पुणे- पुरग्रस्त कुटुंबासाठी कॅटॅलिस्ट फाउंडेशनकडून खासदार गिरीश बापट आणि भाजपा नगरसेवक यांच्या प्रमुख सक्रिय उपस्थितीत 2 ट्रक जीवनावश्यक साहित्य रवाना करण्यात आले.
कॅटॅलिस्ट फाउंडेशनचे सुनील माने यांनी सांगितले की,पुरामुळे संकटात सापडलेल्या गावांना मदतीचा हात देण्याच्या निश्च्याने आम्ही काही दिवसांपासून खासदार गिरीश बापट यांच्या मार्गदर्शनाखाली काम करत होतो. पुणेकरांना ही आम्ही मदतीचे आवाहन केले होते. आज दोन ट्रक मदत आम्ही सांगली जिल्ह्यातील वाळवा तालुक्यात रवाना केली.
या साहित्या मध्ये महिला,पुरुष, लहान मुलं मुली यांची आंतरवस्त्रे, टी शर्ट, साड्या, शर्ट, लहान मुलांसाठी कानटोप्या, महिलांसाठी स्टोल, टॉवेल, परकर, सॅनिटरी नैपकीन,हातमोजे,पत्रावळ्या, बिस्कीट, तांदूळ, टूथपेस्ट, टूथब्रश, कपड्याचे आणि अंगाचे साबण,बिस्कीट, मॅगी, भडंग, मसाले, हाळदपूड, मीठ, मसाले, शेंगदाणे, तांदूळ, आटा, बेसन, खाद्यतेल, व इतर खाद्यपदार्थ, फिनेल, खराटे, ब्लिचिंग पावडर यासारख्या वस्तू पाठवन्यात आल्या आहेत.
यावेळी खासदार गिरीश बापट, कॅटॅलिस्ट फाउंडेशनचे अध्यक्ष सुनील माने, सचिव लक्ष्मीकांता माने, पुणे महानगर पालिकेच्या शहर सुधारणा समितीचे अध्यक्ष अमोल बालवडकर, नगरसेवक उमेश गायकवाड, दीपक पोटे, सुशील मेंगडे, किरण दगडे पाटील, अजय खेडेकर, आदित्य माळवे, प्रल्हाद सायकर, क्रीडा अधिकारी सुहास पाटील, रतन बालवडकर, राघवेंद्र मानकर, समीर भूतकर, मिलिंद मोरे, नितीन मोलंदा, डॉ. राजेश देशपांडे, अमित सोनावणे यांच्यासह मान्यवर उपस्थित होते. लोकांच्या दुःखातून सावरण्याचा छोटासा प्रयत्न ही संस्था यानिमित्ताने करत आहोत. असे यावेळी खासदार गिरीश बापट यांनी सांगितले.
