पुणे-कोणत्याही कट्टरवादापेक्षा धार्मिक सलोखा हाच देशाला एक सांध ठेऊ शकतो. काँग्रेसने धार्मिक एकोपा जपून देशाचा विकास साधला, असे प्रतिपादन काँग्रेस, राष्ट्रवादी काँग्रेस महा आघाडीचे कॉन्टोन्मेंट विधानसभा मतदार संघाचे उमेदवार रमेश बागवे यांनी केले. सकाळी कॅन्टोन्मेंट भागात झालेल्या पदयात्रे दरम्यान रमेश बागवे यांनी बाबाजान दर्गा, राम मंदिर, चर्च, बौद्ध विहारांनाही भेटी दिल्या. बाबाजान दर्गा येथे रमेश बागवे यांनी चादर चढवून माथा टेकवत आशीर्वाद घेतला. तर कॅम्प मधील राम मंदिरात जाऊन नतमस्तक होऊन आशीर्वाद घेतले.
सर्व धर्म समभाव हाच भारताचा आत्मा असल्याचे नमूद करत रमेश बागवे यांनी सर्व धर्मियांच्या गाठी भेटी घेतल्या. त्यांच्या स्थानिक समस्या जाणून घेऊन त्या सोडवण्याचे आश्वासन दिले.
आज सकाळी साचापीर स्ट्रीट वरून या पदयात्रेची सुरुवात झाली. उमरशहा दर्गा, जुना मोदीखाना, सुप्रिया सोसायटी, सागर सोसायटी, बच्चू अड्डा, गवळीवाडा, दस्तुर मेहेर, कोकणी मोहल्ला, श्रीकृष्णा मंडळ, रेडिओ हॉटेल, दबाईर लेन, चारबावडी पोलीस चौकी, बाबाजान चौक, मार्गे केदारी रोड, शिंपी गल्ली, सेंटर स्ट्रीट, भीमपुरा, बंदर वस्ताद तालीम येथे समारोप झाला.
या पदयात्रेस नगरसेवक रफिक शेख,माजी कॅन्टोन्मेंट सदस्या संगीत पवार, माजी कॅन्टोन्मेंट सदस्य प्रसाद केदारी, मंजूर शेख, रशीद खिजर, आसिफ शेख, वाहिद बियाबानी, जॉन मोहमद शेख, अमीर सय्यद, सुवर्णा उरड, धनंजय उरड आदी मान्यवर पदयात्रेस उपस्थित होते.
