पुणे-कोरोनाच्या वाढत्या प्रादुर्भावाचा फटका वृत्तपत्र व्यवसायाला बसला असून , त्यामुळे घरोघरी वृत्तपत्र टाकून उदरनिर्वाह करणाऱ्या वृत्तपत्र विक्रेत्यांसमोर आर्थिक अडचणी निर्माण झाल्या आहेत . त्याची दखल घेऊन नगरसेवक श्रीनाथ भिमाले आणि महाराष्ट्र टाईम्स यांच्या तर्फे स्वारगेट विभाग विक्रेत्यांना जीवनावश्यक वस्तूंच्या किटचे वाटप केले . कोरोना विषाणूच्या महामारीमुळे वृत्तपत्रविक्रेत्यांना मोठ्या आर्थिक संकटाला सामोरे जावे लागत आहे . समाजातील हा महत्त्वाचा घटक दुर्लक्षित राहिल्याचे नगरसेवक श्रीनाथ भिमाले यांच्या लक्षात आल्याने , त्यांनी संचारबंदीच्या पार्श्वभूमीवर स्वारगेट वृत्तपत्र विभाग परिसरातील वृत्तपत्रविक्रेत्यांना जीवनावश्यक वस्तूंच्या किटचे वाटप करण्यात आले . या वेळी नगरसेवक श्रीनाथ भिमाले , क्षेत्रीय अधिकारी गणेश सोनुणे,पत्रकार जितेंद्र आष्टीकर ,प्रशांत आहेर यांच्या उपस्थिती मध्ये वाटप करण्यात आले सतीश काळे , चेतन चावीर , प्रशांत लोंढे , रमेश बिबवे, संजय शिंदे , प्रमोद शिळीमकर , अक्षय खिलारे, ओमप्रकाश जैन यांनी कार्यक्रमाचे संयोजन केले .
यावेळी पुणे वृत्तपत्र विक्रेता संघाचे अध्यक्ष विजय पारगे , वरिष्ठ उपाध्यक्ष दत्तात्रय पिसे , सचिव अरुण निवंगुणे , विनायक वाळके, अजय गायकवाड ,वसंत कोल्हटकर , अभिजीत श्रोत्री , भागवत वाघ,योगेश भुजबळ, सुनील बरके , अमित कोंडे उपस्थित होते.
