पुणे, कुशल क्रेडाई पुणे मेट्रो तर्फे नुकतेच स्कायआय मानस लेक, भूगाव येथे कामगारांसाठी नविन प्रशिक्षण वर्ग चालू करण्यात आला. याप्रसंगी प्रमुख पाहूणे म्हणून गोविंद मिल्कचे कार्यकारी संचालक राजीव मित्रा, कुशल क्रेडाई चे अध्यक्ष जे. पी. श्रॉफ, स्कायआय चे संचालक अमित जगताप, कुशल क्रेडाईचे एचआर,कायदा आणि प्रशासन सचिव समिर बेलवलकर, कुशलच्या सुकाणू समितीचे सदस्य मिलिंद तलाठी उपस्थित होते.
कौशल्य ही माणसाची अनमोल संपत्ती आहे आणि ते तुमच्यापासून कोणीही हिरावून घेऊ शकत नाही. कौशल्यापासून आपण फक्त चांगले जीवनच नाही तर यशाची बरीच शिखरे पादाक्रांत करू शकतो, असे मत मित्रा यांनी व्यक्त केले.
कामगारांना संबोधताना श्रॉफ म्हणाले की, भारतीयांनी आतापर्यंत कुतूबमीनार, ताजमहल यांसारख्या सुंदर वास्तू साकारल्या आहेत. भविष्यातही आपल्याला अशाच सुंदर वास्तू निर्माण करायच्या आहेत. स्कायआय मानस लेक येथे काम करणाऱ्या कामगारांनी आपलं कौशल्य विकसित करण्यासाठी कुशल क्रेडाईच्या प्रशिक्षणाचा पुरेपुर फायदा करून घ्यावा. जेणेकरून तुमच्या उत्तम कामामुळे तुम्हाला भविष्यात नविन संधी उपलब्ध होतील. प्रशिक्षणानंतर तुम्ही साकारलेली सर्वोत्तम वास्तू बघताना तुम्हाला तुमाचाच अभिमान वाटल्याशिवाय राहणार नाही.
