Industrialist

पुणे, 21 मे, 2024: दुचाकी आणि तीनचाकी विभागात कार्यरत वाहन निर्माता कंपनी टीवीएस मोटर कंपनी (टीवीएसएम) - आज टीवीएस अपाचे 160 सिरीज मोटारसायकलचे 'ए ब्लेझ ऑफ ब्लॅक’ डार्क एडिशन महाराष्ट्रात लॉन्च केले आहे. टीवीएस अपाचे आरटीआर 160 आणि आरटीआर 160 4वी...

उत्तर भारतातील बाजारपेठेत JSW सिमेंटचा प्रवेश झाला आहे इक्विटी आणि दीर्घकालीन कर्ज याचे नियोजन करत गुंतवणूक करायची आहे मुंबई - 21 मे 2024: 24.25 अब्ज अमेरिकन डॉलर्सची उलाढाल असलेल्या JSW समूहाचा भाग असलेल्या JSW सिमेंटने राजस्थानच्या नागौर जिल्ह्यात ग्रीनफिल्ड, एकात्मिक सिमेंट उत्पादन सुविधा केंद्र सुरू करण्यासाठी सुमारे 3,000 कोटींची गुंतवणूक करण्याची योजना आखली आहे. सिमेंट कारखान्याचे  भूमिपूजन नुकतेच करण्यात आले. JSW सिमेंटच्या या नवीन सिमेंट सुविधा केंद्रात 3.30 MTPA पर्यंतचे क्लिंकरायझेशन युनिट, 2.50 MTPA पर्यंतचे ग्राइंडिंग युनिट, तसेच 18 मेगावॅटच्या वेस्ट हीट रिकव्हरी बेस्ड पॉवर प्लांटचा समावेश आहे. तसेच खाणीतून चुनखडी प्रकल्पापर्यंत नेण्यासाठी 7 किमी लांबीचा ओव्हरलँड बेल्ट कन्व्हेयर आणि भट्टीत पर्यायी इंधन वापरण्याची व्यवस्था याची देखील व्यवस्था करून त्यासाठी गुंतवणूक करण्यात येणार आहे. या प्रस्तावित गुंतवणुकीला इक्विटी तसेच दीर्घकालीन कर्जाच्या समन्वयातून निधी दिला जाईल. JSW सिमेंटने यासंदर्भातील काही नियामक आणि वैधानिक मंजुरी आधीच मिळवल्या आहेत. तसेच इतर आवश्यक मंजुरी मिळवण्याचे प्रयत्न सुरू आहेत. हे युनिट एकदा कार्यान्वित झाल्यानंतर JSW सिमेंट उत्तर भारतातील आकर्षक सिमेंट बाजारपेठेत प्रवेश करेल. सध्याच्या गुंतवणुकीमुळे 1 हजारांहून अधिक प्रत्यक्ष आणि अप्रत्यक्ष रोजगाराच्या संधी निर्माण होण्याची शक्यता आहे JSW सिमेंटचे व्यवस्थापकीय संचालक श्री. पार्थ जिंदाल म्हणाले की, “आमच्या सिमेंट व्यवसायाद्वारे राजस्थानमध्ये करत असलेली ही आमची सर्वात महत्त्वाची गुंतवणूक आहे. या भागात रोजगाराच्या भरीव संधी निर्माण करून राज्याच्या आर्थिक विकासात योगदान देण्यासाठी मी राजस्थान राज्य सरकारसोबत सहयोग  करण्यास उत्सुक आहे. नागौरमध्ये एकात्मिक सिमेंट सुविधा निर्माण करण्यासाठीच्या या प्रस्तावित गुंतवणुकीमुळे JSW सिमेंट पुढील काही वर्षांत संपूर्ण भारतात आपला ठसा उमटवेल. या प्रदेशातील हे नवीन केंद्र आम्हाला उत्तरेकडील राजस्थान, हरियाणा, पंजाब आणि NCR प्रदेशातील आमच्या ग्राहकांच्या गरजा पूर्ण करण्यास सक्षम करेल. JSW सिमेंटचे CEO श्री. नीलेश नार्वेकर म्हणाले, “या गुंतवणुकीमुळे आम्ही उत्तर भारतातील झपाट्याने वाढणाऱ्या आणि आकर्षक सिमेंट मार्केटमध्ये प्रवेश करणार आहोत. या राज्यातील जीडीपी वाढीचा दर सर्वाधिक आहे तसेच येथे मोठ्या प्रमाणावर पायाभूत सुविधा आणि गृहनिर्माण विकासही झालेला दिसतो. या तेजीत असलेल्या बांधकामासाठी पोषक बाजारपेठेत प्रवेश करण्यासाठी आम्ही खूप उत्साहित आहोत तसेच आमच्या ग्राहकांना उच्च दर्जाचे सिमेंट आणि जागतिक दर्जाची ग्राहक सेवा देण्याचे आमचे ध्येय आहे.”

ही उल्लेखनीय कामगिरी पूर्ण करणारी रोहन बिल्डर्स कंपनी देशातील काही निवडक विकसकांपैकी एक आहे पुणे २१ मे २०२४: रिअल इस्टेट क्षेत्रातील नामांकित विकसक रोहन बिल्डर्सने...

मुंबई,21 मे 2024: ॲक्सिस बँक ही भारतातील खाजगी क्षेत्रातील अग्रगण्य बँकांपैकी एक असलेली बँक असून, बँकेने व्हीएसटी टिलर्स ट्रॅक्टर्स लिमिटेड या भारतातील अग्रगण्य शेती उपकरणे उत्पादक कंपनीसोबत सामंजस्य करारावर स्वाक्षरी केली आहे. यामुळे शेतकऱ्यांना ट्रॅक्टर आणि कृषी यांत्रिकीकरण उत्पादने खरेदी करण्यासाठी आर्थिक योजना पुरवण्यास मदत करता येतील. करारानुसार, अॅक्सिस बँक व्हीएसटीच्या संभाव्य ग्राहकांना त्याच्या संपूर्ण परिघात पसरलेल्या 5370+ शाखांच्या विस्तृत नेटवर्कद्वारे आर्थिक योजना प्रदान करेल. ॲक्सिस बँकेच्या फार्म मेकॅनायझेशनचे व्यवसाय प्रमुख, राजेश ढगे आणि व्हीएसटी टिलर्स ट्रॅक्टर्स लिमिटेडचे ​​सीईओ, श्री अँटोनी चेरुकारा यांनी सामंजस्य करारावर स्वाक्षरी केली.यावेळी ॲक्सिस बँकेच्या भारत बँकिंगसाठी किरकोळ मालमत्ता विभागाचे प्रमुख, रामास्वामी गोपालकृष्णन आणि व्हीएसटी टिलर्स ट्रॅक्टर्स लिमिटेडचे ​​व्यवस्थापकीय संचालक, व्ही टी रवींद्र यांची प्रमुख उपस्थिती होती. अॅक्सिस बॅक शेतकऱ्यांपर्यंत पोहोचण्यासाठी व्यापक विस्ताराचा लाभ घेऊन त्यांना शेतीच्या यांत्रिकीकरणाशी जुळवून घेण्यासाठी क्रेडिट सुविधेपर्यंत सहज प्रवेश मिळेल. या भागीदारीमुळे कृषी क्षेत्राचा कायापालट करण्यासाठी शेतकऱ्यांना त्रासमुक्त, परवडणाऱ्या आणि लवचिक पत सुविधांचा लाभ घेता येईल. शेतकऱ्यांना शेती यांत्रिकीकरणाचा पर्याय निवडण्यास प्रोत्साहित करण्यासाठी बँक लवचिक परतफेडीचे पर्याय, जलद मंजुरी आणि EMI पर्यायांवर विशेष फायदे देईल. ॲक्सिस बँकेच्या भारत बँकिंग विभागाचे कार्यकारी संचालक आणि प्रमुख, श्री मुनीष शारदा म्हणाले, “ग्रामीण समाज आणि अल्पभूधारक शेतकऱ्यांना सर्वात योग्य आर्थिक उपाय प्रदान करून त्यांना सहभागी करून घेण्याचा आणि सक्षम करण्याचा आमचा सतत प्रयत्न आहे. व्हीएसटी टिलर्स अँड ट्रॅक्टर्ससोबत भागीदारी करून, आम्ही या समुदायांना भेडसावणाऱ्या विविध आर्थिक आव्हानांना तोंड देण्यासाठी एकत्रित शक्ती तयार केल्या आहेत, तसेच त्यांना प्रभावी शेती तंत्राचा अवलंब करण्यास प्रोत्साहित केले आहे. आम्ही ग्रामीण भारतातील असंख्य भागीदार आणि पायोनियर्ससोबत आमची युती मजबूत करत असताना, देशभरातील लाखो शेतकऱ्यांच्या जीवनात सकारात्मक आणि अर्थपूर्ण प्रभाव पाडण्याचा आम्हाला विश्वास आहे.” सामंजस्य करारावर स्वाक्षरी करताना व्हीएसटी टिलर्स ट्रॅक्टर्स लिमिटेडचे ​​सीईओ श्री, अँटोनी चेरुकारा म्हणाले, “आम्हाला देशातील आघाडीच्या बँकेसोबत भागीदारी करताना आणि शेतकऱ्यांसाठी आमची नाविन्यपूर्ण शेती उपकरणे अधिक सुलभ आणि परवडणारी बनवताना आनंद होत आहे. आमची भागीदारी ग्रामीण भारतातील शेतकऱ्यांना शेतीचे यांत्रिकीकरण करण्यास आणि त्याद्वारे उत्पादकता वाढविण्यास सक्षम करण्याच्या आमच्या संयुक्त उद्दिष्टाशी संरेखित आहे. व्हीएसटीमध्ये, शेतीचा एकूण वेळ आणि खर्च कमी करून आणि उत्पादन आणि शेतीचे उत्पन्न सुधारून, शेती सुलभ करण्यासाठी आमचा सतत प्रयत्न असतो. आम्हाला खात्री आहे की हा सामंजस्य करार विशेषतः लहान आणि सीमांत शेतकऱ्यांना आमची उत्पादने खरेदी करण्यासाठी त्रासमुक्त कर्ज सुविधा मिळवून देण्यास मदत करेल.” दोन्ही संस्थांनी शेतकरी समुदायाला सशक्त बनवण्याचा एक समान दृष्टीकोन सामायिक केला आहे ज्यामुळे समस्या-मुक्त उपाय आणि कृषी क्षेत्रातील उद्योजकतेला प्रोत्साहन दिले जाते. शेतकऱ्यांना प्रोत्साहन देण्यासाठी त्यांची उत्पादकता वाढवण्यासाठी नवनवीन तंत्रांचा अवलंब करण्यासाठी आणि त्याद्वारे त्यांचे उत्पन्न वाढवण्यासाठी ॲक्सिस बँक कमीत कमी कागदपत्रांसह सुलभ वित्त पर्याय ऑफर करेल. हे सहकार्य कृषी क्षेत्राला समर्थन आणि सक्षम बनवण्याच्या दिशेने एक महत्त्वाचे पाऊल आहे.

नवी दिल्ली, २० मे २०२४: सोनी इंडियाने आज ऑटोमोटिव्ह साउंडच्या क्रांतीत नवीन भर घालत XS-162GS आणि XS-160GS कार स्पीकर्स सादर केले. ज्यांना त्यांच्या फॅक्टरी कार ऑडिओमधून चांगला ऑडिओ अनुभव अपग्रेड...