचे स्मारक अत्यंत भव्यदिव्य करून घेण्यासाठी शिवकालीन इतिहास, शिवकालीन मार्गदर्शक तत्वे आणि त्या अनुषंगाने दूरदृष्टीने तयार करण्यात आलेले आराखडे तथा तत्कालीन अवलंबीत करण्यात आलेल्या सर्व नितीचा समावेश या भव्यदिव्य आराखड्यात व्हावा, यासाठी समिती प्रयत्नशील आहे.

जयंती महोत्सव कार्यकारिणी जाहीर

सन 2018-19 साठीची जयंती महोत्सव कार्यकारिणी संस्थापक अध्यक्ष किशोरभाऊ चव्हाण यांनी जाहीर केली असून, स्वराज्य संकल्पक शहाजीराजे भोसले जयंती समितीच्या अध्यक्षपदी विलास पांगारकर यांची निवड करण्यात आली आहे. तर समितीच्या उपाध्यक्षपदी राजेंद्र दाते पाटील यांच्यासह प्रा. डॉ. शिवानंद भानुसे, चंद्रकांत भराट, रमेश केरे पाटील, रवींद्र काळे पाटील, सुरेश वाकडे, सुनील कोटकर, विलास चव्हाण, योगेश केवारे, विवेकानंद बाबर, ज्ञानेश्‍वर गायकवाड आदींचा समावेश आहे. समितीच्या कार्याध्यक्षपदी सचिन गावंडे, किशोर शितोळे, नागराज गायकवाड, करण गायकर, अप्पासाहेब कुढेकर, रामभाऊ जाधव, राजुभाऊ सावळे, सुमीत टुगलाईट, दत्ता जाधव, गणेश सोनवणे, दीपक शिंदे, सुनीलभाऊ जाधव, ज्ञानेश्‍वर उर्फ माउली यादव आदींची निवड करण्यात आली आहे. समितीच्या सरचिटणीसपदी अशोक वाघ, नितीन कदम, शैलेश क्षीरसागर, विजय काकडे, मनोज गायके, विवेक उर्किडे पाटील, मनोज पाटील, संजय सावंत, योगेश शिंदे यांची निवड करण्यात आली आहे. सचिवपदी प्रकाश पाटील, नाना ठाकरे, लक्ष्मण मिसाळ, राजू वरकड, नाना कदम, राजेंद्र चव्हाण, रमेश वाघ, रवींद्र बोडखे, महेंद्र दगडफोडे, वैभव किर्दक, किशोर काळे, प्रा. गोपाळ चव्हाण, प्रा. राजकुमार गाजरे, प्रमोद खैरनार, मच्छिंद्र घोरपडे, दादाराव शेळके, अनिल श्रीखंडे, रमेश गायकवाड, उद्धव काळे, प्रमोद देशमुख यांची, तर कोषाध्यक्ष म्हणून अशोक खानापुरे; सल्लागार म्हणून इंजि. तानाजी हुस्सेकर, डॉ. त्र्यंबक पाटील यांची निवड करण्यात आली आहे.