पुणे: बजाज अॅलियान्झ लाइफ इन्शुरन्स कंपनी लि. या भारतातील एका आघाडीच्या खासगी आयुर्विमा कंपनीने चांगले आरोग्य राखण्यास प्रोत्साहन देण्याच्या हेतूने आयोजित केलेल्या प्लँकेथॉन उपक्रमाने आज गिनीज बुकामध्ये नवा जागतिक विक्रम रचला. या उपक्रमामध्ये, विक्रमी संख्येच्या लोकांनी एकाच वेळी एक संपूर्ण मिनिट अॅब्डॉमिनल प्लँक स्थिती कायम ठेवली. पुणे येथील एएफएमसी ग्राउंड येथे, 2353 लोकांनी अॅब्डॉमिनल प्लँक केल्याने नवा जागतिक विक्रम रचण्यात आला.
अभिनेत्री, होस्ट व फिटनेसप्रेमी शिल्पा शेट्टी कुंद्रा यांनी बजाज अॅलियान्झ लाइफच्या प्लँकेथॉनमध्ये सहभागी झालेल्या लोकांना प्रोत्साहन दिले. गिनिज वर्ल्ड रोकॉर्ड्स™चे अधिकृत निर्णायक रिशी नाथही उपस्थित होते. विविध क्षेत्रांतील व्यक्तींनी या उपक्रमामध्ये सहभाग घेतला आणि एक मिनिट सर्वांनी एकत्रितपणे ‘सर्वाधिक लोकांनी अॅब्डॉमिनल प्लँक स्थिती करणे’ या श्रेणीसाठी नवा गिनीज वर्ल्ड रेकॉर्ड्स रचल्याचा आनंद घेतला.
बजाज अॅलियान्झ लाइफ प्लँकेथॉन हा कंपनीच्या #36SecPlankChallenge या यशस्वी अभियानातील अंतिम उपक्रम होता. लोकांनी निरोगी राहावे, या उद्देशाने आयोजित केलेल्या सोप्या व धमाल कार्यक्रमामध्ये सहभागी होण्यास जास्तीत जास्त लोकांना प्रोत्साहन देण्याच्या दृष्टीने हे अभियान आखले होते. यामध्ये, 36 सेकंद प्लँक करण्यासाठी लोकांनी त्यांचे मित्र, कुटुंब व सहकारी यांना सोशल मीडियावर आव्हान दिले. गेल्या काही महिन्यांत या अभियानामध्ये, सायना नेहवाल, गीता फोगट व दीपा मलिक अशा खेळाडूंनी, फिटनेसप्रेमींनी, मुख्य कार्यकारी अधिकाऱ्यांनी व भारतातील कॉर्पोरेट अधिकाऱ्यांनी भाग घेतला.
नवा जागतिक विक्रम रचण्याबद्दल, बजाज अॅलियान्झ लाइफ इन्शुरन्सचे चीफ मार्केटिंग ऑफिसर चंद्रमोहन मेहरा म्हणाले, “भारताला जागतिक नकाशावर स्थान देईल अशी भव्य फिटनेस चळवळ सुरू करण्याची आमची बांधिलकी प्लँकेथॉन उपक्रमातून दिसून येते. जीवनातील विविध उद्दिष्ट्ये साध्य करण्यासाठी आरोग्य चांगले असणे अतिशय गरजेचे आहे. #36SecPlankChallenge उपक्रमाच्या यशामुळे आम्हाला हा उपक्रम आणखी पुढे नेण्यासाठी प्रोत्साहन मिळाले आहे, तसेच विश्वासार्ह भागीदाराच्या मदतीने आरोग्यविषयक उद्दिष्ट्ये साध्य करत असताना उपलब्ध असणाऱ्या शक्यताही दिसून आल्या.”
बजाज अॅलियान्झ लाइफच्या प्लँकेथॉनसाठी एकत्र आलेल्या लोकांना प्रोत्साहन व प्रेरणा देण्यासाठी उपस्थित असलेल्या अभिनेत्री व फिटनेसप्रेमी शिल्पा शेट्टी कुंद्रा यांनी सांगितले, “बजाज अॅलियान्झ लाइफने अतिशय उत्कृष्ट पद्धतीने #36SecPlankChallenge या उपक्रमाद्वारे अनेक लोकांना एकतर आरोग्यदायी उपक्रम सुरू करण्यासाठी किंवा व्यायामाच्या दैनंदिन वेळापत्रकाचा आणखी आनंद घेण्यासाठी उत्तेजन दिले. असंख्य लोकांना यशस्वीपणे एकत्र आणल्याबद्दल व गिनिज वर्ल्ड रोकॉर्ड्स® रचल्याबदद्ल त्यांचे मनापासून अभिनंदन. सक्रिय जीवनशैली कायम राखण्यासाठी, या लोकांपैकी अनेक जण यापुढेही सामध्ये सातत्य ठेवतील, अशी खात्री आहे व अपेक्षा आहे. असे रंजक उपक्रम आणखी असंख्य जणांना यामध्ये सहभागी होण्यासाठी उत्तेजन देतील.”
गिनिज वर्ल्ड रेकॉर्ड्स™चे अधिकृत निर्णायक रिशी नाथ यांनी सांगितले, “आज, गिनिज बुकात नवा जागतिक विक्रम रचत असताना, येथे दिसून आलेला प्रचंड उत्साह पाहणे आनंदकारक व आश्चर्यकारक होते. “सर्वाधिक लोकांनी अॅब्डॉमिनल प्लँक स्थिती करणे” या श्रेणीमध्ये नवा विक्रम रचल्याबद्दल बजाज अॅलियान्झ लाइफ इन्शुरन्सचे अभिनंदन.
बजाज अॅलियान्झ लाइफ इन्शुरन्स कंपनी लिमिटेडविषयी
बजाज अॅलियान्झ लाइफ इन्शुरन्स ही भारतातील एक आघाडीची खासगी विमा कंपनी आहे. ही बजाज समूहासाठी वित्तीय सेवा हाताळणारा व्यवसाय बजाज फिनसर्व्ह लिमिटेड व जगातील आघाडीचा विमा समूह व जगातील एक सर्वात मोठी संपत्ती व्यवस्थापक अॅलियान्झ एसई यांच्यातील संयुक्त भागीदारी आहे.
बजाज अॅलियान्झ लाइफ इन्शुरन्स कंपनी लिमिटेडने 2001 मध्ये कार्य सुरू केले आणि आज 31 ऑक्टोबर 2018 पर्यंत कंपनीच्या देशात 624 हून अधिक शाखा आहेत. कंपनी आपल्या सक्षम उत्पादनांद्वारे आयुर्विमा उत्पादने उपलब्ध करते व त्यामध्ये ग्राहकांना त्यांच्या जीवनातील उद्दिष्टे पूर्ण करता यावीत म्हणून पारंपरिक विमा उत्पादने व युलिप यांचा समावेश आहे. कंपनी समूह विमा व आरोग्य विमा योजनाही उपलब्ध करते.
